Indra Withdraws and Maya Is Spared

Verse 1 (1.254.1)

तथा शैलनिपातेन भीषिताः खाण्डवालयाः । दानवा राक्षसा नागास्तरक्ष्वृक्षवनौकसः ॥

tathā śailanipātena bhīṣitāḥ khāṇḍavālayāḥ | dānavā rākṣasā nāgāstarakṣvṛkṣavanaukasaḥ

Then, terrified by the fall of the mountain, the dwellers of Khandava, Danavas, Rakshasas, Nagas, hyenas, bears and other forest creatures,

Note on the text: = 1.219.1ab of the critical edition (aligned by hand).

Verse 2 (1.254.2)

द्विपाः प्रभिन्नाः शार्दूलाः सिंहाः केसरिणस्तथा । मृगाश्च महिषाश्चैव शतशः पक्षिणस्तथा ॥

dvipāḥ prabhinnāḥ śārdūlāḥ siṃhāḥ kesariṇastathā | mṛgāśca mahiṣāścaiva śataśaḥ pakṣiṇastathā

elephants in rut, tigers, lions and maned lions, deer and buffaloes, and birds by the hundred,

Note on the text: = 1.219.1ef + 1.219.2ab of the critical edition (aligned by hand).

Verse 3 (1.254.3)

समुद्विग्ना विससृपुस्तथान्या भूतजातयः । तं दावं समुदैक्षन्त कृष्णौ चाभ्युद्यतायुधौ ॥

samudvignā visasṛpustathānyā bhūtajātayaḥ | taṃ dāvaṃ samudaikṣanta kṛṣṇau cābhyudyatāyudhau

and creatures of other kinds fled in alarm. They gazed at that forest fire and at the two Krishnas with their weapons raised,

Note on the text: = 1.219.2cd + 1.219.3ab of the critical edition (aligned by hand).

Verse 4 (1.254.4)

उत्पातनादशब्देन त्रासिता इव चाभवन् । ते वनं प्रसमीक्ष्याथ दह्यमानमनेकधा ॥

utpātanādaśabdena trāsitā iva cābhavan | te vanaṃ prasamīkṣyātha dahyamānamanekadhā

and were as if terrified by the roar of portents. Seeing the forest burning in many places,

Note on the text: = 1.219.3cd of the critical edition (aligned by hand); the second line is not in it (found in the vulgate recension; star passage 2132*).

Verse 5 (1.254.5)

कृष्णमभ्युद्यतास्त्रं च नादं मुमुचुरुल्बणम् । तेन नादेन रौद्रेण नादेन च विभावसोः ॥

kṛṣṇamabhyudyatāstraṃ ca nādaṃ mumucurulbaṇam | tena nādena raudreṇa nādena ca vibhāvasoḥ

and Krishna with his weapon raised, they let out a fearful cry. With that dreadful cry and with the roar of the fire

Note on the text: Not in the critical edition (found in the vulgate recension; the CE records it only as an interpolation, star passage 2132*).

Verse 6 (1.254.6)

ररास गगनं कृत्स्नमुत्पातजलदैरिव । ततः कृष्णो महाबाहुः स्वतेजोभास्वरं महत् ॥

rarāsa gaganaṃ kṛtsnamutpātajaladairiva | tataḥ kṛṣṇo mahābāhuḥ svatejobhāsvaraṃ mahat

the whole sky resounded, as if with the clouds of a portent. Then mighty-armed Krishna, Keshava,

Note on the text: Not in the critical edition (found in the vulgate recension; the CE records it only as an interpolation, star passage 2132*).

Verse 7 (1.254.7)

चक्रं व्यसृजदत्युग्रं तेषां नाशाय केशवः । तेनार्ता जातयः क्षुद्राः सदानवनिशाचराः ॥

cakraṃ vyasṛjadatyugraṃ teṣāṃ nāśāya keśavaḥ | tenārtā jātayaḥ kṣudrāḥ sadānavaniśācarāḥ

hurled his great and terrible discus, shining with his own radiance, to destroy them. Struck by it, the lesser creatures, together with the Danavas and night-rangers,

Note on the text: The first line corresponds in sense to 1.219.4ab of the critical edition, in different words; the second line = 1.219.4cd (aligned by hand).

Verse 8 (1.254.8)

निकृत्ताः शतशः सर्वा निपेतुरनलं क्षणात् । तत्रादृश्यन्त ते दैत्याः कृष्णचक्रविदारिताः ॥

nikṛttāḥ śataśaḥ sarvā nipeturanalaṃ kṣaṇāt | tatrādṛśyanta te daityāḥ kṛṣṇacakravidāritāḥ

all cut to pieces by the hundred, fell into the fire in an instant. There the Daityas were seen, torn apart by Krishna's discus,

Note on the text: = 1.219.4ef + 1.219.5ab of the critical edition (aligned by hand).

Verse 9 (1.254.9)

वसारुधिरसंपृक्ताः सन्ध्यायामिव तोयदाः । पिशाचान्पक्षिणो नागान्पशूंश्चैव सहस्रशः ॥

vasārudhirasaṃpṛktāḥ sandhyāyāmiva toyadāḥ | piśācānpakṣiṇo nāgānpaśūṃścaiva sahasraśaḥ

smeared with fat and blood, like clouds at twilight. Slaying Pishachas, birds, Nagas and beasts by the thousand,

Note on the text: = 1.219.5cd + 1.219.6ab of the critical edition (aligned by hand).

Verse 10 (1.254.10)

निघ्नंश्चरति वार्ष्णेयः कालवत्तत्र भारत । क्षिप्तं क्षिप्तं पुनश्चक्रं कृष्णस्यामित्रघातिनः ॥

nighnaṃścarati vārṣṇeyaḥ kālavattatra bhārata | kṣiptaṃ kṣiptaṃ punaścakraṃ kṛṣṇasyāmitraghātinaḥ

the Varshneya moved about there like Death himself, O Bharata. Hurled again and again, the discus of Krishna, slayer of foes,

Note on the text: = 1.219.6cd + 1.219.7ab of the critical edition (aligned by hand).

Verse 11 (1.254.11)

छित्त्वानेकानि सत्त्वानि पाणिमेति पुनः पुनः । तथा तु निघ्नतस्तस्य पिशाचोरगराक्षसान् ॥

chittvānekāni sattvāni pāṇimeti punaḥ punaḥ | tathā tu nighnatastasya piśācoragarākṣasān

cut down many creatures and came back to his hand again and again. As he slew the Pishachas, serpents and Rakshasas in this way,

Note on the text: Corrected सत्वानि → सत्त्वानि (misprint in Wikisource; dropped त् in sattva, as in the critical edition). = 1.219.7cd + 1.219.8ab of the critical edition (aligned by hand).

Verse 12 (1.254.12)

बभूव रूपमत्युग्रं सर्वभूतात्मनस्तदा । समेतानां च सर्वेषां दानवानां च सर्वशः ॥

babhūva rūpamatyugraṃ sarvabhūtātmanastadā | sametānāṃ ca sarveṣāṃ dānavānāṃ ca sarvaśaḥ

the form of him who is the self of all beings became exceedingly fierce. Of all the Danavas assembled there, from every side,

Note on the text: = 1.219.8cd + 1.219.9ab of the critical edition (aligned by hand).

Verse 13 (1.254.13)

विजेता नाभवत्कश्चित्कृष्णपाण्डवयोर्मृधे । तयोर्बलात्परित्रातुं तं च दावं यदा सुराः ॥

vijetā nābhavatkaścitkṛṣṇapāṇḍavayormṛdhe | tayorbalātparitrātuṃ taṃ ca dāvaṃ yadā surāḥ

not one could defeat Krishna and the Pandava in battle. When the gods could not rescue that forest from the might of those two

Note on the text: = 1.219.9cd + 1.219.10ab of the critical edition (aligned by hand).

Verse 14 (1.254.14)

नाशक्नुवञ्शमयितुं तदाऽभूवन्पराङ्मुखाः । शतक्रतुस्तु संप्रेक्ष्य विमुखानमरांस्तथा ॥

nāśaknuvañśamayituṃ tadā'bhūvanparāṅmukhāḥ | śatakratustu saṃprekṣya vimukhānamarāṃstathā

or put out the fire, they turned away. Shatakratu, seeing the immortals turn their backs,

Note on the text: = 1.219.10cd + 1.219.11ab of the critical edition (aligned by hand).

Verse 15 (1.254.15)

बभूव मुदितो राजन्प्रशंसन्केशवार्जुनौ । निवृत्तेष्वथ देवेषु वागुवाचाशरीरिणी ॥

babhūva mudito rājanpraśaṃsankeśavārjunau | nivṛtteṣvatha deveṣu vāguvācāśarīriṇī

was glad, O king, and praised Keshava and Arjuna. When the gods had withdrawn, a bodiless voice spoke,

Note on the text: = 1.219.11cd + 1.219.12ab of the critical edition (aligned by hand).

Verse 16 (1.254.16)

शतक्रतुं समाभाष्य महागम्भीरनिःस्वना । न ते सखा सन्निहितस्तक्षको भुजगोत्तमः ॥

śatakratuṃ samābhāṣya mahāgambhīraniḥsvanā | na te sakhā sannihitastakṣako bhujagottamaḥ

addressing Shatakratu in a deep and solemn tone: "Your friend Takshaka, best of serpents, is not here;

Note on the text: = 1.219.12cd + 1.219.13ab of the critical edition (aligned by hand).

Verse 17 (1.254.17)

दाहकाले खाण्डवस्य कुरुक्षेत्रं गतो ह्यसौ । न च शक्यौ युधा जेतुं कथंचिदपि वासव ॥

dāhakāle khāṇḍavasya kurukṣetraṃ gato hyasau | na ca śakyau yudhā jetuṃ kathaṃcidapi vāsava

at the time of Khandava's burning he had gone to Kurukshetra. And these two, Vasudeva and Arjuna, cannot be conquered in battle by any means, O Vasava;

Note on the text: Speaker set to the bodiless voice: its speech to Indra begins in mid-verse in verse 16 (no speaker line in Wikisource) and fills verses 17–21. = 1.219.13cd + 1.219.14ab of the critical edition (aligned by hand; the second line reads differently there).

Verse 18 (1.254.18)

वासुदेवार्जुनावेतौ निबोध वचनान्मम । नरनारायणावेतौ पूर्वदेवौ दिवि श्रुतौ ॥

vāsudevārjunāvetau nibodha vacanānmama | naranārāyaṇāvetau pūrvadevau divi śrutau

know this from my words. These two are Nara and Narayana, the gods of old, renowned in heaven.

Note on the text: = 1.219.14cd + 1.219.15ab of the critical edition (aligned by hand).

Verse 19 (1.254.19)

भवानप्यभिजानाति यद्वीर्यौ यत्पराक्रमौ । नैतौ शक्यौ दुराधर्षौ विजेतुमजितौ युधि ॥

bhavānapyabhijānāti yadvīryau yatparākramau | naitau śakyau durādharṣau vijetumajitau yudhi

You yourself know what valour and what prowess they have. These two, unassailable and unconquered, cannot be overcome in battle

Note on the text: = 1.219.15cd + 1.219.16ab of the critical edition (aligned by hand).

Verse 20 (1.254.20)

अपि सर्वेषु लोकेषु पुराणावृषिसत्तमौ । पूजनीयतमावेतावपि सर्वैः सुरासुरैः ॥

api sarveṣu lokeṣu purāṇāvṛṣisattamau | pūjanīyatamāvetāvapi sarvaiḥ surāsuraiḥ

in any of the worlds; they are the ancient, foremost of seers. They are most worthy of worship by all the gods and asuras,

Note on the text: = 1.219.16cd + 1.219.17ab of the critical edition (aligned by hand).

Verse 21 (1.254.21)

यक्षराक्षसगन्धर्वनरकिन्नरपन्नगैः । तस्मादितः सुरैः सार्धं गन्तुमर्हसि वासव ॥

yakṣarākṣasagandharvanarakinnarapannagaiḥ | tasmāditaḥ suraiḥ sārdhaṃ gantumarhasi vāsava

and by Yakshas, Rakshasas, Gandharvas, men, Kinnaras and serpents. Therefore you should leave this place with the gods, O Vasava,

Note on the text: = 1.219.17cd + 1.219.18ab of the critical edition (aligned by hand).

Verse 22 (1.254.22)

दिष्टं चाप्यनुपश्यैतत्खाण्डवस्य विनाशनम् । इति वाक्यमुपश्रुत्य तथ्यमित्यमरेश्वरः ॥

diṣṭaṃ cāpyanupaśyaitatkhāṇḍavasya vināśanam | iti vākyamupaśrutya tathyamityamareśvaraḥ

and see this destruction of Khandava as ordained by fate." Hearing these words, the lord of the immortals judged them true,

Note on the text: = 1.219.18cd + 1.219.19ab of the critical edition (aligned by hand).

Verse 23 (1.254.23)

क्रोधामर्षौ समुत्सृज्य संप्रतस्थे दिवं तदा । तं प्रस्थितं महात्मानं समवेक्ष्य दिवौकसः ॥

krodhāmarṣau samutsṛjya saṃpratasthe divaṃ tadā | taṃ prasthitaṃ mahātmānaṃ samavekṣya divaukasaḥ

put aside his anger and resentment, and set out for heaven. Seeing the great-souled one depart, the dwellers of heaven

Note on the text: = 1.219.19cd + 1.219.20ab of the critical edition (aligned by hand).

Verse 24 (1.254.24)

सहिताः सेनया राजन्ननुजग्मुः पुरन्दरम् । देवराजं तदा यान्तं सह देवैरवेक्ष्य तु ॥

sahitāḥ senayā rājannanujagmuḥ purandaram | devarājaṃ tadā yāntaṃ saha devairavekṣya tu

followed Purandara together with their host, O king. Seeing the king of the gods go away with the gods,

Note on the text: = 1.219.20cd + 1.219.21ab of the critical edition (aligned by hand).

Verse 25 (1.254.25)

वासुदेवार्जुनौ वीरौ सिंहनादं विनेदतुः । देवराजे गते राजन्प्रहृष्टौ केशवार्जुनौ ॥

vāsudevārjunau vīrau siṃhanādaṃ vinedatuḥ | devarāje gate rājanprahṛṣṭau keśavārjunau

the heroes Vasudeva and Arjuna roared a lion's roar. When the king of the gods had gone, O king, Keshava and Arjuna, delighted,

Note on the text: = 1.219.21cd + 1.219.22ab of the critical edition (aligned by hand).

Verse 26 (1.254.26)

निर्विशङ्कं वनं वीरौ दाहयामासतुस्तदा । स मारुत इवाभ्राणि नाशयित्वाऽर्जुनः सुरान् ॥

nirviśaṅkaṃ vanaṃ vīrau dāhayāmāsatustadā | sa māruta ivābhrāṇi nāśayitvā'rjunaḥ surān

the two heroes, had the forest burned then without any fear. Arjuna, having scattered the gods as the wind scatters clouds,

Note on the text: = 1.219.22cd + 1.219.23ab of the critical edition (aligned by hand).

Verse 27 (1.254.27)

व्यधमच्छरसङ्घातैर्देहिनः खाण्डवालयान् । न च स्म किंचिच्छक्नोति भूतं निश्चरितुं ततः ॥

vyadhamaccharasaṅghātairdehinaḥ khāṇḍavālayān | na ca sma kiṃcicchaknoti bhūtaṃ niścarituṃ tataḥ

struck down with volleys of arrows the living things that dwelt in Khandava. No creature at all could escape from there,

Note on the text: = 1.219.23cd + 1.219.24ab of the critical edition (aligned by hand).

Verse 28 (1.254.28)

संछिद्यमानमिषुभिरस्यता सव्यसाचिना । नाशक्नुवंश्च भूतानि महान्त्यपि रणेऽर्जुनम् ॥

saṃchidyamānamiṣubhirasyatā savyasācinā | nāśaknuvaṃśca bhūtāni mahāntyapi raṇe'rjunam

for it was cut down by the arrows of the left-handed archer as he shot. Not even the great creatures could

Note on the text: = 1.219.24cd + 1.219.25ab of the critical edition (aligned by hand).

Verse 29 (1.254.29)

निरीक्षितुममोघास्त्रं योद्धुं चापि कुतो रणे । शतं चैकेन विव्याध शतेनैकं पतत्रिणाम् ॥

nirīkṣitumamoghāstraṃ yoddhuṃ cāpi kuto raṇe | śataṃ caikena vivyādha śatenaikaṃ patatriṇām

so much as look at Arjuna, whose weapons never miss, in battle; how then could they fight him? He pierced a hundred with a single arrow, and one with a hundred arrows;

Note on the text: = 1.219.25cd + 1.219.26ab of the critical edition (aligned by hand).

Verse 30 (1.254.30)

व्यसवस्तेऽपतन्नग्नौ साक्षात्कालहता इव । न चालभन्त ते शर्म रोधःसु विषमेषु च ॥

vyasavaste'patannagnau sākṣātkālahatā iva | na cālabhanta te śarma rodhaḥsu viṣameṣu ca

lifeless, they fell into the fire as if struck down by Death himself. They found no refuge on the riverbanks or in rough places,

Note on the text: = 1.219.26cd + 1.219.27ab of the critical edition (aligned by hand).

Verse 31 (1.254.31)

पितृदेवनिवासेषु सन्तापश्चाप्यजायत । भूतसङ्घाश्च बहवो दीनाश्चक्रुर्महास्वनम् ॥

pitṛdevanivāseṣu santāpaścāpyajāyata | bhūtasaṅghāśca bahavo dīnāścakrurmahāsvanam

and even in the abodes of the ancestors and the gods a burning heat arose. Many hosts of creatures, in their misery, raised a great clamour;

Note on the text: = 1.219.27cd + 1.219.28ab of the critical edition (aligned by hand).

Verse 32 (1.254.32)

रुरुदुर्वारणाश्चैव तथा मृगतरक्षवः । तेन शब्देन वित्रेसुर्गङ्गोदधिचरा झषाः ॥

rurudurvāraṇāścaiva tathā mṛgatarakṣavaḥ | tena śabdena vitresurgaṅgodadhicarā jhaṣāḥ

the elephants wept, and so did the deer and hyenas. At that sound the fish that live in the Ganga and the ocean trembled,

Note on the text: = 1.219.28cd + 1.219.28ef of the critical edition (aligned by hand).

Verse 33 (1.254.33)

विद्याधरगणाश्चैव ये च तत्र वनौकसः । न त्वर्जुनं महाबाहो नापि कृष्णं जनार्दनम् ॥

vidyādharagaṇāścaiva ye ca tatra vanaukasaḥ | na tvarjunaṃ mahābāho nāpi kṛṣṇaṃ janārdanam

and so did the hosts of Vidyadharas and those who dwelt in that forest. But no one, O mighty-armed one, could even look at Arjuna or at Krishna Janardana,

Note on the text: The first line is not in the critical edition (found in the vulgate recension; star passage 2134*); the second line = 1.219.29ab (aligned by hand).

Verse 34 (1.254.34)

निरीक्षितुं वै शक्नोति कश्चिद्योद्धुं कुतः पुनः । एकायनगता येऽपि निष्पेतुस्तत्र केचन ॥

nirīkṣituṃ vai śaknoti kaścidyoddhuṃ kutaḥ punaḥ | ekāyanagatā ye'pi niṣpetustatra kecana

let alone fight them. Those few who, crowding onto the one path of escape, broke out from there,

Note on the text: = 1.219.29cd + 1.219.30ab of the critical edition (aligned by hand).

Verse 35 (1.254.35)

राक्षसा दानवा नागा जघ्ने चक्रेण तान्हरिः । ते तु भिन्नशिरोदेहाश्चक्रवेगाद्गतासवः ॥

rākṣasā dānavā nāgā jaghne cakreṇa tānhariḥ | te tu bhinnaśirodehāścakravegādgatāsavaḥ

Rakshasas, Danavas and Nagas, Hari slew with his discus. Their heads and bodies split, lifeless from the force of the discus,

Note on the text: = 1.219.30cd + 1.219.31ab of the critical edition (aligned by hand).

Verse 36 (1.254.36)

पेतुरन्ये महाकायाः प्रदीप्ते वसुरेतसि । समांसरुधिरौघैश्च वसाभिश्चापि तर्पितः ॥

peturanye mahākāyāḥ pradīpte vasuretasi | samāṃsarudhiraughaiśca vasābhiścāpi tarpitaḥ

those huge-bodied creatures and others besides fell into the blazing fire. Gratified by floods of flesh and blood and by fat,

Note on the text: Corrected रुधिरौधैश्च → रुधिरौघैश्च (misprint in Wikisource; ध for घ in ogha, "flood", as in the critical edition's rudhiraughaiś). = 1.219.31cd + 1.219.32ab of the critical edition (aligned by hand).

Verse 37 (1.254.37)

उपर्याकाशगो भूत्वा विधूमः समपद्यत । दीप्ताक्षो दीप्तजिह्वश्च संप्रदीप्तमहाननः ॥

uparyākāśago bhūtvā vidhūmaḥ samapadyata | dīptākṣo dīptajihvaśca saṃpradīptamahānanaḥ

the fire rose high into the sky and became smokeless. With blazing eyes, a blazing tongue and a vast blazing mouth,

Note on the text: = 1.219.32cd + 1.219.33ab of the critical edition (aligned by hand).

Verse 38 (1.254.38)

दीप्तोर्ध्वकेशः पिङ्गाक्षः पिबन्प्राणभृतां वसाम् । तां स कृष्णार्जुनकृतां सुधां प्राप्य हुताशनः ॥

dīptordhvakeśaḥ piṅgākṣaḥ pibanprāṇabhṛtāṃ vasām | tāṃ sa kṛṣṇārjunakṛtāṃ sudhāṃ prāpya hutāśanaḥ

his hair flaming upward, tawny-eyed, drinking the fat of living beings, the eater of oblations, having obtained that nectar which Krishna and Arjuna had provided,

Note on the text: = 1.219.33cd + 1.219.34ab of the critical edition (aligned by hand).

Verse 39 (1.254.39)

बभूव मुदितस्तृप्तः परां निर्वृतिमागतः । तथाऽसुरं मयं नाम तक्षकस्य निवेशनात् ॥

babhūva muditastṛptaḥ parāṃ nirvṛtimāgataḥ | tathā'suraṃ mayaṃ nāma takṣakasya niveśanāt

was delighted and sated, and reached the highest contentment. Then, from Takshaka's dwelling, an asura named Maya

Note on the text: = 1.219.34cd + 1.219.35ab of the critical edition (aligned by hand).

Verse 40 (1.254.40)

विप्रद्रवन्तं सहसा ददर्श मधुसूदनः । तमग्निः प्रार्थयामास दिधक्षुर्वातसारथिः ॥

vipradravantaṃ sahasā dadarśa madhusūdanaḥ | tamagniḥ prārthayāmāsa didhakṣurvātasārathiḥ

Madhusudana saw suddenly running away. Agni, whose charioteer is the wind, went after him, eager to burn him,

Note on the text: = 1.219.35cd + 1.219.36ab of the critical edition (aligned by hand).

Verse 41 (1.254.41)

शरीरवाञ्जटी भूत्वा नदन्निव बलाहकः । विज्ञाय दानवेन्द्राणां मयं वै शिल्पिनां वरम् ॥

śarīravāñjaṭī bhūtvā nadanniva balāhakaḥ | vijñāya dānavendrāṇāṃ mayaṃ vai śilpināṃ varam

taking a bodily form, with matted hair, roaring like a thundercloud. Knowing Maya to be the foremost craftsman among the lords of the Danavas,

Note on the text: = 1.219.36cd of the critical edition (aligned by hand); the second line is not in it (found in the vulgate recension; star passage 2135*).

Verse 42 (1.254.42)

जिघांसुर्वासुदेवस्तं चक्रमुद्यम्य विष्ठितः । स चक्रमुद्यतं दृष्ट्वा दिधक्षन्तं च पावकम् ॥

jighāṃsurvāsudevastaṃ cakramudyamya viṣṭhitaḥ | sa cakramudyataṃ dṛṣṭvā didhakṣantaṃ ca pāvakam

Vasudeva, wishing to kill him, stood with his discus raised. Seeing the discus raised and the fire eager to burn him,

Note on the text: Corrected धिष्ठितः → विष्ठितः (misprint in Wikisource; ध for व, as in the critical edition's viṣṭhitaḥ). = 1.219.36ef + 1.219.37ab of the critical edition (aligned by hand).

Verse 43 (1.254.43)

अभिधावार्जुनेत्येवं मयस्त्राहीति चाब्रवीत् । तस्य भीतस्वनं श्रुत्वा मा भैरिति धनंजयः ॥

abhidhāvārjunetyevaṃ mayastrāhīti cābravīt | tasya bhītasvanaṃ śrutvā mā bhairiti dhanaṃjayaḥ

Maya cried out, "Run to me, Arjuna! Save me!" Hearing his frightened cry, Dhananjaya, Partha, answered Maya with "Do not be afraid!"

Note on the text: = 1.219.37cd + 1.219.38ab of the critical edition (aligned by hand; the first line ends differently there).

Verse 44 (1.254.44)

प्रत्युवाच मयं पार्थो जीवयन्निव भारत । तं न भेतव्यमित्याह मयं पार्थो दयापरः ॥

pratyuvāca mayaṃ pārtho jīvayanniva bhārata | taṃ na bhetavyamityāha mayaṃ pārtho dayāparaḥ

He spoke as though giving him back his life, O Bharata. Compassionate Partha told Maya, "You have nothing to fear."

Note on the text: = 1.219.38cd of the critical edition (aligned by hand); the second line is not in it (found in the vulgate recension; star passage 2137*).

Verse 45 (1.254.45)

तं पार्थेनाभये दत्ते नमुचेर्भ्रातरं मयम् । न हन्तुमैच्छद्दाशार्हः पावको न ददाह च ॥

taṃ pārthenābhaye datte namucerbhrātaraṃ mayam | na hantumaicchaddāśārhaḥ pāvako na dadāha ca

When Partha had granted safety to Maya, the brother of Namuchi, the Dasharha no longer wished to kill him, and the fire did not burn him.

Verse 46 (1.254.46)

तद्वनं पावको धीमान्दिनानि दश पञ्च च । ददाह कृष्णपार्थाभ्यां रक्षितः पाकशासनात् ॥

tadvanaṃ pāvako dhīmāndināni daśa pañca ca | dadāha kṛṣṇapārthābhyāṃ rakṣitaḥ pākaśāsanāt

Protected by Krishna and Partha from the chastiser of Paka, the wise fire burned that forest for fifteen days.

Note on the text: Not in the critical edition (found in the vulgate recension; the CE records it only as an interpolation, star passage 2138*).

Verse 47 (1.254.47)

तस्मिन्वने दह्यमाने षडग्निर्न ददाह च । अश्वसेनं मयं चैव चतुरः शार्ङ्गकांस्तथा ॥

tasminvane dahyamāne ṣaḍagnirna dadāha ca | aśvasenaṃ mayaṃ caiva caturaḥ śārṅgakāṃstathā

While that forest burned, the fire spared six: Ashvasena, Maya, and the four Sharngakas.