Arjuna and Krishna Fight Indra and the Gods

Verse 1 (1.253.1)

तस्याथ वर्षतो वारि पाण्डवः प्रत्यवारयत् । शरवर्षेण बीभत्सुरुत्तमास्त्राणि दर्शयन् ॥

tasyātha varṣato vāri pāṇḍavaḥ pratyavārayat | śaravarṣeṇa bībhatsuruttamāstrāṇi darśayan

As Indra rained down water, the Pandava Bibhatsu held it back with a shower of arrows, displaying his supreme weapons.

Verse 2 (1.253.2)

खाण्डवं च वनं सर्वं पाण्डवो बहुभिः शरैः । प्राच्छादयदमेयात्मा नीहारेणेव चन्द्रमाः ॥

khāṇḍavaṃ ca vanaṃ sarvaṃ pāṇḍavo bahubhiḥ śaraiḥ | prācchādayadameyātmā nīhāreṇeva candramāḥ

With his many arrows the Pandava of boundless spirit covered the whole Khandava forest, as the moon covers the night with mist.

Note on the text: The second line (प्राच्छादयदमेयात्मा नीहारेणेव चन्द्रमाः) is not in the critical edition (found in the vulgate recension); the critical edition has a different line here.

Verse 3 (1.253.3)

न च स्म किंचिच्छक्नोति भूतं निश्चरितुं ततः । संछाद्यमाने खे बाणैरस्यता सव्यसाचिना ॥

na ca sma kiṃcicchaknoti bhūtaṃ niścarituṃ tataḥ | saṃchādyamāne khe bāṇairasyatā savyasācinā

Not a single creature could get out from there, for the sky was being covered with arrows by the left-handed archer as he shot.

Verse 4 (1.253.4)

तक्षकस्तु न तत्रासीन्नागराजो महाबलः । दह्यमाने वने तस्मिन्कुरुक्षेत्रं गतो हि सः ॥

takṣakastu na tatrāsīnnāgarājo mahābalaḥ | dahyamāne vane tasminkurukṣetraṃ gato hi saḥ

Takshaka, the mighty king of the serpents, was not there; while the forest burned, he had gone to Kurukshetra.

Verse 5 (1.253.5)

अश्वसेनोऽभवत्तत्र तक्षकस्य सुतो बली । स यत्नमकरोत्तीव्रं मोक्षार्थं जातवेदसः ॥

aśvaseno'bhavattatra takṣakasya suto balī | sa yatnamakarottīvraṃ mokṣārthaṃ jātavedasaḥ

But Takshaka's strong son Ashvasena was there, and he struggled hard to escape from the fire.

Verse 6 (1.253.6)

न शशाक स निर्गन्तुं निरुद्धोऽर्जुनपत्रिभिः । मोक्षयामास तं माता निगीर्य भुजगात्मजा ॥

na śaśāka sa nirgantuṃ niruddho'rjunapatribhiḥ | mokṣayāmāsa taṃ mātā nigīrya bhujagātmajā

He could not get out, hemmed in by Arjuna's arrows. His mother, a serpent's daughter, set about rescuing him by swallowing him.

Verse 7 (1.253.7)

तस्य पूर्वं शिरो ग्रस्तं पुच्छमस्य निगीर्यते । निगीर्य सोर्ध्वमक्रामत्सुतं नागी मुमुक्षया ॥

tasya pūrvaṃ śiro grastaṃ pucchamasya nigīryate | nigīrya sordhvamakrāmatsutaṃ nāgī mumukṣayā

She had swallowed his head first, and his tail was still going down when the serpent, swallowing her son, rose upward, eager to set him free.

Verse 8 (1.253.8)

तस्याः शरेण तीक्ष्णेन पृथुधारेण पाण्डवः । शिरश्चिच्छेद गच्छन्त्यास्तामपश्यच्छचीपतिः ॥

tasyāḥ śareṇa tīkṣṇena pṛthudhāreṇa pāṇḍavaḥ | śiraściccheda gacchantyāstāmapaśyacchacīpatiḥ

As she went, the Pandava cut off her head with a sharp, broad-edged arrow. The lord of Shachi saw her.

Verse 9 (1.253.9)

तं मुमोचयिषुर्वज्री वातवर्षेण पाण्डवम् । मोहयामास तत्कालमश्वसेनस्त्वमुच्यत ॥

taṃ mumocayiṣurvajrī vātavarṣeṇa pāṇḍavam | mohayāmāsa tatkālamaśvasenastvamucyata

Wishing to free him, the wielder of the thunderbolt bewildered the Pandava at that moment with a storm of wind and rain, and Ashvasena got away.

Verse 10 (1.253.10)

तां च मायां तदा दृष्ट्वा घोरां नागेन वञ्चितः । द्विधा त्रिधा च खगतान्प्राणिनः पाण्डवोऽच्छिनत् ॥

tāṃ ca māyāṃ tadā dṛṣṭvā ghorāṃ nāgena vañcitaḥ | dvidhā tridhā ca khagatānprāṇinaḥ pāṇḍavo'cchinat

Seeing that dreadful illusion and cheated by the serpent, the Pandava cut the creatures moving in the sky into two and three pieces.

Note on the text: Corrected दृष्टा → दृष्ट्वा (misprint in Wikisource; the absolutive "having seen", as in the critical edition's dṛṣṭvā) and पाण्डवोच्छिनत् → पाण्डवोऽच्छिनत् (misprint; missing avagraha for the augment of अच्छिनत्, "he cut").

Verse 11 (1.253.11)

शशाप तं च संक्रुद्धो बीभत्सुर्जिह्मगामिनम् । पावको वासुदेवश्चाप्यप्रतिष्ठो भविष्यसि ॥

śaśāpa taṃ ca saṃkruddho bībhatsurjihmagāminam | pāvako vāsudevaścāpyapratiṣṭho bhaviṣyasi

And Bibhatsu in his fury cursed that crooked-moving serpent, and so did Pavaka and Vasudeva: "You shall never find a resting place."

Verse 12 (1.253.12)

ततो जिष्णुः सहस्राक्षं खं वितत्याशुगैः शरैः । योधयामास संक्रुद्धो वञ्चनां तामनुस्मरन् ॥

tato jiṣṇuḥ sahasrākṣaṃ khaṃ vitatyāśugaiḥ śaraiḥ | yodhayāmāsa saṃkruddho vañcanāṃ tāmanusmaran

Then Jishnu, filling the sky with swift arrows, fought furiously against the thousand-eyed god, remembering that deception.

Verse 13 (1.253.13)

देवराजोऽपि तं दृष्ट्वा संरब्धं समरेऽर्जुनम् । स्वमस्त्रमसृजत्तीव्रं छादयित्वाऽखिलं नभः ॥

devarājo'pi taṃ dṛṣṭvā saṃrabdhaṃ samare'rjunam | svamastramasṛjattīvraṃ chādayitvā'khilaṃ nabhaḥ

The king of the gods too, seeing Arjuna enraged in battle, let loose his own fierce weapon, covering the whole sky.

Verse 14 (1.253.14)

ततो वायुर्महाघोषः क्षोभयन्सर्वसागरान् । वियत्स्थो जनयन्मेघाञ्जलधारासमाकुलान् ॥

tato vāyurmahāghoṣaḥ kṣobhayansarvasāgarān | viyatstho janayanmeghāñjaladhārāsamākulān

Then a loud-roaring wind, stirring up all the oceans, took its place in the sky and brought forth clouds heavy with torrents of water,

Verse 15 (1.253.15)

ततोऽशनिमुचो घोरांस्तडित्स्तनितनिःस्वनान् । तद्विघातार्थमसृजदर्जुनोऽप्यस्त्रमुत्तमम् ॥

tato'śanimuco ghorāṃstaḍitstanitaniḥsvanān | tadvighātārthamasṛjadarjuno'pyastramuttamam

terrible clouds that hurled thunderbolts and roared with lightning and thunder. To defeat them Arjuna too let loose a supreme weapon,

Note on the text: The first line is not in the critical edition (found in the vulgate recension).

Verse 16 (1.253.16)

वायव्यमभिमन्त्र्याथ प्रतिपत्तिविशारदः । तेनेन्द्राशनिमेघानां वीर्यौजस्तद्विनाशितम् ॥

vāyavyamabhimantryātha pratipattiviśāradaḥ | tenendrāśanimeghānāṃ vīryaujastadvināśitam

the wind-weapon, which he first charged with mantras, skilled as he was in countering. By it the force and energy of Indra's thunderbolts and clouds were destroyed.

Verse 17 (1.253.17)

जलधाराश्च ताः शोषं जग्मुर्नेशुश्च विद्युतः । क्षणेन चाभवद्व्योम संप्रशान्तरजस्तमः ॥

jaladhārāśca tāḥ śoṣaṃ jagmurneśuśca vidyutaḥ | kṣaṇena cābhavadvyoma saṃpraśāntarajastamaḥ

Those torrents of water dried up and the lightnings vanished. In a moment the sky was clear of dust and darkness,

Verse 18 (1.253.18)

सुखशीतानिलवहं प्रकृतिस्थार्कमण्डलम् । निष्प्रतीकारहृष्टश्च हुतभुग्विविधाकृतिः ॥

sukhaśītānilavahaṃ prakṛtisthārkamaṇḍalam | niṣpratīkārahṛṣṭaśca hutabhugvividhākṛtiḥ

a pleasant cool breeze blew, and the orb of the sun was itself again. And the fire, unopposed and delighted, took on many forms;

Verse 19 (1.253.19)

सिच्यमानो वसौघैस्तैः प्राणिनां देहनिःसृतैः । प्रजज्वालाथ सोऽर्चिष्मान्स्वनादैः पूरयञ्जगत् ॥

sicyamāno vasaughaistaiḥ prāṇināṃ dehaniḥsṛtaiḥ | prajajvālātha so'rciṣmānsvanādaiḥ pūrayañjagat

fed by streams of fat flowing from the bodies of creatures, that flaming god blazed up, filling the world with his roar.

Note on the text: The first line is not in the critical edition (found in the vulgate recension).

Verse 20 (1.253.20)

कृष्णाभ्यां रक्षितं दृष्ट्वा तं च दावमहङ्कृताः । खमुत्पेतुर्महाराज सुपर्णाद्याः पतत्त्रिणः ॥

kṛṣṇābhyāṃ rakṣitaṃ dṛṣṭvā taṃ ca dāvamahaṅkṛtāḥ | khamutpeturmahārāja suparṇādyāḥ patattriṇaḥ

Seeing that forest guarded by the two Krishnas, Suparna and other proud birds flew up into the sky, great king.

Verse 21 (1.253.21)

गरुत्मान्वज्रसदृशैः पक्षतुण्डनखैस्तथा । प्रहर्तुकामो न्यपतदाकाशात्कृष्णपाण्डवौ ॥

garutmānvajrasadṛśaiḥ pakṣatuṇḍanakhaistathā | prahartukāmo nyapatadākāśātkṛṣṇapāṇḍavau

Garutmat, eager to strike Krishna and the Pandava with wings, beak and talons like thunderbolts, swooped down from the sky.

Verse 22 (1.253.22)

तथैवोरगसङ्घाताः पाण्डवस्य समीपतः । उत्सृजन्तो विषं घोरं निपेतुर्ज्वलिताननाः ॥

tathaivoragasaṅghātāḥ pāṇḍavasya samīpataḥ | utsṛjanto viṣaṃ ghoraṃ nipeturjvalitānanāḥ

Likewise hosts of serpents, spitting dreadful venom, fell upon the Pandava's vicinity with blazing mouths.

Verse 23 (1.253.23)

तांश्चकर्त शरैः पार्थः सरोषाग्निसमुक्षितैः । विविशुश्चापि तं दीप्तं देहाभावाय पावकम् ॥

tāṃścakarta śaraiḥ pārthaḥ saroṣāgnisamukṣitaiḥ | viviśuścāpi taṃ dīptaṃ dehābhāvāya pāvakam

Partha cut them down with arrows that seemed steeped in the fire of his wrath, and they fell into the blazing fire to lose their bodies.

Verse 24 (1.253.24)

ततः सुराः सगन्धर्वा यक्षराक्षसपन्नगाः । उत्पेतुर्नादमतुलमुत्सृजन्तो रणार्थिनः ॥

tataḥ surāḥ sagandharvā yakṣarākṣasapannagāḥ | utpeturnādamatulamutsṛjanto raṇārthinaḥ

Then the gods, with Gandharvas, Yakshas, Rakshasas and serpents, rose up eager for battle, raising a matchless roar,

Verse 25 (1.253.25)

अयःकणपचक्राश्मभुशुण्ड्युद्यतबाहवः । कृष्णपार्थौ जिघांसन्तः क्रोधसंमूर्च्छितौजसः ॥

ayaḥkaṇapacakrāśmabhuśuṇḍyudyatabāhavaḥ | kṛṣṇapārthau jighāṃsantaḥ krodhasaṃmūrcchitaujasaḥ

their arms raised with iron balls, kanapas, discuses, stones and bhushundis, bent on killing Krishna and Partha, their strength swollen with fury.

Verse 26 (1.253.26)

तेषामतिव्याहरतां शस्त्रवर्षं प्रमुञ्चताम् । प्रममाथोत्तमाङ्गानि बीभत्सुर्निशितैः शरैः ॥

teṣāmativyāharatāṃ śastravarṣaṃ pramuñcatām | pramamāthottamāṅgāni bībhatsurniśitaiḥ śaraiḥ

As they shouted boastfully and let fly showers of weapons, Bibhatsu struck off their heads with sharp arrows.

Verse 27 (1.253.27)

कृष्णश्च सुमहातेजाश्चक्रेणारिविनाशनः । दैत्यदानवसङ्घानां चकार कदनं महत् ॥

kṛṣṇaśca sumahātejāścakreṇārivināśanaḥ | daityadānavasaṅghānāṃ cakāra kadanaṃ mahat

And Krishna, of great splendour, destroyer of foes with his discus, wrought a great slaughter among the hosts of Daityas and Danavas.

Verse 28 (1.253.28)

अथापरे शरैर्विद्धाश्चक्रवेगेरितास्तथा । वेलामिव समासाद्य व्यतिष्ठन्नमितौजसः ॥

athāpare śarairviddhāścakravegeritāstathā | velāmiva samāsādya vyatiṣṭhannamitaujasaḥ

Others, of boundless might, pierced by arrows and flung back by the force of the discus, came to a halt like the sea reaching its shore.

Verse 29 (1.253.29)

ततः शक्रोऽतिसंक्रुद्धस्त्रिदशानां महेश्वरः । पाण्डुरं गजमास्थाय तावुभौ समुपाद्रवत् ॥

tataḥ śakro'tisaṃkruddhastridaśānāṃ maheśvaraḥ | pāṇḍuraṃ gajamāsthāya tāvubhau samupādravat

Then Shakra, the great lord of the thirty gods, in towering rage, mounted his white elephant and charged at the two of them.

Note on the text: Corrected शक्रोऽतिसक्रुद्धस्त्रिदशानां → शक्रोऽतिसंक्रुद्धस्त्रिदशानां (misprint in Wikisource; dropped anusvara of सं-, cf. the critical edition's abhisaṃkruddhas).

Verse 30 (1.253.30)

वेगेनाशनिमादाय वज्रमस्त्रं च सोऽसृजत् । हतावेताविति प्राह सुरानसुरसूदनः ॥

vegenāśanimādāya vajramastraṃ ca so'sṛjat | hatāvetāviti prāha surānasurasūdanaḥ

Swiftly seizing the thunderbolt, he let loose the vajra weapon, and the slayer of asuras said to the gods, "These two are as good as dead."

Verse 31 (1.253.31)

ततः समुद्यतां दृष्ट्वा देवेन्द्रेण महाशनिम् । जगृहुः सर्वशस्त्राणि स्वानि स्वानि सुरास्तथा ॥

tataḥ samudyatāṃ dṛṣṭvā devendreṇa mahāśanim | jagṛhuḥ sarvaśastrāṇi svāni svāni surāstathā

Then, seeing the great thunderbolt raised by the lord of the gods, the gods likewise took up all their weapons, each his own.

Verse 32 (1.253.32)

कालदण्डं यमो राजन् गदां चैव धनेश्वरः । पाशांश्च तत्र वरुणो विचित्रां च तथाऽशनिम् ॥

kāladaṇḍaṃ yamo rājan gadāṃ caiva dhaneśvaraḥ | pāśāṃśca tatra varuṇo vicitrāṃ ca tathā'śanim

Yama took up the staff of Death, O king, and the lord of wealth his mace; Varuna there took his nooses and a wondrous thunderbolt.

Verse 33 (1.253.33)

स्कन्दः शक्तिं समादाय तस्थौ मेरुरिवाचलः । ओषधीर्दीप्यमानाश्च जगृहातेऽश्विनावपि ॥

skandaḥ śaktiṃ samādāya tasthau merurivācalaḥ | oṣadhīrdīpyamānāśca jagṛhāte'śvināvapi

Skanda, taking up his spear, stood as unmoving as Mount Meru; and the two Ashvins took up blazing herbs.

Note on the text: Corrected जगृहातेऽस्विनावपि → जगृहातेऽश्विनावपि (misprint in Wikisource; स for श in अश्विनौ, the Ashvins, as in the critical edition). The first line is not in the critical edition (found in the vulgate recension).

Verse 34 (1.253.34)

जगृहे च धनुर्धाता मुसलं तु जयस्तथा । पर्वतं चापि जग्राह क्रुद्धस्त्वष्टा महाबलः ॥

jagṛhe ca dhanurdhātā musalaṃ tu jayastathā | parvataṃ cāpi jagrāha kruddhastvaṣṭā mahābalaḥ

Dhatri took up a bow and Jaya a club; and mighty Tvashtri in his anger took up a mountain.

Verse 35 (1.253.35)

अंशस्तु शक्तिं जग्राह मृत्युर्देवः परश्वधम् । प्रगृह्य परिघं घोरं विचचारार्यमा अपि ॥

aṃśastu śaktiṃ jagrāha mṛtyurdevaḥ paraśvadham | pragṛhya parighaṃ ghoraṃ vicacārāryamā api

Amsha took up a spear and the god Mrityu an axe; and Aryaman, grasping a terrible iron bar, ranged about the field.

Verse 36 (1.253.36)

मित्रश्च क्षुरपर्यन्तं चक्रमादाय तस्थिवान् । पूषा भगश्च संक्रुद्धः सविता च विशांपते ॥

mitraśca kṣuraparyantaṃ cakramādāya tasthivān | pūṣā bhagaśca saṃkruddhaḥ savitā ca viśāṃpate

Mitra stood holding a discus with a razor-sharp rim; and Pushan, Bhaga and Savitri too, enraged, O lord of the people,

Verse 37 (1.253.37)

आत्तकार्मुकनिस्त्रिंशाः कृष्णपार्थौ प्रदुद्रुवुः । रुद्राश्च वसवश्चैव मरुतश्च महाबलाः ॥

āttakārmukanistriṃśāḥ kṛṣṇapārthau pradudruvuḥ | rudrāśca vasavaścaiva marutaśca mahābalāḥ

with bows and swords in hand, rushed at Krishna and Partha; so did the Rudras, the Vasus and the mighty Maruts,

Note on the text: Corrected कृष्णापार्थौ → कृष्णपार्थौ (misprint in Wikisource; intrusive आ in the compound "Krishna and Partha", as in the critical edition and verses 25 and 39).

Verse 38 (1.253.38)

विश्वेदेवास्तथा साध्या दीप्यमानाः स्वतेजसा । एते चान्ये च बहवो देवास्तौ पुरुषोत्तमौ ॥

viśvedevāstathā sādhyā dīpyamānāḥ svatejasā | ete cānye ca bahavo devāstau puruṣottamau

the Vishvedevas and the Sadhyas, shining with their own splendour. These and many other gods, bent on killing those two best of men,

Verse 39 (1.253.39)

कृष्णपार्थौ जिघांसन्तः प्रतीयुर्विविधायुधाः । तत्राद्भुतान्यदृश्यन्त निमित्तानि महाहवे ॥

kṛṣṇapārthau jighāṃsantaḥ pratīyurvividhāyudhāḥ | tatrādbhutānyadṛśyanta nimittāni mahāhave

Krishna and Partha, advanced against them with weapons of every kind. Wondrous portents were seen there in that great battle,

Verse 40 (1.253.40)

युगान्तसमरूपाणि भूतसंमोहनानि च । तथा दृष्ट्वा सुसंरब्धं शक्रं देवैः सहाच्युतौ ॥

yugāntasamarūpāṇi bhūtasaṃmohanāni ca | tathā dṛṣṭvā susaṃrabdhaṃ śakraṃ devaiḥ sahācyutau

like those at the end of an age, bewildering all beings. Seeing Shakra so enraged, together with the gods, the two unfallen heroes

Verse 41 (1.253.41)

अभीतौ युधि दुर्धर्षौ तस्थतुः सज्जकार्मुकौ । आगच्छतस्ततो देवानुभौ युद्धविशारदौ ॥

abhītau yudhi durdharṣau tasthatuḥ sajjakārmukau | āgacchatastato devānubhau yuddhaviśāradau

stood fearless, unassailable in battle, their bows ready. Then, as the gods came on, the two masters of war

Verse 42 (1.253.42)

व्यताडयेतां संक्रुद्धौ शरैर्वज्रोपमैस्तदा । असकृद्भग्नसंकल्पाः सुराश्च बहुशः कृताः ॥

vyatāḍayetāṃ saṃkruddhau śarairvajropamaistadā | asakṛdbhagnasaṃkalpāḥ surāśca bahuśaḥ kṛtāḥ

struck them in fury with arrows like thunderbolts. Again and again the gods were broken in their purpose, many times over,

Verse 43 (1.253.43)

भयाद्रणं परित्यज्य शक्रमेवाभिशिश्रियुः । दृष्ट्वा निवारितान्देवान्माधवेनार्जुनेन च ॥

bhayādraṇaṃ parityajya śakramevābhiśiśriyuḥ | dṛṣṭvā nivāritāndevānmādhavenārjunena ca

and in fear they left the field and took refuge with Shakra himself. Seeing the gods held back by Madhava and Arjuna,

Note on the text: Corrected शख्रमेवाभिशिश्रियुः → शक्रमेवाभिशिश्रियुः (misprint in Wikisource; ख्र for क्र in शक्रम्, "Shakra", as in the critical edition).

Verse 44 (1.253.44)

आश्चर्यमगमंस्तत्र मुनयो नभसि स्थिताः । शक्रश्चापि तयोर्वीर्यमुपलभ्यासकृद्रणे ॥

āścaryamagamaṃstatra munayo nabhasi sthitāḥ | śakraścāpi tayorvīryamupalabhyāsakṛdraṇe

the sages standing in the sky were filled with wonder. Shakra too, having seen their valour again and again in battle,

Verse 45 (1.253.45)

बभूव परमप्रीतो भूयश्चैतावयोधयत् । ततोऽश्मवर्षं सुमहद्व्यसृजत्पाकशासनः ॥

babhūva paramaprīto bhūyaścaitāvayodhayat | tato'śmavarṣaṃ sumahadvyasṛjatpākaśāsanaḥ

was greatly pleased, and fought them once more. Then the chastiser of Paka let loose a mighty shower of stones,

Verse 46 (1.253.46)

भूय एव तदा वीर्यं जिज्ञासुः सव्यसाचिनः । तच्छरैरर्जुनो वर्षं प्रतिजघ्नेऽत्यमर्षितः ॥

bhūya eva tadā vīryaṃ jijñāsuḥ savyasācinaḥ | taccharairarjuno varṣaṃ pratijaghne'tyamarṣitaḥ

wishing to test once more the valour of the left-handed archer; and Arjuna, unable to bear it, beat back that shower with his arrows.

Note on the text: Corrected तच्छैरर्जुनो → तच्छरैरर्जुनो (misprint in Wikisource; transposed vowel sign in शरैः, "with arrows", as in the critical edition's tac charair).

Verse 47 (1.253.47)

विफलं क्रियमाणं तत्समवेक्ष्य शतक्रतुः । भूयः संवर्धयामास तद्वर्षं पाकशासनः ॥

viphalaṃ kriyamāṇaṃ tatsamavekṣya śatakratuḥ | bhūyaḥ saṃvardhayāmāsa tadvarṣaṃ pākaśāsanaḥ

Seeing it made fruitless, Shatakratu, the chastiser of Paka, made that shower heavier still.

Verse 48 (1.253.48)

सोऽश्मवर्षं महावेगैरिषुभिः पाकशासनिः । विलयं गमयामास हर्षयन्पितरं तथा ॥

so'śmavarṣaṃ mahāvegairiṣubhiḥ pākaśāsaniḥ | vilayaṃ gamayāmāsa harṣayanpitaraṃ tathā

That shower of stones the son of Paka's chastiser melted away with arrows of great speed, delighting his father.

Note on the text: Corrected सोश्मवर्षं → सोऽश्मवर्षं (misprint in Wikisource; missing avagraha, as in the critical edition's so 'śmavarṣaṃ).

Verse 49 (1.253.49)

तत उत्पाट्य पाणिभ्यां मन्दराच्छिखरं महत् । सद्रुमं व्यसृजच्छक्रो जिघांसुः पाण्डुनन्दनम् ॥

tata utpāṭya pāṇibhyāṃ mandarācchikharaṃ mahat | sadrumaṃ vyasṛjacchakro jighāṃsuḥ pāṇḍunandanam

Then Shakra tore up with his hands a great peak of Mount Mandara, trees and all, and hurled it, seeking to kill the son of Pandu.

Verse 50 (1.253.50)

ततोऽर्जुनो वेगवद्भिर्ज्वलिताग्रैरजिह्मगैः । शरैर्विध्वंसयामास गिरेः शृङ्गं सहस्रधा ॥

tato'rjuno vegavadbhirjvalitāgrairajihmagaiḥ | śarairvidhvaṃsayāmāsa gireḥ śṛṅgaṃ sahasradhā

Then Arjuna, with swift, straight-flying arrows with blazing points, shattered the mountain peak into a thousand pieces.

Verse 51 (1.253.51)

गिरेर्विशीर्यमाणस्य तस्य रूपं तदा बभौ । सार्कचन्द्रग्रहस्येव नभसः परिशीर्यतः ॥

girerviśīryamāṇasya tasya rūpaṃ tadā babhau | sārkacandragrahasyeva nabhasaḥ pariśīryataḥ

As the mountain broke apart, it looked like the sky itself falling to pieces with the sun, the moon and the planets.

Verse 52 (1.253.52)

तेनाभिपतता दावं शैलेन महता भृशम् । शृङ्गेण निहतास्तत्र प्राणिनः खाण्डवालयाः ॥

tenābhipatatā dāvaṃ śailena mahatā bhṛśam | śṛṅgeṇa nihatāstatra prāṇinaḥ khāṇḍavālayāḥ

As that great mountain crashed down upon the forest, the creatures living in Khandava were killed there by the falling peak.