Draupadi Weds the Five Pandavas

Verse 1 (1.215.1)

अश्रुत्वैवं वचनं ते महर्षे । मया पूर्वं यतितं संविधातुम् । न वै शक्यं विहितस्यापयानं । तदेवेदमुपपन्नं विधानम् ॥

aśrutvaivaṃ vacanaṃ te maharṣe | mayā pūrvaṃ yatitaṃ saṃvidhātum | na vai śakyaṃ vihitasyāpayānaṃ | tadevedamupapannaṃ vidhānam

Before I heard these words of yours, great seer, I tried to arrange matters otherwise. But what has been ordained cannot be turned aside; this, then, is the arrangement that has come to pass.

Verse 2 (1.215.2)

दिष्टस्य ग्रन्थिरनिवर्तनीयः । स्वकर्मणा विहितं तेन किंचित् । कृतं निमित्तमिह नैकहेतो- । स्तदेवेदमुपपन्नं विधानम् ॥

diṣṭasya granthiranivartanīyaḥ | svakarmaṇā vihitaṃ tena kiṃcit | kṛtaṃ nimittamiha naikaheto- | stadevedamupapannaṃ vidhānam

The knot of destiny cannot be undone; what is ordained comes about through one's own former deeds. The means appointed here served more than a single end; this, then, is the arrangement that has come to pass.

Note on the text: Corrected उपन्नं → उपपन्नं (misprint in Wikisource; dropped akshara, the line is a syllable short; the critical edition reads upapannaṃ).

Verse 3 (1.215.3)

यथैव कृष्णोक्तवती पुरस्ता- । न्नैकान्पतीन्मे भगवान्ददातु । स चाप्येवं वरमित्यब्रवीत्तां । देवो हि वेत्ता परमं यदत्र ॥

yathaiva kṛṣṇoktavatī purastā- | nnaikānpatīnme bhagavāndadātu | sa cāpyevaṃ varamityabravīttāṃ | devo hi vettā paramaṃ yadatra

Just as Krishna once said, 'Let the Lord give me many husbands,' so too the god said to her, 'Such is your boon.' The god knows what is highest in this.

Verse 4 (1.215.4)

यदि चैवं विहितः शङ्करेण । धर्मोऽधर्मो वा नात्र ममापराधः । गृह्णन्त्विमे विधिवत्पाणिमस्या । यथोपजोषं विहितैषां हि कृष्णा ॥

yadi caivaṃ vihitaḥ śaṅkareṇa | dharmo'dharmo vā nātra mamāparādhaḥ | gṛhṇantvime vidhivatpāṇimasyā | yathopajoṣaṃ vihitaiṣāṃ hi kṛṣṇā

If Shankara has ordained this, be it dharma or adharma, the fault here is not mine. Let these men take her hand according to rite, as they please; Krishna is ordained for them.

Note on the text: Corrected विधितत् → विधिवत् (misprint in Wikisource; विधितत् is not a word; the critical edition reads vidhivat).

Verse 5 (1.215.5)

नायं विधिर्मानुषाणां विवाहे । देवा ह्येते द्रौपदी चापि लक्ष्मीः । प्राक्कर्मणः सुकृतात्पाण्डवानां । पञ्चानां भार्या देवदेवप्रसादात् ॥

nāyaṃ vidhirmānuṣāṇāṃ vivāhe | devā hyete draupadī cāpi lakṣmīḥ | prākkarmaṇaḥ sukṛtātpāṇḍavānāṃ | pañcānāṃ bhāryā devadevaprasādāt

This is not the rule for the marriages of men. These are gods, and Draupadi is Lakshmi. Because of the Pandavas' good deeds in a former life, and by the grace of the god of gods, she is the wife of the five.

Note on the text: Not in the critical edition (found in the vulgate recension).

Verse 6 (1.215.6)

तेषामेवायं विहितः स्याद्विवाहो । यथा ह्येष द्रौपदीपाण्डवानाम् । अन्येषां नृणां योषितां च । न धर्मः स्यान्मानवोक्तो नरेन्द्र ॥

teṣāmevāyaṃ vihitaḥ syādvivāho | yathā hyeṣa draupadīpāṇḍavānām | anyeṣāṃ nṛṇāṃ yoṣitāṃ ca | na dharmaḥ syānmānavokto narendra

Such a marriage can be ordained only for them, as this one of Draupadi and the Pandavas is; for other men and women it is not a dharma taught by Manu, lord of men.

Note on the text: Not in the critical edition (found in the vulgate recension).

Verse 7 (1.215.7)

तत आजग्मतुस्तत्र तौ व्यासद्रुपदावुभौ । कुन्ती सपुत्रा यत्रास्ते धृष्टद्युम्नश्च पार्षतः । ततो द्वैपायनः कृष्णो युधिष्ठिरमथागमत् ॥

tata ājagmatustatra tau vyāsadrupadāvubhau | kuntī saputrā yatrāste dhṛṣṭadyumnaśca pārṣataḥ | tato dvaipāyanaḥ kṛṣṇo yudhiṣṭhiramathāgamat

Then Vyasa and Drupada both came to where Kunti was with her sons, and Dhrishtadyumna, son of Prishata. Then Krishna Dvaipayana approached Yudhishthira.

Note on the text: Removed a stray wiki quote mark and doubled danda at the end of the verse. Not in the critical edition (found in the vulgate recension).

Verse 8 (1.215.8)

ततोऽब्रवीद्भगवान्धर्मराज- । मद्यैव पुण्येऽहनि पाण्डवेय । पुण्ये पुष्ये योगमुपैति चन्द्रमाः । पाणिं कृष्णायास्त्वं गृहाणाद्य पूर्वं ॥

tato'bravīdbhagavāndharmarāja- | madyaiva puṇye'hani pāṇḍaveya | puṇye puṣye yogamupaiti candramāḥ | pāṇiṃ kṛṣṇāyāstvaṃ gṛhāṇādya pūrvaṃ

The Blessed One said to the Dharma King: 'Today is a holy day, son of Pandu. The moon is entering conjunction with the holy asterism Pushya. Take Krishna's hand today, first of all.'

Verse 9 (1.215.9)

एवमुक्त्वा धर्मराजं भीमादीनप्यभाषत ॥

evamuktvā dharmarājaṃ bhīmādīnapyabhāṣata

Having said this to the Dharma King, he spoke also to Bhima and the others:

Note on the text: Removed a stray wiki mark (`) at the start of the verse. Not in the critical edition (found in the vulgate recension).

Verse 10 (1.215.10)

क्रमेण पुरुषव्याघ्राः पाणिं गृह्णन्तु पाणिभिः । एवमेव मया सर्वं दृष्टमेतत्पुराऽनघाः ॥

krameṇa puruṣavyāghrāḥ pāṇiṃ gṛhṇantu pāṇibhiḥ | evameva mayā sarvaṃ dṛṣṭametatpurā'naghāḥ

'Tigers among men, take her hand in your hands, one by one in order. Just so did I foresee all of this long ago, sinless ones.'

Note on the text: Speaker: Vyasa's words, without a printed heading. Not in the critical edition (found in the vulgate recension).

Verse 11 (1.215.11)

ततो राजा यज्ञसेनः सपुत्रो । जन्यार्थयुक्तं बहु तत्तदग्र्यम् । समर्थयामास महानुभावो । हृष्टः सपुत्रः सहबन्धुवर्गः । समानयामास सुतां च कृष्णा- । माप्लाव्य रत्नैर्बहुभिर्विभूष्य ॥

tato rājā yajñasenaḥ saputro | janyārthayuktaṃ bahu tattadagryam | samarthayāmāsa mahānubhāvo | hṛṣṭaḥ saputraḥ sahabandhuvargaḥ | samānayāmāsa sutāṃ ca kṛṣṇā- | māplāvya ratnairbahubhirvibhūṣya

Then King Yajnasena with his sons brought together the many choice things fit for the bridal party. The noble king, joyful, with his sons and all his kin, made everything ready, and he brought his daughter Krishna, bathed and adorned with many jewels.

Note on the text: Corrected जन्यार्थणुक्तं → जन्यार्थयुक्तं (misprint in Wikisource; ण for य; the critical edition reads janyārtha yuktaṃ). Removed stray wiki quote marks around lines 3–4, which are not in the critical edition (found in the vulgate recension).

Verse 12 (1.215.12)

ततस्तु सर्वे सुहृदो नृपस्य । समाजग्मुः सहिता मन्त्रिणश्च । द्रष्टुं विवाहं परमप्रतीता । द्विजाश्च पौराश्च यथाप्रधानाः ॥

tatastu sarve suhṛdo nṛpasya | samājagmuḥ sahitā mantriṇaśca | draṣṭuṃ vivāhaṃ paramapratītā | dvijāśca paurāśca yathāpradhānāḥ

Then all the king's friends, together with his counsellors, came in great delight to see the wedding, and so did the brahmins and the townsfolk, in order of rank.

Verse 13 (1.215.13)

ततोऽस्य वेश्माग्र्यजनोपशोभितं । विस्तीर्णपद्मोत्पलभूषिताजिरम् । बलौघरत्नौघविचित्रमाबभौ । नभो यथा निर्मलतारकान्वितम् ॥

tato'sya veśmāgryajanopaśobhitaṃ | vistīrṇapadmotpalabhūṣitājiram | balaugharatnaughavicitramābabhau | nabho yathā nirmalatārakānvitam

Then his mansion, graced by the foremost people, its courtyard decked with spreading lotuses and water lilies, bright with throngs of troops and heaps of jewels, shone like the sky studded with clear stars.

Verse 14 (1.215.14)

ततस्तु ते कौरवराजपुत्रा । विभूषिताः कुण्डलिनो युवानः । महार्हवस्त्राम्बरचन्दनोक्षिताः । कृताभिषेकाः कृतमङ्गलक्रियाः ॥

tatastu te kauravarājaputrā | vibhūṣitāḥ kuṇḍalino yuvānaḥ | mahārhavastrāmbaracandanokṣitāḥ | kṛtābhiṣekāḥ kṛtamaṅgalakriyāḥ

Then those princes of the Kuru line, young, adorned, wearing earrings, dressed in costly garments and sprinkled with sandal paste, having bathed and performed the auspicious rites,

Verse 15 (1.215.15)

पुरोहितेनाग्निसमानवर्चसा । सहैव धौम्येन यथाविधि प्रभो । क्रमेण सर्वे विविशुस्ततः सदो । महर्षभा गोष्ठमिवाभिनन्दिनः ॥

purohitenāgnisamānavarcasā | sahaiva dhaumyena yathāvidhi prabho | krameṇa sarve viviśustataḥ sado | maharṣabhā goṣṭhamivābhinandinaḥ

together with their priest Dhaumya, whose splendour equalled fire, entered the hall one after another according to rite, O lord, rejoicing like great bulls entering a cattle pen.

Note on the text: Corrected यताविधि → यथाविधि (misprint in Wikisource; त for थ; the critical edition reads yathāvidhi).

Verse 16 (1.215.16)

ततः समाधाय स वेदपारगो । जुहाव मन्त्रैर्ज्वलितं हुताशनम् । युधिष्ठिरं चाप्युपनीय मन्त्रवि- । न्नियोजयामास सहैव कृष्णया ॥

tataḥ samādhāya sa vedapārago | juhāva mantrairjvalitaṃ hutāśanam | yudhiṣṭhiraṃ cāpyupanīya mantravi- | nniyojayāmāsa sahaiva kṛṣṇayā

Then the master of the Vedas kindled the fire and made offerings with mantras into the blazing flame; and, knowing the mantras, he led Yudhishthira forward and joined him with Krishna.

Note on the text: Corrected वेदपरागो → वेदपारगो (misprint in Wikisource; transposed vowel; the critical edition reads vedapārago).

Verse 17 (1.215.17)

प्रदक्षिणं तौ प्रगृहीतपाणी । समानयामास स वेदपारगः । विप्रांश्च संतर्प्य युधिष्ठिरो धनै- । र्गोभिश्च रत्नैर्विविधैश्च पूर्वम् ॥

pradakṣiṇaṃ tau pragṛhītapāṇī | samānayāmāsa sa vedapāragaḥ | viprāṃśca saṃtarpya yudhiṣṭhiro dhanai- | rgobhiśca ratnairvividhaiśca pūrvam

The master of the Vedas led the two around the fire, hand in hand. Yudhishthira had first satisfied the brahmins with wealth, cattle and jewels of many kinds.

Note on the text: Corrected वेदपरागः → वेदपारगः (misprint in Wikisource; transposed vowel; the critical edition reads vedapāragaḥ). Removed a stray wiki mark (`). Lines 1–2 correspond to the critical edition 1.190.12ab; lines 3–4 are not in the critical edition (found in the vulgate recension).

Verse 18 (1.215.18)

तदा स राजा द्रुपदस्य पुत्रिका- । पाणिं प्रजग्राह हुताशनाग्रतः । धौम्येन मन्त्रैर्विधिवद्धुतेऽग्नौ । सहाग्निकल्पैर्ऋषिभिः समेत्य ॥

tadā sa rājā drupadasya putrikā- | pāṇiṃ prajagrāha hutāśanāgrataḥ | dhaumyena mantrairvidhivaddhute'gnau | sahāgnikalpairṛṣibhiḥ sametya

Then that king took the hand of Drupada's daughter before the fire, while Dhaumya duly made offerings into the fire with mantras, joined by seers who were like fire themselves.

Note on the text: Corrected विधिवद्भुतेऽग्नौ → विधिवद्धुतेऽग्नौ (misprint in Wikisource; भुते for हुते, "offered into"). Not in the critical edition (found in the vulgate recension).

Verse 19 (1.215.19)

ततोऽन्तरिक्षात्कुसुमानि पेतु- । र्ववौ च वायुः सुमनोज्ञगन्धः । ततोऽभ्यनुज्ञाप्य समाजशोभितं । युधिष्ठिरं राजपुरोहितस्तदा ॥

tato'ntarikṣātkusumāni petu- | rvavau ca vāyuḥ sumanojñagandhaḥ | tato'bhyanujñāpya samājaśobhitaṃ | yudhiṣṭhiraṃ rājapurohitastadā

Then flowers fell from the sky, and a breeze blew, fragrant and delightful. Then the royal priest, having taken leave of Yudhishthira, who shone in the assembly,

Note on the text: Lines 3–4 loosely correspond to the critical edition 1.190.12cd; lines 1–2 are not in the critical edition (found in the vulgate recension).

Verse 20 (1.215.20)

विप्रांश्च सर्वान्सुहृदश्च राज्ञः । समेत्य राजानमदीनसत्वम् । जगाद भूयोऽपि महानुभावो । वचोऽर्थयुक्तं मनुजेश्वरं तम् ॥

viprāṃśca sarvānsuhṛdaśca rājñaḥ | sametya rājānamadīnasatvam | jagāda bhūyo'pi mahānubhāvo | vaco'rthayuktaṃ manujeśvaraṃ tam

and having met all the brahmins and the friends of the king, the noble priest went to the king of undaunted spirit and spoke once more to that lord of men, in words full of meaning:

Note on the text: Not in the critical edition (found in the vulgate recension).

Verse 21 (1.215.21)

गृह्णन्त्वथान्ये नरदेवकन्या- । पाणिं यथावन्नरदेवपुत्राः । तमभ्यनन्दद्द्रुपदस्तथा द्विजं । तथा कुरुष्वेति तमादिदेश ॥

gṛhṇantvathānye naradevakanyā- | pāṇiṃ yathāvannaradevaputrāḥ | tamabhyanandaddrupadastathā dvijaṃ | tathā kuruṣveti tamādideśa

'Now let the other princes take the hand of the king's daughter, as is proper.' Drupada welcomed the brahmin's words and bade him, 'Do so.'

Note on the text: Not in the critical edition (found in the vulgate recension).

Verse 22 (1.215.22)

पुरोहितस्यानुमतेन राज्ञ- । स्ते राजपुत्रा मुदिता बभूवुः । क्रमेण चान्ये च नराधिपात्मजा । वरस्त्रियास्ते जगृहुः करं तदा ॥

purohitasyānumatena rājña- | ste rājaputrā muditā babhūvuḥ | krameṇa cānye ca narādhipātmajā | varastriyāste jagṛhuḥ karaṃ tadā

With the priest's consent, the king's sons rejoiced; and then, in order, the other princes took the hand of that excellent woman,

Note on the text: Removed a stray wiki quote mark and doubled danda at the end of the verse. Lines 3–4 correspond to the critical edition 1.190.13ab; lines 1–2 are not in the critical edition (found in the vulgate recension).

Verse 23 (1.215.23)

अहन्यहन्युत्तमरूपधारिणो । महारथाः कौरववंशवर्धनाः ॥

ahanyahanyuttamarūpadhāriṇo | mahārathāḥ kauravavaṃśavardhanāḥ

day after day, those great chariot-warriors of surpassing beauty, who increased the line of the Kurus.

Verse 24 (1.215.24)

इदं च तत्राद्भुतरूपमुत्तमं । जगाद देवर्षिरतीतमानुषम् । महानुभावा किल सा सुमध्यमा । बभूव कन्यैव गते गतेऽहनि ॥

idaṃ ca tatrādbhutarūpamuttamaṃ | jagāda devarṣiratītamānuṣam | mahānubhāvā kila sā sumadhyamā | babhūva kanyaiva gate gate'hani

And there the divine seer told of this wondrous, superhuman marvel: that the noble, slender-waisted lady, it is said, became a maiden again as each day passed.

Verse 25 (1.215.25)

पतिश्वशुरता ज्येष्ठे पतिदेवरताऽनुजे । मध्यमेषु च पाञ्चाल्यास्त्रितयं त्रितयं त्रिषु ॥

patiśvaśuratā jyeṣṭhe patidevaratā'nuje | madhyameṣu ca pāñcālyāstritayaṃ tritayaṃ triṣu

To the Panchala princess the eldest was both husband and, as the eldest brother, like a father-in-law; the youngest was both husband and younger brother-in-law; and each of the three in the middle stood to her in all three relations.

Note on the text: Removed stray wiki marks at the start and end of the verse. Not in the critical edition (found in the vulgate recension).

Verse 26 (1.215.26)

कृते विवाहे द्रुपदो धनं ददौ । महारथेभ्यो बहुरूपमुत्तमम् । शतं रथानां वरहेममालिनां । चतुर्युजां हेमखलीनमालिनाम् ॥

kṛte vivāhe drupado dhanaṃ dadau | mahārathebhyo bahurūpamuttamam | śataṃ rathānāṃ varahemamālināṃ | caturyujāṃ hemakhalīnamālinām

When the marriage was done, Drupada gave the great chariot-warriors wealth of many kinds, of the finest: a hundred chariots hung with fine gold, each drawn by four horses with golden bridles,

Verse 27 (1.215.27)

शतं गजानामपि पद्मिनां तथा । शतं गिरीणामिव हेमशृङ्गिणाम् । तथैव दासीशतमग्र्ययौवनं । महार्हवेषाभरणाम्बरस्रजम् ॥

śataṃ gajānāmapi padmināṃ tathā | śataṃ girīṇāmiva hemaśṛṅgiṇām | tathaiva dāsīśatamagryayauvanaṃ | mahārhaveṣābharaṇāmbarasrajam

a hundred elephants with lotus markings, like a hundred mountains with golden peaks, and likewise a hundred maidservants in the prime of youth, with costly dress, ornaments, garments and garlands.

Note on the text: Corrected गिरिणामिव → गिरीणामिव (misprint in Wikisource; the genitive plural of गिरि is गिरीणाम्; the critical edition reads girīṇām).

Verse 28 (1.215.28)

पृथक्पृथग्दिव्यदृशां पुनर्ददौ । तदा धनं सौमकिरग्निसाक्षिकम् । तथैव वस्त्राणि विभूषणानि । प्रभावयुक्तानि महानुभावः ॥

pṛthakpṛthagdivyadṛśāṃ punardadau | tadā dhanaṃ saumakiragnisākṣikam | tathaiva vastrāṇi vibhūṣaṇāni | prabhāvayuktāni mahānubhāvaḥ

Then the noble descendant of Somaka gave wealth again, with the fire as witness, to each of those godlike men separately, and also garments and ornaments of great worth.

Verse 29 (1.215.29)

कृते विवाहे च ततस्तु पाण्डवाः । प्रभूतरत्नामुपलभ्य तां श्रियम् । विजह्रुरिन्द्रप्रतिमा महाबलाः । पुरे तु पाञ्चालनृपस्य तस्य ह ॥

kṛte vivāhe ca tatastu pāṇḍavāḥ | prabhūtaratnāmupalabhya tāṃ śriyam | vijahrurindrapratimā mahābalāḥ | pure tu pāñcālanṛpasya tasya ha

When the marriage was done, the Pandavas, mighty and like Indra, having gained that Shri rich in jewels, took their pleasure in the city of the Panchala king.