Yudhishthira Reveals Who They Are

Verse 1 (1.210.1)

तत आहूय पाञ्चाल्यो राजपुत्रं युधिष्ठिरम् । परिग्रहेण ब्राह्मेण परिगृह्य महाद्युतिः ॥

tata āhūya pāñcālyo rājaputraṃ yudhiṣṭhiram | parigraheṇa brāhmeṇa parigṛhya mahādyutiḥ

Then the glorious king of Panchala called Prince Yudhishthira and received him with the welcome due to a brahmin.

Verse 2 (1.210.2)

पर्यपृच्छददीनात्मा कुन्तीपुत्रं सुवर्चसम् । कथं जानीम भवतः क्षत्रियान्ब्राह्मणानुत ॥

paryapṛcchadadīnātmā kuntīputraṃ suvarcasam | kathaṃ jānīma bhavataḥ kṣatriyānbrāhmaṇānuta

Then that high-spirited king asked the radiant son of Kunti: "How are we to know you? Are you kshatriyas, or brahmins,

Verse 3 (1.210.3)

वैश्यान्वा गुणसंपन्नानथ वा शूद्रयोनिजान् । मायामास्थाय वा सिद्धांश्चरतः सर्वतोदिशम् ॥

vaiśyānvā guṇasaṃpannānatha vā śūdrayonijān | māyāmāsthāya vā siddhāṃścarataḥ sarvatodiśam

or virtuous vaishyas, or born of shudra wombs? Or are you perfected beings who have taken on illusion and roam in every direction,

Note on the text: Speaker set to Drupada: his question, begun in the second line of verse 2, fills verses 3–7 (no speaker line in Wikisource).

Verse 4 (1.210.4)

कृष्णाहेतोरनुप्राप्ता देवाः संदर्शनार्थिनः । ब्रवीतु नो भवान्सत्यं सन्देहो ह्यत्र नो महान् ॥

kṛṣṇāhetoranuprāptā devāḥ saṃdarśanārthinaḥ | bravītu no bhavānsatyaṃ sandeho hyatra no mahān

or gods who have come here for Krishna's sake, seeking a sight of her? Tell us the truth, sir, for our doubt in this is great.

Note on the text: Speaker set to Drupada (see verse 3).

Verse 5 (1.210.5)

अपि नः संशयस्यान्ते मनः संतुष्टिमावहेत् । अपि नो भागधेयानि शुभानि स्युः परन्तप ॥

api naḥ saṃśayasyānte manaḥ saṃtuṣṭimāvahet | api no bhāgadheyāni śubhāni syuḥ parantapa

When our doubt is ended, may our minds find contentment. May our fortunes prove auspicious, scorcher of foes.

Note on the text: Speaker set to Drupada (see verse 3).

Verse 6 (1.210.6)

इच्छया ब्रूहि तत्सत्यं सत्यं राजसु शोभते । इष्टापूर्तेन च तथा वक्तव्यमनृतं न तु ॥

icchayā brūhi tatsatyaṃ satyaṃ rājasu śobhate | iṣṭāpūrtena ca tathā vaktavyamanṛtaṃ na tu

Tell the truth freely; truth shines among kings. For the sake of one's sacrifices and pious works, too, one must not speak a falsehood.

Note on the text: Speaker set to Drupada (see verse 3).

Verse 7 (1.210.7)

श्रुत्वा ह्यमरसङ्काश तव वाक्यमरिंदम । ध्रुवं विवाहकरणमास्थास्यामि विधानतः ॥

śrutvā hyamarasaṅkāśa tava vākyamariṃdama | dhruvaṃ vivāhakaraṇamāsthāsyāmi vidhānataḥ

Once I have heard your words, godlike tamer of foes, I shall surely proceed with the marriage according to rule."

Note on the text: Speaker set to Drupada (see verse 3).

Verse 8 (1.210.8)

मा राजन्विमना भूस्त्वं पाञ्चाल्य प्रीतिरस्तु ते । ईप्सितस्ते ध्रुवः कामः संवृत्तोऽयमसंशयम् ॥

mā rājanvimanā bhūstvaṃ pāñcālya prītirastu te | īpsitaste dhruvaḥ kāmaḥ saṃvṛtto'yamasaṃśayam

Do not be troubled, O king, lord of Panchala; be glad. The wish you cherished has come true, beyond any doubt.

Verse 9 (1.210.9)

वयं हि क्षत्रिया राजन्पाण्डोः पुत्रा महात्मनः । ज्येष्ठं मां विद्धि कौन्तेयं भीमसेनार्जुनाविमौ ॥

vayaṃ hi kṣatriyā rājanpāṇḍoḥ putrā mahātmanaḥ | jyeṣṭhaṃ māṃ viddhi kaunteyaṃ bhīmasenārjunāvimau

We are kshatriyas, O king, sons of the great-souled Pandu. Know me to be Kunti's eldest son; these two are Bhimasena and Arjuna.

Verse 10 (1.210.10)

आभ्यां तव सुता राजन्निर्जिता राजसंसदि । यमौ च तत्र कुन्ती च यत्र कृष्णा व्यवस्थिता ॥

ābhyāṃ tava sutā rājannirjitā rājasaṃsadi | yamau ca tatra kuntī ca yatra kṛṣṇā vyavasthitā

It was these two who won your daughter, O king, in the assembly of kings. The twins and Kunti are where Krishna is staying.

Note on the text: Corrected कृष्मा → कृष्णा (misprint in Wikisource; the critical edition reads kṛṣṇā). Lines = 1.187.9ef and 1.187.10ab of the critical edition.

Verse 11 (1.210.11)

व्येतु ते मानसं दुःखं क्षत्रियाः स्मो नरर्षभ । पद्मिनीव सुतेयं ते ह्रदादन्यह्रदं गता ॥

vyetu te mānasaṃ duḥkhaṃ kṣatriyāḥ smo nararṣabha | padminīva suteyaṃ te hradādanyahradaṃ gatā

Let the sorrow in your mind be gone; we are kshatriyas, bull among men. This daughter of yours has passed, like a lotus plant, from one lake into another.

Note on the text: Lines = 1.187.10cd and 1.187.10ef of the critical edition.

Verse 12 (1.210.12)

इति तथ्यं महाराज सर्वमेतद्ब्रवीमि ते । भवान्हि गुरुरस्माकं परमं च परायणम् ॥

iti tathyaṃ mahārāja sarvametadbravīmi te | bhavānhi gururasmākaṃ paramaṃ ca parāyaṇam

This is the truth, great king; I tell you all of it. You are our elder and our highest refuge.

Verse 13 (1.210.13)

ततः स द्रुपदो राजा हर्षव्याकुललोचनः । प्रतिवक्तुं मुदा युक्तो नाशकत्तं युधिष्ठिरम् ॥

tataḥ sa drupado rājā harṣavyākulalocanaḥ | prativaktuṃ mudā yukto nāśakattaṃ yudhiṣṭhiram

Then King Drupada, his eyes swimming with joy, was so overcome with delight that he could not answer Yudhishthira.

Note on the text: Corrected युधिष्टिरम् → युधिष्ठिरम् (misprint in Wikisource; ट for ठ in the name).

Verse 14 (1.210.14)

यत्नेन तु स तं हर्षं सन्निगृह्य परंतपः । अनुरूपं तदा वाचा प्रत्युवाच युधिष्ठिरम् ॥

yatnena tu sa taṃ harṣaṃ sannigṛhya paraṃtapaḥ | anurūpaṃ tadā vācā pratyuvāca yudhiṣṭhiram

With an effort that scorcher of foes held back his joy, and then answered Yudhishthira in fitting words.

Verse 15 (1.210.15)

पप्रच्छ चैनं धर्मात्मा यथा ते प्रद्रुताः पुरात् । स तस्मै सर्वमाचख्यावानुपूर्व्येण पाण्डवः ॥

papraccha cainaṃ dharmātmā yathā te pradrutāḥ purāt | sa tasmai sarvamācakhyāvānupūrvyeṇa pāṇḍavaḥ

The righteous king asked him how they had fled from the city, and the Pandava told him everything in order.

Verse 16 (1.210.16)

तच्छ्रुत्वा द्रुपदो राजा कुन्तीपुत्रस्य भाषितम् । विगर्हयामास तदा धृतराष्ट्रं नरेश्वरम् ॥

tacchrutvā drupado rājā kuntīputrasya bhāṣitam | vigarhayāmāsa tadā dhṛtarāṣṭraṃ nareśvaram

Hearing what the son of Kunti told him, King Drupada then condemned Dhritarashtra, lord of men.

Verse 17 (1.210.17)

आश्वासयामास च तं कुन्तीपुत्रं युधिष्ठिरम् । प्रतिजज्ञे च राज्याय द्रुपदो वदतां वरः ॥

āśvāsayāmāsa ca taṃ kuntīputraṃ yudhiṣṭhiram | pratijajñe ca rājyāya drupado vadatāṃ varaḥ

He comforted Yudhishthira, son of Kunti, and Drupada, best of speakers, pledged himself to win back his kingdom.

Verse 18 (1.210.18)

ततः कुन्ती च कृष्णा च भीमसेनार्जुनावपि । यमौ च राज्ञा संदिष्टं विविशुर्भवनं महत् ॥

tataḥ kuntī ca kṛṣṇā ca bhīmasenārjunāvapi | yamau ca rājñā saṃdiṣṭaṃ viviśurbhavanaṃ mahat

Then Kunti and Krishna, Bhimasena and Arjuna, and the twins entered the great mansion the king had assigned them.

Verse 19 (1.210.19)

तत्र ते न्यवसन्राजन्यज्ञसेनेन पूजिताः । प्रत्याश्वस्तस्ततो राजा सह पुत्रैरुवाच तम् ॥

tatra te nyavasanrājanyajñasenena pūjitāḥ | pratyāśvastastato rājā saha putrairuvāca tam

There they lived, O king, honoured by Yajnasena. Then the king, reassured, came with his sons and said to Yudhishthira:

Verse 20 (1.210.20)

गृह्णातु विधिवत्पाणिमद्यायं कुरुनन्दनः । पुण्येऽहनि महाबाहुरर्जुनः कुरुतां क्षणम् ॥

gṛhṇātu vidhivatpāṇimadyāyaṃ kurunandanaḥ | puṇye'hani mahābāhurarjunaḥ kurutāṃ kṣaṇam

"Let this delight of the Kurus, mighty-armed Arjuna, take her hand today with due rites; on this auspicious day let him hold the festive ceremony."

Note on the text: Speaker set to Drupada: the verse is his proposal, announced at the end of verse 19 (no speaker line in Wikisource).

Verse 21 (1.210.21)

तमब्रवीत्ततो राजा धर्मात्मा च युधिष्ठिरः । ममापि दारसंबन्धः कार्यस्तावद्विशांपते । तस्मात्पूर्वं मया कार्यं तद्भवाननुमन्यताम् ॥

tamabravīttato rājā dharmātmā ca yudhiṣṭhiraḥ | mamāpi dārasaṃbandhaḥ kāryastāvadviśāṃpate | tasmātpūrvaṃ mayā kāryaṃ tadbhavānanumanyatām

Then the righteous King Yudhishthira said to him: "I too must first be joined in marriage, lord of the people. So it is I who must do this first; please give your consent to that."

Note on the text: Removed stray wiki marks (` and '). The third line, Wikisource's 22a, ends Yudhishthira's words and is printed before the speaker line द्रुपद उवाच; the input joined it to Drupada's reply, so it is moved here and the next verse begins with Drupada. Lines 1–2 = 1.187.20; the third line is not in the critical edition (found in the vulgate recension).

Verse 22 (1.210.22)

भवान्वा विधिवत्पाणिं गृह्णातु दुहितुर्मम । यस्य वा मन्यसे वीर तस्य कृष्णामुपादिश ॥

bhavānvā vidhivatpāṇiṃ gṛhṇātu duhiturmama | yasya vā manyase vīra tasya kṛṣṇāmupādiśa

Then you yourself take my daughter's hand with due rites, hero, or give Krishna to whichever of your brothers you think fit.

Note on the text: Wikisource's lines 22b–c, after the speaker line द्रुपद उवाच (see verse 21).

Verse 23 (1.210.23)

सर्वेषां महिषी राजन्द्रौपदी नो भविष्यति । एवं प्रव्याहृतं पूर्वं मम मात्रा विशांपते ॥

sarveṣāṃ mahiṣī rājandraupadī no bhaviṣyati | evaṃ pravyāhṛtaṃ pūrvaṃ mama mātrā viśāṃpate

Draupadi will be queen to all of us, O king. So my mother declared earlier, lord of the people.

Verse 24 (1.210.24)

अहं चाप्यनिविष्टो वै भीमसेनश्च पाण्डवः । पार्थेन विजिता चैषा रत्नभूता सुता तव ॥

ahaṃ cāpyaniviṣṭo vai bhīmasenaśca pāṇḍavaḥ | pārthena vijitā caiṣā ratnabhūtā sutā tava

I too am unmarried, and so is Bhimasena the Pandava; and this jewel of a daughter of yours was won by Partha.

Verse 25 (1.210.25)

एष नः समयो राजँल्लब्धस्य सह भोजनम् । न च तं हातुमिच्छामः समयं राजसत्तम ॥

eṣa naḥ samayo rājam̐llabdhasya saha bhojanam | na ca taṃ hātumicchāmaḥ samayaṃ rājasattama

This is our compact, O king: whatever we obtain, we enjoy together. We do not wish to break that compact, best of kings.

Verse 26 (1.210.26)

अक्रमेण निवेशे च धर्मलोपो महान्भवेत् । सर्वेषां धर्मतः कृष्णा महिषी नो भविष्यति । आनुपूर्व्येण सर्वेषां गृह्णातु ज्वलने करान् ॥

akrameṇa niveśe ca dharmalopo mahānbhavet | sarveṣāṃ dharmataḥ kṛṣṇā mahiṣī no bhaviṣyati | ānupūrvyeṇa sarveṣāṃ gṛhṇātu jvalane karān

To marry out of order would be a grave breach of dharma. By dharma, Krishna shall be queen to all of us; let her take the hands of all of us in turn, beside the fire.

Note on the text: Removed stray wiki marks (` and ') around the first line. The first line is not in the critical edition (found in the vulgate recension); lines 2–3 = 1.187.25.

Verse 27 (1.210.27)

एकस्य बह्व्यो विहिता महिष्यः कुरुनन्दन । नैकस्या बहवः पुंसः श्रूयन्ते पतयः क्वचित् ॥

ekasya bahvyo vihitā mahiṣyaḥ kurunandana | naikasyā bahavaḥ puṃsaḥ śrūyante patayaḥ kvacit

For one man many queens are ordained, delight of the Kurus; but nowhere does one hear of many husbands for one woman.

Verse 28 (1.210.28)

सोऽयं न लोके वेदे वा जातु धर्मः प्रशस्यते । लोकवेदविरुद्धं त्वं नाधर्मं धर्मविच्छुचिः । कर्तुमर्हसि कौन्तेय कस्मात्ते बुद्धिरीदृशी ॥

so'yaṃ na loke vede vā jātu dharmaḥ praśasyate | lokavedaviruddhaṃ tvaṃ nādharmaṃ dharmavicchuciḥ | kartumarhasi kaunteya kasmātte buddhirīdṛśī

Such a dharma is never praised, in the world or in the Veda. You know dharma and are pure, son of Kunti; you should not commit an adharma contrary to the world and the Veda. Why is your mind set on this?

Note on the text: Removed stray wiki marks (` and ') around the first line. Corrected प्रशस्ते → प्रशस्यते (misprint in Wikisource; a dropped akshara leaves the quarter-line a syllable short and the verb without a valid form). The first line is not in the critical edition (found in the vulgate recension); lines 2–3 = 1.187.27.

Verse 29 (1.210.29)

सूक्ष्मो धर्मो महाराज नास्य विद्मो वयं गतिम् । पूर्वेषामानुपूर्व्येण यातं वर्त्माऽनुयामहे ॥

sūkṣmo dharmo mahārāja nāsya vidmo vayaṃ gatim | pūrveṣāmānupūrvyeṇa yātaṃ vartmā'nuyāmahe

Dharma is subtle, great king; we do not know its course. We follow the path that those before us trod, one after another.

Verse 30 (1.210.30)

न मे वागनृतं प्राह नाधर्मे धीयते मतिः । एवं चैव वदत्यम्बा मम चैतन्मनोगतम् ॥

na me vāganṛtaṃ prāha nādharme dhīyate matiḥ | evaṃ caiva vadatyambā mama caitanmanogatam

My tongue has never spoken a lie, and my mind does not turn to adharma. My mother says it is to be so, and this is what my own mind holds.

Verse 31 (1.210.31)

आश्रमे रुद्रनिर्दिष्टाद्व्यासादेतन्मया श्रुतम् । एष धर्मो ध्रुवो राजंश्चरैनमविचारयन् । मा च शङ्का तत्र ते स्यात्कथंचिदपि पार्थिव ॥

āśrame rudranirdiṣṭādvyāsādetanmayā śrutam | eṣa dharmo dhruvo rājaṃścarainamavicārayan | mā ca śaṅkā tatra te syātkathaṃcidapi pārthiva

I heard this in the hermitage from Vyasa, as Rudra had directed. This is a settled dharma, O king; act on it without hesitation. Let there be no doubt at all in your mind about it, lord of the earth.

Note on the text: Removed stray wiki marks (` and ') around the first line. The first line is not in the critical edition (found in the vulgate recension); lines 2–3 = 1.187.30.

Verse 32 (1.210.32)

त्वं च कुन्ती च कौन्तेय धृष्टद्युम्नश्च मे सुतः । कथयन्त्विति कर्तव्यं श्वः काल्ये करवामहे ॥

tvaṃ ca kuntī ca kaunteya dhṛṣṭadyumnaśca me sutaḥ | kathayantviti kartavyaṃ śvaḥ kālye karavāmahe

You, son of Kunti, and Kunti, and my son Dhrishtadyumna—let them talk over what should be done; tomorrow at dawn we shall do it.

Note on the text: Corrected कौन्तय → कौन्तेय (misprint in Wikisource; dropped vowel sign, as in the critical edition).

Verse 33 (1.210.33)

ते समेत्य ततः सर्वे कथयन्ति स्म भारत । अथ द्वैपायनो राजन्नभ्यागच्छद्यदृच्छया ॥

te sametya tataḥ sarve kathayanti sma bhārata | atha dvaipāyano rājannabhyāgacchadyadṛcchayā

So they all met and talked it over, O Bharata. Then Dvaipayana arrived there, O king, of his own accord.