Rama's Coronation and the Fruits of the Ramayana

Shloka 1 (yuddha.128.1)

शिरस्यञ्जलिमादाय कैकेयीनन्दिवर्धनः। बभाषे भरतो ज्येष्ठन् रामं सत्यपराक्रमम् ॥ 128.1 ॥

śirasyañjalimādāya kaikeyīnandivardhanaḥ| babhāṣe bharato jyeṣṭhan rāmaṃ satyaparākramam || 128.1 ||

Bharata, who gladdens Kaikeyi's heart, raising his joined palms to his head, spoke to his elder brother Rama, of true valour —

Shloka 2 (yuddha.128.2)

पूजिता मामिका माता दत्तन् राज्यमिदं मम। तद्ददामि पुनस्तुभ्यन् यथा त्वमददा मम ॥ 128.2 ॥

pūjitā māmikā mātā dattan rājyamidaṃ mama| taddadāmi punastubhyan yathā tvamadadā mama || 128.2 ||

"My mother's wish was honoured, and this kingdom was given to me; that very kingdom I now give back to you, just as you once gave it to me.

Shloka 3 (yuddha.128.3)

धुरमेकाकिना न्यस्तामृषभेण बलीयसा। किशोरवद्गुरुं भारं न वोढुमहमुत्सहे ॥ 128.3 ॥

dhuramekākinā nyastāmṛṣabheṇa balīyasā| kiśoravadguruṃ bhāraṃ na voḍhumahamutsahe || 128.3 ||

I cannot bear alone the yoke that belongs upon a mighty bull; like a mere calf, I am not able to carry so heavy a burden.

Shloka 4 (yuddha.128.4)

वारिवेगेन महता भिन्नः सेतुरिव क्षरन्। दुर्बन्धनमिदं मन्ये राज्यच्छिद्रमसन्वृतम् ॥ 128.4 ॥

vārivegena mahatā bhinnaḥ seturiva kṣaran| durbandhanamidaṃ manye rājyacchidramasanvṛtam || 128.4 ||

Like a dam broken by the force of a mighty flood, still leaking on — I think this uncovered breach in the kingdom is one I cannot properly seal.

Shloka 5 (yuddha.128.5)

गतिं खर इवाश्वस्य हन्सस्येव च वायसः। नान्वेतुमुत्सहे देव तव मार्गमरिन्दम ॥ 128.5 ॥

gatiṃ khara ivāśvasya hansasyeva ca vāyasaḥ| nānvetumutsahe deva tava mārgamarindama || 128.5 ||

O god, tormentor of foes! As a donkey cannot follow the gait of a horse, nor a crow that of a swan, so I am not able to follow in your path.

Shloka 6 (yuddha.128.6)

यथा च रोपितो वृक्षो जातश्चान्तर्निवेशने। महांश्च सुदुरारोहो महास्कन्धः प्रशाखवान् ॥ 128.6 ॥

yathā ca ropito vṛkṣo jātaścāntarniveśane| mahāṃśca sudurāroho mahāskandhaḥ praśākhavān || 128.6 ||

And as when a tree is planted and grows up within an inner courtyard, becoming huge, very hard to climb, with a massive trunk and spreading boughs,

Shloka 7 (yuddha.128.7)

शीर्येत पुष्पितो भूत्वा न फलानि प्रदर्शयेत्। तस्य नानुभवेदर्थन् यस्य हेतोः स रोप्यते ॥ 128.7 ॥

śīryeta puṣpito bhūtvā na phalāni pradarśayet| tasya nānubhavedarthan yasya hetoḥ sa ropyate || 128.7 ||

then, having flowered, sheds its blossoms without ever showing fruit — then he for whose sake it was planted cannot enjoy its purpose.

Shloka 8 (yuddha.128.8)

एषोपमा महाबाहो त्वमर्थन् वेत्तुमर्हसि। यद्यस्मान्मनुजेन्द्र त्वं भक्तान्भृत्यान्न शाधि हि ॥ 128.8 ॥

eṣopamā mahābāho tvamarthan vettumarhasi| yadyasmānmanujendra tvaṃ bhaktānbhṛtyānna śādhi hi || 128.8 ||

This, O mighty-armed one, is the comparison you should understand. O lord of men, if you do not rule over us, your devoted servants,

Shloka 9 (yuddha.128.9)

जगदद्याभिषिक्तन् त्वामनुपश्यतु सर्वतः। प्रतपन्तमिवादित्यं मध्याह्ने दीप्ततेजसं ॥ 128.9 ॥

jagadadyābhiṣiktan tvāmanupaśyatu sarvataḥ| pratapantamivādityaṃ madhyāhne dīptatejasaṃ || 128.9 ||

then let the whole world behold you today, consecrated, blazing with splendour on every side, like the sun burning at noon.

Shloka 10 (yuddha.128.10)

तूर्यसङ्घातनिर्घोषैः काञ्चीनूपुरनिस्वनैः। मधुरैर्गीतशब्दैश्च प्रतिबुध्यस्व शेष्व च ॥ 128.10 ॥

tūryasaṅghātanirghoṣaiḥ kāñcīnūpuranisvanaiḥ| madhurairgītaśabdaiśca pratibudhyasva śeṣva ca || 128.10 ||

To the deep sound of massed musical instruments, to the sweet chiming of girdles and anklets, and to the sound of sweet songs, awaken now — sleep no more —

Shloka 11 (yuddha.128.11)

यावदावर्तते चक्रन् यावती च वसुन्धरा। तावत्त्वमिह सर्वस्य स्वामित्वमभिवर्तय ॥ 128.11 ॥

yāvadāvartate cakran yāvatī ca vasundharā| tāvattvamiha sarvasya svāmitvamabhivartaya || 128.11 ||

for as long as the wheel of time turns and this earth endures, do you continue here to sustain the sovereignty over all."

Shloka 12 (yuddha.128.12)

भरतस्य वचः श्रुत्वा रामः परपुरञ्जयः। तथेति प्रतिजग्राह निषसादासने शुभे ॥ 128.12 ॥

bharatasya vacaḥ śrutvā rāmaḥ parapurañjayaḥ| tatheti pratijagrāha niṣasādāsane śubhe || 128.12 ||

Rama, conqueror of enemy cities, hearing Bharata's words, accepted them saying "So be it", and seated himself upon an auspicious seat.

Shloka 13 (yuddha.128.13)

ततः शत्रुघ्नवचनान्निपुणाः श्मश्रुवर्धकाः। सुखहस्ताः सुशीघ्राश्च राघवं पर्युपासत ॥ 128.13 ॥

tataḥ śatrughnavacanānnipuṇāḥ śmaśruvardhakāḥ| sukhahastāḥ suśīghrāśca rāghavaṃ paryupāsata || 128.13 ||

Then, at Shatrughna's bidding, skilled barbers, deft of hand and very swift, came and attended upon Raghava.

Shloka 14 (yuddha.128.14)

पूर्वन् तु भरते स्नाते लक्ष्मणे च महाबले। सुग्रीवे वानरेन्द्रे च राक्षसेन्द्रे विभीषणे ॥ 128.14 ॥

pūrvan tu bharate snāte lakṣmaṇe ca mahābale| sugrīve vānarendre ca rākṣasendre vibhīṣaṇe || 128.14 ||

First, when Bharata, mighty Lakshmana, Sugriva lord of monkeys, and Vibhishana lord of demons had all bathed —

Shloka 15 (yuddha.128.15)

विशोधितजटः स्नातश्चित्रमाल्यानुलेपनः। महार्हवसनोपेतस्तस्थौ तत्र श्रिया ज्वलन् ॥ 128.15 ॥

viśodhitajaṭaḥ snātaścitramālyānulepanaḥ| mahārhavasanopetastasthau tatra śriyā jvalan || 128.15 ||

his matted locks cleared and dressed, bathed, adorned with rich garlands and fragrant unguents, clad in costly robes, Rama sat there ablaze with splendour.

Shloka 16 (yuddha.128.16)

प्रतिकर्म च रामस्य कारयामास वीर्यवान्। लक्ष्मणस्य च लक्ष्मीवानिक्ष्वाकुकुलवर्धनः ॥ 128.16 ॥

pratikarma ca rāmasya kārayāmāsa vīryavān| lakṣmaṇasya ca lakṣmīvānikṣvākukulavardhanaḥ || 128.16 ||

Lakshmi-blessed Bharata, augmenter of the Ikshvaku line, had the toilette of both Rama and Lakshmana attended to himself,

Shloka 17 (yuddha.128.17)

प्रतिकर्म च सीतायाः सर्वा दशरथस्त्रियः। आत्मनैव तदा चक्रुर्मनस्विन्यो मनोहरम् ॥ 128.17 ॥

pratikarma ca sītāyāḥ sarvā daśarathastriyaḥ| ātmanaiva tadā cakrurmanasvinyo manoharam || 128.17 ||

while all of Dasharatha's queens, wise and gracious, themselves attended to Sita's lovely adornment.

Shloka 18 (yuddha.128.18)

ततो राघवपत्नीनान् सर्वासामेव शोभनम्। चकार यत्नात्कौसल्या प्रहृष्टा पुत्रवत्सला ॥ 128.18 ॥

tato rāghavapatnīnān sarvāsāmeva śobhanam| cakāra yatnātkausalyā prahṛṣṭā putravatsalā || 128.18 ||

Then, Kausalya, loving toward her son and filled with delight, took pains to arrange a beautiful adornment for all the wives of the monkeys as well.

Shloka 19 (yuddha.128.19)

ततः शत्रुघ्नवचनात्सुमन्त्रो नाम सारथिः। योजयित्वाभिचक्राम रथन् सर्वाङ्गशोभनम् ॥ 128.19 ॥

tataḥ śatrughnavacanātsumantro nāma sārathiḥ| yojayitvābhicakrāma rathan sarvāṅgaśobhanam || 128.19 ||

Then, at Shatrughna's command, the charioteer named Sumantra yoked a chariot, beautiful in every part, and drove it up.

Shloka 20 (yuddha.128.20)

अर्कमण्डलसङ्काशन् दिव्यं दृष्ट्वा रथन् स्थितम्। आरुरोह महाबाहू रामः सत्यपराक्रमः ॥ 128.20 ॥

arkamaṇḍalasaṅkāśan divyaṃ dṛṣṭvā rathan sthitam| āruroha mahābāhū rāmaḥ satyaparākramaḥ || 128.20 ||

Beholding that divine chariot, standing there like the very disc of the sun, mighty-armed Rama of true valour mounted it.

Shloka 21 (yuddha.128.21)

सुग्रीवो हनुमांश्चैव महेन्द्रसदृशद्युती। स्नातौ दिव्यनिभैर्वस्त्रैर्जग्मतुः शुभकुण्डलौ ॥ 128.21 ॥

sugrīvo hanumāṃścaiva mahendrasadṛśadyutī| snātau divyanibhairvastrairjagmatuḥ śubhakuṇḍalau || 128.21 ||

Sugriva and Hanuman, radiant as great Indra, having bathed, clad in raiment like the celestials', wearing splendid earrings, set forth too.

Shloka 22 (yuddha.128.22)

सर्वाभरणजुष्टाश्च ययुस्ताः शुभकुण्डलाः। सुग्रीवपत्न्याः सीता च द्रष्टुं नगरमुत्सुकाः ॥ 128.22 ॥

sarvābharaṇajuṣṭāśca yayustāḥ śubhakuṇḍalāḥ| sugrīvapatnyāḥ sītā ca draṣṭuṃ nagaramutsukāḥ || 128.22 ||

Sugriva's wives, adorned with every ornament and lovely earrings, and Sita too, eager to see the city, went along.

Shloka 23 (yuddha.128.23)

अयोध्यायान् तु सचिवा राज्ञो दशरथस्य च। पुरोहितं पुरस्कृत्य मन्त्रयामासुरर्थवत् ॥ 128.23 ॥

ayodhyāyān tu sacivā rājño daśarathasya ca| purohitaṃ puraskṛtya mantrayāmāsurarthavat || 128.23 ||

Meanwhile in Ayodhya, King Dasharatha's ministers, placing the family priest at their head, took counsel together on the matter.

Shloka 24 (yuddha.128.24)

अशोको विजयश्चैव सिद्धार्थश्च समाहिताः। मन्त्रयन्रामवृद्ध्यर्थन् वृत्त्यर्थं नगरस्य च ॥ 128.24 ॥

aśoko vijayaścaiva siddhārthaśca samāhitāḥ| mantrayanrāmavṛddhyarthan vṛttyarthaṃ nagarasya ca || 128.24 ||

Ashoka, Vijaya and Siddhartha too, deliberating with care, took counsel for Rama's prosperity and for the good order of the city —

Shloka 25 (yuddha.128.25)

सर्वमेवाभिषेकार्थन् जयार्हस्य महात्मनः। कर्तुमर्हथ रामस्य यद्यन्मङ्गलपूर्वकम् ॥ 128.25 ॥

sarvamevābhiṣekārthan jayārhasya mahātmanaḥ| kartumarhatha rāmasya yadyanmaṅgalapūrvakam || 128.25 ||

"Let all of you now prepare everything auspicious and mangala-bearing for the coronation of the great-souled Rama, who is worthy of victory."

Shloka 26 (yuddha.128.26)

इति ते मन्त्रिणः सर्वे सन्दिश्य तु पुरोहितम्। नगरान्निर्ययुस्तूर्णन् रामदर्शनबुद्धयः ॥ 128.26 ॥

iti te mantriṇaḥ sarve sandiśya tu purohitam| nagarānniryayustūrṇan rāmadarśanabuddhayaḥ || 128.26 ||

Thus, all those ministers, having instructed the family priest, went forth swiftly from the city, their hearts set on seeing Rama.

Shloka 27 (yuddha.128.27)

हरियुक्तन् सहस्राक्षो रथमिन्द्र इवानघः। प्रययौ रथमास्थाय रामो नगरमुत्तमम् ॥ 128.27 ॥

hariyuktan sahasrākṣo rathamindra ivānaghaḥ| prayayau rathamāsthāya rāmo nagaramuttamam || 128.27 ||

As the sinless, thousand-eyed Indra rides forth upon his chariot, so too, mounted on his horse-yoked chariot, Rama set out for that supreme city.

Shloka 28 (yuddha.128.28)

जग्राह भरतो रश्मीञ्शत्रुघ्नश्छत्रमाददे। लक्ष्मणो व्यजनन् तस्य मूर्ध्नि सम्पर्यवीजयत् ॥ 128.28 ॥

jagrāha bharato raśmīñśatrughnaśchatramādade| lakṣmaṇo vyajanan tasya mūrdhni samparyavījayat || 128.28 ||

Bharata took up the reins, Shatrughna held the parasol, and Lakshmana began to wave the fly-whisk above his head.

Shloka 29 (yuddha.128.29)

श्वेतन् च वालव्यजनन् सुग्रीवो वानरेश्वरः। अपरन् चन्द्रसङ्काशन् राक्षसेन्द्रो विभीषणः ॥ 128.29 ॥

śvetan ca vālavyajanan sugrīvo vānareśvaraḥ| aparan candrasaṅkāśan rākṣasendro vibhīṣaṇaḥ || 128.29 ||

Sugriva, lord of monkeys, held a white fly-whisk, and Vibhishana, lord of demons, held another, bright as the moon.

Shloka 30 (yuddha.128.30)

ऋषिसङ्घैर्तदाकाशे देवैश्च समरुद्गणैः। स्तूयमानस्य रामस्य शुश्रुवे मधुरध्वनिः ॥ 128.30 ॥

ṛṣisaṅghairtadākāśe devaiśca samarudgaṇaiḥ| stūyamānasya rāmasya śuśruve madhuradhvaniḥ || 128.30 ||

In the sky, amid throngs of sages, gods and the host of Maruts, a sweet sound of fitting praise was heard, as Rama was extolled on every side.

Shloka 31 (yuddha.128.31)

ततः शत्रुञ्जयं नाम कुञ्जरं पर्वतोपमम्। आरुरोह महातेजाः सुग्रीवो वानरेश्वरः ॥ 128.31 ॥

tataḥ śatruñjayaṃ nāma kuñjaraṃ parvatopamam| āruroha mahātejāḥ sugrīvo vānareśvaraḥ || 128.31 ||

Then the mighty Sugriva, lord of monkeys, mounted the elephant named Shatrunjaya, huge as a mountain.

Shloka 32 (yuddha.128.32)

नवनागसहस्राणि ययुरास्थाय वानराः। मानुषन् विग्रहन् कृत्वा सर्वाभरणभूषिताः ॥ 128.32 ॥

navanāgasahasrāṇi yayurāsthāya vānarāḥ| mānuṣan vigrahan kṛtvā sarvābharaṇabhūṣitāḥ || 128.32 ||

Having taken on human form, adorned with every ornament, the monkeys rode forth mounted upon nine thousand elephants.

Shloka 33 (yuddha.128.33)

शङ्खशब्दप्रणादैश्च दुन्दुभीनान् च निस्वनैः। प्रययू पुरुषव्याघ्रस्तां पुरीन् हर्म्यमालिनीम् ॥ 128.33 ॥

śaṅkhaśabdapraṇādaiśca dundubhīnān ca nisvanaiḥ| prayayū puruṣavyāghrastāṃ purīn harmyamālinīm || 128.33 ||

To the deep blast of conches and the roll of drums, those tigers among men proceeded on toward that city, garlanded with its mansions.

Shloka 34 (yuddha.128.34)

ददृशुस्ते समायान्तन् राघवं सपुरःसरम्। विराजमानन् वपुषा रथेनातिरथन् तदा ॥ 128.34 ॥

dadṛśuste samāyāntan rāghavaṃ sapuraḥsaram| virājamānan vapuṣā rathenātirathan tadā || 128.34 ||

They beheld Raghava approaching with his outriders — radiant in his own beauty, seated upon his chariot, foremost among all charioteers.

Shloka 35 (yuddha.128.35)

ते वर्धयित्वा काकुत्स्थन् रामेण प्रतिनन्दिताः। अनुजग्मुर्महात्मानं भ्रातृभिः परिवारितम् ॥ 128.35 ॥

te vardhayitvā kākutsthan rāmeṇa pratinanditāḥ| anujagmurmahātmānaṃ bhrātṛbhiḥ parivāritam || 128.35 ||

Acclaiming Kakutstha, and joyfully welcomed by Rama in turn, they followed after that great soul, surrounded as he was by his brothers.

Shloka 36 (yuddha.128.36)

अमात्यैर्ब्राह्मणैश्चैव तथा प्रकृतिभिर्वृतः। श्रिया विरुरुचे रामो नक्षत्रैरिव चन्द्रमाः ॥ 128.36 ॥

amātyairbrāhmaṇaiścaiva tathā prakṛtibhirvṛtaḥ| śriyā viruruce rāmo nakṣatrairiva candramāḥ || 128.36 ||

Surrounded by his ministers, the brahmins and the citizens, Rama shone in splendour, as the moon shines encircled by the stars.

Shloka 37 (yuddha.128.37)

स पुरोगामिभिस्तूर्यैस्तालस्वस्तिकपाणिभिः। प्रव्याहरद्भिर्मुदितैर्मङ्गलानि ययौ वृतः ॥ 128.37 ॥

sa purogāmibhistūryaistālasvastikapāṇibhiḥ| pravyāharadbhirmuditairmaṅgalāni yayau vṛtaḥ || 128.37 ||

With musicians going before him, men bearing cymbals and auspicious emblems in their hands, uttering blessings in their joy — thus surrounded, he went forward.

Shloka 38 (yuddha.128.38)

अक्षतन् जातरूपं च गावः कन्यास्तथा द्विजाः। नरा मोदकहस्ताश्च रामस्य पुरतो ययुः ॥ 128.38 ॥

akṣatan jātarūpaṃ ca gāvaḥ kanyāstathā dvijāḥ| narā modakahastāśca rāmasya purato yayuḥ || 128.38 ||

Unbroken grains, gold, cows, maidens, brahmins, and men bearing sweets in their hands — all these went on ahead of Rama.

Shloka 39 (yuddha.128.39)

सख्यन् च रामः सुग्रीवे प्रभावं चानिलात्मजे। वानराणान् च तत्कर्म व्याचचक्षेअथ मन्त्रिणाम् ॥ 128.39 ॥

sakhyan ca rāmaḥ sugrīve prabhāvaṃ cānilātmaje| vānarāṇān ca tatkarma vyācacakṣeatha mantriṇām || 128.39 ||

Then Rama related to the ministers the story of his friendship with Sugriva, the might of the son of the Wind, and the great deed of the monkeys' valour.

Shloka 40 (yuddha.128.40)

श्रुत्वा च विस्मयन् जग्मुरयोध्यापुरवासिनः। वानराणां च तत्कर्म राक्षसानां च तद्बलम् ॥ 128.40 ॥

śrutvā ca vismayan jagmurayodhyāpuravāsinaḥ| vānarāṇāṃ ca tatkarma rākṣasānāṃ ca tadbalam || 128.40 ||

Hearing this, the people of Ayodhya went on their way in wonder, at the tale of the monkeys' valour and of the demons' vast host.

Shloka 41 (yuddha.128.41)

विभीषणस्य संयोगमाचचक्षेऽथ मन्त्रिणाम्। द्युतिमानेतदाख्याय रामो वानरसन्वृतः ॥ 128.41 ॥

vibhīṣaṇasya saṃyogamācacakṣe'tha mantriṇām| dyutimānetadākhyāya rāmo vānarasanvṛtaḥ || 128.41 ||

The radiant Rama, surrounded by the monkeys, told the ministers too of how he had come to meet Vibhishana,

Shloka 42 (yuddha.128.42)

हृष्टपुष्टजनाकीर्णामयोध्यां प्रविवेश ह। ततो ह्यभ्युच्छ्रयन्पौराः पताकास्ते गृहे गृहे ॥ 128.42 ॥

hṛṣṭapuṣṭajanākīrṇāmayodhyāṃ praviveśa ha| tato hyabhyucchrayanpaurāḥ patākāste gṛhe gṛhe || 128.42 ||

and, so speaking, entered Ayodhya, thronged with joyful and prosperous people. Then the citizens raised banners upon every house.

Shloka 43 (yuddha.128.43)

ऐक्ष्वाकाध्युषितन् रम्यमाससाद पितुर्गृहम्। अथाब्रवीद्राजपुत्रो भरतं धर्मिणां वरम् ॥ 128.43 ॥

aikṣvākādhyuṣitan ramyamāsasāda piturgṛham| athābravīdrājaputro bharataṃ dharmiṇāṃ varam || 128.43 ||

He reached that lovely ancestral palace, the dwelling of the Ikshvakus. Then that prince spoke to Bharata, foremost of the righteous —

Shloka 44 (yuddha.128.44)

अर्थोपहितया वाचा मधुरं रघुनन्दनः। पितुर्भवनमासाद्य प्रविश्य च महात्मनः ॥ 128.44 ॥

arthopahitayā vācā madhuraṃ raghunandanaḥ| piturbhavanamāsādya praviśya ca mahātmanaḥ || 128.44 ||

Raghu's descendant, in words meaningful and sweet, having reached and entered his great-souled father's palace,

Shloka 45 (yuddha.128.45)

कौसल्यान् च सुमित्रां च कैकेयीं चाभ्यवादयत्। तच्च मद्भवनन् श्रेष्ठं साशोकवनिकं महत् ॥ 128.45 ॥

kausalyān ca sumitrāṃ ca kaikeyīṃ cābhyavādayat| tacca madbhavanan śreṣṭhaṃ sāśokavanikaṃ mahat || 128.45 ||

saluted Kausalya, Sumitra and Kaikeyi. Then he said — "That excellent mansion of mine, vast, with its own Ashoka grove,

Shloka 46 (yuddha.128.46)

मुक्तावैदूर्यसङ्कीर्णन् सुग्रीवस्य निवेदय। तस्य तद्वचनन् श्रुत्वा भरतः सत्यविक्रमः ॥ 128.46 ॥

muktāvaidūryasaṅkīrṇan sugrīvasya nivedaya| tasya tadvacanan śrutvā bharataḥ satyavikramaḥ || 128.46 ||

adorned with pearls and beryl gems, let that be given over for Sugriva to dwell in." Hearing this word of his, Bharata, true in valour,

Shloka 47 (yuddha.128.47)

हस्ते गृहीत्वा सुग्रीवं प्रविवेश तमालयम्। ततस्तैलप्रदीपांश्च पर्यङ्कास्तरणानि च ॥ 128.47 ॥

haste gṛhītvā sugrīvaṃ praviveśa tamālayam| tatastailapradīpāṃśca paryaṅkāstaraṇāni ca || 128.47 ||

took Sugriva by the hand and led him into that very mansion. Then, at Shatrughna's bidding, men swiftly brought oil-lamps and coverings for the couches too,

Shloka 48 (yuddha.128.48)

गृहीत्वा विविशुः क्षिप्रं शत्रुघ्नेन प्रचोदिताः। उवाच च महातेजाः सुग्रीवन् राघवानुजः ॥ 128.48 ॥

gṛhītvā viviśuḥ kṣipraṃ śatrughnena pracoditāḥ| uvāca ca mahātejāḥ sugrīvan rāghavānujaḥ || 128.48 ||

and set them there. And then the mighty Lakshmana, Raghava's younger brother, spoke to Sugriva —

Shloka 49 (yuddha.128.49)

अभिषेकाय रामस्य दूतानाज्ञापय प्रभो। सौवर्णान्वानरेन्द्राणान् चतुर्णां चतुरो घटान् ॥ 128.49 ॥

abhiṣekāya rāmasya dūtānājñāpaya prabho| sauvarṇānvānarendrāṇān caturṇāṃ caturo ghaṭān || 128.49 ||

"O lord, give command to the messengers for Rama's consecration." Then Sugriva gave over four golden pitchers, for the water of the four oceans,

Shloka 50 (yuddha.128.50)

ददौ क्षिप्रन् स सुग्रीवः सर्वरत्नविभूषितान्। यथा प्रत्यूषसमये चतुर्णान् सागराम्भसाम् ॥ 128.50 ॥

dadau kṣipran sa sugrīvaḥ sarvaratnavibhūṣitān| yathā pratyūṣasamaye caturṇān sāgarāmbhasām || 128.50 ||

adorned with every gem, and said — "At the hour of dawn, for the water of all four oceans,

Shloka 51 (yuddha.128.51)

पूर्णैर्घटैः प्रतीक्षध्वन् तथा कुरुत वानराः। एवमुक्ता महात्मानो वानरा वारणोपमाः ॥ 128.51 ॥

pūrṇairghaṭaiḥ pratīkṣadhvan tathā kuruta vānarāḥ| evamuktā mahātmāno vānarā vāraṇopamāḥ || 128.51 ||

wait ready with the filled pitchers; do thus, O monkeys." Thus commanded, those great-souled monkeys, mighty as elephants,

Shloka 52 (yuddha.128.52)

उत्पेतुर्गगनन् शीघ्रन् गरुडा इव शीघ्रगाः। जाम्बवांश्च हनूमांश्च वेगदर्शी च वानरः ॥ 128.52 ॥

utpeturgaganan śīghran garuḍā iva śīghragāḥ| jāmbavāṃśca hanūmāṃśca vegadarśī ca vānaraḥ || 128.52 ||

rose up into the sky with the speed of swift-flying Garudas. Jambavan, Hanuman, the monkey named Vegadarshi,

Shloka 53 (yuddha.128.53)

ऋषभश्चैव कलशाञ्जलपूर्णानथानयन्। नदीशतानां पञ्चानान् जले कुम्भैरुपाहरन् ॥ 128.53 ॥

ṛṣabhaścaiva kalaśāñjalapūrṇānathānayan| nadīśatānāṃ pañcānān jale kumbhairupāharan || 128.53 ||

and Rishabha too, brought back pitchers filled with water; they also fetched, in vessels, the waters of five hundred rivers.

Shloka 54 (yuddha.128.54)

पूर्वात्समुद्रात्कलशन् जलपूर्णमथानयत्। सुषेणः सत्त्वसम्पन्नः सर्वरत्नविभूषितम् ॥ 128.54 ॥

pūrvātsamudrātkalaśan jalapūrṇamathānayat| suṣeṇaḥ sattvasampannaḥ sarvaratnavibhūṣitam || 128.54 ||

The mighty Sushena brought a pitcher filled with water from the eastern sea, adorned with every gem.

Shloka 55 (yuddha.128.55)

ऋषभो दक्षिणात्तूर्णन् समुद्राज्जलमाहरत्। रक्तचन्दनकर्पूरैः सन्वृतन् काञ्चनं घटम् ॥ 128.55 ॥

ṛṣabho dakṣiṇāttūrṇan samudrājjalamāharat| raktacandanakarpūraiḥ sanvṛtan kāñcanaṃ ghaṭam || 128.55 ||

Rishabha swiftly brought water from the southern sea, in that golden pitcher adorned with red sandal and camphor.

Shloka 56 (yuddha.128.56)

गवयः पश्चिमात्तोयमाजहार महार्णवात्। रत्नकुम्भेन महता शीतं मारुतविक्रमः ॥ 128.56 ॥

gavayaḥ paścimāttoyamājahāra mahārṇavāt| ratnakumbhena mahatā śītaṃ mārutavikramaḥ || 128.56 ||

Gavaya, mighty as the wind, brought cool water from the great western ocean, in a huge gem-studded pitcher.

Shloka 57 (yuddha.128.57)

उत्तराच्च जलन् शीघ्रन् गरुडानिलविक्रमः। आजहार स धर्मात्मा नलः सर्वगुणान्वितः ॥ 128.57 ॥

uttarācca jalan śīghran garuḍānilavikramaḥ| ājahāra sa dharmātmā nalaḥ sarvaguṇānvitaḥ || 128.57 ||

Nala, righteous and endowed with every excellence, swift as Garuda and the wind, brought water quickly from the northern quarter.

Shloka 58 (yuddha.128.58)

ततसैर्वानरश्रेष्ठैरानीतं प्रेक्ष्य तज्जलम्। अभिषेकाय रामस्य शत्रुघ्नः सचिवैः सह ॥ 128.58 ॥

tatasairvānaraśreṣṭhairānītaṃ prekṣya tajjalam| abhiṣekāya rāmasya śatrughnaḥ sacivaiḥ saha || 128.58 ||

Beholding that water, brought by those finest of monkeys, Shatrughna, together with the ministers, for Rama's consecration,

Shloka 59 (yuddha.128.59)

पुरोहिताय श्रेष्ठाय सुहृद्भ्यश् च न्यवेदयत्। ततः स प्रयतो वृद्धो वसिष्ठो ब्राह्मणैः सह ॥ 128.59 ॥

purohitāya śreṣṭhāya suhṛdbhyaś ca nyavedayat| tataḥ sa prayato vṛddho vasiṣṭho brāhmaṇaiḥ saha || 128.59 ||

handed it over to the chief priest and to their friends. Then that pure and venerable Vasishtha, together with the brahmins,

Shloka 60 (yuddha.128.60)

रामन् रत्नमयो पीठे सहसीतं न्यवेशयत्। वसिष्ठो वामदेवश्च जाबालिरथ काश्यपः ॥ 128.60 ॥

rāman ratnamayo pīṭhe sahasītaṃ nyaveśayat| vasiṣṭho vāmadevaśca jābāliratha kāśyapaḥ || 128.60 ||

seated Rama, together with Sita, upon a gem-studded throne. Vasishtha, Vamadeva, Jabali, Kashyapa,

Shloka 61 (yuddha.128.61)

कात्यायनः सुयज्ञश्च गौतमो विजयस्तथा। अभ्यषिञ्चन्नरव्याघ्रं प्रसन्नेन सुगन्धिना ॥ 128.61 ॥

kātyāyanaḥ suyajñaśca gautamo vijayastathā| abhyaṣiñcannaravyāghraṃ prasannena sugandhinā || 128.61 ||

Katyayana, Suyajna, Gautama and Vijaya too — all these anointed that finest of men with pure and fragrant water,

Shloka 62 (yuddha.128.62)

सलिलेन सहस्राक्षन् वसवो वासवं यथा। ऋत्विग्भिर्ब्राह्मणैः पूर्वन् कन्याभिर्मन्त्रिभिस्तथा ॥ 128.62 ॥

salilena sahasrākṣan vasavo vāsavaṃ yathā| ṛtvigbhirbrāhmaṇaiḥ pūrvan kanyābhirmantribhistathā || 128.62 ||

as the Vasus anoint thousand-eyed Indra. First the officiating priests and brahmins, and then the maidens and the ministers too,

Shloka 63 (yuddha.128.63)

योधैश्चैवाभ्यषिञ्चन्स्ते सम्प्रहृष्टाः सनैगमैः। सर्वौषधिरसैश्चापि दैवतैर्नभसि स्थितैः ॥ 128.63 ॥

yodhaiścaivābhyaṣiñcanste samprahṛṣṭāḥ sanaigamaiḥ| sarvauṣadhirasaiścāpi daivatairnabhasi sthitaiḥ || 128.63 ||

and the warriors too, with the merchants, joyfully anointed him — with the essence of every herb, and the gods stationed in the sky as well,

Shloka 64 (yuddha.128.64)

चतुर्हिर्लोकपालैश्च सर्वैर्देवैश्च सङ्गतैः। ब्रह्मणा निर्मितं पूर्वं किरीटं रत्नशोभितम् ॥ 128.64 ॥

caturhirlokapālaiśca sarvairdevaiśca saṅgataiḥ| brahmaṇā nirmitaṃ pūrvaṃ kirīṭaṃ ratnaśobhitam || 128.64 ||

together with the four guardians of the quarters and all the assembled gods. That crown, fashioned of old by Brahma, blazing with gems,

Shloka 65 (yuddha.128.65)

अभिषिक्तः पुरा येन मनुस्तं दीप्ततेजसम्। तस्यान्ववाये राजानः क्रमाद्येनाभिषेचिताः ॥ 128.65 ॥

abhiṣiktaḥ purā yena manustaṃ dīptatejasam| tasyānvavāye rājānaḥ kramādyenābhiṣecitāḥ || 128.65 ||

with which Manu himself was once anointed in ancient days — that same radiant crown was set upon Rama; and in that same lineage kings had been consecrated, one after another, in due succession.

Shloka 66 (yuddha.128.66)

सभायां हेमक्लुप्तायां शोभितायां महाधनैः। रत्नैर्नानाविधैश्चैव चित्रितायां सुशोभनैः ॥ 128.66 ॥

sabhāyāṃ hemakluptāyāṃ śobhitāyāṃ mahādhanaiḥ| ratnairnānāvidhaiścaiva citritāyāṃ suśobhanaiḥ || 128.66 ||

In that assembly-hall, wrought of gold, adorned with great wealth and gems of every kind, decorated with the most beautiful paintings,

Shloka 67 (yuddha.128.67)

नानारत्नमये पीठे कल्पयित्वा यथाविधि। किरीटेन ततः पश्चाद्वसिष्ठेन महात्मना ॥ 128.67 ॥

nānāratnamaye pīṭhe kalpayitvā yathāvidhi| kirīṭena tataḥ paścādvasiṣṭhena mahātmanā || 128.67 ||

having seated him, in due form, upon a throne inlaid with gems of every kind, thereafter the great-souled Vasishtha,

Shloka 68 (yuddha.128.68)

ऋत्विग्भिर्भूषणैश्चैव समयोक्ष्यत राघवः। छत्रं तस्य च जग्राह शत्रुघ्नः पाण्डुरन् शुभम् ॥ 128.68 ॥

ṛtvigbhirbhūṣaṇaiścaiva samayokṣyata rāghavaḥ| chatraṃ tasya ca jagrāha śatrughnaḥ pāṇḍuran śubham || 128.68 ||

adorned Raghava with the crown, together with the ornaments given by the officiating priests. Shatrughna held over him his white, auspicious parasol,

Shloka 69 (yuddha.128.69)

श्वेतन् च वालव्यजनन् सुग्रीवो वानरेश्वरः। अपरन् चन्द्रसङ्काशन् राक्षसेन्द्रो विभीषणः ॥ 128.69 ॥

śvetan ca vālavyajanan sugrīvo vānareśvaraḥ| aparan candrasaṅkāśan rākṣasendro vibhīṣaṇaḥ || 128.69 ||

Sugriva, lord of monkeys, held a white fly-whisk, and Vibhishana, lord of demons, held another, bright as the moon.

Shloka 70 (yuddha.128.70)

मालान् ज्वलन्तीन् वपुषा काञ्चनीं शतपुष्कराम्। राघवाय ददौ वायुर्वासवेन प्रचोदितः ॥ 128.70 ॥

mālān jvalantīn vapuṣā kāñcanīṃ śatapuṣkarām| rāghavāya dadau vāyurvāsavena pracoditaḥ || 128.70 ||

Urged on by Indra, the Wind-god presented to Raghava a golden garland of a hundred petals, blazing with its own splendour.

Shloka 71 (yuddha.128.71)

सर्वरत्नसमायुक्तं मणिरत्नविभूषितम्। मुक्ताहारं नरेन्द्राय ददौ शक्रप्रचोदितः ॥ 128.71 ॥

sarvaratnasamāyuktaṃ maṇiratnavibhūṣitam| muktāhāraṃ narendrāya dadau śakrapracoditaḥ || 128.71 ||

Urged by Indra too, he offered that lord of men a pearl necklace, set with every gem and adorned with precious jewels.

Shloka 72 (yuddha.128.72)

प्रजगुर्देवगन्धर्वा ननृतुश्चाप्सरो गणाः। अभिषेके तदर्हस्य तदा रामस्य धीमतः ॥ 128.72 ॥

prajagurdevagandharvā nanṛtuścāpsaro gaṇāḥ| abhiṣeke tadarhasya tadā rāmasya dhīmataḥ || 128.72 ||

At the consecration of that worthy and wise Rama, the celestial Gandharvas sang, and the throngs of Apsaras danced.

Shloka 73 (yuddha.128.73)

भूमिः सस्यवती चैव फलवन्तश्च पादपाः। गन्धवन्ति च पुष्पाणि बभूवू राघवोत्सवे ॥ 128.73 ॥

bhūmiḥ sasyavatī caiva phalavantaśca pādapāḥ| gandhavanti ca puṣpāṇi babhūvū rāghavotsave || 128.73 ||

At Raghava's festival, the earth grew rich with crops, the trees became laden with fruit, and the flowers filled with fragrance.

Shloka 74 (yuddha.128.74)

सहस्रशतमश्वानान् धेनूनां च गवां तथा। ददौ शतन् वृषान्पूर्वन् द्विजेभ्यो मनुजर्षभः ॥ 128.74 ॥

sahasraśatamaśvānān dhenūnāṃ ca gavāṃ tathā| dadau śatan vṛṣānpūrvan dvijebhyo manujarṣabhaḥ || 128.74 ||

That foremost of men gave to the brahmins a hundred thousand horses, as many cows, and a hundred choice bulls as well.

Shloka 75 (yuddha.128.75)

त्रिंशत्कोटीर्हिरण्यस्य ब्राह्मणेभ्यो ददौ पुनः। नानाभरणवस्त्राणि महार्हाणि च राघवः ॥ 128.75 ॥

triṃśatkoṭīrhiraṇyasya brāhmaṇebhyo dadau punaḥ| nānābharaṇavastrāṇi mahārhāṇi ca rāghavaḥ || 128.75 ||

Raghava further gave to the brahmins thirty crores of gold, and garments and ornaments of many kinds, exceedingly precious.

Shloka 76 (yuddha.128.76)

अर्करश्मिप्रतीकाशान् काञ्चनीं मणिविग्रहाम्। सुग्रीवाय स्रजन् दिव्यां प्रायच्छन्मनुजर्षभः ॥ 128.76 ॥

arkaraśmipratīkāśān kāñcanīṃ maṇivigrahām| sugrīvāya srajan divyāṃ prāyacchanmanujarṣabhaḥ || 128.76 ||

That foremost of men gave to Sugriva a divine garland, wrought of gold and gems, gleaming like the rays of the sun.

Shloka 77 (yuddha.128.77)

वैदूर्यमणिचित्रे च वज्ररत्नविभूषिते। वालिपुत्राय धृतिमानङ्गदायाङ्गदे ददौ ॥ 128.77 ॥

vaidūryamaṇicitre ca vajraratnavibhūṣite| vāliputrāya dhṛtimānaṅgadāyāṅgade dadau || 128.77 ||

And to steadfast Angada, Vali's son, he gave an armlet, wrought with beryl gems and adorned with diamonds.

Shloka 78 (yuddha.128.78)

मणिप्रवरजुष्टन् च मुक्ताहारमनुत्तमम्। सीतायै प्रददौ रामश्चन्द्ररश्मिसमप्रभम् ॥ 128.78 ॥

maṇipravarajuṣṭan ca muktāhāramanuttamam| sītāyai pradadau rāmaścandraraśmisamaprabham || 128.78 ||

And to Sita, Rama gave a matchless pearl necklace, set with the finest gems, radiant as the rays of the moon.

Shloka 79 (yuddha.128.79)

अरजे वाससी दिव्ये शुभान्याभरणानि च। अवेक्षमाणा वैदेही प्रददौ वायुसूनवे ॥ 128.79 ॥

araje vāsasī divye śubhānyābharaṇāni ca| avekṣamāṇā vaidehī pradadau vāyusūnave || 128.79 ||

Vaidehi too, gazing about her, gave to the son of the Wind a pair of spotless, divine garments and splendid ornaments.

Shloka 80 (yuddha.128.80)

अवमुच्यात्मनः कण्ठाद्धारन् जनकनन्दिनी। अवैक्षत हरीन्सर्वान्भर्तारन् च मुहुर्मुहुः ॥ 128.80 ॥

avamucyātmanaḥ kaṇṭhāddhāran janakanandinī| avaikṣata harīnsarvānbhartāran ca muhurmuhuḥ || 128.80 ||

Janaka's daughter took the necklace from her own neck, and looked, again and again, at all the monkeys and at her lord.

Shloka 81 (yuddha.128.81)

तामिङ्गितज्ञः सम्प्रेक्ष्य बभाषे जनकात्मजाम्। प्रदेहि सुभगे हारन् यस्य तुष्टासि भामिनि ॥ 128.81 ॥

tāmiṅgitajñaḥ samprekṣya babhāṣe janakātmajām| pradehi subhage hāran yasya tuṣṭāsi bhāmini || 128.81 ||

Rama, who could read her heart, looking upon Janaka's daughter, said — "O gracious one, O radiant lady! Give this necklace to him in whom you find such delight —

Shloka 82 (yuddha.128.82)

तेजो धृतिर्यशो दाक्ष्यं सामर्थ्यं विनयो नयः। पौरुषन् विक्रमो बुद्धिर्यस्मिन्नेतानि नित्यदा ॥ 128.82 ॥

tejo dhṛtiryaśo dākṣyaṃ sāmarthyaṃ vinayo nayaḥ| pauruṣan vikramo buddhiryasminnetāni nityadā || 128.82 ||

splendour, fortitude, fame, skill, capability, humility, sound judgement, manly effort, valour and wisdom — to him in whom all these ever abide, give it."

Shloka 83 (yuddha.128.83)

ददौ सा वायुपुत्राय तन् हारमसितेक्षणा। हनूमान्स्तेन हारेण शुशुभे वानरर्षभः ॥ 128.83 ॥

dadau sā vāyuputrāya tan hāramasitekṣaṇā| hanūmānstena hāreṇa śuśubhe vānararṣabhaḥ || 128.83 ||

Dark-eyed Sita then gave that necklace to none other than the son of the Wind. Adorned with that necklace, Hanuman, foremost of monkeys, shone forth,

Shloka 84 (yuddha.128.84)

चन्द्रांशुचयगौरेण श्वेताभ्रेण यथाचलः। सर्वे वानरवृद्धाश्च ये चान्ये वानरोत्तमाः ॥ 128.84 ॥

candrāṃśucayagaureṇa śvetābhreṇa yathācalaḥ| sarve vānaravṛddhāśca ye cānye vānarottamāḥ || 128.84 ||

like a mountain wreathed in a pale white cloud, gleaming with the gathered rays of the moon. All the elder monkeys, and the other foremost monkeys too,

Shloka 85 (yuddha.128.85)

वासोभिर्भूषणैश्चैव यथार्हं प्रतिपूजिताः। ततो द्विविद मैन्दाभ्यां नीलाय च परन्तपः ॥ 128.85 ॥

vāsobhirbhūṣaṇaiścaiva yathārhaṃ pratipūjitāḥ| tato dvivida maindābhyāṃ nīlāya ca parantapaḥ || 128.85 ||

were duly honoured with garments and ornaments. Thereafter Rama, tormentor of foes, looked upon Dvivida and Mainda, and upon Nila too,

Shloka 86 (yuddha.128.86)

सर्वान्कामगुणान्वीक्ष्य प्रददौ वसुधाधिपः। विभीषणोऽथ सुग्रीवो हनुमान् जाम्बवांस्तथा ॥ 128.86 ॥

sarvānkāmaguṇānvīkṣya pradadau vasudhādhipaḥ| vibhīṣaṇo'tha sugrīvo hanumān jāmbavāṃstathā || 128.86 ||

and, seeing all that each might wish for, that lord of the earth gave gifts to them as well. Vibhishana, Sugriva, Hanuman and Jambavan too,

Shloka 87 (yuddha.128.87)

सर्ववानरवृद्धाश्च रामेणाक्लिष्टकर्मणा। यथार्हं पूजिताः सर्वे कामै रत्नैश्च पुष्कलैर् ॥ 128.87 ॥

sarvavānaravṛddhāśca rāmeṇākliṣṭakarmaṇā| yathārhaṃ pūjitāḥ sarve kāmai ratnaiśca puṣkalair || 128.87 ||

and all the elder monkeys, were honoured, each as was fitting, with desired gifts and abundant jewels, by Rama the tireless in action.

Shloka 88 (yuddha.128.88)

प्रहृष्टमनसः सर्वे जग्मुरेव यथागतम्। नत्वा सर्वे महात्मानस्ततस्ते वानरर्षभाः ॥ 128.88 ॥

prahṛṣṭamanasaḥ sarve jagmureva yathāgatam| natvā sarve mahātmānastataste vānararṣabhāḥ || 128.88 ||

With glad hearts, all of them went back by the very path they had come. Then those great-souled, foremost of monkeys, saluting Rama,

Shloka 89 (yuddha.128.89)

विसृष्टाः पार्थिवेन्द्रेण किष्किन्धां समुपागमन्। सुग्रीवो वानरश्रेष्ठो दृष्ट्वा रामाभिषेचनम् ॥ 128.89 ॥

visṛṣṭāḥ pārthivendreṇa kiṣkindhāṃ samupāgaman| sugrīvo vānaraśreṣṭho dṛṣṭvā rāmābhiṣecanam || 128.89 ||

and given leave by that lord of the earth, arrived at Kishkindha. Sugriva, foremost of monkeys, having witnessed Rama's consecration,

Shloka 90 (yuddha.128.90)

पूजितश्चैव रामेण किष्किन्धां प्राविशत्पुरीम्। विभीषणोऽपि ध्र्मात्मा सह रैर्नैरृतर्षभैः ॥ 128.90 ॥

pūjitaścaiva rāmeṇa kiṣkindhāṃ prāviśatpurīm| vibhīṣaṇo'pi dhrmātmā saha rairnairṛtarṣabhaiḥ || 128.90 ||

honoured by Rama, entered the city of Kishkindha. Righteous Vibhishana, too, together with his foremost demon-warriors,

Shloka 91 (yuddha.128.91)

लब्ध्वा कुलधनं राजा लङ्कां प्रायान् महायशाः। स राज्यमखिलं शासन्निहतारिर्महायशाः ॥ 128.91 ॥

labdhvā kuladhanaṃ rājā laṅkāṃ prāyān mahāyaśāḥ| sa rājyamakhilaṃ śāsannihatārirmahāyaśāḥ || 128.91 ||

having regained his ancestral wealth, that king of great renown set off for Lanka. And Rama, of great renown, having slain his foes,

Shloka 92 (yuddha.128.92)

राघवः परमोदारः शशास परया मुदा। उवाच लक्ष्मणं रामो धर्मज्ञं धर्मवत्सलः ॥ 128.92 ॥

rāghavaḥ paramodāraḥ śaśāsa parayā mudā| uvāca lakṣmaṇaṃ rāmo dharmajñaṃ dharmavatsalaḥ || 128.92 ||

most magnanimous, ruled over the whole kingdom with supreme joy. Then Rama, knower of righteousness and devoted to it, spoke to Lakshmana —

Shloka 93 (yuddha.128.93)

आतिष्ठ धर्मज्ञ मया सहेमां। गां पूर्वराजाध्युषितां बलेन। तुल्यं मया त्वं पितृभिर्धृता या। तां यौवराज्ये धुरमुद्वहस्व ॥ 128.93 ॥

ātiṣṭha dharmajña mayā sahemāṃ| gāṃ pūrvarājādhyuṣitāṃ balena| tulyaṃ mayā tvaṃ pitṛbhirdhṛtā yā| tāṃ yauvarājye dhuramudvahasva || 128.93 ||

"O knower of righteousness, rule this earth together with me, this land settled and held by the might of our forefather-kings; as it was borne by my ancestors, so bear you too the burden of the office of heir-apparent."

Shloka 94 (yuddha.128.94)

सर्वात्मना पर्यनुनीयमानो। यदा न सौमित्रिरुपैति योगम्। नियुज्यमानोऽ पि च यावराज्ये। ततोऽभ्यषिञ्चद्भरतं महात्मा ॥ 128.94 ॥

sarvātmanā paryanunīyamāno| yadā na saumitrirupaiti yogam| niyujyamāno' pi ca yāvarājye| tato'bhyaṣiñcadbharataṃ mahātmā || 128.94 ||

But when Saumitri, though entreated in every way, would not consent to the yoga of accepting the office of heir-apparent, the great-souled Rama then consecrated Bharata to that office instead.

Shloka 95 (yuddha.128.95)

पौण्डरीकाश्वमेधाभ्यान् वाजपेयेन चासकृत्। अन्यैश्च विविधैर्यज्ञैरयजत्पार्थिवर्षभः ॥ 128.95 ॥

pauṇḍarīkāśvamedhābhyān vājapeyena cāsakṛt| anyaiśca vividhairyajñairayajatpārthivarṣabhaḥ || 128.95 ||

With the Pundarika sacrifice, the Ashvamedha, and the Vajapeya performed again and again, and with many other kinds of sacrifices too, that foremost of kings offered worship.

Shloka 96 (yuddha.128.96)

राज्यन् दशसहस्राणि प्राप्य वर्षाणि राघवः। शताश्वमेधानाजह्रे सदश्वान्भूरिदक्षिणान् ॥ 128.96 ॥

rājyan daśasahasrāṇi prāpya varṣāṇi rāghavaḥ| śatāśvamedhānājahre sadaśvānbhūridakṣiṇān || 128.96 ||

Ruling for ten thousand years, Raghava performed a hundred Ashvamedha sacrifices, with the finest horses and abundant sacrificial gifts.

Shloka 97 (yuddha.128.97)

आजानुलम्बिबाहुश्च महास्कन्धः प्रतापवान्। लक्ष्मणानुचरो रामः पृथिवीमन्वपालयत् ॥ 128.97 ॥

ājānulambibāhuśca mahāskandhaḥ pratāpavān| lakṣmaṇānucaro rāmaḥ pṛthivīmanvapālayat || 128.97 ||

With arms reaching to his knees, broad-shouldered and mighty in valour, Rama, with Lakshmana ever by his side, protected the earth.

Shloka 98 (yuddha.128.98)

राघवश्चापि धर्मात्मा प्राप्य राज्यमनुत्तमम्। ईजे बहुविधैर्यज्ञैः ससुतभ्रातृबान्धवः ॥ 128.98 ॥

rāghavaścāpi dharmātmā prāpya rājyamanuttamam| īje bahuvidhairyajñaiḥ sasutabhrātṛbāndhavaḥ || 128.98 ||

Righteous Raghava too, having gained that matchless kingdom, offered sacrifice in many forms, together with his sons, brothers and kinsfolk.

Shloka 99 (yuddha.128.99)

न पर्यदेवन्विधवा न च व्यालकृतं भयम्। न व्याधिजं भयन् वापि रामे राज्यं प्रशासति ॥ 128.99 ॥

na paryadevanvidhavā na ca vyālakṛtaṃ bhayam| na vyādhijaṃ bhayan vāpi rāme rājyaṃ praśāsati || 128.99 ||

While Rama ruled the kingdom, no widow ever wept, there was no fear of venomous creatures, nor any fear born of disease.

Shloka 100 (yuddha.128.100)

निर्दस्युरभवल्लोको नानर्थः कन् चिदस्पृशत्। न च स्म वृद्धा बालानां प्रेतकार्याणि कुर्वते ॥ 128.100 ॥

nirdasyurabhavalloko nānarthaḥ kan cidaspṛśat| na ca sma vṛddhā bālānāṃ pretakāryāṇi kurvate || 128.100 ||

The world became free of robbers, no misfortune ever touched anyone, and the aged never had to perform the funeral rites of children.

Shloka 101 (yuddha.128.101)

सर्वं मुदितमेवासीत्सर्वो धर्मपरोअभवत्। राममेवानुपश्यन्तो नाभ्यहिन्सन्परस्परम् ॥ 128.101 ॥

sarvaṃ muditamevāsītsarvo dharmaparoabhavat| rāmamevānupaśyanto nābhyahinsanparasparam || 128.101 ||

Everything was filled with joy, everyone became devoted to righteousness; ever looking to Rama alone, none ever did the other any harm.

Shloka 102 (yuddha.128.102)

आसन्वर्षसहस्राणि तथा पुत्रसहस्रिणः। निरामया विशोकाश्च रामे राज्यं प्रशासति ॥ 128.102 ॥

āsanvarṣasahasrāṇi tathā putrasahasriṇaḥ| nirāmayā viśokāśca rāme rājyaṃ praśāsati || 128.102 ||

While Rama ruled, men lived for thousands of years, blessed with thousands of sons, free from sickness and free from sorrow.

Shloka 103 (yuddha.128.103)

रामो रामो राम इति प्रजानामभवन् कथाः। रामभूतं जगाभूद्रामे राज्यं प्रशासति ॥ 128.103 ॥

rāmo rāmo rāma iti prajānāmabhavan kathāḥ| rāmabhūtaṃ jagābhūdrāme rājyaṃ praśāsati || 128.103 ||

"Rama, Rama, Rama" — this alone became the constant talk of the people. While Rama ruled the kingdom, the whole world seemed to have become Rama itself.

Shloka 104 (yuddha.128.104)

नित्यपुष्पा नित्यफलास्तरवः स्कन्धविस्तृताः। कालवर्षी च पर्जन्यः सुखस्पर्शश्च मारुतः ॥ 128.104 ॥

nityapuṣpā nityaphalāstaravaḥ skandhavistṛtāḥ| kālavarṣī ca parjanyaḥ sukhasparśaśca mārutaḥ || 128.104 ||

Trees, their trunks and boughs spread wide, bore flowers and fruit at every season; the rain-clouds gave rain only in due season, and the wind blew with a touch that was ever pleasant.

Shloka 105 (yuddha.128.105)

ब्राह्मणाः क्षत्रिया वैश्याः शूद्रा लोभविवर्जिताः। स्वकर्मसु प्रवर्तन्ते तुष्ठाः स्वैरेव कर्मभिः ॥ 128.105 ॥

brāhmaṇāḥ kṣatriyā vaiśyāḥ śūdrā lobhavivarjitāḥ| svakarmasu pravartante tuṣṭhāḥ svaireva karmabhiḥ || 128.105 ||

Brahmins, kshatriyas, vaishyas and shudras, all free from greed, remained devoted each to his own duty, content with their own works alone.

Shloka 106 (yuddha.128.106)

आसन् प्रजा धर्मपरा रामे शासति नानृताः। सर्वे लक्षणसम्पन्नाः सर्वे धर्मपरायणाः ॥ 128.106 ॥

āsan prajā dharmaparā rāme śāsati nānṛtāḥ| sarve lakṣaṇasampannāḥ sarve dharmaparāyaṇāḥ || 128.106 ||

Under Rama's rule, the people remained devoted to righteousness; none ever spoke falsehood; all were endowed with auspicious marks, all intent upon righteousness.

Shloka 107 (yuddha.128.107)

दशवर्षसहस्राणि रामो राज्यमकारयत्। धर्मयं यशस्यमायुष्यं राज्ञां च विजाअवहम् ॥ 128.107 ॥

daśavarṣasahasrāṇi rāmo rājyamakārayat| dharmayaṃ yaśasyamāyuṣyaṃ rājñāṃ ca vijāavaham || 128.107 ||

For ten thousand years Rama sustained his rule — a rule righteous, glorious, life-giving, and one that brought victory to kings.

Shloka 108 (yuddha.128.108)

आदिकाव्यमिदं चार्षं पुरा वाल्मीकिना कृतम्। पठेद्यः शृणुयाल्लोके नरः पापात्प्रमुच्यते ॥ 128.108 ॥

ādikāvyamidaṃ cārṣaṃ purā vālmīkinā kṛtam| paṭhedyaḥ śṛṇuyālloke naraḥ pāpātpramucyate || 128.108 ||

This sacred first poem, composed long ago by Valmiki — whoever in this world reads or hears it is freed from sin.

Shloka 109 (yuddha.128.109)

पुत्रकामश्च पुत्रान्वै धनकामो धनानि च। लभते मनुजो लोके श्रुत्वा रामाभिषेचनम् ॥ 128.109 ॥

putrakāmaśca putrānvai dhanakāmo dhanāni ca| labhate manujo loke śrutvā rāmābhiṣecanam || 128.109 ||

Hearing this account of Rama's consecration, a man who desires sons obtains sons, and one who desires wealth obtains wealth in this world.

Shloka 110 (yuddha.128.110)

महीं विजयते राजा रिपूंश्चाप्यधितिष्ठति। राघवेण यथा माता सुमित्रा लक्ष्मणेन च ॥ 128.110 ॥

mahīṃ vijayate rājā ripūṃścāpyadhitiṣṭhati| rāghaveṇa yathā mātā sumitrā lakṣmaṇena ca || 128.110 ||

A king conquers the earth and holds dominion over his foes — just as, through Raghava, his mother; through Lakshmana, Sumitra;

Shloka 111 (yuddha.128.111)

भरतेन च कैकेयी जिवपुत्रास्तथा स्त्रियः। भविष्यन्ति सदानन्दाः पुत्रपौत्रसमन्विताः ॥ 128.111 ॥

bharatena ca kaikeyī jivaputrāstathā striyaḥ| bhaviṣyanti sadānandāḥ putrapautrasamanvitāḥ || 128.111 ||

and through Bharata, Kaikeyi — found their joy; so too shall the wives of those who hear this ever remain in gladness, blessed with living sons and grandsons.

Shloka 112 (yuddha.128.112)

श्रुत्वा रामायणमिदं दीर्घमायिश्च विन्दति। रामस्य विजयं चैव सर्वमक्लिष्ठकर्मणः ॥ 128.112 ॥

śrutvā rāmāyaṇamidaṃ dīrghamāyiśca vindati| rāmasya vijayaṃ caiva sarvamakliṣṭhakarmaṇaḥ || 128.112 ||

Hearing this long Ramayana, a man obtains long life as well; and hearing of the victory of Rama, tireless in action, he too attains something of that victory.

Shloka 113 (yuddha.128.113)

शृणोति य इत्दं काव्यं पुरा वाल्मीकिना कृतम्। श्रद्दधानो जितक्रोधो दुर्गाण्यतितरत्यसौ ॥ 128.113 ॥

śṛṇoti ya itdaṃ kāvyaṃ purā vālmīkinā kṛtam| śraddadhāno jitakrodho durgāṇyatitaratyasau || 128.113 ||

Whoever, full of faith and having conquered anger, hears this poem composed of old by Valmiki, he crosses over every hardship unharmed.

Shloka 114 (yuddha.128.114)

समागम्य प्रवासान्ते रमन्ते सह बान्धवैः। शृण्वन्ति य इदं काव्यं पुरा वाल्मीकिना कृतम् ॥ 128.114 ॥

samāgamya pravāsānte ramante saha bāndhavaiḥ| śṛṇvanti ya idaṃ kāvyaṃ purā vālmīkinā kṛtam || 128.114 ||

Coming together at journey's end with their kinsfolk, those who hear this poem composed of old by Valmiki rejoice together in happiness.

Shloka 115 (yuddha.128.115)

ते प्रार्थितान् वरान् सर्वान् प्राप्नुवन्तीह राघवात्। श्रवणेन सुराः सर्वे प्रीयन्ते संप्रशृण्वताम् ॥ 128.115 ॥

te prārthitān varān sarvān prāpnuvantīha rāghavāt| śravaṇena surāḥ sarve prīyante saṃpraśṛṇvatām || 128.115 ||

They obtain from Raghava, even in this very world, all the boons they have longed for. By this mere hearing, all the gods too are pleased with those who listen.

Shloka 116 (yuddha.128.116)

विनायकाश्च शाम्यन्ति गृहे तिष्ठन्ति यस्य वै। विजयेत महीं राजा प्रवासि स्वस्तिमान् भवेत् ॥ 128.116 ॥

vināyakāśca śāmyanti gṛhe tiṣṭhanti yasya vai| vijayeta mahīṃ rājā pravāsi svastimān bhavet || 128.116 ||

In whatever house this poem abides, obstacles there are stilled; the king wins victory over the earth, and the traveller abroad remains safe and well.

Shloka 117 (yuddha.128.117)

स्त्रियो रजस्वलाः श्रुत्वा पुत्रान् सूयुरनुत्तमान्। पूजयंश्च पठंश्चनमितिहासं पुरातनम् ॥ 128.117 ॥

striyo rajasvalāḥ śrutvā putrān sūyuranuttamān| pūjayaṃśca paṭhaṃścanamitihāsaṃ purātanam || 128.117 ||

Women in their courses too, on hearing it, bring forth excellent sons; reverently reciting and hearing this ancient history —

Shloka 118 (yuddha.128.118)

प्रणम्य शिरसा नित्यं श्रोतव्यं क्षत्रियैर्द्विजात् ॥ 128.118 ॥

praṇamya śirasā nityaṃ śrotavyaṃ kṣatriyairdvijāt || 128.118 ||

ever bowing the head to it in salutation, kshatriyas should always hear it from the mouth of a brahmin.

Shloka 119 (yuddha.128.119)

ऐश्वर्यं पुत्रलाभश्च भविष्यति न संशयः। रामायणमिदं कृत्स्नं शृण्वतः पठतः सदा ॥ 128.119 ॥

aiśvaryaṃ putralābhaśca bhaviṣyati na saṃśayaḥ| rāmāyaṇamidaṃ kṛtsnaṃ śṛṇvataḥ paṭhataḥ sadā || 128.119 ||

Thereby they shall gain sovereignty and the blessing of sons, without doubt. Whoever ever hears and recites this entire Ramayana,

Shloka 120 (yuddha.128.120)

प्रीयते सततं रामः सहि मिष्णुः सनातनः। आदिदेवो महाबाहुर्हरिर्नारायणः प्रभुः ॥ 128.120 ॥

prīyate satataṃ rāmaḥ sahi miṣṇuḥ sanātanaḥ| ādidevo mahābāhurharirnārāyaṇaḥ prabhuḥ || 128.120 ||

with him Vishnu, the eternal, the primal god, the mighty-armed, Hari, Lord Narayana, is ever well pleased.

Shloka 121 (yuddha.128.121)

साक्षाद्रामो रघुश्रेष्ठः शेषो लक्ष्मण उच्यते। एवमेतत्पुरावृत्तमाख्यानं भद्रमस्तु वः ॥ 128.121 ॥

sākṣādrāmo raghuśreṣṭhaḥ śeṣo lakṣmaṇa ucyate| evametatpurāvṛttamākhyānaṃ bhadramastu vaḥ || 128.121 ||

Rama, foremost of the Raghu line, is himself the very Vishnu; and Lakshmana is said to be Shesha, the great serpent. Such is this ancient tale — may good come to you all.

Shloka 122 (yuddha.128.122)

प्रव्याहरत विस्रब्धं बलं विष्णोः प्रवर्धताम्। देवाश्च सर्वे तुष्यन्ति ग्रहणाच्छ्रवणात्तथा ॥ 128.122 ॥

pravyāharata visrabdhaṃ balaṃ viṣṇoḥ pravardhatām| devāśca sarve tuṣyanti grahaṇācchravaṇāttathā || 128.122 ||

Recite it with confidence, that the might of Vishnu may increase thereby; and by its receiving and its hearing, all the gods too are gladdened.

Shloka 123 (yuddha.128.123)

रामायणस्य श्रवणे तुष्यन्ति पितरः सदा। भक्त्या रामस्य ये चेमां संहितामृषिणा कृताम् ॥ 128.123 ॥

rāmāyaṇasya śravaṇe tuṣyanti pitaraḥ sadā| bhaktyā rāmasya ye cemāṃ saṃhitāmṛṣiṇā kṛtām || 128.123 ||

By the hearing of the Ramayana, the ancestral spirits are ever pleased. Those who, with devotion, this compilation made by the sage —

Shloka 124 (yuddha.128.124)

ये लिखन्तीह च नरास्तेषां वासस्त्रिविष्टपे। कुटुम्बवृद्धिं धनधान्यवृद्धिं। स्त्रियश्च मुख्याः सुखमुत्तमं च। श्रुत्वा शुभं काव्यमिदं महार्थं। प्राप्नोति सर्वां भुवि चार्थसिद्धिम् ॥ 128.124 ॥

ye likhantīha ca narāsteṣāṃ vāsastriviṣṭape| kuṭumbavṛddhiṃ dhanadhānyavṛddhiṃ| striyaśca mukhyāḥ sukhamuttamaṃ ca| śrutvā śubhaṃ kāvyamidaṃ mahārthaṃ| prāpnoti sarvāṃ bhuvi cārthasiddhim || 128.124 ||

and those who even copy it out here, their dwelling shall be in the world of the gods. Increase of family, increase of wealth and grain, excellent women, and the highest happiness — hearing this great, meaningful and auspicious poem, a man attains, upon this earth, the fulfilment of every purpose.

Shloka 125 (yuddha.128.125)

आयुष्यमारोग्यकरं यशस्यं। सौभ्रातृकं बुद्धिकरं शुभं च। श्रोतव्यमेतन्नियमेन सद्भि। राख्यानमोजस्करमृद्धिकामैः ॥ 128.125 ॥

āyuṣyamārogyakaraṃ yaśasyaṃ| saubhrātṛkaṃ buddhikaraṃ śubhaṃ ca| śrotavyametanniyamena sadbhi| rākhyānamojaskaramṛddhikāmaiḥ || 128.125 ||

This grants long life, health and fame; it fosters brotherly love, bestows wisdom, and brings good fortune; it is this that good people, seeking their own flourishing, should ever hear with due discipline — this vigorous, ennobling narrative, for those who desire prosperity.