Narada Visits the Pandavas

Verse 1 (1.228.1)

एवं संप्राप्य राज्यं तदिन्द्रप्रस्थे तपोधन । अत ऊर्ध्वं नरव्याघ्राः किमकुर्वत पाण्डवाः ॥

evaṃ saṃprāpya rājyaṃ tadindraprasthe tapodhana | ata ūrdhvaṃ naravyāghrāḥ kimakurvata pāṇḍavāḥ

O sage rich in austerity, once the Pandavas, tigers among men, had thus obtained the kingdom at Indraprastha, what did they do after that?

Verse 2 (1.228.2)

सर्व एव महात्मानः सर्वे मम पितामहाः । द्रौपदी धर्मपत्नी च कथं तानन्ववर्तत ॥

sarva eva mahātmānaḥ sarve mama pitāmahāḥ | draupadī dharmapatnī ca kathaṃ tānanvavartata

All of them were great-souled, all of them my grandfathers. How did Draupadi, their lawful wife, conduct herself toward them?

Verse 3 (1.228.3)

कथमासुश्च कृष्णायामेकस्यां ते नरर्षभाः । वर्तमाना महाभागा नाभिद्यन्त परस्परम् ॥

kathamāsuśca kṛṣṇāyāmekasyāṃ te nararṣabhāḥ | vartamānā mahābhāgā nābhidyanta parasparam

How did those fortunate bulls among men live with the one Krishna, and never fall out with one another?

Verse 4 (1.228.4)

श्रोतुमिच्छाम्यहं तत्र विस्तरेण यथातथम् । तेषां चेष्टितमन्योन्यं युक्तानां कृष्णया सह ॥

śrotumicchāmyahaṃ tatra vistareṇa yathātatham | teṣāṃ ceṣṭitamanyonyaṃ yuktānāṃ kṛṣṇayā saha

I wish to hear all of it in detail, just as it was: how they behaved toward one another, joined as they were with Krishna.

Verse 5 (1.228.5)

धृतराष्ट्राभ्यनुज्ञाता इन्द्रप्रस्थं प्रविश्य तत् । रेमिरे पुरुषव्याघ्राः कृष्णया सह पाण्डवाः ॥

dhṛtarāṣṭrābhyanujñātā indraprasthaṃ praviśya tat | remire puruṣavyāghrāḥ kṛṣṇayā saha pāṇḍavāḥ

With Dhritarashtra's leave the Pandavas, tigers among men, entered Indraprastha and lived there happily with Krishna.

Note on the text: Corresponds loosely to CE 1.200.5 (variant wording of the same verse).

Verse 6 (1.228.6)

प्राप्य राज्यं महातेजाः सत्यसन्धो युधिष्ठिरः । पालयामास धर्मेण पृथिवीं भ्रातृभिः सह ॥

prāpya rājyaṃ mahātejāḥ satyasandho yudhiṣṭhiraḥ | pālayāmāsa dharmeṇa pṛthivīṃ bhrātṛbhiḥ saha

Having gained the kingdom, the mighty Yudhishthira, true to his word, ruled the earth righteously together with his brothers.

Verse 7 (1.228.7)

जितारयो महात्मानः सत्यधर्मपरायणाः । एवं पुरमिदं प्राप्य तत्रोषुः पाण्डुनन्दनाः ॥

jitārayo mahātmānaḥ satyadharmaparāyaṇāḥ | evaṃ puramidaṃ prāpya tatroṣuḥ pāṇḍunandanāḥ

Their enemies conquered, the great-souled sons of Pandu, devoted to truth and dharma, came thus into this city and lived there.

Verse 8 (1.228.8)

कुर्वाणाः पौरकार्याणि सर्वाणि भरतर्षभाः । आसांचक्रुर्महार्हेषु पार्थिवेष्वासनेषु च ॥

kurvāṇāḥ paurakāryāṇi sarvāṇi bharatarṣabhāḥ | āsāṃcakrurmahārheṣu pārthiveṣvāsaneṣu ca

Carrying out all the business of the citizens, those bulls of the Bharatas sat upon costly royal seats.

Verse 9 (1.228.9)

तेषु तत्रोपविष्टेषु पाण्डवेषु महात्मसु । आययौ धर्मराजं तु द्रष्टुकामोऽथ नारदः ॥

teṣu tatropaviṣṭeṣu pāṇḍaveṣu mahātmasu | āyayau dharmarājaṃ tu draṣṭukāmo'tha nāradaḥ

Once, while the great-souled Pandavas were seated there, Narada came, wishing to see the king of dharma.

Note on the text: First line corresponds to CE 1.200.9ab; the second line is not in the critical edition (found in the vulgate recension; CE apparatus insertion *111).

Verse 10 (1.228.10)

पथा नक्षत्रजुष्टेन सुपर्णाचरितेन च । चन्द्रसूर्यप्रकाशेन सेवितेन महर्षिभिः ॥

pathā nakṣatrajuṣṭena suparṇācaritena ca | candrasūryaprakāśena sevitena maharṣibhiḥ

He came by the path frequented by the stars and travelled by Suparna, lit by the moon and the sun and used by the great seers,

Note on the text: Not in the critical edition (found in the vulgate recension; the CE prints this passage in its apparatus as insertion *111). Removed stray wiki mark (`).

Verse 11 (1.228.11)

नभस्स्थलेन दिव्येन दुर्लभेनातपस्विनाम् । भूतार्चितो भूतधरां राष्ट्रमन्दिरभूषिताम् ॥

nabhassthalena divyena durlabhenātapasvinām | bhūtārcito bhūtadharāṃ rāṣṭramandirabhūṣitām

through the divine expanse of the sky, which those without austerity can hardly reach. Honoured by all beings, he looked down upon the earth, bearer of creatures, adorned with kingdoms and dwellings,

Note on the text: Not in the critical edition (found in the vulgate recension; the CE prints this passage in its apparatus as insertion *111).

Verse 12 (1.228.12)

अवेक्षमाणो द्युतिमानाजगाम महातपाः । सर्ववेदान्तगो विप्रः सर्ववेदाङ्गपारगः ॥

avekṣamāṇo dyutimānājagāma mahātapāḥ | sarvavedāntago vipraḥ sarvavedāṅgapāragaḥ

and so the radiant one of great austerity arrived. He was a brahmin who had mastered all of the Vedanta and gone to the far shore of all the Vedangas;

Note on the text: Not in the critical edition (found in the vulgate recension; the CE prints this passage in its apparatus as insertion *111).

Verse 13 (1.228.13)

परेण तपसा युक्तो ब्राह्मेण तपसा वृतः । नये नीतौ च नियतो विश्रुतश्च महामुनिः ॥

pareṇa tapasā yukto brāhmeṇa tapasā vṛtaḥ | naye nītau ca niyato viśrutaśca mahāmuniḥ

endowed with supreme austerity and clothed in the austerity of Brahman; disciplined in policy and statecraft, a renowned great sage;

Note on the text: Not in the critical edition (found in the vulgate recension; the CE prints this passage in its apparatus as insertion *111). Corrected निस्तो → नियतो (misprint in Wikisource; निस्तो is not a word, and the CE apparatus reads niyato).

Verse 14 (1.228.14)

परात्परतरं प्राप्तो धर्मान्समभिजग्मिवान् । भावितात्मा गतरजाः शान्तो मृदुर्ऋजुर्द्विजः ॥

parātparataraṃ prāpto dharmānsamabhijagmivān | bhāvitātmā gatarajāḥ śānto mṛdurṛjurdvijaḥ

he had reached what is higher than the highest and come to know the laws of dharma; a twice-born of perfected spirit, free of passion, calm, gentle and upright;

Note on the text: Not in the critical edition (found in the vulgate recension; the CE prints this passage in its apparatus as insertion *111). Corrected दिवजः → द्विजः (misprint in Wikisource; the CE apparatus reads dvijaḥ).

Verse 15 (1.228.15)

धर्मेणाधिगतः सर्वैर्देवदानवमानुषैः । क्षीणकर्मसु पापेषु भूतेषु विविधेषु च ॥

dharmeṇādhigataḥ sarvairdevadānavamānuṣaiḥ | kṣīṇakarmasu pāpeṣu bhūteṣu vividheṣu ca

gods, demons and men all approached him in accordance with dharma; among beings of every kind, among the sinful and those whose deeds were spent,

Note on the text: Not in the critical edition (found in the vulgate recension; the CE prints this passage in its apparatus as insertion *111).

Verse 16 (1.228.16)

सर्वथा कृतमर्यादो वेदेषु विविधेषु च । शतशः सोमपा यज्ञे पुण्ये पुण्यकृदग्निचित् ॥

sarvathā kṛtamaryādo vedeṣu vividheṣu ca | śataśaḥ somapā yajñe puṇye puṇyakṛdagnicit

he had in every way set the bounds of conduct, and in the various Vedas too; he had drunk soma at sacrifices hundreds of times, a doer of holy deeds who had built the sacred fire-altar;

Note on the text: Not in the critical edition (found in the vulgate recension; the CE prints this passage in its apparatus as insertion *111).

Verse 17 (1.228.17)

ऋक्सामयजुषां वेत्ता न्यायदृग्धर्मकोविदः । ऋजुरारोहवान्वृद्धो भूयिष्ठपथिकोऽनघः ॥

ṛksāmayajuṣāṃ vettā nyāyadṛgdharmakovidaḥ | ṛjurārohavānvṛddho bhūyiṣṭhapathiko'naghaḥ

he knew the Rig, Sama and Yajur Vedas, saw clearly in reasoning and was learned in dharma; upright, tall, venerable, a great wayfarer, without blemish;

Note on the text: Not in the critical edition (found in the vulgate recension; the CE prints this passage in its apparatus as insertion *111). Corrected आरोहबान् → आरोहवान् (misprint in Wikisource; ब for व, the CE apparatus reads ārohavān).

Verse 18 (1.228.18)

श्लक्ष्णया शिखयोपेतः संपन्नः परमत्विषा । अवदाते च सूक्ष्मे च दिव्ये च रचिते शुभे ॥

ślakṣṇayā śikhayopetaḥ saṃpannaḥ paramatviṣā | avadāte ca sūkṣme ca divye ca racite śubhe

he wore a smooth topknot and was filled with supreme radiance; and two great and excellent garments, white, fine, divine, finely made and lovely,

Note on the text: Not in the critical edition (found in the vulgate recension; the CE prints this passage in its apparatus as insertion *111).

Verse 19 (1.228.19)

महेन्द्रदत्ते महती बिभ्रत्परमवाससी । जाम्बूनदमये दिव्ये गण्डूपदमुखे नवे ॥

mahendradatte mahatī bibhratparamavāsasī | jāmbūnadamaye divye gaṇḍūpadamukhe nave

given him by great Indra, he wore; and two new divine earrings of Jambu-river gold, shaped like the mouth of an earthworm,

Note on the text: Not in the critical edition (found in the vulgate recension; the CE prints this passage in its apparatus as insertion *111).

Verse 20 (1.228.20)

अग्न्यर्कसदृशे दिव्ये धारयन्कुण्डले शुभे । राजतच्छत्रमुच्छ्रित्य चित्रं परमवर्चसम् ॥

agnyarkasadṛśe divye dhārayankuṇḍale śubhe | rājatacchatramucchritya citraṃ paramavarcasam

lovely, divine and bright as fire and the sun, he wore; and he held aloft a silver parasol, many-hued and of supreme splendour.

Note on the text: Not in the critical edition (found in the vulgate recension; the CE prints this passage in its apparatus as insertion *111).

Verse 21 (1.228.21)

प्राप्य दुष्प्रापमन्येन ब्रह्मवर्चसमुत्तमम् । भवने भूमिपालस्य बृहस्पतिरिवाप्लुतः ॥

prāpya duṣprāpamanyena brahmavarcasamuttamam | bhavane bhūmipālasya bṛhaspatirivāplutaḥ

Possessed of the supreme splendour of Brahman that others can hardly win, and steeped in it, he came like Brihaspati to the palace of the king.

Note on the text: Not in the critical edition (found in the vulgate recension; the CE prints this passage in its apparatus as insertion *111).

Verse 22 (1.228.22)

संहितायां च सर्वेषां स्थितस्योपस्थितस्य च । द्विपदस्य च धर्मस्य क्रमधर्मस्य पारगः ॥

saṃhitāyāṃ ca sarveṣāṃ sthitasyopasthitasya ca | dvipadasya ca dharmasya kramadharmasya pāragaḥ

He had mastered the Samhitas of all the Vedas, in both their sthita and upasthita forms, and the pada and krama methods of recitation;

Note on the text: Not in the critical edition (found in the vulgate recension; the CE prints this passage in its apparatus as insertion *111).

Verse 23 (1.228.23)

गाथासामानुसामज्ञः साम्नां परमवल्गुनाम् । आत्मनः सर्वमोक्षिभ्यः कृतिमान्कृत्यवित्सदा ॥

gāthāsāmānusāmajñaḥ sāmnāṃ paramavalgunām | ātmanaḥ sarvamokṣibhyaḥ kṛtimānkṛtyavitsadā

he knew the gathas, the samans and the anusamans, the most melodious of chants; accomplished, he always knew what must be done for himself and for all who seek liberation;

Note on the text: Not in the critical edition (found in the vulgate recension; the CE prints this passage in its apparatus as insertion *111). Corrected गाधा सामानुसामज्ञः → गाथासामानुसामज्ञः (misprint in Wikisource; ध for थ in the compound, the CE apparatus reads gāthāsāmānusāmajñaḥ).

Verse 24 (1.228.24)

यजुर्धर्मैर्बहुविधैर्मतो मतिमतां वरः । विदितार्थः समश्चैव च्छेत्ता निगमसंशयान् ॥

yajurdharmairbahuvidhairmato matimatāṃ varaḥ | viditārthaḥ samaścaiva cchettā nigamasaṃśayān

esteemed for the many kinds of Yajus rites, the best of the wise, he understood meanings, was even-minded, and resolved doubts about the scriptures;

Note on the text: Not in the critical edition (found in the vulgate recension; the CE prints this passage in its apparatus as insertion *111).

Verse 25 (1.228.25)

अर्थनिर्वचने नित्यं संशयच्छिदसंशयः । प्रकृत्या धर्मकुशलो दाता धर्मविशारदः ॥

arthanirvacane nityaṃ saṃśayacchidasaṃśayaḥ | prakṛtyā dharmakuśalo dātā dharmaviśāradaḥ

always free of doubt himself and a dispeller of doubt in explaining meanings; by nature skilled in dharma, generous, and versed in dharma;

Note on the text: Not in the critical edition (found in the vulgate recension; the CE prints this passage in its apparatus as insertion *111).

Verse 26 (1.228.26)

लोपेनागमधर्मेण संक्रमेण च वृत्तिषु । एकशब्दांश्च नानार्थानेकार्थांश्च पृथक्कृतान् ॥

lopenāgamadharmeṇa saṃkrameṇa ca vṛttiṣu | ekaśabdāṃśca nānārthānekārthāṃśca pṛthakkṛtān

in the operations of elision, augment and substitution in the forms of words; in single words with many meanings, and in words of one meaning set apart;

Note on the text: Not in the critical edition (found in the vulgate recension; the CE prints this passage in its apparatus as insertion *111).

Verse 27 (1.228.27)

पृथगर्थाभिधानांश्च प्रयोगानन्ववेक्षिता । प्रमाणभूतो लोकेषु सर्वाधिकरणेषु च ॥

pṛthagarthābhidhānāṃśca prayogānanvavekṣitā | pramāṇabhūto lokeṣu sarvādhikaraṇeṣu ca

he examined usages that convey distinct meanings; he was an authority in the worlds and in every field of inquiry;

Note on the text: Not in the critical edition (found in the vulgate recension; the CE prints this passage in its apparatus as insertion *111).

Verse 28 (1.228.28)

सर्ववर्णविकारेषु नित्यं कुशलपूजितः । स्वरेऽस्वरे च विविधे वृत्तेषु विविधेषु च ॥

sarvavarṇavikāreṣu nityaṃ kuśalapūjitaḥ | svare'svare ca vividhe vṛtteṣu vividheṣu ca

in all the modifications of letters the skilled always honoured him; in accented and unaccented sounds of many kinds, and in metres of many kinds;

Note on the text: Not in the critical edition (found in the vulgate recension; the CE prints this passage in its apparatus as insertion *111).

Verse 29 (1.228.29)

समस्थानेषु सर्वेषु समाम्नायेषु धातुषु । उद्देश्यानां समाख्याता सर्वमाख्यातमुद्दिशन् ॥

samasthāneṣu sarveṣu samāmnāyeṣu dhātuṣu | uddeśyānāṃ samākhyātā sarvamākhyātamuddiśan

in all the places of articulation, in the traditional word-lists and in the verbal roots; he expounded the topics to be treated, setting out all that is taught;

Note on the text: Not in the critical edition (found in the vulgate recension; the CE prints this passage in its apparatus as insertion *111).

Verse 30 (1.228.30)

अभिसन्धिषु तत्त्वज्ञः पदान्यङ्गान्यनुस्मरन् । कालधर्मेण निर्दिष्टं यथार्थं च विचारयन् ॥

abhisandhiṣu tattvajñaḥ padānyaṅgānyanusmaran | kāladharmeṇa nirdiṣṭaṃ yathārthaṃ ca vicārayan

he knew the truth of sandhi, kept in mind the words and their auxiliary sciences, and weighed rightly what is laid down by the law of time;

Note on the text: Not in the critical edition (found in the vulgate recension; the CE prints this passage in its apparatus as insertion *111).

Verse 31 (1.228.31)

चिकीर्षितं च यो वेत्ता यथा लोकेन संवृतम् । विभाषितं च समयं भाषितं हृदयंगमम् ॥

cikīrṣitaṃ ca yo vettā yathā lokena saṃvṛtam | vibhāṣitaṃ ca samayaṃ bhāṣitaṃ hṛdayaṃgamam

he knew what a speaker intends and how the world understands it, the optional rule and the convention, and speech that touches the heart;

Note on the text: Not in the critical edition (found in the vulgate recension; the CE prints this passage in its apparatus as insertion *111).

Verse 32 (1.228.32)

आत्मने च परस्मै च स्वरसंस्कारयोगवित् । एषां स्वराणां ज्ञाता च बोद्धा प्रवचनः स्वराट् ॥

ātmane ca parasmai ca svarasaṃskārayogavit | eṣāṃ svarāṇāṃ jñātā ca boddhā pravacanaḥ svarāṭ

he knew how accent and refinement work in the forms used for oneself and for another; he knew these accents and understood them, an expounder, sovereign in his own right;

Note on the text: Not in the critical edition (found in the vulgate recension; the CE prints this passage in its apparatus as insertion *111).

Verse 33 (1.228.33)

विज्ञाता चोक्तवाक्यानामेकतां बहुतां तथा । बोद्धा हि परमार्थांश्च विविधांश्च व्यतिक्रमान् ॥

vijñātā coktavākyānāmekatāṃ bahutāṃ tathā | boddhā hi paramārthāṃśca vividhāṃśca vyatikramān

he discerned the singular and plural sense of statements, and understood the highest truths and the many kinds of exception;

Note on the text: Not in the critical edition (found in the vulgate recension; the CE prints this passage in its apparatus as insertion *111).

Verse 34 (1.228.34)

अभेदतश्च बहुशो बहुशश्चापि भेदतः । वक्ता विविधवाक्यानां नानादेशसमीक्षिता ॥

abhedataśca bahuśo bahuśaścāpi bhedataḥ | vaktā vividhavākyānāṃ nānādeśasamīkṣitā

often by non-difference and often by difference; a speaker of many kinds of statement and an examiner of the various substitutions;

Note on the text: Not in the critical edition (found in the vulgate recension; the CE prints this passage in its apparatus as insertion *111).

Verse 35 (1.228.35)

पञ्चागमांश्च विविधानादेशांश्च समीक्षिता । नानार्थकुशलस्तत्र तद्धितेषु च कृत्स्नशः ॥

pañcāgamāṃśca vividhānādeśāṃśca samīkṣitā | nānārthakuśalastatra taddhiteṣu ca kṛtsnaśaḥ

he examined the five kinds of augment and the various substitutions; he was skilled in the many meanings there, and wholly in the taddhita suffixes;

Note on the text: Not in the critical edition (found in the vulgate recension; the CE prints this passage in its apparatus as insertion *111).

Verse 36 (1.228.36)

परिभूषयिता वाचां वर्णतः स्वरतोऽर्थतः । प्रत्ययं च समाख्याता नियतं प्रतिधातुकम् ॥

paribhūṣayitā vācāṃ varṇataḥ svarato'rthataḥ | pratyayaṃ ca samākhyātā niyataṃ pratidhātukam

he adorned speech in sound, in accent and in meaning; and he taught the suffix fixed for each verbal root,

Note on the text: Not in the critical edition (found in the vulgate recension; the CE prints this passage in its apparatus as insertion *111).

Verse 37 (1.228.37)

पञ्च चाक्षरजातानि स्वरसंज्ञानि यानि च । तमागतमृषिं दृष्ट्वा प्रत्युद्गम्याभिवाद्य च ॥

pañca cākṣarajātāni svarasaṃjñāni yāni ca | tamāgatamṛṣiṃ dṛṣṭvā pratyudgamyābhivādya ca

and the five classes of letters and those called vowels. Seeing the seer arrive, Yudhishthira went forward to meet him and saluted him,

Note on the text: Not in the critical edition (found in the vulgate recension). Removed stray wiki marks (।। and ').

Verse 38 (1.228.38)

आसनं रुचिरं तस्मै प्रददौ स युधिष्ठिरः । कृष्णाजिनोत्तरे तस्मिन्नुपविष्टो महानृषिः ॥

āsanaṃ ruciraṃ tasmai pradadau sa yudhiṣṭhiraḥ | kṛṣṇājinottare tasminnupaviṣṭo mahānṛṣiḥ

and offered him a beautiful seat. The great seer sat down on it, covered with a black antelope skin.

Note on the text: First line corresponds to CE 1.200.9cd; the second line is not in the critical edition (found in the vulgate recension). Removed stray wiki marks (`, ।। and ').

Verse 39 (1.228.39)

देवर्षेरुपविष्टस्य स्वयमर्ध्यं यथाविधि । प्रादाद्युधिष्ठिरो धीमान्राज्यं तस्मै न्यवेदयत् । प्रतिगृह्य तु तां पूजामृषिः प्रीतमनास्तदा ॥

devarṣerupaviṣṭasya svayamardhyaṃ yathāvidhi | prādādyudhiṣṭhiro dhīmānrājyaṃ tasmai nyavedayat | pratigṛhya tu tāṃ pūjāmṛṣiḥ prītamanāstadā

When the divine seer was seated, wise Yudhishthira himself offered him the guest-water according to rule and placed his kingdom at his disposal. Accepting that worship, the seer was pleased at heart,

Note on the text: Corresponds to CE 1.200.10 and 1.200.11ab (the two editions divide these verses differently).

Verse 40 (1.228.40)

आशीर्भिर्वर्धयित्वा च तमुवाचास्यतामिति । निषसादाभ्यनुज्ञातस्ततो राजा युधिष्ठिरः ॥

āśīrbhirvardhayitvā ca tamuvācāsyatāmiti | niṣasādābhyanujñātastato rājā yudhiṣṭhiraḥ

and after blessing him with benedictions he said to him, "Be seated." Given leave, King Yudhishthira then sat down

Note on the text: Corresponds to CE 1.200.11cd–12ab (the two editions divide these verses differently).

Verse 41 (1.228.41)

प्रेषयामास कृष्णायै भगवन्तमुपस्थितम् । श्रुत्वैतद्द्रौपदी चापि शुचिर्भूत्वा समाहिता ॥

preṣayāmāsa kṛṣṇāyai bhagavantamupasthitam | śrutvaitaddraupadī cāpi śucirbhūtvā samāhitā

and sent word to Krishna that the blessed lord had come. Hearing this, Draupadi purified herself and, composed,

Note on the text: Corresponds to CE 1.200.12cd–13ab (the two editions divide these verses differently).

Verse 42 (1.228.42)

जगाम तत्र यत्रास्ते नारदः पाण्डवैः सह । तस्याभिवाद्य चरणौ देवर्षेर्धर्मचारिणी ॥

jagāma tatra yatrāste nāradaḥ pāṇḍavaiḥ saha | tasyābhivādya caraṇau devarṣerdharmacāriṇī

went to where Narada sat with the Pandavas. Faithful to dharma, she saluted the feet of the divine seer,

Note on the text: Corresponds to CE 1.200.13cd–14ab (the two editions divide these verses differently).

Verse 43 (1.228.43)

कृताञ्जलिः सुसंवीता स्थिताऽथ द्रुपदात्मजा । तस्याश्चापि स धर्मात्मा सत्यवागृषिसत्तमः ॥

kṛtāñjaliḥ susaṃvītā sthitā'tha drupadātmajā | tasyāścāpi sa dharmātmā satyavāgṛṣisattamaḥ

and the daughter of Drupada stood with joined palms, modestly covered. And the righteous Narada, true of speech, best of seers,

Note on the text: Corresponds to CE 1.200.14cd–15ab (the two editions divide these verses differently).

Verse 44 (1.228.44)

आशिषो विविधाः प्रोच्य राजपुत्र्यास्तु नारदः । गम्यतामिति होवाच भगवांस्तामनिन्दिताम् ॥

āśiṣo vividhāḥ procya rājaputryāstu nāradaḥ | gamyatāmiti hovāca bhagavāṃstāmaninditām

pronounced many blessings on the princess, and then the blessed one said to that blameless lady, "You may go."

Note on the text: Corresponds to CE 1.200.15cd–ef (the two editions divide these verses differently).

Verse 45 (1.228.45)

गतायामथ कृष्णायां युधिष्ठिरपुरोगमान् । विविक्ते पाण्डवान्सर्वानुवाच भगवानृषिः ॥

gatāyāmatha kṛṣṇāyāṃ yudhiṣṭhirapurogamān | vivikte pāṇḍavānsarvānuvāca bhagavānṛṣiḥ

When Krishna had gone, the blessed seer spoke in private to all the Pandavas, with Yudhishthira at their head:

Verse 46 (1.228.46)

पाञ्चाली भवतामेका धर्मपत्नी यशस्विनी । यथा वो नात्र भेदः स्यात्तथा नीतिर्विधीयतां ॥

pāñcālī bhavatāmekā dharmapatnī yaśasvinī | yathā vo nātra bhedaḥ syāttathā nītirvidhīyatāṃ

"The illustrious Panchali is the one lawful wife of you all. Adopt such a rule that no discord may arise among you over her.

Verse 47 (1.228.47)

सुन्दोपसुन्दौ हि पुरा भ्रातरौ सहितावुभौ । आस्तामवध्यावन्येषां त्रिषु लोकेषु विश्रुतौ ॥

sundopasundau hi purā bhrātarau sahitāvubhau | āstāmavadhyāvanyeṣāṃ triṣu lokeṣu viśrutau

Long ago there were two brothers, Sunda and Upasunda, always together, who could not be slain by others and were famed in the three worlds.

Verse 48 (1.228.48)

एकराज्यावेकगृहावेकशय्यासनाशनौ । तिलोत्तमायास्तौ हेतोरन्योन्यमभिजघ्नतुः ॥

ekarājyāvekagṛhāvekaśayyāsanāśanau | tilottamāyāstau hetoranyonyamabhijaghnatuḥ

They shared one kingdom and one house, one bed, one seat and one meal; yet for the sake of Tilottama they killed each other.

Verse 49 (1.228.49)

रक्ष्यतां सौहृदं तस्मादन्योन्यप्रीतिभावकम् । यथा वो नात्र भेदः स्यात्तत्कुरुष्व युधिष्ठिर ॥

rakṣyatāṃ sauhṛdaṃ tasmādanyonyaprītibhāvakam | yathā vo nātra bhedaḥ syāttatkuruṣva yudhiṣṭhira

Therefore guard your friendship, which nourishes your love for one another. Do that, Yudhishthira, by which no discord arises among you here."

Verse 50 (1.228.50)

सुन्दोपसुन्दावसुरौ कस्य पुत्रौ महामुने । उत्पन्नश्च कथं भेदः कथं चान्योन्यमघ्नताम् ॥

sundopasundāvasurau kasya putrau mahāmune | utpannaśca kathaṃ bhedaḥ kathaṃ cānyonyamaghnatām

Great sage, whose sons were the asuras Sunda and Upasunda? How did the discord arise between them, and how did they kill each other?

Verse 51 (1.228.51)

अप्सरा देवकन्या वै कस्य चैषा तिलोत्तमा । यस्याः कामेन संमत्तौ जघ्नतुस्तौ परस्परम् ॥

apsarā devakanyā vai kasya caiṣā tilottamā | yasyāḥ kāmena saṃmattau jaghnatustau parasparam

And this Tilottama, an apsaras, a maiden of the gods: whose was she, that out of desire for her the two, maddened, killed each other?

Verse 52 (1.228.52)

एतत्सर्वं यथा वृत्तं विस्तरेण तपोधन । श्रोतुमिच्छामहे ब्रह्मन्परं कौतूहलं हि मे ॥

etatsarvaṃ yathā vṛttaṃ vistareṇa tapodhana | śrotumicchāmahe brahmanparaṃ kautūhalaṃ hi me

O brahmin rich in austerity, we wish to hear all this in detail, just as it happened, for my curiosity is great.