The Funeral of Pandu and Madri

Verse 1 (1.136.1)

पाण्डोर्विदुर सर्वाणि प्रेतकार्याणि कारय । राजवद्राजसिंहस्य माद्र्याश्चैव विशेषतः ॥

pāṇḍorvidura sarvāṇi pretakāryāṇi kāraya | rājavadrājasiṃhasya mādryāścaiva viśeṣataḥ

"Vidura, have all the funeral rites for Pandu, that lion among kings, performed as befits a king, and for Madri too with special care.

Verse 2 (1.136.2)

पशून्वासांसि रत्नानि धनानि विविधानि च । पाण्डोः प्रयच्छ माद्र्याश्च येभ्यो यावच्च वाञ्छितम् ॥

paśūnvāsāṃsi ratnāni dhanāni vividhāni ca | pāṇḍoḥ prayaccha mādryāśca yebhyo yāvacca vāñchitam

On behalf of Pandu and Madri give cattle, clothes, jewels and riches of many kinds, to each person as much as he desires.

Verse 3 (1.136.3)

यथा च कुन्ती सत्कारं कुर्यान्माद्र्यास्तथा कुरु । यथा न वायुर्नादित्यः पश्येतां तां सुसंवृताम् ॥

yathā ca kuntī satkāraṃ kuryānmādryāstathā kuru | yathā na vāyurnādityaḥ paśyetāṃ tāṃ susaṃvṛtām

Arrange it so that Kunti may pay Madri every honour, and keep Madri so well covered that neither the wind nor the sun may look upon her.

Verse 4 (1.136.4)

न शोच्यः पाण्डुरनघः प्रशस्यः स नराधिपः । यस्य पञ्च सुता वीरा जाताः सुरसुतोपमाः ॥

na śocyaḥ pāṇḍuranaghaḥ praśasyaḥ sa narādhipaḥ | yasya pañca sutā vīrā jātāḥ surasutopamāḥ

The sinless Pandu is not to be mourned; that ruler of men is to be praised, for he has five heroic sons, born like the sons of the gods."

Verse 5 (1.136.5)

विदुरस्तं तथेत्युक्त्वा भीष्मेण सह भारत । पाण्डुं संस्कारयामास देशे परमपूजिते ॥

vidurastaṃ tathetyuktvā bhīṣmeṇa saha bhārata | pāṇḍuṃ saṃskārayāmāsa deśe paramapūjite

Vidura said, "So be it," and together with Bhishma, O Bharata, had the rites for Pandu performed at a most hallowed spot.

Verse 6 (1.136.6)

ततस्तु नगरात्तूर्णमाज्यगन्धपुरस्कृताः । निर्हृताः पावका दीप्ताः पाण्डो राजन्पुरोहितैः ॥

tatastu nagarāttūrṇamājyagandhapuraskṛtāḥ | nirhṛtāḥ pāvakā dīptāḥ pāṇḍo rājanpurohitaiḥ

Then, O king, the family priests swiftly brought Pandu's blazing sacred fires out of the city, fragrant with ghee.

Verse 7 (1.136.7)

अथैनामार्तवैः पुष्पैर्गन्धैश्च विविधैर्वरैः । शिबिकां तामलङ्कृत्य वाससाऽऽच्छाद्य सर्वशः ॥

athaināmārtavaiḥ puṣpairgandhaiśca vividhairvaraiḥ | śibikāṃ tāmalaṅkṛtya vāsasā''cchādya sarvaśaḥ

They decorated the bier with flowers of the season and many choice perfumes, and covered it all over with cloth.

Verse 8 (1.136.8)

तां तथा शोभितां माल्यैर्वासोभिश्च महाधनैः । अमात्या ज्ञातयश्चैनं सुहृदश्चोपतस्थिरे ॥

tāṃ tathā śobhitāṃ mālyairvāsobhiśca mahādhanaiḥ | amātyā jñātayaścainaṃ suhṛdaścopatasthire

When it had been adorned in this way with garlands and costly cloths, the ministers, kinsmen and friends gathered round him.

Verse 9 (1.136.9)

नृसिंहं नरयुक्तेन परमालङ्कृतेन तम् । अवहन् यानमुख्येन सह माद्र्या सुसंवृतम् ॥

nṛsiṃhaṃ narayuktena paramālaṅkṛtena tam | avahan yānamukhyena saha mādryā susaṃvṛtam

They bore that lion among men, with Madri, well covered, on a splendid, richly adorned conveyance carried by men.

Verse 10 (1.136.10)

पाण्डुरेणातपत्रेण चामरव्यजनेन च । सर्ववादित्रनादैश्च समलञ्चक्रिरे ततः ॥

pāṇḍureṇātapatreṇa cāmaravyajanena ca | sarvavāditranādaiśca samalañcakrire tataḥ

They graced it with a white parasol, with yak-tail whisks and fans, and with the sound of every kind of instrument.

Verse 11 (1.136.11)

रत्नानि चाप्युपादाय बहूनि शतशो नराः । प्रददुः काङ्क्षमाणेभ्यः पाण्डोस्तस्यौर्ध्वदेहिके ॥

ratnāni cāpyupādāya bahūni śataśo narāḥ | pradaduḥ kāṅkṣamāṇebhyaḥ pāṇḍostasyaurdhvadehike

Men brought jewels by the hundreds and gave them to all who wanted them, as part of Pandu's funeral rites.

Verse 12 (1.136.12)

अथ च्छत्राणि शुभ्राणि चामराणि बृहन्ति च । आजह्रुः कौरवस्यार्थे वासांसि रुचिराणि च ॥

atha cchatrāṇi śubhrāṇi cāmarāṇi bṛhanti ca | ājahruḥ kauravasyārthe vāsāṃsi rucirāṇi ca

Bright parasols, large yak-tail whisks and beautiful clothes were brought for the Kuru king's sake.

Verse 13 (1.136.13)

याजकैः शुक्लवासोभिर्हूयमाना हुताशनाः । अगच्छन्नग्रतस्तस्य दीप्यमानाः स्वलङ्कृताः ॥

yājakaiḥ śuklavāsobhirhūyamānā hutāśanāḥ | agacchannagratastasya dīpyamānāḥ svalaṅkṛtāḥ

Priests in white robes walked ahead of him with the sacred fires, blazing and well tended, into which offerings were being poured.

Verse 14 (1.136.14)

ब्राह्मणाः क्षत्रिया वैश्याः शूद्राश्चैव सहस्रशः । रुदन्तः शोकसंतप्ता अनुजग्मुर्नराधिपम् ॥

brāhmaṇāḥ kṣatriyā vaiśyāḥ śūdrāścaiva sahasraśaḥ | rudantaḥ śokasaṃtaptā anujagmurnarādhipam

Brahmins, Kshatriyas, Vaishyas and Shudras by the thousands followed the king, weeping and burning with grief:

Verse 15 (1.136.15)

अयमस्मानपाहाय दुःखे चाधाय शाश्वते । कृत्वा चास्माननाथांश्च क्व यास्यति नराधिपः ॥

ayamasmānapāhāya duḥkhe cādhāya śāśvate | kṛtvā cāsmānanāthāṃśca kva yāsyati narādhipaḥ

"Where is the king going, leaving us behind, plunging us into lasting sorrow and making us orphans?"

Verse 16 (1.136.16)

क्रोशन्तः पाण्डवाः सर्वे भीष्मो विदुर एव च । बाह्लीकः सोमदत्तश्च तथा भूरिश्रवा नृपः ॥

krośantaḥ pāṇḍavāḥ sarve bhīṣmo vidura eva ca | bāhlīkaḥ somadattaśca tathā bhūriśravā nṛpaḥ

All the Pandavas wept aloud, and Bhishma and Vidura too, and Bahlika, Somadatta and King Bhurishravas,

Note on the text: Removed a stray wiki mark (`). The first line = 1.118.16ab of the critical edition; the second is not in it (found in the vulgate recension).

Verse 17 (1.136.17)

अन्योन्यं वै समाश्लिष्य अनुजग्मुः सहस्रशः । रमणीये वनोद्देशे गङ्गातीरे समे शुभे ॥

anyonyaṃ vai samāśliṣya anujagmuḥ sahasraśaḥ | ramaṇīye vanoddeśe gaṅgātīre same śubhe

embracing one another, followed in their thousands. At a lovely spot in the forest, on the bank of the Ganga, level and auspicious,

Note on the text: Removed a stray wiki mark ('). The first line is not in the critical edition (found in the vulgate recension); the second = 1.118.16cd.

Verse 18 (1.136.18)

न्यासयामासुरथं तां शिबिकां सत्यवादिनः । सभार्यस्य नृसिंहस्य पाण्डोरक्लिष्टकर्मणः ॥

nyāsayāmāsurathaṃ tāṃ śibikāṃ satyavādinaḥ | sabhāryasya nṛsiṃhasya pāṇḍorakliṣṭakarmaṇaḥ

those truthful men set down the bier of that lion among men, Pandu of tireless deeds, and his wife.

Verse 19 (1.136.19)

ततस्तस्य शरीरं तु सर्वगन्धाधिवासितम् । शुचिकालीयकादिग्धं दिव्यचन्दनरूषितम् ॥

tatastasya śarīraṃ tu sarvagandhādhivāsitam | śucikālīyakādigdhaṃ divyacandanarūṣitam

Then his body, perfumed with every fragrance, smeared with pure kaliyaka paste and anointed with heavenly sandal,

Note on the text: Corresponds to 1.118.18ab–cd of the critical edition (which reads tat sarvagandhaniṣevitam … mukhyasnānādhivāsitam), aligned by hand.

Verse 20 (1.136.20)

पर्यषिञ्चञ्जलेनाशु शातकुम्भमयैर्घटैः । चन्दनेन च शुक्लेन सर्वतः समलेपयन् ॥

paryaṣiñcañjalenāśu śātakumbhamayairghaṭaiḥ | candanena ca śuklena sarvataḥ samalepayan

they quickly bathed with water from golden jars, and anointed all over with white sandal

Note on the text: = 1.118.18ef + 1.118.19ab of the critical edition (which reads candanena ca mukhyena śuklena samalepayan), aligned by hand.

Verse 21 (1.136.21)

कालागुरुविमिश्रेण तथा तुङ्गरसेन च । अथैनं देशजैः शुक्लैर्वासोभिः समयोजयन् ॥

kālāguruvimiśreṇa tathā tuṅgarasena ca | athainaṃ deśajaiḥ śuklairvāsobhiḥ samayojayan

mixed with black aloe-wood and with tunga resin. Then they dressed him in white garments woven in that country.

Note on the text: = 1.118.19cd + 1.118.20ab of the critical edition, aligned by hand.

Verse 22 (1.136.22)

संछन्नः स तु वासोभिर्जीवन्निव नराधिपः । शुशुभे स नरव्याघ्रो महार्हशयनोचितः ॥

saṃchannaḥ sa tu vāsobhirjīvanniva narādhipaḥ | śuśubhe sa naravyāghro mahārhaśayanocitaḥ

Covered in the garments, the ruler of men, that tiger among men, shone as though alive, as if lying on a costly bed.

Note on the text: Corrected नव्याघ्रो → नरव्याघ्रो (misprint in Wikisource; dropped र — the critical edition, which reads ācchannaḥ … puruṣavyāghro here, has the same sense). = 1.118.20cd–ef, aligned by hand.

Verse 23 (1.136.23)

हयमेधाग्निना सर्वे याजकाः सपुरोहिताः । वेदोक्तेन विधानेन क्रियांचक्रुः समन्त्रकम् ॥

hayamedhāgninā sarve yājakāḥ sapurohitāḥ | vedoktena vidhānena kriyāṃcakruḥ samantrakam

All the sacrificing priests, with the family priests, performed the rites with mantras, by the method laid down in the Veda, using the fire of the horse sacrifice.

Note on the text: Removed stray wiki marks (` and '). Not in the critical edition (found in the vulgate recension).

Verse 24 (1.136.24)

याजकैरभ्यनुज्ञाते प्रेतकर्मण्यनिष्ठिते । घृतावसिक्तं राजानं सह माद्र्या स्वलङ्कृतम् ॥

yājakairabhyanujñāte pretakarmaṇyaniṣṭhite | ghṛtāvasiktaṃ rājānaṃ saha mādryā svalaṅkṛtam

With the priests' consent, while the funeral rite was still under way, the king, sprinkled with ghee and finely adorned, together with Madri,

Verse 25 (1.136.25)

तुङ्गपद्मकमिश्रेण चन्दनेन सुगन्धिना । सरलं देवदारुं च गुग्गुलं लाक्षया सह ॥

tuṅgapadmakamiśreṇa candanena sugandhinā | saralaṃ devadāruṃ ca guggulaṃ lākṣayā saha

with fragrant sandal mixed with tunga and padmaka, with sarala pine and devadaru cedar, with guggulu resin and lac,

Note on the text: Removed a stray wiki mark (`). The first line = 1.118.22ab of the critical edition; the second is not in it (found in the vulgate recension).

Verse 26 (1.136.26)

हरिचन्दनकाष्ठैश्च हरिबेरैरुशीरकैः । अन्यैश्च विविधैर्गन्धैर्विधिना समदाहयन् ॥

haricandanakāṣṭhaiśca hariberairuśīrakaiḥ | anyaiśca vividhairgandhairvidhinā samadāhayan

with logs of yellow sandalwood, with hribera and ushira, and with many other fragrant things, they cremated according to the rule.

Note on the text: Removed a stray wiki mark ('). The first line is not in the critical edition (found in the vulgate recension); the second = 1.118.22cd (which reads analpaiḥ for विधिना).

Verse 27 (1.136.27)

ततस्तयोः शरीरे द्वे दृष्ट्वा मोहवशं गता । हाहा पुत्रेति कौसल्या पपात सहसा भुवि ॥

tatastayoḥ śarīre dve dṛṣṭvā mohavaśaṃ gatā | hāhā putreti kausalyā papāta sahasā bhuvi

Then, seeing the two bodies, Kausalya was overcome by a swoon; crying "Alas, alas, my son!" she fell suddenly to the ground.

Verse 28 (1.136.28)

तां प्रेक्ष्य पतितामार्तां पौरजानपदो जनः । रुरोद दुःखसंतप्तो राजभक्त्या कृपाऽन्वितः ॥

tāṃ prekṣya patitāmārtāṃ paurajānapado janaḥ | ruroda duḥkhasaṃtapto rājabhaktyā kṛpā'nvitaḥ

Seeing her fallen in her anguish, the people of the city and the countryside wept, burning with grief and filled with pity out of love for their king.

Verse 29 (1.136.29)

कुन्त्याश्चैवार्तनादेन सर्वाणि च विचुक्रुशुः । मानुषैः सह भूतानि तिर्यग्योनिगतान्यपि ॥

kuntyāścaivārtanādena sarvāṇi ca vicukruśuḥ | mānuṣaiḥ saha bhūtāni tiryagyonigatānyapi

At Kunti's cries of anguish every creature cried out, beings born of animal wombs along with men.

Verse 30 (1.136.30)

तथा भीष्मः शान्तनवो विदुरश्च महामतिः । सर्वशः कौरवाश्चैव प्राणदन्भृशदुःखिताः ॥

tathā bhīṣmaḥ śāntanavo viduraśca mahāmatiḥ | sarvaśaḥ kauravāścaiva prāṇadanbhṛśaduḥkhitāḥ

Bhishma son of Shantanu, the wise Vidura and all the Kauravas likewise cried out in deep sorrow.

Verse 31 (1.136.31)

ततो भीष्मोऽथ विदुरो राजा च सह पाण्डवैः । उदकं चक्रिरे तस्य सर्वाश्च कुरुयोषितः ॥

tato bhīṣmo'tha viduro rājā ca saha pāṇḍavaiḥ | udakaṃ cakrire tasya sarvāśca kuruyoṣitaḥ

Then Bhishma, Vidura and the king, with the Pandavas, offered water for him, and so did all the women of the Kurus.

Verse 32 (1.136.32)

चुक्रुशुः पाण्डवाः सर्वे भीष्मः शान्तनवस्तथा । विदुरो ज्ञातयश्चैव चक्रुश्चाप्युदकक्रियाः ॥

cukruśuḥ pāṇḍavāḥ sarve bhīṣmaḥ śāntanavastathā | viduro jñātayaścaiva cakruścāpyudakakriyāḥ

All the Pandavas wept aloud, and Bhishma son of Shantanu, Vidura and the kinsmen likewise, and they performed the water offerings.

Note on the text: Not in the critical edition (found in the vulgate recension).

Verse 33 (1.136.33)

कृतोदकांस्तानादाय पाण्डवाञ्छोककर्शितान् । सर्वाः प्रकृतयो राजञ्शोचमाना न्यवारयन् ॥

kṛtodakāṃstānādāya pāṇḍavāñchokakarśitān | sarvāḥ prakṛtayo rājañśocamānā nyavārayan

When the water had been offered, O king, all the subjects took the grief-worn Pandavas with them and, grieving themselves, tried to hold them back from their sorrow.

Verse 34 (1.136.34)

यथैव पाण्डवा भूमौ सुषुपुः सह बान्धवैः । तथैव नागरा राजञ्शिश्यिरे ब्राह्मणादयः ॥

yathaiva pāṇḍavā bhūmau suṣupuḥ saha bāndhavaiḥ | tathaiva nāgarā rājañśiśyire brāhmaṇādayaḥ

Just as the Pandavas slept on the ground with their kinsmen, O king, so too the townsfolk, Brahmins and all the rest, lay down on the ground.

Verse 35 (1.136.35)

तद्गतानन्दमस्वस्थमाकुमारमहृष्टवत् । बभूव पाण्डवैः सार्धं नगरं द्वादश क्षपाः ॥

tadgatānandamasvasthamākumāramahṛṣṭavat | babhūva pāṇḍavaiḥ sārdhaṃ nagaraṃ dvādaśa kṣapāḥ

For twelve nights the city, with the Pandavas, was without joy and ill at ease, cheerless down to the smallest child.