The Birth of Arjuna

Verse 1 (1.132.1)

जाते बलवतां श्रेष्ठे पाण्डुश्चिन्तापरोऽभवत् । कथमन्यो मम सुतो लोके श्रेष्ठो भवेदिति ॥

jāte balavatāṃ śreṣṭhe pāṇḍuścintāparo'bhavat | kathamanyo mama suto loke śreṣṭho bhavediti

Vaishampayana said: When the strongest of the strong had been born, Pandu fell to thinking: "How may I have yet another son, one who will be the best in the world?

Note on the text: The automatic alignment found no match; a variant of 1.114.15 of the critical edition.

Verse 2 (1.132.2)

दैवे पुरुषकारे च लोकोऽयं संप्रतिष्ठितः । तत्र दैवं तु विधिना कालयुक्तेन लभ्यते ॥

daive puruṣakāre ca loko'yaṃ saṃpratiṣṭhitaḥ | tatra daivaṃ tu vidhinā kālayuktena labhyate

"This world rests on fate and on human effort. Of the two, fate is won by the right method, joined with the proper time.

Verse 3 (1.132.3)

इन्द्रो हि राजा देवानां प्रधान इति नः श्रुतम् । अप्रमेयबलोत्साहो वीर्यवानमितद्युतिः ॥

indro hi rājā devānāṃ pradhāna iti naḥ śrutam | aprameyabalotsāho vīryavānamitadyutiḥ

"We have heard that Indra is the king of the gods and their chief, of immeasurable strength and energy, mighty and of boundless splendour.

Verse 4 (1.132.4)

तं तोषयित्वा तपसा पुत्रं लप्स्ये महाबलम् । यं दास्यति स मे पुत्रं स वरीयान्भविष्यति ॥

taṃ toṣayitvā tapasā putraṃ lapsye mahābalam | yaṃ dāsyati sa me putraṃ sa varīyānbhaviṣyati

"If I satisfy him with austerity, I shall obtain a son of great strength. The son he gives me will surpass all others.

Note on the text: Corrected वीरयान् → वरीयान् (misprint in Wikisource; transposed vowel signs, as in the critical edition's varīyān). The automatic alignment found no match; = 1.114.18ab of the critical edition.

Verse 5 (1.132.5)

अमानुषान्मानुषांश्च संग्रामे स हनिष्यति । कर्मणा मनसा वाचा तस्मात्तप्स्ये महत्तपः ॥

amānuṣānmānuṣāṃśca saṃgrāme sa haniṣyati | karmaṇā manasā vācā tasmāttapsye mahattapaḥ

"He will slay in battle beings both human and more than human. Therefore I shall perform a great austerity, in deed, in mind and in speech."

Note on the text: The automatic alignment found no match; the second line = 1.114.18e of the critical edition. The first line is not in the critical edition (found in the vulgate recension; star passage 1211).

Verse 6 (1.132.6)

ततः पाण्डुर्महाराजो मन्त्रयित्वा महर्षिभिः । दिदेश कुन्त्याः कौरव्यो व्रतं सांवत्सरं शुभम् ॥

tataḥ pāṇḍurmahārājo mantrayitvā maharṣibhiḥ | dideśa kuntyāḥ kauravyo vrataṃ sāṃvatsaraṃ śubham

Then the great king Pandu, the Kaurava, after taking counsel with the great sages, enjoined on Kunti an auspicious vow lasting a year.

Verse 7 (1.132.7)

आत्मना च महाबाहुरेकपादस्थितोऽभवत् । उग्रं स तप आस्थाय परमेण समाधिना ॥

ātmanā ca mahābāhurekapādasthito'bhavat | ugraṃ sa tapa āsthāya parameṇa samādhinā

And he himself, the mighty-armed, stood on one foot, taking up a fierce austerity with the highest concentration.

Verse 8 (1.132.8)

आरिराधयिषुर्देवं त्रिदशानां तमीश्वरम् । सूर्येण सह धर्मात्मा पर्यतप्यत भारत ॥

ārirādhayiṣurdevaṃ tridaśānāṃ tamīśvaram | sūryeṇa saha dharmātmā paryatapyata bhārata

Seeking to win the favour of that god, the lord of the thirty gods, the righteous king kept up his austerity along with the sun, O Bharata.

Verse 9 (1.132.9)

तं तु कालेन महता वासवः प्रत्यपद्यत । पुत्रं तव प्रदास्यामि त्रिषु लोकेषु विश्रुतम् ॥

taṃ tu kālena mahatā vāsavaḥ pratyapadyata | putraṃ tava pradāsyāmi triṣu lokeṣu viśrutam

After a long time Vasava came to him and said: "I will give you a son renowned throughout the three worlds,

Verse 10 (1.132.10)

ब्राह्मणानां गवां चैव सुहृदां चार्थसाधकम् । दुर्हृदां शोकजननं सर्वबान्धवनन्दनम् ॥

brāhmaṇānāṃ gavāṃ caiva suhṛdāṃ cārthasādhakam | durhṛdāṃ śokajananaṃ sarvabāndhavanandanam

"one who will serve the ends of brahmins, of cattle and of friends, who will bring grief to his enemies and delight to all his kin.

Note on the text: The automatic alignment found no match; the first line is a variant of 1.114.23a of the critical edition. The second line is not in the critical edition (found in the vulgate recension; star passage 1212).

Verse 11 (1.132.11)

सुतं तेऽग्र्यं प्रदास्यामि सर्वामित्रविनाशनम् । इत्युक्तः कौरवो राजा वासवेन महात्मना ॥

sutaṃ te'gryaṃ pradāsyāmi sarvāmitravināśanam | ityuktaḥ kauravo rājā vāsavena mahātmanā

"I will give you a foremost son, the destroyer of all his foes." Addressed thus by the great-souled Vasava, the Kaurava king,

Note on the text: Corrected कारैवो → कौरवो (misprint in Wikisource; misplaced vowel sign, as in the critical edition's kauravo). The automatic alignment found no match; = 1.114.23c and 1.114.24a of the critical edition.

Verse 12 (1.132.12)

उवाच कुन्तीं धर्मात्मा देवराजवचः स्मरन् । उदर्कस्तव कल्याणि तुष्टो देवगणेश्वरः ॥

uvāca kuntīṃ dharmātmā devarājavacaḥ smaran | udarkastava kalyāṇi tuṣṭo devagaṇeśvaraḥ

righteous at heart, remembering the words of the king of the gods, said to Kunti: "Good fortune has risen for you, lovely one; the lord of the hosts of gods is pleased.

Note on the text: The automatic alignment found no match; the first line = 1.114.24c of the critical edition. The second line is not in the critical edition (found in the vulgate recension; star passage 1214).

Verse 13 (1.132.13)

दातुमिच्छति ते पुत्रं यथा संकल्पितं त्वया । अतिमानुषकर्माणं यशस्विनमरिन्दमम् ॥

dātumicchati te putraṃ yathā saṃkalpitaṃ tvayā | atimānuṣakarmāṇaṃ yaśasvinamarindamam

"He wishes to give you a son, just as you resolved: one whose deeds pass beyond the human, glorious, a subduer of foes,

Note on the text: Not in the critical edition (found in the vulgate recension); star passage 1214 after 1.114.24.

Verse 14 (1.132.14)

नीतिमन्तं महात्मानमादित्यसमतेजसम् । दुराधर्षं क्रियावन्तमतीवाद्भुतदर्शनम् ॥

nītimantaṃ mahātmānamādityasamatejasam | durādharṣaṃ kriyāvantamatīvādbhutadarśanam

"wise in policy, great-souled, with the splendour of the sun, hard to assail, vigorous in action, and wondrous to behold.

Verse 15 (1.132.15)

पुत्रं जनय सुश्रोणि धाम क्षत्रियतेजसाम् । लब्धः प्रसादो देवेन्द्रात्तमाह्वय शुचिस्मिते ॥

putraṃ janaya suśroṇi dhāma kṣatriyatejasām | labdhaḥ prasādo devendrāttamāhvaya śucismite

"Bring forth a son, fair-hipped one, a home of the might of kshatriyas. The grace of the king of the gods has been won; call him, sweetly smiling one."

Verse 16 (1.132.16)

एवमुक्ता ततः शक्रमाजुहाव यशस्विनी । अथाजगाम देवेन्द्रो जनयामास चार्जुनम् ॥

evamuktā tataḥ śakramājuhāva yaśasvinī | athājagāma devendro janayāmāsa cārjunam

Vaishampayana said: Thus addressed, the illustrious Kunti summoned Shakra. The king of the gods came, and begot Arjuna.

Verse 17 (1.132.17)

उत्तराभ्यां तु पूर्वाभ्यां फल्गुनीभ्यां ततो दिवा । जातस्तु फाल्गुने मासि तेनासौ फल्गुनःस्मृतः ॥

uttarābhyāṃ tu pūrvābhyāṃ phalgunībhyāṃ tato divā | jātastu phālgune māsi tenāsau phalgunaḥsmṛtaḥ

He was born by day, under the two Phalguni asterisms, the Uttara and the Purva, in the month of Phalguna; therefore he is remembered as Phalguna.

Note on the text: Not in the critical edition (found in the vulgate recension); star passage 1217 after 1.114.27. Removed stray wiki marks (backticks, quote marks, doubled danda) from the Wikisource text.

Verse 18 (1.132.18)

जातमात्रे कुमारे तु सर्वभूतप्रहर्षिणी । सूतके वर्तमानां तां वागुवाचाशरीरिणी । महागम्भीरनिर्घोषा नभो नादयती तदा ॥

jātamātre kumāre tu sarvabhūtapraharṣiṇī | sūtake vartamānāṃ tāṃ vāguvācāśarīriṇī | mahāgambhīranirghoṣā nabho nādayatī tadā

As soon as the boy was born, a bodiless voice that gladdened all creatures spoke to Kunti as she lay in childbed, a voice of deep and mighty resonance that filled the sky with its sound.

Note on the text: The automatic alignment found no match; the first and third lines = 1.114.28 of the critical edition. The words from सर्वभूतप्रहर्षिणी to तां are not in its constituted text (found in the vulgate recension; star passage 1218). Removed stray wiki marks (backticks, quote marks, doubled danda) from the Wikisource text.

Verse 19 (1.132.19)

शृण्वतां सर्वभूतानां तेषां चाश्रमवासिनाम् । कुन्तीमाभाष्य विस्पष्टमुवाचेदं शुचिस्मिताम् ॥

śṛṇvatāṃ sarvabhūtānāṃ teṣāṃ cāśramavāsinām | kuntīmābhāṣya vispaṣṭamuvācedaṃ śucismitām

In the hearing of all beings and of the dwellers in the hermitage, it addressed the sweetly smiling Kunti and spoke these words clearly:

Note on the text: Not in the critical edition (found in the vulgate recension); star passage 1219 after 1.114.28.

Verse 20 (1.132.20)

कार्तवीर्यसमः कुन्ति शिवतुल्यपराक्रमः । एष शक्र इवाजय्यो यशस्ते प्रथयिष्यति ॥

kārtavīryasamaḥ kunti śivatulyaparākramaḥ | eṣa śakra ivājayyo yaśaste prathayiṣyati

"Kunti, this son will be the equal of Kartavirya, with prowess like Shiva's; unconquerable like Shakra, he will spread your fame.

Verse 21 (1.132.21)

अदित्या विष्णुना प्रीतिर्यथाऽभूदभिवर्धिता । तथा विष्णुसमः प्रीतिं वर्धयिष्यति तेऽर्जुनः ॥

adityā viṣṇunā prītiryathā'bhūdabhivardhitā | tathā viṣṇusamaḥ prītiṃ vardhayiṣyati te'rjunaḥ

"As Aditi's joy was increased by Vishnu, so Arjuna, Vishnu's equal, will increase your joy.

Verse 22 (1.132.22)

एष मद्रान्वशे कृत्वा कुरूंश्च सह सोमकैः । चेदिकाशिकरूषांश्च कुरुलक्ष्मीं वहिष्यति ॥

eṣa madrānvaśe kṛtvā kurūṃśca saha somakaiḥ | cedikāśikarūṣāṃśca kurulakṣmīṃ vahiṣyati

"Bringing under his sway the Madras, the Kurus together with the Somakas, and the Chedis, Kashis and Karushas, he will uphold the fortune of the Kurus.

Verse 23 (1.132.23)

एतस्य भुजवीर्येण खाण्डवे हव्यवाहनः । मेदसा सर्वभूतानां तृप्तिं यास्यति वै पराम् ॥

etasya bhujavīryeṇa khāṇḍave havyavāhanaḥ | medasā sarvabhūtānāṃ tṛptiṃ yāsyati vai parām

"Through the might of his arms the Bearer of Oblations will gain supreme satisfaction at Khandava from the fat of all creatures.

Verse 24 (1.132.24)

ग्रामणीश्च महीपालानेष जित्वा महाबलः । भ्रातृभिः सहितो वीरस्त्रीन्मेधानाहरिष्यति ॥

grāmaṇīśca mahīpālāneṣa jitvā mahābalaḥ | bhrātṛbhiḥ sahito vīrastrīnmedhānāhariṣyati

"This mighty hero will conquer the chieftains and the kings of the earth, and with his brothers he will perform three great sacrifices.

Verse 25 (1.132.25)

जामदग्न्यसमः कुन्ति विष्णुतुल्यपराक्रमः । एष वीर्यवतां श्रेष्ठो भविष्यति महायशाः ॥

jāmadagnyasamaḥ kunti viṣṇutulyaparākramaḥ | eṣa vīryavatāṃ śreṣṭho bhaviṣyati mahāyaśāḥ

"Kunti, equal to the son of Jamadagni, with prowess like Vishnu's, he will be the foremost of the mighty, and of great renown.

Verse 26 (1.132.26)

एष युद्धे महादेवं तोषयिष्यति शङ्करम् । अस्त्रं पाशुपतं नाम तस्मात्तुष्टादवाप्स्यति ॥

eṣa yuddhe mahādevaṃ toṣayiṣyati śaṅkaram | astraṃ pāśupataṃ nāma tasmāttuṣṭādavāpsyati

"In battle he will please the great god Shankara, and from him, well pleased, he will receive the weapon called Pashupata.

Note on the text: Not in the critical edition (found in the vulgate recension); star passage 1222 after 1.114.34.

Verse 27 (1.132.27)

निवातकवचा नाम दैत्या विबुधविद्विषः । शक्राज्ञया महाबाहुस्तान्वधिष्यति ते सुतः ॥

nivātakavacā nāma daityā vibudhavidviṣaḥ | śakrājñayā mahābāhustānvadhiṣyati te sutaḥ

"The Daityas called the Nivatakavachas, enemies of the gods: at Shakra's command your mighty-armed son will slay them.

Note on the text: Not in the critical edition (found in the vulgate recension); star passage 1222 after 1.114.34.

Verse 28 (1.132.28)

तथा दिव्यानि चास्त्राणि निखिलेनाहरिष्यति । विप्रनष्टां श्रियं चायमाहर्ता पुरुषर्षभः ॥

tathā divyāni cāstrāṇi nikhilenāhariṣyati | vipranaṣṭāṃ śriyaṃ cāyamāhartā puruṣarṣabhaḥ

"He will also win all the celestial weapons without exception, and this bull among men will bring back the fortune that was lost."

Verse 29 (1.132.29)

एतामत्यद्भुतां वाचं कुन्ती शुश्राव सूतके । वाचमुच्चरितामुच्चैस्तां निशम्य तपस्विनाम् ॥

etāmatyadbhutāṃ vācaṃ kuntī śuśrāva sūtake | vācamuccaritāmuccaistāṃ niśamya tapasvinām

Kunti heard these most wondrous words as she lay in childbed. And when they heard that voice ring out aloud, the ascetics

Note on the text: The automatic alignment found no match; the first line is a variant of 1.114.36a and the second = 1.114.37a of the critical edition.

Verse 30 (1.132.30)

बभूव परमो हर्षः शतशृङ्गनिवासिनाम् । तथा देवमहर्षीणां सेन्द्राणां च दिवौकसाम् ॥

babhūva paramo harṣaḥ śataśṛṅganivāsinām | tathā devamaharṣīṇāṃ sendrāṇāṃ ca divaukasām

who dwelt on Shatashringa felt the highest joy, and so did the divine sages and the dwellers of heaven, together with Indra.

Note on the text: Corrected पमो → परमो (misprint in Wikisource; dropped akshara, as in the critical edition's paramo). The automatic alignment found no match; = 1.114.37c and 1.114.38a of the critical edition.

Verse 31 (1.132.31)

आकाशे दुन्दुभीनां च बभूव तुमुलः स्वनः । उदतिष्ठन्महाघोरः पुष्पवृष्टिभिरावृतः ॥

ākāśe dundubhīnāṃ ca babhūva tumulaḥ svanaḥ | udatiṣṭhanmahāghoraḥ puṣpavṛṣṭibhirāvṛtaḥ

In the sky arose a tumultuous sound of kettledrums, a mighty roar, attended by showers of flowers.

Note on the text: The automatic alignment found no match; = 1.114.38c and 1.114.39a of the critical edition.

Verse 32 (1.132.32)

समवेत्य च देवानां गणाः पार्थमपूजयन् । काद्रवेया वैनतेया गन्धर्वाप्सरसस्तथा । प्रजानां पतयः सर्वे सप्त चैव महर्षयः ॥

samavetya ca devānāṃ gaṇāḥ pārthamapūjayan | kādraveyā vainateyā gandharvāpsarasastathā | prajānāṃ patayaḥ sarve sapta caiva maharṣayaḥ

The hosts of the gods assembled and paid honour to Partha: the sons of Kadru and the sons of Vinata, the Gandharvas and Apsarases, all the lords of creatures, and the seven great sages,

Note on the text: The automatic alignment found no match; = 1.114.39c and 1.114.40 of the critical edition.

Verse 33 (1.132.33)

भरद्वाजः कश्यपो गौतमश्च । विश्वामित्रो जमदग्निर्वसिष्ठः । यश्चोदितो भास्करेऽभूत्प्रनष्टे । सोऽप्यत्रात्रिर्भगवानाजगाम ॥

bharadvājaḥ kaśyapo gautamaśca | viśvāmitro jamadagnirvasiṣṭhaḥ | yaścodito bhāskare'bhūtpranaṣṭe | so'pyatrātrirbhagavānājagāma

Bharadvaja, Kashyapa and Gautama, Vishvamitra, Jamadagni and Vasishtha; and he who rose when the sun had been lost, the blessed Atri, he too came there.

Note on the text: Corrected खस्यपो → कश्यपो (misprint in Wikisource; garbled name, as in the critical edition's kaśyapo).

Verse 34 (1.132.34)

मरीचिरङ्गिराश्चैव पुलस्त्यः पुलहः क्रतुः । दक्षः प्रजापतिश्चैव गन्धर्वाप्सरसस्तथा ॥

marīciraṅgirāścaiva pulastyaḥ pulahaḥ kratuḥ | dakṣaḥ prajāpatiścaiva gandharvāpsarasastathā

Marichi, Angiras, Pulastya, Pulaha and Kratu, and Daksha the lord of creatures came, and the Gandharvas and Apsarases as well.

Verse 35 (1.132.35)

दिव्यमाल्याम्बरधराः सर्वालङ्कारभूषिताः । उपगायन्ति बीभत्सुं नृत्यन्तेऽप्सरसां गणाः ॥

divyamālyāmbaradharāḥ sarvālaṅkārabhūṣitāḥ | upagāyanti bībhatsuṃ nṛtyante'psarasāṃ gaṇāḥ

Wearing celestial garlands and garments and adorned with every ornament, they sang the praise of Bibhatsu, and the troupes of Apsarases danced.

Note on the text: The automatic alignment found no match; a variant of 1.114.43ab of the critical edition.

Verse 36 (1.132.36)

तथा महर्षयश्चापि जेपुस्तत्र समन्ततः । गन्धर्वैः सहितः श्रीमान्प्रागायत च तुम्बुरुः ॥

tathā maharṣayaścāpi jepustatra samantataḥ | gandharvaiḥ sahitaḥ śrīmānprāgāyata ca tumburuḥ

The great sages too murmured prayers all around, and the glorious Tumburu sang together with the Gandharvas.

Note on the text: The automatic alignment found no match; the second line = 1.114.43e of the critical edition. The first line is not in its constituted text (found in the vulgate recension; star passage 1224).

Verse 37 (1.132.37)

भीमसेनोग्रसेनौ च ऊर्णायुरनघस्तथा । गोपतिर्धृतराष्ट्रश्च सूर्यवर्चास्तथाष्टमः ॥

bhīmasenograsenau ca ūrṇāyuranaghastathā | gopatirdhṛtarāṣṭraśca sūryavarcāstathāṣṭamaḥ

Bhimasena and Ugrasena, Urnayu and Anagha, Gopati and Dhritarashtra, and Suryavarchas as the eighth;

Note on the text: Wikisource reads अष्टमः ("the eighth") where the critical edition has saptamaḥ ("the seventh"); Suryavarchas is the seventh name in the list. Kept as printed.

Verse 38 (1.132.38)

युगपस्तृणपः कार्ष्णिर्नन्दिश्चित्ररथस्तथा । त्रयोदशः शालिशिराः पर्जन्यश्च चतुर्दशः ॥

yugapastṛṇapaḥ kārṣṇirnandiścitrarathastathā | trayodaśaḥ śāliśirāḥ parjanyaśca caturdaśaḥ

Yugapa, Trinapa, Karshni, Nandi and Chitraratha; Shalishiras the thirteenth, and Parjanya the fourteenth;

Verse 39 (1.132.39)

कलिः पञ्चदशश्चैव नारदश्चात्र षोडशः । ऋत्वा बृहत्त्वा बृहकः करालश्च महामनाः ॥

kaliḥ pañcadaśaścaiva nāradaścātra ṣoḍaśaḥ | ṛtvā bṛhattvā bṛhakaḥ karālaśca mahāmanāḥ

Kali the fifteenth, and Narada here the sixteenth; Ritva, Brihattva, Brihaka, and the high-minded Karala;

Verse 40 (1.132.40)

ब्रह्मचारी बहुगुणः सुवर्णश्चेति विश्रुतः । विश्वावसुर्भुमन्युश्च सुचन्द्रश्च शरुस्तथा ॥

brahmacārī bahuguṇaḥ suvarṇaśceti viśrutaḥ | viśvāvasurbhumanyuśca sucandraśca śarustathā

Brahmachari, Bahuguna, and the renowned Suvarna; Vishvavasu, Bhumanyu, Suchandra and Sharu;

Verse 41 (1.132.41)

गीतमाधुर्यसंपन्नौ विख्यातौ च हहाहुहू । इत्येते देवगन्धर्वा जग्मुस्तत्र नराधिप ॥

gītamādhuryasaṃpannau vikhyātau ca hahāhuhū | ityete devagandharvā jagmustatra narādhipa

and Haha and Huhu, the famous pair rich in sweetness of song: these celestial Gandharvas came there, O king.

Verse 42 (1.132.42)

तथैवाप्सरसो हृष्टाः सर्वालङ्कारभूषिताः । ननृतुर्वै महाभागा जगुश्चायतलोचनाः ॥

tathaivāpsaraso hṛṣṭāḥ sarvālaṅkārabhūṣitāḥ | nanṛturvai mahābhāgā jaguścāyatalocanāḥ

Likewise the Apsarases, joyful and adorned with every ornament, the highly favoured, large-eyed ones, danced and sang.

Verse 43 (1.132.43)

अनूचानाऽनवद्या च गुणमुख्या गुणावरा । अद्रिका च तथा सोमा मिश्रकेशी त्वलम्बुषा ॥

anūcānā'navadyā ca guṇamukhyā guṇāvarā | adrikā ca tathā somā miśrakeśī tvalambuṣā

Anuchana and Anavadya, Gunamukhya and Gunavara; Adrika and Soma, Mishrakeshi and Alambusha;

Verse 44 (1.132.44)

मरीचिः शुचिका चैव विद्युत्पर्णा तिलोत्तमा । अम्बिका लक्षणा क्षेमा देवी रम्भा मनोरमा ॥

marīciḥ śucikā caiva vidyutparṇā tilottamā | ambikā lakṣaṇā kṣemā devī rambhā manoramā

Marichi, Shuchika, Vidyutparna and Tilottama; Ambika, Lakshana, Kshema, the goddess Rambha, and Manorama;

Verse 45 (1.132.45)

असिता च सुबाहुश्च सुप्रिया च वपुस्तथा । पुण्डरीका सुगन्धा च सुरसा च प्रमाथिनी ॥

asitā ca subāhuśca supriyā ca vapustathā | puṇḍarīkā sugandhā ca surasā ca pramāthinī

Asita and Subahu, Supriya and Vapu; Pundarika and Sugandha, Surasa and Pramathini;

Verse 46 (1.132.46)

काम्या शारद्वती चैव ननृतुस्तत्र संघशः । मेनका सहजन्या च कर्णिका पुञ्जिकस्थला ॥

kāmyā śāradvatī caiva nanṛtustatra saṃghaśaḥ | menakā sahajanyā ca karṇikā puñjikasthalā

Kamya and Sharadvati danced there in companies. Menaka and Sahajanya, Karnika and Punjikasthala,

Verse 47 (1.132.47)

ऋतुस्थला घृताची च विश्वाची पूर्वचित्त्यपि । उम्लोचेति च विख्याता प्रम्लोचेति च ता दश ॥

ṛtusthalā ghṛtācī ca viśvācī pūrvacittyapi | umloceti ca vikhyātā pramloceti ca tā daśa

Ritusthala and Ghritachi, Vishvachi and Purvachitti, the one famed as Umlocha, and Pramlocha: these were ten;

Note on the text: The automatic alignment found no match; a variant of 1.114.54ab of the critical edition.

Verse 48 (1.132.48)

उर्वश्येकादशी तासां जगुश्चायतलोचनाः । धाताऽर्यमा च मित्रश्च वरुणोंऽशो भगस्तथा ॥

urvaśyekādaśī tāsāṃ jaguścāyatalocanāḥ | dhātā'ryamā ca mitraśca varuṇoṃ'śo bhagastathā

and Urvashi was the eleventh among them; these large-eyed ones sang. Dhata, Aryaman and Mitra, Varuna, Amsha and Bhaga,

Note on the text: The automatic alignment found no match; the first line is a variant of 1.114.54e and the second = 1.114.55a of the critical edition.

Verse 49 (1.132.49)

इन्द्रो विवस्वान्पूषा च पर्जन्यो दशमः स्मृतः । ततस्त्वष्टा ततो विष्णुरजघन्यो जघन्यजः ॥

indro vivasvānpūṣā ca parjanyo daśamaḥ smṛtaḥ | tatastvaṣṭā tato viṣṇurajaghanyo jaghanyajaḥ

Indra, Vivasvan and Pushan, Parjanya, remembered as the tenth, then Tvashtri, and then Vishnu, the last-born yet not the least:

Note on the text: The automatic alignment found no match; the opening words match 1.114.55c of the critical edition, which then lists the remaining Adityas differently (1.114.55c–56a).

Verse 50 (1.132.50)

इत्येते द्वादशादित्या ज्वलन्तः सूर्यवर्चसः ॥

ityete dvādaśādityā jvalantaḥ sūryavarcasaḥ

these are the twelve Adityas, blazing with the splendour of the sun.

Note on the text: Not in the critical edition (found in the vulgate recension); star passage 1227 after 1.114.56a. A single line in Wikisource.

Verse 51 (1.132.51)

मृगव्याधश्च सर्पश्च निर्ऋतिश्च महायशाः । अजैकपादहिर्बुध्न्यः पिनाकी च परंतप ॥

mṛgavyādhaśca sarpaśca nirṛtiśca mahāyaśāḥ | ajaikapādahirbudhnyaḥ pinākī ca paraṃtapa

Mrigavyadha and Sarpa, the illustrious Nirriti, Ajaikapad, Ahirbudhnya, and Pinaki, O scorcher of foes;

Verse 52 (1.132.52)

दहनोऽथेश्वरश्चैव कपाली च विशांपते । स्थाणुर्भगश्च भगवान्रुद्रास्तत्रावतस्थिरे ॥

dahano'theśvaraścaiva kapālī ca viśāṃpate | sthāṇurbhagaśca bhagavānrudrāstatrāvatasthire

Dahana and Ishvara, and Kapali, O lord of the people, Sthanu, and the blessed Bhaga: these Rudras stood there.

Verse 53 (1.132.53)

अश्विनौ वसवश्चाष्टौ मरुतश्च महाबलाः । विश्वेदेवास्तथा साध्यास्तत्रासन्परितः स्थिताः ॥

aśvinau vasavaścāṣṭau marutaśca mahābalāḥ | viśvedevāstathā sādhyāstatrāsanparitaḥ sthitāḥ

The two Ashvins, the eight Vasus, the mighty Maruts, the Vishvedevas and the Sadhyas were there, standing all around.

Verse 54 (1.132.54)

कर्कोटकोऽथ सर्पश्च वासुकिश्च भुजङ्गमः । कच्छपश्चाथ कुण्डश्च तक्षकश्च महोरगः ॥

karkoṭako'tha sarpaśca vāsukiśca bhujaṅgamaḥ | kacchapaścātha kuṇḍaśca takṣakaśca mahoragaḥ

Karkotaka and Sarpa, the serpent Vasuki, Kacchapa and Kunda, and the great serpent Takshaka,

Verse 55 (1.132.55)

आययुस्तपसा युक्ता महाक्रोधा महाबलाः । एते चान्ये च बहवस्तत्र नागा व्यवस्थिताः ॥

āyayustapasā yuktā mahākrodhā mahābalāḥ | ete cānye ca bahavastatra nāgā vyavasthitāḥ

came there, endowed with the power of austerity, of great wrath and great strength; these and many other Nagas stood there.

Verse 56 (1.132.56)

तार्क्ष्यश्चारिष्टनेमिश्च गरुडश्चासितध्वजः । अरुणश्चारुणिश्चैव वैनतेया व्यवस्थिताः ॥

tārkṣyaścāriṣṭanemiśca garuḍaścāsitadhvajaḥ | aruṇaścāruṇiścaiva vainateyā vyavasthitāḥ

Tarkshya and Arishtanemi, Garuda and Asitadhvaja, Aruna and Aruni: these sons of Vinata stood there.

Verse 57 (1.132.57)

तांश्च देवगणान्सर्वांस्तपःसिद्धा महर्षयः । विमानगिर्यग्रगतान्ददृशुर्नेतरे जनाः ॥

tāṃśca devagaṇānsarvāṃstapaḥsiddhā maharṣayaḥ | vimānagiryagragatāndadṛśurnetare janāḥ

All those hosts of gods, standing in their aerial chariots and on the mountain peaks, were seen by the great sages perfected through austerity; other people did not see them.

Note on the text: Not in the critical edition (found in the vulgate recension); star passage 1230 after 1.114.61.

Verse 58 (1.132.58)

तद्दृष्ट्वा महदाश्चर्यं विस्मिता मुनिसत्तमाः । अधिकां स्म ततो वृत्तिमवर्तन्पाण्डवं प्रति ॥

taddṛṣṭvā mahadāścaryaṃ vismitā munisattamāḥ | adhikāṃ sma tato vṛttimavartanpāṇḍavaṃ prati

Seeing that great marvel, the best of sages were amazed, and from then on they showed still greater regard toward the son of Pandu.

Verse 59 (1.132.59)

पाण्डुः प्रीतेन मनसा देवतादीनपूजयत् । पाण्डुना पूजिता देवाः प्रत्यूचुर्नरसत्तमम् ॥

pāṇḍuḥ prītena manasā devatādīnapūjayat | pāṇḍunā pūjitā devāḥ pratyūcurnarasattamam

With a glad heart Pandu worshipped the gods and the others. Honoured by Pandu, the gods replied to that best of men:

Note on the text: Not in the critical edition (found in the vulgate recension); star passage 1231 after 1.114.63.

Verse 60 (1.132.60)

प्रादुर्भूतो ह्ययं धर्मो देवतानां प्रसादतः । मातरिश्वा ह्ययं भीमो बलवानरिमर्दनः ॥

prādurbhūto hyayaṃ dharmo devatānāṃ prasādataḥ | mātariśvā hyayaṃ bhīmo balavānarimardanaḥ

"By the grace of the gods, this one has appeared as Dharma himself, and this Bhima is Matarishvan, the Wind, mighty and the crusher of foes.

Note on the text: Corrected प्रादुर्बूतो → प्रादुर्भूतो (misprint in Wikisource; unaspirated ब for भ, as in the critical edition's star passage prādurbhūto). Not in the critical edition (found in the vulgate recension); star passage 1231 after 1.114.63.

Verse 61 (1.132.61)

साक्षादिन्द्रः स्वयं जातः प्रसादाच्च शतक्रतोः । पितृत्वाद्देवतानां हि नास्ति पुण्यतरस्त्वया ॥

sākṣādindraḥ svayaṃ jātaḥ prasādācca śatakratoḥ | pitṛtvāddevatānāṃ hi nāsti puṇyatarastvayā

"And by the grace of Shatakratu, Indra himself has been born in person. Since you are the father of gods, there is no one more meritorious than you.

Note on the text: Not in the critical edition (found in the vulgate recension); star passage 1231 after 1.114.63.

Verse 62 (1.132.62)

पितॄणामृणनिर्मुक्तः स्वर्गं प्राप्स्यसि पुण्यभाक् । इत्युक्त्वा देवताः सर्वा विप्रजग्मुर्यथागतम् ॥

pitṝṇāmṛṇanirmuktaḥ svargaṃ prāpsyasi puṇyabhāk | ityuktvā devatāḥ sarvā viprajagmuryathāgatam

"Freed from your debt to the ancestors and sharing in merit, you will reach heaven." Having said this, all the gods departed as they had come.

Note on the text: Not in the critical edition (found in the vulgate recension); star passage 1231 after 1.114.63.

Verse 63 (1.132.63)

पाण्डुस्तु पुनरेवैनां पुत्रलोभान्महायशाः । प्रादिशद्दर्शनीयार्थी कुन्ती त्वेनमथाब्रवीत् ॥

pāṇḍustu punarevaināṃ putralobhānmahāyaśāḥ | prādiśaddarśanīyārthī kuntī tvenamathābravīt

But Pandu, of great fame, in his longing for sons and wishing for another son fair to behold, urged her once more. Then Kunti said to him:

Verse 64 (1.132.64)

नातश्चतुर्थं प्रसवमापत्स्वपि वदन्त्युत । अतःपरं स्वैरिणी स्याद्बन्धकी पञ्चमे भवेत् ॥

nātaścaturthaṃ prasavamāpatsvapi vadantyuta | ataḥparaṃ svairiṇī syādbandhakī pañcame bhavet

"They say that a fourth birth in this way is not allowed even in times of distress. Beyond that a woman would be called wanton, and at the fifth she becomes a harlot.

Note on the text: Corrected प्रसवमापस्त्वपि → प्रसवमापत्स्वपि (misprint in Wikisource; transposed conjunct, as in the critical edition's āpatsv api).

Verse 65 (1.132.65)

स त्वं विद्वन्धर्ममिममधिगम्य कथं नु माम् । अपत्यार्थं समुत्क्रम्य प्रमादादिव भाषसे ॥

sa tvaṃ vidvandharmamimamadhigamya kathaṃ nu mām | apatyārthaṃ samutkramya pramādādiva bhāṣase

"You are learned and know this law; how then can you, as if through carelessness, urge me to overstep it for the sake of offspring?"