Subhadra's Dowry and the Birth of Abhimanyu

Verse 1 (1.247.1)

अथ शुश्राव निर्वृत्ते वृष्णीनां परमोत्सवे । अर्जुनेन हृतां भद्रां शङ्खचक्रगदाधरः ॥

atha śuśrāva nirvṛtte vṛṣṇīnāṃ paramotsave | arjunena hṛtāṃ bhadrāṃ śaṅkhacakragadādharaḥ

Then, when the great festival of the Vrishnis had come to an end, the bearer of the conch, the discus and the mace heard that Bhadra had been carried off by Arjuna.

Note on the text: Not in the critical edition (found in the vulgate recension; a variant is printed in the CE apparatus, 1.213.21*2074).

Verse 2 (1.247.2)

पुरस्तादेव पौराणां संशयः समजायत । जानता वासुदेवेन वासितो भरतर्षभः ॥

purastādeva paurāṇāṃ saṃśayaḥ samajāyata | jānatā vāsudevena vāsito bharatarṣabhaḥ

From the very first a suspicion had arisen among the townsfolk that the bull of the Bharatas had been given lodging with Vasudeva's knowledge.

Note on the text: Not in the critical edition (found in the vulgate recension; a variant is printed in the CE apparatus, 1.213.21*2074).

Verse 3 (1.247.3)

लोकस्य विदितं ह्यद्य पूर्वं विपृथुना यथा । सान्त्वयित्वाभ्यनुज्ञातो भद्रया सह सङ्गतः ॥

lokasya viditaṃ hyadya pūrvaṃ vipṛthunā yathā | sāntvayitvābhyanujñāto bhadrayā saha saṅgataḥ

Now it is known to the world, as Viprithu knew it before: he was won over, given leave, and so united with Bhadra.

Note on the text: Not in the critical edition (found in the vulgate recension; a variant is printed in the CE apparatus, 1.213.21*2074).

Verse 4 (1.247.4)

दित्सता सोदरां तस्मै पतत्त्रिवरकेतुना । अर्हते पार्थिवेन्द्राय पार्थायायतलोचनाम् ॥

ditsatā sodarāṃ tasmai patattrivaraketunā | arhate pārthivendrāya pārthāyāyatalocanām

For he whose banner bears the best of birds wished to give his own sister, the long-eyed maiden, to Partha, a worthy lord among kings.

Note on the text: Not in the critical edition (found in the vulgate recension; a variant is printed in the CE apparatus, 1.213.21*2074).

Verse 5 (1.247.5)

सत्कृत्य पाण्डवश्रेष्ठं प्रेषयामास चार्जुनम् । भद्रया सह बीभत्सुः प्रापितो वृजिनं पुरम् ॥

satkṛtya pāṇḍavaśreṣṭhaṃ preṣayāmāsa cārjunam | bhadrayā saha bībhatsuḥ prāpito vṛjinaṃ puram

He honoured Arjuna, best of the Pandavas, and sent him on his way; and Bibhatsu, with Bhadra, was conveyed to the city of Vrijina.

Note on the text: Not in the critical edition (found in the vulgate recension; a variant is printed in the CE apparatus, 1.213.21*2074).

Verse 6 (1.247.6)

इति पौरजनाः सर्वे वदन्ति च समन्ततः । श्रुत्वा तु पुण्डरीकाक्षः संप्राप्तं स्वपुरोत्तमम् ॥

iti paurajanāḥ sarve vadanti ca samantataḥ | śrutvā tu puṇḍarīkākṣaḥ saṃprāptaṃ svapurottamam

So all the townspeople were saying on every side. And the lotus-eyed one, hearing that Arjuna had reached his own excellent city,

Note on the text: Removed stray wiki marks (backtick / quote mark / doubled danda). The first line is not in the critical edition (found in the vulgate recension); the second line is the critical edition's 1.213.22ab.

Verse 7 (1.247.7)

अर्जुनं पाण्डवश्रेष्ठमिन्द्रप्रस्थगतं तथा । यियासुः खाण्डवप्रस्थममन्त्रयत केशवः ॥

arjunaṃ pāṇḍavaśreṣṭhamindraprasthagataṃ tathā | yiyāsuḥ khāṇḍavaprasthamamantrayata keśavaḥ

that Arjuna, best of the Pandavas, had arrived in Indraprastha, Keshava, wishing to go to Khandavaprastha, took counsel.

Note on the text: Removed stray wiki marks (backtick / quote mark / doubled danda). The first line is the critical edition's 1.213.22cd; the second line is not in the critical edition (vulgate recension; CE apparatus 1.213.22*2075).

Verse 8 (1.247.8)

पूर्वं सत्कृत्य राजानमाहुकं मधुसूदनः । तथा विपृथुमक्रूरं संकर्षणविडूरथौ ॥

pūrvaṃ satkṛtya rājānamāhukaṃ madhusūdanaḥ | tathā vipṛthumakrūraṃ saṃkarṣaṇaviḍūrathau

First the slayer of Madhu paid honour to King Ahuka, and likewise to Viprithu, Akrura, Sankarshana and Viduratha,

Note on the text: Not in the critical edition (found in the vulgate recension; a variant is printed in the CE apparatus, 1.213.22*2075).

Verse 9 (1.247.9)

मन्त्रयामास तैः सार्धं पुरस्तादभिमानितैः । संकर्षणेन संमन्त्र्य ह्यनुज्ञातो महामनाः ॥

mantrayāmāsa taiḥ sārdhaṃ purastādabhimānitaiḥ | saṃkarṣaṇena saṃmantrya hyanujñāto mahāmanāḥ

and took counsel with them, having first shown them honour. After consulting Sankarshana, the great-souled one received his leave.

Note on the text: Not in the critical edition (found in the vulgate recension; a variant is printed in the CE apparatus, 1.213.22*2075).

Verse 10 (1.247.10)

संप्रीतः प्रीयमाणेन वृष्णिराज्ञा जनार्दनः । अभिमन्त्र्याभ्यनुज्ञातो योजयामास वाहिनीम् ॥

saṃprītaḥ prīyamāṇena vṛṣṇirājñā janārdanaḥ | abhimantryābhyanujñāto yojayāmāsa vāhinīm

Janardana, glad at heart and kindly treated by the delighted king of the Vrishnis, took his leave, and with permission granted he had the army made ready.

Note on the text: Not in the critical edition (found in the vulgate recension; a variant is printed in the CE apparatus, 1.213.22*2075).

Verse 11 (1.247.11)

ततस्तु यानान्यासाद्य दाशार्हाणां यशस्विनाम् । सिंहनादः प्रहृष्टानां क्षणेन समपद्यत ॥

tatastu yānānyāsādya dāśārhāṇāṃ yaśasvinām | siṃhanādaḥ prahṛṣṭānāṃ kṣaṇena samapadyata

Then, as the illustrious Dasharhas came to their carriages, a lion's roar went up in a moment from the joyful host.

Note on the text: Not in the critical edition (found in the vulgate recension; a variant is printed in the CE apparatus, 1.213.22*2075).

Verse 12 (1.247.12)

योजयन्तः सदश्वांस्तु यानयुग्यं रथांस्तथा । गजांश्च परमप्रीताः समपद्यन्त वृष्णयः ॥

yojayantaḥ sadaśvāṃstu yānayugyaṃ rathāṃstathā | gajāṃśca paramaprītāḥ samapadyanta vṛṣṇayaḥ

Yoking fine horses, carriages and draught animals, chariots and elephants, the Vrishnis made ready in great delight.

Note on the text: Removed stray wiki marks (backtick / quote mark / doubled danda). Corrected परमप्रीतः → परमप्रीताः (misprint in Wikisource; the adjective agrees with the plural वृष्णयः, as in the CE apparatus). Not in the critical edition (found in the vulgate recension; a variant is printed in the CE apparatus, 1.213.22*2075).

Verse 13 (1.247.13)

वृष्ण्यन्धकमहामात्रैः सह वीरैर्महारथैः । भ्रातृभिश्च कुमारैश्च योधैश्च शतशो वृतः ॥

vṛṣṇyandhakamahāmātraiḥ saha vīrairmahārathaiḥ | bhrātṛbhiśca kumāraiśca yodhaiśca śataśo vṛtaḥ

Surrounded by the chief ministers of the Vrishnis and Andhakas, by heroes and great chariot-warriors, by his brothers and the princes, and by warriors in their hundreds,

Note on the text: Spans the critical edition's 1.213.23cd–24ab (Wikisource and the CE divide this passage differently). Wikisource lacks the CE line 1.213.23ab (ājagāma viśuddhātmā saha rāmeṇa keśavaḥ); the subject, Keshava (Shauri), is supplied in the next verse.

Verse 14 (1.247.14)

सैन्येन महता शौरिरभिगुप्तः समन्ततः । तत्र दानपतिः श्रीमाञ्जगाम स महायशाः ॥

sainyena mahatā śaurirabhiguptaḥ samantataḥ | tatra dānapatiḥ śrīmāñjagāma sa mahāyaśāḥ

and guarded on every side by a great army, Shauri set out. With him went the glorious lord of gifts, of great renown,

Note on the text: Spans the critical edition's 1.213.24cd–25ab.

Verse 15 (1.247.15)

अक्रूरो वृष्णिवीराणां सेनापतिररिन्दमः । अनाधृष्टिर्महातेजा उद्धवश्च महायशाः ॥

akrūro vṛṣṇivīrāṇāṃ senāpatirarindamaḥ | anādhṛṣṭirmahātejā uddhavaśca mahāyaśāḥ

Akrura, commander of the Vrishni heroes and tamer of foes; Anadhrishti of great splendour; and Uddhava of great renown,

Note on the text: Spans the critical edition's 1.213.25cd–26ab.

Verse 16 (1.247.16)

साक्षाद्बृहस्पतेः शिष्यो महाबुद्धिर्महामनाः । सत्यकः सात्यकिश्चैव कृतवर्मा च सात्वतः ॥

sākṣādbṛhaspateḥ śiṣyo mahābuddhirmahāmanāḥ | satyakaḥ sātyakiścaiva kṛtavarmā ca sātvataḥ

a direct disciple of Brihaspati, of great intellect and great soul; Satyaka and Satyaki, and Kritavarman of the Satvatas;

Note on the text: Corrected साक्षाद्वृहस्पतेः → साक्षाद्बृहस्पतेः (misprint in Wikisource; व for ब, as in the CE's sākṣād bṛhaspateḥ). Spans the critical edition's 1.213.26cd–27ab.

Verse 17 (1.247.17)

प्रद्युम्नश्चैव साम्बश्च निशठः शङ्कुरेव च । चारुदेष्णश्च विक्रान्तो झिल्ली विपृथुरेव च ॥

pradyumnaścaiva sāmbaśca niśaṭhaḥ śaṅkureva ca | cārudeṣṇaśca vikrānto jhillī vipṛthureva ca

Pradyumna and Samba, Nishatha and Shanku, the valiant Charudeshna, Jhilli and Viprithu;

Note on the text: Corrected निशङ्कुः → निशठः (misprint in Wikisource; the Vrishni hero Nishatha, as in the CE's niśaṭhaḥ — the printed form echoes the following शङ्कुः). Spans the critical edition's 1.213.27cd–28ab.

Verse 18 (1.247.18)

सारणश्च महाबाहुर्गदश्च विदुषां वरः । एते चान्ये च बहवो वृष्णिभोजान्धकास्तथा ॥

sāraṇaśca mahābāhurgadaśca viduṣāṃ varaḥ | ete cānye ca bahavo vṛṣṇibhojāndhakāstathā

the mighty-armed Sarana, and Gada, best of the learned. These and many others of the Vrishnis, Bhojas and Andhakas

Note on the text: Spans the critical edition's 1.213.28cd–29ab.

Verse 19 (1.247.19)

आजग्मुः खाण्डवप्रस्थमादाय हरणं बहु । उपहारं समादाय पृथुवृष्णिपुरोगमाः ॥

ājagmuḥ khāṇḍavaprasthamādāya haraṇaṃ bahu | upahāraṃ samādāya pṛthuvṛṣṇipurogamāḥ

came to Khandavaprastha bringing many bridal gifts. Bearing presents, with Prithu and the Vrishnis at their head,

Note on the text: Removed stray wiki marks (backtick / quote mark / doubled danda). Corrected आजग्मः → आजग्मुः (misprint in Wikisource; dropped vowel sign, as in the CE's ājagmuḥ). The first line is the critical edition's 1.213.29cd; the second is not in the critical edition (vulgate recension; CE apparatus 1.213.29*2076).

Verse 20 (1.247.20)

प्रययुः सिंहनादेन सुभद्रामवलोककाः । ते त्वदीर्घेण कालेन कृष्णेन सह यादवाः । पुरमासाद्य पार्थानां परां प्रीतिमवाप्नुवन् ॥

prayayuḥ siṃhanādena subhadrāmavalokakāḥ | te tvadīrgheṇa kālena kṛṣṇena saha yādavāḥ | puramāsādya pārthānāṃ parāṃ prītimavāpnuvan

they set out with lion-roars, eager to see Subhadra. Before long those Yadavas, together with Krishna, reached the city of the Parthas and were filled with the greatest joy.

Note on the text: Removed stray wiki marks (backtick / quote mark / doubled danda). Corrected सुभध्रा → सुभद्रा (misprint in Wikisource; ध्र for द्र). Not in the critical edition (found in the vulgate recension; a variant is printed in the CE apparatus, 1.213.29*2076).

Verse 21 (1.247.21)

ततो युधिष्ठिरो राजा श्रुत्वा माधवमागतम् । प्रतिग्रहार्थं कृष्णस्य यमौ प्रास्थापयत्तदा ॥

tato yudhiṣṭhiro rājā śrutvā mādhavamāgatam | pratigrahārthaṃ kṛṣṇasya yamau prāsthāpayattadā

Then King Yudhishthira, hearing that Madhava had come, sent the twins to receive Krishna.

Note on the text: Corrected सजा → राजा and माघवम् → माधवम् (misprints in Wikisource; स for रा and घ for ध, as in the CE's rājā, mādhavam).

Verse 22 (1.247.22)

ताभ्यां प्रतिगृहीतं तु वृष्णिचक्रं महर्द्धिमत् । विवेश खाण्डवप्रस्थं पताकाध्वजशोभितम् ॥

tābhyāṃ pratigṛhītaṃ tu vṛṣṇicakraṃ maharddhimat | viveśa khāṇḍavaprasthaṃ patākādhvajaśobhitam

Welcomed by the two of them, the wealthy host of the Vrishnis entered Khandavaprastha, gay with flags and banners,

Verse 23 (1.247.23)

संमृष्टसिक्तपन्थानं पुष्पप्रकरशोभितम् । चन्दनस्य रसैः शीतैः पुण्यगन्धैर्निषेवितम् ॥

saṃmṛṣṭasiktapanthānaṃ puṣpaprakaraśobhitam | candanasya rasaiḥ śītaiḥ puṇyagandhairniṣevitam

its streets swept and sprinkled, strewn with heaps of flowers, fragrant with cool sandal paste and holy scents,

Note on the text: Corrected पुम्यगन्धैः → पुण्यगन्धैः (misprint in Wikisource; म for ण, as in the CE's puṇyagandhaiḥ).

Verse 24 (1.247.24)

दह्यताऽगुरुणा चैव देशे देशे सुगन्धिना । हृष्टपुष्टजनाकीर्णं वणिग्भिरुपशोभितम् ॥

dahyatā'guruṇā caiva deśe deśe sugandhinā | hṛṣṭapuṣṭajanākīrṇaṃ vaṇigbhirupaśobhitam

with fragrant aloe-wood burning here and there, thronged with glad and well-fed people and graced by merchants.

Verse 25 (1.247.25)

प्रतिपेदे महाबाहुः सह रामेण केशवः । वृष्ण्यन्धकैस्तथा भोजैः समेतः पुरुषोत्तमः ॥

pratipede mahābāhuḥ saha rāmeṇa keśavaḥ | vṛṣṇyandhakaistathā bhojaiḥ sametaḥ puruṣottamaḥ

The mighty-armed Keshava, best of men, arrived there with Rama, accompanied by the Vrishnis, the Andhakas and the Bhojas.

Verse 26 (1.247.26)

संपूज्यमानः पौरैश्च ब्राह्मणैश्च सहस्रशः । विवेश भवनं राज्ञः पुरन्दरगृहोपमम् ॥

saṃpūjyamānaḥ pauraiśca brāhmaṇaiśca sahasraśaḥ | viveśa bhavanaṃ rājñaḥ purandaragṛhopamam

Honoured by the citizens and by brahmins in their thousands, he entered the king's palace, which was like the house of Purandara.

Verse 27 (1.247.27)

युधिष्ठिरस्तु रामेण समागच्छद्यथाविधि । मूर्ध्नि केशवमाघ्राय बाहुभ्यां परिषस्वजे ॥

yudhiṣṭhirastu rāmeṇa samāgacchadyathāvidhi | mūrdhni keśavamāghrāya bāhubhyāṃ pariṣasvaje

Yudhishthira met Rama with due ceremony; he kissed Keshava on the head and embraced him with both arms.

Verse 28 (1.247.28)

तं प्रीयमाणो गोविन्दो विनयेनाभिपूजयन् । भीमं च पुरुषव्याघ्रं विधिवत्प्रत्यपूजयत् ॥

taṃ prīyamāṇo govindo vinayenābhipūjayan | bhīmaṃ ca puruṣavyāghraṃ vidhivatpratyapūjayat

Govinda, delighted, honoured him with humility, and duly honoured in turn Bhima, the tiger among men.

Verse 29 (1.247.29)

तांश्च वृष्ण्यन्धकश्रेष्ठान्कुन्तीपुत्रो युधिष्ठिरः । प्रतिजग्राह सत्कारैर्यथाविधि यथागतम् ॥

tāṃśca vṛṣṇyandhakaśreṣṭhānkuntīputro yudhiṣṭhiraḥ | pratijagrāha satkārairyathāvidhi yathāgatam

Yudhishthira, son of Kunti, received those foremost of the Vrishnis and Andhakas with honours, according to rule and in the order in which they came.

Verse 30 (1.247.30)

गुरुवत्पूजयामास कांश्चित्कांश्चिद्वयस्यवत् । कांश्चिदभ्यवदत्प्रेम्णा कैश्चिदप्यभिवादितः ॥

guruvatpūjayāmāsa kāṃścitkāṃścidvayasyavat | kāṃścidabhyavadatpremṇā kaiścidapyabhivāditaḥ

Some he honoured as elders, some as friends of his own age; to some he spoke with affection, and by some he was himself saluted.

Verse 31 (1.247.31)

ततः पृथा च पार्थाश्च मुदिताः कृष्णया सह । पुण्डरीकाक्षमासाद्य बभूवुर्मुदितेन्द्रियाः ॥

tataḥ pṛthā ca pārthāśca muditāḥ kṛṣṇayā saha | puṇḍarīkākṣamāsādya babhūvurmuditendriyāḥ

Then Pritha and the Parthas, rejoicing together with Krishnaa, came to the lotus-eyed one, their hearts full of gladness.

Note on the text: Removed stray wiki marks (backtick / quote mark / doubled danda). Not in the critical edition (found in the vulgate recension; a variant is printed in the CE apparatus, 1.213.39*2078).

Verse 32 (1.247.32)

हर्षादभिगतौ दृष्ट्वा संकर्षणजनार्दनौ । बन्धुमन्तं पृथा पार्थं युधिष्ठिरममन्यत ॥

harṣādabhigatau dṛṣṭvā saṃkarṣaṇajanārdanau | bandhumantaṃ pṛthā pārthaṃ yudhiṣṭhiramamanyata

Seeing Sankarshana and Janardana arrive in joy, Pritha felt that her son Yudhishthira was rich in kinsmen.

Note on the text: Not in the critical edition (found in the vulgate recension; a variant is printed in the CE apparatus, 1.213.39*2078).

Verse 33 (1.247.33)

ततः सङ्कर्षणाक्रूरावप्रमेयावदीनवत् । भद्रवत्यै सुभद्रायै धनौघमुपजह्रतुः ॥

tataḥ saṅkarṣaṇākrūrāvaprameyāvadīnavat | bhadravatyai subhadrāyai dhanaughamupajahratuḥ

Then Sankarshana and Akrura, immeasurable and open-handed, brought a flood of wealth to the gracious Subhadra:

Note on the text: Not in the critical edition (found in the vulgate recension; a variant is printed in the CE apparatus, 1.213.39*2078).

Verse 34 (1.247.34)

प्रवालानि च हाराणि भूषणानि सहस्रशः । कुथास्तरपरिस्तोमान्व्याघ्राजिनपुरस्कृतान् ॥

pravālāni ca hārāṇi bhūṣaṇāni sahasraśaḥ | kuthāstaraparistomānvyāghrājinapuraskṛtān

coral, necklaces and ornaments by the thousand, elephant-blankets, coverlets and carpets, with tiger skins foremost among them.

Note on the text: Not in the critical edition (found in the vulgate recension; a variant is printed in the CE apparatus, 1.213.39*2078).

Verse 35 (1.247.35)

विविधैश्चैव रत्नौघैर्दीप्तप्रभमजायत । शयनासनयानैश्च युधिष्ठिरनिवेशनम् ॥

vividhaiścaiva ratnaughairdīptaprabhamajāyata | śayanāsanayānaiśca yudhiṣṭhiraniveśanam

With heaps of gems of many kinds, and with beds, seats and carriages, Yudhishthira's dwelling became radiant with light.

Note on the text: Corrected रंत्नौगैः → रत्नौघैः (misprint in Wikisource; stray anusvara and ग for घ, as in the CE apparatus ratnaughaiḥ). Not in the critical edition (found in the vulgate recension; a variant is printed in the CE apparatus, 1.213.39*2078).

Verse 36 (1.247.36)

ततः प्रीतिकरो यूनां विवाहपरमोत्सवः । भद्रवत्यै सुभद्रायै सप्तरात्रमवर्तत ॥

tataḥ prītikaro yūnāṃ vivāhaparamotsavaḥ | bhadravatyai subhadrāyai saptarātramavartata

Then the great wedding festival of the gracious Subhadra, a delight to the young, went on for seven nights.

Note on the text: Removed stray wiki marks (backtick / quote mark / doubled danda). Not in the critical edition (found in the vulgate recension; a variant is printed in the CE apparatus, 1.213.39*2078).

Verse 37 (1.247.37)

तेषां ददौ हृषीकेशो जन्यार्थे धनमुत्तमम् । हरणं वै सुभद्राया ज्ञातिदेयं महायशाः ॥

teṣāṃ dadau hṛṣīkeśo janyārthe dhanamuttamam | haraṇaṃ vai subhadrāyā jñātideyaṃ mahāyaśāḥ

To them the famous Hrishikesha gave excellent wealth for the wedding party: the bridal portion of Subhadra, which her kinsmen were to give.

Verse 38 (1.247.38)

रथानां काञ्चनाङ्गानां किङ्किणीजालमालिनाम् । चतुर्युजामुपेतानां सूतैः कुशलशिक्षितैः ॥

rathānāṃ kāñcanāṅgānāṃ kiṅkiṇījālamālinām | caturyujāmupetānāṃ sūtaiḥ kuśalaśikṣitaiḥ

Chariots with golden fittings, hung with nets of little bells, each yoked with four horses and furnished with skilfully trained drivers —

Note on the text: Matches the critical edition's 1.213.41ab; the CE prints verses 41–42 as six-line verses, which Wikisource divides into its verses 38–40.

Verse 39 (1.247.39)

सहस्रं प्रददौ कृष्णो गवामयुतमेव च । श्रीमान्माथुरदेश्यानां दोग्ध्रीणां पुण्यवर्चसाम् ॥

sahasraṃ pradadau kṛṣṇo gavāmayutameva ca | śrīmānmāthuradeśyānāṃ dogdhrīṇāṃ puṇyavarcasām

a thousand of these Krishna gave, and ten thousand cows besides; the glorious one gave milch cows of the Mathura country, of auspicious lustre.

Note on the text: Corrected कृष्मो → कृष्णो (misprint in Wikisource; म for ण, as in the CE's kṛṣṇo). Spans the critical edition's 1.213.41ef–42ab.

Verse 40 (1.247.40)

बडवानां च शुद्धानां चन्द्रांशुसमवर्चसाम् । ददौ जनार्दनः प्रीत्या सहस्रं हेमभूषितम् ॥

baḍavānāṃ ca śuddhānāṃ candrāṃśusamavarcasām | dadau janārdanaḥ prītyā sahasraṃ hemabhūṣitam

And Janardana gladly gave a thousand pure mares, gleaming like moonbeams and adorned with gold.

Note on the text: Matches the critical edition's 1.213.42cd–ef.

Verse 41 (1.247.41)

तथैवाश्वतरीणां च दान्तानां वातरंहसाम् । शतान्यञ्जनकेशीनां श्वेतानां पञ्चपञ्च च ॥

tathaivāśvatarīṇāṃ ca dāntānāṃ vātaraṃhasām | śatānyañjanakeśīnāṃ śvetānāṃ pañcapañca ca

Likewise he gave mules, well broken and swift as the wind, five hundred black-maned and five hundred white.

Verse 42 (1.247.42)

स्नानपानोत्सवे चैव प्रयुक्तं वयसान्वितम् । स्त्रीणां सहस्रं गौरीणां सुवेषाणां सुवर्चसाम् ॥

snānapānotsave caiva prayuktaṃ vayasānvitam | strīṇāṃ sahasraṃ gaurīṇāṃ suveṣāṇāṃ suvarcasām

A thousand fair-skinned women, young, finely dressed and radiant, fit to serve at bathing, drinking and festivities,

Verse 43 (1.247.43)

सुवर्णशतकण्ठीनामरोमाणां स्वलङ्कृताम् । परिचर्यासु दक्षाणां प्रददौ पुष्करेक्षणः ॥

suvarṇaśatakaṇṭhīnāmaromāṇāṃ svalaṅkṛtām | paricaryāsu dakṣāṇāṃ pradadau puṣkarekṣaṇaḥ

wearing necklaces of a hundred gold pieces, smooth of body, well adorned and skilled in attendance — these the lotus-eyed one gave.

Verse 44 (1.247.44)

पृष्ठ्यानामपि चाश्वानां बाह्लिकानां जनार्दनः । ददौ शतसहस्राख्यं कन्याधनमनुत्तमम् ॥

pṛṣṭhyānāmapi cāśvānāṃ bāhlikānāṃ janārdanaḥ | dadau śatasahasrākhyaṃ kanyādhanamanuttamam

Janardana also gave a hundred thousand riding horses of the Bahlika breed as a matchless bride-gift.

Note on the text: Not in the critical edition (found in the vulgate recension; a variant is printed in the CE apparatus, 1.213.45*2087).

Verse 45 (1.247.45)

कृताकृतस्य मुख्यस्य कनकस्याग्निवर्चसः । मनुष्यभारान्दाशार्हो ददौ दश जनार्दनः ॥

kṛtākṛtasya mukhyasya kanakasyāgnivarcasaḥ | manuṣyabhārāndāśārho dadau daśa janārdanaḥ

Of the finest gold, wrought and unwrought, bright as fire, the Dasharha Janardana gave ten man-loads.

Verse 46 (1.247.46)

गजानां तु प्रभिन्नानां त्रिधा प्रस्रवतां मदम् । गिरिकूटनिकाशानां समरेष्वनिवर्तिनाम् ॥

gajānāṃ tu prabhinnānāṃ tridhā prasravatāṃ madam | girikūṭanikāśānāṃ samareṣvanivartinām

Of elephants in rut, streaming ichor from three places, huge as mountain peaks and never turning back in battle,

Verse 47 (1.247.47)

क्लृप्तानां पटुघण्टानां चारूणां हेममालिनाम् । हस्त्यारोहैरुपेतानां सहस्रं साहसप्रियः ॥

klṛptānāṃ paṭughaṇṭānāṃ cārūṇāṃ hemamālinām | hastyārohairupetānāṃ sahasraṃ sāhasapriyaḥ

fully harnessed, with loud-ringing bells, handsome, hung with golden garlands and furnished with riders, the lover of daring gave a thousand.

Verse 48 (1.247.48)

रामः पाणिग्रहणिकं ददौ पार्थाय लाङ्गली । प्रीयमाणो हलधरः संबन्धं प्रति मानयन् ॥

rāmaḥ pāṇigrahaṇikaṃ dadau pārthāya lāṅgalī | prīyamāṇo haladharaḥ saṃbandhaṃ prati mānayan

Rama, the plough-bearer, gave Partha the gift for the taking of the bride's hand; the wielder of the plough did so gladly, honouring the new alliance.

Verse 49 (1.247.49)

स महाधनरत्नौघो वस्त्रकम्बलफेनवान् । महागजमहाग्राहः पताकाशैवलाकुलः ॥

sa mahādhanaratnaugho vastrakambalaphenavān | mahāgajamahāgrāhaḥ patākāśaivalākulaḥ

That great flood of riches, its heaps of gems for water, its garments and blankets for foam, its great elephants for crocodiles, crowded with banners for weed,

Verse 50 (1.247.50)

पाण्डुसागरमाविद्धः प्रविवेश महाधनः । पूर्णमापूरयंस्तेषां द्विषच्छोकावहोऽभवत् ॥

pāṇḍusāgaramāviddhaḥ praviveśa mahādhanaḥ | pūrṇamāpūrayaṃsteṣāṃ dviṣacchokāvaho'bhavat

swept into the ocean of the Pandus and entered it; filling them to the brim, that great treasure brought grief to their enemies.

Verse 51 (1.247.51)

प्रतिजग्राह तत्सर्वं धर्मराजो युधिष्ठिरः । पूजयामास तांश्चैव वृष्ण्यन्धकमहारथान् ॥

pratijagrāha tatsarvaṃ dharmarājo yudhiṣṭhiraḥ | pūjayāmāsa tāṃścaiva vṛṣṇyandhakamahārathān

Yudhishthira, the King of Dharma, accepted all of it, and paid honour to those great chariot-warriors of the Vrishnis and Andhakas.

Note on the text: Corrected युधिष्टिरः → युधिष्ठिरः (misprint in Wikisource; ट for ठ).

Verse 52 (1.247.52)

ते समेता महात्मानः कुरुवृष्ण्यन्धकोत्तमाः । विजह्रुरमरावासे नराः सुकृतिनो यथा ॥

te sametā mahātmānaḥ kuruvṛṣṇyandhakottamāḥ | vijahruramarāvāse narāḥ sukṛtino yathā

Gathered together, those great-souled men, the best of the Kurus, Vrishnis and Andhakas, took their pleasure like men of good deeds in the abode of the immortals.

Verse 53 (1.247.53)

तत्रतत्र महानादैरुत्कृष्टतलनादितैः । यथायोगं यथाप्रीति विजह्रुः कुरुवृष्णयः ॥

tatratatra mahānādairutkṛṣṭatalanāditaiḥ | yathāyogaṃ yathāprīti vijahruḥ kuruvṛṣṇayaḥ

Here and there, amid loud music and the sound of clapping hands, the Kurus and Vrishnis made merry, each as suited him and as he pleased.

Verse 54 (1.247.54)

एवमुत्तमवीर्यास्ते विहृत्य दिवसान्बहून् । पूजिताः कुरुभिर्जग्मुः पुनर्द्वारवतीं प्रति ॥

evamuttamavīryāste vihṛtya divasānbahūn | pūjitāḥ kurubhirjagmuḥ punardvāravatīṃ prati

Thus those men of the highest valour, after enjoying themselves for many days, were honoured by the Kurus and set out again for Dvaravati.

Verse 55 (1.247.55)

रामं पुरस्कृत्य ययुर्वृष्ण्यन्धकमहारथाः । रत्नान्यादाय शुभ्राणि दत्तानि कुरुसत्तमैः ॥

rāmaṃ puraskṛtya yayurvṛṣṇyandhakamahārathāḥ | ratnānyādāya śubhrāṇi dattāni kurusattamaiḥ

With Rama at their head, the great chariot-warriors of the Vrishnis and Andhakas departed, taking the bright gems given them by the best of the Kurus.

Note on the text: Corrected पुरुस्कृत्य → पुरस्कृत्य and वृष्म्यन्धक → वृष्ण्यन्धक (misprints in Wikisource; stray vowel sign and म for ण, as in the CE's puraskṛtya, vṛṣṇyandhaka).

Verse 56 (1.247.56)

रामः सुभद्रां संपूज्य परिष्वज्य स्वसां तदा । न्यासेति द्रौपदीमुक्त्वा परिदाय महाबलः ॥

rāmaḥ subhadrāṃ saṃpūjya pariṣvajya svasāṃ tadā | nyāseti draupadīmuktvā paridāya mahābalaḥ

Rama honoured Subhadra and embraced his sister; then the mighty one, telling Draupadi, "She is a trust in your keeping," gave her into her care.

Note on the text: Removed stray wiki marks (backtick / quote mark / doubled danda). Corrected परिधाय → परिदाय (misprint in Wikisource; ध for द — "having entrusted", as in the CE apparatus paridāya; "having put on" makes no sense here). Not in the critical edition (found in the vulgate recension; a variant is printed in the CE apparatus, 1.213.56*2095).

Verse 57 (1.247.57)

पितृष्वसायाश्चरणावभिवाद्य ययौ तदा । तस्मिन्काले पृथा प्रीता पूजयामास तं तथा ॥

pitṛṣvasāyāścaraṇāvabhivādya yayau tadā | tasminkāle pṛthā prītā pūjayāmāsa taṃ tathā

Then, having bowed at the feet of his father's sister, he departed. At that time Pritha, pleased, honoured him in return.

Note on the text: Not in the critical edition (found in the vulgate recension; a variant is printed in the CE apparatus, 1.213.56*2095).

Verse 58 (1.247.58)

स वृष्णिवीरः पार्थैश्च पौरैश्च परमार्चितः । ययौ द्वारवतीं रामो वृष्णिभिः सह संयुतः ॥

sa vṛṣṇivīraḥ pārthaiśca pauraiśca paramārcitaḥ | yayau dvāravatīṃ rāmo vṛṣṇibhiḥ saha saṃyutaḥ

That hero of the Vrishnis, Rama, greatly honoured by the Parthas and the townsfolk, went to Dvaravati together with the Vrishnis.

Note on the text: Not in the critical edition (found in the vulgate recension; a variant is printed in the CE apparatus, 1.213.56*2095).

Verse 59 (1.247.59)

वासुदेवस्तु पार्थेन तत्रैव सह भारत । चतुस्त्रिंशदहोरात्रं रममाणो महाबलः । उवास नगरे रम्ये शक्रप्रस्थे महात्मना ॥

vāsudevastu pārthena tatraiva saha bhārata | catustriṃśadahorātraṃ ramamāṇo mahābalaḥ | uvāsa nagare ramye śakraprasthe mahātmanā

But Vasudeva, O Bharata, stayed on there with Partha in the lovely city of Shakraprastha, the mighty one taking his pleasure with that great-souled hero for thirty-four days and nights.

Note on the text: Removed stray wiki marks (backtick / quote mark / doubled danda). The first and third lines are the critical edition's 1.213.57ab and 57cd; the middle line is not in the critical edition (vulgate recension; CE apparatus 1.213.57*2096, which reads "twenty-four").

Verse 60 (1.247.60)

व्यचरद्यमुनातीरे मृगयां स महायशाः । मृगान्विध्यन्वराहांश्च रेमे सार्धं किरीटिना ॥

vyacaradyamunātīre mṛgayāṃ sa mahāyaśāḥ | mṛgānvidhyanvarāhāṃśca reme sārdhaṃ kirīṭinā

That famous one roamed the banks of the Yamuna hunting, and took his pleasure with the diadem-wearer, shooting deer and boars.

Note on the text: The first line is a variant of the critical edition's 1.213.57ef; the second is not in the critical edition (vulgate recension; CE apparatus 1.213.57*2097).

Verse 61 (1.247.61)

ततः सुभद्रा सौभद्रं केशवस्य प्रिया स्वसा । जयन्तमिव पौलोमी ख्यातिमन्तमजीजनत् ॥

tataḥ subhadrā saubhadraṃ keśavasya priyā svasā | jayantamiva paulomī khyātimantamajījanat

Then Subhadra, Keshava's beloved sister, gave birth to Saubhadra, a son of renown, as the daughter of Puloman bore Jayanta.

Verse 62 (1.247.62)

दीर्घबाहुं महोरस्कं वृषभाक्षमरिन्दमम् । सुभद्रा सुषुवे वीरमभिमन्युं नरर्षभम् ॥

dīrghabāhuṃ mahoraskaṃ vṛṣabhākṣamarindamam | subhadrā suṣuve vīramabhimanyuṃ nararṣabham

Long-armed, broad-chested, bull-eyed, a tamer of foes: such was the hero Abhimanyu, a bull among men, whom Subhadra bore.

Verse 63 (1.247.63)

अभीश्च मन्युमांश्चैव ततस्तमरिमर्दनम् । अभिमन्युरिति प्राहुरार्जुनिं पुरुषर्षभम् ॥

abhīśca manyumāṃścaiva tatastamarimardanam | abhimanyuriti prāhurārjuniṃ puruṣarṣabham

Because he was fearless (abhi) and full of fiery spirit (manyu), they called that crusher of foes, Arjuna's son and a bull among men, Abhimanyu.

Verse 64 (1.247.64)

स सात्वत्यामतिरथः संबभूव धनञ्जयात् । मखे निर्मथनेनेव शमीगर्भाद्धुताशनः ॥

sa sātvatyāmatirathaḥ saṃbabhūva dhanañjayāt | makhe nirmathaneneva śamīgarbhāddhutāśanaḥ

That mighty chariot-warrior was born of Dhananjaya in the Satvata princess, as fire at a sacrifice springs from the shami wood by churning.

Verse 65 (1.247.65)

यस्मिञ्जाते महातेजाः कुन्तीपुत्रो युधिष्ठिरः । अयुतं गा द्विजातिभ्यः प्रादान्निष्कांश्च भारत ॥

yasmiñjāte mahātejāḥ kuntīputro yudhiṣṭhiraḥ | ayutaṃ gā dvijātibhyaḥ prādānniṣkāṃśca bhārata

When he was born, Yudhishthira, the illustrious son of Kunti, gave the twice-born ten thousand cows and gold coins, O Bharata.

Verse 66 (1.247.66)

दयितो वासुदेवस्य बाल्यात्प्रभृति चाभवत् । पितॄणां चैव सर्वेषां प्रजानामिव चन्द्रमाः ॥

dayito vāsudevasya bālyātprabhṛti cābhavat | pitṝṇāṃ caiva sarveṣāṃ prajānāmiva candramāḥ

From childhood he was dear to Vasudeva and to all his fathers, as the moon is dear to people.

Verse 67 (1.247.67)

जन्मप्रभृति कृष्णश्च चक्रे तस्य क्रियाः शुभाः । स चापि ववृधे बालः शुक्लपक्षे यथा शशी ॥

janmaprabhṛti kṛṣṇaśca cakre tasya kriyāḥ śubhāḥ | sa cāpi vavṛdhe bālaḥ śuklapakṣe yathā śaśī

From his birth Krishna performed the auspicious rites for him, and the boy grew like the moon in the bright fortnight.

Verse 68 (1.247.68)

चतुष्पादं दशविधं धनुर्वेदमरिन्दमः । अर्जुनाद्वेद वेदज्ञः सकलं दिव्यमानुषम् ॥

catuṣpādaṃ daśavidhaṃ dhanurvedamarindamaḥ | arjunādveda vedajñaḥ sakalaṃ divyamānuṣam

That tamer of foes, versed in the Vedas, learned from Arjuna the whole science of archery, with its four parts and ten branches, both divine and human.

Verse 69 (1.247.69)

विज्ञानेष्वपि चास्त्राणां सौष्ठवे च महाबलः । क्रियास्वपि च सर्वासु विशेषानभ्यशिक्षयत् ॥

vijñāneṣvapi cāstrāṇāṃ sauṣṭhave ca mahābalaḥ | kriyāsvapi ca sarvāsu viśeṣānabhyaśikṣayat

The mighty one taught him the finer points of the knowledge of weapons, of skill in handling them, and of all their uses.

Verse 70 (1.247.70)

आगमे च प्रयोगे च चक्रे तुल्यमिवात्मना । तुतोष पुत्रं सौभद्रं प्रेक्षमाणो धनञ्जयः ॥

āgame ca prayoge ca cakre tulyamivātmanā | tutoṣa putraṃ saubhadraṃ prekṣamāṇo dhanañjayaḥ

In learning and in practice he made him, as it were, his own equal; and Dhananjaya rejoiced as he watched his son Saubhadra.

Verse 71 (1.247.71)

सर्वसंहननोपेतं सर्वलक्षणलक्षितम् । दुर्धर्षमृषभस्कन्धं व्यात्ताननमिवोरगम् ॥

sarvasaṃhananopetaṃ sarvalakṣaṇalakṣitam | durdharṣamṛṣabhaskandhaṃ vyāttānanamivoragam

Endowed with every bodily excellence and bearing every auspicious mark, unassailable, bull-shouldered, like a serpent with open jaws,

Verse 72 (1.247.72)

सिंहदर्पं महेष्वासं मत्तमातङ्गविक्रमम् । मेघदुन्दुभिनिर्घोषं पूर्णचन्द्रनिभाननम् ॥

siṃhadarpaṃ maheṣvāsaṃ mattamātaṅgavikramam | meghadundubhinirghoṣaṃ pūrṇacandranibhānanam

proud as a lion, a mighty archer, with the stride of an elephant in rut, a voice like thunder-cloud and drum, and a face like the full moon,

Verse 73 (1.247.73)

कृष्णस्य सदृशं शौर्ये वीर्ये रूपे तथाऽऽकृतौ । ददर्श पुत्रं बीभत्सुर्मघवानिव तं यथा ॥

kṛṣṇasya sadṛśaṃ śaurye vīrye rūpe tathā''kṛtau | dadarśa putraṃ bībhatsurmaghavāniva taṃ yathā

like Krishna in courage, strength, beauty and form — such was the son Bibhatsu beheld, just as Maghavan beheld Arjuna himself.

Verse 74 (1.247.74)

पाञ्चाल्यपि तु पञ्चभ्यः पतिभ्यः शुभलक्षणा । लेभे पञ्च सुतान्वीराञ्श्रेष्ठान्पञ्चाचलानिव ॥

pāñcālyapi tu pañcabhyaḥ patibhyaḥ śubhalakṣaṇā | lebhe pañca sutānvīrāñśreṣṭhānpañcācalāniva

The Panchala princess too, of auspicious marks, obtained from her five husbands five heroic sons, the best of men, like five mountains.

Verse 75 (1.247.75)

युधिष्ठिरात्प्रतिविन्ध्यं सुतसोमं वृकोदरात् । अर्जुनाच्छ्रुतकर्माणं शतानीकं च नाकुलिम् ॥

yudhiṣṭhirātprativindhyaṃ sutasomaṃ vṛkodarāt | arjunācchrutakarmāṇaṃ śatānīkaṃ ca nākulim

Prativindhya from Yudhishthira, Sutasoma from Vrikodara, Shrutakarman from Arjuna, Shatanika the son of Nakula,

Verse 76 (1.247.76)

सहदेवाच्छ्रुतसेनमेतान्पञ्च महारथान् । पाञ्चाली सुषुवे वीरानादित्यानदितिर्यथा ॥

sahadevācchrutasenametānpañca mahārathān | pāñcālī suṣuve vīrānādityānaditiryathā

and Shrutasena from Sahadeva: these five heroes, great chariot-warriors, the Panchala princess bore, as Aditi bore the Adityas.

Verse 77 (1.247.77)

शास्त्रतः प्रतिविन्ध्यन्तमूचुर्विप्रायुधिष्ठिरम् । परप्रहरणज्ञाने प्रतिविन्ध्यो भवत्वयम् ॥

śāstrataḥ prativindhyantamūcurviprāyudhiṣṭhiram | parapraharaṇajñāne prativindhyo bhavatvayam

Following the sastras, the brahmins named the boy Prativindhya, telling Yudhishthira: "In bearing the blows of the enemy, let him be a match for the Vindhya mountain."

Note on the text: Corrected भत्वयम् → भवत्वयम् (misprint in Wikisource; dropped akshara, as in the CE's bhavatv ayam).

Verse 78 (1.247.78)

सुतेसोमसहस्रे तु सोमार्कसमतेजसम् । सुतसोमं महेष्वासं सुषुवे भीमसेनतः ॥

sutesomasahasre tu somārkasamatejasam | sutasomaṃ maheṣvāsaṃ suṣuve bhīmasenataḥ

When a thousand soma offerings had been pressed, she bore to Bhimasena Sutasoma, a mighty archer, bright as the moon and the sun.

Verse 79 (1.247.79)

श्रुतं कर्म महत्कृत्वा निवृत्तेन किरीटिना । जातः पुत्रस्तथेत्येवं श्रुतकर्मा ततोऽभवत् ॥

śrutaṃ karma mahatkṛtvā nivṛttena kirīṭinā | jātaḥ putrastathetyevaṃ śrutakarmā tato'bhavat

Because the son was born when the diadem-wearer had returned after accomplishing a great and famous deed, he came to be called Shrutakarman.

Verse 80 (1.247.80)

शतानीकस्य राजर्षेः कौरव्यस्य महात्मनः । चक्रे पुत्रं सनामानं नकुलः कीर्तिवर्धनम् ॥

śatānīkasya rājarṣeḥ kauravyasya mahātmanaḥ | cakre putraṃ sanāmānaṃ nakulaḥ kīrtivardhanam

Nakula, increaser of renown, named his son after the great-souled Shatanika, a royal sage of the Kuru line.

Verse 81 (1.247.81)

ततस्त्वजीजनत्कृष्णा नक्षत्रे वह्निदैवते । सहदेवात्सुतं तस्माच्छ्रुतसेनेति तं विदुः ॥

tatastvajījanatkṛṣṇā nakṣatre vahnidaivate | sahadevātsutaṃ tasmācchrutaseneti taṃ viduḥ

Then Krishnaa bore a son to Sahadeva under the constellation whose deity is Fire; therefore they know him as Shrutasena.

Verse 82 (1.247.82)

एकवर्षान्तरास्त्वेते द्रौपदेया यशस्विनः । अन्वजायन्त राजेन्द्र परस्परहितैषिणः ॥

ekavarṣāntarāstvete draupadeyā yaśasvinaḥ | anvajāyanta rājendra parasparahitaiṣiṇaḥ

These illustrious sons of Draupadi were born one year apart, O king of kings, each devoted to the good of the others.

Verse 83 (1.247.83)

जातकर्माण्यानुपूर्व्याच्चूडोपनयनानि च । चकार विधिवद्धौम्यस्तेषां भरतसत्तम ॥

jātakarmāṇyānupūrvyāccūḍopanayanāni ca | cakāra vidhivaddhaumyasteṣāṃ bharatasattama

Dhaumya duly performed for them, in proper order, the birth rites, the tonsure and the sacred-thread ceremonies, O best of the Bharatas.

Verse 84 (1.247.84)

कृत्वा च वेदाध्ययनं ततः सुचरितव्रताः । जगृहुः सर्वमिष्वस्त्रमर्जुनाद्दिव्यमानुषम् ॥

kṛtvā ca vedādhyayanaṃ tataḥ sucaritavratāḥ | jagṛhuḥ sarvamiṣvastramarjunāddivyamānuṣam

Having studied the Vedas and kept their vows faithfully, they then learned from Arjuna the whole science of arms, divine and human.

Verse 85 (1.247.85)

दिव्यगर्भोपमैः पुत्रैर्व्यूढोरस्कैर्महारथैः । अन्विता राजशार्दूल पाण्डवा मुदमाप्नुवन् ॥

divyagarbhopamaiḥ putrairvyūḍhoraskairmahārathaiḥ | anvitā rājaśārdūla pāṇḍavā mudamāpnuvan

Blessed with sons like the offspring of gods, broad-chested great chariot-warriors, the Pandavas rejoiced, O tiger among kings.