The Sages Bring the Pandavas to Hastinapura

Verse 1 (1.135.1)

पाण्डोरुपरमं दृष्ट्वा देवकल्पा महर्षयः । ततो मन्त्रविदः सर्वे मन्त्रयांचक्रिरे मिथः ॥

pāṇḍoruparamaṃ dṛṣṭvā devakalpā maharṣayaḥ | tato mantravidaḥ sarve mantrayāṃcakrire mithaḥ

When they saw that Pandu had passed away, the great sages, who were like gods and skilled in counsel, all took counsel among themselves.

Note on the text: Corresponds to 1.117.1 of the critical edition, which words the verse differently (pāṇḍor avabhṛthaṃ kṛtvā … tato mantram akurvanta te sametya tapasvinaḥ); aligned by hand.

Verse 2 (1.135.2)

हित्वा राज्यं च राष्ट्रं च स महात्मा महायशाः । अस्मिंस्थाने तपस्तप्त्वा तापसाञ्शरणं गतः ॥

hitvā rājyaṃ ca rāṣṭraṃ ca sa mahātmā mahāyaśāḥ | asmiṃsthāne tapastaptvā tāpasāñśaraṇaṃ gataḥ

"This great-souled and illustrious king gave up his kingdom and his realm, practised austerities in this place, and took refuge with the ascetics.

Verse 3 (1.135.3)

स जातमात्रान्पुत्रांश्च दारांश्च भवतामिह । प्रादायोपनिधिं राजा पाण्डुः स्वर्गमितो गतः ॥

sa jātamātrānputrāṃśca dārāṃśca bhavatāmiha | prādāyopanidhiṃ rājā pāṇḍuḥ svargamito gataḥ

King Pandu has gone from here to heaven, leaving his newborn sons and his wives here in your keeping as a trust.

Verse 4 (1.135.4)

तस्येमानात्मजान्देहं भार्यां च सुमहात्मनः । स्वराष्ट्रं गृह्य गच्छामो धर्म एष हि नः स्मृतः ॥

tasyemānātmajāndehaṃ bhāryāṃ ca sumahātmanaḥ | svarāṣṭraṃ gṛhya gacchāmo dharma eṣa hi naḥ smṛtaḥ

Let us take this great-souled man's sons, his remains and his wife, and go to his own kingdom; that, as we understand it, is our duty."

Note on the text: Not in the critical edition (found in the vulgate recension).

Verse 5 (1.135.5)

ते परस्परमामन्त्र्य देवकल्पा महर्षयः । पाण्डोः पुत्रान्पुरस्कृत्य नगरं नागसाह्वयम् ॥

te parasparamāmantrya devakalpā maharṣayaḥ | pāṇḍoḥ putrānpuraskṛtya nagaraṃ nāgasāhvayam

Having consulted one another, the godlike great sages put Pandu's sons at their head and turned their thoughts to the city named after the elephant.

Verse 6 (1.135.6)

उदारमनसः सिद्धा गमने चक्रिरे मनः । भीष्माय पाण्डवान्दातुं धृतराष्ट्राय चैव हि ॥

udāramanasaḥ siddhā gamane cakrire manaḥ | bhīṣmāya pāṇḍavāndātuṃ dhṛtarāṣṭrāya caiva hi

Those generous-hearted Siddhas made up their minds to go there and hand the Pandavas over to Bhishma and to Dhritarashtra.

Note on the text: Corrected पण्डवान् → पाण्डवान् (misprint in Wikisource; dropped vowel sign ा — the critical edition reads pāṇḍavān).

Verse 7 (1.135.7)

तस्मिन्नेव क्षणे सर्वे तानादाय प्रतस्थिरे । पाण्डोर्दारांश्च पुत्रांश्च शरीरे ते च तापसाः ॥

tasminneva kṣaṇe sarve tānādāya pratasthire | pāṇḍordārāṃśca putrāṃśca śarīre te ca tāpasāḥ

At that very moment the ascetics all set out, taking with them Pandu's wife and sons and the two bodies.

Verse 8 (1.135.8)

सुखिनी सा पुरा भूत्वा सततं पुत्रवत्सला । प्रपन्ना दीर्घमध्वानं संक्षिप्तं तदमन्यत ॥

sukhinī sā purā bhūtvā satataṃ putravatsalā | prapannā dīrghamadhvānaṃ saṃkṣiptaṃ tadamanyata

She who had once lived in comfort, ever loving toward her sons, set out on that long road, yet it seemed short to her.

Verse 9 (1.135.9)

सा त्वदीर्घेण कालेन संप्राप्ता कुरुजाङ्गलम् । वर्धमानपुरद्वारमाससाद यशस्विनी ॥

sā tvadīrgheṇa kālena saṃprāptā kurujāṅgalam | vardhamānapuradvāramāsasāda yaśasvinī

In no long time the illustrious lady reached Kurujangala and came to the Vardhamana gate of the city.

Verse 10 (1.135.10)

द्वारिणं तापसा ऊचू राजानं च प्रकाशय । ते तु गत्वा क्षणेनैव सभायां विनिवेदिताः ॥

dvāriṇaṃ tāpasā ūcū rājānaṃ ca prakāśaya | te tu gatvā kṣaṇenaiva sabhāyāṃ viniveditāḥ

The ascetics said to the gatekeeper, "Announce us to the king." The gatekeepers went at once, and in a moment the visitors were announced in the assembly hall.

Note on the text: Not in the critical edition (found in the vulgate recension).

Verse 11 (1.135.11)

तं चारणसहस्राणां मुनीनामागमं तदा । श्रुत्वा नागपुरे नॄणां विस्मयः समपद्यत ॥

taṃ cāraṇasahasrāṇāṃ munīnāmāgamaṃ tadā | śrutvā nāgapure nṝṇāṃ vismayaḥ samapadyata

Hearing that the sages had arrived, together with thousands of Charanas, the people of Nagapura were struck with wonder.

Verse 12 (1.135.12)

मुहूर्तोदित आदित्ये सर्वे बालपुरस्कृताः । सदारास्तापसान्द्रष्टुं निर्ययुः पुरवासिनः ॥

muhūrtodita āditye sarve bālapuraskṛtāḥ | sadārāstāpasāndraṣṭuṃ niryayuḥ puravāsinaḥ

When the sun had been up only a short while, all the townsfolk came out with their wives, their children in front, to see the ascetics.

Verse 13 (1.135.13)

स्त्रीसङ्घाः क्षत्रसङ्घाश्च यानसङ्घसमास्थिताः । ब्राह्मणैः सह निर्जग्मुर्ब्राह्मणानां च योषितः ॥

strīsaṅghāḥ kṣatrasaṅghāśca yānasaṅghasamāsthitāḥ | brāhmaṇaiḥ saha nirjagmurbrāhmaṇānāṃ ca yoṣitaḥ

Crowds of women and crowds of Kshatriyas came out, riding in throngs of carriages, and the wives of Brahmins came out with the Brahmins.

Verse 14 (1.135.14)

तथा विट्शूद्रसङ्घानां महान्व्यतिकरोऽभवत् । न कश्चिदकरोदीर्ष्यामभवन्धर्मबुद्धयः ॥

tathā viṭśūdrasaṅghānāṃ mahānvyatikaro'bhavat | na kaścidakarodīrṣyāmabhavandharmabuddhayaḥ

Likewise there was a great press of Vaishyas and Shudras. Yet no one bore anyone ill will; all their minds were set on dharma.

Note on the text: Corrected महान्यतिकरो → महान्व्यतिकरो (misprint in Wikisource; dropped व् in व्यतिकर "throng", which the page's own gloss explains — the critical edition reads mahān vyatikaro).

Verse 15 (1.135.15)

तथा भीष्मः शान्तनवः सोमदत्तोऽथ बाह्लिकः । प्रज्ञाचक्षुश्च राजर्षिः क्षत्ता च विदुरः स्वयम् ॥

tathā bhīṣmaḥ śāntanavaḥ somadatto'tha bāhlikaḥ | prajñācakṣuśca rājarṣiḥ kṣattā ca viduraḥ svayam

So too came Bhishma son of Shantanu, Somadatta and Bahlika, the royal sage Dhritarashtra, whose wisdom was his sight, and Vidura the steward himself.

Note on the text: Corrected सोमदत्तो।ञथ → सोमदत्तोऽथ (misprint in Wikisource; a stray danda and ञ in place of the avagraha — the critical edition reads somadatto 'tha).

Verse 16 (1.135.16)

सा च सत्यवती देवी कौसल्या च यशस्विनी । राजदारैः परिवृता गान्धारी चापि निर्ययौ ॥

sā ca satyavatī devī kausalyā ca yaśasvinī | rājadāraiḥ parivṛtā gāndhārī cāpi niryayau

Queen Satyavati, the illustrious Kausalya, and Gandhari surrounded by the royal ladies came out as well.

Verse 17 (1.135.17)

धृतराष्ट्रस्य दायादा दुर्योधनपुरोगमाः । भूषिता भूषणैश्चित्रैः शतसङ्ख्या विनिर्ययुः ॥

dhṛtarāṣṭrasya dāyādā duryodhanapurogamāḥ | bhūṣitā bhūṣaṇaiścitraiḥ śatasaṅkhyā viniryayuḥ

The sons of Dhritarashtra, a hundred in number, led by Duryodhana and adorned with bright ornaments, came out.

Verse 18 (1.135.18)

तान्महर्षिगणान्दृष्ट्वा शिरोभिरभिवाद्य च । उपोपविविशुः सर्वे कौरव्याः सपुरोहिताः ॥

tānmaharṣigaṇāndṛṣṭvā śirobhirabhivādya ca | upopaviviśuḥ sarve kauravyāḥ sapurohitāḥ

Seeing the hosts of great sages, all the Kauravas with their family priests bowed their heads in greeting and sat down near them.

Verse 19 (1.135.19)

तथैव शिरसा भूमावभिवाद्य प्रणम्य च । उपोपविविशुः सर्वे पौरजानपदा अपि ॥

tathaiva śirasā bhūmāvabhivādya praṇamya ca | upopaviviśuḥ sarve paurajānapadā api

In the same way all the people of the city and the countryside bowed their heads to the ground in reverence and sat down near them.

Verse 20 (1.135.20)

तमकूजमभिज्ञाय जनौघं सर्वशस्तदा । पूजयित्वा यथान्यायं पाद्येनार्घ्येण च प्रभो ॥

tamakūjamabhijñāya janaughaṃ sarvaśastadā | pūjayitvā yathānyāyaṃ pādyenārghyeṇa ca prabho

When he saw that the whole throng had fallen silent, Bhishma, O lord, honoured the sages as was fitting with water for their feet and the guest-offering,

Note on the text: The first line = 1.117.18ab of the critical edition (which reads ivājñāya); the second line is not in it (found in the vulgate recension).

Verse 21 (1.135.21)

भीष्मो राज्यं च राष्ट्रं च महर्षिभ्यो न्यवेदयत् । तेषामथो वृद्धतमः प्रत्युत्थाय जटाजिनी । ऋषीणां मतमाज्ञाय महर्षिरिदमब्रवीत् ॥

bhīṣmo rājyaṃ ca rāṣṭraṃ ca maharṣibhyo nyavedayat | teṣāmatho vṛddhatamaḥ pratyutthāya jaṭājinī | ṛṣīṇāṃ matamājñāya maharṣiridamabravīt

and offered the kingdom and the realm to the great sages. Then the eldest of them, wearing matted hair and a deerskin, rose, and knowing the mind of the seers, that great sage said this:

Note on the text: Three lines: the first = 1.117.18cd of the critical edition; the second and third = 1.117.19 (which reads maharṣimatam for ऋषीणां मतम्).

Verse 22 (1.135.22)

यः स कौरव्यदायादः पाण्डुर्नाम नराधिपः । कामभोगान्परित्यज्य शतशृङ्गमितो गतः ॥

yaḥ sa kauravyadāyādaḥ pāṇḍurnāma narādhipaḥ | kāmabhogānparityajya śataśṛṅgamito gataḥ

"That heir of the Kurus, the king named Pandu, renounced desire and pleasure and went from here to Shatashringa.

Verse 23 (1.135.23)

राजा भोगान्परित्यज्य तपस्वी संबभूव ह । स यथोक्तं तपस्तेपे पत्रमूलफलाशनः ॥

rājā bhogānparityajya tapasvī saṃbabhūva ha | sa yathoktaṃ tapastepe patramūlaphalāśanaḥ

Giving up his pleasures, the king became an ascetic. He practised austerities as prescribed, living on leaves, roots and fruit,

Note on the text: Removed a stray wiki mark (`). Not in the critical edition (found in the vulgate recension).

Verse 24 (1.135.24)

पत्नीभ्यां सह धर्मात्मा कंचित्कालमतन्द्रितः । तेन वृत्तसमाचारैस्तपसा च तपस्विनः ॥

patnībhyāṃ saha dharmātmā kaṃcitkālamatandritaḥ | tena vṛttasamācāraistapasā ca tapasvinaḥ

the righteous one, tireless for some time, together with his two wives. By his good conduct and his austerity

Note on the text: Corrected संचित्कालम् → कंचित्कालम् (misprint in Wikisource; सं for कं — "for some time"). Not in the critical edition (found in the vulgate recension).

Verse 25 (1.135.25)

तोषितास्तापसास्तत्र शतशृङ्गनिवासिनः । स्वर्गलोकं गन्तुकामं तापसाः संनिवार्य तम् ॥

toṣitāstāpasāstatra śataśṛṅganivāsinaḥ | svargalokaṃ gantukāmaṃ tāpasāḥ saṃnivārya tam

the ascetics living on Shatashringa were pleased. When he wished to go to the world of heaven, the ascetics held him back;

Note on the text: Not in the critical edition (found in the vulgate recension).

Verse 26 (1.135.26)

उद्यन्तं सह पत्नीभ्यां विप्रा वचनमब्रुवन् । अनपत्यस्य राजेन्द्र पुण्या लोका न सन्ति ते ॥

udyantaṃ saha patnībhyāṃ viprā vacanamabruvan | anapatyasya rājendra puṇyā lokā na santi te

as he set out with his two wives, the Brahmins said to him: "O king of kings, for one who has no offspring there are no holy worlds.

Note on the text: Not in the critical edition (found in the vulgate recension).

Verse 27 (1.135.27)

तस्माद्धर्मं च वायुं च महेन्द्रं च तथाऽश्विनौ । आराधयस्व राजेन्द्र पत्नीभ्यां सह देवताः ॥

tasmāddharmaṃ ca vāyuṃ ca mahendraṃ ca tathā'śvinau | ārādhayasva rājendra patnībhyāṃ saha devatāḥ

Therefore, O king of kings, together with your wives worship the gods Dharma, Vayu, great Indra and the two Ashvins.

Note on the text: Not in the critical edition (found in the vulgate recension).

Verse 28 (1.135.28)

प्रीताः पुत्रान्प्रदास्यन्ति ऋणमुक्तो भविष्यसि । तपसा दिव्यचक्षुष्ट्वात्पश्यामस्ते तथा सुतान् ॥

prītāḥ putrānpradāsyanti ṛṇamukto bhaviṣyasi | tapasā divyacakṣuṣṭvātpaśyāmaste tathā sutān

Pleased, they will give you sons, and you will be freed from your debt. With the divine sight our austerity has given us, we see such sons for you."

Note on the text: Not in the critical edition (found in the vulgate recension).

Verse 29 (1.135.29)

अस्माकं वचनं श्रुत्वा देवानाराधयत्तदा । ब्रह्मचर्यव्रतस्थस्य तस्य दिव्येन हेतुना ॥

asmākaṃ vacanaṃ śrutvā devānārādhayattadā | brahmacaryavratasthasya tasya divyena hetunā

Hearing our words, he then worshipped the gods. While he kept the vow of celibacy, by divine means

Note on the text: Removed a stray wiki mark ('). The first line is not in the critical edition (found in the vulgate recension); the second = 1.117.21ab.

Verse 30 (1.135.30)

साक्षाद्धर्मादयं पुत्रस्तत्र जातो युधिष्ठिरः । तथैनं बलिनां श्रेष्ठं तस्य राज्ञो महात्मनः ॥

sākṣāddharmādayaṃ putrastatra jāto yudhiṣṭhiraḥ | tathainaṃ balināṃ śreṣṭhaṃ tasya rājño mahātmanaḥ

this son, Yudhishthira, was born to him there from Dharma himself. Likewise, to that great-souled king

Note on the text: The first line = 1.117.21cd of the critical edition (which reads tasya jāto); the second = 1.117.22ab (which reads tathemaṃ).

Verse 31 (1.135.31)

मातरिश्वा ददौ पुत्रं भीमं नाम महाबलम् । पुरन्दरादयं जज्ञे कुन्त्यां सत्यपराक्रमः ॥

mātariśvā dadau putraṃ bhīmaṃ nāma mahābalam | purandarādayaṃ jajñe kuntyāṃ satyaparākramaḥ

the Wind gave this son named Bhima, strongest of the strong, of mighty power. From Purandara (Indra) this one was born to Kunti, a man of true prowess.

Note on the text: The first line = 1.117.22cd of the critical edition; the second = 1.117.23ab (which reads puruhūtād for पुरन्दराद्).

Verse 32 (1.135.32)

अस्मिञ्जाते महेष्वासे पृथामिन्द्रस्तदाऽब्रवीत् । मत्प्रसादादयं जातः कुन्ति सत्यपराक्रमः ॥

asmiñjāte maheṣvāse pṛthāmindrastadā'bravīt | matprasādādayaṃ jātaḥ kunti satyaparākramaḥ

When this great archer was born, Indra said to Pritha: "Kunti, this son of true prowess has been born by my favour.

Note on the text: Removed a stray wiki mark (`). Not in the critical edition (found in the vulgate recension).

Verse 33 (1.135.33)

अजेयानपि जेताऽरीन्देवतादीन्न संशयः । यस्य कीर्तिर्महेष्वासान्सर्वानभिभविष्यति ॥

ajeyānapi jetā'rīndevatādīnna saṃśayaḥ | yasya kīrtirmaheṣvāsānsarvānabhibhaviṣyati

He will conquer his enemies, even those thought invincible, gods and others; of that there is no doubt." His fame will surpass that of all great archers.

Note on the text: Removed a stray wiki mark ('). The first line is not in the critical edition (found in the vulgate recension); the second = 1.117.23cd.

Verse 34 (1.135.34)

युधिष्ठिरो राजसूयं भ्रातृवीर्यादवाप्स्यति । एष जेता मनुष्यांश्च सर्वान्गन्धर्वराक्षसान् ॥

yudhiṣṭhiro rājasūyaṃ bhrātṛvīryādavāpsyati | eṣa jetā manuṣyāṃśca sarvāngandharvarākṣasān

Through his brothers' valour Yudhishthira will attain the Rajasuya sacrifice. This one will conquer all men, and all Gandharvas and Rakshasas;

Note on the text: Removed a stray wiki mark (`). Not in the critical edition (found in the vulgate recension).

Verse 35 (1.135.35)

एष दुर्योधनादीनां कौरवाणां च जेष्यति । वीरस्यैतस्य विक्रान्तैर्धर्मपुत्रो युधिष्ठिरः ॥

eṣa duryodhanādīnāṃ kauravāṇāṃ ca jeṣyati | vīrasyaitasya vikrāntairdharmaputro yudhiṣṭhiraḥ

he will conquer Duryodhana and the other Kauravas. Through this hero's mighty deeds Yudhishthira, the son of Dharma,

Note on the text: Not in the critical edition (found in the vulgate recension).

Verse 36 (1.135.36)

यक्ष्यते राजसूयाद्यैर्धर्म एव परः सदा । यौ तु माद्री महेष्वासावसूत पुरुषोत्तमौ ॥

yakṣyate rājasūyādyairdharma eva paraḥ sadā | yau tu mādrī maheṣvāsāvasūta puruṣottamau

will sacrifice with the Rajasuya and other rites, for dharma alone is ever supreme. And these two great archers, best of men, whom Madri bore

Note on the text: Removed a stray wiki mark ('). The first line is not in the critical edition (found in the vulgate recension); the second = 1.117.24ab (which reads kurusattamau).

Verse 37 (1.135.37)

अश्विभ्यां पुरुषव्याघ्राविमौ तावपि तिष्ठतः । नकुलः सहदेवश्च तावप्यमिततेजसौ ॥

aśvibhyāṃ puruṣavyāghrāvimau tāvapi tiṣṭhataḥ | nakulaḥ sahadevaśca tāvapyamitatejasau

to the Ashvins, these tigers among men, stand here too: Nakula and Sahadeva, both of boundless splendour.

Note on the text: Removed stray wiki marks (` and '). The first line = 1.117.24cd of the critical edition (which reads manujavyāghrāv); the second is not in it (found in the vulgate recension).

Verse 38 (1.135.38)

चरता धर्मनित्येन वनवासं यशस्विना । एष पैतामहो वंशः पाण्डुना पुनरुद्धृतः ॥

caratā dharmanityena vanavāsaṃ yaśasvinā | eṣa paitāmaho vaṃśaḥ pāṇḍunā punaruddhṛtaḥ

Living in the forest, ever devoted to dharma, the illustrious Pandu has raised up once more this line of his forefathers.

Verse 39 (1.135.39)

पुत्राणां जन्म वृद्धिं च वैदिकाध्ययनानि च । पश्यन्तः सततं पाण्डोः परां प्रीतिमवाप्स्यथ ॥

putrāṇāṃ janma vṛddhiṃ ca vaidikādhyayanāni ca | paśyantaḥ satataṃ pāṇḍoḥ parāṃ prītimavāpsyatha

As you watch the birth and growth of Pandu's sons and their study of the Vedas, you will gain the highest joy.

Verse 40 (1.135.40)

वर्तमानः सतां वृत्ते पुत्रलाभमवाप च । पितृलोकं गतः पाण्डुरितः सप्तदशेऽहनि ॥

vartamānaḥ satāṃ vṛtte putralābhamavāpa ca | pitṛlokaṃ gataḥ pāṇḍuritaḥ saptadaśe'hani

Keeping to the way of the good, Pandu obtained sons, and seventeen days ago he departed from here to the world of the ancestors.

Verse 41 (1.135.41)

तं चितागतमाज्ञाय वैश्वानरमुखे हुतम् । प्रविष्टा पावकं माद्री हित्वा जीवितमात्मनः ॥

taṃ citāgatamājñāya vaiśvānaramukhe hutam | praviṣṭā pāvakaṃ mādrī hitvā jīvitamātmanaḥ

When she saw him laid on the pyre and offered into the mouth of the fire, Madri gave up her own life and entered the flames.

Verse 42 (1.135.42)

सा गता सह तेनैव पतिलोकमनुव्रता । तस्यास्तस्य च यत्कार्यं क्रियतां तदनन्तरम् ॥

sā gatā saha tenaiva patilokamanuvratā | tasyāstasya ca yatkāryaṃ kriyatāṃ tadanantaram

Devoted to her husband, she has gone with him to her husband's world. Let whatever rites are due to her and to him now be performed.

Note on the text: Removed a stray wiki mark (').

Verse 43 (1.135.43)

पृथां च शरणं प्राप्तां पाण्डवांश्च यशस्विनः । यथावदनुमन्यन्तां धर्मो ह्येष सनातनः ॥

pṛthāṃ ca śaraṇaṃ prāptāṃ pāṇḍavāṃśca yaśasvinaḥ | yathāvadanumanyantāṃ dharmo hyeṣa sanātanaḥ

Let Pritha, who has come to you for refuge, and the illustrious Pandavas be received as is fitting; this is the eternal dharma.

Note on the text: Not in the critical edition (found in the vulgate recension).

Verse 44 (1.135.44)

इमे तयोः शरीरे द्वे पुत्राश्चेमे तयोर्वराः । क्रियाभिरनुगृह्यन्तां सह मात्रा परंतपाः ॥

ime tayoḥ śarīre dve putrāśceme tayorvarāḥ | kriyābhiranugṛhyantāṃ saha mātrā paraṃtapāḥ

Here are the two bodies of that pair, and here are their noble sons. Let the rites be done, and let these scorchers of foes and their mother be shown your favour.

Verse 45 (1.135.45)

प्रेतकार्ये निवृत्ते तु पितृमेधं महायशाः । लभतां सर्वधर्मज्ञः पाण्डुः कुरुकुलोद्वहः ॥

pretakārye nivṛtte tu pitṛmedhaṃ mahāyaśāḥ | labhatāṃ sarvadharmajñaḥ pāṇḍuḥ kurukulodvahaḥ

When the funeral rites are complete, let the illustrious Pandu, who knew all of dharma and upheld the Kuru line, receive the Pitrimedha, the rite for the ancestors."

Verse 46 (1.135.46)

एवमुक्त्वा कुरून्सर्वान्कुरूणामेव पश्यताम् । क्षणेनान्तर्हिताः सर्वे तापसा गुह्यकैः सह ॥

evamuktvā kurūnsarvānkurūṇāmeva paśyatām | kṣaṇenāntarhitāḥ sarve tāpasā guhyakaiḥ saha

Having said this to all the Kurus, the ascetics, together with the Guhyakas, vanished in an instant while the Kurus looked on.

Verse 47 (1.135.47)

गन्धर्वनगराकारं तथैवान्तर्हितं पुनः । ऋषिसिद्धगणं दृष्ट्वा विस्मयं ते परं ययुः ॥

gandharvanagarākāraṃ tathaivāntarhitaṃ punaḥ | ṛṣisiddhagaṇaṃ dṛṣṭvā vismayaṃ te paraṃ yayuḥ

Seeing the host of seers and Siddhas vanish again like a city of the Gandharvas in the sky, they were filled with the greatest wonder.