The Yamuna Outing and the Brahmin at Khandava

Verse 1 (1.248.1)

इन्द्रप्रस्थे वसन्तस्ते जघ्नुरन्यान्नराधिपान् । शासनाद्धृतराष्ट्रस्य राज्ञः शान्तनवस्य च ॥

indraprasthe vasantaste jaghnuranyānnarādhipān | śāsanāddhṛtarāṣṭrasya rājñaḥ śāntanavasya ca

Dwelling in Indraprastha, they struck down other kings at the command of King Dhritarashtra and of Shantanu's son.

Note on the text: Corrected जघ्रुः → जघ्नुः (misprint in Wikisource; र for न, as in the CE's jaghnuḥ).

Verse 2 (1.248.2)

आश्रित्य धर्मराजानं सर्वलोकोऽवसत्सुखम् । पुण्यलक्षणकर्माणं स्वदेहमिव देहिनः ॥

āśritya dharmarājānaṃ sarvaloko'vasatsukham | puṇyalakṣaṇakarmāṇaṃ svadehamiva dehinaḥ

All the people lived happily, relying on the King of Dharma, whose deeds bore the marks of merit, as embodied beings rely on their own bodies.

Verse 3 (1.248.3)

स समं धर्मकामार्थान्सिषेवे भरतर्षभ । त्रीनिवात्मसमान्बन्धून्नीतिमानिव मानयन् ॥

sa samaṃ dharmakāmārthānsiṣeve bharatarṣabha | trīnivātmasamānbandhūnnītimāniva mānayan

That bull of the Bharatas pursued dharma, desire and wealth in equal measure, honouring them as a prudent man honours three kinsmen who are his equals.

Verse 4 (1.248.4)

तेषां समविभक्तानां क्षितौ देहवतामिव । बभौ धर्मार्थकामानां चतुर्थ इव पार्थिवः ॥

teṣāṃ samavibhaktānāṃ kṣitau dehavatāmiva | babhau dharmārthakāmānāṃ caturtha iva pārthivaḥ

Among dharma, wealth and desire, evenly apportioned as though they had taken bodily form on earth, the king shone like a fourth.

Verse 5 (1.248.5)

अध्येतारं परं वेदान्प्रयोक्तारं महाध्वरे । रक्षितारं शुभाँल्लोकाँल्लेभिरे तं जनाधिपम् ॥

adhyetāraṃ paraṃ vedānprayoktāraṃ mahādhvare | rakṣitāraṃ śubhām̐llokām̐llebhire taṃ janādhipam

The auspicious worlds found in that lord of men a supreme student of the Vedas, a performer of great sacrifices, and a protector.

Note on the text: Corrected लोभिरे → लेभिरे (misprint in Wikisource; wrong vowel sign, as in the CE's lebhire).

Verse 6 (1.248.6)

अधिष्ठानवती लक्ष्मीः परायणवती मतिः । वर्धमानोऽखिलो धर्मस्तेनासीत्पृथिवीक्षिताम् ॥

adhiṣṭhānavatī lakṣmīḥ parāyaṇavatī matiḥ | vardhamāno'khilo dharmastenāsītpṛthivīkṣitām

Through him, among the rulers of the earth, fortune found a firm seat, wisdom a final refuge, and the whole of dharma kept on growing.

Verse 7 (1.248.7)

भ्रातृभिः सहितो राजा चतुर्भिरधिकं बभौ । प्रयुज्यमानैर्विततो वेदैरिव महाध्वरः ॥

bhrātṛbhiḥ sahito rājā caturbhiradhikaṃ babhau | prayujyamānairvitato vedairiva mahādhvaraḥ

Together with his four brothers the king shone all the more, like a great sacrifice spread out by the four Vedas as they are applied.

Note on the text: Corrected सहितौ → सहितो (misprint in Wikisource; the participle agrees with the singular राजा, as in the CE's sahito).

Verse 8 (1.248.8)

तं तु धौम्यादयो विप्राः परिवार्योपतस्थिरे । बृहस्पतिसमा मुख्याः प्रजापतिमिवामराः ॥

taṃ tu dhaumyādayo viprāḥ parivāryopatasthire | bṛhaspatisamā mukhyāḥ prajāpatimivāmarāḥ

Dhaumya and the other brahmins, the foremost of them equal to Brihaspati, surrounded him and attended on him, as the immortals attend on Prajapati.

Verse 9 (1.248.9)

धर्मराजे ह्यतिप्रीत्या पूर्णचन्द्र इवामले । प्रजानां रेमिरे तुल्यं नेत्राणि हृदयानि च ॥

dharmarāje hyatiprītyā pūrṇacandra ivāmale | prajānāṃ remire tulyaṃ netrāṇi hṛdayāni ca

Out of great love for the King of Dharma, spotless as the full moon, the eyes and the hearts of the people delighted in him alike.

Verse 10 (1.248.10)

न तु केवलदैवेन प्रजा भावेन रेमिरे । यद्बभूव मनःकान्तं कर्मणा स चकार तत् ॥

na tu kevaladaivena prajā bhāvena remire | yadbabhūva manaḥkāntaṃ karmaṇā sa cakāra tat

The people delighted in him not by fate alone but from their own hearts; for whatever pleased their minds, he brought about in deed.

Verse 11 (1.248.11)

न ह्ययुक्तं न चासत्यं नासह्यं न च वाऽप्रियम् । भाषितं चारुभाषस्य जज्ञे पार्थस्य धीमतः ॥

na hyayuktaṃ na cāsatyaṃ nāsahyaṃ na ca vā'priyam | bhāṣitaṃ cārubhāṣasya jajñe pārthasya dhīmataḥ

Nothing unfitting, nothing untrue, nothing hard to bear and nothing unpleasant was ever spoken by the wise son of Pritha, so gracious in speech.

Verse 12 (1.248.12)

स हि सर्वस्य लोकस्य हितमात्मन एव च । चिकीर्षन्सुमहातेजा रेमे भरतसत्तम ॥

sa hi sarvasya lokasya hitamātmana eva ca | cikīrṣansumahātejā reme bharatasattama

Seeking the good of all the world and his own good as well, that man of great splendour, best of the Bharatas, lived content.

Verse 13 (1.248.13)

तथा तु मुदिताः सर्वे पाण्डवा विगतज्वराः । अवसन्पृथिवीपालाँस्तापयन्तः स्वतेजसा ॥

tathā tu muditāḥ sarve pāṇḍavā vigatajvarāḥ | avasanpṛthivīpālām̐stāpayantaḥ svatejasā

So all the Pandavas lived joyfully, free from care, scorching the rulers of the earth with their own might.

Verse 14 (1.248.14)

ततः कतिपयाहस्य बीभत्सुः कृष्णमब्रवीत् । उष्णानि कृष्ण वर्तन्ते गच्छावो यमुनां प्रति ॥

tataḥ katipayāhasya bībhatsuḥ kṛṣṇamabravīt | uṣṇāni kṛṣṇa vartante gacchāvo yamunāṃ prati

Then, after some days, Bibhatsu said to Krishna: "The days are hot, Krishna. Let the two of us go to the Yamuna."

Verse 15 (1.248.15)

सुहृज्जनवृतौ तत्र विहृत्य मधुसूदन । सायाह्ने पुनरेष्यावो रोचतां ते जनार्दन ॥

suhṛjjanavṛtau tatra vihṛtya madhusūdana | sāyāhne punareṣyāvo rocatāṃ te janārdana

Surrounded by our friends, we will enjoy ourselves there, slayer of Madhu, and come back in the evening — if it pleases you, Janardana.

Verse 16 (1.248.16)

कुन्तीमातर्ममाप्येतद्रोचते यद्वयं जले । सुहृज्जनवृताः पार्थ विहरेम यथासुखम् ॥

kuntīmātarmamāpyetadrocate yadvayaṃ jale | suhṛjjanavṛtāḥ pārtha viharema yathāsukham

Son of Kunti, this pleases me too: that we should sport in the water at our ease, Partha, surrounded by our friends.

Verse 17 (1.248.17)

आमन्त्र्य तौ धर्मराजमनुज्ञाप्य च भारत । जग्मतुः पार्थगोविन्दौ सुहृज्जनवृतौ ततः ॥

āmantrya tau dharmarājamanujñāpya ca bhārata | jagmatuḥ pārthagovindau suhṛjjanavṛtau tataḥ

Taking leave of the King of Dharma and receiving his permission, O Bharata, Partha and Govinda set out, surrounded by their friends.

Verse 18 (1.248.18)

विहरन्खाण्डवप्रस्थे काननेषु च माधवः । पुष्पितोपवनां दिव्यां ददर्श यमुनां नदीम् ॥

viharankhāṇḍavaprasthe kānaneṣu ca mādhavaḥ | puṣpitopavanāṃ divyāṃ dadarśa yamunāṃ nadīm

Roaming the woods of Khandavaprastha, Madhava saw the divine river Yamuna, its groves in flower.

Note on the text: Removed stray wiki marks (backtick / quote mark / doubled danda). Not in the critical edition's constituted text (found in the vulgate recension; a variant of Wikisource verses 18–29 is printed in the CE's Appendix I, no. 117, after 1.214.17).

Verse 19 (1.248.19)

तस्यास्तीरे वनं दिव्यं सर्वर्तुसुमनोहरम् । आलयं सर्वभूतानां खाण्डवं खड्गचर्मभृत् ॥

tasyāstīre vanaṃ divyaṃ sarvartusumanoharam | ālayaṃ sarvabhūtānāṃ khāṇḍavaṃ khaḍgacarmabhṛt

On its bank lay a divine forest, lovely in every season, the dwelling of all creatures: Khandava. The bearer of sword and shield

Note on the text: Not in the critical edition's constituted text (found in the vulgate recension; a variant of Wikisource verses 18–29 is printed in the CE's Appendix I, no. 117, after 1.214.17).

Verse 20 (1.248.20)

ददर्श कृत्स्नं तं देशं सहितः सव्यसाचिना । ऋक्षगोमायुशार्दूलवृककृष्णमृगान्वितम् ॥

dadarśa kṛtsnaṃ taṃ deśaṃ sahitaḥ savyasācinā | ṛkṣagomāyuśārdūlavṛkakṛṣṇamṛgānvitam

saw that whole region, together with the left-handed archer: full of bears, jackals, tigers, wolves and black antelope,

Note on the text: Not in the critical edition's constituted text (found in the vulgate recension; a variant of Wikisource verses 18–29 is printed in the CE's Appendix I, no. 117, after 1.214.17).

Verse 21 (1.248.21)

शाखामृगगणैर्जुष्टं गजद्वीपिनिषेवितम् । शुकबर्हिणदात्यूहहंससारसनादितम् ॥

śākhāmṛgagaṇairjuṣṭaṃ gajadvīpiniṣevitam | śukabarhiṇadātyūhahaṃsasārasanāditam

frequented by troops of monkeys, haunted by elephants and leopards, ringing with the cries of parrots, peacocks, gallinules, swans and cranes,

Note on the text: Corrected शकबर्हिण → शुकबर्हिण (misprint in Wikisource; dropped vowel sign — "parrots" in a list of birds). Not in the critical edition's constituted text (found in the vulgate recension; a variant of Wikisource verses 18–29 is printed in the CE's Appendix I, no. 117, after 1.214.17).

Verse 22 (1.248.22)

नानामृगसहस्रैश्च पक्षिभिश्च समावृतम् । मानार्हं तच्च सर्वेषां देवदानवरक्षसाम् ॥

nānāmṛgasahasraiśca pakṣibhiśca samāvṛtam | mānārhaṃ tacca sarveṣāṃ devadānavarakṣasām

covered with thousands of beasts of many kinds and with birds, and worthy of the regard of all the gods, danavas and rakshasas;

Note on the text: Not in the critical edition's constituted text (found in the vulgate recension; a variant of Wikisource verses 18–29 is printed in the CE's Appendix I, no. 117, after 1.214.17).

Verse 23 (1.248.23)

आलयं पन्नगेन्द्रस्य तक्षकस्य महात्मनः । वेणुशाल्मलिबिल्वातिमुक्तजंब्वाम्रचम्पकैः ॥

ālayaṃ pannagendrasya takṣakasya mahātmanaḥ | veṇuśālmalibilvātimuktajaṃbvāmracampakaiḥ

the home of the great-souled Takshaka, lord of serpents; [grown] with bamboo, silk-cotton, bilva, atimukta, jambu, mango and champaka,

Note on the text: Not in the critical edition's constituted text (found in the vulgate recension; a variant of Wikisource verses 18–29 is printed in the CE's Appendix I, no. 117, after 1.214.17).

Verse 24 (1.248.24)

अङ्कोलपनसाश्वत्थतालजम्बीरवञ्जुलैः । शाकपद्मकतालैश्च शतशश्चैव रौहिणैः ॥

aṅkolapanasāśvatthatālajambīravañjulaiḥ | śākapadmakatālaiśca śataśaścaiva rauhiṇaiḥ

with ankola, jackfruit, ashvattha, palmyra, citron and vanjula trees, with teak, padmaka and tala, and with rohina trees by the hundred;

Note on the text: Corrected एकपद्मक → शाकपद्मक (misprint in Wikisource; "teak" in a list of trees, as in the CE appendix's śākapadmakatālaiḥ). Not in the critical edition's constituted text (found in the vulgate recension; a variant of Wikisource verses 18–29 is printed in the CE's Appendix I, no. 117, after 1.214.17).

Verse 25 (1.248.25)

नानावृक्षैः समायुक्तं नानागुल्मसमावृतम् । वेत्रकीचकसंयुक्तमाशीविषनिषेवितम् ॥

nānāvṛkṣaiḥ samāyuktaṃ nānāgulmasamāvṛtam | vetrakīcakasaṃyuktamāśīviṣaniṣevitam

set with many kinds of trees and covered with many thickets, full of canes and hollow bamboos, and haunted by venomous snakes;

Note on the text: Not in the critical edition's constituted text (found in the vulgate recension; a variant of Wikisource verses 18–29 is printed in the CE's Appendix I, no. 117, after 1.214.17).

Verse 26 (1.248.26)

विगतार्कं महाभोगविततद्रुमसङ्कटम् । व्यालदंष्ट्रिगणाकीर्णं वर्जितं सर्वमानुषैः ॥

vigatārkaṃ mahābhogavitatadrumasaṅkaṭam | vyāladaṃṣṭrigaṇākīrṇaṃ varjitaṃ sarvamānuṣaiḥ

sunless, crowded with huge, wide-spreading trees, thronged with beasts of prey and fanged creatures, and shunned by all men;

Note on the text: Not in the critical edition's constituted text (found in the vulgate recension; a variant of Wikisource verses 18–29 is printed in the CE's Appendix I, no. 117, after 1.214.17).

Verse 27 (1.248.27)

रक्षसां भुजगेन्द्राणां पक्षिणां च महालयम् । खाण्डवं सुमहाप्राज्ञः सर्वलोकविभागवित् ॥

rakṣasāṃ bhujagendrāṇāṃ pakṣiṇāṃ ca mahālayam | khāṇḍavaṃ sumahāprājñaḥ sarvalokavibhāgavit

the great abode of rakshasas, of serpent lords and of birds — this Khandava the all-wise one, who knows the divisions of all the worlds,

Note on the text: Not in the critical edition's constituted text (found in the vulgate recension; a variant of Wikisource verses 18–29 is printed in the CE's Appendix I, no. 117, after 1.214.17).

Verse 28 (1.248.28)

दृष्टवान्सर्वलोकेश अर्जुनेन समन्वितः । पीताम्बरधरो देवस्तद्वनं बहुधा चरन् ॥

dṛṣṭavānsarvalokeśa arjunena samanvitaḥ | pītāmbaradharo devastadvanaṃ bahudhā caran

the lord of all the worlds, beheld together with Arjuna; and the god clad in yellow, as he wandered through that forest in many directions,

Note on the text: Not in the critical edition's constituted text (found in the vulgate recension; a variant of Wikisource verses 18–29 is printed in the CE's Appendix I, no. 117, after 1.214.17).

Verse 29 (1.248.29)

सद्रुमस्य सयक्षस्य सभूतगणपक्षिणः । खाण्डवस्य विनाशं तं ददर्श मधुसूदनः ॥

sadrumasya sayakṣasya sabhūtagaṇapakṣiṇaḥ | khāṇḍavasya vināśaṃ taṃ dadarśa madhusūdanaḥ

the slayer of Madhu, foresaw the destruction of Khandava, with its trees, its yakshas, its hosts of beings and its birds.

Note on the text: Removed stray wiki marks (backtick / quote mark / doubled danda). Not in the critical edition's constituted text (found in the vulgate recension; a variant of Wikisource verses 18–29 is printed in the CE's Appendix I, no. 117, after 1.214.17).

Verse 30 (1.248.30)

विहारदेशं संप्राप्य नानाद्रुममनुत्तमम् । गृहैरुच्चावचैर्युक्तं पुरन्दरपुरोपमम् ॥

vihāradeśaṃ saṃprāpya nānādrumamanuttamam | gṛhairuccāvacairyuktaṃ purandarapuropamam

Reaching the pleasure-ground, peerless with its many trees, furnished with houses high and low and like the city of Purandara,

Verse 31 (1.248.31)

भक्ष्यैर्भोज्यैश्च पेयैश्च रसवद्भिर्महाधनैः । माल्यैश्च विविधैर्गन्धैस्तथा वार्ष्णेयपाण्डवौ ॥

bhakṣyairbhojyaiśca peyaiśca rasavadbhirmahādhanaiḥ | mālyaiśca vividhairgandhaistathā vārṣṇeyapāṇḍavau

with savoury foods to eat and to chew and costly drinks, with garlands and perfumes of many kinds, the Varshneya and the Pandava then

Note on the text: Corrected रसवद्बिः → रसवद्भिः and वार्ष्मेय → वार्ष्णेय (misprints in Wikisource; ब for भ and म for ण, as in the CE's rasavadbhiḥ, vārṣṇeya).

Verse 32 (1.248.32)

तदा विविशतुः पूर्णं रत्नैरुच्चावचैः शुभैः । यथोपजोषं सर्वश्च जनश्चिक्रीड भारत ॥

tadā viviśatuḥ pūrṇaṃ ratnairuccāvacaiḥ śubhaiḥ | yathopajoṣaṃ sarvaśca janaścikrīḍa bhārata

entered it, filled with fine gems of every kind; and all the people sported as they pleased, O Bharata.

Verse 33 (1.248.33)

स्त्रियश्च विपुलश्रोण्यश्चारुपीनपयोधराः । मदस्खलितगामिन्यश्चिक्रीडुर्वामलोचनाः ॥

striyaśca vipulaśroṇyaścārupīnapayodharāḥ | madaskhalitagāminyaścikrīḍurvāmalocanāḥ

And women with broad hips and full, lovely breasts, fair-eyed, their gait unsteady with wine, sported there.

Note on the text: Corrected विपुलश्रोष्ण्यः → विपुलश्रोण्यः (misprint in Wikisource; intrusive ष्, as in the CE apparatus vipulaśroṇyaḥ). Not in the critical edition (found in the vulgate recension; a variant is printed in the CE apparatus, 1.214.20*2101).

Verse 34 (1.248.34)

वने काश्चिज्जले काश्चित्काश्चिद्वेश्मसु चाङ्गनाः । यथादेशं यथाप्रीति चिक्रीडुः पार्थकृष्णयोः ॥

vane kāścijjale kāścitkāścidveśmasu cāṅganāḥ | yathādeśaṃ yathāprīti cikrīḍuḥ pārthakṛṣṇayoḥ

Some of the women sported in the woods, some in the water, some in the houses, wherever and however they liked, at the pleasure of Partha and Krishna.

Verse 35 (1.248.35)

वासुदेवप्रिया नित्यं सत्यभामा च भामिनी । द्रौपदी च सुभद्रा च वासांस्याभरणानि च । प्रायच्छन्त महाराज स्त्रीणां ताः स्म मदोत्कटाः ॥

vāsudevapriyā nityaṃ satyabhāmā ca bhāminī | draupadī ca subhadrā ca vāsāṃsyābharaṇāni ca | prāyacchanta mahārāja strīṇāṃ tāḥ sma madotkaṭāḥ

Satyabhama, the spirited wife ever dear to Vasudeva, together with Draupadi and Subhadra, themselves high-spirited with wine, gave garments and ornaments to the women, great king.

Note on the text: The first line is not in the critical edition (vulgate recension; CE apparatus 1.214.21*2102); the second and third lines are the critical edition's 1.214.22.

Verse 36 (1.248.36)

काश्चित्प्रहृष्टा ननृतुश्चुक्रुशुश्च तथा पराः । जहसुश्च परा नार्यः पपुश्चान्या वरासवम् ॥

kāścitprahṛṣṭā nanṛtuścukruśuśca tathā parāḥ | jahasuśca parā nāryaḥ papuścānyā varāsavam

Some, overjoyed, danced; others shouted aloud; others laughed, and others drank fine wine.

Verse 37 (1.248.37)

रुरुधुश्चापरास्तत्र प्रजघ्नुश्च परस्परम् । मन्त्रयामासुरन्याश्च रहस्यानि परस्परम् ॥

rurudhuścāparāstatra prajaghnuśca parasparam | mantrayāmāsuranyāśca rahasyāni parasparam

Others there held one another back and struck at one another in play, and others whispered secrets to one another.

Verse 38 (1.248.38)

वेणुवीणामृदङ्गानां मनोज्ञानां च सर्वशः । शब्देन पूर्यते हर्म्यं तद्वनं सुमहर्द्धिमत् ॥

veṇuvīṇāmṛdaṅgānāṃ manojñānāṃ ca sarvaśaḥ | śabdena pūryate harmyaṃ tadvanaṃ sumaharddhimat

With the sound of flutes, vinas and drums, all of them delightful, the mansion and that richly endowed forest were filled on every side.

Verse 39 (1.248.39)

तस्मिंस्तदा वर्तमाने कुरुदाशार्हनन्दनौ । समीपं जग्मतुः कंचिदुद्देशं सुमनोहरम् ॥

tasmiṃstadā vartamāne kurudāśārhanandanau | samīpaṃ jagmatuḥ kaṃciduddeśaṃ sumanoharam

While this was going on, the two delights of the Kurus and the Dasharhas went to a very lovely spot close by.

Note on the text: Corrected वर्तमानो → वर्तमाने (misprint in Wikisource; the locative absolute with तस्मिन्, as in the CE's vartamāne).

Verse 40 (1.248.40)

तत्र गत्वा महात्मानौ कृष्णौ परपुरञ्जयौ । महार्हासनयो राजंस्ततस्तौ सन्निषीदतुः ॥

tatra gatvā mahātmānau kṛṣṇau parapurañjayau | mahārhāsanayo rājaṃstatastau sanniṣīdatuḥ

Going there, the two great-souled Krishnas, conquerors of enemy cities, then sat down on costly seats, O king.

Verse 41 (1.248.41)

तत्र पूर्वव्यतीतानि विक्रान्तानीतराणि च । बहूनि कथयित्वा तौ रेमाते पार्थमाधवौ ॥

tatra pūrvavyatītāni vikrāntānītarāṇi ca | bahūni kathayitvā tau remāte pārthamādhavau

There Partha and Madhava took their pleasure, telling many tales of past exploits and of other things.

Verse 42 (1.248.42)

तत्रोपविष्टौ मुदितौ नाकपृष्ठेऽश्विनाविव । अभ्यागच्छत्तदा विप्रो वासुदेवधनञ्जयौ ॥

tatropaviṣṭau muditau nākapṛṣṭhe'śvināviva | abhyāgacchattadā vipro vāsudevadhanañjayau

As Vasudeva and Dhananjaya sat there in joy, like the two Ashvins on the vault of heaven, a brahmin came up to them.

Verse 43 (1.248.43)

बृहच्छालप्रतीकाशः प्रतप्तकनकप्रभः । हरिपिङ्गोज्ज्वलश्मश्रुः प्रमाणायामतः समः ॥

bṛhacchālapratīkāśaḥ prataptakanakaprabhaḥ | haripiṅgojjvalaśmaśruḥ pramāṇāyāmataḥ samaḥ

He was tall as a great shala tree and bright as molten gold, tawny-green, with a beard that blazed like flame, and well proportioned in height and breadth.

Verse 44 (1.248.44)

तरुणादित्यसङ्काशश्चीरवासा जटाधरः । पद्मपत्राननः पिङ्गस्तेजसा प्रज्वलन्निव ॥

taruṇādityasaṅkāśaścīravāsā jaṭādharaḥ | padmapatrānanaḥ piṅgastejasā prajvalanniva

Like the newly risen sun, clad in bark and wearing matted hair, with a face like a lotus petal, tawny, he seemed to blaze with his own radiance.

Verse 45 (1.248.45)

जगाम तौ कृष्णपार्थौ दिधक्षुः खाण्डवं वनम् । उपसृष्टं तु तं कृष्णौ भ्राजमानं द्विजोत्तमम् । अर्जुनो वासुदेवश्च तूर्णमुत्पत्य तस्थतुः ॥

jagāma tau kṛṣṇapārthau didhakṣuḥ khāṇḍavaṃ vanam | upasṛṣṭaṃ tu taṃ kṛṣṇau bhrājamānaṃ dvijottamam | arjuno vāsudevaśca tūrṇamutpatya tasthatuḥ

Wishing to burn the Khandava forest, he came to Krishna and Partha. As that shining best of brahmins drew near, the two Krishnas, Arjuna and Vasudeva, quickly sprang up and stood.

Note on the text: Corrected कृष्णो → कृष्णौ and अर्जनो → अर्जुनो (misprints in Wikisource; the dual subject of तस्थतुः, and a dropped vowel sign, as in the CE's kṛṣṇau, arjuno). The first line is not in the critical edition (vulgate recension; CE apparatus 1.214.31*2105); the second and third lines are the critical edition's 1.214.32.