The Pandavas at Drupada's Palace

Verse 1 (1.209.1)

जन्यार्थमन्नं द्रुपदेन राज्ञा । विवाहहेतोरुपसंस्कृतं च । तदाप्नुवध्वं कृतसर्वकार्याः । कृष्णा च तत्रैतु चिरं न कार्यम् ॥

janyārthamannaṃ drupadena rājñā | vivāhahetorupasaṃskṛtaṃ ca | tadāpnuvadhvaṃ kṛtasarvakāryāḥ | kṛṣṇā ca tatraitu ciraṃ na kāryam

"King Drupada has had food prepared for the bridegroom's party, for the wedding. Come and partake of it when you have finished all your duties, and let Krishna come there too. There should be no delay.

Verse 2 (1.209.2)

इमे रथाः काञ्चनपद्मचित्राः । सदश्वयुक्ता वसुधाधिपार्हाः । एतान्समारुह्य परैत सर्वे । पाञ्चालराजस्य निवेशनं तत् ॥

ime rathāḥ kāñcanapadmacitrāḥ | sadaśvayuktā vasudhādhipārhāḥ | etānsamāruhya paraita sarve | pāñcālarājasya niveśanaṃ tat

Here are chariots decorated with golden lotuses, yoked with fine horses, fit for lords of the earth. Mount them, all of you, and come to the palace of the king of Panchala."

Verse 3 (1.209.3)

ततः प्रयाताः कुरुपुंगवास्ते । पुरोहितं तं परियाप्य सर्वे । आस्थाय यानानि महान्ति तानि । कुन्ती च कृष्णा च सहैकयाने ॥

tataḥ prayātāḥ kurupuṃgavāste | purohitaṃ taṃ pariyāpya sarve | āsthāya yānāni mahānti tāni | kuntī ca kṛṣṇā ca sahaikayāne

Then those bulls of the Kurus sent the priest on ahead and all set out, mounted on those great carriages; Kunti and Krishna rode together in one.

Verse 4 (1.209.4)

स्त्रीभिः सुगन्धाम्बरमाल्यदानै- । र्विभूषिता आभरणैर्विचित्रैः । माङ्गल्यगीतध्वनिवाद्यघोषै- । र्मनोहरैः पुण्यकृतां वरिष्ठैः ॥

strībhiḥ sugandhāmbaramālyadānai- | rvibhūṣitā ābharaṇairvicitraiḥ | māṅgalyagītadhvanivādyaghoṣai- | rmanoharaiḥ puṇyakṛtāṃ variṣṭhaiḥ

Adorned by the women with gifts of fragrant robes and garlands and with ornaments of many kinds, amid the charming sound of auspicious songs and instruments raised by the most virtuous—

Note on the text: Removed a stray wiki mark (`) at the start. Not in the critical edition (found in the vulgate recension).

Verse 5 (1.209.5)

संगीयमानाः प्रययुः प्रहृष्टा । दीपैर्ज्वलद्भिः सहिताश्च विप्रैः ॥

saṃgīyamānāḥ prayayuḥ prahṛṣṭā | dīpairjvaladbhiḥ sahitāśca vipraiḥ

—they went on their way rejoicing, praised in song, accompanied by brahmins and by blazing lamps.

Note on the text: Not in the critical edition (found in the vulgate recension). A half-verse (two quarter-lines), as printed in Wikisource; it completes the sentence begun in verse 4.

Verse 6 (1.209.6)

स वै तथोक्तस्तु युधिष्ठिरेण । पाञ्चालराजस्य पुरोहितोऽग्र्यः । सर्वं यथोक्तं कुरुनन्दनेन । निवेदयामास नृपाय गत्वा ॥

sa vai tathoktastu yudhiṣṭhireṇa | pāñcālarājasya purohito'gryaḥ | sarvaṃ yathoktaṃ kurunandanena | nivedayāmāsa nṛpāya gatvā

Thus addressed by Yudhishthira, the eminent priest of the king of Panchala went and reported everything to the king, just as the delight of the Kurus had said it.

Note on the text: Removed a stray wiki mark (') and a doubled danda at the end. Not in the critical edition (found in the vulgate recension).

Verse 7 (1.209.7)

श्रुत्वा तु वाक्यानि पुरोहितस्य । यान्युक्तवान्भारत धर्मराजः । जिज्ञासयैवाथ कुरूत्तमानां । द्रव्याण्यनेकान्युपसंजहार ॥

śrutvā tu vākyāni purohitasya | yānyuktavānbhārata dharmarājaḥ | jijñāsayaivātha kurūttamānāṃ | dravyāṇyanekānyupasaṃjahāra

Having heard from the priest the words the king of dharma had spoken, O Bharata, Drupada, wishing to test those best of the Kurus, gathered many kinds of goods:

Verse 8 (1.209.8)

फलानि माल्यानि च संस्कृतानि । वर्माणि चर्माणि तथाऽऽसनानि । गाश्चैव राजन्नथ चैव रज्जू- । र्बीजानि चान्यानि कृषीनिमित्तम् ॥

phalāni mālyāni ca saṃskṛtāni | varmāṇi carmāṇi tathā''sanāni | gāścaiva rājannatha caiva rajjū- | rbījāni cānyāni kṛṣīnimittam

fruits and finely made garlands, armour and shields, and seats too; cows, O king, and ropes, and seeds and other things used in farming;

Verse 9 (1.209.9)

अन्येषु शिल्पेषु च यान्यपि स्युः । सर्वाणि कृत्यान्यखिलेन तत्र । क्रीडानिमित्तान्यपि यानि तत्र । सर्वाणि तत्रोपजहार राजा ॥

anyeṣu śilpeṣu ca yānyapi syuḥ | sarvāṇi kṛtyānyakhilena tatra | krīḍānimittānyapi yāni tatra | sarvāṇi tatropajahāra rājā

whatever tools belong to the other crafts, all the cutting implements in full; and whatever things there were for play—all these the king brought there.

Verse 10 (1.209.10)

वर्माणि चर्माणि च भानुमन्ति । खड्गा महान्तोऽश्वरथाश्च चित्राः । धनूंषि चाग्र्याणि शराश्च चित्राः । शक्त्यृष्टयः काञ्चनभूषणाश्च ॥

varmāṇi carmāṇi ca bhānumanti | khaḍgā mahānto'śvarathāśca citrāḥ | dhanūṃṣi cāgryāṇi śarāśca citrāḥ | śaktyṛṣṭayaḥ kāñcanabhūṣaṇāśca

Gleaming armour and shields, great swords, horses and splendid chariots, excellent bows and bright arrows, lances and spears adorned with gold;

Verse 11 (1.209.11)

प्रासा भुशुण्ड्यश्च परश्वधाश्च । सांग्रामिकं चैव तथैव सर्वम् । शय्यासनान्युत्तमवस्तुवन्ति । तथैव वासो विविधं च तत्र ॥

prāsā bhuśuṇḍyaśca paraśvadhāśca | sāṃgrāmikaṃ caiva tathaiva sarvam | śayyāsanānyuttamavastuvanti | tathaiva vāso vividhaṃ ca tatra

darts, bhushundis and battle-axes, and every kind of thing used in war; beds and seats made of the finest materials, and clothing of many kinds as well were there.

Verse 12 (1.209.12)

कुन्ती तु कृष्णां परिगृह्य साध्वी- । मन्तःपुरं द्रुपदस्याविवेश । स्त्रियश्च तां कौरवराजपत्नीं । प्रत्यर्चयामासुरदीनसत्त्वाः ॥

kuntī tu kṛṣṇāṃ parigṛhya sādhvī- | mantaḥpuraṃ drupadasyāviveśa | striyaśca tāṃ kauravarājapatnīṃ | pratyarcayāmāsuradīnasattvāḥ

Kunti took the virtuous Krishna and entered Drupada's inner apartments, and the women, high-spirited, received the queen of the Kaurava king with honour.

Note on the text: Corrected अदीनसत्वाः → अदीनसत्त्वाः (misprint in Wikisource; dropped त in the conjunct, as in the critical edition).

Verse 13 (1.209.13)

तान्सिंहविक्रान्तगतीन्निरीक्ष्य । महर्षभाक्षानजिनोत्तरीयान् । गूढोत्तरांसान्भुजगेन्द्रभोग- । प्रलम्बबाहून्पुरुषप्रवीरान् ॥

tānsiṃhavikrāntagatīnnirīkṣya | maharṣabhākṣānajinottarīyān | gūḍhottarāṃsānbhujagendrabhoga- | pralambabāhūnpuruṣapravīrān

Seeing those heroes among men, who walked with a lion's stride, with eyes like great bulls', wearing deerskins as upper garments, with high, well-fleshed shoulders and long arms like the coils of great serpents—

Verse 14 (1.209.14)

राजा च राज्ञः सचिवाश्च सर्वे । पुत्राश्च राज्ञः सुहृदस्तथैव । प्रेष्याश्च सर्वे निखिलेन राज- । न्हर्षं समापेतुरतीव तत्र ॥

rājā ca rājñaḥ sacivāśca sarve | putrāśca rājñaḥ suhṛdastathaiva | preṣyāśca sarve nikhilena rāja- | nharṣaṃ samāpeturatīva tatra

—the king, the king's ministers, the king's sons and friends, and all his servants, O king, were filled with great joy.

Verse 15 (1.209.15)

ते तत्र वीराः परमासनेषु । सपादपीठेष्वविशङ्कमानाः । यथानुपूर्व्याद्विविशुर्नराग्र्या- । स्तथा महार्हेषु न विस्मयन्तः ॥

te tatra vīrāḥ paramāsaneṣu | sapādapīṭheṣvaviśaṅkamānāḥ | yathānupūrvyādviviśurnarāgryā- | stathā mahārheṣu na vismayantaḥ

Those heroes, foremost of men, sat down in order of age on the fine seats with footstools, without hesitation, showing no wonder at the costly things.

Verse 16 (1.209.16)

उच्चावचं पार्थिवभोजनीयं । पात्रीषु जाम्बूनदराजतीषु । दासाश्च दास्यश्च सुमृष्टवेषाः । संभोजकाश्चाप्युपजह्रुरन्नम् ॥

uccāvacaṃ pārthivabhojanīyaṃ | pātrīṣu jāmbūnadarājatīṣu | dāsāśca dāsyaśca sumṛṣṭaveṣāḥ | saṃbhojakāścāpyupajahrurannam

Menservants and maidservants in clean attire, and the cooks, brought food of every kind fit for kings, in vessels of gold and silver.

Verse 17 (1.209.17)

ते तत्र भुक्त्वा पुरुषप्रवीरा । यथात्मकामं सुभृशं प्रतीताः । उत्क्रम्य सर्वाणि वसूनि राज- । न्सांग्रामिकं ते विविशुर्नृवीराः ॥

te tatra bhuktvā puruṣapravīrā | yathātmakāmaṃ subhṛśaṃ pratītāḥ | utkramya sarvāṇi vasūni rāja- | nsāṃgrāmikaṃ te viviśurnṛvīrāḥ

When those foremost of men had eaten as much as they wished and were well content, O king, the heroes passed over all the riches and went in among the instruments of war.

Verse 18 (1.209.18)

तल्लक्षयित्वा द्रुपदस्य पुत्रा । राजा च सर्वैः सह मन्त्रिमुख्यैः । समर्थयामासुरुपेत्य हृष्टाः । कुन्तीसुतान्पार्थिवराजपुत्रान् ॥

tallakṣayitvā drupadasya putrā | rājā ca sarvaiḥ saha mantrimukhyaiḥ | samarthayāmāsurupetya hṛṣṭāḥ | kuntīsutānpārthivarājaputrān

Noticing this, Drupada's sons and the king himself with all his chief ministers came up delighted and concluded that these were the sons of Kunti, princes of a royal line.