Garuda Saves the Valakhilyas

Verse 1 (1.30.1)

स्पृष्टमात्रा तु पद्भ्यां सा गरुडेन बलीयसा । अभज्यत तरोः शाखा भग्नां चैकामधारयत् ॥

spṛṣṭamātrā tu padbhyāṃ sā garuḍena balīyasā | abhajyata taroḥ śākhā bhagnāṃ caikāmadhārayat

The moment mighty Garuda touched it with his feet, the branch of the tree broke, and he caught and held that one broken branch.

Note on the text: Corrected स्पष्टमात्रा → स्पृष्टमात्रा (misprint in Wikisource; wrong vowel sign, as in the critical edition). The critical edition reads cainām for चैकाम्.

Verse 2 (1.30.2)

तां भङ्क्त्वा स महाशाखां स्मयमानो विलोकयन् । अथात्र लम्बतोऽपश्यद्वालखिल्यानधोमुखान् ॥

tāṃ bhaṅktvā sa mahāśākhāṃ smayamāno vilokayan | athātra lambato'paśyadvālakhilyānadhomukhān

Having broken that great branch, he looked at it with a smile, and then saw the Valakhilyas hanging from it head-downward.

Note on the text: Corrected अथात्रं → अथात्र (misprint in Wikisource; stray anusvara, as in the critical edition). The first line reads differently in the critical edition.

Verse 3 (1.30.3)

ऋषयो ह्यत्र लम्बन्ते न हन्यामिति तानृषीन् । तपोरतांल्लम्बमानान्ब्रह्मर्षीनभिवीक्ष्य सः ॥

ṛṣayo hyatra lambante na hanyāmiti tānṛṣīn | taporatāṃllambamānānbrahmarṣīnabhivīkṣya saḥ

"Sages are hanging here; let me not kill them," he thought, looking at those brahmarshis, devoted to austerity, hanging there.

Note on the text: Not in the critical edition (found in the vulgate recension).

Verse 4 (1.30.4)

हन्यादेतान्संपतन्ती शाखेत्यथ विचिन्त्य सः । नखैर्दृढतरं वीरः संगृह्य गजकच्छपौ ॥

hanyādetānsaṃpatantī śākhetyatha vicintya saḥ | nakhairdṛḍhataraṃ vīraḥ saṃgṛhya gajakacchapau

Reflecting, "The falling branch would kill them," the hero gripped the elephant and the tortoise still more firmly in his claws,

Note on the text: Not in the critical edition (found in the vulgate recension).

Verse 5 (1.30.5)

स तद्विनाशसंत्रासादभिपत्य खगाधिपः । शाखामास्येन जग्राह तेषामेवान्ववेक्षया ॥

sa tadvināśasaṃtrāsādabhipatya khagādhipaḥ | śākhāmāsyena jagrāha teṣāmevānvavekṣayā

and the lord of birds, in dread of their destruction, swooped down and took the branch in his beak, mindful of them alone.

Note on the text: Corrected स्वगाधिपः → खगाधिपः (misprint in Wikisource; स्व for ख, as in the critical edition). = 1.26.3abcd of the critical edition (aligned by hand), which reads anupatya for अभिपत्य.

Verse 6 (1.30.6)

अतिदैवं तु तत्तस्य कर्म दृष्ट्वा महर्षयः । विस्मयोत्कम्पहृदया नाम चक्रुर्महाखगे ॥

atidaivaṃ tu tattasya karma dṛṣṭvā maharṣayaḥ | vismayotkampahṛdayā nāma cakrurmahākhage

Seeing that deed of his, beyond even the power of the gods, the great sages, their hearts trembling with wonder, gave the great bird a name:

Note on the text: Not in the critical edition (found in the vulgate recension).

Verse 7 (1.30.7)

गुरुं भारं समासाद्योड्डीन एष विहङ्गमः । गरुडस्तु खगश्रेष्ठस्तस्मात्पन्नगभोजनः ॥

guruṃ bhāraṃ samāsādyoḍḍīna eṣa vihaṅgamaḥ | garuḍastu khagaśreṣṭhastasmātpannagabhojanaḥ

"Because this bird has flown up bearing a heavy (guru) load, the best of birds, the eater of serpents, shall be Garuda."

Note on the text: Not in the critical edition (found in the vulgate recension).

Verse 8 (1.30.8)

ततः शनैः पर्यपतत्पक्षैः शैलान्प्रकम्पयन् । एवं सोऽभ्यपतद्देशान्बहून्सगजकच्छपः ॥

tataḥ śanaiḥ paryapatatpakṣaiḥ śailānprakampayan | evaṃ so'bhyapataddeśānbahūnsagajakacchapaḥ

Then he flew slowly on, shaking the mountains with his wings. In this way, carrying the elephant and the tortoise, he flew over many lands,

Note on the text: The first line corresponds to 1.26.3ef of the critical edition, which reads differently (śanaiḥ paryapatat pakṣī parvatān praviśātayan); the second line = 1.26.4ab (aligned by hand).

Verse 9 (1.30.9)

दयार्थं वालखिल्यानां न च स्थानमविन्दत । स गत्वा पर्वतश्रेष्ठं गन्धमादनमञ्जसा ॥

dayārthaṃ vālakhilyānāṃ na ca sthānamavindata | sa gatvā parvataśreṣṭhaṃ gandhamādanamañjasā

and out of compassion for the Valakhilyas found no place to alight. Then he went straight to Gandhamadana, best of mountains,

Note on the text: = 1.26.4cd + 1.26.5ab of the critical edition (aligned by hand), which reads avyayam for अञ्जसा.

Verse 10 (1.30.10)

ददर्श कश्यपं तत्र पितरं तपसि स्थितम् । ददर्श तं पिता चापि दिव्यरूपं विहङ्गमम् ॥

dadarśa kaśyapaṃ tatra pitaraṃ tapasi sthitam | dadarśa taṃ pitā cāpi divyarūpaṃ vihaṅgamam

and there he saw his father Kashyapa, engaged in austerities. And his father too saw that bird of divine form,

Note on the text: = 1.26.5cd + 1.26.6ab of the critical edition (aligned by hand).

Verse 11 (1.30.11)

तेजोवीर्यबलोपेतं मनोमारुतरंहसम् । शैलशृङ्गप्रतीकाशं ब्रह्मदण्डमिवोद्यतम् ॥

tejovīryabalopetaṃ manomārutaraṃhasam | śailaśṛṅgapratīkāśaṃ brahmadaṇḍamivodyatam

full of splendour, valour and strength, swift as mind and wind, like a mountain peak, like the rod of Brahma raised to strike,

Note on the text: = 1.26.6cd + 1.26.7ab of the critical edition (aligned by hand).

Verse 12 (1.30.12)

अचिन्त्यमनभिध्येयं सर्वभूतभयंकरम् । महावीर्यधरं रौद्रं साक्षादग्निमिवोद्यतम् ॥

acintyamanabhidhyeyaṃ sarvabhūtabhayaṃkaram | mahāvīryadharaṃ raudraṃ sākṣādagnimivodyatam

inconceivable, beyond imagining, terrifying to all beings, possessed of great might, fierce, like fire itself flaring up,

Note on the text: = 1.26.7cd + 1.26.8ab of the critical edition (aligned by hand), which reads anabhijñeyaṃ, and whose 8ab reads differently (māyāvīryadharaṃ sākṣād agnim iddham ivodyatam).

Verse 13 (1.30.13)

अप्रधृष्यमजेयं च देवदानवराक्षसैः । भेत्तारं गिरिशृङ्गाणां समुद्रजलशोषणम् ॥

apradhṛṣyamajeyaṃ ca devadānavarākṣasaiḥ | bhettāraṃ giriśṛṅgāṇāṃ samudrajalaśoṣaṇam

unassailable and unconquerable by gods, Danavas and Rakshasas, a splitter of mountain peaks, a drinker-up of the ocean's waters,

Note on the text: = 1.26.8cd + 1.26.9ab of the critical edition (aligned by hand), which reads nadījala- for समुद्रजल-.

Verse 14 (1.30.14)

लोकसंलोडनं घोरं कृतान्तसमदर्शनम् । तमागतमभिप्रेक्ष्य भगवान्कश्यपस्तदा । विदित्वा चास्य संकल्पमिदं वचनमब्रवीत् ॥

lokasaṃloḍanaṃ ghoraṃ kṛtāntasamadarśanam | tamāgatamabhiprekṣya bhagavānkaśyapastadā | viditvā cāsya saṃkalpamidaṃ vacanamabravīt

a terrible churner of the worlds, as fearsome to look upon as Death. Seeing him arrive, and knowing his purpose, the blessed Kashyapa then spoke these words:

Note on the text: Corrected चास्यं → चास्य (misprint in Wikisource; stray anusvara, as in the critical edition). = 1.26.9cd + 1.26.10 of the critical edition (aligned by hand).

Verse 15 (1.30.15)

पुत्र मा साहसं कार्षीर्मा सद्यो लप्स्यसे व्यथाम् । मा त्वां दहेयुः संक्रुद्धा वालखिल्या मरीचिपाः ॥

putra mā sāhasaṃ kārṣīrmā sadyo lapsyase vyathām | mā tvāṃ daheyuḥ saṃkruddhā vālakhilyā marīcipāḥ

My son, do nothing rash, or you will come to grief at once. Let not the Valakhilyas, who drink the rays of the sun, burn you in their anger.

Verse 16 (1.30.16)

ततः प्रसादयामास कश्यपः पुत्रकारणात् । वालखिल्यान्महाभागांस्तपसा हतकल्मषान् ॥

tataḥ prasādayāmāsa kaśyapaḥ putrakāraṇāt | vālakhilyānmahābhāgāṃstapasā hatakalmaṣān

Then, for his son's sake, Kashyapa sought the favour of the illustrious Valakhilyas, whose sins had been burnt away by austerity:

Note on the text: Aligned by hand with 1.26.12 of the critical edition, whose second line reads differently (vālakhilyāṃs tapaḥsiddhān idam uddiśya kāraṇam).

Verse 17 (1.30.17)

प्रजाहितार्थमारम्भो गरुडस्य तपोधनाः । चिकीर्षति महत्कर्म तदनुज्ञातुमर्हथ ॥

prajāhitārthamārambho garuḍasya tapodhanāḥ | cikīrṣati mahatkarma tadanujñātumarhatha

You whose wealth is austerity, Garuda's undertaking is for the good of all creatures. He wishes to do a great deed; please give him your leave.

Verse 18 (1.30.18)

एवमुक्ता भगवता मुनयस्ते समभ्ययुः । मुक्त्वा शाखां गिरिं पुण्यं हिमवन्तं तपोऽर्थिनः ॥

evamuktā bhagavatā munayaste samabhyayuḥ | muktvā śākhāṃ giriṃ puṇyaṃ himavantaṃ tapo'rthinaḥ

Thus addressed by the blessed one, the sages let go of the branch and went to the holy mountain Himavat, in search of austerity.

Note on the text: Corrected हिमवन्त → हिमवन्तं (misprint in Wikisource; dropped anusvara, as in the critical edition).

Verse 19 (1.30.19)

ततस्तेष्वपयातेषु पितरं विनतासुतः । शाखाव्याक्षिप्तवदनः पर्यपृच्छत कश्यपम् ॥

tatasteṣvapayāteṣu pitaraṃ vinatāsutaḥ | śākhāvyākṣiptavadanaḥ paryapṛcchata kaśyapam

When they had gone, Vinata's son, his mouth hampered by the branch, asked his father Kashyapa:

Verse 20 (1.30.20)

भगवन्क्व विमुञ्चामि तरोः शाखामिमामहम् । वर्जितं मानुषैर्देशमाख्यातु भगवान्मम ॥

bhagavankva vimuñcāmi taroḥ śākhāmimāmaham | varjitaṃ mānuṣairdeśamākhyātu bhagavānmama

Lord, where shall I let fall this branch of the tree? Tell me, lord, of a place where there are no men.

Note on the text: Speaker set to Garuda: the verse is his question to Kashyapa (the input carried Sauti over from the previous verse). The critical edition reads brāhmaṇair for मानुषैर्.

Verse 21 (1.30.21)

ततो निःपुरुषं शैलं हिमसंरुद्धकन्दरम् । अगम्यं मनसाप्यन्यैस्तस्याचख्यौ स कश्यपः ॥

tato niḥpuruṣaṃ śailaṃ himasaṃruddhakandaram | agamyaṃ manasāpyanyaistasyācakhyau sa kaśyapaḥ

Then Kashyapa told him of a mountain without people, its caves blocked with snow, which others could not reach even in thought.

Verse 22 (1.30.22)

तं पर्वतं महाकुक्षिमुद्दिश्य स महाखगः । जवेनाभ्यपतत्तार्क्ष्यः सशाखागजकच्छपः ॥

taṃ parvataṃ mahākukṣimuddiśya sa mahākhagaḥ | javenābhyapatattārkṣyaḥ saśākhāgajakacchapaḥ

Making for that mountain with its vast hollows, the great bird Tarkshya flew there at speed, carrying the branch, the elephant and the tortoise.

Verse 23 (1.30.23)

न तां वध्री परिणहेच्छतचर्मा महातनुम् । शाखिनो महतीं शाखां यां प्रगृह्य ययौ खगः ॥

na tāṃ vadhrī pariṇahecchatacarmā mahātanum | śākhino mahatīṃ śākhāṃ yāṃ pragṛhya yayau khagaḥ

Not even a strap made of a hundred hides could have gone round that huge, great branch of the tree which the bird carried as he went.

Verse 24 (1.30.24)

स ततः शतसाहस्रं योजनान्तरमागतः । कालेन नातिमहता गरुडः पतगेश्वरः ॥

sa tataḥ śatasāhasraṃ yojanāntaramāgataḥ | kālena nātimahatā garuḍaḥ patageśvaraḥ

Then Garuda, lord of birds, covered a distance of a hundred thousand yojanas in no great time.

Verse 25 (1.30.25)

स तं गत्वा क्षणेनैव पर्वतं वचनात्पितुः । अमुञ्चन्महतीं शाखां सस्वनं तत्र खेचरः ॥

sa taṃ gatvā kṣaṇenaiva parvataṃ vacanātpituḥ | amuñcanmahatīṃ śākhāṃ sasvanaṃ tatra khecaraḥ

Reaching that mountain in an instant, as his father had told him, the sky-ranger let fall the great branch there with a crash.

Verse 26 (1.30.26)

पक्षानिलहतश्चास्य प्राकम्पत स शैलराट् । मुमोच पुष्पवर्षं च समागलितपादपः ॥

pakṣānilahataścāsya prākampata sa śailarāṭ | mumoca puṣpavarṣaṃ ca samāgalitapādapaḥ

Struck by the wind of his wings, that king of mountains shook, and with its trees loosened, it let fall a shower of flowers.

Note on the text: Corrected समागलितपादप → समागलितपादपः (misprint in Wikisource; dropped visarga, as in the critical edition).

Verse 27 (1.30.27)

शृङ्गाणि च व्यशीर्यन्त गिरेस्तस्य समन्ततः । मणिकाञ्चनचित्राणि शोभयन्ति महागिरिम् ॥

śṛṅgāṇi ca vyaśīryanta girestasya samantataḥ | maṇikāñcanacitrāṇi śobhayanti mahāgirim

The peaks of that mountain, bright with gems and gold, which adorned the great mountain, crumbled away on every side.

Verse 28 (1.30.28)

शाखिनो बहवश्चापि शाखयाऽभिहतास्तया । काञ्चनैः कुसुमैर्भान्ति विद्युत्वन्त इवाम्बुदाः ॥

śākhino bahavaścāpi śākhayā'bhihatāstayā | kāñcanaiḥ kusumairbhānti vidyutvanta ivāmbudāḥ

Many trees too, struck by that branch, shone with their golden flowers like clouds lit with lightning.

Verse 29 (1.30.29)

ते हेमविकचा भूमौ युताः पर्वतधातुभिः । व्यराजञ्छाखिनस्तत्र सूर्यांशुप्रतिरञ्जिताः ॥

te hemavikacā bhūmau yutāḥ parvatadhātubhiḥ | vyarājañchākhinastatra sūryāṃśupratirañjitāḥ

Those trees, glowing with golden blossoms, lying on the ground and mingled with the mountain's minerals, shone there, coloured by the rays of the sun.

Verse 30 (1.30.30)

ततस्तस्य गिरेः शृङ्गमास्थाय स खगोत्तमः । भक्षयामास गरुडस्तावुभौ गजकच्छपौ ॥

tatastasya gireḥ śṛṅgamāsthāya sa khagottamaḥ | bhakṣayāmāsa garuḍastāvubhau gajakacchapau

Then, perching on a peak of that mountain, Garuda, best of birds, ate both the elephant and the tortoise.

Verse 31 (1.30.31)

तावुभौ भक्षयित्वा तु स तार्क्ष्यः कूर्मकुञ्जरौ । ततः पर्वतकूटाग्रादुत्पपात महाजवः ॥

tāvubhau bhakṣayitvā tu sa tārkṣyaḥ kūrmakuñjarau | tataḥ parvatakūṭāgrādutpapāta mahājavaḥ

Having eaten both the tortoise and the elephant, Tarkshya, of tremendous speed, flew up from the summit of the mountain.

Note on the text: The first line is not in the critical edition (found in the vulgate recension); the second line = 1.26.27ab, which reads manojavaḥ for महाजवः (aligned by hand).

Verse 32 (1.30.32)

प्रावर्तन्ताथ देवानामुत्पाता भयशंसिनः । इन्द्रस्य वज्रं दयितं प्रजज्वाल भयात्ततः ॥

prāvartantātha devānāmutpātā bhayaśaṃsinaḥ | indrasya vajraṃ dayitaṃ prajajvāla bhayāttataḥ

Then portents foreboding danger arose among the gods. Indra's beloved thunderbolt blazed up in fear.

Note on the text: = 1.26.27cd + 1.26.28ab of the critical edition (aligned by hand), which reads bhayavedinaḥ and vyathānvitam.

Verse 33 (1.30.33)

सधूमा न्यपतत्सार्चिर्दिवोल्का नभसश्च्युता । तथा वसूनां रुद्राणामादित्यानां च सर्वशः ॥

sadhūmā nyapatatsārcirdivolkā nabhasaścyutā | tathā vasūnāṃ rudrāṇāmādityānāṃ ca sarvaśaḥ

A smoking, flaming meteor fell from the sky in broad day. And of the Vasus, the Rudras and the Adityas, of all of them,

Note on the text: = 1.26.28cd + 1.26.29ab of the critical edition (aligned by hand).

Verse 34 (1.30.34)

साध्यानां मरुतां चैव ये चान्ये देवतागणाः । स्वं स्वं प्रहरणं तेषां परस्परमुपाद्रवत् ॥

sādhyānāṃ marutāṃ caiva ye cānye devatāgaṇāḥ | svaṃ svaṃ praharaṇaṃ teṣāṃ parasparamupādravat

of the Sadhyas and the Maruts, and of all the other hosts of gods, each one's own weapon turned upon the others.

Note on the text: = 1.26.29cdef of the critical edition (aligned by hand).

Verse 35 (1.30.35)

अभूतपूर्वं संग्रामे तदा देवासुरेऽपि च । ववुर्वाताः सनिर्घाताः पेतुरुल्काः सहस्रशः ॥

abhūtapūrvaṃ saṃgrāme tadā devāsure'pi ca | vavurvātāḥ sanirghātāḥ peturulkāḥ sahasraśaḥ

Such a thing had never happened before, not even in the war between the gods and the asuras. Winds blew with thunderclaps, and meteors fell by the thousand.

Verse 36 (1.30.36)

निरभ्रमेव चाकाशं प्रजगर्ज महास्वनम् । देवानामपि यो देवः सोऽप्यवर्षत शोणितम् ॥

nirabhrameva cākāśaṃ prajagarja mahāsvanam | devānāmapi yo devaḥ so'pyavarṣata śoṇitam

The cloudless sky thundered with a mighty roar, and even he who is god among the gods, the giver of rain, rained down blood.

Verse 37 (1.30.37)

मम्लुर्माल्यानि देवानां नेशुस्तेजांसि चैव हि । उत्पातमेघा रौद्राश्च ववृषुः शोणितं बहु ॥

mamlurmālyāni devānāṃ neśustejāṃsi caiva hi | utpātameghā raudrāśca vavṛṣuḥ śoṇitaṃ bahu

The garlands of the gods withered and their radiance faded; dreadful portentous clouds poured down blood in torrents.

Note on the text: = 1.26.32abcd of the critical edition (aligned by hand), which reads śemus and vavarṣuḥ.

Verse 38 (1.30.38)

रजांसि मुकुटान्येषामुत्थितानि व्यधर्षयन् । ततस्त्राससमुद्विग्नः सह देवैः शतक्रतुः । उत्पातान्दारुणान्पश्यन्नित्युवाच बृहस्पतिम् ॥

rajāṃsi mukuṭānyeṣāmutthitāni vyadharṣayan | tatastrāsasamudvignaḥ saha devaiḥ śatakratuḥ | utpātāndāruṇānpaśyannityuvāca bṛhaspatim

Dust rose and soiled their crowns. Then Shatakratu, shaken with fear, together with the gods, seeing the dreadful portents, said to Brihaspati:

Note on the text: The first line = 1.26.32ef of the critical edition; the second and third lines = 1.26.33 (aligned by hand).

Verse 39 (1.30.39)

किमर्थं भगवन्घोरा उत्पाताः सहसोत्थिताः । न च शत्रुं प्रपश्यामि युधि यो नः प्रधर्षयेत् ॥

kimarthaṃ bhagavanghorā utpātāḥ sahasotthitāḥ | na ca śatruṃ prapaśyāmi yudhi yo naḥ pradharṣayet

Why, lord, have these terrible portents suddenly arisen? I see no enemy who could overpower us in battle.

Note on the text: Speaker set to Indra: the verse is his question to Brihaspati (the input carried Sauti over from the previous verse).

Verse 40 (1.30.40)

तवापराधाद्देवेन्द्र प्रमादाच्च शतक्रतो । तपसा वालखिल्यानां महर्षीणां महात्मनाम् ॥

tavāparādhāddevendra pramādācca śatakrato | tapasā vālakhilyānāṃ maharṣīṇāṃ mahātmanām

Through your offence, lord of the gods, and your carelessness, Shatakratu, and through the austerity of the great-souled great sages, the Valakhilyas,

Verse 41 (1.30.41)

कश्यपस्य मुनेः पुत्रो विनतायाश्च खेचरः । हर्तुं सोममभिप्राप्तो बलवान्कामरूपधृक् ॥

kaśyapasya muneḥ putro vinatāyāśca khecaraḥ | hartuṃ somamabhiprāpto balavānkāmarūpadhṛk

the sky-ranging son of the sage Kashyapa and of Vinata, mighty and able to take whatever form he wishes, has come to carry off the Soma.

Verse 42 (1.30.42)

समर्थो बलिनां श्रेष्ठो हर्तुं सोमं विहंगमः । सर्वं संभावयाम्यस्मिन्नसाध्यमपि साधयेत् ॥

samartho balināṃ śreṣṭho hartuṃ somaṃ vihaṃgamaḥ | sarvaṃ saṃbhāvayāmyasminnasādhyamapi sādhayet

That bird, foremost of the mighty, is able to carry off the Soma. I believe him capable of anything; he could accomplish even the impossible.

Verse 43 (1.30.43)

श्रुत्वैतद्वचनं शक्रः प्रोवाचामृतरक्षिणः । महावीर्यबलः पक्षी हर्तुं सोममिहोद्यतः ॥

śrutvaitadvacanaṃ śakraḥ provācāmṛtarakṣiṇaḥ | mahāvīryabalaḥ pakṣī hartuṃ somamihodyataḥ

Hearing these words, Shakra said to the guardians of the amrita: "A bird of great valour and strength is set on carrying off the Soma from here."

Verse 44 (1.30.44)

युष्मान्संबोधयाम्येष गृहीत्वावरणायुधान् । परिवार्यामृतं सर्वे यूयं मद्वचनादिह ॥

yuṣmānsaṃbodhayāmyeṣa gṛhītvāvaraṇāyudhān | parivāryāmṛtaṃ sarve yūyaṃ madvacanādiha

I am warning you. Take up your armour and weapons, and all of you, at my command, surround the amrita here

Note on the text: Removed a stray wiki mark (`). Speaker set to Indra: this verse and the next continue his words to the guardians of the amrita. Only the first quarter (yuṣmān saṃbodhayāmy eṣa) is in the critical edition (1.26.39a); the rest of this verse and the first quarter of the next are found in the vulgate recension.

Verse 45 (1.30.45)

रक्षध्वं विबुधा वीरा यथा न स हरेद्बलात् । अतुलं हि बलं तस्य बृहस्पतिरुवाच ह ॥

rakṣadhvaṃ vibudhā vīrā yathā na sa haredbalāt | atulaṃ hi balaṃ tasya bṛhaspatiruvāca ha

and guard it, heroic gods, so that he cannot carry it off by force. For his strength is matchless: so Brihaspati has said.

Note on the text: Removed a stray wiki mark ('). Speaker set to Indra (see the previous verse). The first quarter is not in the critical edition (found in the vulgate recension); the rest = 1.26.39bcd, which reads yathā sa na and uvāca me.

Verse 46 (1.30.46)

तच्छ्रुत्वा विबुधा वाक्यं विस्मिता यत्नमास्थिताः । परिवार्यामृतं तस्थुर्वज्री चेन्द्रः प्रतापवान् ॥

tacchrutvā vibudhā vākyaṃ vismitā yatnamāsthitāḥ | parivāryāmṛtaṃ tasthurvajrī cendraḥ pratāpavān

Hearing these words, the gods, astonished, made ready and stood around the amrita, and so did valiant Indra, wielder of the thunderbolt.

Note on the text: Corrected तस्थूर्वज्री → तस्थुर्वज्री (misprint in Wikisource; long ū for short u, as in the critical edition). The critical edition reads śatakratuḥ for प्रतापवान्.

Verse 47 (1.30.47)

धारयन्तो विचित्राणि काञ्चनानि मनस्विनः । कवचानि महार्हाणि वैदूर्यविकृतानि च ॥

dhārayanto vicitrāṇi kāñcanāni manasvinaḥ | kavacāni mahārhāṇi vaidūryavikṛtāni ca

The high-minded gods wore wonderful, costly coats of mail, golden and inlaid with beryl,

Note on the text: Aligned by hand with 1.26.41 of the critical edition, which orders the words differently.

Verse 48 (1.30.48)

चर्माण्यपि च गात्रेषु भानुमन्ति दृढानि च । विविधानि च शस्त्राणि घोररूपाण्यनेकशः ॥

carmāṇyapi ca gātreṣu bhānumanti dṛḍhāni ca | vividhāni ca śastrāṇi ghorarūpāṇyanekaśaḥ

and strong, gleaming leather guards upon their limbs; and weapons of many kinds, terrible in form, in great number,

Note on the text: The first line is not in the critical edition (found in the vulgate recension); the second line = 1.26.42ab (aligned by hand).

Verse 49 (1.30.49)

शिततीक्ष्णाग्रधाराणि समुद्यम्य सुरोत्तमः । सविस्फुलिङ्गज्वालानि सधूमानि च सर्वशः ॥

śitatīkṣṇāgradhārāṇi samudyamya surottamaḥ | savisphuliṅgajvālāni sadhūmāni ca sarvaśaḥ

their points and edges sharp and keen, all of them throwing off sparks, flames and smoke, the foremost of the gods raised up:

Note on the text: = 1.26.42cd + 1.26.43ab of the critical edition (aligned by hand), which reads sahasraśaḥ for सुरोत्तमः.

Verse 50 (1.30.50)

चक्राणि परिघांश्चैव त्रिशूलानि परश्वधान् । शक्तीश्च विविधास्तीक्ष्णाः करवालांश्च निर्मलान् । स्वदेहरूपाण्यादाय गदाश्चोग्रप्रदर्शनाः ॥

cakrāṇi parighāṃścaiva triśūlāni paraśvadhān | śaktīśca vividhāstīkṣṇāḥ karavālāṃśca nirmalān | svadeharūpāṇyādāya gadāścograpradarśanāḥ

discs, iron clubs, tridents, battle-axes, sharp spears of many kinds, spotless swords, and maces fearsome to behold. Taking up these weapons, each suited to his own body,

Note on the text: Corrected परघांश्चैव → परिघांश्चैव (misprint in Wikisource; dropped vowel sign, as in the critical edition). = 1.26.43cd + 1.26.44 of the critical edition (aligned by hand).

Verse 51 (1.30.51)

तैः शस्त्रैर्भानुमद्भिस्ते दिव्याभरणभूषिताः । भानुमन्तः सुरगणास्तस्थुर्विगतकल्मषाः ॥

taiḥ śastrairbhānumadbhiste divyābharaṇabhūṣitāḥ | bhānumantaḥ suragaṇāstasthurvigatakalmaṣāḥ

the hosts of gods, adorned with heavenly ornaments and radiant with those shining weapons, stood there, free from all stain.

Verse 52 (1.30.52)

अनुपमबलवीर्यतेजसो । धृतमनसः परिरक्षणेऽमृतस्य । असुरपुरविदारणाः सुरा । ज्वलनसमिद्धवपुःप्रकाशिनः ॥

anupamabalavīryatejaso | dhṛtamanasaḥ parirakṣaṇe'mṛtasya | asurapuravidāraṇāḥ surā | jvalanasamiddhavapuḥprakāśinaḥ

Of matchless strength, valour and splendour, their minds set on guarding the amrita, the gods, destroyers of the cities of the asuras, shone with bodies blazing like fire.

Verse 53 (1.30.53)

इति समरवरं सुराः स्थितास्ते । परिघसहस्रशतैः समाकुलम् । विगलितमिव चाम्बरान्तरं । तपनमरीचिविकाशितं बभासे ॥

iti samaravaraṃ surāḥ sthitāste | parighasahasraśataiḥ samākulam | vigalitamiva cāmbarāntaraṃ | tapanamarīcivikāśitaṃ babhāse

Thus the gods stood there, and that splendid field of battle, crowded with hundreds of thousands of iron clubs, shone like a piece of the sky fallen to earth, lit up by the rays of the sun.