Hanuman's Assault and Indrajit's Oblation

Shloka 1 (yuddha.82.1)

श्रुत्वा तं भीमनिर्ह्रादं शक्राशनिसमस्वनम्। वीक्षमाणा दिशः सर्वा दुद्रुवुर्वानरर्षभाः॥ 82.1 ॥

śrutvā taṃ bhīmanirhrādaṃ śakrāśanisamasvanam | vīkṣamāṇā diśaḥ sarvā dudruvurvānararṣabhāḥ || 82.1 ||

Hearing that terrifying roar, like the crash of Indra's thunderbolt, the foremost monkeys, glancing about in every direction, fled.

Shloka 2 (yuddha.82.2)

तानुवाच ततः सर्वान्हनूमान्मारुतात्मजः। विषण्णवदनान्दीनांस्त्रस्तान्विद्रवतः पृथक्॥ 82.2 ॥

tānuvāca tataḥ sarvānhanūmānmārutātmajaḥ | viṣaṇṇavadanāndīnāṃstrastānvidravataḥ pṛthak || 82.2 ||

Then Hanuman, son of the Wind, spoke to all of them — dejected, wretched, terrified, and scattering in every direction.

Shloka 3 (yuddha.82.3)

कस्माद्विषण्णवदना विद्रवध्वं प्लवङ्गमाः। त्यक्तयुद्धसमुत्साहाः शूरत्वं क्व नु वो गतम्॥ 82.3 ॥

kasmādviṣaṇṇavadanā vidravadhvaṃ plavaṅgamāḥ | tyaktayuddhasamutsāhāḥ śūratvaṃ kva nu vo gatam || 82.3 ||

"O monkeys, why do you flee with dejected faces, having abandoned your zeal for battle? Where has your valor gone?

Shloka 4 (yuddha.82.4)

पृष्ठतोऽनुव्रजध्वं मामग्रतो यान्तमाहवे। शूरैरभिजनोपेतैरयुक्तं हि निवर्तितुम्॥ 82.4 ॥

pṛṣṭhato'nuvrajadhvaṃ māmagrato yāntamāhave | śūrairabhijanopetairayuktaṃ hi nivartitum || 82.4 ||

Follow close behind me as I go forth into battle; it is unbecoming for the valiant born of noble lineage to turn back."

Shloka 5 (yuddha.82.5)

एवमुक्ताः सुसङ्क्रुद्धा वायुपुत्रेण धीमता। शैलशृङ्गान्द्रुमांश्चैव जगृहुर्हृष्टमानसाः॥ 82.5 ॥

evamuktāḥ susaṅkruddhā vāyuputreṇa dhīmatā | śailaśṛṅgāndrumāṃścaiva jagṛhurhṛṣṭamānasāḥ || 82.5 ||

Thus addressed by the wise son of the Wind, and greatly roused to fury, they seized mountain-peaks and trees, their hearts now joyful.

Shloka 6 (yuddha.82.6)

अभिपेतुश्च गर्जन्तो राक्षसान्वानरर्षभाः। परिवार्य हनूमन्तमन्वयुश्च महाहवे॥ 82.6 ॥

abhipetuśca garjanto rākṣasānvānararṣabhāḥ | parivārya hanūmantamanvayuśca mahāhave || 82.6 ||

Roaring, the foremost monkeys fell upon the rakshasas, surrounding Hanuman and following him into that great battle.

Shloka 7 (yuddha.82.7)

स तैर्वानरमुख्यैस्तु हनूमान्सर्वतो वृतः। हुताशन इवार्चिष्मानदहच्छत्रुवाहिनीम्॥ 82.7 ॥

sa tairvānaramukhyaistu hanūmānsarvato vṛtaḥ | hutāśana ivārciṣmānadahacchatruvāhinīm || 82.7 ||

Hanuman, surrounded on all sides by those chief monkeys, blazed like a flaming fire, consuming the enemy's army.

Shloka 8 (yuddha.82.8)

स राक्षसानां कदनं चकार सुमहाकपिः। वृतो वानरसैन्येन कालान्तकयमोपमः॥ 82.8 ॥

sa rākṣasānāṃ kadanaṃ cakāra sumahākapiḥ | vṛto vānarasainyena kālāntakayamopamaḥ || 82.8 ||

That great monkey, surrounded by the monkey army, brought slaughter upon the rakshasas, like Yama, the ender, at the time of universal dissolution.

Shloka 9 (yuddha.82.9)

स तु शोकेन चाविष्टः क्रोधेन च महाकपिः। हनूमान्रावणिरथे महतीं पातयच्छिलाम्॥ 82.9 ॥

sa tu śokena cāviṣṭaḥ krodhena ca mahākapiḥ | hanūmānrāvaṇirathe mahatīṃ pātayacchilām || 82.9 ||

Filled with grief and rage, that great monkey Hanuman hurled a huge rock at Ravani's chariot.

Shloka 10 (yuddha.82.10)

तामापतन्तीं दृष्ट्वैव रथः सारथिना तदा। विधेयाश्व समायुक्तः सुदूरमपवाहितः॥ 82.10 ॥

tāmāpatantīṃ dṛṣṭvaiva rathaḥ sārathinā tadā | vidheyāśva samāyuktaḥ sudūramapavāhitaḥ || 82.10 ||

The moment it saw the rock rushing toward it, the charioteer, whose obedient horses were yoked, drove the chariot far away.

Shloka 11 (yuddha.82.11)

तमिन्द्रजितमप्राप्य रथस्थं सहसारथिम्। विवेश धरणीं भित्त्वा सा शिलाव्यर्थमुद्यता॥ 82.11 ॥

tamindrajitamaprāpya rathasthaṃ sahasārathim | viveśa dharaṇīṃ bhittvā sā śilāvyarthamudyatā || 82.11 ||

Failing to reach Indrajit, seated on his chariot with his charioteer, that rock, hurled in vain, split the earth and buried itself within it.

Shloka 12 (yuddha.82.12)

पतितायां शिलायां तु रक्षसां व्यथिता चमूः। निपतन्त्या च शिलया राक्षसा मथिता भृशम्॥ 82.12 ॥

patitāyāṃ śilāyāṃ tu rakṣasāṃ vyathitā camūḥ | nipatantyā ca śilayā rākṣasā mathitā bhṛśam || 82.12 ||

Yet as that rock fell, the rakshasa army was thrown into panic, and many demons were badly crushed by its fall.

Shloka 13 (yuddha.82.13)

तमभ्यधावञ्शतशो नदन्तः काननौकसः। ते द्रुमांश्च महाकाया गिरिशृङ्गाणि चोद्यताः॥ 82.13 ॥

tamabhyadhāvañśataśo nadantaḥ kānanaukasaḥ | te drumāṃśca mahākāyā giriśṛṅgāṇi codyatāḥ || 82.13 ||

Roaring, those huge-bodied forest-dwellers charged at him by the hundreds, lifting up trees and mountain-peaks.

Shloka 14 (yuddha.82.14)

क्षिपन्तीन्द्रजितं संख्ये वानरा भीमविक्रमाः। वृक्षशैलमहावर्षं विसृजन्तः प्लवंगमाः॥ 82.14 ॥

kṣipantīndrajitaṃ saṃkhye vānarā bhīmavikramāḥ | vṛkṣaśailamahāvarṣaṃ visṛjantaḥ plavaṃgamāḥ || 82.14 ||

The monkeys of terrible prowess hurled themselves at Indrajit in that battle, raining down a great deluge of trees and boulders.

Shloka 15 (yuddha.82.15)

शत्रूणां कदनं चक्रुर्नेदुश्च विविधैः स्वनैः। वानरैस्तैर्महाभीमैर्घोररूपा निशाचराः॥ 82.15 ॥

śatrūṇāṃ kadanaṃ cakrurneduśca vividhaiḥ svanaiḥ | vānaraistairmahābhīmairghorarūpā niśācarāḥ || 82.15 ||

They wrought havoc among the enemy, roaring in many kinds of cries; and those hideous night-roaming demons, struck by those terrifying monkeys—

Shloka 16 (yuddha.82.16)

वीर्यादभिहता वृक्षैर्व्यचेष्टन्त रणक्षितौ। स्वसैन्यमभिवीक्ष्याथ वानरार्दितमिन्द्रजित्॥ 82.16 ॥

vīryādabhihatā vṛkṣairvyaceṣṭanta raṇakṣitau | svasainyamabhivīkṣyātha vānarārditamindrajit || 82.16 ||

—struck with force by trees, writhed upon the battlefield. Then Indrajit, seeing his own army tormented by the monkeys,

Shloka 17 (yuddha.82.17)

प्रगृहीतायुधः क्रुद्धः परानभिमुखो ययौ। स शरौघानवसृजन् स्वसैन्येनाभिसंवृतः॥ 82.17 ॥

pragṛhītāyudhaḥ kruddhaḥ parānabhimukho yayau | sa śaraughānavasṛjan svasainyenābhisaṃvṛtaḥ || 82.17 ||

seized his weapons in fury and advanced against the foe; surrounded by his own troops, he loosed a torrent of arrows.

Shloka 18 (yuddha.82.18)

जघान कपिशार्दूलान् सुबहून् दृढविक्रमः। शूलैरशनिभिः खड्गैः पट्टिशैः शूलमुद्गरैः॥ 82.18 ॥

jaghāna kapiśārdūlān subahūn dṛḍhavikramaḥ | śūlairaśanibhiḥ khaḍgaiḥ paṭṭiśaiḥ śūlamudgaraiḥ || 82.18 ||

That firm-fortitude Indrajit slew a great many of the mightiest monkeys, with tridents, thunderbolt-tipped darts, swords, spears, and spiked maces.

Shloka 19 (yuddha.82.19)

ते चाप्यनुचरांस्तस्य वानरा जघ्नुराहवे। सुस्कन्धविटपैः शैलैः शिलाभिश्च महाबलाः॥ 82.19 ॥

te cāpyanucarāṃstasya vānarā jaghnurāhave | suskandhaviṭapaiḥ śailaiḥ śilābhiśca mahābalāḥ || 82.19 ||

And in turn, those mighty monkeys slew his followers in battle, with the trunks and branches of trees, with mountain-slabs and rocks.

Shloka 20 (yuddha.82.20)

हनूमान् कदनं चक्रे रक्षसां भीमकर्मणाम्। संनिवार्य परानीकमब्रवीत् तान् वनौकसः॥ 82.20 ॥

hanūmān kadanaṃ cakre rakṣasāṃ bhīmakarmaṇām | saṃnivārya parānīkamabravīt tān vanaukasaḥ || 82.20 ||

Hanuman wrought havoc among the demons of terrible deeds; then, holding back the enemy ranks, he spoke to those monkeys:

Shloka 21 (yuddha.82.21)

हनूमान् संनिवर्तध्वं न नः साध्यमिदं बलम्। त्यक्त्वा प्राणान् विचेष्टन्तो रामप्रियचिकीर्षवः॥ 82.21 ॥

hanūmān saṃnivartadhvaṃ na naḥ sādhyamidaṃ balam | tyaktvā prāṇān viceṣṭanto rāmapriyacikīrṣavaḥ || 82.21 ||

"Retreat! This army is not ours to conquer any further." — striving with all their might, risking their very lives, wishing only to please Rama,

Shloka 22 (yuddha.82.22)

यन्निमित्तं हि युध्यामो हता सा जनकात्मजा। इममर्थं हि विज्ञाप्य रामं सुग्रीवमेव च॥ 82.22 ॥

yannimittaṃ hi yudhyāmo hatā sā janakātmajā | imamarthaṃ hi vijñāpya rāmaṃ sugrīvameva ca || 82.22 ||

"That Sita, daughter of Janaka, for whose sake we fight, has been killed. Let us report this matter to Rama and to Sugriva—

Shloka 23 (yuddha.82.23)

तौ यत् प्रतिविधास्येते तत् करिष्यामहे वयम्। इत्युक्त्वा वानरश्रेष्ठो वारयन् सर्ववानरान्॥ 82.23 ॥

tau yat pratividhāsyete tat kariṣyāmahe vayam | ityuktvā vānaraśreṣṭho vārayan sarvavānarān || 82.23 ||

"—and we shall then do whatever the two of them decide." So saying, that foremost of monkeys, restraining all the monkeys,

Shloka 24 (yuddha.82.24)

शनैः शनैरसंत्रस्तः सबलः संन्यवर्तत। ततः प्रेक्ष्य हनूमन्तं व्रजन्तं यत्र राघवः॥ 82.24 ॥

śanaiḥ śanairasaṃtrastaḥ sabalaḥ saṃnyavartata | tataḥ prekṣya hanūmantaṃ vrajantaṃ yatra rāghavaḥ || 82.24 ||

withdrew slowly and steadily, unafraid, together with his troops. Then, seeing Hanuman withdrawing toward where Rama was,

Shloka 25 (yuddha.82.25)

स होतुकामो दुष्टात्मा गतश्चैत्यं निकुम्भिलाम्। निकुम्भिलामधिष्ठाय पावकं जुहवेन्द्रजित्॥ 82.25 ॥

sa hotukāmo duṣṭātmā gataścaityaṃ nikumbhilām | nikumbhilāmadhiṣṭhāya pāvakaṃ juhavendrajit || 82.25 ||

that evil-souled Indrajit, wishing to perform the oblation, went to the sanctuary of Nikumbhila; and having arrived there, he began to pour oblations into the fire.

Shloka 26 (yuddha.82.26)

यज्ञभूम्यां ततो गत्वा पावकस्तेन रक्षसा। हूयमानः प्रजज्वाल होमशोणितभुक् तदा॥ 82.26 ॥

yajñabhūmyāṃ tato gatvā pāvakastena rakṣasā | hūyamānaḥ prajajvāla homaśoṇitabhuk tadā || 82.26 ||

There, on that sacrificial ground, propitiated by that demon, the fire blazed up, consuming the oblations of flesh and blood.

Shloka 27 (yuddha.82.27)

सार्चिःपिनद्धो ददृशे होमशोणिततर्पितः। संध्यागत इवादित्यः सुतीव्रोऽग्निः समुत्थितः॥ 82.27 ॥

sārciḥpinaddho dadṛśe homaśoṇitatarpitaḥ | saṃdhyāgata ivādityaḥ sutīvro'gniḥ samutthitaḥ || 82.27 ||

Wreathed in its own flame, gorged with the blood-oblation, that fierce fire rose up, appearing like the sun at evening twilight.

Shloka 28 (yuddha.82.28)

अथेन्द्रजिद् राक्षसभूतये तु जुहाव हव्यं विधिना विधानवित्। दृष्ट्वा व्यतिष्ठन्त च राक्षसास्ते महासमूहेषु नयानयज्ञाः॥ 82.28 ॥

athendrajid rākṣasabhūtaye tu juhāva havyaṃ vidhinā vidhānavit | dṛṣṭvā vyatiṣṭhanta ca rākṣasāste mahāsamūheṣu nayānayajñāḥ || 82.28 ||

Then Indrajit, skilled in ritual procedure, offered oblations according to scriptural rite for the welfare of the rakshasas; and seeing this, those demons, versed in the wisdom of policy in great battles, stood firm in their massed ranks.