Arjuna Carries Off Subhadra; Balarama's Wrath

Verse 1 (1.244.1)

शासनात्पुरुषेन्द्रस्य बलेन महता बली । गिरौ रैवतके नित्यं बभूव विपृथुश्रवाः ॥

śāsanātpuruṣendrasya balena mahatā balī | girau raivatake nityaṃ babhūva vipṛthuśravāḥ

At the command of the lord of men, the mighty Viprithushravas was stationed with a great force on Mount Raivataka at all times.

Note on the text: Not in the critical edition (found in the vulgate recension).

Verse 2 (1.244.2)

प्रवासे वासुदेवस्य तस्मिन्हलधरोपमः । संबभूव तदा गोप्ता पुरस्य पुरवर्धनः ॥

pravāse vāsudevasya tasminhaladharopamaḥ | saṃbabhūva tadā goptā purasya puravardhanaḥ

While Vasudeva was away, he, like the plough-bearer himself, served as guardian of the city and the one who made it prosper.

Note on the text: Not in the critical edition (found in the vulgate recension).

Verse 3 (1.244.3)

प्राप्य पाण्डवनिर्याणं निर्ययौ विपृथुश्रवाः । निशम्य पुरनिर्घोषं स्वमनीकमचोदयत् ॥

prāpya pāṇḍavaniryāṇaṃ niryayau vipṛthuśravāḥ | niśamya puranirghoṣaṃ svamanīkamacodayat

Learning that the Pandava had set out, Viprithushravas went out too; hearing the uproar in the city, he urged his own army forward.

Note on the text: Not in the critical edition (found in the vulgate recension).

Verse 4 (1.244.4)

सोऽभिपत्य तदाध्वानं ददर्श पुरुषर्षभम् । निःसृतं द्वारकाद्वारादंशुमन्तमिवाम्बरात् ॥

so'bhipatya tadādhvānaṃ dadarśa puruṣarṣabham | niḥsṛtaṃ dvārakādvārādaṃśumantamivāmbarāt

Rushing along the road, he saw the bull among men issuing from the gate of Dvaraka like the sun from the sky,

Note on the text: Corrected अंशुमन्तमिवाम्बिरात् → अंशुमन्तमिवाम्बरात् (misprint in Wikisource; अम्बरात्, "from the sky"). Not in the critical edition (found in the vulgate recension).

Verse 5 (1.244.5)

सविद्युतमिवाम्भोदं प्रेक्षतां तं धनुर्धरम् । पार्थमानर्तयोधानां विस्मयः समपद्यत ॥

savidyutamivāmbhodaṃ prekṣatāṃ taṃ dhanurdharam | pārthamānartayodhānāṃ vismayaḥ samapadyata

like a cloud with lightning. As they gazed at that bowman Partha, wonder came over the warriors of Anarta.

Note on the text: Not in the critical edition (found in the vulgate recension).

Verse 6 (1.244.6)

उदीर्णरथनागाश्वमनीकमभिवीक्ष्य तत् । उवाच परमप्रीता सुभद्रा भद्रभाषिणी ॥

udīrṇarathanāgāśvamanīkamabhivīkṣya tat | uvāca paramaprītā subhadrā bhadrabhāṣiṇī

Seeing that army with its surging chariots, elephants and horses, Subhadra, gentle of speech, spoke in great delight:

Note on the text: Not in the critical edition (found in the vulgate recension).

Verse 7 (1.244.7)

संग्रहीतुमभिप्रायो दीर्घकालकृतो मम । युध्यमानस्य सङ्ग्रामे रथं तव नरर्षभ ॥

saṃgrahītumabhiprāyo dīrghakālakṛto mama | yudhyamānasya saṅgrāme rathaṃ tava nararṣabha

"For a long time, bull among men, I have wished to drive your chariot while you fight in battle.

Note on the text: Subhadra's words (introduced in verse 6) fill verses 7–8; Wikisource prints no speaker line and carries वैशंपायन over. Not in the critical edition (found in the vulgate recension).

Verse 8 (1.244.8)

ओजस्तेजोद्युतिबलैरन्वितस्य महात्मनः । पार्थ ते सारथित्वेन भविता शिक्षितास्म्यहम् ॥

ojastejodyutibalairanvitasya mahātmanaḥ | pārtha te sārathitvena bhavitā śikṣitāsmyaham

Partha, as charioteer to you, great-souled and full of vigour, fire, splendour and strength, I shall show that I have been well taught."

Note on the text: Not in the critical edition (found in the vulgate recension).

Verse 9 (1.244.9)

एवमुक्तः प्रियां प्रीतः प्रत्युवाच नरर्षभः । चोदयाश्वानसंसक्तान्विशतु विपृथोर्बलम् ॥

evamuktaḥ priyāṃ prītaḥ pratyuvāca nararṣabhaḥ | codayāśvānasaṃsaktānviśatu vipṛthorbalam

Addressed thus, the bull among men, pleased, answered his beloved: "Drive on the horses without holding back; let the chariot enter Viprithu's army.

Note on the text: Corrected विश्तु → विशतु (misprint in Wikisource; dropped vowel sign, imperative of विश्). Not in the critical edition (found in the vulgate recension).

Verse 10 (1.244.10)

बहुभिर्युध्यमानस्य तावकान्विजिघांसतः । पश्य बाहुबलं भद्रे शरान्विक्षिपतो मम ॥

bahubhiryudhyamānasya tāvakānvijighāṃsataḥ | paśya bāhubalaṃ bhadre śarānvikṣipato mama

See, gentle one, the strength of my arms as I fight against many, scattering my arrows, though I do not seek to kill your people."

Note on the text: Arjuna's reply continues through this verse; Wikisource prints no speaker line. Not in the critical edition (found in the vulgate recension).

Verse 11 (1.244.11)

एवमुक्ता तदा भद्रा पार्थेन भरतर्षभ । चुचोद साश्वान्संहृष्टा ते ततो विविशुर्बलम् ॥

evamuktā tadā bhadrā pārthena bharatarṣabha | cucoda sāśvānsaṃhṛṣṭā te tato viviśurbalam

Thus addressed by Partha, O bull of the Bharatas, Bhadra joyfully urged on the horses, and they drove into the army.

Note on the text: Not in the critical edition (found in the vulgate recension).

Verse 12 (1.244.12)

तदाहतमहावाद्यं समुदग्रध्वजायुतम् । अनीकं विपृथोर्हृष्टं पार्थमेवान्ववर्तत ॥

tadāhatamahāvādyaṃ samudagradhvajāyutam | anīkaṃ vipṛthorhṛṣṭaṃ pārthamevānvavartata

Then Viprithu's army, its great drums beating and its banners raised high, turned eagerly upon Partha alone.

Note on the text: Not in the critical edition (found in the vulgate recension).

Verse 13 (1.244.13)

रथैर्बहुविधाकारैः सदश्वैश्च महाजवैः । किरन्तः शरवर्षाणि परिवव्रुर्धनञ्जयम् ॥

rathairbahuvidhākāraiḥ sadaśvaiśca mahājavaiḥ | kirantaḥ śaravarṣāṇi parivavrurdhanañjayam

With chariots of many shapes and with good, swift horses, they poured showers of arrows and surrounded Dhananjaya.

Note on the text: Not in the critical edition (found in the vulgate recension).

Verse 14 (1.244.14)

तेषामस्त्राणि संवार्य दिव्यास्त्रेण महास्त्रवित् । आवृणोन्महदाकाशं शरैः परपुरञ्जयः ॥

teṣāmastrāṇi saṃvārya divyāstreṇa mahāstravit | āvṛṇonmahadākāśaṃ śaraiḥ parapurañjayaḥ

Warding off their weapons with a divine weapon, that master of great weapons, conqueror of enemy cities, covered the wide sky with his arrows.

Note on the text: Not in the critical edition (found in the vulgate recension).

Verse 15 (1.244.15)

तेषां बाणान्महाबाहुर्मुकुटान्यङ्गदानि च । चिच्छेद निशितैर्बाणैः शरांश्चैव धनूंषि च ॥

teṣāṃ bāṇānmahābāhurmukuṭānyaṅgadāni ca | ciccheda niśitairbāṇaiḥ śarāṃścaiva dhanūṃṣi ca

With sharp arrows the mighty-armed one cut down their arrows, their crowns and armlets, and their shafts and bows as well.

Note on the text: Not in the critical edition (found in the vulgate recension).

Verse 16 (1.244.16)

युगानीषान्वरूथानि यन्त्राणि विविधानि च । अजिघांसन्परान्पार्थश्चिच्छेद निशितैः शरैः ॥

yugānīṣānvarūthāni yantrāṇi vividhāni ca | ajighāṃsanparānpārthaściccheda niśitaiḥ śaraiḥ

Not wishing to kill his opponents, Partha cut through with sharp arrows their yokes, poles, chariot-guards and machines of many kinds.

Note on the text: Not in the critical edition (found in the vulgate recension).

Verse 17 (1.244.17)

विधनुष्कान्विकवचान्विरथांश्च महारथान् । कृत्वा पार्थः प्रियां प्रीतः प्रेक्ष्यतामित्यदर्शयत् ॥

vidhanuṣkānvikavacānvirathāṃśca mahārathān | kṛtvā pārthaḥ priyāṃ prītaḥ prekṣyatāmityadarśayat

Having left those great warriors without bows, without armour and without chariots, Partha, pleased, showed them to his beloved, saying, "Look!"

Note on the text: Not in the critical edition (found in the vulgate recension).

Verse 18 (1.244.18)

सा दृष्ट्वा महदाश्चर्यं सुभद्रा पार्थमब्रवीत् । अवाप्तार्थाऽस्मि भद्रं ते याहि पार्थ यथासुखम् ॥

sā dṛṣṭvā mahadāścaryaṃ subhadrā pārthamabravīt | avāptārthā'smi bhadraṃ te yāhi pārtha yathāsukham

Seeing this great marvel, Subhadra said to Partha: "I have what I wished for. Blessings on you; go on, Partha, as you please."

Note on the text: Not in the critical edition (found in the vulgate recension).

Verse 19 (1.244.19)

स सक्तं पाण्डुपुत्रेण समीक्ष्य विपृथुर्बलम् । त्वरमाणोऽभिसंक्रम्य स्थीयतामित्यभाषत ॥

sa saktaṃ pāṇḍuputreṇa samīkṣya vipṛthurbalam | tvaramāṇo'bhisaṃkramya sthīyatāmityabhāṣata

Seeing his army locked in fight with the son of Pandu, Viprithu hurried forward and called out, "Halt!"

Note on the text: Not in the critical edition (found in the vulgate recension).

Verse 20 (1.244.20)

ततः सेनापतेर्वाक्यं नात्यवर्तन्त यादवाः । सागरे मारुतोद्धूता वेलामिव महोर्मयः ॥

tataḥ senāpatervākyaṃ nātyavartanta yādavāḥ | sāgare mārutoddhūtā velāmiva mahormayaḥ

The Yadavas did not go beyond their commander's word, as great waves of the sea, driven by the wind, do not pass the shore.

Note on the text: Not in the critical edition (found in the vulgate recension).

Verse 21 (1.244.21)

ततो रथवरात्तूर्णमवरुह्य नरर्षभः । अभिगम्य नरव्याघ्रं प्रहृष्टः परिषस्वजे ॥

tato rathavarāttūrṇamavaruhya nararṣabhaḥ | abhigamya naravyāghraṃ prahṛṣṭaḥ pariṣasvaje

Then that bull among men quickly got down from his fine chariot, went up to the tiger among men, and embraced him with joy.

Note on the text: Not in the critical edition (found in the vulgate recension).

Verse 22 (1.244.22)

सोऽब्रवीत्पार्थमासाद्य दीर्घकालमिदं तव । निवासमभिजानामि शङ्खचक्रगदाधरात् ॥

so'bravītpārthamāsādya dīrghakālamidaṃ tava | nivāsamabhijānāmi śaṅkhacakragadādharāt

Coming up to Partha, he said: "I know of your long stay here from the bearer of the conch, the discus and the mace.

Note on the text: Not in the critical edition (found in the vulgate recension).

Verse 23 (1.244.23)

न मेऽस्त्यविदितं किंचिद्यद्यदाचरितं त्वया । सुभद्रार्थं प्रलोभेन प्रीतस्तव जनार्दनः ॥

na me'styaviditaṃ kiṃcidyadyadācaritaṃ tvayā | subhadrārthaṃ pralobhena prītastava janārdanaḥ

Nothing that you have done is unknown to me. Janardana is pleased with you, and with your longing for Subhadra.

Note on the text: Corrected यद्यदाचितं → यद्यदाचरितं (misprint in Wikisource; dropped akshara, the line is a syllable short). Viprithu's speech (begun in verse 22) fills verses 23–30; Wikisource prints no speaker line and carries वैशंपायन over. Not in the critical edition (found in the vulgate recension).

Verse 24 (1.244.24)

प्राप्तस्य यतिलिङ्गेन वासितस्य धनञ्जय । बन्धुमानसि रामेण महेन्द्रावरजेन च ॥

prāptasya yatiliṅgena vāsitasya dhanañjaya | bandhumānasi rāmeṇa mahendrāvarajena ca

You came here in the guise of an ascetic and were lodged among us, Dhananjaya; in Rama and in the younger brother of the great Indra you are rich in kinsmen.

Note on the text: Not in the critical edition (found in the vulgate recension).

Verse 25 (1.244.25)

मामेव च सदाकाङ्क्षी मन्त्रिणं मधुसूदनः । अन्तरेण सुभद्रां च त्वां च तात धनञ्जय ॥

māmeva ca sadākāṅkṣī mantriṇaṃ madhusūdanaḥ | antareṇa subhadrāṃ ca tvāṃ ca tāta dhanañjaya

And Madhusudana has always wanted me as the go-between for Subhadra and you, dear Dhananjaya.

Note on the text: Not in the critical edition (found in the vulgate recension).

Verse 26 (1.244.26)

इमं रथवरं दिव्यं सर्वशस्त्रसमन्वितम् । इदमेवानुयात्रं च निर्दिश्य गदपूर्वजः ॥

imaṃ rathavaraṃ divyaṃ sarvaśastrasamanvitam | idamevānuyātraṃ ca nirdiśya gadapūrvajaḥ

Leaving instructions about this fine divine chariot, furnished with every weapon, and about this very escort, the elder brother of Gada,

Note on the text: Not in the critical edition (found in the vulgate recension).

Verse 27 (1.244.27)

अन्तर्द्वीपं तदा वीर गतो वृष्णिसुखावहः । दीर्घकालावरुद्धं त्वां संप्राप्तं प्रियया सह ॥

antardvīpaṃ tadā vīra gato vṛṣṇisukhāvahaḥ | dīrghakālāvaruddhaṃ tvāṃ saṃprāptaṃ priyayā saha

who brings joy to the Vrishnis, went off to Antardvipa, hero. You have been kept away a long time; now that you have come back with your beloved,

Note on the text: Not in the critical edition (found in the vulgate recension).

Verse 28 (1.244.28)

पश्यन्तु भ्रातरः सर्वे वज्रपाणिमिवामराः । आयाते तु दशार्हाणामृषभे शार्ङ्गधन्वनि ॥

paśyantu bhrātaraḥ sarve vajrapāṇimivāmarāḥ | āyāte tu daśārhāṇāmṛṣabhe śārṅgadhanvani

let all your brothers look upon you, as the immortals look upon Indra, wielder of the thunderbolt. And when the bull of the Dasharhas, bearer of the Sharnga bow, arrives,

Note on the text: Not in the critical edition (found in the vulgate recension).

Verse 29 (1.244.29)

भद्रामनुगमिष्यन्ति रत्नानि च वसूनि च । अरिष्टं याहि पन्थानं सुखी भव धनञ्जय ॥

bhadrāmanugamiṣyanti ratnāni ca vasūni ca | ariṣṭaṃ yāhi panthānaṃ sukhī bhava dhanañjaya

jewels and riches will follow Bhadra. Go safely on your road, Dhananjaya, and be happy.

Note on the text: Not in the critical edition (found in the vulgate recension).

Verse 30 (1.244.30)

नष्टशोकैर्विशोकस्य सुहृद्भिः संगमोऽस्तु ते ॥

naṣṭaśokairviśokasya suhṛdbhiḥ saṃgamo'stu te

Free of sorrow yourself, may you be reunited with friends whose sorrow is ended."

Note on the text: A single line in Wikisource (the close of Viprithu's speech). Not in the critical edition (found in the vulgate recension).

Verse 31 (1.244.31)

ततो विपृथुमामन्त्र्य पार्थः प्रीतोऽभिवाद्य च । कृष्णस्य मतमास्थाय कृष्णस्य रथमास्थितः ॥

tato vipṛthumāmantrya pārthaḥ prīto'bhivādya ca | kṛṣṇasya matamāsthāya kṛṣṇasya rathamāsthitaḥ

Then Partha, pleased, took leave of Viprithu and saluted him; following Krishna's counsel, he took his place on Krishna's chariot,

Note on the text: Not in the critical edition (found in the vulgate recension).

Verse 32 (1.244.32)

पूर्वमेव तु पार्थाय कृष्णेन विनियोजितम् । सर्वरत्नसुसंपूर्णं सर्वभोगसमन्वितम् ॥

pūrvameva tu pārthāya kṛṣṇena viniyojitam | sarvaratnasusaṃpūrṇaṃ sarvabhogasamanvitam

which Krishna had assigned to Partha beforehand, laden with every kind of jewel and furnished with every comfort.

Note on the text: Not in the critical edition (found in the vulgate recension).

Verse 33 (1.244.33)

रथेन काञ्चनाङ्गेन कल्पितेन यथाविधि । शैब्यसुग्रीवयुक्तेन किङ्किणीजालमालिना ॥

rathena kāñcanāṅgena kalpitena yathāvidhi | śaibyasugrīvayuktena kiṅkiṇījālamālinā

In that chariot with golden frame, fitted out by rule, yoked with Shaibya and Sugriva and hung with nets of little bells,

Verse 34 (1.244.34)

सर्वशस्त्रोपपन्नेन जीमूतरवनादिना । ज्वलनार्चिःप्रकाशेन द्विषतां हर्षनाशिना ॥

sarvaśastropapannena jīmūtaravanādinā | jvalanārciḥprakāśena dviṣatāṃ harṣanāśinā

equipped with every weapon, rumbling like a thundercloud, bright as blazing flame, a destroyer of the enemy's joy,

Verse 35 (1.244.35)

सन्नद्धः कवची खड्गी बद्धगोधाङ्गुलित्रवान् । युक्तः सेनानुयात्रेण रथमारोप्य माधवीम् । रथेनाकाशगेनैव पययौ स्वपुरं प्रति ॥

sannaddhaḥ kavacī khaḍgī baddhagodhāṅgulitravān | yuktaḥ senānuyātreṇa rathamāropya mādhavīm | rathenākāśagenaiva payayau svapuraṃ prati

armed and armoured, sword in hand, with finger-guards of iguana skin, attended by his escort of troops, he seated Madhavi in the chariot and drove toward his own city, as if the chariot flew through the sky.

Note on the text: Corrected रथणारोप्य → रथमारोप्य (misprint in Wikisource; रथम् आरोप्य). Removed a footnote asterisk (*) before स्वपुरं. A three-line verse in Wikisource: line 1 = 1.212.5a, line 3 = 1.212.8b; line 2 is not in the critical edition (found in the vulgate recension).

Verse 36 (1.244.36)

ह्रियमाणां तु तां दृष्ट्वा सुभद्रां सैनिका जनाः । विक्रोशन्तोऽद्रवन्सर्वे द्वारकामभितः पुरीम् ॥

hriyamāṇāṃ tu tāṃ dṛṣṭvā subhadrāṃ sainikā janāḥ | vikrośanto'dravansarve dvārakāmabhitaḥ purīm

Seeing Subhadra being carried off, the soldiers all ran crying out toward the city of Dvaraka.

Verse 37 (1.244.37)

ते समासाद्य सहिताः सुधर्मामभितः सभाम् । सभापालस्य तत्सर्वमाचख्युः पार्थविक्रमम् ॥

te samāsādya sahitāḥ sudharmāmabhitaḥ sabhām | sabhāpālasya tatsarvamācakhyuḥ pārthavikramam

Gathering together at the Sudharma hall, they told the keeper of the hall all of Partha's bold deed.

Verse 38 (1.244.38)

तेषां श्रुत्वा सभापालो भेरीं सान्नाहिकीं ततः । समाजघ्ने महाघोषां जाम्बूनदपरिष्कृताम् ॥

teṣāṃ śrutvā sabhāpālo bherīṃ sānnāhikīṃ tataḥ | samājaghne mahāghoṣāṃ jāmbūnadapariṣkṛtām

Hearing them, the hall-keeper beat the great war drum, gilded with gold, with its mighty roar.

Verse 39 (1.244.39)

क्षुब्धास्तेनाथ शब्देन भोजवृष्ण्यन्धकास्तदा । अन्तर्द्वीपात्समुत्पेतुः सहसा सहितास्तदा । अन्नपानमपास्याथ समापेतुः समन्ततः ॥

kṣubdhāstenātha śabdena bhojavṛṣṇyandhakāstadā | antardvīpātsamutpetuḥ sahasā sahitāstadā | annapānamapāsyātha samāpetuḥ samantataḥ

Stirred by that sound, the Bhojas, Vrishnis and Andhakas rushed out of Antardvipa all together; leaving their food and drink, they came hurrying from every side.

Note on the text: Removed stray wiki marks (` and '). Lines 1 and 3 = 1.212.12 (the last pada reads differently there); line 2 is not in the critical edition (found in the vulgate recension).

Verse 40 (1.244.40)

तत्र जाम्बूनदाङ्गानि स्पर्ध्यास्तरणवन्ति च । मणिविद्रुमचित्राणि ज्वलिताग्निप्रभाणि च ॥

tatra jāmbūnadāṅgāni spardhyāstaraṇavanti ca | maṇividrumacitrāṇi jvalitāgniprabhāṇi ca

There were thrones by the hundred, with golden frames and costly coverings, inlaid with gems and coral and shining like blazing fire;

Verse 41 (1.244.41)

भेजिरे पुरुषव्याघ्रा वृष्ण्यन्धकमहारथाः । सिंहासनानि शतशो धिष्ण्यानीव हुताशनाः ॥

bhejire puruṣavyāghrā vṛṣṇyandhakamahārathāḥ | siṃhāsanāni śataśo dhiṣṇyānīva hutāśanāḥ

the tigers among men, the great warriors of the Vrishnis and Andhakas, took their seats on them like fires on their altars.

Verse 42 (1.244.42)

तेषां समुपविष्टानां देवानामिव सन्नये । आचख्यौ चेष्टितं जिष्णोः सभापालः सहानुगः ॥

teṣāṃ samupaviṣṭānāṃ devānāmiva sannaye | ācakhyau ceṣṭitaṃ jiṣṇoḥ sabhāpālaḥ sahānugaḥ

When they were seated, like the gods in assembly, the hall-keeper and his attendants told them what Jishnu had done.

Verse 43 (1.244.43)

तच्छ्रुत्वा वृष्णिवीरास्ते मदसंरक्तलोचनाः । अमृष्यमाणाः पार्थस्य समुत्पेतुरहङ्कृताः ॥

tacchrutvā vṛṣṇivīrāste madasaṃraktalocanāḥ | amṛṣyamāṇāḥ pārthasya samutpeturahaṅkṛtāḥ

Hearing it, the Vrishni heroes, their eyes red with wine, could not bear what Partha had done and sprang up in their pride.

Verse 44 (1.244.44)

योजयध्वं रथानाशु प्रासानाहरतेति च । धनूंषि च महार्हाणि कवचानि बृहन्ति च ॥

yojayadhvaṃ rathānāśu prāsānāharateti ca | dhanūṃṣi ca mahārhāṇi kavacāni bṛhanti ca

"Yoke the chariots at once! Bring the lances!" they cried, "and the costly bows and the great coats of mail!"

Verse 45 (1.244.45)

सूतानुच्चुक्रुशुः केचिद्रथान्योजयतेति च । स्वयं च तुरगान्केचिदयुञ्जन्हेमभूषितान् ॥

sūtānuccukruśuḥ kecidrathānyojayateti ca | svayaṃ ca turagānkecidayuñjanhemabhūṣitān

Some shouted to their charioteers, "Yoke the chariots!", and some yoked the gold-adorned horses themselves.

Verse 46 (1.244.46)

रथेष्वानीयमानेषु कवचेषु ध्वजेषु च । अभिक्रन्दे नृवीराणां तदासीत्तुमुलं महत् ॥

ratheṣvānīyamāneṣu kavaceṣu dhvajeṣu ca | abhikrande nṛvīrāṇāṃ tadāsīttumulaṃ mahat

As chariots, armour and banners were being brought, a great tumult rose from the shouting of those heroes.

Verse 47 (1.244.47)

वनमाली ततः क्षीबः कैलासशिखरोपमः । नीलवासा मदोत्सिक्त इदं वचनमब्रवीत् ॥

vanamālī tataḥ kṣībaḥ kailāsaśikharopamaḥ | nīlavāsā madotsikta idaṃ vacanamabravīt

Then the wearer of the forest garland, flushed with wine, tall as a peak of Kailasa, clad in blue and swollen with pride, spoke these words:

Verse 48 (1.244.48)

किमिदं कुरुथाप्रज्ञास्तूष्णींभूते जनार्दने । अस्य भावमविज्ञाय संक्रुद्धा मोघगर्जिताः ॥

kimidaṃ kuruthāprajñāstūṣṇīṃbhūte janārdane | asya bhāvamavijñāya saṃkruddhā moghagarjitāḥ

"What is this you are doing, you fools, while Janardana sits silent? Without knowing his mind you rage and roar in vain.

Note on the text: Balarama's words (introduced in verse 47) fill verses 48–49; Wikisource prints no speaker line and carries वैशंपायन over.

Verse 49 (1.244.49)

एष तावदभिप्रायमाख्यातु स्वं महामतिः । यदस्य रुचिरं कर्तुं तत्कुरुध्वमतन्द्रिताः ॥

eṣa tāvadabhiprāyamākhyātu svaṃ mahāmatiḥ | yadasya ruciraṃ kartuṃ tatkurudhvamatandritāḥ

Let this wise one first tell us his own intention; whatever he wishes done, do that without delay."

Verse 50 (1.244.50)

ततस्ते तद्वचः श्रुत्वा ग्राह्यरूपं हलायुधात् । तूष्णींभूतास्ततः सर्वे साधुसाध्विति चाब्रुवन् ॥

tataste tadvacaḥ śrutvā grāhyarūpaṃ halāyudhāt | tūṣṇīṃbhūtāstataḥ sarve sādhusādhviti cābruvan

Hearing these acceptable words from the plough-wielder, they all fell silent and said, "Well spoken, well spoken."

Verse 51 (1.244.51)

समं वचो निशम्यैव बलदेवस्य धीमतः । पुनरेव सभामध्ये सर्वे ते समुपाविशन् ॥

samaṃ vaco niśamyaiva baladevasya dhīmataḥ | punareva sabhāmadhye sarve te samupāviśan

Having heard the even-handed words of wise Baladeva, they all sat down again in the middle of the hall.

Note on the text: Restored the missing word space in पुनरेवसभामध्ये → पुनरेव सभामध्ये.

Verse 52 (1.244.52)

ततोऽब्रवीद्वासुदेवं वचो रामः परन्तपः । त्रैलोक्यनाथ हे कृष्ण भूतभव्यभविष्यकृत् । किमवागुपविष्टोऽसि प्रेक्षमाणो जनार्दन ॥

tato'bravīdvāsudevaṃ vaco rāmaḥ parantapaḥ | trailokyanātha he kṛṣṇa bhūtabhavyabhaviṣyakṛt | kimavāgupaviṣṭo'si prekṣamāṇo janārdana

Then Rama, scorcher of foes, spoke to Vasudeva: "Lord of the three worlds, Krishna, maker of past, present and future, why do you sit there silent, looking on, Janardana?

Note on the text: Removed stray wiki marks (` and '). Lines 1 and 3 = 1.212.25 (line 1 reads differently there); line 2 is not in the critical edition (found in the vulgate recension).

Verse 53 (1.244.53)

सत्कृतस्त्वत्कृते पार्थः सर्वैरस्माभिरच्युत । न च सोऽर्हति तां पूजां दुर्बुद्धिः कुलपांसनः ॥

satkṛtastvatkṛte pārthaḥ sarvairasmābhiracyuta | na ca so'rhati tāṃ pūjāṃ durbuddhiḥ kulapāṃsanaḥ

For your sake, Achyuta, all of us honoured Partha; yet that evil-minded disgrace to his family did not deserve such honour.

Note on the text: Balarama's speech (begun in verse 52) fills verses 53–58; Wikisource prints no speaker line and carries वैशंपायन over.

Verse 54 (1.244.54)

को हि तत्रैव भुक्त्वान्नं भाजनं भेत्तुमर्हति । मन्यमानः कुले जातमात्मानं पुरुषः क्वचित् ॥

ko hi tatraiva bhuktvānnaṃ bhājanaṃ bhettumarhati | manyamānaḥ kule jātamātmānaṃ puruṣaḥ kvacit

What man who thinks himself well born would eat his food in a place and then break the very dish?

Note on the text: Corrected भुक्तावान्नं → भुक्त्वान्नं (misprint in Wikisource; inserted vowel sign, following the critical edition's bhuktvānnaṃ).

Verse 55 (1.244.55)

इच्छन्नेव हि संबन्धं कृतं पूर्वं च मानयन् । को हि नाम भवेनार्थी साहसेन समाचरेत् ॥

icchanneva hi saṃbandhaṃ kṛtaṃ pūrvaṃ ca mānayan | ko hi nāma bhavenārthī sāhasena samācaret

Who, if he truly wanted the alliance and respected the bond already made, would act with violence?

Verse 56 (1.244.56)

सोऽवमन्य तथाऽस्माकमनादृत्य च केशवम् । प्रसह्य हृतवानद्य सुभद्रां मृत्युमात्मनः ॥

so'vamanya tathā'smākamanādṛtya ca keśavam | prasahya hṛtavānadya subhadrāṃ mṛtyumātmanaḥ

Slighting us in this way and disregarding Keshava, he has today carried off Subhadra by force, and with her his own death.

Verse 57 (1.244.57)

कथं हि शिरसो मध्ये कृतं तेन पदं मम । मर्षयिष्यामि गोविन्द पादस्पर्शमिवोरगः ॥

kathaṃ hi śiraso madhye kṛtaṃ tena padaṃ mama | marṣayiṣyāmi govinda pādasparśamivoragaḥ

He has set his foot on the very crown of my head; how am I to bear it, Govinda, any more than a snake bears the touch of a foot?

Verse 58 (1.244.58)

अद्य निष्कौरवामेकः करिष्यामि वसुन्धराम् । न हि मे मर्षणीयोऽयमर्जुनस्य व्यतिक्रमः ॥

adya niṣkauravāmekaḥ kariṣyāmi vasundharām | na hi me marṣaṇīyo'yamarjunasya vyatikramaḥ

Today I alone will make the earth empty of Kauravas; this outrage of Arjuna's is not one I can endure."

Verse 59 (1.244.59)

तं तथा गर्जमानं तु मेघदुन्दुभिनिःस्वनम् । अन्वपद्यन्त ते सर्वे भोजवृष्ण्यन्धकास्तदा ॥

taṃ tathā garjamānaṃ tu meghadundubhiniḥsvanam | anvapadyanta te sarve bhojavṛṣṇyandhakāstadā

As he roared thus, with a voice like thunderclouds and kettledrums, all the Bhojas, Vrishnis and Andhakas took his side.