Dhrishtadyumna Watches the Pandavas

Verse 1 (1.207.1)

धृष्टद्युम्नस्तु पाञ्चाल्यः पृष्ठतः कुरुनन्दनौ । अन्वगच्छत्तदा यान्तौ भार्गवस्य निवेशने ॥

dhṛṣṭadyumnastu pāñcālyaḥ pṛṣṭhataḥ kurunandanau | anvagacchattadā yāntau bhārgavasya niveśane

Dhrishtadyumna of Panchala followed close behind the two Kuru princes as they went to the potter's dwelling.

Note on the text: Corrected धृष्टद्युमनस्तु → धृष्टद्युम्नस्तु (misprint in Wikisource; broken conjunct, as in the critical edition).

Verse 2 (1.207.2)

सोऽज्ञायमानः पुरुषानवधाय समन्ततः । स्वयमारान्निलीनोऽभूद्भार्गवस्य निवेशने ॥

so'jñāyamānaḥ puruṣānavadhāya samantataḥ | svayamārānnilīno'bhūdbhārgavasya niveśane

Unrecognized, he posted men all around, and himself lay hidden close to the potter's dwelling.

Note on the text: Corrected सोज्ञायमानः → सोऽज्ञायमानः (misprint in Wikisource; the missing avagraha hides the negative 'unrecognized', as in the critical edition).

Verse 3 (1.207.3)

सायं च भीमस्तु रिपुप्रमाथी । जिष्णुर्यमौ चापि महानुभावौ । भैक्षं चरित्वा तु युधिष्ठिराय । निवेदयांचक्रुरदीनसत्वाः ॥

sāyaṃ ca bhīmastu ripupramāthī | jiṣṇuryamau cāpi mahānubhāvau | bhaikṣaṃ caritvā tu yudhiṣṭhirāya | nivedayāṃcakruradīnasatvāḥ

In the evening Bhima, crusher of foes, Jishnu, and the two great-souled twins, undaunted in spirit, came back from their begging round and offered the alms to Yudhishthira.

Verse 4 (1.207.4)

ततस्तु कुन्ती द्रुपदात्मजां ता- । मुवाच काले वचनं वदान्या । ततोऽग्रमादाय कुरुष्व भद्रे । बलिं च विप्राय च देहि भिक्षाम् ॥

tatastu kuntī drupadātmajāṃ tā- | muvāca kāle vacanaṃ vadānyā | tato'gramādāya kuruṣva bhadre | baliṃ ca viprāya ca dehi bhikṣām

Then generous Kunti, at the proper time, spoke to Drupada's daughter: "Take the first portion of this, good lady, make the offering, and give alms to a Brahmin.

Verse 5 (1.207.5)

ये चान्नमिच्छन्ति ददस्व तेभ्यः । परिश्रिता ये परितो मनुष्याः । ततश्च शेषं प्रविभज्य शीघ्र- । मर्धं चतुर्णां मम चात्मनश्च ॥

ye cānnamicchanti dadasva tebhyaḥ | pariśritā ye parito manuṣyāḥ | tataśca śeṣaṃ pravibhajya śīghra- | mardhaṃ caturṇāṃ mama cātmanaśca

Give to those who want food, the people who have taken shelter around us. Then divide the rest quickly: half for the four brothers, for me, and for yourself,

Note on the text: Speaker set to Kunti: her instructions, begun in the previous verse, fill this verse and the next (no heading in Wikisource).

Verse 6 (1.207.6)

अर्धं तु भीमाय च देहि भद्रे । य एष नागर्षभतुल्यरूपः । गौरो युवा संहननोपपन्न । एषो हि वीरो बहुभुक् सदैव ॥

ardhaṃ tu bhīmāya ca dehi bhadre | ya eṣa nāgarṣabhatulyarūpaḥ | gauro yuvā saṃhananopapanna | eṣo hi vīro bahubhuk sadaiva

and give the other half to Bhima, good lady — this fair young man built like a lordly elephant, of powerful frame; for this hero always eats a great deal."

Verse 7 (1.207.7)

सा हृष्टरूपैव तु राजपुत्री । तस्या वचः साध्वविशङ्कमाना । यथावदुक्तं प्रचकार साध्वी । ते चापि सर्वे बुभुजुस्तदन्नम् ॥

sā hṛṣṭarūpaiva tu rājaputrī | tasyā vacaḥ sādhvaviśaṅkamānā | yathāvaduktaṃ pracakāra sādhvī | te cāpi sarve bubhujustadannam

The princess, glad at heart and never doubting her words, did exactly as she was told, good woman that she was; and they all ate the food.

Verse 8 (1.207.8)

कुशैस्तु भूमौ शयनं चकार । माद्रीपुत्रः सहदेवस्तपस्वी । अथात्मकीयान्यजिनानि सर्वे । संस्तीर्य वीराः सुषुपुर्धरण्याम् ॥

kuśaistu bhūmau śayanaṃ cakāra | mādrīputraḥ sahadevastapasvī | athātmakīyānyajināni sarve | saṃstīrya vīrāḥ suṣupurdharaṇyām

Sahadeva, the ascetic son of Madri, made a bed of kusha grass on the ground. Then the heroes each spread out their own deerskins and lay down to sleep on the earth.

Verse 9 (1.207.9)

अगस्त्यकान्तामभितो दिशं तु । शिरांसि तेषां कुरुसत्तमानाम् । कुन्ती पुरस्तात्तु बभूव तेषां । पादान्तरे चाथ बभूव कृष्णा ॥

agastyakāntāmabhito diśaṃ tu | śirāṃsi teṣāṃ kurusattamānām | kuntī purastāttu babhūva teṣāṃ | pādāntare cātha babhūva kṛṣṇā

Those best of the Kurus lay with their heads toward the south, Agastya's quarter. Kunti lay at their heads, and Krishnaa lay at their feet.

Verse 10 (1.207.10)

अशेत भूमौ सह पाण्डुपुत्रैः । पादोपधानीव कृता कुशेषु । न तत्र दुःखं मनसापि तस्या । न चावमेने कुरुपुङ्गवांस्तान् ॥

aśeta bhūmau saha pāṇḍuputraiḥ | pādopadhānīva kṛtā kuśeṣu | na tatra duḥkhaṃ manasāpi tasyā | na cāvamene kurupuṅgavāṃstān

She lay on the ground with the sons of Pandu, on kusha grass, like a pillow at their feet; yet she felt no sorrow, not even in her mind, nor did she think the less of those bulls of the Kurus.

Verse 11 (1.207.11)

ते तत्र शूराः कथयांबभूवुः । कथा विचित्राः पृतनाधिकाराः । अस्त्राणि दिव्यानि रथांश्च नागान् । खड्गान्गदाश्चापि परश्वधांश्च ॥

te tatra śūrāḥ kathayāṃbabhūvuḥ | kathā vicitrāḥ pṛtanādhikārāḥ | astrāṇi divyāni rathāṃśca nāgān | khaḍgāngadāścāpi paraśvadhāṃśca

There the heroes talked — wonderful talk of the command of armies, of divine weapons, chariots and elephants, swords, maces and axes.

Verse 12 (1.207.12)

तेषां कथास्ताः परिकीर्त्यमानाः । पाञ्चालराजस्य सुतस्तदानीम् । शुश्राव कृष्णां च तदा निषण्णां । ते चापि सर्वे ददृशुर्मनुष्याः ॥

teṣāṃ kathāstāḥ parikīrtyamānāḥ | pāñcālarājasya sutastadānīm | śuśrāva kṛṣṇāṃ ca tadā niṣaṇṇāṃ | te cāpi sarve dadṛśurmanuṣyāḥ

The son of the Panchala king heard them telling those tales, and took note of Krishnaa lying there; and all his men saw it too.

Note on the text: Corrected सुश्राव → शुश्राव (misprint in Wikisource; perfect of श्रु 'to hear', as in the critical edition).

Verse 13 (1.207.13)

धृष्टद्युम्नो राजपुत्रस्तु सर्वं । वृत्तं तेषां कथितं चैव रात्रौ । सर्वं राज्ञे द्रुपदायाखिलेन । निवेदयिष्यंस्त्वरितो जगाम ॥

dhṛṣṭadyumno rājaputrastu sarvaṃ | vṛttaṃ teṣāṃ kathitaṃ caiva rātrau | sarvaṃ rājñe drupadāyākhilena | nivedayiṣyaṃstvarito jagāma

Prince Dhrishtadyumna hurried away to tell King Drupada everything in full: all that had happened, and all they had talked of in the night.

Verse 14 (1.207.14)

पाञ्चालराजस्तु विषण्णरूप- । स्तान्पाण्डवानप्रतिविन्दमानः । धृष्टद्युम्नं पर्यपृच्छन्महात्मा । क्व सा गता केन नीता च कृष्णा ॥

pāñcālarājastu viṣaṇṇarūpa- | stānpāṇḍavānaprativindamānaḥ | dhṛṣṭadyumnaṃ paryapṛcchanmahātmā | kva sā gatā kena nītā ca kṛṣṇā

The great-souled king of Panchala, downcast at not having found the Pandavas, asked Dhrishtadyumna: "Where has Krishnaa gone? Who has taken her away?

Verse 15 (1.207.15)

कच्चिन्न शूद्रेण न हीनजेन । वैश्येन वा करदेनोपपन्ना । कच्चित्पदं मूर्ध्नि न पङ्कदिग्धं । कच्चिन्न माला पतिता श्मशाने ॥

kaccinna śūdreṇa na hīnajena | vaiśyena vā karadenopapannā | kaccitpadaṃ mūrdhni na paṅkadigdhaṃ | kaccinna mālā patitā śmaśāne

Surely she has not been joined to a Shudra or a low-born man, or to a Vaishya who pays tribute? Surely no mud-smeared foot has been set on my head? Surely the garland has not fallen on a cremation ground?

Note on the text: Speaker set to Drupada: his questions, begun in the previous verse, fill this verse to the end of the adhyaya (no heading in Wikisource).

Verse 16 (1.207.16)

कच्चित्स वर्णप्रवरो मनुष्य । उद्रिक्तवर्णोऽप्युत एव कच्चित् । कच्चिन्न वामो मम मूर्ध्नि पादः । कृष्णाभिमर्शेन कृतोऽद्य पुत्र ॥

kaccitsa varṇapravaro manuṣya | udriktavarṇo'pyuta eva kaccit | kaccinna vāmo mama mūrdhni pādaḥ | kṛṣṇābhimarśena kṛto'dya putra

Is he a man of the best of castes, or even of a caste above our own? Surely no left foot has been planted on my head today, my son, by one who has touched Krishnaa?

Verse 17 (1.207.17)

कच्चिन्न तप्स्ये परमप्रतीतः । संयुज्य पार्थेन नरर्षभेण । वदस्व तत्त्वेन महानुभाव । कोऽसौ विजेता दुहितुर्ममाद्य ॥

kaccinna tapsye paramapratītaḥ | saṃyujya pārthena nararṣabheṇa | vadasva tattvena mahānubhāva | ko'sau vijetā duhiturmamādya

Surely I shall have no cause to grieve, but be well content, joined in alliance with Partha, bull among men? Tell me truly, noble one: who is it that has won my daughter today?

Verse 18 (1.207.18)

विचित्रवीर्यस्य सुतस्य कच्चि- । त्कुरुप्रवीरस्य ध्रियन्ति पुत्राः । कच्चित्तु पार्थेन यवीयसाऽद्य । धनुर्गृहीतं निहतं च लक्ष्यम् ॥

vicitravīryasya sutasya kacci- | tkurupravīrasya dhriyanti putrāḥ | kaccittu pārthena yavīyasā'dya | dhanurgṛhītaṃ nihataṃ ca lakṣyam

Are the sons of Vichitravirya's son, the Kuru hero, alive? Was it the younger Partha who took up the bow today and brought down the target?"

Note on the text: Corrected यवीयसाऽध्य → यवीयसाऽद्य (misprint in Wikisource; ध्य for द्य 'today', as in the critical edition).