Kunti Blesses Draupadi; Krishna's Wedding Gifts

Verse 1 (1.216.1)

पाण्डवैः सह संयोगं गतस्य द्रुपदस्य ह । न बभूव भयं किंचिद्देवेभ्योऽपि कथंचन ॥

pāṇḍavaiḥ saha saṃyogaṃ gatasya drupadasya ha | na babhūva bhayaṃ kiṃciddevebhyo'pi kathaṃcana

Once Drupada had become allied with the Pandavas, he had no fear at all of anyone, not even of the gods.

Note on the text: Speaker heading printed as वैशंपायन, normalised to वैशम्पायन.

Verse 2 (1.216.2)

कुन्तीमासाद्य ता नार्यो द्रुपदस्य महात्मनः । नाम संकीर्तयन्त्योऽस्या जग्मुः पादौ स्वमूर्धभिः ॥

kuntīmāsādya tā nāryo drupadasya mahātmanaḥ | nāma saṃkīrtayantyo'syā jagmuḥ pādau svamūrdhabhiḥ

The women of the great-souled Drupada came to Kunti and, announcing their names, touched her feet with their heads.

Verse 3 (1.216.3)

कृष्णा च क्षौमसंवीता कृतकौतुकमङ्गला । कृताभिवादना श्वश्र्वास्तस्थौ प्रह्वा कृताञ्जलिः ॥

kṛṣṇā ca kṣaumasaṃvītā kṛtakautukamaṅgalā | kṛtābhivādanā śvaśrvāstasthau prahvā kṛtāñjaliḥ

Krishna (Draupadi), clad in fine linen, the auspicious wedding rites performed for her, greeted her mother-in-law and stood before her humbly with joined palms.

Verse 4 (1.216.4)

रूपलक्षणसंपन्नां शीलाचारसमन्विताम् । द्रौपदीमवदत्प्रेम्णा पृथाशीर्वचनं स्नुषाम् ॥

rūpalakṣaṇasaṃpannāṃ śīlācārasamanvitām | draupadīmavadatpremṇā pṛthāśīrvacanaṃ snuṣām

To Draupadi, her daughter-in-law, endowed with beauty and auspicious marks and rich in good character and conduct, Pritha lovingly spoke these words of blessing:

Verse 5 (1.216.5)

यथेन्द्राणी हरिहये स्वाहा चैव विभावसौ । रोहिणी च यथा सोमे दमयन्ती यथा नले ॥

yathendrāṇī harihaye svāhā caiva vibhāvasau | rohiṇī ca yathā some damayantī yathā nale

"As Indrani is devoted to Indra, lord of the bay horses, and Svaha to Fire; as Rohini is to the Moon, and Damayanti to Nala;

Note on the text: Kunti's blessing to Draupadi (introduced in verse 4) runs through verse 12; Wikisource prints no speaker line for it and carries वैशंपायन over.

Verse 6 (1.216.6)

यथा वैश्रवणे भद्रा वसिष्ठे चाप्यरुन्धती । यथा नारायणे लक्ष्मीस्तथा त्वं भव भर्तृषु ॥

yathā vaiśravaṇe bhadrā vasiṣṭhe cāpyarundhatī | yathā nārāyaṇe lakṣmīstathā tvaṃ bhava bhartṛṣu

as Bhadra is to Vaishravana, Arundhati to Vasishtha, and Lakshmi to Narayana, so may you be to your husbands.

Verse 7 (1.216.7)

जीवसूर्वीरसूर्भद्रे बहुसौख्यसमन्विता । सुभगा भोगसंपन्ना यज्ञपत्नी पतिव्रता ॥

jīvasūrvīrasūrbhadre bahusaukhyasamanvitā | subhagā bhogasaṃpannā yajñapatnī pativratā

Gentle one, may you be the mother of living sons and of heroes, blessed with every happiness, fortunate, rich in enjoyments, a partner in sacrifice, and faithful to your husbands.

Verse 8 (1.216.8)

अतिथीनागतान्साधून्वृद्धान्बालांस्तथा गुरून् । पूजयन्त्या यथान्यायं शश्वद्गच्छन्तु ते समाः ॥

atithīnāgatānsādhūnvṛddhānbālāṃstathā gurūn | pūjayantyā yathānyāyaṃ śaśvadgacchantu te samāḥ

May your years pass on and on as you honour, as is fitting, the guests who come to you, the virtuous, the old, the young and your elders.

Note on the text: Corrected वृद्दान् → वृद्धान् (misprint in Wikisource; broken conjunct, the critical edition reads "vṛddhān").

Verse 9 (1.216.9)

कुरुजाङ्गलमुख्येषु राष्ट्रेषु नगरेषु च । अनु त्वमभिषिच्यस्व नृपतिं धर्मवत्सला ॥

kurujāṅgalamukhyeṣu rāṣṭreṣu nagareṣu ca | anu tvamabhiṣicyasva nṛpatiṃ dharmavatsalā

In the chief kingdoms and cities of Kurujangala, may you, devoted to dharma, be consecrated together with the king.

Verse 10 (1.216.10)

पतिभिर्निर्जितामुर्वीं विक्रमेण महाबलैः । कुरु ब्राह्मणसात्सर्वामश्वमेधे महाक्रतौ ॥

patibhirnirjitāmurvīṃ vikrameṇa mahābalaiḥ | kuru brāhmaṇasātsarvāmaśvamedhe mahākratau

The whole earth that your mighty husbands win by their valour, give it all to the brahmins at the great sacrifice of the Ashvamedha.

Verse 11 (1.216.11)

पृथिव्यां यानि रत्नानि गुणवन्ति गुणान्विते । तान्याप्नुहि त्वं कल्याणि सुखिनी शरदां शतं ॥

pṛthivyāṃ yāni ratnāni guṇavanti guṇānvite | tānyāpnuhi tvaṃ kalyāṇi sukhinī śaradāṃ śataṃ

Whatever precious things of excellence there are on earth, virtuous and blessed one, may you obtain them, and live happily for a hundred autumns.

Verse 12 (1.216.12)

यथा च त्वाऽभिनन्दामि वध्वद्य क्षौमसंवृताम् । तथा भूयोऽभिनन्दिष्ये जातपुत्रां गुणान्वितां ॥

yathā ca tvā'bhinandāmi vadhvadya kṣaumasaṃvṛtām | tathā bhūyo'bhinandiṣye jātaputrāṃ guṇānvitāṃ

And as today I greet you, my bride, clad in linen, so shall I greet you again, virtuous one, when you have borne a son."

Verse 13 (1.216.13)

ततस्तु कृतदारेभ्यः पाण्डुभ्यः प्राहिणोद्धरिः । वैदूर्यमणिचित्राणि हैमान्याभरणानि च ॥

tatastu kṛtadārebhyaḥ pāṇḍubhyaḥ prāhiṇoddhariḥ | vaidūryamaṇicitrāṇi haimānyābharaṇāni ca

Then Hari (Krishna) sent to the Pandavas, now married, golden ornaments set with lapis and gems,

Note on the text: Speaker heading printed as वैशंपायन, normalised to वैशम्पायन.

Verse 14 (1.216.14)

वासांसि च महार्हाणि नानादेश्यानि माधवः । कम्बलाजिनरत्नानि स्पर्शवन्ति शुभानि च ॥

vāsāṃsi ca mahārhāṇi nānādeśyāni mādhavaḥ | kambalājinaratnāni sparśavanti śubhāni ca

and Madhava sent costly garments from many lands, and blankets, skins and precious things, soft to the touch and beautiful;

Verse 15 (1.216.15)

शयनासनयानानि विविधानि महान्ति च । वैदूर्यवज्रचित्राणि शतशो भाजनानि च ॥

śayanāsanayānāni vividhāni mahānti ca | vaidūryavajracitrāṇi śataśo bhājanāni ca

beds, seats and carriages of many kinds, all of them large, and vessels by the hundred, inlaid with lapis and diamonds.

Verse 16 (1.216.16)

रूपयौवनदाक्षिण्यैरुपेताश्च स्वलङ्कृताः । प्रेष्याः संप्रददौ कृष्णो नानादेश्याः स्वलङ्कृताः ॥

rūpayauvanadākṣiṇyairupetāśca svalaṅkṛtāḥ | preṣyāḥ saṃpradadau kṛṣṇo nānādeśyāḥ svalaṅkṛtāḥ

Krishna also gave serving-women from many lands, endowed with beauty, youth and courtesy, and finely adorned;

Verse 17 (1.216.17)

गजान्विनीतान्भद्रांश्च सदश्वांश्च स्वलङ्कृतान् । रथांश्च दान्तान्सौवर्णैः शुभ्रैः पट्टैरलङ्कृतान् ॥

gajānvinītānbhadrāṃśca sadaśvāṃśca svalaṅkṛtān | rathāṃśca dāntānsauvarṇaiḥ śubhraiḥ paṭṭairalaṅkṛtān

well-trained, noble elephants and fine horses, richly caparisoned, and chariots of ivory adorned with bright golden plates.

Verse 18 (1.216.18)

कोटिशश्च सुवर्णं च तेषामकृतकं तथा । वीथीकृतममेयात्मा प्राहिणोन्मधुसूदनः ॥

koṭiśaśca suvarṇaṃ ca teṣāmakṛtakaṃ tathā | vīthīkṛtamameyātmā prāhiṇonmadhusūdanaḥ

Madhusudana, whose soul is beyond measure, also sent them gold by the crore, and unwrought gold as well, laid out in rows.

Verse 19 (1.216.19)

तत्सर्वं प्रतिजग्राह धर्मराजो युधिष्ठिरः । मुदा परमया युक्तो गोविन्दप्रियकाम्यया ॥

tatsarvaṃ pratijagrāha dharmarājo yudhiṣṭhiraḥ | mudā paramayā yukto govindapriyakāmyayā

Yudhishthira, the King of Dharma, accepted all of it with the greatest joy, wishing to please Govinda.