The Names of the Serpents

Verse 1 (1.35.1)

भुजङ्गमानां शापस्य मात्रा चैव सुतेन च । विनतायास्त्वया प्रोक्तं कारणं सूतनन्दन ॥

bhujaṅgamānāṃ śāpasya mātrā caiva sutena ca | vinatāyāstvayā proktaṃ kāraṇaṃ sūtanandana

You have told us, son of the suta, the reason for the curse laid on the serpents by their mother, and for the curse laid on Vinata by her son;

Verse 2 (1.35.2)

वरप्रदानं भर्त्रा च कद्रूविनतयोस्तथा । नामनी चैव ते प्रोक्ते पक्षिणोर्वैनतेययोः ॥

varapradānaṃ bhartrā ca kadrūvinatayostathā | nāmanī caiva te prokte pakṣiṇorvainateyayoḥ

the boons granted to Kadru and Vinata by their husband; and you have told us the names of the two birds, the sons of Vinata.

Verse 3 (1.35.3)

पन्नगानां तु नामानि न कीर्तयसि सूतज । प्राधान्येनापि नामानि श्रोतुमिच्छामहे वयम् ॥

pannagānāṃ tu nāmāni na kīrtayasi sūtaja | prādhānyenāpi nāmāni śrotumicchāmahe vayam

But you do not recount the names of the serpents, son of the suta. We wish to hear their names, at least those of the chief ones.

Note on the text: Corrected कीतर्यसि → कीर्तयसि (misprint in Wikisource; misplaced repha; CE kīrtayasi).

Verse 4 (1.35.4)

बहुत्वान्नामधेयानि पन्नगानां तपोधन । न कीर्तयिष्ये सर्वेषां प्राधान्येन तु मे शृणु ॥

bahutvānnāmadheyāni pannagānāṃ tapodhana | na kīrtayiṣye sarveṣāṃ prādhānyena tu me śṛṇu

The serpents are so many, ascetic, that I will not recount the names of them all; but hear from me the names of the chief ones.

Verse 5 (1.35.5)

शेषः प्रथमतो जातो वासुकिस्तदनन्तरम् । ऐरावतस्तक्षकश्च कर्कोटकधनञ्जयौ ॥

śeṣaḥ prathamato jāto vāsukistadanantaram | airāvatastakṣakaśca karkoṭakadhanañjayau

Shesha was born first, and Vasuki after him; then Airavata, Takshaka, Karkotaka and Dhananjaya;

Verse 6 (1.35.6)

कालियो मणिनागश्च नागश्चापूरणस्तथा । नागस्तथा पिञ्जरक एलापत्रोऽथ वामनः ॥

kāliyo maṇināgaśca nāgaścāpūraṇastathā | nāgastathā piñjaraka elāpatro'tha vāmanaḥ

Kaliya, Maninaga, and the serpent Apurana; the serpent Pinjaraka, Elapatra and Vamana;

Verse 7 (1.35.7)

नीलानीलौ तथा नागौ कल्माषशबलौ तथा । आर्यकश्चोग्रकश्चैव नागः कलशपोतकः ॥

nīlānīlau tathā nāgau kalmāṣaśabalau tathā | āryakaścograkaścaiva nāgaḥ kalaśapotakaḥ

the serpents Nila and Anila, Kalmasha and Shabala, Aryaka and Ugraka, and the serpent Kalashapotaka;

Verse 8 (1.35.8)

सुमनाख्यो दधिमुखस्तथा विमलपिण्डकः । आप्तः कोटरकश्चैव शङ्खो वालिशिखस्तथा ॥

sumanākhyo dadhimukhastathā vimalapiṇḍakaḥ | āptaḥ koṭarakaścaiva śaṅkho vāliśikhastathā

Sumana, Dadhimukha and Vimalapindaka; Apta, Kotaraka, Shankha and Valishikha;

Verse 9 (1.35.9)

निष्टानको हेमगुहो नहुषः पिङ्गलस्तथा । बाह्यकर्णो हस्तिपदस्तथा मुद्गरपिण्डकः ॥

niṣṭānako hemaguho nahuṣaḥ piṅgalastathā | bāhyakarṇo hastipadastathā mudgarapiṇḍakaḥ

Nishtanaka, Hemaguha, Nahusha and Pingala; Bahyakarna, Hastipada and Mudgarapindaka;

Verse 10 (1.35.10)

कम्बलाश्वतरौ चापि नागः कालीयकस्तथा । वृत्तसंवर्तकौ नागौ द्वौ च पद्माविति श्रुतौ ॥

kambalāśvatarau cāpi nāgaḥ kālīyakastathā | vṛttasaṃvartakau nāgau dvau ca padmāviti śrutau

Kambala and Ashvatara, and the serpent Kaliyaka; the serpents Vritta and Samvartaka, and the two known as Padma;

Verse 11 (1.35.11)

नागः शङ्खमुखश्चैव तथा कूष्माण्डकोऽपरः । क्षेमकश्च तथा नागो नागः पिण्डारकस्तथा ॥

nāgaḥ śaṅkhamukhaścaiva tathā kūṣmāṇḍako'paraḥ | kṣemakaśca tathā nāgo nāgaḥ piṇḍārakastathā

the serpent Shankhamukha, and Kushmandaka besides; the serpent Kshemaka, and the serpent Pindaraka;

Verse 12 (1.35.12)

करवीरः पुष्पदंष्ट्रो बिल्वको बिल्वपाण्डुरः । मूषकादः शङ्खशिराः पूर्णभद्रो हरिद्रकः ॥

karavīraḥ puṣpadaṃṣṭro bilvako bilvapāṇḍuraḥ | mūṣakādaḥ śaṅkhaśirāḥ pūrṇabhadro haridrakaḥ

Karavira, Pushpadamshtra, Bilvaka and Bilvapandura; Mushakada, Shankhashiras, Purnabhadra and Haridraka;

Verse 13 (1.35.13)

अपराजितो ज्योतिकश्च पन्नगः श्रीवहस्तथा । कौरव्यो धृतराष्ट्रश्च शङ्खपिण्डश्च वीर्यवान् ॥

aparājito jyotikaśca pannagaḥ śrīvahastathā | kauravyo dhṛtarāṣṭraśca śaṅkhapiṇḍaśca vīryavān

Aparajita, Jyotika, and the serpent Shrivaha; Kauravya, Dhritarashtra, and mighty Shankhapinda;

Verse 14 (1.35.14)

विरजाश्च सुबाहुश्च शालिपिण्डश्च वीर्यवान् । हस्तिपिण्डः पिठरकः सुमुखः कौणपाशनः ॥

virajāśca subāhuśca śālipiṇḍaśca vīryavān | hastipiṇḍaḥ piṭharakaḥ sumukhaḥ kauṇapāśanaḥ

Virajas, Subahu, and mighty Shalipinda; Hastipinda, Pitharaka, Sumukha and Kaunapashana;

Verse 15 (1.35.15)

कुठरः कुञ्जरश्चैव तथा नागः प्रभाकरः । कुमुदः कुमुदाक्षश्च तित्तिरिर्हलिकस्तथा ॥

kuṭharaḥ kuñjaraścaiva tathā nāgaḥ prabhākaraḥ | kumudaḥ kumudākṣaśca tittirirhalikastathā

Kuthara and Kunjara, and the serpent Prabhakara; Kumuda and Kumudaksha, Tittiri and Halika;

Note on the text: Corrected कुठऱः → कुठरः (misprint in Wikisource; the character ऱ for र). = CE 1.31.15abcd (CE kuñjaraḥ kuraraś), a verse the automatic alignment left unmatched.

Verse 16 (1.35.16)

कर्दमश्च महानागो नागश्च बहुमूलकः । कर्कराकर्करौ नागौ कुण्डोदरमहोदरौ ॥

kardamaśca mahānāgo nāgaśca bahumūlakaḥ | karkarākarkarau nāgau kuṇḍodaramahodarau

the great serpent Kardama and the serpent Bahumulaka; the serpents Karkara and Akarkara, and Kundodara and Mahodara.

Note on the text: The first line is not in the critical edition (found in the vulgate recension); the second = CE 1.31.15ef.

Verse 17 (1.35.17)

एते प्राधान्यतो नागाः कीर्तिता द्विजसत्तम । बहुत्वान्नामधेयानामितरे नानुकीर्तिताः ॥

ete prādhānyato nāgāḥ kīrtitā dvijasattama | bahutvānnāmadheyānāmitare nānukīrtitāḥ

These are the chief serpents I have named, best of the twice-born. Because their names are so many, the others have not been recounted.

Verse 18 (1.35.18)

एतेषां प्रसवो यश्च प्रसवस्य च संततिः । असङ्ख्येयेति मत्वा तान्न ब्रवीमि तपोधन ॥

eteṣāṃ prasavo yaśca prasavasya ca saṃtatiḥ | asaṅkhyeyeti matvā tānna bravīmi tapodhana

Their offspring, and the descendants of that offspring, are beyond counting; knowing this, ascetic, I do not name them.

Note on the text: Corrected मत्त्वा → मत्वा (misprint in Wikisource; doubled त; CE matvā).

Verse 19 (1.35.19)

बहूनीह सहस्राणि प्रयुतान्यर्बुदानि च । अशक्यान्येव सङ्ख्यातुं पन्नगानां तपोधन ॥

bahūnīha sahasrāṇi prayutānyarbudāni ca | aśakyānyeva saṅkhyātuṃ pannagānāṃ tapodhana

There are many thousands of serpents in this world, millions and hundreds of millions of them; they simply cannot be counted, ascetic.