The Origin of Gods, Asuras and Beings

Verse 1 (1.66.1)

अथ नारायणेनेन्द्रश्चकार सह संविदम् । अवतर्तुं महीं स्वर्गादंशतः सहितः सुरैः ॥

atha nārāyaṇenendraścakāra saha saṃvidam | avatartuṃ mahīṃ svargādaṃśataḥ sahitaḥ suraiḥ

Then Indra made a compact with Narayana to descend from heaven to earth by portions, together with the gods.

Note on the text: Corrected महितः → सहितः (misprint in Wikisource; the unchanged visarga of अंशतः shows the next word began with स, and the critical edition reads sahitaḥ).

Verse 2 (1.66.2)

आदिश्य च स्वयं शक्रः सर्वानेव दिवौकसः । निर्जगाम पुनस्तस्मात्क्षयान्नारायणस्य ह ॥

ādiśya ca svayaṃ śakraḥ sarvāneva divaukasaḥ | nirjagāma punastasmātkṣayānnārāyaṇasya ha

Having himself instructed all the dwellers of heaven, Shakra then departed from Narayana's abode.

Verse 3 (1.66.3)

तेऽमरारिविनाशाय सर्वलोकहिताय च । अवतेरुः क्रमेणैव महीं स्वर्गाद्दिवौकसः ॥

te'marārivināśāya sarvalokahitāya ca | avateruḥ krameṇaiva mahīṃ svargāddivaukasaḥ

For the destruction of the enemies of the immortals and for the good of all the worlds, the gods came down from heaven to earth, one after another.

Verse 4 (1.66.4)

ततो ब्रह्मर्षिवंशेषु पार्थिवर्षिकुलेषु च । जज्ञिरे राजशार्दूल यथाकामं दिवौकसः ॥

tato brahmarṣivaṃśeṣu pārthivarṣikuleṣu ca | jajñire rājaśārdūla yathākāmaṃ divaukasaḥ

Then, O tiger among kings, the gods were born as they wished in the lines of brahmin sages and in the families of royal sages.

Verse 5 (1.66.5)

दानवान्राक्षसांश्चैव गन्धर्वान्पन्नगांस्तथा । पुरुषादानि चान्यानि जघ्नुः सत्त्वान्यनेकशः ॥

dānavānrākṣasāṃścaiva gandharvānpannagāṃstathā | puruṣādāni cānyāni jaghnuḥ sattvānyanekaśaḥ

They slew Danavas and Rakshasas, Gandharvas and serpents, and other man-eating creatures in great numbers.

Note on the text: Corrected सत्वान्य् → सत्त्वान्य् (misprint in Wikisource; dropped त् in sattva, as in the critical edition).

Verse 6 (1.66.6)

दानवा राक्षसाश्चैव गन्धर्वाः पन्नगास्तथा । न तान्बलस्थान्बाल्येऽपि जघ्नुर्भरतसत्तम ॥

dānavā rākṣasāścaiva gandharvāḥ pannagāstathā | na tānbalasthānbālye'pi jaghnurbharatasattama

And the Danavas and Rakshasas, the Gandharvas and serpents could not kill them, O best of the Bharatas, so strong were they even in childhood.

Verse 7 (1.66.7)

देवदानवसङ्घानां गन्धर्वाप्सरसां तथा । मानवानां च सर्वेषां तथा वै यक्षरक्षसाम् ॥

devadānavasaṅghānāṃ gandharvāpsarasāṃ tathā | mānavānāṃ ca sarveṣāṃ tathā vai yakṣarakṣasām

Of the hosts of gods and Danavas, of the Gandharvas and Apsaras, of all human beings, and of the Yakshas and Rakshasas,

Verse 8 (1.66.8)

श्रोतुमिच्छामि तत्त्वेन संभवं कृत्स्नमादितः । प्राणिनां चैव सर्वेषां संभवं वक्तुमर्हसि ॥

śrotumicchāmi tattvena saṃbhavaṃ kṛtsnamāditaḥ | prāṇināṃ caiva sarveṣāṃ saṃbhavaṃ vaktumarhasi

I wish to hear truly the whole origin from the beginning. Please tell me how all living beings came to be.

Verse 9 (1.66.9)

हन्त ते कथयिष्यामि नमस्कृत्य स्वयंभुवे । सुरादीनामहं सम्यग्लोकानां प्रभवाप्ययम् ॥

hanta te kathayiṣyāmi namaskṛtya svayaṃbhuve | surādīnāmahaṃ samyaglokānāṃ prabhavāpyayam

Very well: after bowing to the Self-born, I shall tell you fully the origin and the end of the gods and the other worlds.

Verse 10 (1.66.10)

ब्रह्मणो मानसाः पुत्रा विदिताः षण्महर्षयः । मरीचिरत्र्यङ्गिरसौ पुलस्त्यः पुलहः क्रतुः ॥

brahmaṇo mānasāḥ putrā viditāḥ ṣaṇmaharṣayaḥ | marīciratryaṅgirasau pulastyaḥ pulahaḥ kratuḥ

Brahma's mind-born sons are known to be six great sages: Marichi, Atri, Angiras, Pulastya, Pulaha and Kratu.

Note on the text: Corrected मरीचिरत्र्यह्गिरसौ → मरीचिरत्र्यङ्गिरसौ (misprint in Wikisource; ह्ग for ङ्ग, as in the critical edition).

Verse 11 (1.66.11)

मरीचेः कश्यपः पुत्रः कश्यपात्तु इमाः प्रजाः । प्रजज्ञिरे महाभागा दक्षकन्यास्त्रयोदश ॥

marīceḥ kaśyapaḥ putraḥ kaśyapāttu imāḥ prajāḥ | prajajñire mahābhāgā dakṣakanyāstrayodaśa

Marichi's son was Kashyapa, and from Kashyapa these creatures were born. The illustrious daughters of Daksha were thirteen:

Verse 12 (1.66.12)

अदितिर्दितिर्दनुः काला दनायुः सिंहिका तथा । क्रोधा प्राधा च विश्वा च विनता कपिला मुनिः ॥

aditirditirdanuḥ kālā danāyuḥ siṃhikā tathā | krodhā prādhā ca viśvā ca vinatā kapilā muniḥ

Aditi, Diti, Danu, Kala, Danayu and Simhika; Krodha, Pradha, Vishva, Vinata, Kapila and Muni;

Verse 13 (1.66.13)

कद्रूश्च मनुजव्याघ्र दक्षकन्यैव भारत । एतासां वीर्यसंपन्नं पुत्रपौत्रमनन्तकम् ॥

kadrūśca manujavyāghra dakṣakanyaiva bhārata | etāsāṃ vīryasaṃpannaṃ putrapautramanantakam

and Kadru too, O tiger among men, was a daughter of Daksha, O Bharata. The sons and grandsons of these, full of valour, are without end.

Verse 14 (1.66.14)

अदित्यां द्वादशादित्याः संभूता भुवनेश्वराः । ये राजन्नामतस्तांस्ते कीर्तयिष्यामि भारत ॥

adityāṃ dvādaśādityāḥ saṃbhūtā bhuvaneśvarāḥ | ye rājannāmatastāṃste kīrtayiṣyāmi bhārata

From Aditi were born the twelve Adityas, lords of the world. I shall name them for you, O king, O Bharata:

Verse 15 (1.66.15)

धाता मित्रोऽर्यमा शक्रो वरुणस्त्वंश एव च । भगो विवस्वान्पूषा च सविता दशमस्तथा ॥

dhātā mitro'ryamā śakro varuṇastvaṃśa eva ca | bhago vivasvānpūṣā ca savitā daśamastathā

Dhata, Mitra, Aryama, Shakra, Varuna and Amsha, Bhaga, Vivasvan, Pusha, and Savita the tenth;

Verse 16 (1.66.16)

एकादशस्तथा त्वष्टा द्वादशो विष्णुरुच्यते । जघन्यजस्तु सर्वेषामादित्यानां गुणाधिकः ॥

ekādaśastathā tvaṣṭā dvādaśo viṣṇurucyate | jaghanyajastu sarveṣāmādityānāṃ guṇādhikaḥ

the eleventh is Tvashta, and the twelfth is called Vishnu, who, though the youngest born, surpasses all the Adityas in virtue.

Verse 17 (1.66.17)

एक एव दितेः पुत्रो हिरण्यकशिपुः स्मृतः । नाम्ना ख्यातास्तु तस्येमे पञ्च पुत्रा महात्मनः ॥

eka eva diteḥ putro hiraṇyakaśipuḥ smṛtaḥ | nāmnā khyātāstu tasyeme pañca putrā mahātmanaḥ

Diti is remembered to have had only one son, Hiranyakashipu, and that great-souled one had five sons, famous by name.

Verse 18 (1.66.18)

प्रह्लादः पूर्वजस्तेषां संह्लादस्तदनन्तरम् । अनुह्लादस्तृतीयोऽभूत्तस्माच्च शिबिबाष्कलौ ॥

prahlādaḥ pūrvajasteṣāṃ saṃhlādastadanantaram | anuhlādastṛtīyo'bhūttasmācca śibibāṣkalau

Prahlada was the eldest of them, Samhlada came next, Anuhlada was the third, and after him came Shibi and Bashkala.

Verse 19 (1.66.19)

प्रह्लादस्य त्रयः पुत्राः ख्याताः सर्वत्र भारत । विरोचनश्च कुम्भश्च निकुम्भश्चेति भारत ॥

prahlādasya trayaḥ putrāḥ khyātāḥ sarvatra bhārata | virocanaśca kumbhaśca nikumbhaśceti bhārata

Prahlada had three sons, O Bharata, famous everywhere: Virochana, Kumbha and Nikumbha.

Verse 20 (1.66.20)

विरोचनस्य पुत्रोऽभूद्बलिरेकः प्रतापवान् । बलेश्च प्रथितः पुत्रो बाणो नाम महासुरः ॥

virocanasya putro'bhūdbalirekaḥ pratāpavān | baleśca prathitaḥ putro bāṇo nāma mahāsuraḥ

Virochana had one son, the valiant Bali; and Bali's famous son was the great asura named Bana,

Verse 21 (1.66.21)

रुद्रस्यानुचरः श्रीमान्महाकालेति यं विदुः । चत्वारिंशद्दनोः पुत्राः ख्याताः सर्वत्र भारत ॥

rudrasyānucaraḥ śrīmānmahākāleti yaṃ viduḥ | catvāriṃśaddanoḥ putrāḥ khyātāḥ sarvatra bhārata

the glorious follower of Rudra, whom people know as Mahakala. Danu had forty sons, O Bharata, famous everywhere.

Note on the text: The first line (रुद्रस्यानुचरः श्रीमान्…) is not in the critical edition (found in the vulgate recension); the second is 1.59.21ab. (Wikisource divides the verses differently; the critical edition prints 1.59.21–26 as verses of two and three lines.)

Verse 22 (1.66.22)

तेषां प्रथमजो राजा विप्रचित्तिर्महायशाः । शम्बरो नमुचिश्चैव पुलोमा चेति विश्रुतः ॥

teṣāṃ prathamajo rājā vipracittirmahāyaśāḥ | śambaro namuciścaiva pulomā ceti viśrutaḥ

The first-born of them was King Viprachitti, of great fame; then Shambara, Namuchi and the renowned Puloma;

Note on the text: Lines correspond to 1.59.21cd and 1.59.22ab of the critical edition. (Wikisource divides the verses differently; the critical edition prints 1.59.21–26 as verses of two and three lines.)

Verse 23 (1.66.23)

असिलोमा च केशी च दुर्जयश्चैव दानवः । अयःशिरा अश्वशिरा अश्वशङ्कुश्च वीर्यवान् ॥

asilomā ca keśī ca durjayaścaiva dānavaḥ | ayaḥśirā aśvaśirā aśvaśaṅkuśca vīryavān

Asiloma, Keshi, and the Danava Durjaya; Ayahshira, Ashvashira, and the mighty Ashvashanku;

Note on the text: Corrected अश्वशह्कुश्च → अश्वशङ्कुश्च (misprint in Wikisource; ह्क for ङ्क, the critical edition has -śaṅkuś; the name अश्व- is Wikisource's reading and is kept). Lines correspond to 1.59.22cd and 1.59.23ab of the critical edition. (Wikisource divides the verses differently; the critical edition prints 1.59.21–26 as verses of two and three lines.)

Verse 24 (1.66.24)

तथा गगनमूर्धा च वेगवान्केतुमांश्च सः । स्वर्भानुरश्वोऽश्वपतिर्वृषपर्वाऽजकस्तथा ॥

tathā gaganamūrdhā ca vegavānketumāṃśca saḥ | svarbhānuraśvo'śvapatirvṛṣaparvā'jakastathā

Gaganamurdha, Vegavan, and Ketuman; Svarbhanu, Ashva, Ashvapati, Vrishaparva and Ajaka;

Note on the text: Lines correspond to 1.59.23cd and 1.59.24ab of the critical edition. (Wikisource divides the verses differently; the critical edition prints 1.59.21–26 as verses of two and three lines.)

Verse 25 (1.66.25)

अश्वग्रीवश्च सूक्ष्मश्च तुहुण्डश्च महाबलः । इषुपादेकचक्रश्च विरूपाक्षहराहरौ ॥

aśvagrīvaśca sūkṣmaśca tuhuṇḍaśca mahābalaḥ | iṣupādekacakraśca virūpākṣaharāharau

Ashvagriva, Sukshma, and the mighty Tuhunda; Ishupad, Ekachakra, Virupaksha, Hara and Ahara;

Note on the text: Lines correspond to 1.59.24cd and 1.59.25ab of the critical edition. (Wikisource divides the verses differently; the critical edition prints 1.59.21–26 as verses of two and three lines.)

Verse 26 (1.66.26)

निचन्द्रश्च निकुम्भश्च कुपटः कपटस्तथा । शरभः शलभश्चैव सूर्याचन्द्रमसौ तथा । एते ख्याता दनोर्वंशे दानवाः परिकीर्तिताः ॥

nicandraśca nikumbhaśca kupaṭaḥ kapaṭastathā | śarabhaḥ śalabhaścaiva sūryācandramasau tathā | ete khyātā danorvaṃśe dānavāḥ parikīrtitāḥ

Nichandra, Nikumbha, Kupata and Kapata; Sharabha and Shalabha, and Surya and Chandramas. These are the famous Danavas of Danu's line.

Note on the text: Lines correspond to 1.59.25cd and 1.59.26ab–cd of the critical edition. (Wikisource divides the verses differently; the critical edition prints 1.59.21–26 as verses of two and three lines.)

Verse 27 (1.66.27)

अन्यौ तु खलु देवानां सूर्याचन्द्रमसौ स्मृतौ । अन्यौ दानवमुख्यानां सूर्याचन्द्रमसौ तथा ॥

anyau tu khalu devānāṃ sūryācandramasau smṛtau | anyau dānavamukhyānāṃ sūryācandramasau tathā

The Surya and Chandramas of the gods are said to be different; the Surya and Chandramas of the chief Danavas are others.

Note on the text: The first line is 1.59.26ef of the critical edition; the second (अन्यौ दानवमुख्यानां…) is not in the critical edition (found in the vulgate recension). (Wikisource divides the verses differently; the critical edition prints 1.59.21–26 as verses of two and three lines.)

Verse 28 (1.66.28)

इमे च वंशाः प्रथिताः सत्त्ववन्तो महाबलाः । दनुपुत्रा महाराज दश दानववंशजाः ॥

ime ca vaṃśāḥ prathitāḥ sattvavanto mahābalāḥ | danuputrā mahārāja daśa dānavavaṃśajāḥ

And these lineages too are renowned, valiant and mighty: the ten sons of Danu, O great king, born in the Danava lines:

Note on the text: Corrected सत्ववन्तो → सत्त्ववन्तो (misprint in Wikisource; dropped त् in sattva, as in the critical edition).

Verse 29 (1.66.29)

एकाक्षो मृतपो वीरः प्रलम्बनरकावपि । वातापिः शत्रुतपनः शठश्चैव महासुरः ॥

ekākṣo mṛtapo vīraḥ pralambanarakāvapi | vātāpiḥ śatrutapanaḥ śaṭhaścaiva mahāsuraḥ

Ekaksha, the heroic Mritapa, Pralamba and Naraka, Vatapi, Shatrutapana, and the great asura Shatha,

Verse 30 (1.66.30)

गविष्ठश्च वनायुश्च दीर्घजिह्वश्च दानवः । असङ्ख्येयाः स्मृतास्तेषां पुत्राः पौत्राश्च भारत ॥

gaviṣṭhaśca vanāyuśca dīrghajihvaśca dānavaḥ | asaṅkhyeyāḥ smṛtāsteṣāṃ putrāḥ pautrāśca bhārata

Gavishtha, Vanayu, and the Danava Dirghajihva. Their sons and grandsons, O Bharata, are said to be beyond counting.

Verse 31 (1.66.31)

सिंहिका सुषुवे पुत्रं राहुं चन्द्रार्कमर्दनम् । सुचन्द्रं चन्द्रहर्तारं तथा चन्द्रप्रमर्दनम् ॥

siṃhikā suṣuve putraṃ rāhuṃ candrārkamardanam | sucandraṃ candrahartāraṃ tathā candrapramardanam

Simhika bore Rahu, who torments the moon and the sun, and also Suchandra, Chandraharta and Chandrapramardana.

Verse 32 (1.66.32)

क्रूरस्वभावं क्रूरायाः पुत्रपौत्रमनन्तकम् । गणः क्रोधवशो नाम क्रूरकर्माऽरिमर्दनः ॥

krūrasvabhāvaṃ krūrāyāḥ putrapautramanantakam | gaṇaḥ krodhavaśo nāma krūrakarmā'rimardanaḥ

The sons and grandsons of cruel Krodha, cruel by nature, are countless: the host named Krodhavasha, of cruel deeds, crushers of foes.

Verse 33 (1.66.33)

दनायुषः पुनः पुत्राश्चत्वारोऽसुरपुंगवाः । विक्षरो बलवीरौ च वृत्रश्चैव महासुरः ॥

danāyuṣaḥ punaḥ putrāścatvāro'surapuṃgavāḥ | vikṣaro balavīrau ca vṛtraścaiva mahāsuraḥ

Danayu had four sons, bulls among asuras: Vikshara, Bala, Vira, and the great asura Vritra.

Verse 34 (1.66.34)

कालायाः प्रथिताः पुत्राः कालकल्पाः प्रहारिणः । प्रविख्याता महावीर्या दानवेषु परन्तपाः ॥

kālāyāḥ prathitāḥ putrāḥ kālakalpāḥ prahāriṇaḥ | pravikhyātā mahāvīryā dānaveṣu parantapāḥ

Kala's famous sons were like Death itself, mighty strikers, renowned among the Danavas for their great valour, scorchers of foes:

Verse 35 (1.66.35)

विनाशनश्च क्रोधश्च क्रोधहन्ता तथैव च । क्रोधशत्रुस्तथैवान्ये कालकेया इति श्रुताः ॥

vināśanaśca krodhaśca krodhahantā tathaiva ca | krodhaśatrustathaivānye kālakeyā iti śrutāḥ

Vinashana, Krodha, Krodhahanta and Krodhashatru; these, and others like them, are known as the Kalakeyas.

Verse 36 (1.66.36)

असुराणामुपाध्यायः शुक्रस्त्वृषिसुतोऽभवत् । ख्याताश्चोशनसः पुत्राश्चत्वारोऽसुरयाजकाः ॥

asurāṇāmupādhyāyaḥ śukrastvṛṣisuto'bhavat | khyātāścośanasaḥ putrāścatvāro'surayājakāḥ

Shukra, son of a sage, became the preceptor of the asuras; and Ushanas had four famous sons, who were priests of the asuras:

Note on the text: Corrected शक्रस्त्वषिसुतो → शुक्रस्त्वृषिसुतो (two misprints in Wikisource: शक्र (Indra) for शुक्र, the preceptor of the asuras named Ushanas in the next line, and त्वषि for त्वृषि with the vowel sign ृ dropped; the critical edition reads śukras tv ṛṣisuto).

Verse 37 (1.66.37)

त्वष्टा धरस्तथात्रिश्च द्वावन्यौ रौद्रकर्मिणौ । तेजसा सूर्यसंकाशा ब्रह्मलोकपरायणाः ॥

tvaṣṭā dharastathātriśca dvāvanyau raudrakarmiṇau | tejasā sūryasaṃkāśā brahmalokaparāyaṇāḥ

Tvashtadhara and Atri, and two others of fierce deeds, radiant as the sun and devoted to the world of Brahma.

Verse 38 (1.66.38)

इत्येष वंशप्रभवः कथितस्ते तरस्विनाम् । असुराणां सुराणां च पुराणे संश्रुतो मया ॥

ityeṣa vaṃśaprabhavaḥ kathitaste tarasvinām | asurāṇāṃ surāṇāṃ ca purāṇe saṃśruto mayā

Thus I have told you the origin of the lineages of the mighty asuras and gods, as I heard it in the Purana.

Verse 39 (1.66.39)

एतेषां यदपत्यं तु न शक्यं तदशेषतः । प्रसंख्यातुं महीपाल गुणभूतमनन्तकम् ॥

eteṣāṃ yadapatyaṃ tu na śakyaṃ tadaśeṣataḥ | prasaṃkhyātuṃ mahīpāla guṇabhūtamanantakam

Their offspring, O protector of the earth, cannot be counted in full; it is endless and rich in virtues.

Verse 40 (1.66.40)

तार्क्ष्यश्चारिष्टनेमिश्च तथैव गरुडारुणौ । आरुणिर्वारुणिश्चैव वैनतेयाः प्रकीर्तिताः ॥

tārkṣyaścāriṣṭanemiśca tathaiva garuḍāruṇau | āruṇirvāruṇiścaiva vainateyāḥ prakīrtitāḥ

Tarkshya and Arishtanemi, Garuda and Aruna, Aruni and Varuni are declared to be the sons of Vinata.

Verse 41 (1.66.41)

शेषोऽनन्तो वासुकिश्च तक्षकश्च भुजङ्गमः । कूर्मश्च कुलिकश्चैव काद्रवेयाः प्रकीर्तिताः ॥

śeṣo'nanto vāsukiśca takṣakaśca bhujaṅgamaḥ | kūrmaśca kulikaścaiva kādraveyāḥ prakīrtitāḥ

Shesha, Ananta, Vasuki, the serpent Takshaka, Kurma and Kulika are declared to be the sons of Kadru.

Verse 42 (1.66.42)

भीमसेनोग्रसेनौ च सुपर्णो वरुणस्तथा । गोपतिर्धृतराष्ट्रश्च सूर्यवर्चाश्च सप्तमः ॥

bhīmasenograsenau ca suparṇo varuṇastathā | gopatirdhṛtarāṣṭraśca sūryavarcāśca saptamaḥ

Bhimasena and Ugrasena, Suparna and Varuna, Gopati and Dhritarashtra, and Suryavarchas the seventh;

Verse 43 (1.66.43)

सत्यवागर्कपर्णश्च प्रयुतश्चापि विश्रुतः । भीमश्चित्ररथश्चैव विख्यातः सर्वविद्वशी ॥

satyavāgarkaparṇaśca prayutaścāpi viśrutaḥ | bhīmaścitrarathaścaiva vikhyātaḥ sarvavidvaśī

Satyavak, Arkaparna, and the renowned Prayuta; Bhima, and Chitraratha, famed, all-knowing and self-controlled;

Verse 44 (1.66.44)

तथा शालिशिरा राजन्पर्जन्यश्च चतुर्दशः । कलिः पञ्चदशस्तेषां नारदश्चैव षोडशः । इत्येते देवगन्धर्वा मौनेयाः परिकीर्तिताः ॥

tathā śāliśirā rājanparjanyaśca caturdaśaḥ | kaliḥ pañcadaśasteṣāṃ nāradaścaiva ṣoḍaśaḥ | ityete devagandharvā mauneyāḥ parikīrtitāḥ

Shalishira, O king, and Parjanya the fourteenth; Kali the fifteenth of them, and Narada the sixteenth. These are declared to be the divine Gandharvas born of Muni.

Verse 45 (1.66.45)

अथ प्रभूतान्यन्यानि कीर्तयिष्यामि भारत । अनवद्यां मनुं वंशामसुरां मार्गणप्रियाम् ॥

atha prabhūtānyanyāni kīrtayiṣyāmi bhārata | anavadyāṃ manuṃ vaṃśāmasurāṃ mārgaṇapriyām

Now I shall tell of other beings born, O Bharata. Pradha bore Anavadya, Manu, Vamsha, Asura, Marganapriya,

Note on the text: Lines correspond to 1.59.44ab–cd of the critical edition, which names Pradha's daughters differently in the second line. (Wikisource divides the verses differently; the critical edition prints 1.59.44–49 as verses of two and three lines.)

Verse 46 (1.66.46)

अरूपां सुभगां भासीमिति प्राधा व्यजायत । सिद्धः पूर्णश्च बर्हिश्च पूर्णायुश्च महायशाः ॥

arūpāṃ subhagāṃ bhāsīmiti prādhā vyajāyata | siddhaḥ pūrṇaśca barhiśca pūrṇāyuśca mahāyaśāḥ

Arupa, Subhaga and Bhasi. Siddha, Purna, Barhi, the illustrious Purnayu,

Note on the text: Lines correspond to 1.59.44ef and 1.59.45ab of the critical edition. (Wikisource divides the verses differently; the critical edition prints 1.59.44–49 as verses of two and three lines.)

Verse 47 (1.66.47)

ब्रह्मचारी रतिगुणः सुपर्णश्चैव सप्तमः । विश्वावसुश्च भानुश्च सुचन्द्रो दशमस्तथा ॥

brahmacārī ratiguṇaḥ suparṇaścaiva saptamaḥ | viśvāvasuśca bhānuśca sucandro daśamastathā

Brahmachari, Ratiguna, and Suparna the seventh; Vishvavasu, Bhanu, and Suchandra the tenth:

Note on the text: Lines correspond to 1.59.45cd and 1.59.46ab of the critical edition. (Wikisource divides the verses differently; the critical edition prints 1.59.44–49 as verses of two and three lines.)

Verse 48 (1.66.48)

इत्येते देवगन्धर्वाः प्राधेयाः परिकीर्तिताः । इमं त्वप्सरसां वंशं विदितं पुण्यलक्षणम् ॥

ityete devagandharvāḥ prādheyāḥ parikīrtitāḥ | imaṃ tvapsarasāṃ vaṃśaṃ viditaṃ puṇyalakṣaṇam

these are declared to be the divine Gandharvas born of Pradha. And this lineage of Apsaras, well known and marked by holiness,

Note on the text: Lines correspond to 1.59.46cd and 1.59.47ab of the critical edition. (Wikisource divides the verses differently; the critical edition prints 1.59.44–49 as verses of two and three lines.)

Verse 49 (1.66.49)

अरिष्टाऽसूत सुभगा देवी देवर्षितः पुरा । अलम्बुषा मिश्रकेशी विद्युत्पर्णा तिलोत्तमा ॥

ariṣṭā'sūta subhagā devī devarṣitaḥ purā | alambuṣā miśrakeśī vidyutparṇā tilottamā

the fortunate goddess Arishta bore long ago by a divine sage: Alambusha, Mishrakeshi, Vidyutparna, Tilottama,

Note on the text: Lines correspond to 1.59.47cd and 1.59.48ab of the critical edition; Wikisource names Arishta as the mother where the critical edition has Prava. (Wikisource divides the verses differently; the critical edition prints 1.59.44–49 as verses of two and three lines.)

Verse 50 (1.66.50)

अरुणा रक्षिता चैव रम्भा तद्वन्मनोरमा । केशिनी च सुबाहुश्च सुरता सुरजा तथा ॥

aruṇā rakṣitā caiva rambhā tadvanmanoramā | keśinī ca subāhuśca suratā surajā tathā

Aruna, Rakshita, Rambha, and Manorama too; Keshini, Subahu, Surata and Suraja,

Note on the text: Lines correspond to 1.59.48cd and 1.59.49ab of the critical edition. (Wikisource divides the verses differently; the critical edition prints 1.59.44–49 as verses of two and three lines.)

Verse 51 (1.66.51)

सुप्रिया चातिबाहुश्च विख्यातौ च हाहा हूहूः । तुम्बुरुश्चेति चत्वारः स्मृता गन्धर्वसत्तमाः ॥

supriyā cātibāhuśca vikhyātau ca hāhā hūhūḥ | tumburuśceti catvāraḥ smṛtā gandharvasattamāḥ

and Supriya. Atibahu, the famous pair Haha and Huhu, and Tumburu: these four are remembered as the best of Gandharvas.

Note on the text: Lines correspond to 1.59.49cd–ef of the critical edition. (Wikisource divides the verses differently; the critical edition prints 1.59.44–49 as verses of two and three lines.)

Verse 52 (1.66.52)

अमृतं ब्राह्मणा गावो गन्धर्वाप्सरसस्तथा । अपत्यं कपिलायास्तु पुराणे परिकीर्तितम् ॥

amṛtaṃ brāhmaṇā gāvo gandharvāpsarasastathā | apatyaṃ kapilāyāstu purāṇe parikīrtitam

Amrita, the brahmins, the cows, and the Gandharvas and Apsaras are declared in the Purana to be the offspring of Kapila.

Verse 53 (1.66.53)

इति ते सर्वभूतानां संभवः कथितो मया । यथावत्संपरिख्यातो गन्धर्वाप्सरसां तथा ॥

iti te sarvabhūtānāṃ saṃbhavaḥ kathito mayā | yathāvatsaṃparikhyāto gandharvāpsarasāṃ tathā

Thus I have told you the origin of all beings, and duly recounted that of the Gandharvas and Apsaras,

Verse 54 (1.66.54)

भुजंगानां सुपर्णानां रुद्राणां मरुतां तथा । गवां च ब्राह्मणानां च श्रीमतां पुण्यकर्मणाम् ॥

bhujaṃgānāṃ suparṇānāṃ rudrāṇāṃ marutāṃ tathā | gavāṃ ca brāhmaṇānāṃ ca śrīmatāṃ puṇyakarmaṇām

of the serpents, the Suparnas, the Rudras and the Maruts, of the cows, and of the glorious brahmins of holy deeds.

Verse 55 (1.66.55)

आयुष्यश्चैव पुण्यश्च धन्यः श्रुतिसुखावहः । श्रोतव्यश्चैव सततं श्राव्यश्चैवानसूयता ॥

āyuṣyaścaiva puṇyaśca dhanyaḥ śrutisukhāvahaḥ | śrotavyaścaiva satataṃ śrāvyaścaivānasūyatā

This account gives long life, is holy, brings good fortune and is pleasant to hear; it should always be heard, and recited, without malice.

Verse 56 (1.66.56)

इमं तु वंशं नियमेन यः पठेन् । महात्मनां ब्राह्मणदेवसन्निधौ । अपत्यलाभं लभते स पुष्कलं । श्रियं यशः प्रेत्य च शोभनां गतिम् ॥

imaṃ tu vaṃśaṃ niyamena yaḥ paṭhen | mahātmanāṃ brāhmaṇadevasannidhau | apatyalābhaṃ labhate sa puṣkalaṃ | śriyaṃ yaśaḥ pretya ca śobhanāṃ gatim

Whoever, with self-discipline, recites this lineage of the great-souled ones in the presence of brahmins and gods gains abundant offspring, prosperity and fame, and after death a splendid destination.

Note on the text: Wrote out the sandhi split across the line break (पठे- । न्महात्मनां → पठेन् । महात्मनां), as the critical edition prints it; the text is unchanged.