Sugriva Slays Kumbha

Shloka 1 (yuddha.76.1)

प्रवृत्ते संकुले तस्मिन् घोरे वीरजनक्षये। अङ्गदः कम्पनं वीरमाससाद रणोत्सुकः ॥ 76.1 ॥

pravṛtte saṃkule tasmin ghore vīrajanakṣaye| aṅgadaḥ kampanaṃ vīramāsasāda raṇotsukaḥ || 76.1 ||

While that terrible battle raged, destroying many eminent warriors, Angada, eager for combat, charged at the valiant Kampana.

Shloka 2 (yuddha.76.2)

आहूय सोऽङ्गदं कोपात् ताडयामास वेगितः। गदया कम्पनः पूर्वं स चचाल भृशाहतः ॥ 76.2 ॥

āhūya so'ṅgadaṃ kopāt tāḍayāmāsa vegitaḥ| gadayā kampanaḥ pūrvaṃ sa cacāla bhṛśāhataḥ || 76.2 ||

Kampana challenged Angada and, swift with fury, struck him first with his mace; violently hit, Angada reeled.

Shloka 3 (yuddha.76.3)

स संज्ञां प्राप्य तेजस्वी चिक्षेप शिखरं गिरेः। अर्दितश्च प्रहारेण कम्पनः पतितो भुवि ॥ 76.3 ॥

sa saṃjñāṃ prāpya tejasvī cikṣepa śikharaṃ gireḥ| arditaśca prahāreṇa kampanaḥ patito bhuvi || 76.3 ||

Recovering his senses, the resplendent Angada hurled a mountain-peak at him; struck by that blow, Kampana fell to the ground.

Shloka 4 (yuddha.76.4)

ततस्तु कम्पनं दृष्ट्वा शोणिताक्षो हतं रणे। रथेनाभ्यपतत् क्षिप्रं तत्राङ्गदमभीतवत् ॥ 76.4 ॥

tatastu kampanaṃ dṛṣṭvā śoṇitākṣo hataṃ raṇe| rathenābhyapatat kṣipraṃ tatrāṅgadamabhītavat || 76.4 ||

Then, seeing Kampana slain in battle, Shonitaksha, undaunted, swiftly drove his chariot straight at Angada.

Shloka 5 (yuddha.76.5)

सोऽङ्गदं निशितैर्बाणैस्तदा विव्याध वेगितः। शरीरदारणैस्तीक्ष्णैः कालाग्निसमविग्रहैः ॥ 76.5 ॥

so'ṅgadaṃ niśitairbāṇaistadā vivyādha vegitaḥ| śarīradāraṇaistīkṣṇaiḥ kālāgnisamavigrahaiḥ || 76.5 ||

He then swiftly struck Angada with sharp, piercing arrows that could tear the body, their forms fierce as the fire that ends the world.

Shloka 6 (yuddha.76.6)

क्षुरक्षुरप्रनाराचैर्वत्सदन्तैः शिलीमुखैः। कर्णिशल्यविपाठैश्च बहुभिर्निशितैः शरैः ॥ 76.6 ॥

kṣurakṣurapranārācairvatsadantaiḥ śilīmukhaiḥ| karṇiśalyavipāṭhaiśca bahubhirniśitaiḥ śaraiḥ || 76.6 ||

— with many sharp shafts of every kind: crescent-headed kshuras, kshurapras, steel naracas, calf-tooth-headed vatsadantas, buzzard-feathered shilimukhas, ear-barbed karnis, long-headed shalyas, and leaf-headed vipathas.

Shloka 7 (yuddha.76.7)

अङ्गदः प्रतिविद्धाङ्गो वालिपुत्रः प्रतापवान्। धनुरुग्रं रथं बाणान् ममर्द तरसा बली ॥ 76.7 ॥

aṅgadaḥ pratividdhāṅgo vāliputraḥ pratāpavān| dhanurugraṃ rathaṃ bāṇān mamarda tarasā balī || 76.7 ||

Angada, his body pierced all over, yet the mighty and glorious son of Vali, with sheer force crushed that terrible bow, chariot, and arrows.

Shloka 8 (yuddha.76.8)

शोणिताक्षस्ततः क्षिप्रमसिचर्म समाददे। उत्पपात तदा क्रुद्धो वेगवानविचारयन् ॥ 76.8 ॥

śoṇitākṣastataḥ kṣipramasicarma samādade| utpapāta tadā kruddho vegavānavicārayan || 76.8 ||

Then Shonitaksha quickly seized sword and shield, and, enraged, leapt down swiftly without a moment's thought.

Shloka 9 (yuddha.76.9)

तं क्षिप्रतरमाप्लुत्य परामृश्याङ्गदो बली। करेण तस्य तं खड्गं समाच्छिद्य ननाद च ॥ 76.9 ॥

taṃ kṣiprataramāplutya parāmṛśyāṅgado balī| kareṇa tasya taṃ khaḍgaṃ samācchidya nanāda ca || 76.9 ||

Leaping forward more swiftly still, the mighty Angada seized him, wrenched the sword from his hand, and let out a roar.

Shloka 10 (yuddha.76.10)

तस्यांसफलके खड्गं निजघान ततोऽङ्गदः। यज्ञोपवीतवच्चैनं चिच्छेद कपिकुञ्जरः ॥ 76.10 ॥

tasyāṃsaphalake khaḍgaṃ nijaghāna tato'ṅgadaḥ| yajñopavītavaccainaṃ ciccheda kapikuñjaraḥ || 76.10 ||

Then Angada drove that sword into his shoulder-blade, and that elephant among monkeys cleaved him diagonally, as one wears the sacred thread.

Shloka 11 (yuddha.76.11)

तं प्रगृह्य महाखड्गं विनद्य च पुनः पुनः। वालिपुत्रोऽभिदुद्राव रणशीर्षे परानरीन् ॥ 76.11 ॥

taṃ pragṛhya mahākhaḍgaṃ vinadya ca punaḥ punaḥ| vāliputro'bhidudrāva raṇaśīrṣe parānarīn || 76.11 ||

Seizing that great sword and roaring again and again, the son of Vali charged at the remaining enemies at the head of the battle.

Shloka 12 (yuddha.76.12)

प्रजङ्घसहितो वीरो यूपाक्षस्तु ततो बली। रथेनाभिययौ क्रुद्धो वालिपुत्रं महाबलम् ॥ 76.12 ॥

prajaṅghasahito vīro yūpākṣastu tato balī| rathenābhiyayau kruddho vāliputraṃ mahābalam || 76.12 ||

Then the valiant and mighty Yupaksha, together with Prajangha, enraged, drove his chariot against the powerful son of Vali.

Shloka 13 (yuddha.76.13)

आयसीं तु गदां गृह्य स वीरः कनकाङ्गदः। शोणिताक्षः समाश्वस्य तमेवानुपपात ह ॥ 76.13 ॥

āyasīṃ tu gadāṃ gṛhya sa vīraḥ kanakāṅgadaḥ| śoṇitākṣaḥ samāśvasya tamevānupapāta ha || 76.13 ||

That valiant Shonitaksha, wearing golden armlets, recovering himself, took up an iron mace and rushed once more upon that same Angada.

Shloka 14 (yuddha.76.14)

प्रजङ्घस्तु महावीरो यूपाक्षसहितो बली। गदयाभिययौ क्रुद्धो वालिपुत्रं महाबलम् ॥ 76.14 ॥

prajaṅghastu mahāvīro yūpākṣasahito balī| gadayābhiyayau kruddho vāliputraṃ mahābalam || 76.14 ||

The great and mighty warrior Prajangha, together with Yupaksha, enraged, advanced with his mace against the powerful son of Vali.

Shloka 15 (yuddha.76.15)

तयोर्मध्ये कपिश्रेष्ठः शोणिताक्षप्रजङ्घयोः। विशाखयोर्मध्यगतः पूर्णचन्द्र इवाबभौ ॥ 76.15 ॥

tayormadhye kapiśreṣṭhaḥ śoṇitākṣaprajaṅghayoḥ| viśākhayormadhyagataḥ pūrṇacandra ivābabhau || 76.15 ||

Between those two, Shonitaksha and Prajangha, the foremost of monkeys shone like the full moon set between the twin stars of Vishakha.

Shloka 16 (yuddha.76.16)

अङ्गदं परिरक्षन्तौ मैन्दो द्विविद एव च। तस्य तस्थतुरभ्याशे परस्परदिदृक्षया ॥ 76.16 ॥

aṅgadaṃ parirakṣantau maindo dvivida eva ca| tasya tasthaturabhyāśe parasparadidṛkṣayā || 76.16 ||

Mainda and Dvivida, guarding Angada, took their stand close beside him, each eager to witness the other's prowess.

Shloka 17 (yuddha.76.17)

अभिपेतुर्महाकायाः प्रतियत्ता महाबलाः। राक्षसा वानरान् रोषादसिबाणगदाधराः ॥ 76.17 ॥

abhipeturmahākāyāḥ pratiyattā mahābalāḥ| rākṣasā vānarān roṣādasibāṇagadādharāḥ || 76.17 ||

The colossal, mighty demons, fully prepared, wielding swords, arrows, and maces, fell upon the monkeys in fury.

Shloka 18 (yuddha.76.18)

त्रयाणां वानरेन्द्राणां त्रिभी राक्षसपुंगवैः। संसक्तानां महद् युद्धमभवद् रोमहर्षणम् ॥ 76.18 ॥

trayāṇāṃ vānarendrāṇāṃ tribhī rākṣasapuṃgavaiḥ| saṃsaktānāṃ mahad yuddhamabhavad romaharṣaṇam || 76.18 ||

A great and hair-raising battle broke out as the three monkey-chiefs closed with the three foremost demons.

Shloka 19 (yuddha.76.19)

ते तु वृक्षान् समादाय सम्प्रचिक्षिपुराहवे। खड्गेन प्रतिचिक्षेप तान् प्रजङ्घो महाबलः ॥ 76.19 ॥

te tu vṛkṣān samādāya sampracikṣipurāhave| khaḍgena praticikṣepa tān prajaṅgho mahābalaḥ || 76.19 ||

Those monkeys seized trees and hurled them in battle; but the mighty Prajangha cut them down with his sword.

Shloka 20 (yuddha.76.20)

रथानश्वान् द्रुमाञ्छैलान् प्रतिचिक्षिपुराहवे। शरौघैः प्रतिचिच्छेद तान् यूपाक्षो महाबलः ॥ 76.20 ॥

rathānaśvān drumāñchailān praticikṣipurāhave| śaraughaiḥ praticiccheda tān yūpākṣo mahābalaḥ || 76.20 ||

They hurled trees and boulders at his chariot and horses in that battle; the mighty Yupaksha shredded them with a flood of arrows.

Shloka 21 (yuddha.76.21)

सृष्टान् द्विविदमैन्दाभ्यां द्रुमानुत्पाट्य वीर्यवान्। बभञ्ज गदया मध्ये शोणिताक्षः प्रतापवान् ॥ 76.21 ॥

sṛṣṭān dvividamaindābhyāṃ drumānutpāṭya vīryavān| babhañja gadayā madhye śoṇitākṣaḥ pratāpavān || 76.21 ||

The valiant and powerful Shonitaksha shattered, with his mace, midway in the air, the trees that Dvivida and Mainda had uprooted and hurled.

Shloka 22 (yuddha.76.22)

उद्यम्य विपुलं खड्गं परमर्मविदारणम्। प्रजङ्घो वालिपुत्राय अभिदुद्राव वेगितः ॥ 76.22 ॥

udyamya vipulaṃ khaḍgaṃ paramarmavidāraṇam| prajaṅgho vāliputrāya abhidudrāva vegitaḥ || 76.22 ||

Raising his massive sword capable of splitting open vital organs, Prajangha rushed swiftly at the son of Vali.

Shloka 23 (yuddha.76.23)

तमभ्याशगतं दृष्ट्वा वानरेन्द्रो महाबलः। आजघानाश्वकर्णेन द्रुमेणातिबलस्तदा ॥ 76.23 ॥

tamabhyāśagataṃ dṛṣṭvā vānarendro mahābalaḥ| ājaghānāśvakarṇena drumeṇātibalastadā || 76.23 ||

Seeing him draw near, the mighty and exceedingly strong lord of monkeys struck him then with an Ashvakarna tree.

Shloka 24 (yuddha.76.24)

बाहुं चास्य सनिस्त्रिंशमाजघान स मुष्टिना। वालिपुत्रस्य घातेन स पपात क्षितावसिः ॥ 76.24 ॥

bāhuṃ cāsya sanistriṃśamājaghāna sa muṣṭinā| vāliputrasya ghātena sa papāta kṣitāvasiḥ || 76.24 ||

And with his fist he struck Prajangha's sword-bearing arm; by that blow of the son of Vali, the sword fell to the ground.

Shloka 25 (yuddha.76.25)

तं दृष्ट्वा पतितं भूमौ खड्गं मुसलसंनिभम्। मुष्टिं संवर्तयामास वज्रकल्पं महाबलः ॥ 76.25 ॥

taṃ dṛṣṭvā patitaṃ bhūmau khaḍgaṃ musalasaṃnibham| muṣṭiṃ saṃvartayāmāsa vajrakalpaṃ mahābalaḥ || 76.25 ||

Seeing that pestle-like sword fallen to the ground, the mighty Prajangha clenched his fist, hard as a thunderbolt.

Shloka 26 (yuddha.76.26)

स ललाटे महावीर्यमङ्गदं वानरर्षभम्। आजघान महातेजाः स मुहूर्तं चचाल ह ॥ 76.26 ॥

sa lalāṭe mahāvīryamaṅgadaṃ vānararṣabham| ājaghāna mahātejāḥ sa muhūrtaṃ cacāla ha || 76.26 ||

That radiant Prajangha struck Angada, the mighty bull among monkeys, on the forehead; for a moment Angada reeled.

Shloka 27 (yuddha.76.27)

स संज्ञां प्राप्य तेजस्वी वालिपुत्रः प्रतापवान्। प्रजङ्घस्य शिरः कायात् पातयामास मुष्टिना ॥ 76.27 ॥

sa saṃjñāṃ prāpya tejasvī vāliputraḥ pratāpavān| prajaṅghasya śiraḥ kāyāt pātayāmāsa muṣṭinā || 76.27 ||

Recovering his senses, the resplendent and mighty son of Vali struck with his fist and sent Prajangha's head flying from his body.

Shloka 28 (yuddha.76.28)

स यूपाक्षोऽश्रुपूर्णाक्षः पितृव्ये निहते रणे। अवरुह्य रथात् क्षिप्रं क्षीणेषुः खड्गमाददे ॥ 76.28 ॥

sa yūpākṣo'śrupūrṇākṣaḥ pitṛvye nihate raṇe| avaruhya rathāt kṣipraṃ kṣīṇeṣuḥ khaḍgamādade || 76.28 ||

Yupaksha, his eyes filled with tears at his uncle's death in battle, his arrows spent, quickly climbed down from his chariot and took up a sword.

Shloka 29 (yuddha.76.29)

तमापतन्तं सम्प्रेक्ष्य यूपाक्षं द्विविदस्त्वरन्। आजघानोरसि क्रुद्धो जग्राह च बलाद् बली ॥ 76.29 ॥

tamāpatantaṃ samprekṣya yūpākṣaṃ dvividastvaran| ājaghānorasi kruddho jagrāha ca balād balī || 76.29 ||

Seeing Yupaksha charging at him, Dvivida swiftly and furiously struck him on the chest, and, powerful as he was, seized him by force.

Shloka 30 (yuddha.76.30)

गृहीतं भ्रातरं दृष्ट्वा शोणिताक्षो महाबलः। आजघान महातेजा वक्षसि द्विविदं ततः ॥ 76.30 ॥

gṛhītaṃ bhrātaraṃ dṛṣṭvā śoṇitākṣo mahābalaḥ| ājaghāna mahātejā vakṣasi dvividaṃ tataḥ || 76.30 ||

Seeing his mighty brother seized, the greatly radiant Shonitaksha then struck Dvivida upon the chest.

Shloka 31 (yuddha.76.31)

स ततोऽभिहतस्तेन चचाल च महाबलः। उद्यतां च पुनस्तस्य जहार द्विविदो गदाम् ॥ 76.31 ॥

sa tato'bhihatastena cacāla ca mahābalaḥ| udyatāṃ ca punastasya jahāra dvivido gadām || 76.31 ||

Struck by him, the mighty Dvivida reeled; yet, as the mace was raised against him again, Dvivida wrenched it away.

Shloka 32 (yuddha.76.32)

एतस्मिन्नन्तरे मैन्दो द्विविदाभ्याशमागमत्। यूपाक्षं ताडयामास तलेनोरसि वीर्यवान् ॥ 76.32 ॥

etasminnantare maindo dvividābhyāśamāgamat| yūpākṣaṃ tāḍayāmāsa talenorasi vīryavān || 76.32 ||

Meanwhile Mainda arrived beside Dvivida, and the valiant Mainda struck Yupaksha on the chest with his open palm.

Shloka 33 (yuddha.76.33)

तौ शोणिताक्षयूपाक्षौ प्लवंगाभ्यां तरस्विनौ। चक्रतुः समरे तीव्रमाकर्षोत्पाटनं भृशम् ॥ 76.33 ॥

tau śoṇitākṣayūpākṣau plavaṃgābhyāṃ tarasvinau| cakratuḥ samare tīvramākarṣotpāṭanaṃ bhṛśam || 76.33 ||

Shonitaksha and Yupaksha, both swift and fierce, grappled violently with the two monkeys in that battle, dragging and wrenching at them with all their might.

Shloka 34 (yuddha.76.34)

द्विविदः शोणिताक्षं तु विददार नखैर्मुखे। निष्पिपेष स वीर्येण क्षितावाविध्य वीर्यवान् ॥ 76.34 ॥

dvividaḥ śoṇitākṣaṃ tu vidadāra nakhairmukhe| niṣpipeṣa sa vīryeṇa kṣitāvāvidhya vīryavān || 76.34 ||

Dvivida tore open Shonitaksha's face with his claws; then, with all his might, he flung him to the ground and crushed him.

Shloka 35 (yuddha.76.35)

यूपाक्षमभिसंक्रुद्धो मैन्दो वानरपुङ्गवः। पीडयामास बाहुभ्यां पपात स हतः क्षितौ ॥ 76.35 ॥

yūpākṣamabhisaṃkruddho maindo vānarapuṅgavaḥ| pīḍayāmāsa bāhubhyāṃ papāta sa hataḥ kṣitau || 76.35 ||

Mainda, foremost of monkeys, enraged, crushed Yupaksha between his two arms; struck down, Yupaksha fell to the ground.

Shloka 36 (yuddha.76.36)

हतप्रवीरा व्यथिता राक्षसेन्द्रचमूस्तथा। जगामाभिमुखी सा तु कुम्भकर्णात्मजो यतः ॥ 76.36 ॥

hatapravīrā vyathitā rākṣasendracamūstathā| jagāmābhimukhī sā tu kumbhakarṇātmajo yataḥ || 76.36 ||

That demon army, its champions slain and its spirit broken, then turned and moved toward where Kumbha, son of Kumbhakarna, stood.

Shloka 37 (yuddha.76.37)

आपतन्तीं च वेगेन कुम्भस्तां सान्त्वयच्चमूम्। अथोत्कृष्टं महावीर्यैर्लब्धलक्षैः प्लवंगमैः ॥ 76.37 ॥

āpatantīṃ ca vegena kumbhastāṃ sāntvayaccamūm| athotkṛṣṭaṃ mahāvīryairlabdhalakṣaiḥ plavaṃgamaiḥ || 76.37 ||

Kumbha reassured that army as it rushed towards him in haste; then, seeing it thrown into disarray by the greatly valiant monkeys who had found their mark,

Shloka 38 (yuddha.76.38)

निपातितमहावीरां दृष्ट्वा रक्षश्चमूं तदा। कुम्भः प्रचक्रे तेजस्वी रणे कर्म सुदुष्करम् ॥ 76.38 ॥

nipātitamahāvīrāṃ dṛṣṭvā rakṣaścamūṃ tadā| kumbhaḥ pracakre tejasvī raṇe karma suduṣkaram || 76.38 ||

— seeing the demon-army with its great warriors thus struck down, the radiant Kumbha then resolved to perform a feat in battle exceedingly difficult to achieve.

Shloka 39 (yuddha.76.39)

स धनुर्धन्विनां श्रेष्ठः प्रगृह्य सुसमाहितः। मुमोचाशीविषप्रख्याञ्छरान् देहविदारणान् ॥ 76.39 ॥

sa dhanurdhanvināṃ śreṣṭhaḥ pragṛhya susamāhitaḥ| mumocāśīviṣaprakhyāñcharān dehavidāraṇān || 76.39 ||

That foremost of archers, taking up his bow with complete composure, loosed arrows like venomous serpents, capable of tearing bodies apart.

Shloka 40 (yuddha.76.40)

तस्य तच्छुशुभे भूयः सशरं धनुरुत्तमम्। विद्युदैरावतार्चिष्मद्द्वितीयेन्द्रधनुर्यथा ॥ 76.40 ॥

tasya tacchuśubhe bhūyaḥ saśaraṃ dhanuruttamam| vidyudairāvatārciṣmada‍‍्dvitīyendradhanuryathā || 76.40 ||

That excellent bow of his, fitted with an arrow, shone all the more, like a second bow of Indra ablaze with lightning and the splendour of Airavata.

Shloka 41 (yuddha.76.41)

आकर्णकृष्टमुक्तेन जघान द्विविदं तदा। तेन हाटकपुङ्खेन पत्रिणा पत्रवाससा ॥ 76.41 ॥

ākarṇakṛṣṭamuktena jaghāna dvividaṃ tadā| tena hāṭakapuṅkhena patriṇā patravāsasā || 76.41 ||

Drawing that gold-shafted, feather-fletched arrow to his ear and releasing it, he struck Dvivida.

Shloka 42 (yuddha.76.42)

सहसाभिहतस्तेन विप्रमुक्तपदः स्फुरन्। निपपात त्रिकूटाभो विह्वलन् प्लवगोत्तमः ॥ 76.42 ॥

sahasābhihatastena vipramuktapadaḥ sphuran| nipapāta trikūṭābho vihvalan plavagottamaḥ || 76.42 ||

Suddenly struck by it, that foremost of monkeys, radiant as Mount Trikuta, his feet giving way beneath him, fell writhing and overwhelmed.

Shloka 43 (yuddha.76.43)

मैन्दस्तु भ्रातरं तत्र भग्नं दृष्ट्वा महाहवे। अभिदुद्राव वेगेन प्रगृह्य विपुलां शिलाम् ॥ 76.43 ॥

maindastu bhrātaraṃ tatra bhagnaṃ dṛṣṭvā mahāhave| abhidudrāva vegena pragṛhya vipulāṃ śilām || 76.43 ||

Seeing his brother thus struck down in that great battle, Mainda seized a huge rock and charged forward with speed.

Shloka 44 (yuddha.76.44)

तां शिलां तु प्रचिक्षेप राक्षसाय महाबलः। बिभेद तां शिलां कुम्भः प्रसन्नैः पञ्चभिः शरैः ॥ 76.44 ॥

tāṃ śilāṃ tu pracikṣepa rākṣasāya mahābalaḥ| bibheda tāṃ śilāṃ kumbhaḥ prasannaiḥ pañcabhiḥ śaraiḥ || 76.44 ||

The mighty Mainda hurled that rock at the demon; Kumbha shattered it with five clear, well-aimed arrows.

Shloka 45 (yuddha.76.45)

संधाय चान्यं सुमुखं शरमाशीविषोपमम्। आजघान महातेजा वक्षसि द्विविदाग्रजम् ॥ 76.45 ॥

saṃdhāya cānyaṃ sumukhaṃ śaramāśīviṣopamam| ājaghāna mahātejā vakṣasi dvividāgrajam || 76.45 ||

Fitting another well-tipped arrow, like a venomous serpent, the greatly radiant Kumbha struck Mainda, Dvivida's elder brother, upon the chest.

Shloka 46 (yuddha.76.46)

स तु तेन प्रहारेण मैन्दो वानरयूथपः। मर्मण्यभिहतस्तेन पपात भुवि मूर्च्छितः ॥ 76.46 ॥

sa tu tena prahāreṇa maindo vānarayūthapaḥ| marmaṇyabhihatastena papāta bhuvi mūrcchitaḥ || 76.46 ||

Struck to the vitals by that blow, Mainda, the monkey-chief, fell to the ground unconscious.

Shloka 47 (yuddha.76.47)

अङ्गदो मातुलौ दृष्ट्वा मथितौ तु महाबलौ। अभिदुद्राव वेगेन कुम्भमुद्यतकार्मुकम् ॥ 76.47 ॥

aṅgado mātulau dṛṣṭvā mathitau tu mahābalau| abhidudrāva vegena kumbhamudyatakārmukam || 76.47 ||

Seeing both his mighty maternal uncles battered, Angada charged with speed at Kumbha, who stood with bow upraised.

Shloka 48 (yuddha.76.48)

तमापतन्तं विव्याध कुम्भः पञ्चभिरायसैः। त्रिभिश्चान्यैः शितैर्बाणैर्मातंगमिव तोमरैः। सोऽङ्गदं बहुभिर्बाणैः कुम्भो विव्याध वीर्यवान् ॥ 76.48 ॥

tamāpatantaṃ vivyādha kumbhaḥ pañcabhirāyasaiḥ| tribhiścānyaiḥ śitairbāṇairmātaṃgamiva tomaraiḥ| so'ṅgadaṃ bahubhirbāṇaiḥ kumbho vivyādha vīryavān || 76.48 ||

As Angada charged at him, Kumbha pierced him with five iron arrows, and with three other sharp shafts besides — as one would goad a war-elephant with spears; thus did valiant Kumbha strike Angada with a multitude of arrows.

Shloka 49 (yuddha.76.49)

अकुण्ठधारैर्निशितैस्तीक्ष्णैः कनकभूषणैः। अङ्गदः प्रतिविद्धाङ्गो वालिपुत्रो न कम्पते ॥ 76.49 ॥

akuṇṭhadhārairniśitaistīkṣṇaiḥ kanakabhūṣaṇaiḥ| aṅgadaḥ pratividdhāṅgo vāliputro na kampate || 76.49 ||

Though his body was pierced through by those sharp, keen-edged, gold-adorned arrows, the son of Vali did not so much as flinch.

Shloka 50 (yuddha.76.50)

शिलापादपवर्षाणि तस्य मूर्ध्नि ववर्ष ह। स प्रचिच्छेद तान् सर्वान् बिभेद च पुनः शिलाः ॥ 76.50 ॥

śilāpādapavarṣāṇi tasya mūrdhni vavarṣa ha| sa praciccheda tān sarvān bibheda ca punaḥ śilāḥ || 76.50 ||

He rained down showers of rocks and trees upon Kumbha's head; but Kumbha cut through all of them and shattered the rocks once more.

Shloka 51 (yuddha.76.51)

कुम्भकर्णात्मजः श्रीमान् वालिपुत्रसमीरितान्। आपतन्तं च सम्प्रेक्ष्य कुम्भो वानरयूथपम् ॥ 76.51 ॥

kumbhakarṇātmajaḥ śrīmān vāliputrasamīritān| āpatantaṃ ca samprekṣya kumbho vānarayūthapam || 76.51 ||

Kumbha, glorious son of Kumbhakarna, seeing the monkey-chief charging at him — remembering too the trees hurled by the son of Vali —

Shloka 52 (yuddha.76.52)

भ्रुवौ विव्याध बाणाभ्यामुल्काभ्यामिव कुञ्जरम्। तस्य सुस्राव रुधिरं पिहिते चास्य लोचने ॥ 76.52 ॥

bhruvau vivyādha bāṇābhyāmulkābhyāmiva kuñjaram| tasya susrāva rudhiraṃ pihite cāsya locane || 76.52 ||

— pierced both his eyebrows with two arrows, as one would strike an elephant with two flaming torches; blood streamed from him, and his eyes were blinded, covered with blood.

Shloka 53 (yuddha.76.53)

अङ्गदः पाणिना नेत्रे पिधाय रुधिरोक्षिते। सालमासन्नमेकेन परिजग्राह पाणिना ॥ 76.53 ॥

aṅgadaḥ pāṇinā netre pidhāya rudhirokṣite| sālamāsannamekena parijagrāha pāṇinā || 76.53 ||

Angada covered his blood-drenched eyes with one hand, and with the other seized hold of a nearby Sala tree.

Shloka 54 (yuddha.76.54)

सम्पीड्योरसि सस्कन्धं करेणाभिनिवेश्य च। किंचिदभ्यवनम्यैनमुन्ममाथ महारणे ॥ 76.54 ॥

sampīḍyorasi saskandhaṃ kareṇābhiniveśya ca| kiṃcidabhyavanamyainamunmamātha mahāraṇe || 76.54 ||

Pressing it, branches and all, against his chest, gripping it firmly with his hand, and bending a little, he tore it up in that great battle.

Shloka 55 (yuddha.76.55)

तमिन्द्रकेतुप्रतिमं वृक्षं मन्दरसंनिभम्। समुत्सृजत वेगेन मिषतां सर्वरक्षसाम् ॥ 76.55 ॥

tamindraketupratimaṃ vṛkṣaṃ mandarasaṃnibham| samutsṛjata vegena miṣatāṃ sarvarakṣasām || 76.55 ||

That tree, tall as Indra's banner and massive as Mount Mandara, he hurled with full force, before the very eyes of all the demons.

Shloka 56 (yuddha.76.56)

स चिच्छेद शितैर्बाणैः सप्तभिः कायभेदनैः। अङ्गदो विव्यथेऽभीक्ष्णं स पपात मुमोह च ॥ 76.56 ॥

sa ciccheda śitairbāṇaiḥ saptabhiḥ kāyabhedanaiḥ| aṅgado vivyathe'bhīkṣṇaṃ sa papāta mumoha ca || 76.56 ||

Kumbha cut it apart with seven sharp, body-rending arrows; Angada, sorely afflicted, fell down and swooned.

Shloka 57 (yuddha.76.57)

अङ्गदं पतितं दृष्ट्वा सीदन्तमिव सागरे। दुरासदं हरिश्रेष्ठा राघवाय न्यवेदयन् ॥ 76.57 ॥

aṅgadaṃ patitaṃ dṛṣṭvā sīdantamiva sāgare| durāsadaṃ hariśreṣṭhā rāghavāya nyavedayan || 76.57 ||

Seeing the unassailable Angada fallen, as though sinking in an ocean, the foremost monkeys reported this to Rama.

Shloka 58 (yuddha.76.58)

रामस्तु व्यथितं श्रुत्वा वालिपुत्रं महाहवे। व्यादिदेश हरिश्रेष्ठाञ्जाम्बवत्प्रमुखांस्ततः ॥ 76.58 ॥

rāmastu vyathitaṃ śrutvā vāliputraṃ mahāhave| vyādideśa hariśreṣṭhāñjāmbavatpramukhāṃstataḥ || 76.58 ||

Hearing that the son of Vali was thus stricken in that great battle, Rama then dispatched the foremost monkeys, led by Jambavan.

Shloka 59 (yuddha.76.59)

ते तु वानरशार्दूलाः श्रुत्वा रामस्य शासनम्। अभिपेतुः सुसंक्रुद्धाः कुम्भमुद्यतकार्मुकम् ॥ 76.59 ॥

te tu vānaraśārdūlāḥ śrutvā rāmasya śāsanam| abhipetuḥ susaṃkruddhāḥ kumbhamudyatakārmukam || 76.59 ||

Those tigers among monkeys, hearing Rama's command, fell furiously upon Kumbha, who stood with his bow raised.

Shloka 60 (yuddha.76.60)

ततो द्रुमशिलाहस्ताः कोपसंरक्तलोचनाः। रिरक्षिषन्तोऽभ्यपतन्नङ्गदं वानरर्षभाः ॥ 76.60 ॥

tato drumaśilāhastāḥ kopasaṃraktalocanāḥ| rirakṣiṣanto'bhyapatannaṅgadaṃ vānararṣabhāḥ || 76.60 ||

Then, wielding trees and rocks, their eyes red with fury, the bulls among monkeys rushed forward, eager to shield Angada.

Shloka 61 (yuddha.76.61)

जाम्बवांश्च सुषेणश्च वेगदर्शी च वानरः। कुम्भकर्णात्मजं वीरं क्रुद्धाः समभिदुद्रुवुः ॥ 76.61 ॥

jāmbavāṃśca suṣeṇaśca vegadarśī ca vānaraḥ| kumbhakarṇātmajaṃ vīraṃ kruddhāḥ samabhidudruvuḥ || 76.61 ||

Jambavan, Sushena, and the monkey Vegadarshi, all enraged, charged together at the valiant son of Kumbhakarna.

Shloka 62 (yuddha.76.62)

समीक्ष्यापततस्तांस्तु वानरेन्द्रान् महाबलान्। आववार शरौघेण नगेनेव जलाशयम् ॥ 76.62 ॥

samīkṣyāpatatastāṃstu vānarendrān mahābalān| āvavāra śaraugheṇa nageneva jalāśayam || 76.62 ||

Seeing those mighty monkey-chiefs rushing upon him, Kumbha checked them with a flood of arrows, as a mountain might dam a lake.

Shloka 63 (yuddha.76.63)

तस्य बाणपथं प्राप्य न शेकुरपि वीक्षितुम्। वानरेन्द्रा महात्मानो वेलामिव महोदधिः ॥ 76.63 ॥

tasya bāṇapathaṃ prāpya na śekurapi vīkṣitum| vānarendrā mahātmāno velāmiva mahodadhiḥ || 76.63 ||

Coming within range of his arrows, those great-souled monkey-chiefs could not even look at him steadily — like the mighty ocean unable to overstep its shore.

Shloka 64 (yuddha.76.64)

तांस्तु दृष्ट्वा हरिगणान् शरवृष्टिभिरर्दितान्। अङ्गदं पृष्ठतः कृत्वा भ्रातृजं प्लवगेश्वरः ॥ 76.64 ॥

tāṃstu dṛṣṭvā harigaṇān śaravṛṣṭibhirarditān| aṅgadaṃ pṛṣṭhataḥ kṛtvā bhrātṛjaṃ plavageśvaraḥ || 76.64 ||

Seeing those troops of monkeys tormented by that rain of arrows, the lord of monkeys, placing his nephew Angada behind him,

Shloka 65 (yuddha.76.65)

अभिदुद्राव सुग्रीवः कुम्भकर्णात्मजं रणे। शैलसानुचरं नागं वेगवानिव केसरी ॥ 76.65 ॥

abhidudrāva sugrīvaḥ kumbhakarṇātmajaṃ raṇe| śailasānucaraṃ nāgaṃ vegavāniva kesarī || 76.65 ||

— Sugriva charged at Kumbha, son of Kumbhakarna, in that battle, swift as a lion pouncing on an elephant roaming a mountain's slopes.

Shloka 66 (yuddha.76.66)

उत्पाट्य च महावृक्षानश्वकर्णादिकान् बहून्। अन्यांश्च विविधान् वृक्षांश्चिक्षेप स महाकपिः ॥ 76.66 ॥

utpāṭya ca mahāvṛkṣānaśvakarṇādikān bahūn| anyāṃśca vividhān vṛkṣāṃścikṣepa sa mahākapiḥ || 76.66 ||

Uprooting many great trees, Ashvakarna and others, and other trees of various kinds, that great monkey hurled them at Kumbha.

Shloka 67 (yuddha.76.67)

तां छादयन्तीमाकाशं वृक्षवृष्टिं दुरासदाम्। कुम्भकर्णात्मजः श्रीमांश्चिच्छेद स्वशरैः शितैः ॥ 76.67 ॥

tāṃ chādayantīmākāśaṃ vṛkṣavṛṣṭiṃ durāsadām| kumbhakarṇātmajaḥ śrīmāṃściccheda svaśaraiḥ śitaiḥ || 76.67 ||

That shower of trees, which blotted out the sky and was hard to withstand, the glorious son of Kumbhakarna cut apart with his own sharp arrows.

Shloka 68 (yuddha.76.68)

अभिलक्ष्येण तीव्रेण कुम्भेन निशितैः शरैः। आचितास्ते द्रुमा रेजुर्यथा घोराः शतघ्नयः। द्रुमवर्षं तु तद् भिन्नं दृष्ट्वा कुम्भेन वीर्यवान् ॥ 76.68 ॥

abhilakṣyeṇa tīvreṇa kumbhena niśitaiḥ śaraiḥ| ācitāste drumā rejuryathā ghorāḥ śataghnayaḥ| drumavarṣaṃ tu tad bhinnaṃ dṛṣṭvā kumbhena vīryavān || 76.68 ||

Struck through by the sharp arrows of the fierce, unerring Kumbha, those trees bristled and gleamed like dreadful iron-spiked maces. Yet seeing that very shower of trees shattered by Kumbha, the valiant—

Shloka 69 (yuddha.76.69)

वानराधिपतिः श्रीमान् महासत्त्वो न विव्यथे। स विध्यमानः सहसा सहमानस्तु ताञ्छरान् ॥ 76.69 ॥

vānarādhipatiḥ śrīmān mahāsattvo na vivyathe| sa vidhyamānaḥ sahasā sahamānastu tāñcharān || 76.69 ||

—illustrious, mighty-souled lord of the monkeys was not shaken. Though suddenly struck, he endured those arrows,

Shloka 70 (yuddha.76.70)

कुम्भस्य धनुराक्षिप्य बभञ्जेन्द्रधनुःप्रभम्। अवप्लुत्य ततः शीघ्रं कृत्वा कर्म सुदुष्करम् ॥ 76.70 ॥

kumbhasya dhanurākṣipya babhañjendradhanuḥprabham| avaplutya tataḥ śīghraṃ kṛtvā karma suduṣkaram || 76.70 ||

—and snatched away Kumbha's bow, splendid as Indra's rainbow, breaking it; then leaping swiftly back, having accomplished that most difficult feat—

Shloka 71 (yuddha.76.71)

अब्रवीत् कुपितः कुम्भं भग्नशृङ्गमिव द्विपम्। निकुम्भाग्रज वीर्यं ते बाणवेगं तदद्भुतम् ॥ 76.71 ॥

abravīt kupitaḥ kumbhaṃ bhagnaśṛṅgamiva dvipam| nikumbhāgraja vīryaṃ te bāṇavegaṃ tadadbhutam || 76.71 ||

—the enraged Sugriva spoke to Kumbha, who now resembled a tusker with its tusk broken: "O elder brother of Nikumbha, your valour and the swiftness of your arrows are indeed wonders—

Shloka 72 (yuddha.76.72)

संनतिश्च प्रभावश्च तव वा रावणस्य वा। प्रह्लादबलिवृत्रघ्नकुबेरवरुणोपम ॥ 76.72 ॥

saṃnatiśca prabhāvaśca tava vā rāvaṇasya vā| prahlādabalivṛtraghnakuberavaruṇopama || 76.72 ||

—tell me, is this greatness and this power your own, or is it Ravana's, O you who rival Prahlada, Bali, the slayer of Vritra, Kubera, and Varuna?

Shloka 73 (yuddha.76.73)

एकस्त्वमनुजातोऽसि पितरं बलवत्तरम्। त्वामेवैकं महाबाहुं शूलहस्तमरिंदमम् ॥ 76.73 ॥

ekastvamanujāto'si pitaraṃ balavattaram| tvāmevaikaṃ mahābāhuṃ śūlahastamariṃdamam || 76.73 ||

You alone are born in the true likeness of your own mighty father — you, mighty-armed, spear in hand, tamer of foes,

Shloka 74 (yuddha.76.74)

त्रिदशा नातिवर्तन्ते जितेन्द्रियमिवाधयः। विक्रमस्व महाबुद्धे कर्माणि मम पश्य च ॥ 76.74 ॥

tridaśā nātivartante jitendriyamivādhayaḥ| vikramasva mahābuddhe karmāṇi mama paśya ca || 76.74 ||

—whom not even the thirty gods can overcome, just as inner torment cannot overcome one who has mastered his senses. Show your valor now, O wise one, and witness my own deeds!

Shloka 75 (yuddha.76.75)

वरदानात् पितृव्यस्ते सहते देवदानवान्। कुम्भकर्णस्तु वीर्येण सहते च सुरासुरान् ॥ 76.75 ॥

varadānāt pitṛvyaste sahate devadānavān| kumbhakarṇastu vīryeṇa sahate ca surāsurān || 76.75 ||

Your uncle withstands gods and danavas by virtue of a boon; but Kumbhakarna withstands gods and asuras by his own valor alone.

Shloka 76 (yuddha.76.76)

धनुषीन्द्रजितस्तुल्यः प्रतापे रावणस्य च। त्वमद्य रक्षसां लोके श्रेष्ठोऽसि बलवीर्यतः ॥ 76.76 ॥

dhanuṣīndrajitastulyaḥ pratāpe rāvaṇasya ca| tvamadya rakṣasāṃ loke śreṣṭho'si balavīryataḥ || 76.76 ||

Equal to Indrajit in archery, and to Ravana in majesty — today you stand foremost among the rakshasa race in strength and valor.

Shloka 77 (yuddha.76.77)

महाविमर्दं समरे मया सह तवाद्भुतम्। अद्य भूतानि पश्यन्तु शक्रशम्बरयोरिव ॥ 76.77 ॥

mahāvimardaṃ samare mayā saha tavādbhutam| adya bhūtāni paśyantu śakraśambarayoriva || 76.77 ||

Let all beings today witness this wondrous, mighty clash between you and me in battle, as they once beheld the clash of Indra and Shambara.

Shloka 78 (yuddha.76.78)

कृतमप्रतिमं कर्म दर्शितं चास्त्रकौशलम्। पतिता हरिवीराश्च त्वयैते भीमविक्रमाः ॥ 76.78 ॥

kṛtamapratimaṃ karma darśitaṃ cāstrakauśalam| patitā harivīrāśca tvayaite bhīmavikramāḥ || 76.78 ||

You have performed a matchless feat and shown your skill with weapons; by you have these fearsomely valiant monkey-heroes been struck down."

Shloka 79 (yuddha.76.79)

उपालम्भभयाच्चैव नासि वीर मया हतः। कृतकर्मपरिश्रान्तो विश्रान्तः पश्य मे बलम् ॥ 76.79 ॥

upālambhabhayāccaiva nāsi vīra mayā hataḥ| kṛtakarmapariśrānto viśrāntaḥ paśya me balam || 76.79 ||

"Only for fear of reproach, O hero, have I not struck you down. You are weary from the deeds you have done — rest now, then witness my strength."

Shloka 80 (yuddha.76.80)

तेन सुग्रीववाक्येन सावमानेन मानितः। अग्नेराज्यहुतस्येव तेजस्तस्याभ्यवर्धत ॥ 76.80 ॥

tena sugrīvavākyena sāvamānena mānitaḥ| agnerājyahutasyeva tejastasyābhyavardhata || 76.80 ||

Honoured — yet insulted — by those words of Sugriva, Kumbha's fury blazed up higher still, like fire fed with an offering of ghee.

Shloka 81 (yuddha.76.81)

ततः कुम्भस्तु सुग्रीवं बाहुभ्यां जगृहे तदा। गजाविवातीतमदौ निःश्वसन्तौ मुहुर्मुहुः ॥ 76.81 ॥

tataḥ kumbhastu sugrīvaṃ bāhubhyāṃ jagṛhe tadā| gajāvivātītamadau niḥśvasantau muhurmuhuḥ || 76.81 ||

Then Kumbha seized Sugriva with both arms; the two of them, like two elephants whose rut had not yet abated, breathed heavily again and again.

Shloka 82 (yuddha.76.82)

अन्योन्यगात्रग्रथितौ घर्षन्तावितरेतरम्। सधूमां मुखतो ज्वालां विसृजन्तौ परिश्रमात् ॥ 76.82 ॥

anyonyagātragrathitau gharṣantāvitaretaram| sadhūmāṃ mukhato jvālāṃ visṛjantau pariśramāt || 76.82 ||

Bodies locked together, grinding against one another, from their mouths, out of sheer exertion, they breathed forth smoke and flame.

Shloka 83 (yuddha.76.83)

तयोः पादाभिघाताच्च निमग्ना चाभवन्मही। व्याघूर्णिततरङ्गश्च चुक्षुभे वरुणालयः ॥ 76.83 ॥

tayoḥ pādābhighātācca nimagnā cābhavanmahī| vyāghūrṇitataraṅgaśca cukṣubhe varuṇālayaḥ || 76.83 ||

Beneath the trampling of their feet the very earth sank down, and the ocean, its waves whirling in turmoil, was churned into agitation.

Shloka 84 (yuddha.76.84)

ततः कुम्भं समुत्क्षिप्य सुग्रीवो लवणाम्भसि। पातयामास वेगेन दर्शयन्नुदधेस्तलम् ॥ 76.84 ॥

tataḥ kumbhaṃ samutkṣipya sugrīvo lavaṇāmbhasi| pātayāmāsa vegena darśayannudadhestalam || 76.84 ||

Then Sugriva hoisted Kumbha up and hurled him with great force into the salt sea, showing him the very floor of the ocean.

Shloka 85 (yuddha.76.85)

ततः कुम्भनिपातेन जलराशिः समुत्थितः। विन्ध्यमन्दरसंकाशो विससर्प समन्ततः ॥ 76.85 ॥

tataḥ kumbhanipātena jalarāśiḥ samutthitaḥ| vindhyamandarasaṃkāśo visasarpa samantataḥ || 76.85 ||

At the crash of Kumbha's fall, the mass of water rose up, resembling the Vindhya or Mandara mountains, and spread out on every side.

Shloka 86 (yuddha.76.86)

ततः कुम्भः समुत्पत्य सुग्रीवमभिपात्य च। आजघानोरसि क्रुद्धो वज्रकल्पेन मुष्टिना ॥ 76.86 ॥

tataḥ kumbhaḥ samutpatya sugrīvamabhipātya ca| ājaghānorasi kruddho vajrakalpena muṣṭinā || 76.86 ||

Then Kumbha leapt up, and lunging at Sugriva, struck him on the chest in fury with a fist like a thunderbolt.

Shloka 87 (yuddha.76.87)

तस्य वर्म च पुस्फोट संजज्ञे चापि शोणितम्। तस्य मुष्टिर्महावेगः प्रतिजघ्नेऽस्थिमण्डले ॥ 76.87 ॥

tasya varma ca pusphoṭa saṃjajñe cāpi śoṇitam| tasya muṣṭirmahāvegaḥ pratijaghne'sthimaṇḍale || 76.87 ||

Sugriva's armour burst apart and blood appeared; yet that mighty, swift fist met its match against the very framework of his bones.

Shloka 88 (yuddha.76.88)

तस्य वेगेन तत्रासीत् तेजः प्रज्वलितं महत्। वज्रनिष्पेषसंजाता ज्वाला मेरोर्यथा गिरेः ॥ 76.88 ॥

tasya vegena tatrāsīt tejaḥ prajvalitaṃ mahat| vajraniṣpeṣasaṃjātā jvālā meroryathā gireḥ || 76.88 ||

From the force of that blow there blazed forth a mighty radiance, like the flame born of a thunderbolt striking Mount Meru.

Shloka 89 (yuddha.76.89)

स तत्राभिहतस्तेन सुग्रीवो वानरर्षभः। मुष्टिं संवर्तयामास वज्रकल्पं महाबलः ॥ 76.89 ॥

sa tatrābhihatastena sugrīvo vānararṣabhaḥ| muṣṭiṃ saṃvartayāmāsa vajrakalpaṃ mahābalaḥ || 76.89 ||

Struck there by him, Sugriva, bull among monkeys, mighty as he was, clenched his own fist, hard as a thunderbolt.

Shloka 90 (yuddha.76.90)

अर्चिःसहस्रविकचरविमण्डलवर्चसम्। स मुष्टिं पातयामास कुम्भस्योरसि वीर्यवान् ॥ 76.90 ॥

arciḥsahasravikacaravimaṇḍalavarcasam| sa muṣṭiṃ pātayāmāsa kumbhasyorasi vīryavān || 76.90 ||

That valiant one brought his fist crashing down on Kumbha's chest — radiant as the sun's orb blazing with a thousand rays.

Shloka 91 (yuddha.76.91)

स तु तेन प्रहारेण विह्वलो भृशपीडितः। निपपात तदा कुम्भो गतार्चिरिव पावकः ॥ 76.91 ॥

sa tu tena prahāreṇa vihvalo bhṛśapīḍitaḥ| nipapāta tadā kumbho gatārciriva pāvakaḥ || 76.91 ||

By that blow Kumbha reeled, sorely stricken, and fell — like a fire whose flame has gone out.

Shloka 92 (yuddha.76.92)

मुष्टिनाभिहतस्तेन निपपाताशु राक्षसः। लोहिताङ्ग इवाकाशाद् दीप्तरश्मिर्यदृच्छया ॥ 76.92 ॥

muṣṭinābhihatastena nipapātāśu rākṣasaḥ| lohitāṅga ivākāśād dīptaraśmiryadṛcchayā || 76.92 ||

Struck down by that fist, the demon fell at once, like the red planet Mars falling by chance, ablaze, from the sky.

Shloka 93 (yuddha.76.93)

कुम्भस्य पततो रूपं भग्नस्योरसि मुष्टिना। बभौ रुद्राभिपन्नस्य यथा रूपं गवां पतेः ॥ 76.93 ॥

kumbhasya patato rūpaṃ bhagnasyorasi muṣṭinā| babhau rudrābhipannasya yathā rūpaṃ gavāṃ pateḥ || 76.93 ||

As Kumbha fell, his chest shattered by that fist, his form appeared like that of the bull of Shiva, struck down by Rudra himself.

Shloka 94 (yuddha.76.94)

तस्मिन् हते भीमपराक्रमेण प्लवंगमानामृषभेण युद्धे। मही सशैला सवना चचाल भयं च रक्षांस्यधिकं विवेश ॥ 76.94 ॥

tasmin hate bhīmaparākrameṇa plavaṃgamānāmṛṣabheṇa yuddhe| mahī saśailā savanā cacāla bhayaṃ ca rakṣāṃsyadhikaṃ viveśa || 76.94 ||

When he was thus slain in battle by that bull among monkeys of terrible prowess, the earth, with all its mountains and forests, trembled, and great fear entered the demons.