The Burdened Earth Appeals to Brahma

Verse 1 (1.65.1)

य एते कीर्तिता ब्रह्मन्ये चान्ये नानुकीर्तिताः । सम्यक्ताञ्श्रोतुमिच्छामिराज्ञश्चान्यान्सहस्रशः ॥

ya ete kīrtitā brahmanye cānye nānukīrtitāḥ | samyaktāñśrotumicchāmirājñaścānyānsahasraśaḥ

O brahmin, I wish to hear properly about the kings you have named and those you have not named, and about the other kings in their thousands.

Verse 2 (1.65.2)

यदर्थमिह संभूता देवकल्पा महारथाः । भुवि तन्मे महाभाग सम्यगाख्यातुमर्हसि ॥

yadarthamiha saṃbhūtā devakalpā mahārathāḥ | bhuvi tanme mahābhāga samyagākhyātumarhasi

O fortunate one, please tell me fully the purpose for which these godlike great chariot-warriors were born here on earth.

Verse 3 (1.65.3)

रहस्यं खल्विदं राजन्देवानामिति नः श्रुतम् । तत्तु ते कथयिष्यामि नमस्कृत्वा स्वयंभुवे ॥

rahasyaṃ khalvidaṃ rājandevānāmiti naḥ śrutam | tattu te kathayiṣyāmi namaskṛtvā svayaṃbhuve

This, O king, is a secret of the gods; so we have heard. Yet I shall tell it to you, after bowing to the Self-born Brahma.

Verse 4 (1.65.4)

त्रिःसप्तकृत्वः पृथिवीं कृत्वा निःक्षत्रियां पुरा । जामदग्न्यस्तपस्तेपे महेन्द्रे पर्वतोत्तमे ॥

triḥsaptakṛtvaḥ pṛthivīṃ kṛtvā niḥkṣatriyāṃ purā | jāmadagnyastapastepe mahendre parvatottame

Long ago Jamadagni's son, having rid the earth of Kshatriyas three times seven times, practised austerities on Mahendra, the best of mountains.

Note on the text: Corrected निःक्षित्रयां → निःक्षत्रियां (misprint in Wikisource; transposed vowel sign, as in the critical edition).

Verse 5 (1.65.5)

तदा निःक्षत्रिये लोके भार्गवेण कृते सति । ब्राह्मणान्क्षत्रिया राजन्सुतार्थिन्योऽभिचक्रमुः ॥

tadā niḥkṣatriye loke bhārgaveṇa kṛte sati | brāhmaṇānkṣatriyā rājansutārthinyo'bhicakramuḥ

Then, when the descendant of Bhrigu had left the world without Kshatriyas, the Kshatriya women, O king, approached brahmins in the hope of sons.

Verse 6 (1.65.6)

ताभिः सह समापेतुर्ब्राह्मणाः संशितव्रताः । ऋतावृतौ नरव्याघ्र न कामान्नानृतौ तथा ॥

tābhiḥ saha samāpeturbrāhmaṇāḥ saṃśitavratāḥ | ṛtāvṛtau naravyāghra na kāmānnānṛtau tathā

The brahmins, firm in their vows, united with them only in the fertile season, O tiger among men; never out of desire, and never out of season.

Verse 7 (1.65.7)

तेभ्यश्च लेभिरे गर्भं क्षत्रियास्ताः सहस्रशः । ततः सुषुविरे राजन्क्षत्रियान्वीर्यवत्तरान् ॥

tebhyaśca lebhire garbhaṃ kṣatriyāstāḥ sahasraśaḥ | tataḥ suṣuvire rājankṣatriyānvīryavattarān

From them those Kshatriya women conceived in their thousands, and then, O king, they bore Kshatriyas of greater valour,

Note on the text: Corrected तेभिरे → लेभिरे (misprint in Wikisource; तेभिरे is not a word, the critical edition reads lebhire). Lines correspond to 1.58.7ab–cd of the critical edition (variant वीर्यवत्तरान्). Wikisource divides critical-edition 1.58.7–10 (four verses of three lines each) into six verses of two lines.

Verse 8 (1.65.8)

कुमारांश्च कुमारीश्च पुनः क्षत्राभिवृद्धये । एवं तद्ब्राह्मणैः क्षत्रं क्षत्रियासु तपस्विभिः ॥

kumārāṃśca kumārīśca punaḥ kṣatrābhivṛddhaye | evaṃ tadbrāhmaṇaiḥ kṣatraṃ kṣatriyāsu tapasvibhiḥ

boys and girls, so that the Kshatriya order might grow once more. In this way the Kshatriya order, begotten on Kshatriya women by ascetic brahmins,

Note on the text: Lines correspond to 1.58.7ef and 1.58.8a of the critical edition. Wikisource divides critical-edition 1.58.7–10 (four verses of three lines each) into six verses of two lines.

Verse 9 (1.65.9)

जातं वृद्धं च धर्मेण सुदीर्घेणायुषान्वितम् । चत्वारोऽपि ततो वर्णा बभूवुर्ब्राह्मणोत्तराः ॥

jātaṃ vṛddhaṃ ca dharmeṇa sudīrgheṇāyuṣānvitam | catvāro'pi tato varṇā babhūvurbrāhmaṇottarāḥ

was born and grew in righteousness, blessed with very long life. Then all four classes came to have the brahmins at their head.

Note on the text: Corrected सुदीर्गेण → सुदीर्घेण (misprint in Wikisource; ग for घ, as in the critical edition). Lines correspond to 1.58.8cd–ef of the critical edition (variant वृद्धं for ṛdhyata). Wikisource divides critical-edition 1.58.7–10 (four verses of three lines each) into six verses of two lines.

Verse 10 (1.65.10)

अभ्यगच्छन्नृतौ नारीं न कामान्नानृतौ तथा । तथैवान्यानि भूतानि तिर्यग्योनिगतान्यपि ॥

abhyagacchannṛtau nārīṃ na kāmānnānṛtau tathā | tathaivānyāni bhūtāni tiryagyonigatānyapi

Men went to their wives in the season, not out of desire, and not out of season. In the same way other creatures too, even those born from animal wombs,

Note on the text: Lines correspond to 1.58.9ab–cd of the critical edition. Wikisource divides critical-edition 1.58.7–10 (four verses of three lines each) into six verses of two lines.

Verse 11 (1.65.11)

ऋतौ दारांश्च गच्छन्ति तत्तथा भरतर्षभ । ततोऽवर्धन्त धर्मेण सहस्रशतजीविनः ॥

ṛtau dārāṃśca gacchanti tattathā bharatarṣabha | tato'vardhanta dharmeṇa sahasraśatajīvinaḥ

went to their mates in season, O best of the Bharatas. So, through righteousness, people flourished and lived for a hundred thousand years.

Note on the text: Lines correspond to 1.58.9ef and 1.58.10a of the critical edition. Wikisource divides critical-edition 1.58.7–10 (four verses of three lines each) into six verses of two lines.

Verse 12 (1.65.12)

ताः प्रजाः पृथिवीपाल धर्मव्रतपरायणाः । आधिभिर्व्याधिभिश्चैव विमुक्ताः सर्वशो नराः ॥

tāḥ prajāḥ pṛthivīpāla dharmavrataparāyaṇāḥ | ādhibhirvyādhibhiścaiva vimuktāḥ sarvaśo narāḥ

Those subjects, O protector of the earth, were devoted to dharma and to their vows, and all men were wholly free from cares and diseases.

Note on the text: Lines correspond to 1.58.10cd–ef of the critical edition. Wikisource divides critical-edition 1.58.7–10 (four verses of three lines each) into six verses of two lines.

Verse 13 (1.65.13)

अथेमां सागरोपान्तां गां गजेन्द्रगताखिलाम् । अध्यतिष्ठत्पुनः क्षत्रं सशैलवनपत्तनाम् ॥

athemāṃ sāgaropāntāṃ gāṃ gajendragatākhilām | adhyatiṣṭhatpunaḥ kṣatraṃ saśailavanapattanām

Then the Kshatriya order again took possession of this whole earth, bordered by the ocean and roamed throughout by great elephants, with its mountains, forests and towns.

Verse 14 (1.65.14)

प्रशासति पुनः क्षत्रे धर्मेणेमां वसुन्धराम् । ब्राह्मणाद्यास्ततो वर्णा लेभिरे मुदमुत्तमाम् ॥

praśāsati punaḥ kṣatre dharmeṇemāṃ vasundharām | brāhmaṇādyāstato varṇā lebhire mudamuttamām

While the Kshatriyas again ruled this earth righteously, the classes headed by the brahmins knew the highest joy.

Verse 15 (1.65.15)

कामक्रोधोद्भवान्दोषान्निरस्य च नराधिपाः । धर्मेण दण्डं दण्ड्येषु प्रणयन्तोऽन्वपालयन् ॥

kāmakrodhodbhavāndoṣānnirasya ca narādhipāḥ | dharmeṇa daṇḍaṃ daṇḍyeṣu praṇayanto'nvapālayan

The kings cast off the faults that spring from desire and anger, and protected the people, imposing punishment righteously on those who deserved it.

Note on the text: Corrected दण्डेषु → दण्ड्येषु (misprint in Wikisource; dropped य-phala, the sense needs "on those deserving punishment", as in the critical edition).

Verse 16 (1.65.16)

तथा धर्मपरे क्षत्रे सहस्राक्षः शतक्रतुः । स्वादु देशे च काले च ववर्षाप्याययन्प्रजाः ॥

tathā dharmapare kṣatre sahasrākṣaḥ śatakratuḥ | svādu deśe ca kāle ca vavarṣāpyāyayanprajāḥ

With the Kshatriyas thus devoted to dharma, thousand-eyed Indra, performer of a hundred sacrifices, sent sweet rain at the right place and time, nourishing all creatures.

Verse 17 (1.65.17)

न बाल एव म्रियते तदा कश्चिज्जनाधिप । न च स्त्रियं प्रजानाति कश्चिदप्राप्तयौवनाम् ॥

na bāla eva mriyate tadā kaścijjanādhipa | na ca striyaṃ prajānāti kaścidaprāptayauvanām

No one died while still a child in those days, O lord of men, and no man knew a woman who had not yet come of age.

Verse 18 (1.65.18)

एवमायुष्मतीभिस्तु प्रजाभिर्भरतर्षभ । इयं सागरपर्यन्ता समापूर्यत मेदिनी ॥

evamāyuṣmatībhistu prajābhirbharatarṣabha | iyaṃ sāgaraparyantā samāpūryata medinī

Thus, O best of the Bharatas, this earth bounded by the ocean was filled with long-lived people.

Note on the text: Corrected ससापूर्यत → समापूर्यत (misprint in Wikisource; स for म, as in the critical edition).

Verse 19 (1.65.19)

ईजिरे च महायज्ञैः क्षत्रिया बहुदक्षिणैः । साङ्गोपनिषदान्वेदान्विप्राश्चाधीयते तदा ॥

ījire ca mahāyajñaiḥ kṣatriyā bahudakṣiṇaiḥ | sāṅgopaniṣadānvedānviprāścādhīyate tadā

The Kshatriyas performed great sacrifices with rich gifts to the priests, and the brahmins then studied the Vedas together with their auxiliary limbs and the Upanishads.

Verse 20 (1.65.20)

न च विक्रीणते ब्रह्म ब्राह्मणाश्च तदा नृप । न च शूद्रसमभ्याशे वेदानुच्चारयन्त्युत ॥

na ca vikrīṇate brahma brāhmaṇāśca tadā nṛpa | na ca śūdrasamabhyāśe vedānuccārayantyuta

In those days, O king, the brahmins did not sell the Veda, nor did they recite the Vedas in the hearing of Shudras.

Note on the text: Corrected ब्र्हम → ब्रह्म (misprint in Wikisource; broken conjunct, as in the critical edition).

Verse 21 (1.65.21)

कारयन्तः कृषिं गोभिस्तथा वैश्याः क्षिताविह । युञ्जते धुरि नो गाश्च कृशाङ्गांश्चाप्यजीवयन् ॥

kārayantaḥ kṛṣiṃ gobhistathā vaiśyāḥ kṣitāviha | yuñjate dhuri no gāśca kṛśāṅgāṃścāpyajīvayan

The Vaishyas here on earth had the land ploughed with oxen, but they did not yoke cows to the yoke, and they kept even the lean cattle alive.

Verse 22 (1.65.22)

फेनपांश्च तथा वत्सान्न दुहन्ति स्म मानवाः । न कूटमानैर्वणिजः पण्यं विक्रीणते तदा ॥

phenapāṃśca tathā vatsānna duhanti sma mānavāḥ | na kūṭamānairvaṇijaḥ paṇyaṃ vikrīṇate tadā

People did not milk cows whose calves were still suckling, and merchants did not sell their wares with false measures.

Verse 23 (1.65.23)

कर्माणि च नरव्याघ्र धर्मोपेतानि मानवाः । धर्ममेवानुपश्यन्तश्चक्रुर्धर्मपरायणाः ॥

karmāṇi ca naravyāghra dharmopetāni mānavāḥ | dharmamevānupaśyantaścakrurdharmaparāyaṇāḥ

And people, O tiger among men, devoted to dharma and keeping dharma alone in view, performed only such acts as accorded with dharma.

Verse 24 (1.65.24)

स्वकर्मनिरताश्चासन्सर्वे वर्णा नराधिप । एवं तदा नरव्याघ्र धर्मो न ह्रसते क्वचित् ॥

svakarmaniratāścāsansarve varṇā narādhipa | evaṃ tadā naravyāghra dharmo na hrasate kvacit

All the classes were intent on their own duties, O lord of men; and so, O tiger among men, dharma did not decline anywhere in those days.

Verse 25 (1.65.25)

काले गावः प्रसूयन्ते नार्यश्च भरतर्षभ । भवन्त्यृतुषु वृक्षाणां पुष्पाणि च फलानि च ॥

kāle gāvaḥ prasūyante nāryaśca bharatarṣabha | bhavantyṛtuṣu vṛkṣāṇāṃ puṣpāṇi ca phalāni ca

Cows and women gave birth at the proper time, O best of the Bharatas, and trees bore their flowers and fruit in season.

Verse 26 (1.65.26)

एवं कृतयुगे सम्यग्वर्तमाने तदा नृप । आपूर्यत मही कृत्स्ना प्राणिभिर्बहुभिर्भृशम् ॥

evaṃ kṛtayuge samyagvartamāne tadā nṛpa | āpūryata mahī kṛtsnā prāṇibhirbahubhirbhṛśam

Thus, O king, while the Krita age ran its proper course, the whole earth was abundantly filled with many living beings.

Verse 27 (1.65.27)

एवं समुदिते लोके मानुषे भरतर्षभ । असुरा जज्ञिरे क्षेत्रे राज्ञां तु मनुजेश्वर ॥

evaṃ samudite loke mānuṣe bharatarṣabha | asurā jajñire kṣetre rājñāṃ tu manujeśvara

When the human world had thus prospered, O best of the Bharatas, the asuras were born in the households of kings, O lord of men.

Verse 28 (1.65.28)

आदित्यैर्हि तदा दैत्या बहुशो निर्जिता युधि । ऐश्वर्याद्भ्रंशिताः स्वर्गात्संबभूवुः क्षिताविह ॥

ādityairhi tadā daityā bahuśo nirjitā yudhi | aiśvaryādbhraṃśitāḥ svargātsaṃbabhūvuḥ kṣitāviha

For the Daityas, defeated many times in battle by the Adityas and cast down from their sovereignty in heaven, took birth here on earth.

Note on the text: Corrected ऐश्वर्याद्धंशिताः → ऐश्वर्याद्भ्रंशिताः (misprint in Wikisource; broken conjunct, the participle is भ्रंशिताः as in the critical edition).

Verse 29 (1.65.29)

इह देवत्वमिच्छन्तो मानुषेषु तपस्विनः । जज्ञिरे भुवि भूतेषु तेषु तेष्वसुरा विभो ॥

iha devatvamicchanto mānuṣeṣu tapasvinaḥ | jajñire bhuvi bhūteṣu teṣu teṣvasurā vibho

Wishing to be as gods here among men, those austere asuras were born on earth, O lord, among creatures of every kind:

Verse 30 (1.65.30)

गोष्वश्वेषु च राजेन्द्र खरोष्ट्रमहिषेषु च । क्रव्यात्सु चैव भूतेषु गजेषु च मृगेषु च ॥

goṣvaśveṣu ca rājendra kharoṣṭramahiṣeṣu ca | kravyātsu caiva bhūteṣu gajeṣu ca mṛgeṣu ca

among cows and horses, O king of kings, among donkeys, camels and buffaloes, among flesh-eating beasts, and among elephants and deer.

Verse 31 (1.65.31)

जातैरिह महीपाल जायमानैश्च तैर्मही । न शशाकात्मनात्मानमियं धारयितुं धरा ॥

jātairiha mahīpāla jāyamānaiśca tairmahī | na śaśākātmanātmānamiyaṃ dhārayituṃ dharā

With those already born here and those still being born, O protector of the earth, this earth could no longer bear her own weight.

Verse 32 (1.65.32)

अथ जाता महीपालाः केचिद्बहुमदान्विताः । दितेः पुत्रा दनोश्चैव तदा लोकादिह च्युताः ॥

atha jātā mahīpālāḥ kecidbahumadānvitāḥ | diteḥ putrā danoścaiva tadā lokādiha cyutāḥ

Then some of the sons of Diti and Danu, fallen from that world to this one, were born as kings, filled with great arrogance.

Verse 33 (1.65.33)

वीर्यवन्तोऽवलिप्तास्ते नानारूपधरा महीम् । इमां सागरपर्यन्तां परीयुररिमर्दनाः ॥

vīryavanto'valiptāste nānārūpadharā mahīm | imāṃ sāgaraparyantāṃ parīyurarimardanāḥ

Mighty and insolent, taking many forms, those crushers of foes overran this earth to its ocean shores.

Verse 34 (1.65.34)

ब्राह्मणान्क्षत्रियान्वैश्याञ्शूद्रांश्चैवाप्यपीडयन् । अन्यानि चैव सत्त्वानि पीडयामासुरोजसा ॥

brāhmaṇānkṣatriyānvaiśyāñśūdrāṃścaivāpyapīḍayan | anyāni caiva sattvāni pīḍayāmāsurojasā

They oppressed brahmins, Kshatriyas, Vaishyas and Shudras alike, and with their might they tormented other creatures too.

Note on the text: Corrected सत्वानि → सत्त्वानि (misprint in Wikisource; dropped त् in sattva).

Verse 35 (1.65.35)

त्रासयन्तोऽभिनिघ्नन्तः सर्वभूतगणांश्च ते । विचेरुः सर्वशो राजन्महीं शतसहस्रशः ॥

trāsayanto'bhinighnantaḥ sarvabhūtagaṇāṃśca te | viceruḥ sarvaśo rājanmahīṃ śatasahasraśaḥ

Terrifying and slaying all the hosts of creatures, they roamed the earth on every side, O king, in their hundreds of thousands,

Verse 36 (1.65.36)

आश्रमस्थान्महर्षींश्च धर्षयन्तस्ततस्ततः । अब्रह्मण्या वीर्यमदा मत्ता मदबलेन च ॥

āśramasthānmaharṣīṃśca dharṣayantastatastataḥ | abrahmaṇyā vīryamadā mattā madabalena ca

assailing the great sages in their hermitages here and there: hostile to brahmins, drunk on their own valour, maddened by the strength of their pride.

Verse 37 (1.65.37)

एवं वीर्यबलोत्सिक्तैर्भूरियं तैर्महासुरैः । पीड्यमाना मही राजन्ब्रह्माणमुपचक्रमे ॥

evaṃ vīryabalotsiktairbhūriyaṃ tairmahāsuraiḥ | pīḍyamānā mahī rājanbrahmāṇamupacakrame

Oppressed thus by those great asuras swollen with might and strength, the earth, O king, turned to Brahma.

Verse 38 (1.65.38)

न ह्यमी भूतसत्त्वौघाः पन्नगाः सनगां महीम् । तदा धारयितुं शेकुराक्रान्तां दानवैर्बलात् ॥

na hyamī bhūtasattvaughāḥ pannagāḥ sanagāṃ mahīm | tadā dhārayituṃ śekurākrāntāṃ dānavairbalāt

For neither the multitudes of beings and creatures nor the serpents could then hold up the earth with her mountains, overrun by force as she was by the Danavas.

Note on the text: Corrected भूतसत्वौघाः → भूतसत्त्वौघाः (misprint in Wikisource; dropped त् in sattva).

Verse 39 (1.65.39)

ततो मही महीपाल भारार्ता भयपीडिता । जगाम शरणं देवं सर्वभूतपितामहम् ॥

tato mahī mahīpāla bhārārtā bhayapīḍitā | jagāma śaraṇaṃ devaṃ sarvabhūtapitāmaham

Then the earth, O protector of the earth, weighed down by her burden and tormented by fear, went for refuge to the god who is grandsire of all beings.

Verse 40 (1.65.40)

सा संवृतं महाभागैर्देवद्विजमहर्षिभिः । ददर्श देवं ब्रह्माणं लोककर्तारमव्ययम् ॥

sā saṃvṛtaṃ mahābhāgairdevadvijamaharṣibhiḥ | dadarśa devaṃ brahmāṇaṃ lokakartāramavyayam

She saw the god Brahma, the imperishable maker of the worlds, surrounded by illustrious gods, brahmins and great sages,

Verse 41 (1.65.41)

गन्धर्वैरप्सरोभिश्च बन्दिकर्मसु निष्ठितैः । वन्द्यमानं मुदोपेतैर्ववन्दे चैनमेत्य सा ॥

gandharvairapsarobhiśca bandikarmasu niṣṭhitaiḥ | vandyamānaṃ mudopetairvavande cainametya sā

and being praised by joyful Gandharvas and Apsaras devoted to singing his praises; and she approached him and bowed down.

Note on the text: Corrected मुदोपतैर् → मुदोपेतैर् (misprint in Wikisource; dropped vowel sign, as in the critical edition).

Verse 42 (1.65.42)

अथ विज्ञापयामास भूमिस्तं शरणार्थिनी । सन्निधौ लोकपालानां सर्वेषामेव भारत ॥

atha vijñāpayāmāsa bhūmistaṃ śaraṇārthinī | sannidhau lokapālānāṃ sarveṣāmeva bhārata

Then, in the presence of all the guardians of the worlds, O Bharata, the Earth, seeking refuge, made her plea to him.

Verse 43 (1.65.43)

तत्प्रधानात्मनस्तस्य भूमेः कृत्यं स्वयंभुवः । पूर्वमेवाभवद्राजन्विदितं परमेष्ठिनः ॥

tatpradhānātmanastasya bhūmeḥ kṛtyaṃ svayaṃbhuvaḥ | pūrvamevābhavadrājanviditaṃ parameṣṭhinaḥ

But what the Earth needed, O king, was already known beforehand to the Self-born, the Supreme One, whose very self is the first cause of all.

Verse 44 (1.65.44)

स्रष्टा हि जगतः कस्मान्न संबुध्येत भारत । ससुरासुरलोकानामशेषेण मनोगतम् ॥

sraṣṭā hi jagataḥ kasmānna saṃbudhyeta bhārata | sasurāsuralokānāmaśeṣeṇa manogatam

For how could the creator of the world fail to know, O Bharata, every thought in the minds of the worlds of gods and asuras?

Verse 45 (1.65.45)

तामुवाच महाराज भूमिं भूमिपतिः प्रभुः । प्रभवः सर्वभूतानामीशः शंभुः प्रजापतिः ॥

tāmuvāca mahārāja bhūmiṃ bhūmipatiḥ prabhuḥ | prabhavaḥ sarvabhūtānāmīśaḥ śaṃbhuḥ prajāpatiḥ

Then, O great king, the lord of the earth, the mighty source of all beings, the ruler, Shambhu, the Prajapati, spoke to the Earth.

Verse 46 (1.65.46)

यदर्थमभिसंप्राप्ता मत्सकाशं वसुन्धरे । तदर्थं सन्नियोक्ष्यामि सर्वानेव दिवौकसः ॥

yadarthamabhisaṃprāptā matsakāśaṃ vasundhare | tadarthaṃ sanniyokṣyāmi sarvāneva divaukasaḥ

"O Vasundhara, for the purpose for which you have come to me, for that very purpose I shall set to work all the dwellers of heaven."

Verse 47 (1.65.47)

उत्तिष्ठ गच्छ वसुधे स्वस्थानमिति साऽगमत् । इत्युक्त्वा स महीं देवो ब्रह्मा राजन्विसृज्य च । आदिदेश तदा सर्वान्विबुधान्भूतकृत्स्वयम् ॥

uttiṣṭha gaccha vasudhe svasthānamiti sā'gamat | ityuktvā sa mahīṃ devo brahmā rājanvisṛjya ca | ādideśa tadā sarvānvibudhānbhūtakṛtsvayam

"Rise, Earth, and go to your own place," he said, and she went. Having spoken thus and sent the Earth away, O king, the god Brahma, maker of beings, himself then gave his command to all the gods.

Note on the text: Removed stray wiki marks (backtick, quote mark and a doubled danda) around the first line. The first line (उत्तिष्ठ गच्छ वसुधे…) is not in the critical edition (found in the vulgate recension); the other two lines are 1.58.45. Speaker corrected from ब्रह्मा to वैशम्पायन: the verse is narration.

Verse 48 (1.65.48)

अस्या भूमेर्निरसितुं भारं भागैः पृथक्पृथक् । अस्यामेव प्रसूयध्वं तिरोधायेति चाब्रवीत् ॥

asyā bhūmernirasituṃ bhāraṃ bhāgaiḥ pṛthakpṛthak | asyāmeva prasūyadhvaṃ tirodhāyeti cābravīt

"To lift the burden from this earth, take birth in her, each of you separately through your own portions, keeping your divinity hidden," he said.

Verse 49 (1.65.49)

तथैव च समानीय गन्धर्वाप्सरसां गणान् । उवाच भगवान्सर्वानिदं वचनमर्थवत् ॥

tathaiva ca samānīya gandharvāpsarasāṃ gaṇān | uvāca bhagavānsarvānidaṃ vacanamarthavat

And in the same way, gathering the hosts of Gandharvas and Apsaras, the blessed lord spoke these meaningful words to them all:

Note on the text: Lines correspond to 1.58.47ab–cd of the critical edition (Wikisource divides the verses differently).

Verse 50 (1.65.50)

स्वैः स्वैरंशैः प्रसूयध्वं यथेष्टं मानुषेषु च । अथ शक्रादयः सर्वे श्रुत्वा सुरगुरोर्वचः । तथ्यमर्थ्यं च पथ्यं च तस्य ते जगृहुस्तदा ॥

svaiḥ svairaṃśaiḥ prasūyadhvaṃ yatheṣṭaṃ mānuṣeṣu ca | atha śakrādayaḥ sarve śrutvā suragurorvacaḥ | tathyamarthyaṃ ca pathyaṃ ca tasya te jagṛhustadā

"Take birth among humans as you please, each through your own portions." Then Indra and all the other gods, hearing the words of the preceptor of the gods, accepted them as true, purposeful and beneficial.

Note on the text: Corrected मानेषेषु → मानुषेषु (misprint in Wikisource; vowel signs garbled, the critical edition reads mānuṣeṣv). Lines correspond to 1.58.47ef and 1.58.48 of the critical edition (Wikisource divides the verses differently). Speaker corrected from ब्रह्मा to वैशम्पायन: the narrator reports Brahma's words and the gods' response.

Verse 51 (1.65.51)

अथ ते सर्वशोंऽशैः स्वैर्गन्तुं भूमिं कृतक्षणाः । नारायणममित्रघ्नं वैकुण्ठमुपचक्रमुः ॥

atha te sarvaśoṃ'śaiḥ svairgantuṃ bhūmiṃ kṛtakṣaṇāḥ | nārāyaṇamamitraghnaṃ vaikuṇṭhamupacakramuḥ

Then all of them, resolved to go to earth through their own portions, approached Narayana, Vaikuntha, the slayer of foes:

Note on the text: Corrected सर्वशोंशैः → सर्वशोंऽशैः (misprint in Wikisource; missing avagraha for the elided a of अंशैः, as in the critical edition).

Verse 52 (1.65.52)

यः स चक्रगदापाणिः पीतवासाः शितिप्रभः । पद्मनाभः सुरारिघ्नः पृथुचार्वञ्चितेक्षणः ॥

yaḥ sa cakragadāpāṇiḥ pītavāsāḥ śitiprabhaḥ | padmanābhaḥ surārighnaḥ pṛthucārvañcitekṣaṇaḥ

he who bears the discus and the mace, clad in yellow, dark in lustre, lotus-naveled, slayer of the gods' enemies, with large, lovely, arched eyes;

Verse 53 (1.65.53)

प्रजापतिपतिर्देवः सुरनाथो महाबलः । श्रीवत्साङ्को हृषीकेशः सर्वदैवतपूजितः ॥

prajāpatipatirdevaḥ suranātho mahābalaḥ | śrīvatsāṅko hṛṣīkeśaḥ sarvadaivatapūjitaḥ

the god who is lord of the Prajapatis, master of the gods, of great strength, bearing the Shrivatsa mark, Hrishikesha, worshipped by all the deities.

Note on the text: Not in the critical edition (found in the vulgate recension).

Verse 54 (1.65.54)

तं भुवः शोधनायेन्द्र उवाच पुरुषोत्तमम् । अंशेनावतरेत्येवं तथेत्याह च तं हरिः ॥

taṃ bhuvaḥ śodhanāyendra uvāca puruṣottamam | aṃśenāvataretyevaṃ tathetyāha ca taṃ hariḥ

To him, the Supreme Person, Indra spoke, for the cleansing of the earth: "Descend with a portion of yourself." And Hari answered him, "So be it."