The Five Indras and Draupadi's Former Births

Verse 1 (1.214.1)

पुरा वै नैमिशारण्ये देवाः सत्रमुपासते । तत्र वैवस्वतो राजञ्शामित्रमकरोत्तदा ॥

purā vai naimiśāraṇye devāḥ satramupāsate | tatra vaivasvato rājañśāmitramakarottadā

Long ago the gods were holding a sacrificial session in the Naimisha forest. There, O king, Yama, son of Vivasvat, served as the slaughterer of the victims.

Verse 2 (1.214.2)

ततो यमो दीक्षितस्तत्र राज- । न्नामारयत्कंचिदपि प्रजानाम् । ततः प्रजास्ता बहुला बभूवुः । कालातिपातान्मरणप्रहीणाः ॥

tato yamo dīkṣitastatra rāja- | nnāmārayatkaṃcidapi prajānām | tataḥ prajāstā bahulā babhūvuḥ | kālātipātānmaraṇaprahīṇāḥ

Consecrated there for the rite, O king, Yama caused none of the creatures to die. So the creatures grew very numerous, freed from death because their appointed time had passed them by.

Verse 3 (1.214.3)

सोमश्च शक्रो वरुणः कुबेरः । साध्या रुद्रा वसवोऽथाश्विनौ च । प्रजापतिर्भुवनस्य प्रणेता । समाजग्मुस्तत्र देवास्तथाऽन्ये ॥

somaśca śakro varuṇaḥ kuberaḥ | sādhyā rudrā vasavo'thāśvinau ca | prajāpatirbhuvanasya praṇetā | samājagmustatra devāstathā'nye

Soma, Shakra, Varuna and Kubera, the Sadhyas, the Rudras, the Vasus and the two Ashvins, and the other gods came together there, where Prajapati, the ordainer of the world, was.

Verse 4 (1.214.4)

ततोऽब्रुवँल्लोकगुरुं समेता । भयात्तीव्रान्मानुषाणां विवृद्ध्या । तस्माद्भयादुद्विजन्तः सुखेप्सवः । प्रयाम सर्वे शरणं भवन्तम् ॥

tato'bruvam̐llokaguruṃ sametā | bhayāttīvrānmānuṣāṇāṃ vivṛddhyā | tasmādbhayādudvijantaḥ sukhepsavaḥ | prayāma sarve śaraṇaṃ bhavantam

Then together they said to the teacher of the worlds: 'Because of the growth of mankind we are in fierce fear. Troubled by that fear and longing for ease, we have all come to you for refuge.'

Verse 5 (1.214.5)

किं वो भयं मानुषेभ्यो यूयं सर्वे यदाऽमराः । मा वो मर्त्यसकाशाद्वै भयं भवितुमर्हति ॥

kiṃ vo bhayaṃ mānuṣebhyo yūyaṃ sarve yadā'marāḥ | mā vo martyasakāśādvai bhayaṃ bhavitumarhati

What fear have you of men, since all of you are immortal? You should have no fear from mortals.

Verse 6 (1.214.6)

मर्त्या अमर्त्याः संवृत्ता न विशेषोऽस्ति कश्चन । अविशेषादुद्विजन्तो विशेषार्थमिहागताः ॥

martyā amartyāḥ saṃvṛttā na viśeṣo'sti kaścana | aviśeṣādudvijanto viśeṣārthamihāgatāḥ

Mortals have become immortal; there is no difference left. Troubled at this lack of difference, we have come here so that a difference may be made.

Verse 7 (1.214.7)

वैवस्वतो व्यापृतः सत्रहेतो- । स्तेन त्विमे न म्रियन्ते मनुष्याः । तस्मिन्नेकाग्रे कृतसर्वकार्ये । तत एषां भवितैवान्तकालः ॥

vaivasvato vyāpṛtaḥ satraheto- | stena tvime na mriyante manuṣyāḥ | tasminnekāgre kṛtasarvakārye | tata eṣāṃ bhavitaivāntakālaḥ

Vivasvat's son is occupied with the sacrifice, and that is why these men do not die. When he has finished all his work with single mind, the time of their end will come.

Verse 8 (1.214.8)

वैवस्वतस्यैव तनुर्विभक्ता । वीर्येण युष्माकमुत प्रवृद्धा । सैषामन्तो भविता ह्यन्तकाले । न तत्र वीर्यं भविता नरेषु ॥

vaivasvatasyaiva tanurvibhaktā | vīryeṇa yuṣmākamuta pravṛddhā | saiṣāmanto bhavitā hyantakāle | na tatra vīryaṃ bhavitā nareṣu

Vivasvat's son's own body, divided out and strengthened by your power, will be their end when their time comes; men will have no strength against it.

Verse 9 (1.214.9)

ततस्तु ते पूर्वजदेववाक्यं । श्रुत्वा जग्मुर्यत्र देवा यजन्ते । समासीनास्ते समेता महाबला । भागीरथ्यां ददृशुः पुण्डरीकम् ॥

tatastu te pūrvajadevavākyaṃ | śrutvā jagmuryatra devā yajante | samāsīnāste sametā mahābalā | bhāgīrathyāṃ dadṛśuḥ puṇḍarīkam

Then, having heard the words of the first-born god, they went where the gods were sacrificing. As those mighty ones sat there together, they saw a lotus in the Bhagirathi.

Verse 10 (1.214.10)

दृष्ट्वा च तद्विस्मितास्ते बभूवु- । स्तेषामिन्द्रस्तत्र शूरो जगाम । सोऽपश्यद्योषामथ पावकप्रभां । यत्र देवी गङ्गा सततं प्रसूता ॥

dṛṣṭvā ca tadvismitāste babhūvu- | steṣāmindrastatra śūro jagāma | so'paśyadyoṣāmatha pāvakaprabhāṃ | yatra devī gaṅgā satataṃ prasūtā

Seeing it, they were amazed, and the valiant Indra among them went there. Where the goddess Ganga flows without ceasing, he saw a woman radiant as fire.

Verse 11 (1.214.11)

सा तत्र योषा रुदती जलार्थिनी । गङ्गां देवीं व्यवगाह्य व्यतिष्ठत् । तस्याश्रुबिन्दुः पतितो जले य- । स्तत्पद्ममासीदथ तत्र काञ्चनम् ॥

sā tatra yoṣā rudatī jalārthinī | gaṅgāṃ devīṃ vyavagāhya vyatiṣṭhat | tasyāśrubinduḥ patito jale ya- | statpadmamāsīdatha tatra kāñcanam

That woman stood there weeping, having gone down into the goddess Ganga for water. Each teardrop of hers that fell into the water became a golden lotus there.

Verse 12 (1.214.12)

तदद्भुतं प्रेक्ष्य वज्री तदानी- । मपृच्छत्तां योषितमन्तिकाद्वै । का त्वं भद्रे रोदिषि कस्य हेतो- । र्वाक्यं तथ्यं कामयेऽहं ब्रवीहि ॥

tadadbhutaṃ prekṣya vajrī tadānī- | mapṛcchattāṃ yoṣitamantikādvai | kā tvaṃ bhadre rodiṣi kasya heto- | rvākyaṃ tathyaṃ kāmaye'haṃ bravīhi

Seeing that marvel, the wielder of the thunderbolt came near and asked the woman: 'Who are you, good lady? Why are you weeping? I want the truth; tell me.'

Verse 13 (1.214.13)

त्वं वेत्स्यसे मामिह याऽस्मि शक्र । यदर्थं चाहं रोदिमि मन्दभाग्या । आगच्छ राजन्पुरतो गमिष्ये । द्रष्टाऽसि तद्रोदिमि यत्कृतेऽहम् ॥

tvaṃ vetsyase māmiha yā'smi śakra | yadarthaṃ cāhaṃ rodimi mandabhāgyā | āgaccha rājanpurato gamiṣye | draṣṭā'si tadrodimi yatkṛte'ham

You will know who I am, Shakra, and why I weep, ill-fated as I am. Come, king; I shall go ahead, and you will see what it is that I weep for.

Verse 14 (1.214.14)

तां गच्छन्तीमन्वगच्छत्तदानीं । सोऽपश्यदारात्तरुणं दर्शनीयम् । सिद्धासनस्थं युवतीसहायं । क्रीडन्तमक्षैर्गिरिराजमूर्ध्नि ॥

tāṃ gacchantīmanvagacchattadānīṃ | so'paśyadārāttaruṇaṃ darśanīyam | siddhāsanasthaṃ yuvatīsahāyaṃ | krīḍantamakṣairgirirājamūrdhni

As she went, he followed her, and close by he saw a handsome youth seated in the posture of an adept, with a young woman beside him, playing at dice on the summit of the king of mountains.

Verse 15 (1.214.15)

तमब्रवीद्देवराजो ममेदं । त्वं विद्धि विद्वन्भुवनं वशे स्थितम् । ईशोऽहमस्मीति समन्युरब्रवी- । द्दृष्ट्वा तमक्षैः सुभृशं प्रमत्तम् ॥

tamabravīddevarājo mamedaṃ | tvaṃ viddhi vidvanbhuvanaṃ vaśe sthitam | īśo'hamasmīti samanyurabravī- | ddṛṣṭvā tamakṣaiḥ subhṛśaṃ pramattam

The king of the gods said to him: 'Know, wise one, that this world is mine and under my control. I am the lord.' He said this in anger, seeing him so utterly absorbed in the dice.

Note on the text: Corrected ईशोऽहस्मीति → ईशोऽहमस्मीति (misprint in Wikisource; dropped akshara, the line is a syllable short; the critical edition reads īśo 'ham asmīti).

Verse 16 (1.214.16)

क्रुद्धं च शक्रं प्रसमीक्ष्य देवो । जहास शक्रं च शनैरुदैक्षत । संस्तम्भितोऽभूदथ देवराज- । स्तेनेक्षितः स्थाणुरिवावतस्थे ॥

kruddhaṃ ca śakraṃ prasamīkṣya devo | jahāsa śakraṃ ca śanairudaikṣata | saṃstambhito'bhūdatha devarāja- | stenekṣitaḥ sthāṇurivāvatasthe

Seeing Shakra angry, the god laughed and slowly raised his eyes to him. At once the king of the gods was paralysed; under that gaze he stood still like a post.

Note on the text: Corrected जहाय → जहास and शैरुदैक्षत → शनैरुदैक्षत (misprints in Wikisource; जहाय is not a valid form and शैर् has lost an akshara; the critical edition reads jahāsa … śanair udaikṣata).

Verse 17 (1.214.17)

यदा तु पर्याप्तमिहास्य क्रीडया । तदा देवीं रुदतीं तामुवाच । आनीयतामेष यतोऽहमारा- । न्नैनं दर्पः पुनरप्याविशेत ॥

yadā tu paryāptamihāsya krīḍayā | tadā devīṃ rudatīṃ tāmuvāca | ānīyatāmeṣa yato'hamārā- | nnainaṃ darpaḥ punarapyāviśeta

When he had had enough of his game, he said to the weeping goddess: 'Bring him here, near me, so that pride may never possess him again.'

Note on the text: Lines 3–4 correspond to the critical edition 1.189.17; lines 1–2 are not in the critical edition (found in the vulgate recension).

Verse 18 (1.214.18)

ततः शक्रः स्पृष्टमात्रस्तया तु । स्रस्तैरङ्गैः पतितोऽभूद्धरण्याम् । तमब्रवीद्भगवानुग्रतेजा । मैवं पुनः शक्र कृथाः कथंचित् ॥

tataḥ śakraḥ spṛṣṭamātrastayā tu | srastairaṅgaiḥ patito'bhūddharaṇyām | tamabravīdbhagavānugratejā | maivaṃ punaḥ śakra kṛthāḥ kathaṃcit

As soon as she touched him, Shakra fell to the ground, his limbs gone limp. The god of fierce power said to him: 'Never act like this again, Shakra, in any way.'

Verse 19 (1.214.19)

निवर्तयैनं च महाद्रिराजं । बलं च वीर्यं च तवाप्रमेयम् । छिद्रस्य चैवाविश मध्यमस्य । यत्रासते त्वद्विधाः सूर्यभासः ॥

nivartayainaṃ ca mahādrirājaṃ | balaṃ ca vīryaṃ ca tavāprameyam | chidrasya caivāviśa madhyamasya | yatrāsate tvadvidhāḥ sūryabhāsaḥ

Roll aside this great king of mountains, for your strength and valour are beyond measure, and enter the middle of the opening, where others like you, bright as the sun, are dwelling.

Note on the text: Speaker: Shiva's words, without a printed heading.

Verse 20 (1.214.20)

स तद्विवृत्य विवरं महागिरे- । स्तुल्यद्युतींश्चतुरोऽन्यान्ददर्श । स तानभिप्रेक्ष्य बभूव दुःखितः । कच्चिन्नाहं भविता वै यथेमे ॥

sa tadvivṛtya vivaraṃ mahāgire- | stulyadyutīṃścaturo'nyāndadarśa | sa tānabhiprekṣya babhūva duḥkhitaḥ | kaccinnāhaṃ bhavitā vai yatheme

He opened a cleft in the great mountain and saw four others of equal splendour. Seeing them, he was dismayed: 'Will I too become like these?'

Verse 21 (1.214.21)

ततो देवो गिरिशो वज्रपाणिं । विवृत्य नेत्रे कुपितोऽभ्युवाच । दरीमेतां प्रविश त्वं शतक्रतो । यन्मां बाल्यादवमंस्थाः पुरस्तात् ॥

tato devo giriśo vajrapāṇiṃ | vivṛtya netre kupito'bhyuvāca | darīmetāṃ praviśa tvaṃ śatakrato | yanmāṃ bālyādavamaṃsthāḥ purastāt

Then the mountain god, Girisha, opening wide his eyes in anger, said to the wielder of the thunderbolt: 'Enter this cave, Shatakratu, since in your folly you once scorned me.'

Note on the text: Lines 3–4 correspond to the critical edition 1.189.21; lines 1–2 are not in the critical edition (found in the vulgate recension).

Verse 22 (1.214.22)

उक्तस्त्वेवं विभुना देवराजः । प्रावेपताऽऽर्तो भृशमेवाभिषङ्गात् । स्रस्तैरङ्गैरनिलेनेव नुन्न- । मश्वत्थपत्रं गिरिराजमूर्ध्नि ॥

uktastvevaṃ vibhunā devarājaḥ | prāvepatā''rto bhṛśamevābhiṣaṅgāt | srastairaṅgairanileneva nunna- | maśvatthapatraṃ girirājamūrdhni

Thus addressed by the Lord, the king of the gods trembled violently at the blow, his limbs gone limp, like an ashvattha leaf stirred by the wind on the summit of the king of mountains.

Verse 23 (1.214.23)

स प्राञ्जलिर्वै वृषवाहनेन । प्रवेपमानः सहसैवमुक्तः । उवाच देवं बहुरूपमुग्र- । मद्याशेषस्य भुवनस्य त्वं भवाद्यः ॥

sa prāñjalirvai vṛṣavāhanena | pravepamānaḥ sahasaivamuktaḥ | uvāca devaṃ bahurūpamugra- | madyāśeṣasya bhuvanasya tvaṃ bhavādyaḥ

So addressed, suddenly, by the god who rides the bull, he joined his palms and, trembling, said to the fierce god of many forms: 'O Bhava, today you are the first lord of the whole world.'

Verse 24 (1.214.24)

तमब्रवीदुग्रवर्चाः प्रहस्य । नैवंशीलाः शेषमिहाप्नुवन्ति । एतेऽप्येवं भवितारः पुरस्ता- । त्तस्मादेतां दरीमाविश्य शेध्वम् ॥

tamabravīdugravarcāḥ prahasya | naivaṃśīlāḥ śeṣamihāpnuvanti | ete'pyevaṃ bhavitāraḥ purastā- | ttasmādetāṃ darīmāviśya śedhvam

The god of fierce splendour laughed and said to him: 'Those of such conduct win no grace here. These too were once like you. So enter this cave, all of you, and lie there.'

Note on the text: Corrected शेष्य → शेध्वम् (misprint in Wikisource; शेष्य is not a valid form; the critical edition reads śedhvam).

Verse 25 (1.214.25)

एषा भार्या भविता वो न संशयो । योनिं सर्वे मानुषीमाविशध्वम् । तत्र यूयं कर्म कृत्वाऽविषह्यं । बहूनन्यान्निधनं प्रापयित्वा ॥

eṣā bhāryā bhavitā vo na saṃśayo | yoniṃ sarve mānuṣīmāviśadhvam | tatra yūyaṃ karma kṛtvā'viṣahyaṃ | bahūnanyānnidhanaṃ prāpayitvā

This woman will be the wife of you all, without doubt. All of you, enter a human womb. There, having done deeds that none can withstand, and having brought many others to their death,

Note on the text: Speaker: Shiva's words, without a printed heading.

Verse 26 (1.214.26)

आगन्तारः पुनरेवेन्द्रलोकं । स्वकर्मणा पूर्वजितं महार्हम् । सर्वं मया भाषितमेतदेवं । कर्तव्यमन्यद्विविधार्थयुक्तम् ॥

āgantāraḥ punarevendralokaṃ | svakarmaṇā pūrvajitaṃ mahārham | sarvaṃ mayā bhāṣitametadevaṃ | kartavyamanyadvividhārthayuktam

you will return to the world of Indra, the precious world you won before by your own deeds. All this I have said is so; and there is other work to be done, of many kinds.

Note on the text: Restored from the critical edition (1.189.26abc): Wikisource prints only the last line of this verse (कर्तव्यमन्यद्विविधार्थयुक्तम्), which cannot stand alone; the first three lines are supplied from the critical edition and the Wikisource last line is kept.

Verse 27 (1.214.27)

गमिष्यामो मानुषं देवलोका- । द्दुराधरो विहितो यत्र मोक्षः । देवास्त्वस्मानादधीरञ्जनन्यां । धर्मो वायुर्मघवानश्विनौ च ॥

gamiṣyāmo mānuṣaṃ devalokā- | ddurādharo vihito yatra mokṣaḥ | devāstvasmānādadhīrañjananyāṃ | dharmo vāyurmaghavānaśvinau ca

We shall go from the world of the gods to the world of men, where release is hard to win. But let the gods beget us in a mother: Dharma, Vayu, Maghavan and the two Ashvins.

Verse 28 (1.214.28)

एतच्छ्रुत्वा वज्रपाणिर्वचस्तु । देवश्रेष्ठं पुनरेवेदमाह । वीर्येणाहं पुरुषं कार्यहेतो- । र्दद्यामेषां पञ्चमं मत्प्रसूतम् ॥

etacchrutvā vajrapāṇirvacastu | devaśreṣṭhaṃ punarevedamāha | vīryeṇāhaṃ puruṣaṃ kāryaheto- | rdadyāmeṣāṃ pañcamaṃ matprasūtam

Hearing these words, the wielder of the thunderbolt spoke again to the best of gods: 'For the sake of this task I will give, from my own power, a man born of me, to be the fifth among them.'

Verse 29 (1.214.29)

विश्वभुग्भूतधामा च शिबिरिन्द्रः प्रतापवान् । शान्तिश्चतुर्थस्तेषां वै तेजस्वी पञ्चमः स्मृतः ॥

viśvabhugbhūtadhāmā ca śibirindraḥ pratāpavān | śāntiścaturthasteṣāṃ vai tejasvī pañcamaḥ smṛtaḥ

They were Vishvabhuk, Bhutadhaman, the mighty Indra Shibi, Shanti the fourth, and Tejasvin, who is remembered as the fifth.

Note on the text: Not in the critical edition (found in the vulgate recension).

Verse 30 (1.214.30)

तेषां कामं भगवानुग्रधन्वा । प्रादादिष्टं सन्निसर्गाद्यथोक्तम् । तां चाप्येषां योषितं लोककान्तां । श्रियं भार्यां व्यदधान्मानुषेषु ॥

teṣāṃ kāmaṃ bhagavānugradhanvā | prādādiṣṭaṃ sannisargādyathoktam | tāṃ cāpyeṣāṃ yoṣitaṃ lokakāntāṃ | śriyaṃ bhāryāṃ vyadadhānmānuṣeṣu

The god of the fierce bow, out of his kindly nature, granted them the wish they had asked, just as it was spoken. And he appointed that woman, beloved of the world, Shri herself, to be their wife among men.

Verse 31 (1.214.31)

तैरेव सार्धं तु ततः स देवो । जगाम नारायणमप्रमेयम् । अनन्तमव्यक्तमजं पुराणं । सनातनं विश्वमनन्तरूपम् ॥

taireva sārdhaṃ tu tataḥ sa devo | jagāma nārāyaṇamaprameyam | anantamavyaktamajaṃ purāṇaṃ | sanātanaṃ viśvamanantarūpam

Then, together with them, that god went to Narayana, the immeasurable, the infinite, the unmanifest, the unborn, the ancient, the eternal, the universe itself, of endless forms.

Note on the text: Lines 1–2 correspond to the critical edition 1.189.30ab; lines 3–4 are not in the critical edition (found in the vulgate recension).

Verse 32 (1.214.32)

स चापि तद्व्यदधात्सर्वमेव । ततः सर्वे संबभूवुर्धरण्याम् । स चापि केशौ हरिरुद्बबर्ह । शुक्लमेकमपरं चापि कृष्णम् ॥

sa cāpi tadvyadadhātsarvameva | tataḥ sarve saṃbabhūvurdharaṇyām | sa cāpi keśau harirudbabarha | śuklamekamaparaṃ cāpi kṛṣṇam

He too ordained all this, and then they were all born on earth. And Hari plucked out two hairs, one white and the other black.

Note on the text: Restored from the critical edition (1.189.30cd and 31ab): Wikisource prints only the line शुक्लमेकमपरं चापि कृष्णम्, which makes no sense alone; its own commentary on this verse glosses व्यदधात् and उद्बबर्ह, confirming the lost lines.

Verse 33 (1.214.33)

तौ चापि केशौ विशतां यदूनां । कुले स्त्रियौ रोहिणीं देवकीं च । तयोरेको बलदेवो बभूव । कृष्णो द्वितीयः केशवः संबभूव । केशो योऽसौ वर्णतः कृष्ण उक्तः ॥

tau cāpi keśau viśatāṃ yadūnāṃ | kule striyau rohiṇīṃ devakīṃ ca | tayoreko baladevo babhūva | kṛṣṇo dvitīyaḥ keśavaḥ saṃbabhūva | keśo yo'sau varṇataḥ kṛṣṇa uktaḥ

Those two hairs entered two women of the Yadu line, Rohini and Devaki. Of the two, one became Baladeva, and the second came into being as Keshava, Krishna: the hair that was named black for its colour.

Note on the text: Restored from the critical edition (1.189.31cdef): Wikisource prints only the closing line केशो योऽसौ वर्णतः कृष्ण उक्तः, which is not in the critical edition (found in the vulgate recension); the four preceding lines are supplied from the critical edition.

Verse 34 (1.214.34)

ये ते पूर्वं शक्ररूपा निबद्धा- । स्तस्यां दर्यां पर्वतस्योत्तरस्य । इहैव ते पाण्डवा वीर्यवन्तः । शक्रस्यांशः पाण्डवः सव्यसाची ॥

ye te pūrvaṃ śakrarūpā nibaddhā- | stasyāṃ daryāṃ parvatasyottarasya | ihaiva te pāṇḍavā vīryavantaḥ | śakrasyāṃśaḥ pāṇḍavaḥ savyasācī

Those who were once bound as Shakras in the cave of that northern mountain are the mighty Pandavas here; and Savyasachin, the Pandava, is a portion of Shakra himself.

Verse 35 (1.214.35)

एवमेते पाण्डवाः संबभूवु- । र्ये ते राजन्पूर्वमिन्द्रा बभूवुः । लक्ष्मीश्चैषां पूर्वमेवोपदिष्टा । भार्या यैषा द्रौपदी दिव्यरूपा ॥

evamete pāṇḍavāḥ saṃbabhūvu- | rye te rājanpūrvamindrā babhūvuḥ | lakṣmīścaiṣāṃ pūrvamevopadiṣṭā | bhāryā yaiṣā draupadī divyarūpā

Thus were born these Pandavas, who before were Indras, O king; and Lakshmi was appointed long before as their wife: this Draupadi of divine beauty.

Verse 36 (1.214.36)

कथं हि स्त्री कर्मणा ते महीतला- । त्समुत्तिष्ठेदन्यतो दैवयोगात् । यस्या रूपं सोमसूर्यप्रकाशं । गन्धश्चास्याः क्रोशमात्रात्प्रवाति ॥

kathaṃ hi strī karmaṇā te mahītalā- | tsamuttiṣṭhedanyato daivayogāt | yasyā rūpaṃ somasūryaprakāśaṃ | gandhaścāsyāḥ krośamātrātpravāti

How else could a woman rise from the surface of the earth through your rite, except by divine ordinance: she whose beauty shines like the moon and the sun, and whose fragrance carries for a krosha?

Note on the text: Corrected कोशमात्रात् → क्रोशमात्रात् (misprint in Wikisource; कोश "sheath" for क्रोश, a measure of distance; the critical edition reads krośamātrāt).

Verse 37 (1.214.37)

इदं चान्यत्प्रीतिपूर्वं नरेन्द्र । ददानि ते वरमत्यद्भुतं च । दिव्यं चक्षुः पश्य कुन्तीसुतांस्त्वं । पुण्यैर्दिव्यैः पूर्वदेहैरुपेतान् ॥

idaṃ cānyatprītipūrvaṃ narendra | dadāni te varamatyadbhutaṃ ca | divyaṃ cakṣuḥ paśya kuntīsutāṃstvaṃ | puṇyairdivyaiḥ pūrvadehairupetān

And here is another boon I give you out of affection, lord of men, a most wondrous one: divine sight. Behold the sons of Kunti in their holy, divine former bodies.

Verse 38 (1.214.38)

ततो व्यासः परमोदारकर्मा । शुचिर्विप्रस्तपसा तस्य राज्ञः । चक्षुर्दिव्यं प्रददौ तांश्च सर्वान् । राजाऽपश्यत्पूर्वदेहैर्यथावत् ॥

tato vyāsaḥ paramodārakarmā | śucirviprastapasā tasya rājñaḥ | cakṣurdivyaṃ pradadau tāṃśca sarvān | rājā'paśyatpūrvadehairyathāvat

Then Vyasa, the pure brahmin of supremely noble deeds, by the power of his austerity gave the king divine sight, and the king saw them all in their former bodies, as they truly were.

Verse 39 (1.214.39)

ततो दिव्यान्हेमकिरीटमालिनः । शक्रप्रख्यान्पावकादित्यवर्णान् । बद्धापीडांश्चारुरूपांश्च यूनो । व्यूढोरस्कांस्तालमात्रान्ददर्श ॥

tato divyānhemakirīṭamālinaḥ | śakraprakhyānpāvakādityavarṇān | baddhāpīḍāṃścārurūpāṃśca yūno | vyūḍhoraskāṃstālamātrāndadarśa

He saw them divine, wearing golden crowns and garlands, like Shakra in appearance, of the colour of fire and the sun, their heads adorned, handsome and young, broad-chested and tall as palm trees,

Verse 40 (1.214.40)

दिव्यैर्वस्त्रैरजोभिः सुगन्धै- । र्माल्यैश्चाग्र्यैः शोभमानानतीव । साक्षात्त्र्यक्षान्वा वसूंश्चापि रुद्रा- । नादित्यान्वा सर्वगुणोपपन्नान् ॥

divyairvastrairajobhiḥ sugandhai- | rmālyaiścāgryaiḥ śobhamānānatīva | sākṣāttryakṣānvā vasūṃścāpi rudrā- | nādityānvā sarvaguṇopapannān

shining exceedingly with divine, spotless garments, fragrant scents and the finest garlands, like the three-eyed god himself, or the Vasus and the Rudras, or the Adityas, endowed with every virtue.

Verse 41 (1.214.41)

तान्पूर्वेन्द्रानभिवीक्ष्याभिरूपा- । ञ्छक्रात्मजं चेन्द्ररूपं निशम्य । प्रीतो राजा द्रुपदो विस्मितश्च । दिव्यां मायां तामवेक्ष्याप्रमेयाम् ॥

tānpūrvendrānabhivīkṣyābhirūpā- | ñchakrātmajaṃ cendrarūpaṃ niśamya | prīto rājā drupado vismitaśca | divyāṃ māyāṃ tāmavekṣyāprameyām

Seeing those handsome former Indras, and seeing Indra's son in Indra's own form, King Drupada was delighted and amazed, beholding that divine, immeasurable power of illusion.

Note on the text: Corrected त्र्शक्रात्मजं → ञ्छक्रात्मजं (misprint in Wikisource; broken conjunct for the sandhi of अभिरूपान् शक्रात्मजं). Lines 1 and 3 correspond to the critical edition 1.189.38ef and line 4 to 1.189.39a; line 2 is not in the critical edition (found in the vulgate recension).

Verse 42 (1.214.42)

तां चैवाग्र्यां स्त्रियमतिरूपयुक्तां । दिव्यां साक्षात्सोमवह्निप्रकाशाम् । योग्यां तेषां रूपतेजोयशोभिः । पत्नीं मत्वा हृष्टवान्पार्थिवेन्द्रः ॥

tāṃ caivāgryāṃ striyamatirūpayuktāṃ | divyāṃ sākṣātsomavahniprakāśām | yogyāṃ teṣāṃ rūpatejoyaśobhiḥ | patnīṃ matvā hṛṣṭavānpārthivendraḥ

And seeing that foremost of women, of surpassing beauty, divine, radiant as the moon and fire itself, the lord of kings rejoiced, knowing her to be a wife worthy of them in beauty, splendour and fame.

Note on the text: Corrected पत्नी → पत्नीं (misprint in Wikisource; the object of मत्वा must be accusative; the critical edition reads patnīm). Lines 1 and 4 differ from the critical edition 1.189.39.

Verse 43 (1.214.43)

स तद्दृष्ट्वा महदाश्चर्यरूपं । जग्राह पादौ सत्यवत्याः सुतस्य । नैतच्चित्रं परमर्षे त्वयीति । प्रसन्नचेताः स उवाच चैनम् ॥

sa taddṛṣṭvā mahadāścaryarūpaṃ | jagrāha pādau satyavatyāḥ sutasya | naitaccitraṃ paramarṣe tvayīti | prasannacetāḥ sa uvāca cainam

Seeing that great marvel, he clasped the feet of Satyavati's son and, his heart at peace, said to him: 'This is no wonder in you, great seer.'

Verse 44 (1.214.44)

इदं चापि पुरावृत्तं तन्निबोध च भूमिप । कीर्त्यमानं नृपर्षीणां पूर्वेषां दारकर्मणि ॥

idaṃ cāpi purāvṛttaṃ tannibodha ca bhūmipa | kīrtyamānaṃ nṛparṣīṇāṃ pūrveṣāṃ dārakarmaṇi

Hear this too, lord of the earth: an event of old, told about the marriages of royal sages of former times.

Note on the text: Removed the speaker heading "`व्यास उवाच" and its wiki mark from the verse text (the speaker is set to Vyasa, as printed). Corrected भूमिम → भूमिप (misprint in Wikisource; भूमिम is not a word; the apparatus reads bhūmipa). Not in the critical edition (found in the vulgate recension); the critical edition gives this passage only in its apparatus (Appendix I, No. 101).

Verse 45 (1.214.45)

नितन्तुर्नाम राजर्षिर्बभूव भुवि विश्रुतः । तस्य पुत्रा महेष्वासा बभूवुः पञ्च भूमिपाः ॥

nitanturnāma rājarṣirbabhūva bhuvi viśrutaḥ | tasya putrā maheṣvāsā babhūvuḥ pañca bhūmipāḥ

There was a royal sage named Nitantu, famed on earth. He had five sons, great archers, who became kings.

Note on the text: Corrected भूमिताः → भूमिपाः (misprint in Wikisource; भूमिताः is not a word; the apparatus reads bhūmipāḥ). Not in the critical edition (found in the vulgate recension); the critical edition gives this passage only in its apparatus (Appendix I, No. 101).

Verse 46 (1.214.46)

साल्वेयः शूरसेनश्च श्रुतसेनश्च वीर्यवान् । तिन्दुसारोऽतिसारश्च क्षत्रियाः क्रतुयाजिनः ॥

sālveyaḥ śūrasenaśca śrutasenaśca vīryavān | tindusāro'tisāraśca kṣatriyāḥ kratuyājinaḥ

They were Salveya, Shurasena, the valiant Shrutasena, Tindusara and Atisara: kshatriyas who performed sacrifices.

Verse 47 (1.214.47)

नातिचक्रमुरन्योन्यमन्योन्यस्य प्रियंवदाः । अनीर्ष्यवो धर्मविदः सौम्याश्चैव प्रियकराः ॥

nāticakramuranyonyamanyonyasya priyaṃvadāḥ | anīrṣyavo dharmavidaḥ saumyāścaiva priyakarāḥ

They never wronged one another; they spoke kindly to one another, were free of envy, knew dharma, were gentle, and did one another good.

Verse 48 (1.214.48)

एतान्नैतन्तवान्पञ्च शिबिपुत्री स्वयंवरे । अवाप स्वपतीन्वीरान्भौमाश्वी मनुजाधिपान् ॥

etānnaitantavānpañca śibiputrī svayaṃvare | avāpa svapatīnvīrānbhaumāśvī manujādhipān

These five sons of Nitantu, heroic lords of men, Bhaumashvi, daughter of Shibi, won as her own husbands at a self-choice ceremony.

Verse 49 (1.214.49)

वीणेव मधुरारावा गान्धर्वस्वरमूर्च्छिता । उत्तमा सर्वनारीणां भौमाश्वी ह्यभवत्तदा ॥

vīṇeva madhurārāvā gāndharvasvaramūrcchitā | uttamā sarvanārīṇāṃ bhaumāśvī hyabhavattadā

Sweet-voiced as a vina, melodious with the notes of the Gandharvas, Bhaumashvi was in her time the finest of all women.

Verse 50 (1.214.50)

यस्या नैतन्तवाः पञ्च पतयः क्षत्रियर्षभाः । बभूवुः पृथिवीपालाः सर्वैः समुदिता गुणैः ॥

yasyā naitantavāḥ pañca patayaḥ kṣatriyarṣabhāḥ | babhūvuḥ pṛthivīpālāḥ sarvaiḥ samuditā guṇaiḥ

Her five husbands, the sons of Nitantu, bulls among kshatriyas, were protectors of the earth, endowed with every virtue.

Verse 51 (1.214.51)

तेषामेकाभवद्भार्या राज्ञामौशीनरी शुभा । भौमाश्वी नाम भद्रं ते तथारूपगुणान्विता ॥

teṣāmekābhavadbhāryā rājñāmauśīnarī śubhā | bhaumāśvī nāma bhadraṃ te tathārūpaguṇānvitā

Those kings had one wife, the fair princess of the Ushinaras, Bhaumashvi by name (blessings on you), endowed with beauty and virtue.

Verse 52 (1.214.52)

पञ्चभ्यः पञ्चधा पञ्च दायादान्सा व्यजायत । तेभ्यो नैतन्तवेभ्यस्तु राजशार्दूल वै तदा ॥

pañcabhyaḥ pañcadhā pañca dāyādānsā vyajāyata | tebhyo naitantavebhyastu rājaśārdūla vai tadā

From the five she bore five heirs, one by each, to those sons of Nitantu, O tiger among kings.

Verse 53 (1.214.53)

पृथगाख्याऽभवत्तेषां भ्रातॄणां पञ्चधा भुवि । यथावत्कीर्त्यमानांस्ताञ्छृणु मे राजसत्तम ॥

pṛthagākhyā'bhavatteṣāṃ bhrātṝṇāṃ pañcadhā bhuvi | yathāvatkīrtyamānāṃstāñchṛṇu me rājasattama

The five brothers' lines became known on earth by five separate names. Hear them, best of kings, as they are rightly told.

Verse 54 (1.214.54)

साल्वेयाः शूरसेनाश्च श्रुतसेनाश्च पार्थिवाः । तिन्दुसारातिसाराश्च वंशा एषां नृपोत्तम ॥

sālveyāḥ śūrasenāśca śrutasenāśca pārthivāḥ | tindusārātisārāśca vaṃśā eṣāṃ nṛpottama

The Salveyas, the Shurasenas, the Shrutasena kings, the Tindusaras and the Atisaras: these are their dynasties, best of kings.

Verse 55 (1.214.55)

एवमेकाऽभवद्भार्या भौमाश्वी भुवि विश्रुता । तथैव द्रुपदैषा ते सुता वै देवरूपिणी । पञ्चानां विहिता पत्नी कृष्णा पार्षत्यनिन्दिता ॥

evamekā'bhavadbhāryā bhaumāśvī bhuvi viśrutā | tathaiva drupadaiṣā te sutā vai devarūpiṇī | pañcānāṃ vihitā patnī kṛṣṇā pārṣatyaninditā

Thus Bhaumashvi, renowned on earth, was the one wife of five; and in the same way, Drupada, this daughter of yours of divine form, the blameless Krishna Parshati, has been ordained as wife to the five.

Note on the text: Removed a stray wiki quote mark at the end of the verse. Not in the critical edition (found in the vulgate recension); the critical edition gives this passage only in its apparatus (Appendix I, No. 101).

Verse 56 (1.214.56)

आसीत्तपोवने काचिदृषेः कन्या महात्मनः । नाध्यगच्छत्पतिं सा तु कन्या रूपवती सती ॥

āsīttapovane kācidṛṣeḥ kanyā mahātmanaḥ | nādhyagacchatpatiṃ sā tu kanyā rūpavatī satī

In a penance grove there lived the daughter of a great-souled sage. Beautiful and virtuous though she was, she found no husband.

Note on the text: Corrected तपोवंने → तपोवने (misprint in Wikisource; stray anusvara; the critical edition reads tapovane).

Verse 57 (1.214.57)

तोषयामास तपसा सा किलोग्रेण शङ्करम् । तामुवाचेश्वरः प्रीतो वृणु काममिति स्वयम् ॥

toṣayāmāsa tapasā sā kilogreṇa śaṅkaram | tāmuvāceśvaraḥ prīto vṛṇu kāmamiti svayam

By fierce austerity, it is said, she pleased Shankara, and the Lord, pleased, said to her himself: 'Choose what you desire.'

Verse 58 (1.214.58)

सैवमुक्ताऽब्रवीत्कन्या देवं वरदमीश्वरम् । पतिं सर्वगुणोपेतमिच्छामीति पुनःपुनः ॥

saivamuktā'bravītkanyā devaṃ varadamīśvaram | patiṃ sarvaguṇopetamicchāmīti punaḥpunaḥ

So addressed, the maiden said to the Lord, the giver of boons, again and again: 'I want a husband endowed with every virtue.'

Verse 59 (1.214.59)

ददौ तस्यै स देवेशस्तं वरं प्रीतमानसः । पञ्च ते पतयो भद्रे भविष्यन्तीति शङ्करः ॥

dadau tasyai sa deveśastaṃ varaṃ prītamānasaḥ | pañca te patayo bhadre bhaviṣyantīti śaṅkaraḥ

The lord of the gods, pleased at heart, granted her that boon. 'You will have five husbands, good lady,' said Shankara.

Verse 60 (1.214.60)

सा प्रसादयती देवमिदं भूयोऽभ्यभाषत । एकं पतिं गुणोपेतं त्वत्तोऽर्हामीति शङ्कर ॥

sā prasādayatī devamidaṃ bhūyo'bhyabhāṣata | ekaṃ patiṃ guṇopetaṃ tvatto'rhāmīti śaṅkara

Seeking to placate the god, she spoke again: 'From you, Shankara, I deserve one husband endowed with virtue.'

Verse 61 (1.214.61)

तां देवदेवः प्रीतात्मा पुनः प्राह शुभं वचः । पञ्चकृत्वस्त्वयोक्तोऽहं पतिं देहीति वै पुनः ॥

tāṃ devadevaḥ prītātmā punaḥ prāha śubhaṃ vacaḥ | pañcakṛtvastvayokto'haṃ patiṃ dehīti vai punaḥ

The god of gods, pleased, again spoke kind words to her: 'Five times you said to me, "Give me a husband."

Note on the text: Line 1 corresponds to the critical edition 1.189.45c and line 2 to 1.189.46a.

Verse 62 (1.214.62)

तत्तथा भविता भद्रे वचस्तद्भद्रमस्तु ते । देहमन्यं गतायास्ते सर्वमेतद्भविष्यति ॥

tattathā bhavitā bhadre vacastadbhadramastu te | dehamanyaṃ gatāyāste sarvametadbhaviṣyati

So it shall be, good lady; may it go well with you. When you have passed into another body, all this will come to pass.'

Note on the text: Speaker: Shankara's words, without a printed heading.

Verse 63 (1.214.63)

द्रुपदैषा हि सा जज्ञे सुता वै देवरूपिणी । पञ्चानां विहिता पत्नी कृष्णा पार्षत्यनिन्दिता ॥

drupadaiṣā hi sā jajñe sutā vai devarūpiṇī | pañcānāṃ vihitā patnī kṛṣṇā pārṣatyaninditā

And she was born as this daughter of yours, Drupada, of divine form: the blameless Krishna Parshati, ordained to be the wife of five.

Verse 64 (1.214.64)

सैव नालायनी भूत्वा रूपेणाप्रतिमा भुवि । मौद्गल्यं पतिमास्थाय शिवाद्वरमभीप्सती ॥

saiva nālāyanī bhūtvā rūpeṇāpratimā bhuvi | maudgalyaṃ patimāsthāya śivādvaramabhīpsatī

She herself, as Nalayani, matchless in beauty on earth, had taken Maudgalya as her husband and sought a boon from Shiva.

Note on the text: Removed a stray wiki mark (`) at the start of the verse. Not in the critical edition (found in the vulgate recension); the critical edition gives it only in its apparatus (Appendix I, No. 102).

Verse 65 (1.214.65)

एतद्देवरहस्यं ते श्रावितं राजसत्तम । नाख्यातव्यं कस्यचिद्वै देवगुह्यमिदं यतः ॥

etaddevarahasyaṃ te śrāvitaṃ rājasattama | nākhyātavyaṃ kasyacidvai devaguhyamidaṃ yataḥ

This secret of the gods I have told you, best of kings. It must not be told to anyone, for it is a mystery of the gods.

Note on the text: Removed a stray wiki quote mark and doubled danda at the end of the verse. Not in the critical edition (found in the vulgate recension).

Verse 66 (1.214.66)

स्वर्गश्रीः पाण्डवार्थं तु समुत्पन्ना महामखे । सेह तप्त्वा तपो घोरं दुहितृत्वं तवागता ॥

svargaśrīḥ pāṇḍavārthaṃ tu samutpannā mahāmakhe | seha taptvā tapo ghoraṃ duhitṛtvaṃ tavāgatā

The Shri of heaven was born at the great sacrifice for the sake of the Pandavas; having performed terrible austerities here, she has come to be your daughter.

Verse 67 (1.214.67)

सैषा देवी रुचिरा देवजुष्टा । पञ्चानामेका स्वकृतेनेह कर्मणा । सृष्टा स्वयं देवपत्नी स्वयंभुवा । श्रुत्वा राजन्द्रुपदेष्टं कुरुष्व ॥

saiṣā devī rucirā devajuṣṭā | pañcānāmekā svakṛteneha karmaṇā | sṛṣṭā svayaṃ devapatnī svayaṃbhuvā | śrutvā rājandrupadeṣṭaṃ kuruṣva

This lovely goddess, cherished by the gods, was created by the Self-born himself, through her own deeds, to be the one divine wife of the five. Now that you have heard this, King Drupada, do as you wish.