Hanuman's Tale to Bharata

Shloka 1 (yuddha.126.1)

बहूनि नाम वर्षाणि गतस्य सुमहद्वनम्। शृणोम्यहं प्रीतिकरं मम नाथस्य कीर्तनम् ॥ 126.1 ॥

bahūni nāma varṣāṇi gatasya sumahadvanam| śṛṇomyahaṃ prītikaraṃ mama nāthasya kīrtanam || 126.1 ||

"After so many years since my lord went forth to that vast forest, I am hearing this joyful account of him.

Shloka 2 (yuddha.126.2)

कल्याणी बत गाथेयं लौकिकी प्रतिभाति मे। एति जीवन्तमानन्दो नरं वर्षशतादपि ॥ 126.2 ॥

kalyāṇī bata gātheyaṃ laukikī pratibhāti me| eti jīvantamānando naraṃ varṣaśatādapi || 126.2 ||

Truly this common saying now seems beautiful to me — that joy comes at last to a man who lives on, even if it takes a hundred years."

Shloka 3 (yuddha.126.3)

राघवस्य हरीणां च कथमासीत्समागमः। कस्मिन्देशे किमाश्रित्य तत्त्वमाख्याहि पृच्छतः ॥ 126.3 ॥

rāghavasya harīṇāṃ ca kathamāsītsamāgamaḥ| kasmindeśe kimāśritya tattvamākhyāhi pṛcchataḥ || 126.3 ||

"How did the meeting of Raghava with the monkeys come about — in what land, on what occasion? Tell me the truth, as I ask you."

Shloka 4 (yuddha.126.4)

स पृष्टो राजपुत्रेण बृस्यां समुपवेशितः। आचचक्षे ततः सर्वं रामस्य चरितं वने ॥ 126.4 ॥

sa pṛṣṭo rājaputreṇa bṛsyāṃ samupaveśitaḥ| ācacakṣe tataḥ sarvaṃ rāmasya caritaṃ vane || 126.4 ||

Thus asked by the prince, and seated comfortably, Hanuman then began to relate the entire story of Rama's conduct in the forest.

Shloka 5 (yuddha.126.5)

यथा प्रव्रजितो रामो मातुर्दत्ते वरे तव। यथा च पुत्रशोकेन राजा दशरथो मृतः ॥ 126.5 ॥

yathā pravrajito rāmo māturdatte vare tava| yathā ca putraśokena rājā daśaratho mṛtaḥ || 126.5 ||

"How Rama was sent into exile on account of the boon given to your mother, and how King Dasharatha died of grief for his son,

Shloka 6 (yuddha.126.6)

यथा दूतैस्त्वमानीतस्तूर्णं राजगृहात्प्रभो। त्वयायोध्यां प्रविष्टेन यथा राज्यं न चेप्सितम् ॥ 126.6 ॥

yathā dūtaistvamānītastūrṇaṃ rājagṛhātprabho| tvayāyodhyāṃ praviṣṭena yathā rājyaṃ na cepsitam || 126.6 ||

how, O lord, you were swiftly brought back by messengers from your maternal grandfather's house, and how, entering Ayodhya, you did not desire the kingdom,

Shloka 7 (yuddha.126.7)

चित्रकूटं गिरिं गत्वा राज्येनामित्रकर्शनः। निमन्त्रितस्त्वया भ्राता धर्ममाचरिता सताम् ॥ 126.7 ॥

citrakūṭaṃ giriṃ gatvā rājyenāmitrakarśanaḥ| nimantritastvayā bhrātā dharmamācaritā satām || 126.7 ||

how you, the tormentor of foes, went to Mount Chitrakuta and invited your brother, who walked the path of righteousness, to take back the kingdom,

Shloka 8 (yuddha.126.8)

स्थितेन राज्ञो वचने यथा राज्यं विसर्जितम्। आर्यस्य पादुके गृह्य यथासि पुनरागतः ॥ 126.8 ॥

sthitena rājño vacane yathā rājyaṃ visarjitam| āryasya pāduke gṛhya yathāsi punarāgataḥ || 126.8 ||

how Rama, standing firm upon his father's word, renounced the kingdom, and how you returned bearing the noble one's sandals as tokens —

Shloka 9 (yuddha.126.9)

सर्वमेतन्महाबाहो यथावद्विदितं तव। त्वयि प्रतिप्रयाते तु यद्वृत्तं तन्निबोध मे ॥ 126.9 ॥

sarvametanmahābāho yathāvadviditaṃ tava| tvayi pratiprayāte tu yadvṛttaṃ tannibodha me || 126.9 ||

all this, O mighty-armed one, is already known to you as it happened. But hear from me now all that came to pass after you had returned."

Shloka 10 (yuddha.126.10)

अपयाते त्वयि तदा समुद्भ्रान्तमृगद्विजम्। प्रविवेशाथ विजनं सुमहद्दण्डकावनम् ॥ 126.10 ॥

apayāte tvayi tadā samudbhrāntamṛgadvijam| praviveśātha vijanaṃ sumahaddaṇḍakāvanam || 126.10 ||

"When you had departed, that forest of Chitrakuta at once took on a desolate, mournful look, its beasts and birds thrown into fright.

Shloka 11 (yuddha.126.11)

तद्धस्तिमृदितं घोरं सिंहवाग्रमृगाकुलम्। प्रविवेशाथ विजनं स महद्दण्डकावनम् ॥ 126.11 ॥

taddhastimṛditaṃ ghoraṃ siṃhavāgramṛgākulam| praviveśātha vijanaṃ sa mahaddaṇḍakāvanam || 126.11 ||

Trampled by elephants, terrible, and thronging with lions, tigers and deer — Rama then entered that vast, uninhabited Dandaka forest.

Shloka 12 (yuddha.126.12)

तेषां पुरस्ताद्बलवान्गच्छतां गहने वने। विनदन्सुमहानादं विराधः प्रत्यदृश्यत ॥ 126.12 ॥

teṣāṃ purastādbalavāngacchatāṃ gahane vane| vinadansumahānādaṃ virādhaḥ pratyadṛśyata || 126.12 ||

As they journeyed through that dense forest, the mighty demon Viradha appeared before them, roaring a tremendous roar.

Shloka 13 (yuddha.126.13)

तमुत्क्षिप्य महानादमूर्ध्वबाहुमधोमुखम्। निखाते प्रक्षिपन्ति स्म नदन्तमिव कुञ्जरम् ॥ 126.13 ॥

tamutkṣipya mahānādamūrdhvabāhumadhomukham| nikhāte prakṣipanti sma nadantamiva kuñjaram || 126.13 ||

Lifting him up — his arms raised, his head hanging down, bellowing like a trumpeting elephant — they cast him into a pit.

Shloka 14 (yuddha.126.14)

तत्कृत्वा दुष्करं कर्म भ्रातरौ रामलक्ष्मणौ। सायाह्ने शरभङ्गस्य रम्यमाश्रममीयतुः ॥ 126.14 ॥

tatkṛtvā duṣkaraṃ karma bhrātarau rāmalakṣmaṇau| sāyāhne śarabhaṅgasya ramyamāśramamīyatuḥ || 126.14 ||

That arduous deed accomplished, the two brothers, Rama and Lakshmana, reached the lovely hermitage of Sage Sharabhanga that same evening.

Shloka 15 (yuddha.126.15)

शरभङ्गे दिवं प्राप्ते रामः सत्यपराक्रमः। अभिवाद्य मुनीन्सर्वाञ्जनस्थानमुपागमत् ॥ 126.15 ॥

śarabhaṅge divaṃ prāpte rāmaḥ satyaparākramaḥ| abhivādya munīnsarvāñjanasthānamupāgamat || 126.15 ||

When Sharabhanga ascended to heaven, Rama of true valour, having saluted all the sages, went on to the region of Janasthana.

Shloka 16 (yuddha.126.16)

पश्चाच्चूर्पणखा नाम रामपार्श्वमुपागता। ततो रामेण संदिष्टो लक्ष्मणः सहसोत्थितः ॥ 126.16 ॥

paścāccūrpaṇakhā nāma rāmapārśvamupāgatā| tato rāmeṇa saṃdiṣṭo lakṣmaṇaḥ sahasotthitaḥ || 126.16 ||

Thereafter, a demoness named Shurpanakha came to Rama's side. Then, at Rama's bidding, Lakshmana rose at once,

Shloka 17 (yuddha.126.17)

प्रगृह्य खड्गं चिच्छेद कर्णनासे महाबलः। चतुर्दशसहस्राणि रक्षसां भीमकर्मणाम्। हतानि वसता तत्र राघवेण महात्मना ॥ 126.17 ॥

pragṛhya khaḍgaṃ ciccheda karṇanāse mahābalaḥ| caturdaśasahasrāṇi rakṣasāṃ bhīmakarmaṇām| hatāni vasatā tatra rāghaveṇa mahātmanā || 126.17 ||

and, seizing his sword, cut off her ears and nose. And there, dwelling in that region, the great Raghava slew fourteen thousand demons of dreadful deeds.

Shloka 18 (yuddha.126.18)

एकेन सह संगम्य रामेण रणमूर्धनि। अह्नश्चतुर्थभागेन निःशेषा राक्षसाः कृताः ॥ 126.18 ॥

ekena saha saṃgamya rāmeṇa raṇamūrdhani| ahnaścaturthabhāgena niḥśeṣā rākṣasāḥ kṛtāḥ || 126.18 ||

Meeting them alone at the height of battle, Rama utterly annihilated those gathered demons within a mere quarter of the day.

Shloka 19 (yuddha.126.19)

महाबला महावीर्यास्तपसो विघ्नकारिणः ॥ 126.19 ॥

mahābalā mahāvīryāstapaso vighnakāriṇaḥ || 126.19 ||

Those demons, mighty in strength and valour, had been the ones who obstructed the penance of ascetics.

Shloka 20 (yuddha.126.20)

निहता राघवेणाजौ दण्डकारण्यवासिनः। राक्षसाश्च विनिष्पिष्टाः खरश्च निहतो रणे ॥ 126.20 ॥

nihatā rāghaveṇājau daṇḍakāraṇyavāsinaḥ| rākṣasāśca viniṣpiṣṭāḥ kharaśca nihato raṇe || 126.20 ||

Raghava slew the demon-dwellers of the Dandaka forest in that battle; the demons were crushed to pieces, and Khara too was killed in the fight.

Shloka 21 (yuddha.126.21)

दूषणं चाग्रतो हत्वा त्रिशिरास्तदनन्तम्। ततस्तेनार्दिता बाला रावणं समुपागता ॥ 126.21 ॥

dūṣaṇaṃ cāgrato hatvā triśirāstadanantam| tatastenārditā bālā rāvaṇaṃ samupāgatā || 126.21 ||

Slaying Dushana first, and immediately after him Trishira as well — tormented by this, that young demoness went to Ravana.

Shloka 22 (yuddha.126.22)

रावणानुचरो घोरो मारीचो नाम राक्षसः। लोभयामास वैदेहीं भूत्वा रत्नमयो मृगः ॥ 126.22 ॥

rāvaṇānucaro ghoro mārīco nāma rākṣasaḥ| lobhayāmāsa vaidehīṃ bhūtvā ratnamayo mṛgaḥ || 126.22 ||

Ravana's follower, a terrible demon named Maricha, took the form of a jewel-studded deer and set about tempting Vaidehi.

Shloka 23 (yuddha.126.23)

सा राममब्रवीद्दृष्ट्वा वैदेही गृह्यतामिति। अयं मनोहरः कान्त आश्रमो नो भविष्यति ॥ 126.23 ॥

sā rāmamabravīddṛṣṭvā vaidehī gṛhyatāmiti| ayaṃ manoharaḥ kānta āśramo no bhaviṣyati || 126.23 ||

Seeing it, Vaidehi said to Rama, 'Let it be caught — this lovely, enchanting deer shall grace our hermitage.'

Shloka 24 (yuddha.126.24)

ततो रामो धनुष्पाणिर्धावन्तमनुधावति। स तं जघान धावन्तं शरेणानतपर्वणा ॥ 126.24 ॥

tato rāmo dhanuṣpāṇirdhāvantamanudhāvati| sa taṃ jaghāna dhāvantaṃ śareṇānataparvaṇā || 126.24 ||

Then Rama, bow in hand, ran after that fleeing deer, and as it ran he struck it down with an arrow of curved joints.

Shloka 25 (yuddha.126.25)

अथ सौम्या दशग्रीवो मृगं याते तु राघवे। लक्ष्मणे चापि निष्क्रान्ते प्रविवेशाश्रमं तदा ॥ 126.25 ॥

atha saumyā daśagrīvo mṛgaṃ yāte tu rāghave| lakṣmaṇe cāpi niṣkrānte praviveśāśramaṃ tadā || 126.25 ||

O gentle one! While Raghava was away chasing the deer, and Lakshmana too had stepped out, the ten-necked Ravana entered the hermitage.

Shloka 26 (yuddha.126.26)

जग्राह तरसा सीतां ग्रहः खे रोहिणीम् इव। त्रातुकामं ततो युद्धे हत्वा गृध्रं जटायुषम् ॥ 126.26 ॥

jagrāha tarasā sītāṃ grahaḥ khe rohiṇīm iva| trātukāmaṃ tato yuddhe hatvā gṛdhraṃ jaṭāyuṣam || 126.26 ||

As a planet in the sky seizes the star Rohini, so did he violently seize Sita; and having slain, in that fight, the vulture Jatayu who sought to save her,

Shloka 27 (yuddha.126.27)

प्रगृह्य सहसा सीतां जगामाशु स राक्षसः। ततस्त्वद्भुतसङ्काशाः स्थिताः पर्वतमूर्धनि ॥ 126.27 ॥

pragṛhya sahasā sītāṃ jagāmāśu sa rākṣasaḥ| tatastvadbhutasaṅkāśāḥ sthitāḥ parvatamūrdhani || 126.27 ||

that demon seized Sita and swiftly made off with her. Then, upon a mountain peak, a band of wondrous-seeming monkeys standing there

Shloka 28 (yuddha.126.28)

सीतां गृहीत्वा गच्छन्तं वानराः पर्वतोपमाः। ददृशुर्विस्मितास्तत्र रावणं राक्षसाधिपम् ॥ 126.28 ॥

sītāṃ gṛhītvā gacchantaṃ vānarāḥ parvatopamāḥ| dadṛśurvismitāstatra rāvaṇaṃ rākṣasādhipam || 126.28 ||

those monkeys, huge as mountains, watched in astonishment as Ravana, lord of demons, carried Sita away before their eyes.

Shloka 29 (yuddha.126.29)

ततः शीघ्रतरं गत्वा तद्विमानं मनोजवम्। आरुह्य सह वैदेह्या पुष्पकं स महाबलः ॥ 126.29 ॥

tataḥ śīghrataraṃ gatvā tadvimānaṃ manojavam| āruhya saha vaidehyā puṣpakaṃ sa mahābalaḥ || 126.29 ||

Then that mighty Ravana, hastening swiftly, mounted the Pushpaka chariot — swift as thought — together with Vaidehi,

Shloka 30 (yuddha.126.30)

प्रविवेश तदा लङ्कां रावणो लोकरावणः। तां सुवर्णपरिक्रान्ते शुभे महति वेश्मनि ॥ 126.30 ॥

praviveśa tadā laṅkāṃ rāvaṇo lokarāvaṇaḥ| tāṃ suvarṇaparikrānte śubhe mahati veśmani || 126.30 ||

and Ravana, who made the very world weep, then entered Lanka; and into that great, auspicious mansion, adorned with gold, Sita was led —

Shloka 31 (yuddha.126.31)

प्रवेश्य मैथिलीं वाक्यैः सान्त्वयामास रावणः। तृणवद्भाषितं तस्य तं च नैरृतपुंगवम् ॥ 126.31 ॥

praveśya maithilīṃ vākyaiḥ sāntvayāmāsa rāvaṇaḥ| tṛṇavadbhāṣitaṃ tasya taṃ ca nairṛtapuṃgavam || 126.31 ||

having led Maithili in, Ravana tried to soothe her with soft words; but that finest of night-wanderers and all his talk she counted no more than a blade of straw.

Shloka 32 (yuddha.126.32)

अचिन्तयन्ती वैदेही ह्यशोकवनिकां गता। न्यवर्तत तदा रामो मृगं हत्वा तदा वने ॥ 126.32 ॥

acintayantī vaidehī hyaśokavanikāṃ gatā| nyavartata tadā rāmo mṛgaṃ hatvā tadā vane || 126.32 ||

Vaidehi, lost in thought, was thus brought to the Ashoka grove. On the other side, having slain the deer, Rama turned back through the forest.

Shloka 33 (yuddha.126.33)

निवर्तमानः काकुत्स्थो दृष्ट्वा गृध्रं प्रविव्यथे। गृध्रं हतं तदा दग्ध्वा रामः प्रियसखं पितुः ॥ 126.33 ॥

nivartamānaḥ kākutstho dṛṣṭvā gṛdhraṃ pravivyathe| gṛdhraṃ hataṃ tadā dagdhvā rāmaḥ priyasakhaṃ pituḥ || 126.33 ||

Returning, Kakutstha saw the vulture and was struck with grief; and finding that friend — dearer to him than his own father — slain, Rama performed his last rites.

Shloka 34 (yuddha.126.34)

मार्गमाणस्तु वैदेहीं राघवः सहलक्ष्मणः। गोदावरीमनुचरन्वनोद्देशांश्च पुष्पितान् ॥ 126.34 ॥

mārgamāṇastu vaidehīṃ rāghavaḥ sahalakṣmaṇaḥ| godāvarīmanucaranvanoddeśāṃśca puṣpitān || 126.34 ||

Then, searching for Vaidehi, Raghava together with Lakshmana wandered along the Godavari's banks through blossoming woodlands.

Shloka 35 (yuddha.126.35)

आसेदतुर्महारण्ये कबन्धं नाम राक्षसं। ततः कबन्धवचनाद्रामः सत्यपराक्रमः ॥ 126.35 ॥

āsedaturmahāraṇye kabandhaṃ nāma rākṣasaṃ| tataḥ kabandhavacanādrāmaḥ satyaparākramaḥ || 126.35 ||

In that vast forest they came upon a demon named Kabandha; then, on Kabandha's own counsel, Rama of true valour,

Shloka 36 (yuddha.126.36)

ऋश्यमूकं गिरिं गत्वा सुग्रीवेण समागतः। तयोः समागमः पूर्वं प्रीत्या हार्दो व्यजायत ॥ 126.36 ॥

ṛśyamūkaṃ giriṃ gatvā sugrīveṇa samāgataḥ| tayoḥ samāgamaḥ pūrvaṃ prītyā hārdo vyajāyata || 126.36 ||

went to Mount Rishyamuka and met Sugriva. That very first meeting between them blossomed at once into a warm, heartfelt friendship.

Shloka 37 (yuddha.126.37)

भ्रात्रा निरस्तः क्रुद्धेन सुग्रीवो वालिना पुरा। इतरेतरसंवादात्प्रगाढः प्रणयस्तयोः ॥ 126.37 ॥

bhrātrā nirastaḥ kruddhena sugrīvo vālinā purā| itaretarasaṃvādātpragāḍhaḥ praṇayastayoḥ || 126.37 ||

Sugriva had earlier been driven out by his own enraged brother Vali; and through their mutual exchange of words, the friendship between the two of them deepened still further.

Shloka 38 (yuddha.126.38)

रामः स्वबाहुवीर्येण स्वराज्यं प्रत्यपादयत्। वालिनं समरे हत्वा महाकायं महाबलम् ॥ 126.38 ॥

rāmaḥ svabāhuvīryeṇa svarājyaṃ pratyapādayat| vālinaṃ samare hatvā mahākāyaṃ mahābalam || 126.38 ||

By the might of his own arms, slaying the huge and mighty Vali in combat, Rama restored the kingdom to Sugriva.

Shloka 39 (yuddha.126.39)

सुग्रीवः स्थापितो राज्ये सहितः सर्ववानरैः। रामाय प्रतिजानीते राजपुत्र्यास्तु मार्गणम् ॥ 126.39 ॥

sugrīvaḥ sthāpito rājye sahitaḥ sarvavānaraiḥ| rāmāya pratijānīte rājaputryāstu mārgaṇam || 126.39 ||

Sugriva, thus established on his throne with all his monkey-hosts, pledged to Rama that he would search for the princess.

Shloka 40 (yuddha.126.40)

आदिष्टा वानरेन्द्रेण सुग्रीवेण महात्मना। दशकोट्यः प्लवङ्गानां सर्वाः प्रस्थापिता दिशः ॥ 126.40 ॥

ādiṣṭā vānarendreṇa sugrīveṇa mahātmanā| daśakoṭyaḥ plavaṅgānāṃ sarvāḥ prasthāpitā diśaḥ || 126.40 ||

At the command of the great-souled lord of monkeys, Sugriva, ten crores of monkey-troops were despatched to every quarter.

Shloka 41 (yuddha.126.41)

तेषां नो विप्रनष्टानां विन्ध्ये पर्वतसत्तमे। भृशं शोकाभितप्तानां महान्कालोअत्यवर्तत ॥ 126.41 ॥

teṣāṃ no vipranaṣṭānāṃ vindhye parvatasattame| bhṛśaṃ śokābhitaptānāṃ mahānkāloatyavartata || 126.41 ||

Having lost our way among the finest of the Vindhya ranges, we, sorely stricken with sorrow, watched a long time slip past us.

Shloka 42 (yuddha.126.42)

भ्राता तु गृध्रराजस्य सम्पातिर्नाम वीर्यवान्। समाख्याति स्म वसतिं सीताया रावणालये ॥ 126.42 ॥

bhrātā tu gṛdhrarājasya sampātirnāma vīryavān| samākhyāti sma vasatiṃ sītāyā rāvaṇālaye || 126.42 ||

Then Sampati, the valiant brother of the vulture-king Jatayu, told us precisely that Sita was dwelling in Ravana's abode.

Shloka 43 (yuddha.126.43)

सोअहं दुःखपरीतानां दुःखं तज्ज्ञातिनां नुदन्। आत्मवीर्यं समास्थाय योजनानां शतं प्लुतः ॥ 126.43 ॥

soahaṃ duḥkhaparītānāṃ duḥkhaṃ tajjñātināṃ nudan| ātmavīryaṃ samāsthāya yojanānāṃ śataṃ plutaḥ || 126.43 ||

Dispelling the grief of my sorrow-stricken kinsfolk, I, relying on my own strength alone, leapt across a hundred yojanas of ocean.

Shloka 44 (yuddha.126.44)

तत्राहमेकामद्राक्षमशोकवनिकां गताम्। कौशेयवस्त्रां मलिनां निरानन्दां दृढव्रताम् ॥ 126.44 ॥

tatrāhamekāmadrākṣamaśokavanikāṃ gatām| kauśeyavastrāṃ malināṃ nirānandāṃ dṛḍhavratām || 126.44 ||

There I saw her alone, in the Ashoka grove — clad in a soiled silken garment, joyless, yet unwavering in her resolve.

Shloka 45 (yuddha.126.45)

तया समेत्य विधिवत्पृष्ट्वा सर्वमनिन्दिताम्। अभिज्ञानं मया दत्तं रामनामाङ्गुलीयकम् ॥ 126.45 ॥

tayā sametya vidhivatpṛṣṭvā sarvamaninditām| abhijñānaṃ mayā dattaṃ rāmanāmāṅgulīyakam || 126.45 ||

Meeting her in due form and asking that blameless lady all things, I gave her, as a token, the ring bearing Rama's name.

Shloka 46 (yuddha.126.46)

अभिज्ञानं मणिं लब्ध्वा चरितार्थोअहमागतः। मया च पुनरागम्य रामस्याक्लिष्टकर्मणः ॥ 126.46 ॥

abhijñānaṃ maṇiṃ labdhvā caritārthoahamāgataḥ| mayā ca punarāgamya rāmasyākliṣṭakarmaṇaḥ || 126.46 ||

Receiving from her, in return, a jewel as a token, I came back, my mission fulfilled; and on my return I gave that jewel to the tireless Rama.

Shloka 47 (yuddha.126.47)

अभिज्ञानं मया दत्तमर्चिष्मान्स महामणिः। श्रुत्वा तां मैथिलीं हृष्टस्त्वाशशंसे स जीवितम् ॥ 126.47 ॥

abhijñānaṃ mayā dattamarciṣmānsa mahāmaṇiḥ| śrutvā tāṃ maithilīṃ hṛṣṭastvāśaśaṃse sa jīvitam || 126.47 ||

Receiving that radiant great jewel I had brought, and hearing news of Maithili, Rama, overjoyed, began once more to hope for life,

Shloka 48 (yuddha.126.48)

जीवितान्तमनुप्राप्तः पीत्वामृतमिवातुरः। उद्योजयिष्यन्नुद्योगं दध्रे लङ्कावधे मनः ॥ 126.48 ॥

jīvitāntamanuprāptaḥ pītvāmṛtamivāturaḥ| udyojayiṣyannudyogaṃ dadhre laṅkāvadhe manaḥ || 126.48 ||

as a dying man, drinking nectar, returns to life. Then, filled with resolve, he set his mind upon the destruction of Lanka.

Shloka 49 (yuddha.126.49)

जिघांसुरिव लोकांस्ते सर्वांल्लोकान्विभावसुः। ततः समुद्रमासाद्य नलं सेतुमकारयत् ॥ 126.49 ॥

jighāṃsuriva lokāṃste sarvāṃllokānvibhāvasuḥ| tataḥ samudramāsādya nalaṃ setumakārayat || 126.49 ||

Like the fire that, at the end of an age, longs to consume all the worlds — thereafter, reaching the ocean's shore, he had Nala build a bridge across it.

Shloka 50 (yuddha.126.50)

अतरत्कपिवीराणां वाहिनी तेन सेतुना। प्रहस्तमवधीन्नीलः कुम्भकर्णं तु राघवः ॥ 126.50 ॥

ataratkapivīrāṇāṃ vāhinī tena setunā| prahastamavadhīnnīlaḥ kumbhakarṇaṃ tu rāghavaḥ || 126.50 ||

By that bridge the army of monkey-heroes crossed the ocean. Nila slew Prahasta, and Raghava himself slew Kumbhakarna,

Shloka 51 (yuddha.126.51)

लक्ष्मणो रावणसुतं स्वयं रामस्तु रावणम्। स शक्रेण समागम्य यमेन वरुणेन च ॥ 126.51 ॥

lakṣmaṇo rāvaṇasutaṃ svayaṃ rāmastu rāvaṇam| sa śakreṇa samāgamya yamena varuṇena ca || 126.51 ||

Lakshmana slew Ravana's son, and Rama himself slew Ravana. Then, together with Indra, Yama and Varuna,

Shloka 52 (yuddha.126.52)

महेश्वरस्वयम्भूभ्यां तथा दशरथेन च। तैश्च काकुत्थ्सो वरान् लेभे परंतपः ॥ 126.52 ॥

maheśvarasvayambhūbhyāṃ tathā daśarathena ca| taiśca kākutthso varān lebhe paraṃtapaḥ || 126.52 ||

and also Maheshvara, Svayambhu Brahma, and Dasharatha, he met with them all; and Kakutstha, the tormentor of foes, received boons from each of them.

Shloka 53 (yuddha.126.53)

सुरर्षिभिश्च काकुत्स्थो वरांल्लेभे परन्तपः। स तु दत्तवरः प्रीत्या वानरैश्च समागतः ॥ 126.53 ॥

surarṣibhiśca kākutstho varāṃllebhe parantapaḥ| sa tu dattavaraḥ prītyā vānaraiśca samāgataḥ || 126.53 ||

From the divine seers too, Kakutstha the tormentor of foes received boons. Thus blessed with boons, he, with the monkeys gathered joyfully about him,

Shloka 54 (yuddha.126.54)

पुष्पकेण विमानेन किष्किन्धामभ्युपागमत्। तं गङ्गां पुनरासाद्य वसन्तं मुनिसंनिधौ ॥ 126.54 ॥

puṣpakeṇa vimānena kiṣkindhāmabhyupāgamat| taṃ gaṅgāṃ punarāsādya vasantaṃ munisaṃnidhau || 126.54 ||

travelled on by the Pushpaka chariot to Kishkindha. From there, reaching the bank of the Ganga once more, he is even now staying in the presence of Sage Bharadwaja.

Shloka 55 (yuddha.126.55)

अविघ्नं पुष्ययोगेन श्वो रामं द्रष्टुमर्हसि। ततः स सत्यं हनुमद्वचो महन्। निशम्य हृष्टो भरतः कृताञ्जलिः। उवाच वाणीं मनसः प्रहर्षिणी। चिरस्य पूर्णः खलु मे मनोरथः ॥ 126.55 ॥

avighnaṃ puṣyayogena śvo rāmaṃ draṣṭumarhasi| tataḥ sa satyaṃ hanumadvaco mahan| niśamya hṛṣṭo bharataḥ kṛtāñjaliḥ| uvāca vāṇīṃ manasaḥ praharṣiṇī| cirasya pūrṇaḥ khalu me manorathaḥ || 126.55 ||

Tomorrow, in the auspicious Pushya conjunction, without any hindrance you shall behold Rama." Hearing this great and truthful word of Hanuman, Bharata, overjoyed, joined his palms together and spoke, in a voice that gladdened the heart — "After so long a time, my heart's desire is at last, truly, fulfilled."