Sugriva Consoles Rama

Shloka 1 (yuddha.2.1)

तं तु शोकपरिद्यूनं रामं दशरथात्मजम्। उवाच वचनं श्रीमान् सुग्रीवः शोकनाशनम् ॥ 2.1 ॥

taṃ tu śokaparidyūnaṃ rāmaṃ daśarathātmajam | uvāca vacanaṃ śrīmān sugrīvaḥ śokanāśanam || 2.1 ||

To that Rama, son of Dasharatha, sorely afflicted with grief, the glorious Sugriva spoke these grief-dispelling words.

Shloka 2 (yuddha.2.2)

किं त्वया तप्यते वीर यथान्यः प्राकृतस्तथा। मैवं भूस्त्यज संतापं कृतघ्न इव सौहृदम् ॥ 2.2 ॥

kiṃ tvayā tapyate vīra yathānyaḥ prākṛtastathā | maivaṃ bhūstyaja saṃtāpaṃ kṛtaghna iva sauhṛdam || 2.2 ||

Why, O hero, do you torment yourself thus, like any ordinary man? Do not be so; abandon this anguish, as an ungrateful man abandons friendship.

Shloka 3 (yuddha.2.3)

संतापस्य च ते स्थानं नहि पश्यामि राघव। प्रवृत्तावुपलब्धायां ज्ञाते च निलये रिपोः ॥ 2.3 ॥

saṃtāpasya ca te sthānaṃ nahi paśyāmi rāghava | pravṛttāvupalabdhāyāṃ jñāte ca nilaye ripoḥ || 2.3 ||

O Raghava, now that the tidings have been obtained and the enemy's abode is known, I see no cause left for your grief.

Shloka 4 (yuddha.2.4)

मतिमान् शास्त्रवित् प्राज्ञः पण्डितश्चासि राघव। त्यजेमां प्राकृतां बुद्धिं कृतात्मेवार्थदूषिणीम् ॥ 2.4 ॥

matimān śāstravit prājñaḥ paṇḍitaścāsi rāghava | tyajemāṃ prākṛtāṃ buddhiṃ kṛtātmevārthadūṣiṇīm || 2.4 ||

You are wise, learned in the scriptures, prudent and a man of understanding, O Raghava; give up, then, as a man of disciplined mind would, this ordinary frame of mind that only spoils one's purpose.

Shloka 5 (yuddha.2.5)

समुद्रं लङ्घयित्वा तु महानक्रसमाकुलम्। लङ्कामारोहयिष्यामो हनिष्यामश्च ते रिपुम् ॥ 2.5 ॥

samudraṃ laṅghayitvā tu mahānakrasamākulam | laṅkāmārohayiṣyāmo haniṣyāmaśca te ripum || 2.5 ||

Crossing this ocean, teeming with great crocodiles, we shall storm Lanka and slay your enemy.

Shloka 6 (yuddha.2.6)

निरुत्साहस्य दीनस्य शोकपर्याकुलात्मनः। सर्वार्था व्यवसीदन्ति व्यसनं चाधिगच्छति ॥ 2.6 ॥

nirutsāhasya dīnasya śokaparyākulātmanaḥ | sarvārthā vyavasīdanti vyasanaṃ cādhigacchati || 2.6 ||

For a man without enthusiasm, wretched and with his mind troubled by grief, every purpose comes to ruin, and he falls only deeper into misfortune.

Shloka 7 (yuddha.2.7)

इमे शूराः समर्थाश्च सर्वतो हरियूथपाः। त्वत्प्रियार्थं कृतोत्साहाः प्रवेष्टुमपि पावकम्। एषां हर्षेण जानामि तर्कश्चापि दृढो मम ॥ 2.7 ॥

ime śūrāḥ samarthāśca sarvato hariyūthapāḥ | tvatpriyārthaṃ kṛtotsāhāḥ praveṣṭumapi pāvakam | eṣāṃ harṣeṇa jānāmi tarkaścāpi dṛḍho mama || 2.7 ||

These leaders of the monkey troops are valiant and capable in every way; eager, for your sake, to enter even fire itself. From their eagerness, and from my own firm reasoning too, I know this to be so.

Shloka 8 (yuddha.2.8)

विक्रमेण समानेष्ये सीतां हत्वा यथा रिपुम्। रावणं पापकर्माणं तथा त्वं कर्तुमर्हसि ॥ 2.8 ॥

vikrameṇa samāneṣye sītāṃ hatvā yathā ripum | rāvaṇaṃ pāpakarmāṇaṃ tathā tvaṃ kartumarhasi || 2.8 ||

You ought to act in such a way that, by valor, I may recover Sita, once that enemy Ravana of evil deeds has been slain.

Shloka 9 (yuddha.2.9)

सेतुरत्र यथा बद्ध्येद् यथा पश्येम तां पुरीम्। तस्य राक्षसराजस्य तथा त्वं कुरु राघव ॥ 2.9 ॥

seturatra yathā baddhyed yathā paśyema tāṃ purīm | tasya rākṣasarājasya tathā tvaṃ kuru rāghava || 2.9 ||

Act, O Raghava, in such a way that a bridge may be built here, and that we may behold that city of the king of rakshasas.

Shloka 10 (yuddha.2.10)

दृष्ट्वा तां हि पुरीं लङ्कां त्रिकूटशिखरे स्थिताम्। हतं च रावणं युद्धे दर्शनादवधारय ॥ 2.10 ॥

dṛṣṭvā tāṃ hi purīṃ laṅkāṃ trikūṭaśikhare sthitām | hataṃ ca rāvaṇaṃ yuddhe darśanādavadhāraya || 2.10 ||

The moment we behold that city of Lanka, standing on the peak of Mount Trikuta, know for certain that Ravana is as good as slain in battle.

Shloka 11 (yuddha.2.11)

अबद्ध्वा सागरे सेतुं घोरे च वरुणालये। लङ्कां न मर्दितुं शक्या सेन्द्रैरपि सुरासुरैः ॥ 2.11 ॥

abaddhvā sāgare setuṃ ghore ca varuṇālaye | laṅkāṃ na marditum śakyā sendrairapi surāsuraiḥ || 2.11 ||

Without building a bridge across that dreadful ocean, the abode of Varuna, Lanka cannot be crushed even by the gods and demons together with Indra.

Shloka 12 (yuddha.2.12)

सेतुबन्धः समुद्रे च यावल्लङ्कासमीपतः। सर्वं तीर्णं च मे सैन्यं जितमित्युपधारय। इमे हि समरे वीरा हरयः कामरूपिणः ॥ 2.12 ॥

setubandhaḥ samudre ca yāvallaṅkāsamīpataḥ | sarvaṃ tīrṇaṃ ca me sainyaṃ jitamityupadhāraya | ime hi samare vīrā harayaḥ kāmarūpiṇaḥ || 2.12 ||

Once a bridge is built across the sea, right up to the vicinity of Lanka, and my whole army has crossed over -- know then that victory is won, for these heroic monkeys can assume any form at will in battle.

Shloka 13 (yuddha.2.13)

तदलं विक्लवां बुद्धिं राजन् सर्वार्थनाशिनीम्। पुरुषस्य हि लोकेऽस्मिन् शोकः शौर्यापकर्षणः ॥ 2.13 ॥

tadalaṃ viklavāṃ buddhiṃ rājan sarvārthanāśinīm | puruṣasya hi loke'smin śokaḥ śauryāpakarṣaṇaḥ || 2.13 ||

So enough, O king, of this distraught frame of mind that ruins every purpose; for in this world, grief only diminishes a man's valor.

Shloka 14 (yuddha.2.14)

यत् तु कार्यं मनुष्येण शौटीर्यमवलम्ब्यताम्। तदलंकरणायैव कर्तुर्भवति सत्वरम् ॥ 2.14 ॥

yat tu kāryaṃ manuṣyeṇa śauṭīryamavalambyatām | tadalaṃkaraṇāyaiva karturbhavati satvaram || 2.14 ||

Whatever task a man must do, let him take up boldness in it; this alone quickly brings the doer both success and honor.

Shloka 15 (yuddha.2.15)

अस्मिन् काले महाप्राज्ञ सत्त्वमातिष्ठ तेजसा। शूराणां हि मनुष्याणां त्वद्विधानां महात्मनाम्। विनष्टे वा प्रणष्टे वा शोकः सर्वार्थनाशनः ॥ 2.15 ॥

asmin kāle mahāprājña sattvamātiṣṭha tejasā | śūrāṇāṃ hi manuṣyāṇāṃ tvadvidhānāṃ mahātmanām | vinaṣṭe vā praṇaṣṭe vā śokaḥ sarvārthanāśanaḥ || 2.15 ||

At this hour, O wise one, hold fast to your courage with all your vigor; for even in heroic and great-souled men like you, grief over what is lost or destroyed ruins every purpose.

Shloka 16 (yuddha.2.16)

तत्त्वं बुद्धिमतां श्रेष्ठः सर्वशास्त्रार्थकोविदः। मद्विधैः सचिवैः सार्धमरिं जेतुं समर्हसि ॥ 2.16 ॥

tattvaṃ buddhimatāṃ śreṣṭhaḥ sarvaśāstrārthakovidaḥ | madvidhaiḥ sacivaiḥ sārdhamariṃ jetuṃ samarhasi || 2.16 ||

You indeed are the foremost of the wise, versed in the meaning of every scripture; you are fully capable of conquering the enemy, together with counselors such as myself.

Shloka 17 (yuddha.2.17)

नहि पश्याम्यहं कंचित् त्रिषु लोकेषु राघव। गृहीतधनुषो यस्ते तिष्ठेदभिमुखो रणे ॥ 2.17 ॥

nahi paśyāmyahaṃ kaṃcit triṣu lokeṣu rāghava | gṛhītadhanuṣo yaste tiṣṭhedabhimukho raṇe || 2.17 ||

Indeed, O Raghava, I see none in the three worlds who could stand before you in battle, once you have taken up your bow.

Shloka 18 (yuddha.2.18)

वानरेषु समासक्तं न ते कार्यं विपत्स्यते। अचिराद् द्रक्ष्यसे सीतां तीर्त्वा सागरमक्षयम् ॥ 2.18 ॥

vānareṣu samāsaktaṃ na te kāryaṃ vipatsyate | acirād drakṣyase sītāṃ tīrtvā sāgaramakṣayam || 2.18 ||

This task of yours, entrusted to the monkeys, shall not fail; before long, having crossed this boundless ocean, you shall behold Sita.

Shloka 19 (yuddha.2.19)

तदलं शोकमालम्ब्य क्रोधमालम्ब भूपते। निश्चेष्टाः क्षत्रिया मन्दाः सर्वे चण्डस्य बिभ्यति ॥ 2.19 ॥

tadalaṃ śokamālambya krodhamālamba bhūpate | niśceṣṭāḥ kṣatriyā mandāḥ sarve caṇḍasya bibhyati || 2.19 ||

Enough, then, O lord of the earth, of clinging to grief -- take hold of righteous anger instead. Inactive kshatriyas are accounted feeble; all men, rather, fear the one who is fierce.

Shloka 20 (yuddha.2.20)

लङ्घनार्थं च घोरस्य समुद्रस्य नदीपतेः। सहास्माभिरिहोपेतः सूक्ष्मबुद्धिर्विचारय ॥ 2.20 ॥

laṅghanārthaṃ ca ghorasya samudrasya nadīpateḥ | sahāsmābhirihopetaḥ sūkṣmabuddhirvicāraya || 2.20 ||

Now, with your keen intellect, join with us here and consider the means of crossing this terrible ocean, the lord of rivers.

Shloka 21 (yuddha.2.21)

लङ्घिते तत्र तैः सैन्यैर्जितमित्येव निश्चिनु। सर्वं तीर्णं च मे सैन्यं जितमित्यवधार्यताम् ॥ 2.21 ॥

laṅghite tatra taiḥ sainyairjitamityeva niścinu | sarvaṃ tīrṇaṃ ca me sainyaṃ jitamityavadhāryatām || 2.21 ||

Once that sea has been crossed by that army, be assured that victory is already won; and know that when my whole army has passed over, our triumph is certain.

Shloka 22 (yuddha.2.22)

इमे हि हरयः शूराः समरे कामरूपिणः। तानरीन् विधमिष्यन्ति शिलापादपवृष्टिभिः ॥ 2.22 ॥

ime hi harayaḥ śūrāḥ samare kāmarūpiṇaḥ | tānarīn vidhamiṣyanti śilāpādapavṛṣṭibhiḥ || 2.22 ||

These heroic monkeys can assume any form at will in battle; they will scatter those enemies with a shower of rocks and trees.

Shloka 23 (yuddha.2.23)

कथंचित् परिपश्यामि लङ्घितं वरुणालयम्। हतमित्येव तं मन्ये युद्धे शत्रुनिबर्हण ॥ 2.23 ॥

kathaṃcit paripaśyāmi laṅghitaṃ varuṇālayam | hatamityeva taṃ manye yuddhe śatrunibarhaṇa || 2.23 ||

The very moment I see, by whatever means, this abode of Varuna crossed, O destroyer of foes, I shall consider him as good as slain in battle.

Shloka 24 (yuddha.2.24)

किमुक्त्वा बहुधा चापि सर्वथा विजयी भवान्। निमित्तानि च पश्यामि मनो मे सम्प्रहृष्यति ॥ 2.24 ॥

kimuktvā bahudhā cāpi sarvathā vijayī bhavān | nimittāni ca paśyāmi mano me samprahṛṣyati || 2.24 ||

What use is there in saying much more? You shall in every way be victorious; I see auspicious omens, and my heart is filled with joy.