Rama Meets Ravana in Battle

Shloka 1 (yuddha.99.1)

महोदरमहापार्श्वौ हतौ दृष्ट्वा स रावणः। तस्मिंश्च निहते वीरे विरूपाक्षे महाबले ॥ 99.1 ॥

mahodaramahāpārśvau hatau dṛṣṭvā sa rāvaṇaḥ| tasmiṃśca nihate vīre virūpākṣe mahābale || 99.1 ||

Seeing both Mahodara and Mahaparshva slain, and the mighty hero Virupaksha likewise struck down,

Shloka 2 (yuddha.99.2)

आविवेश महान् क्रोधो रावणं तु महामृधे। सूतं संचोदयामास वाक्यं चेदमुवाच ह ॥ 99.2 ॥

āviveśa mahān krodho rāvaṇaṃ tu mahāmṛdhe| sūtaṃ saṃcodayāmāsa vākyaṃ cedamuvāca ha || 99.2 ||

great anger overwhelmed Ravana in that mighty battle. He urged his charioteer onward and spoke these words:

Shloka 3 (yuddha.99.3)

निहतानाममात्यानां रुद्धस्य नगरस्य च। दुःखमेवापनेष्यामि हत्वा तौ रामलक्ष्मणौ ॥ 99.3 ॥

nihatānāmamātyānāṃ ruddhasya nagarasya ca| duḥkhamevāpaneṣyāmi hatvā tau rāmalakṣmaṇau || 99.3 ||

"By killing Rama and Lakshmana, I shall remove this grief for my slain ministers and my besieged city."

Shloka 4 (yuddha.99.4)

रामवृक्षं रणे हन्मि सीतापुष्पफलप्रदम्। प्रशाखा यस्य सुग्रीवो जाम्बवान् कुमुदो नलः ॥ 99.4 ॥

rāmavṛkṣaṃ raṇe hanmi sītāpuṣpaphalapradam| praśākhā yasya sugrīvo jāmbavān kumudo nalaḥ || 99.4 ||

"In battle I shall cut down the tree that is Rama, which is to bear the fruit and flower named Sita — a tree whose great boughs are Sugriva, Jambavan, Kumuda, and Nala,

Shloka 5 (yuddha.99.5)

द्विविदश्चैव मैन्दश्च अङ्गदो गन्धमादनः। हनूमांश्च सुषेणश्च सर्वे च हरियूथपाः ॥ 99.5 ॥

dvividaścaiva maindaśca aṅgado gandhamādanaḥ| hanūmāṃśca suṣeṇaśca sarve ca hariyūthapāḥ || 99.5 ||

and Dvivida, Mainda, Angada, Gandhamadana, Hanuman, Sushena, and all the monkey chieftains besides."

Shloka 6 (yuddha.99.6)

स दिशो दश घोषेण रथस्यातिरथो महान्। नादयन् प्रययौ तूर्णं राघवं चाभ्यधावत ॥ 99.6 ॥

sa diśo daśa ghoṣeṇa rathasyātiratho mahān| nādayan prayayau tūrṇaṃ rāghavaṃ cābhyadhāvata || 99.6 ||

That mighty champion of the chariot advanced, filling all ten directions with the thunder of his chariot, and charged swiftly toward Raghava.

Shloka 7 (yuddha.99.7)

पूरिता तेन शब्देन सनदीगिरिकानना। संचचाल मही सर्वा त्रस्तसिंहमृगद्विजा ॥ 99.7 ॥

pūritā tena śabdena sanadīgirikānanā| saṃcacāla mahī sarvā trastasiṃhamṛgadvijā || 99.7 ||

Filled with that sound, the whole earth, with its rivers, mountains, and forests, shook, and lions, deer, and birds were struck with terror.

Shloka 8 (yuddha.99.8)

तामसं सुमहाघोरं चकारास्त्रं सुदारुणम्। निर्ददाह कपीन् सर्वांस्ते प्रपेतुः समन्ततः ॥ 99.8 ॥

tāmasaṃ sumahāghoraṃ cakārāstraṃ sudāruṇam| nirdadāha kapīn sarvāṃste prapetuḥ samantataḥ || 99.8 ||

He unleashed the most terrible and dreadful Tamasa missile, which scorched all the monkeys, and they fell down on every side.

Shloka 9 (yuddha.99.9)

उत्पपात रजो भूमौ तैर्भग्नैः सम्प्रधावितैः। नहि तत् सहितुं शेकुर्ब्रह्मणा निर्मितं स्वयम् ॥ 99.9 ॥

utpapāta rajo bhūmau tairbhagnaiḥ sampradhāvitaiḥ| nahi tat sahituṃ śekurbrahmaṇā nirmitaṃ svayam || 99.9 ||

Dust rose from the ground as they, broken, fled in every direction; they could not withstand that weapon, fashioned by Brahma himself.

Shloka 10 (yuddha.99.10)

तान्यनीकान्यनेकानि रावणस्य शरोत्तमैः। दृष्ट्वा भग्नानि शतशो राघवः पर्यवस्थितः ॥ 99.10 ॥

tānyanīkānyanekāni rāvaṇasya śarottamaiḥ| dṛṣṭvā bhagnāni śataśo rāghavaḥ paryavasthitaḥ || 99.10 ||

Seeing his many hosts broken by the hundreds under Ravana's excellent arrows, Raghava stood his ground, firmly resolved.

Shloka 11 (yuddha.99.11)

ततो राक्षसशार्दूलो विद्राव्य हरिवाहिनीम्। स ददर्श ततो रामं तिष्ठन्तमपराजितम् ॥ 99.11 ॥

tato rākṣasaśārdūlo vidrāvya harivāhinīm| sa dadarśa tato rāmaṃ tiṣṭhantamaparājitam || 99.11 ||

That tiger among rakshasas, having scattered the army of monkeys, then beheld Rama standing there unconquered,

Shloka 12 (yuddha.99.12)

लक्ष्मणेन सह भ्रात्रा विष्णुना वासवं यथा। आलिखन्तमिवाकाशमवष्टभ्य महद् धनुः ॥ 99.12 ॥

lakṣmaṇena saha bhrātrā viṣṇunā vāsavaṃ yathā| ālikhantamivākāśamavaṣṭabhya mahad dhanuḥ || 99.12 ||

together with his brother Lakshmana, as Indra stands with Vishnu, grasping his great bow as if tracing a line across the very sky.

Shloka 13 (yuddha.99.13)

पद्मपत्रविशालाक्षं दीर्घबाहुमरिंदमम्। ततो रामो महातेजाः सौमित्रिसहितो बली ॥ 99.13 ॥

padmapatraviśālākṣaṃ dīrghabāhumariṃdamam| tato rāmo mahātejāḥ saumitrisahito balī || 99.13 ||

Then Rama, wide-eyed as a lotus petal, long-armed, the tamer of foes, mighty and full of splendour, together with Saumitri,

Shloka 14 (yuddha.99.14)

वानरांश्च रणे भग्नानापतन्तं च रावणम्। समीक्ष्य राघवो हृष्टो मध्ये जग्राह कार्मुकम् ॥ 99.14 ॥

vānarāṃśca raṇe bhagnānāpatantaṃ ca rāvaṇam| samīkṣya rāghavo hṛṣṭo madhye jagrāha kārmukam || 99.14 ||

seeing the monkeys broken in the fight and Ravana bearing down upon him, gripped his bow firmly by the middle, his heart glad.

Shloka 15 (yuddha.99.15)

विस्फारयितुमारेभे ततः स धनुरुत्तमम्। महावेगं महानादं निर्भिन्दन्निव मेदिनीम् ॥ 99.15 ॥

visphārayitumārebhe tataḥ sa dhanuruttamam| mahāvegaṃ mahānādaṃ nirbhindanniva medinīm || 99.15 ||

Then he began to draw that excellent bow, so swift and thunderous, its twang as though it would cleave the very earth.

Shloka 16 (yuddha.99.16)

रावणस्य च बाणौघै रामविस्फारितेन च। शब्देन राक्षसास्तेन पेतुश्च शतशस्तदा ॥ 99.16 ॥

rāvaṇasya ca bāṇaughai rāmavisphāritena ca| śabdena rākṣasāstena petuśca śataśastadā || 99.16 ||

By the flood of Ravana's arrows, and by the very sound of Rama's bow-twang, hundreds of rakshasas fell dead at that instant.

Shloka 17 (yuddha.99.17)

तयोः शरपथं प्राप्य रावणो राजपुत्रयोः। स बभौ च यथा राहुः समीपे शशिसूर्ययोः ॥ 99.17 ॥

tayoḥ śarapathaṃ prāpya rāvaṇo rājaputrayoḥ| sa babhau ca yathā rāhuḥ samīpe śaśisūryayoḥ || 99.17 ||

Coming within range of the two princes' arrows, Ravana appeared there like Rahu drawing near to the moon and the sun.

Shloka 18 (yuddha.99.18)

तमिच्छन् प्रथमं योद्धुं लक्ष्मणो निशितैः शरैः। मुमोच धनुरायम्य शरानग्निशिखोपमान् ॥ 99.18 ॥

tamicchan prathamaṃ yoddhuṃ lakṣmaṇo niśitaiḥ śaraiḥ| mumoca dhanurāyamya śarānagniśikhopamān || 99.18 ||

Eager to be the first to fight him, Lakshmana drew his bow and loosed sharp arrows, like tongues of flame.

Shloka 19 (yuddha.99.19)

तान् मुक्तमात्रानाकाशे लक्ष्मणेन धनुष्मता। बाणान् बाणैर्महातेजा रावणः प्रत्यवारयत् ॥ 99.19 ॥

tān muktamātrānākāśe lakṣmaṇena dhanuṣmatā| bāṇān bāṇairmahātejā rāvaṇaḥ pratyavārayat || 99.19 ||

The moment they were loosed by the bow-bearing Lakshmana, the mighty and splendid Ravana checked those arrows in the sky with his own.

Shloka 20 (yuddha.99.20)

एकमेकेन बाणेन त्रिभिस्त्रीन् दशभिर्दश। लक्ष्मणस्य प्रचिच्छेद दर्शयन् पाणिलाघवम् ॥ 99.20 ॥

ekamekena bāṇena tribhistrīn daśabhirdaśa| lakṣmaṇasya praciccheda darśayan pāṇilāghavam || 99.20 ||

Displaying the deftness of his hand, he split Lakshmana's arrows one for one, three for three, and ten for ten.

Shloka 21 (yuddha.99.21)

अभ्यतिक्रम्य सौमित्रिं रावणः समितिंजयः। आससाद रणे रामं स्थितं शैलमिवापरम् ॥ 99.21 ॥

abhyatikramya saumitriṃ rāvaṇaḥ samitiṃjayaḥ| āsasāda raṇe rāmaṃ sthitaṃ śailamivāparam || 99.21 ||

Then, passing beyond Saumitri, Ravana, ever victorious in battle, came up in that field to Rama, who stood like another mountain.

Shloka 22 (yuddha.99.22)

स राघवं समासाद्य क्रोधसंरक्तलोचनः। व्यसृजच्छरवर्षाणि रावणो राक्षसेश्वरः ॥ 99.22 ॥

sa rāghavaṃ samāsādya krodhasaṃraktalocanaḥ| vyasṛjaccharavarṣāṇi rāvaṇo rākṣaseśvaraḥ || 99.22 ||

Drawing near to Raghava, Ravana, lord of rakshasas, his eyes red with fury, loosed torrents of arrows.

Shloka 23 (yuddha.99.23)

शरधारास्ततो रामो रावणस्य धनुश्च्युताः। दृष्ट्वैवापतिताः शीघ्रं भल्लाञ्जग्राह सत्वरम् ॥ 99.23 ॥

śaradhārāstato rāmo rāvaṇasya dhanuścyutāḥ| dṛṣṭvaivāpatitāḥ śīghraṃ bhallāñjagrāha satvaram || 99.23 ||

The instant Rama saw those streams of arrows loosed from Ravana's bow bearing down on him, he swiftly seized his broad-headed shafts.

Shloka 24 (yuddha.99.24)

ताञ्छरौघांस्ततो भल्लैस्तीक्ष्णैश्चिच्छेद राघवः। दीप्यमानान् महाघोराञ्छरानाशीविषोपमान् ॥ 99.24 ॥

tāñcharaughāṃstato bhallaistīkṣṇaiściccheda rāghavaḥ| dīpyamānān mahāghorāñcharānāśīviṣopamān || 99.24 ||

Then, with his sharp broad-headed shafts, Raghava cut to pieces that blazing, dreadful mass of arrows, which were like venomous serpents.

Shloka 25 (yuddha.99.25)

राघवो रावणं तूर्णं रावणो राघवं तथा। अन्योन्यं विविधैस्तीक्ष्णैः शरवर्षैर्ववर्षतुः ॥ 99.25 ॥

rāghavo rāvaṇaṃ tūrṇaṃ rāvaṇo rāghavaṃ tathā| anyonyaṃ vividhaistīkṣṇaiḥ śaravarṣairvavarṣatuḥ || 99.25 ||

Raghava upon Ravana, and Ravana upon Raghava alike, both swiftly rained upon each other showers of sharp arrows of every kind.

Shloka 26 (yuddha.99.26)

चेरतुश्च चिरं चित्रं मण्डलं सव्यदक्षिणम्। बाणवेगात् समुत्क्षिप्तावन्योन्यमपराजितौ ॥ 99.26 ॥

ceratuśca ciraṃ citraṃ maṇḍalaṃ savyadakṣiṇam| bāṇavegāt samutkṣiptāvanyonyamaparājitau || 99.26 ||

For a long time, both unconquered, they circled about in intricate patterns, left and right, each hurled about by the force of the other's arrows.

Shloka 27 (yuddha.99.27)

तयोर्भूतानि वित्रेसुर्युगपत् सम्प्रयुध्यतोः। रौद्रयोः सायकमुचोर्यमान्तकनिकाशयोः ॥ 99.27 ॥

tayorbhūtāni vitresuryugapat samprayudhyatoḥ| raudrayoḥ sāyakamucoryamāntakanikāśayoḥ || 99.27 ||

As those two terrible ones, loosing their arrows together, fought on — the very likeness of Yama and Death — all beings trembled.

Shloka 28 (yuddha.99.28)

सततं विविधैर्बाणैर्बभूव गगनं तदा। घनैरिवातपापाये विद्युन्मालासमाकुलैः ॥ 99.28 ॥

satataṃ vividhairbāṇairbabhūva gaganaṃ tadā| ghanairivātapāpāye vidyunmālāsamākulaiḥ || 99.28 ||

The sky then grew thick with a ceaseless rain of arrows of every kind, as it fills with clouds strung with garlands of lightning at the ending of the rains.

Shloka 29 (yuddha.99.29)

गवाक्षितमिवाकाशं बभूव शरवृष्टिभिः। महावेगैः सुतीक्ष्णाग्रैर्गृध्रपत्रैः सुवाजितैः ॥ 99.29 ॥

gavākṣitamivākāśaṃ babhūva śaravṛṣṭibhiḥ| mahāvegaiḥ sutīkṣṇāgrairgṛdhrapatraiḥ suvājitaiḥ || 99.29 ||

The sky seemed pierced through with lattice-windows by that shower of arrows — swift, keen-pointed, well-fledged with vulture feathers.

Shloka 30 (yuddha.99.30)

शरान्धकारमाकाशं चक्रतुः परमं तदा। गतेऽस्तं तपने चापि महामेघाविवोत्थितौ ॥ 99.30 ॥

śarāndhakāramākāśaṃ cakratuḥ paramaṃ tadā| gate'staṃ tapane cāpi mahāmeghāvivotthitau || 99.30 ||

Between them they made the sky utterly dark with arrows, as though, though the sun had already set, two great storm-clouds had risen up.

Shloka 31 (yuddha.99.31)

तयोरभून्महायुद्धमन्योन्यवधकांक्षिणोः। अनासाद्यमचिन्त्यं च वृत्रवासवयोरिव ॥ 99.31 ॥

tayorabhūnmahāyuddhamanyonyavadhakāṃkṣiṇoḥ| anāsādyamacintyaṃ ca vṛtravāsavayoriva || 99.31 ||

Between those two, each bent upon the other's death, there raged a great battle, unapproachable and beyond imagining, like the duel of Vritra and Indra.

Shloka 32 (yuddha.99.32)

उभौ हि परमेष्वासावुभौ युद्धविशारदौ। उभावस्त्रविदां मुख्यावुभौ युद्धे विचेरतुः ॥ 99.32 ॥

ubhau hi parameṣvāsāvubhau yuddhaviśāradau| ubhāvastravidāṃ mukhyāvubhau yuddhe viceratuḥ || 99.32 ||

Both were supreme archers, both were masters of war, both were foremost among the knowers of weapon-lore, and both ranged freely across that field of battle.

Shloka 33 (yuddha.99.33)

उभौ हि येन व्रजतस्तेन तेन शरोर्मयः। ऊर्मयो वायुना विद्धा जग्मुः सागरयोरिव ॥ 99.33 ॥

ubhau hi yena vrajatastena tena śarormayaḥ| ūrmayo vāyunā viddhā jagmuḥ sāgarayoriva || 99.33 ||

Wherever the two of them advanced, in that same direction the waves of their arrows went, like the waves of two oceans driven by the wind.

Shloka 34 (yuddha.99.34)

ततः संसक्तहस्तस्तु रावणो लोकरावणः। नाराचमालां रामस्य ललाटे प्रत्यमुञ्चत ॥ 99.34 ॥

tataḥ saṃsaktahastastu rāvaṇo lokarāvaṇaḥ| nārācamālāṃ rāmasya lalāṭe pratyamuñcata || 99.34 ||

Then Ravana, who makes the whole world weep, his hand never pausing, loosed a garland of iron shafts full upon Rama's brow.

Shloka 35 (yuddha.99.35)

रौद्रचापप्रयुक्तां तां नीलोत्पलदलप्रभाम्। शिरसाधारयद् रामो न व्यथामभ्यपद्यत ॥ 99.35 ॥

raudracāpaprayuktāṃ tāṃ nīlotpaladalaprabhām| śirasādhārayad rāmo na vyathāmabhyapadyata || 99.35 ||

That shaft-garland, loosed from his terrible bow, gleaming like the petals of a blue lotus, Rama bore upon his head, yet felt no pain from it.

Shloka 36 (yuddha.99.36)

अथ मन्त्रानपि जपन् रौद्रमस्त्रमुदीरयन्। शरान् भूयः समादाय रामः क्रोधसमन्वितः ॥ 99.36 ॥

atha mantrānapi japan raudramastramudīrayan| śarān bhūyaḥ samādāya rāmaḥ krodhasamanvitaḥ || 99.36 ||

Then, murmuring sacred syllables and invoking the Raudra missile, Rama, filled with anger, took up further arrows,

Shloka 37 (yuddha.99.37)

मुमोच च महातेजाश्चापमायम्य वीर्यवान्। तान् शरान् राक्षसेन्द्राय चिक्षेपाच्छिन्नसायकः ॥ 99.37 ॥

mumoca ca mahātejāścāpamāyamya vīryavān| tān śarān rākṣasendrāya cikṣepācchinnasāyakaḥ || 99.37 ||

and, drawing his bow, that mighty and radiant one loosed them at the lord of rakshasas, his stream of arrows never broken.

Shloka 38 (yuddha.99.38)

ते महामेघसंकाशे कवचे पतिताः शराः। अवध्ये राक्षसेन्द्रस्य न व्यथां जनयंस्तदा ॥ 99.38 ॥

te mahāmeghasaṃkāśe kavace patitāḥ śarāḥ| avadhye rākṣasendrasya na vyathāṃ janayaṃstadā || 99.38 ||

But falling upon the armour, dark as a great storm-cloud, of that rakshasa lord who could not be slain, those arrows caused him no distress at all.

Shloka 39 (yuddha.99.39)

पुनरेवाथ तं रामो रथस्थं राक्षसाधिपम्। ललाटे परमास्त्रेण सर्वास्त्रकुशलोऽभिनत् ॥ 99.39 ॥

punarevātha taṃ rāmo rathasthaṃ rākṣasādhipam| lalāṭe paramāstreṇa sarvāstrakuśalo'bhinat || 99.39 ||

Then Rama, skilled in the use of every weapon, once again struck that lord of rakshasas, seated on his chariot, on the forehead with a supreme missile.

Shloka 40 (yuddha.99.40)

ते भित्त्वा बाणरूपाणि पञ्चशीर्षा इवोरगाः। श्वसन्तो विविशुर्भूमिं रावणप्रतिकूलिताः ॥ 99.40 ॥

te bhittvā bāṇarūpāṇi pañcaśīrṣā ivoragāḥ| śvasanto viviśurbhūmiṃ rāvaṇapratikūlitāḥ || 99.40 ||

Having pierced through the shape of his arrows, those shafts, turned aside by Ravana, plunged hissing into the earth like five-hooded serpents.

Shloka 41 (yuddha.99.41)

निहत्य राघवस्यास्त्रं रावणः क्रोधमूर्च्छितः। आसुरं सुमहाघोरमस्त्रं प्रादुश्चकार सः ॥ 99.41 ॥

nihatya rāghavasyāstraṃ rāvaṇaḥ krodhamūrcchitaḥ| āsuraṃ sumahāghoramastraṃ prāduścakāra saḥ || 99.41 ||

Having thwarted Raghava's missile, Ravana, senseless with rage, then brought forth the most terrible Asura weapon.

Shloka 42 (yuddha.99.42)

सिंहव्याघ्रमुखांश्चापि कङ्ककोकमुखानपि। गृध्रश्येनमुखांश्चापि शृगालवदनांस्तथा ॥ 99.42 ॥

siṃhavyāghramukhāṃścāpi kaṅkakokamukhānapi| gṛdhraśyenamukhāṃścāpi śṛgālavadanāṃstathā || 99.42 ||

From it poured arrows with the faces of lions and tigers, of herons and wolves, of vultures and falcons, and of jackals,

Shloka 43 (yuddha.99.43)

ईहामृगमुखांश्चापि व्यादितास्यान् भयावहान्। पञ्चास्याँल्लेलिहानांश्च ससर्ज निशितान् शरान् ॥ 99.43 ॥

īhāmṛgamukhāṃścāpi vyāditāsyān bhayāvahān| pañcāsyā~llelihānāṃśca sasarja niśitān śarān || 99.43 ||

and with the faces of wild deer, mouths gaping wide and terrible to see, and sharp shafts with five licking, flickering faces,

Shloka 44 (yuddha.99.44)

शरान् खरमुखांश्चान्यान् वराहमुखसंश्रितान्। श्वानकुक्कुटवक्त्रांश्च मकराशीविषाननान् ॥ 99.44 ॥

śarān kharamukhāṃścānyān varāhamukhasaṃśritān| śvānakukkuṭavaktrāṃśca makarāśīviṣānanān || 99.44 ||

and yet others with the faces of asses, of boars, of dogs and cocks, and of crocodiles and venomous serpents.

Shloka 45 (yuddha.99.45)

एतांश्चान्यांश्च मायाभिः ससर्ज निशिताञ्छरान्। रामं प्रति महातेजाः क्रुद्धः सर्प इव श्वसन् ॥ 99.45 ॥

etāṃścānyāṃśca māyābhiḥ sasarja niśitāñcharān| rāmaṃ prati mahātejāḥ kruddhaḥ sarpa iva śvasan || 99.45 ||

That mighty and blazing rakshasa, hissing like an angered serpent, loosed these and other sharp arrows at Rama through his sorcery.

Shloka 46 (yuddha.99.46)

आसुरेण समाविष्टः सोऽस्त्रेण रघुपुङ्गवः। ससर्जास्त्रं महोत्साहं पावकं पावकोपमः ॥ 99.46 ॥

āsureṇa samāviṣṭaḥ so'streṇa raghupuṅgavaḥ| sasarjāstraṃ mahotsāhaṃ pāvakaṃ pāvakopamaḥ || 99.46 ||

Enveloped by that Asura missile, the foremost of the Raghus, himself blazing like fire, then released the mighty and vigorous Fire missile,

Shloka 47 (yuddha.99.47)

अग्निदीप्तमुखान् बाणांस्तत्र सूर्यमुखानपि। चन्द्रार्धचन्द्रवक्त्रांश्च धूमकेतुमुखानपि। ग्रहनक्षत्रवर्णांश्च महोल्कामुखसंस्थितान् ॥ 99.47 ॥

agnidīptamukhān bāṇāṃstatra sūryamukhānapi| candrārdhacandravaktrāṃśca dhūmaketumukhānapi| grahanakṣatravarṇāṃśca maholkāmukhasaṃsthitān || 99.47 ||

from which came arrows with mouths blazing like fire, others with faces like the sun, the moon and the crescent moon, comet-faced ones, arrows coloured like planets and stars, tipped in the likeness of a great meteor,

Shloka 48 (yuddha.99.48)

विद्युज्जिह्वोपमांश्चापि ससर्ज विविधाञ्छरान्। ते रावणशरा घोरा राघवास्त्रसमाहताः ॥ 99.48 ॥

vidyujjihvopamāṃścāpi sasarja vividhāñcharān| te rāvaṇaśarā ghorā rāghavāstrasamāhatāḥ || 99.48 ||

and arrows like tongues of lightning, of every kind. Ravana's dreadful shafts, struck by Raghava's missile,

Shloka 49 (yuddha.99.49)

विलयं जग्मुराकाशे जघ्नुश्चैव सहस्रशः। तदस्त्रं निहतं दृष्ट्वा रामेणाक्लिष्टकर्मणा ॥ 99.49 ॥

vilayaṃ jagmurākāśe jaghnuścaiva sahasraśaḥ| tadastraṃ nihataṃ dṛṣṭvā rāmeṇākliṣṭakarmaṇā || 99.49 ||

vanished into nothingness in the sky and were shattered by the thousand. Seeing that missile destroyed by Rama, whose deeds are ever unwearied,

Shloka 50 (yuddha.99.50)

हृष्टा नेदुस्ततः सर्वे कपयः कामरूपिणः। सुग्रीवाभिमुखा वीराः सम्परिक्षिप्य राघवम् ॥ 99.50 ॥

hṛṣṭā nedustataḥ sarve kapayaḥ kāmarūpiṇaḥ| sugrīvābhimukhā vīrāḥ samparikṣipya rāghavam || 99.50 ||

all those monkey-heroes, who could take any form at will, roared aloud in joy, and, ringing Raghava about, turned their faces toward Sugriva.

Shloka 51 (yuddha.99.51)

ततस्तदस्त्रं विनिहत्य राघवः प्रसह्य तद् रावणबाहुनिःसृतम्। मुदान्वितो दाशरथिर्महात्मा विनेदुरुच्चैर्मुदिताः कपीश्वराः ॥ 99.51 ॥

tatastadastraṃ vinihatya rāghavaḥ prasahya tad rāvaṇabāhuniḥsṛtam| mudānvito dāśarathirmahātmā vineduruccairmuditāḥ kapīśvarāḥ || 99.51 ||

Having thus forcibly destroyed that missile which had issued from Ravana's own arms, the great-souled son of Dasharatha was filled with joy, and the delighted lords of monkeys roared out loudly.