Arjuna Defeats the Gandharva Angaraparna

Verse 1 (1.186.1)

ते प्रतस्थुः पुरस्कृत्य मातरं पुरुषर्षभाः । समैरुदङ्मुखैर्मार्गैर्यथोद्दिष्टं च भारत ॥

te pratasthuḥ puraskṛtya mātaraṃ puruṣarṣabhāḥ | samairudaṅmukhairmārgairyathoddiṣṭaṃ ca bhārata

Then those bulls among men set out, with their mother before them, along level roads running north, as they had been directed, O Bharata.

Note on the text: Corrected उदङ्मुकैर् → उदङ्मुखैर् (misprint in Wikisource; क for ख, critical edition udaṅmukhair).

Verse 2 (1.186.2)

अहोरात्रेणाभ्यगच्छन्पाञ्चालनगरं प्रति । अभ्याजग्मुर्लोकनदीं गङ्गां भागीरथीं प्रति ॥

ahorātreṇābhyagacchanpāñcālanagaraṃ prati | abhyājagmurlokanadīṃ gaṅgāṃ bhāgīrathīṃ prati

Travelling day and night toward the city of the Panchalas, they came to the river of the worlds, the Ganga, the Bhagirathi.

Note on the text: Not in the critical edition (found in the vulgate recension; CE apparatus *1712, in place of 1.158.2ab).

Verse 3 (1.186.3)

चन्द्रास्तमयवेलायामर्धरात्रसमागमे । वारि चैवानुमज्जन्तस्तीर्थं सोमाश्रयायणम् ॥

candrāstamayavelāyāmardharātrasamāgame | vāri caivānumajjantastīrthaṃ somāśrayāyaṇam

At the hour of moonset, as midnight came on, wading into the water, at the ford called Somashrayayana —

Note on the text: Aligned by hand: the first line and the opening of the second are from CE apparatus *1712 (vulgate recension); तीर्थं सोमाश्रयायणम् corresponds to CE 1.158.2b (tīrthaṃ somaśravāyaṇam).

Verse 4 (1.186.4)

आसेदुः पुरुषव्याघ्रा गङ्गायां पाण्डुनन्दनाः । उल्मुकं तु समुद्यम्य तेषामग्रे धनञ्जयः ॥

āseduḥ puruṣavyāghrā gaṅgāyāṃ pāṇḍunandanāḥ | ulmukaṃ tu samudyamya teṣāmagre dhanañjayaḥ

— those tigers among men, the sons of Pandu, reached the Ganga. Dhananjaya, holding up a firebrand, went in front of them,

Note on the text: Aligned by hand: first line = CE 1.158.2cd, second line = 1.158.3ab.

Verse 5 (1.186.5)

प्रकाशार्थं ययौ तत्र रक्षार्थं च महारथः । तत्र गङ्गाजले रम्ये विविक्ते क्रीडयन् स्त्रियः ॥

prakāśārthaṃ yayau tatra rakṣārthaṃ ca mahārathaḥ | tatra gaṅgājale ramye vivikte krīḍayan striyaḥ

that great chariot-warrior going ahead to give light and to guard them. There, in the lovely waters of the Ganga, in a secluded spot, sporting with women,

Note on the text: Aligned by hand: first line = CE 1.158.3cd, second line = 1.158.4ab. The critical edition's 1.158.4cd, naming the jealous Gandharva king, is not in Wikisource.

Verse 6 (1.186.6)

शब्दं तेषां स शुश्राव नदीं समुपसर्पताम् । तेन शब्देन चाविष्टश्चुक्रोध बलवद्बली ॥

śabdaṃ teṣāṃ sa śuśrāva nadīṃ samupasarpatām | tena śabdena cāviṣṭaścukrodha balavadbalī

he heard the sound of them as they drew near the river; and, roused by that sound, the mighty one flew into a violent rage.

Verse 7 (1.186.7)

स दृष्ट्वा पाण्डवांस्तत्र सह मात्रा परन्तपान् । विष्फारयन्धनुर्घोरमिदं वचनमब्रवीत् ॥

sa dṛṣṭvā pāṇḍavāṃstatra saha mātrā parantapān | viṣphārayandhanurghoramidaṃ vacanamabravīt

Seeing the Pandavas there, scorchers of their foes, together with their mother, he twanged his terrible bow and spoke these words:

Verse 8 (1.186.8)

सन्ध्या संरज्यते घोरा पूर्वरात्रागमेषु या । अशीतिभिर्लवैर्हीनं तन्मुहूर्तं प्रचक्षते ॥

sandhyā saṃrajyate ghorā pūrvarātrāgameṣu yā | aśītibhirlavairhīnaṃ tanmuhūrtaṃ pracakṣate

The dread twilight that reddens as night first comes on — the time that follows it, short of eighty lavas, is called the muhurta of the night's beginning.

Note on the text: Speaker set to the Gandharva (verse 7 introduces his words; Wikisource prints no heading and the input carried Vaishampayana over).

Verse 9 (1.186.9)

विहितं कामचाराणां यक्षगन्धर्वरक्षसाम् । शेषमन्यन्मनुष्याणां कर्मचारेषु वै स्मृतम् ॥

vihitaṃ kāmacārāṇāṃ yakṣagandharvarakṣasām | śeṣamanyanmanuṣyāṇāṃ karmacāreṣu vai smṛtam

That time is appointed for those who roam at will — Yakshas, Gandharvas and Rakshasas. The rest is held to belong to men, for their work and their comings and goings.

Note on the text: Speaker set to the Gandharva (verse 7 introduces his words; Wikisource prints no heading and the input carried Vaishampayana over).

Verse 10 (1.186.10)

लोभात्प्रचारं चरतस्तासु वेलासु वै नरान् । उपक्रान्ता निगृह्णीमो राक्षसैः सह बालिशान् ॥

lobhātpracāraṃ caratastāsu velāsu vai narān | upakrāntā nigṛhṇīmo rākṣasaiḥ saha bāliśān

When men out of greed go about at those hours, we fall upon those fools, together with the Rakshasas, and seize them.

Note on the text: Speaker set to the Gandharva (verse 7 introduces his words; Wikisource prints no heading and the input carried Vaishampayana over).

Verse 11 (1.186.11)

अतो रात्रौ प्राप्नुवतो जलं ब्रह्मविदो जनाः । गर्हयन्ति नरान्सर्वान्बलस्थान्नृपतीनपि ॥

ato rātrau prāpnuvato jalaṃ brahmavido janāḥ | garhayanti narānsarvānbalasthānnṛpatīnapi

That is why those who know Brahman censure all men who come to the water at night, even kings who rely on their strength.

Note on the text: Speaker set to the Gandharva (verse 7 introduces his words; Wikisource prints no heading and the input carried Vaishampayana over).

Verse 12 (1.186.12)

आराच्च तिष्ठतास्माकं समीपं नोपसर्पत । कस्मान्मां नाभिजानीत प्राप्तं भागीरथीजलम् ॥

ārācca tiṣṭhatāsmākaṃ samīpaṃ nopasarpata | kasmānmāṃ nābhijānīta prāptaṃ bhāgīrathījalam

Keep your distance from us; do not come near. Why do you not see that I have come down to the waters of the Bhagirathi?

Note on the text: Speaker set to the Gandharva (verse 7 introduces his words; Wikisource prints no heading and the input carried Vaishampayana over).

Verse 13 (1.186.13)

अङ्गारपर्णं गन्धर्वं वित्त मां स्वबलाश्रयम् । अहं हि मानी चेर्ष्युश्च कुबेरस्य प्रियः सखा ॥

aṅgāraparṇaṃ gandharvaṃ vitta māṃ svabalāśrayam | ahaṃ hi mānī cerṣyuśca kuberasya priyaḥ sakhā

Know me as the Gandharva Angaraparna, who relies on his own strength. I am proud and jealous, a dear friend of Kubera.

Note on the text: Speaker set to the Gandharva (verse 7 introduces his words; Wikisource prints no heading and the input carried Vaishampayana over).

Verse 14 (1.186.14)

अङ्गारपर्णमित्येवं ख्यातं चेदं वनं मम । अनुगङ्गं चरन्कामांश्चित्रं यत्र रमाम्यहम् ॥

aṅgāraparṇamityevaṃ khyātaṃ cedaṃ vanaṃ mama | anugaṅgaṃ carankāmāṃścitraṃ yatra ramāmyaham

This forest of mine is known by that same name, Angaraparna. Here, roaming along the Ganga at my pleasure, I take my delight in many ways.

Note on the text: Speaker set to the Gandharva (verse 7 introduces his words; Wikisource prints no heading and the input carried Vaishampayana over). Aligned by hand with CE 1.158.13 (Wikisource reads the second line differently).

Verse 15 (1.186.15)

न कौणपाः शृङ्गिणो वा न देवा न च मानुषाः । कुबेरस्य यथोष्णीषं किं मां समुपसर्पथ ॥

na kauṇapāḥ śṛṅgiṇo vā na devā na ca mānuṣāḥ | kuberasya yathoṣṇīṣaṃ kiṃ māṃ samupasarpatha

Neither carrion-eating demons nor sorcerers, neither gods nor men come here; this place is like the very crown of Kubera. Why do you come near me?

Note on the text: Speaker set to the Gandharva (verse 7 introduces his words; Wikisource prints no heading and the input carried Vaishampayana over). Aligned by hand with CE 1.158.14 (Wikisource reads the second line differently).

Verse 16 (1.186.16)

समुद्रे हिमवत्पार्श्वे नद्यामस्यां च दुर्मते । रात्रावहनि सन्ध्यायां कस्य क्लृप्तः परिग्रहः ॥

samudre himavatpārśve nadyāmasyāṃ ca durmate | rātrāvahani sandhyāyāṃ kasya klṛptaḥ parigrahaḥ

Fool! On the ocean, on the slopes of the Himalaya and on this river — by night, by day or at twilight — who has ever been granted ownership?

Verse 17 (1.186.17)

भुक्तो वाऽप्यथ वाऽभुक्तो रात्रावहनि खेचर । न कालनियमो ह्यस्ति गङ्गां प्राप्य सरिद्वरां ॥

bhukto vā'pyatha vā'bhukto rātrāvahani khecara | na kālaniyamo hyasti gaṅgāṃ prāpya saridvarāṃ

Whether one has eaten or not, by night or by day, O rover of the sky, there is no rule of time once one has reached the Ganga, best of rivers.

Note on the text: Not in the critical edition (found in the vulgate recension; CE apparatus *1713, after 1.158.15).

Verse 18 (1.186.18)

वयं च शक्तिसम्पन्ना अकाले त्वामधृष्णुम । अशक्ता हि रणे क्रूर युष्मानर्चन्ति मानवाः ॥

vayaṃ ca śaktisampannā akāle tvāmadhṛṣṇuma | aśaktā hi raṇe krūra yuṣmānarcanti mānavāḥ

We are endowed with strength, and we defy you even at this unseasonable hour. It is those who are powerless in battle, cruel one, who worship you.

Verse 19 (1.186.19)

पुरा हिमवतश्चैषा हेमशृङ्गाद्विनिःसृता । गङ्गा गत्वा समुद्राम्भः सप्तधा समपद्यत ॥

purā himavataścaiṣā hemaśṛṅgādviniḥsṛtā | gaṅgā gatvā samudrāmbhaḥ saptadhā samapadyata

Long ago this Ganga issued from the golden peak of the Himalaya, and on reaching the waters of the ocean she became sevenfold:

Verse 20 (1.186.20)

गङ्गां च यमुनां चैव प्लक्षजातां सरस्वतीम् । रथस्थां सरयूं चैव गोमतीं गण्डकीं तथा ॥

gaṅgāṃ ca yamunāṃ caiva plakṣajātāṃ sarasvatīm | rathasthāṃ sarayūṃ caiva gomatīṃ gaṇḍakīṃ tathā

the Ganga and the Yamuna, the Sarasvati born of the Plaksha tree, the Rathastha, the Sarayu, the Gomati and the Gandaki.

Note on the text: Not in the critical edition (found in the vulgate recension; CE apparatus *1714, after 1.158.17).

Verse 21 (1.186.21)

अपर्युषितपापास्ते नदीः सप्त पिबन्ति ये । इयं भूत्वा चैकवप्रा शुचिराकाशगा पुनः ॥

aparyuṣitapāpāste nadīḥ sapta pibanti ye | iyaṃ bhūtvā caikavaprā śucirākāśagā punaḥ

Those who drink of these seven rivers do not keep their sins even overnight. And she again, pure, with the sky alone for her bank, flows through the heavens.

Note on the text: Aligned by hand: first line from CE apparatus *1714 (not in the critical edition; found in the vulgate recension), second line = CE 1.158.18ab.

Verse 22 (1.186.22)

देवेषु गङ्गा गन्धर्व प्राप्नोत्यलकनन्दताम् । तथा पितॄन्वैतरणी दुस्तरा पापकर्मभिः । गङ्गा भवति वै प्राप्य कृष्णद्वैपायनोऽब्रवीत् ॥

deveṣu gaṅgā gandharva prāpnotyalakanandatām | tathā pitṝnvaitaraṇī dustarā pāpakarmabhiḥ | gaṅgā bhavati vai prāpya kṛṣṇadvaipāyano'bravīt

Among the gods, Gandharva, the Ganga becomes the Alakananda; among the ancestors she becomes the Vaitarani, hard for evildoers to cross. So the Ganga becomes, as Krishna Dvaipayana has said.

Note on the text: Aligned by hand: first line = CE 1.158.18cd, second line = 1.158.19ab, third line = 1.158.19cd (Wikisource reads it differently).

Verse 23 (1.186.23)

असम्बाधा देवनदी स्वर्गसंपादनी शुभा । कथमिच्छसि तां रोद्धुं नैष धर्मः सनातनः ॥

asambādhā devanadī svargasaṃpādanī śubhā | kathamicchasi tāṃ roddhuṃ naiṣa dharmaḥ sanātanaḥ

The river of the gods is open to all, auspicious, the giver of heaven. How can you wish to bar her? That is not the eternal law.

Verse 24 (1.186.24)

अनिवार्यमसम्बाधं तव वाचा कथं वयम् । न स्पृशेम यथाकामं पुण्यं भागीरथीजलम् ॥

anivāryamasambādhaṃ tava vācā kathaṃ vayam | na spṛśema yathākāmaṃ puṇyaṃ bhāgīrathījalam

Why, at your word, should we not touch as we please the holy water of the Bhagirathi, which no one may bar and which is open to all?

Verse 25 (1.186.25)

अङ्गारपर्णस्तच्छ्रुत्वा क्रुद्ध आनाम्य कार्मुकम् । मुमोच बाणान्निशितानहीनाशीविषानिव ॥

aṅgāraparṇastacchrutvā kruddha ānāmya kārmukam | mumoca bāṇānniśitānahīnāśīviṣāniva

Hearing this, Angaraparna in his anger bent his bow and loosed sharp arrows like venomous serpents.

Verse 26 (1.186.26)

उल्मुकं भ्रामयंस्तूर्णं पाण्डवश्चर्म चोत्तरम् । व्यपोहत शरांस्तस्य सर्वानेव धनञ्जयः ॥

ulmukaṃ bhrāmayaṃstūrṇaṃ pāṇḍavaścarma cottaram | vyapohata śarāṃstasya sarvāneva dhanañjayaḥ

Swiftly whirling the firebrand and his excellent shield, Dhananjaya, son of Pandu, warded off every one of his arrows.

Verse 27 (1.186.27)

बिभीषिका वै गन्धर्व नास्त्रज्ञेषु प्रयुज्यते । अस्त्रज्ञेषु प्रयुक्तेयं फेनवत्प्रविलीयते ॥

bibhīṣikā vai gandharva nāstrajñeṣu prayujyate | astrajñeṣu prayukteyaṃ phenavatpravilīyate

Gandharva, such tricks of terror do not work on those who know weapons; used against those who know weapons, they dissolve like foam.

Verse 28 (1.186.28)

मानुषानति गन्धर्वान्सर्वान् गन्धर्व लक्षये । तस्मादस्त्रेण दिव्येन योत्स्येऽहं न तु मायया ॥

mānuṣānati gandharvānsarvān gandharva lakṣaye | tasmādastreṇa divyena yotsye'haṃ na tu māyayā

I see, Gandharva, that all you Gandharvas surpass men. Therefore I shall fight you with a divine weapon, and not with illusion.

Verse 29 (1.186.29)

पुराऽस्त्रमिदमाग्नेयं प्रादात्किल बृहस्पतिः । भरद्वाजाय गन्धर्व गुरुर्मान्यः शतक्रतोः ॥

purā'stramidamāgneyaṃ prādātkila bṛhaspatiḥ | bharadvājāya gandharva gururmānyaḥ śatakratoḥ

Long ago Brihaspati, the revered teacher of Indra of the hundred sacrifices, gave this fire-weapon to Bharadvaja, Gandharva.

Note on the text: Corrected पुराऽस्त्रमिमाग्नेयं → पुराऽस्त्रमिदमाग्नेयं (misprint in Wikisource; a dropped akshara leaves the line a syllable short, critical edition idam āgneyaṃ).

Verse 30 (1.186.30)

भरद्वाजादग्निवेश्यो अग्निवेश्याद्गुरुर्मम । साध्विदं मह्यमददद्द्रोणो ब्राह्मणसत्तमः ॥

bharadvājādagniveśyo agniveśyādgururmama | sādhvidaṃ mahyamadadaddroṇo brāhmaṇasattamaḥ

From Bharadvaja it passed to Agniveshya, and from Agniveshya to my teacher Drona, best of Brahmins, who duly gave it to me.

Note on the text: Corrected भरद्वजादग्निवेश्य → भरद्वाजादग्निवेश्यो (misprints in Wikisource; a short a in the name Bharadvaja and a lost nominative ending, critical edition bharadvājād agniveśyo).

Verse 31 (1.186.31)

इत्युक्त्वा पाण्डवः क्रुद्धो गन्धर्वाय मुमोच ह । प्रदीप्तमस्त्रमाग्नेयं ददाहास्य रथं तु तत् ॥

ityuktvā pāṇḍavaḥ kruddho gandharvāya mumoca ha | pradīptamastramāgneyaṃ dadāhāsya rathaṃ tu tat

With these words the son of Pandu, in anger, loosed the blazing fire-weapon at the Gandharva, and it burned up his chariot.

Verse 32 (1.186.32)

विरथं विप्लुतं तं तु स गन्धर्वं महाबलः । अस्त्रतेजःप्रमूढं च प्रपतन्तमवाङ्मुखम् ॥

virathaṃ viplutaṃ taṃ tu sa gandharvaṃ mahābalaḥ | astratejaḥpramūḍhaṃ ca prapatantamavāṅmukham

As the Gandharva, robbed of his chariot and thrown from it, stunned by the power of the weapon, was falling headlong, mighty Dhananjaya

Note on the text: Corrected गन्धऱ्वं → गन्धर्वं (misprint in Wikisource; the Dravidian letter ऱ in place of the र of the conjunct).

Verse 33 (1.186.33)

शिरोरुहेषु जग्राह माल्यवत्सु धनञ्जयः । भ्रातॄन्प्रति चकर्षाथ सोऽस्त्रपातादचेतसम् ॥

śiroruheṣu jagrāha mālyavatsu dhanañjayaḥ | bhrātṝnprati cakarṣātha so'strapātādacetasam

seized him by his garlanded hair and dragged him, senseless from the blow of the weapon, toward his brothers.

Verse 34 (1.186.34)

युधिष्ठिरं तस्य भार्या प्रपेदे शरणार्थिनी । नाम्ना कुम्भीनसी नाम पतित्राणमभीप्सती ॥

yudhiṣṭhiraṃ tasya bhāryā prapede śaraṇārthinī | nāmnā kumbhīnasī nāma patitrāṇamabhīpsatī

His wife, Kumbhinasi by name, seeking protection and longing to save her husband, went to Yudhishthira for refuge.

Verse 35 (1.186.35)

त्रायस्व मां महाभाग पतिं चेमं विमुञ्च मे । गन्धर्वी शरणं प्राप्ता नाम्ना कुम्भीनसी प्रभो ॥

trāyasva māṃ mahābhāga patiṃ cemaṃ vimuñca me | gandharvī śaraṇaṃ prāptā nāmnā kumbhīnasī prabho

Protect me, illustrious one, and set this husband of mine free. I am a Gandharva woman named Kumbhinasi, and I have come to you for refuge, lord.

Verse 36 (1.186.36)

युद्धे जितं यशोहीनं स्त्रीनाथमपराक्रमम् । को निहन्याद्रिपुं तात मुञ्चेमं रिपुसूदन ॥

yuddhe jitaṃ yaśohīnaṃ strīnāthamaparākramam | ko nihanyādripuṃ tāta muñcemaṃ ripusūdana

Who would kill an enemy beaten in battle, stripped of his glory, without valour, and sheltered only by a woman? Let him go, my dear slayer of foes.

Verse 37 (1.186.37)

जीवितं प्रतिपद्यस्व गच्छ गन्धर्व मा शुचः । प्रदिशत्यभयं तेऽद्य कुरुराजो युधिष्ठिरः ॥

jīvitaṃ pratipadyasva gaccha gandharva mā śucaḥ | pradiśatyabhayaṃ te'dya kururājo yudhiṣṭhiraḥ

Take back your life; go, Gandharva, and do not grieve. Yudhishthira, king of the Kurus, grants you safety today.

Verse 38 (1.186.38)

जितोऽहं पूर्वकं नाम मुञ्चाम्यङ्गारपर्णताम् । यशोहीनं न च श्लाघ्यं स्वं नाम जनसंसदि ॥

jito'haṃ pūrvakaṃ nāma muñcāmyaṅgāraparṇatām | yaśohīnaṃ na ca ślāghyaṃ svaṃ nāma janasaṃsadi

I am beaten. I give up my former name, Angaraparna; a name stripped of glory is nothing to boast of in the assemblies of men.

Verse 39 (1.186.39)

साध्विमं लब्धवाँल्लाभं योऽहं दिव्यास्त्रधारिणम् । गान्धर्व्या माययेच्छामि संयोजयितुमर्जुनम् ॥

sādhvimaṃ labdhavām̐llābhaṃ yo'haṃ divyāstradhāriṇam | gāndharvyā māyayecchāmi saṃyojayitumarjunam

It is a fine gain I have won, for now I wish to endow Arjuna, bearer of divine weapons, with the magic of the Gandharvas.

Verse 40 (1.186.40)

अस्त्राग्निना विचित्रोऽयं दग्धो मे रथ उत्तमः । सोऽहं चित्ररथो भूत्वा नाम्ना दग्धरथोऽभवं ॥

astrāgninā vicitro'yaṃ dagdho me ratha uttamaḥ | so'haṃ citraratho bhūtvā nāmnā dagdharatho'bhavaṃ

This wondrous, splendid chariot of mine has been burned by the fire of the weapon. I who was Chitraratha, "he of the bright chariot", have by name become Dagdharatha, "he of the burned chariot".

Verse 41 (1.186.41)

संभृता चैव विद्येयं तपसेह मया पुरा । निवेदयिष्ये तामद्य प्राणदाय महात्मने ॥

saṃbhṛtā caiva vidyeyaṃ tapaseha mayā purā | nivedayiṣye tāmadya prāṇadāya mahātmane

This lore I acquired here long ago by austerity; today I shall offer it to the great-souled one who has given me my life.

Verse 42 (1.186.42)

संस्तम्भयित्वा तरसा जितं शरणमागतम् । यो रिपुं योजयेत्प्राणैः कल्याणं किं न सोऽर्हति ॥

saṃstambhayitvā tarasā jitaṃ śaraṇamāgatam | yo ripuṃ yojayetprāṇaiḥ kalyāṇaṃ kiṃ na so'rhati

One who overpowers a foe by force, and then restores to life that beaten foe when he comes for refuge — what good fortune does he not deserve?

Verse 43 (1.186.43)

चाक्षुषी नाम विद्येयं यां सोमाय ददौ मनुः । ददौ स विश्वावसवे मम विश्वावसुर्ददौ ॥

cākṣuṣī nāma vidyeyaṃ yāṃ somāya dadau manuḥ | dadau sa viśvāvasave mama viśvāvasurdadau

This lore is called Chakshushi. Manu gave it to Soma; Soma gave it to Vishvavasu, and Vishvavasu gave it to me.

Verse 44 (1.186.44)

सेयं कापुरुषं प्राप्ता गुरुदत्ता प्रणश्यति । आगमोऽस्या मया प्रोक्तो वीर्यं प्रतिनिबोध मे ॥

seyaṃ kāpuruṣaṃ prāptā gurudattā praṇaśyati | āgamo'syā mayā prokto vīryaṃ pratinibodha me

Given by a teacher, it perishes if it passes to a coward. I have told you where it comes from; now learn its power from me.

Verse 45 (1.186.45)

यच्चक्षुषा द्रष्टुमिच्छेत्त्रिषु लोकेषु किंचन । तत्पश्येद्यादृशं चेच्छेत्तादृशं द्रष्टुमर्हति ॥

yaccakṣuṣā draṣṭumicchettriṣu lokeṣu kiṃcana | tatpaśyedyādṛśaṃ cecchettādṛśaṃ draṣṭumarhati

Whatever in the three worlds one wishes to see with the eye, one sees; and in whatever form one wishes to see it, in that form one can see it.

Note on the text: Corrected द्रष्टुमिच्छेत्रिषु → द्रष्टुमिच्छेत्त्रिषु (misprint in Wikisource; a dropped त in the sandhi of icchet triṣu, critical edition icchet triṣu).

Verse 46 (1.186.46)

एकपादेन षण्मासान्स्थितो विद्यां लभेदिमाम् । अनुनेष्याम्यहं विद्यां स्वयं तुभ्यं व्रते कृते ॥

ekapādena ṣaṇmāsānsthito vidyāṃ labhedimām | anuneṣyāmyahaṃ vidyāṃ svayaṃ tubhyaṃ vrate kṛte

A person may gain this lore by standing on one foot for six months; but I shall bring the lore to you myself, counting your vow as done.

Verse 47 (1.186.47)

विद्यया ह्यनया राजन्वयं नृभ्यो विशेषिताः । अविशिष्टाश्च देवानामनुभावप्रदर्शिनः ॥

vidyayā hyanayā rājanvayaṃ nṛbhyo viśeṣitāḥ | aviśiṣṭāśca devānāmanubhāvapradarśinaḥ

By this lore, O king, we are raised above men, and, no less than the gods, we display their power.

Verse 48 (1.186.48)

गन्धर्वजानामश्वानामहं पुरुषसत्तम । भ्रातृभ्यस्तव तुभ्यं च पृथग्दाता शतं शतं ॥

gandharvajānāmaśvānāmahaṃ puruṣasattama | bhrātṛbhyastava tubhyaṃ ca pṛthagdātā śataṃ śataṃ

And I shall give, best of men, horses born of the Gandharvas, a hundred each to you and to each of your brothers.

Verse 49 (1.186.49)

देवगन्धर्ववाहास्ते दिव्यवर्णा मनोजवाः । क्षीणाक्षीणा भवन्त्येते न हीयन्ते च रंहसः ॥

devagandharvavāhāste divyavarṇā manojavāḥ | kṣīṇākṣīṇā bhavantyete na hīyante ca raṃhasaḥ

They are the mounts of gods and Gandharvas, heavenly in colour and swift as thought; they neither waste away nor grow old, and they never lose their speed.

Verse 50 (1.186.50)

पुरा कृतं महेन्द्रस्य वज्रं वृत्रनिबर्हणम् । दशधा शतधा चैव तच्छीर्णं वृत्रमूर्धनि ॥

purā kṛtaṃ mahendrasya vajraṃ vṛtranibarhaṇam | daśadhā śatadhā caiva tacchīrṇaṃ vṛtramūrdhani

Long ago the thunderbolt of great Indra was made to slay Vritra, and it shattered into ten, into a hundred pieces on Vritra's head.

Verse 51 (1.186.51)

ततो भागीकृतो देवैर्वज्रभाग उपास्यते । लोके यशोधनं किंचित्सैव वज्रतनुः स्मृता ॥

tato bhāgīkṛto devairvajrabhāga upāsyate | loke yaśodhanaṃ kiṃcitsaiva vajratanuḥ smṛtā

Then the gods divided it into shares, and those shares of the thunderbolt are honoured; whatever in the world brings fame and wealth is known as a form of the thunderbolt.

Verse 52 (1.186.52)

वज्रपाणिर्ब्राह्मणः स्यात्क्षत्रं वज्ररथं स्मृतम् । वैश्या वै दानवज्राश्च कर्मवज्रा यवीयसः ॥

vajrapāṇirbrāhmaṇaḥ syātkṣatraṃ vajrarathaṃ smṛtam | vaiśyā vai dānavajrāśca karmavajrā yavīyasaḥ

The Brahmin holds the thunderbolt in his hand; the Kshatriya has it as his chariot; the Vaishyas have it as their giving, and the youngest order has it as its labour.

Verse 53 (1.186.53)

क्षत्रवज्रस्य भागेन अवध्या वाजिनः स्मृताः । रथाङ्गं वडबा सूते शूराश्चाश्वेषु ये मताः ॥

kṣatravajrasya bhāgena avadhyā vājinaḥ smṛtāḥ | rathāṅgaṃ vaḍabā sūte śūrāścāśveṣu ye matāḥ

By the Kshatriya's share of the thunderbolt, horses are held to be unslayable: the mare gives birth to that limb of the chariot, and to those reckoned heroes among horses.

Verse 54 (1.186.54)

कामवर्णाः कामजवाः कामतः समुपस्थिताः । इति गन्धर्वजाः कामं पूरयिष्यन्ति मे हयाः ॥

kāmavarṇāḥ kāmajavāḥ kāmataḥ samupasthitāḥ | iti gandharvajāḥ kāmaṃ pūrayiṣyanti me hayāḥ

Taking any colour at will, running at any speed one wishes, appearing whenever wished for — so will my Gandharva-born horses fulfil your desire.

Verse 55 (1.186.55)

यदि प्रीतेन मे दत्तं संशये जीवितस्य वा । विद्या धनं श्रुतं वाऽपि न तद्गन्धर्व रोचये ॥

yadi prītena me dattaṃ saṃśaye jīvitasya vā | vidyā dhanaṃ śrutaṃ vā'pi na tadgandharva rocaye

If something is given to me out of goodwill, or because your life hung in the balance — be it lore, wealth or learning — I do not care for it, Gandharva.

Note on the text: Corrected विद्याधं → विद्या धनं (misprint in Wikisource; विद्याधं is not a word and leaves the line a syllable short — the smallest fix restores the dropped न; the critical edition reads vidyā vittaṃ, "lore, wealth", in the same sense).

Verse 56 (1.186.56)

संयोगो वै प्रीतिकरो महत्सु प्रतिदृश्यते । जीवितस्य प्रदानेन प्रीतो विद्यां ददामि ते ॥

saṃyogo vai prītikaro mahatsu pratidṛśyate | jīvitasya pradānena prīto vidyāṃ dadāmi te

A bond between the great is seen to bring joy. Pleased that you have given me my life, I give you the lore.

Verse 57 (1.186.57)

त्वत्तोऽप्यहं ग्रहीष्यामि अस्त्रमाग्नेयमुत्तमम् । तथैव योग्यं बीभत्सो चिराय भरतर्षभ ॥

tvatto'pyahaṃ grahīṣyāmi astramāgneyamuttamam | tathaiva yogyaṃ bībhatso cirāya bharatarṣabha

And from you in turn I shall take the supreme fire-weapon. That is a fitting exchange, Bibhatsu; may it bind us for long, bull of the Bharatas.

Note on the text: Corrected मरतर्षभ → भरतर्षभ (misprint in Wikisource; म for भ, critical edition bharatarṣabha).

Verse 58 (1.186.58)

त्वत्तोऽस्त्रेण वृणोम्यश्वान्संयोगः शाश्वतोऽस्तु नौ । सखे तद्ब्रूहि गन्धर्व युष्मभ्यो यद्भयं भवेत् ॥

tvatto'streṇa vṛṇomyaśvānsaṃyogaḥ śāśvato'stu nau | sakhe tadbrūhi gandharva yuṣmabhyo yadbhayaṃ bhavet

I choose your horses in exchange for my weapon; let our bond last for ever. And tell me, friend Gandharva, what cause we have to fear you.

Note on the text: Corrected शास्वतोऽस्तुनौ → शाश्वतोऽस्तु नौ (misprint in Wikisource; स for श in शाश्वत, and a missing word space; critical edition śāśvato 'stu nau).

Verse 59 (1.186.59)

कारणं ब्रूहि गन्धर्व किं तद्येन स्म धर्षिताः । यान्तो वेदविदः सर्वे सन्तो रात्रावरिन्दमाः ॥

kāraṇaṃ brūhi gandharva kiṃ tadyena sma dharṣitāḥ | yānto vedavidaḥ sarve santo rātrāvarindamāḥ

Tell me the reason, Gandharva, why we were attacked, though we were all versed in the Vedas and good men, subduers of our foes, travelling by night.

Verse 60 (1.186.60)

अनग्नयोऽनाहुतयो न च विप्रपुरस्कृताः । यूयं ततो धर्षिताः स्थ मया वै पाण्डुनन्दनाः ॥

anagnayo'nāhutayo na ca viprapuraskṛtāḥ | yūyaṃ tato dharṣitāḥ stha mayā vai pāṇḍunandanāḥ

You keep no sacred fires, you make no offerings, and no Brahmin goes before you; that is why I attacked you, sons of Pandu.

Verse 61 (1.186.61)

यक्षराक्षसगन्धर्वपिशाचपतगोरगाः । धर्षयन्ति नरव्याघ्र न ब्राह्मणपुरस्कृतान् ॥

yakṣarākṣasagandharvapiśācapatagoragāḥ | dharṣayanti naravyāghra na brāhmaṇapuraskṛtān

Yakshas, Rakshasas, Gandharvas, Pishachas, birds and serpents do not attack those who go with Brahmins before them, tiger among men.

Note on the text: Removed a stray wiki mark (`). Corrected धर्षन्ति → धर्षयन्ति (misprint in Wikisource; a dropped akshara leaves the line a syllable short, the apparatus reads dharṣayanti). Not in the critical edition (found in the vulgate recension; CE apparatus *1719, at 1.159.3).

Verse 62 (1.186.62)

जानतापि मया तस्मात्तेजश्चाभिजनं च वः । इयमग्निमतां श्रेष्ठ धर्षिता वै पुरागतिः ॥

jānatāpi mayā tasmāttejaścābhijanaṃ ca vaḥ | iyamagnimatāṃ śreṣṭha dharṣitā vai purāgatiḥ

So, though I knew your splendour and your lineage, best of those who keep the fire, I attacked you as you went on your way.

Note on the text: Not in the critical edition (found in the vulgate recension; CE apparatus *1719, at 1.159.3).

Verse 63 (1.186.63)

को हि वस्त्रिषु लोकेषु न वेद भरतर्षभ । स्वैर्गुणैर्विस्तृतं श्रीमद्यशोऽग्र्यं भूरिवर्चसाम् ॥

ko hi vastriṣu lokeṣu na veda bharatarṣabha | svairguṇairvistṛtaṃ śrīmadyaśo'gryaṃ bhūrivarcasām

For who in the three worlds, bull of the Bharatas, does not know the glorious, surpassing fame of you so full of splendour, spread far by your own virtues?

Note on the text: Removed a stray wiki mark ('). Not in the critical edition (found in the vulgate recension; CE apparatus *1719, at 1.159.3).

Verse 64 (1.186.64)

यक्षराक्षसगन्धर्वाः पिशाचोरगदानवाः । विस्तरं कुरुवंशस्य धीमन्तः कथयन्ति ते ॥

yakṣarākṣasagandharvāḥ piśācoragadānavāḥ | vistaraṃ kuruvaṃśasya dhīmantaḥ kathayanti te

Yakshas, Rakshasas, Gandharvas, Pishachas, serpents and Danavas — the wise among them recount at length the story of your Kuru line.

Verse 65 (1.186.65)

नारदप्रभृतीनां तु देवर्षीणां मया श्रुतम् । गुणान्कथयतां वीर पूर्वेषां तव धीमताम् ॥

nāradaprabhṛtīnāṃ tu devarṣīṇāṃ mayā śrutam | guṇānkathayatāṃ vīra pūrveṣāṃ tava dhīmatām

I have heard Narada and the other divine seers telling of the virtues of your wise forebears, hero.

Verse 66 (1.186.66)

स्वयं चापि मया दृष्टश्चरता सागराम्बराम् । इमां वसुमतीं कृत्स्नां प्रभावः सुकुलस्य ते ॥

svayaṃ cāpi mayā dṛṣṭaścaratā sāgarāmbarām | imāṃ vasumatīṃ kṛtsnāṃ prabhāvaḥ sukulasya te

And I myself, roaming this whole earth with the ocean for its garment, have seen the power of your noble family.

Verse 67 (1.186.67)

वेदे धनुषि चाचार्यमभिजानामि तेऽर्जुन । विश्रुतं त्रिषु लोकेषु भारद्वाजं यशस्विनम् ॥

vede dhanuṣi cācāryamabhijānāmi te'rjuna | viśrutaṃ triṣu lokeṣu bhāradvājaṃ yaśasvinam

I know your teacher in the Veda and in archery, Arjuna — the glorious son of Bharadvaja, famed in the three worlds —

Verse 68 (1.186.68)

सर्ववेदविदां श्रेष्ठं सर्वशस्त्रभृतां वरम् । द्रोणमिष्वस्त्रकुशलं धनुष्यङ्गिरसां वरम् ॥

sarvavedavidāṃ śreṣṭhaṃ sarvaśastrabhṛtāṃ varam | droṇamiṣvastrakuśalaṃ dhanuṣyaṅgirasāṃ varam

Drona, best of all who know the Vedas, foremost of all who bear weapons, skilled with arrows and missiles, best of the Angirasas in archery.

Note on the text: Removed stray wiki marks (backtick, doubled danda and quote mark). Corrected धनुष्यह्गिरसां → धनुष्यङ्गिरसां (misprint in Wikisource; ह् for ङ् in the conjunct, the apparatus reads dhanuṣy aṅgirasāṃ). Not in the critical edition (found in the vulgate recension; CE apparatus *1720, after 1.159.6).

Verse 69 (1.186.69)

धर्मं वायुं च शक्रं च विजानाम्यश्विनौ तथा । पाण्डुं च कुरुशार्दूल षडेतान्कुरुवर्धनान् । पितॄनेतानहं पार्थ देवमानुषसत्तमान् ॥

dharmaṃ vāyuṃ ca śakraṃ ca vijānāmyaśvinau tathā | pāṇḍuṃ ca kuruśārdūla ṣaḍetānkuruvardhanān | pitṝnetānahaṃ pārtha devamānuṣasattamān

Dharma, Vayu, Shakra and the two Ashvins, and Pandu, tiger of the Kurus — these six who prosper the Kuru line, these fathers of yours, Partha, the best of gods and of men, I know them all.

Verse 70 (1.186.70)

दिव्यात्मानो महात्मानः सर्वशस्त्रभृतां वराः । भवन्तो भ्रातरः शूराः सर्वे सुचरितव्रताः ॥

divyātmāno mahātmānaḥ sarvaśastrabhṛtāṃ varāḥ | bhavanto bhrātaraḥ śūrāḥ sarve sucaritavratāḥ

You brothers are divine in spirit, great-souled, the best of all who bear weapons, heroes, every one of you faithful to good vows.

Verse 71 (1.186.71)

उत्तमां च मनोबुद्धिं भवतां भावितात्मनाम् । जानन्नपि च वः पार्थ कृतवानिह धर्षणाम् ॥

uttamāṃ ca manobuddhiṃ bhavatāṃ bhāvitātmanām | jānannapi ca vaḥ pārtha kṛtavāniha dharṣaṇām

And though I knew the lofty mind and understanding of you whose selves are disciplined, Partha, I still attacked you here.

Verse 72 (1.186.72)

स्त्रीसकाशे च कौरव्य न पुमान्क्षन्तुमर्हति । धर्षणामात्मनः पश्यन्बाहुद्रविणमाश्रितः ॥

strīsakāśe ca kauravya na pumānkṣantumarhati | dharṣaṇāmātmanaḥ paśyanbāhudraviṇamāśritaḥ

No man who relies on the strength of his arms, scion of Kuru, can bear to see himself affronted in the presence of women.

Note on the text: Corrected ब्राहुद्रविणम् → बाहुद्रविणम् (misprint in Wikisource; a stray र in बाहु, critical edition bāhudraviṇam).

Verse 73 (1.186.73)

नक्तं च बलमस्माकं भूय एवाभिवर्धते । यतस्ततो मां कौन्तेय सदारं मन्युराविशत् ॥

naktaṃ ca balamasmākaṃ bhūya evābhivardhate | yatastato māṃ kaunteya sadāraṃ manyurāviśat

And our strength grows greater still by night; that is why, son of Kunti, anger seized me as I was there with my wife.

Verse 74 (1.186.74)

सोऽहं त्वयेह विजितः सङ्ख्ये तापत्यवर्धन । येन तेनेह विधिना कीर्त्यमानं निबोध मे ॥

so'haṃ tvayeha vijitaḥ saṅkhye tāpatyavardhana | yena teneha vidhinā kīrtyamānaṃ nibodha me

Yet I have been beaten by you here in battle, you who prosper the line of Tapati. Hear from me the reason it came about, as I tell it.

Verse 75 (1.186.75)

ब्रह्मचर्यं परो धर्मः स चापि नियतस्त्वयि । यस्मात्तस्मादहं पार्थ रणेऽस्मिन्विजितस्त्वया ॥

brahmacaryaṃ paro dharmaḥ sa cāpi niyatastvayi | yasmāttasmādahaṃ pārtha raṇe'sminvijitastvayā

Brahmacharya is the highest dharma, and it is firmly established in you; that is why, Partha, I have been beaten by you in this battle.

Note on the text: Corrected रणे।ञस्मि विजितस्त्वया → रणेऽस्मिन्विजितस्त्वया (garbled in Wikisource: a danda and ञ in place of the avagraha and the final न्; critical edition raṇe 'smin vijitas tvayā).

Verse 76 (1.186.76)

यस्तु स्यात्क्षत्रियः कश्चित्कामवृत्तः परन्तप । नक्तं च युधि युध्येत न स जीवेत्कथंचन ॥

yastu syātkṣatriyaḥ kaścitkāmavṛttaḥ parantapa | naktaṃ ca yudhi yudhyeta na sa jīvetkathaṃcana

But any Kshatriya, scorcher of foes, who lives a life of desire and fights a battle by night, would by no means come out alive.

Verse 77 (1.186.77)

यस्तु स्यात्कामवृत्तोऽपि पार्थ ब्रह्मपुरस्कृतः । जयेन्नक्तञ्चरान्सर्वान्स पुरोहितधूर्गतः ॥

yastu syātkāmavṛtto'pi pārtha brahmapuraskṛtaḥ | jayennaktañcarānsarvānsa purohitadhūrgataḥ

But one who, though he lives a life of desire, Partha, goes with a Brahmin before him and with a priest to bear his yoke, may conquer all the night-rovers.

Verse 78 (1.186.78)

तस्मात्तापत्य यत्किंचिन्नृणां श्रेय इहेप्सितम् । तस्मिन्कर्मणि योक्तव्या दान्तात्मानः पुरोहिताः ॥

tasmāttāpatya yatkiṃcinnṛṇāṃ śreya ihepsitam | tasminkarmaṇi yoktavyā dāntātmānaḥ purohitāḥ

Therefore, descendant of Tapati, whatever good men seek in this world, self-controlled priests should be engaged in that undertaking.

Verse 79 (1.186.79)

वेदे षडङ्गे निरताः शुचयः सत्यवादिनः । धर्मात्मानः कृतात्मानः स्युर्नृपाणां पुरोहिताः ॥

vede ṣaḍaṅge niratāḥ śucayaḥ satyavādinaḥ | dharmātmānaḥ kṛtātmānaḥ syurnṛpāṇāṃ purohitāḥ

The priests of kings should be devoted to the Veda with its six limbs, pure, truthful, righteous and self-possessed.

Note on the text: Corrected धर्मात्यागः → धर्मात्मानः (misprint in Wikisource; धर्मात्यागः is not a valid form in a list of plural qualities, critical edition dharmātmānaḥ).

Verse 80 (1.186.80)

जयश्च नियतो राज्ञः स्वर्गश्च तदनन्तरम् । यस्य स्याद्धर्मविद्वाग्मी पुरोधाः शीलवाञ्शुचिः ॥

jayaśca niyato rājñaḥ svargaśca tadanantaram | yasya syāddharmavidvāgmī purodhāḥ śīlavāñśuciḥ

Victory is certain for the king, and heaven after it, who has a priest who knows dharma, is eloquent, of good conduct and pure.

Verse 81 (1.186.81)

लाभं लब्धुमलब्धं वा लब्धं वा परिरक्षितुम् । पुरोहितं प्रकुर्वीत राजा गुणसमन्वितम् ॥

lābhaṃ labdhumalabdhaṃ vā labdhaṃ vā parirakṣitum | purohitaṃ prakurvīta rājā guṇasamanvitam

To gain what has not been gained, or to guard what has been gained, a king should appoint a priest endowed with virtues.

Verse 82 (1.186.82)

पुरोहितमते तिष्ठेद्य इच्छेद्भूतिमात्मनः । प्राप्तुं वसुमतीं सर्वां सर्वशः सागराम्बराम् ॥

purohitamate tiṣṭhedya icchedbhūtimātmanaḥ | prāptuṃ vasumatīṃ sarvāṃ sarvaśaḥ sāgarāmbarām

One who seeks his own prosperity, and wishes to win in every way the whole earth with the ocean for its garment, should abide by his priest's counsel.

Verse 83 (1.186.83)

न हि केवलशौर्येण तापत्याभिजनेन च । जयेदब्राह्मणः कश्चिद्भूमिं भूमिपतिः क्वचित् ॥

na hi kevalaśauryeṇa tāpatyābhijanena ca | jayedabrāhmaṇaḥ kaścidbhūmiṃ bhūmipatiḥ kvacit

For no king, descendant of Tapati, can ever conquer the earth by valour alone or by lineage, without a Brahmin.

Verse 84 (1.186.84)

तस्मादेवं विजानीहि कुरूणां वंशवर्धन । ब्राह्मणप्रमुखं राज्यं शक्यं पालयितुं चिरम् ॥

tasmādevaṃ vijānīhi kurūṇāṃ vaṃśavardhana | brāhmaṇapramukhaṃ rājyaṃ śakyaṃ pālayituṃ ciram

Know this, then, you who prosper the line of the Kurus: a kingdom with Brahmins at its head can be protected for long.