The Lineages of Gods, Seers and Creatures

Verse 1 (1.67.1)

ब्रह्मणो मानसाः पुत्रा विदिताः षण्महर्षयः । एकादश सुताः स्थाणोः ख्याताः परमतेजसः ॥

brahmaṇo mānasāḥ putrā viditāḥ ṣaṇmaharṣayaḥ | ekādaśa sutāḥ sthāṇoḥ khyātāḥ paramatejasaḥ

Brahma's six mind-born sons are known as the great seers. Sthanu had eleven sons, renowned and of supreme splendour.

Verse 2 (1.67.2)

मृगव्याधश्च सर्पश्च निर्ऋतिश्च महायशाः । अजैकपादहिर्बुध्न्यः पिनाकी च परन्तपः ॥

mṛgavyādhaśca sarpaśca nirṛtiśca mahāyaśāḥ | ajaikapādahirbudhnyaḥ pinākī ca parantapaḥ

They were Mrigavyadha, Sarpa, the illustrious Nirriti, Ajaikapad, Ahirbudhnya, and Pinaki, scorcher of foes;

Note on the text: Corrected अजैकपादहिर्बिध्न्यः → अजैकपादहिर्बुध्न्यः (misprint in Wikisource; बि for बु, following the critical edition's ahirbudhnyaḥ).

Verse 3 (1.67.3)

दहनोऽथेश्वरश्चैव कपाली च महाद्युतिः । स्थाणुर्भगश्च भगवान् रुद्रा एकादश स्मृताः ॥

dahano'theśvaraścaiva kapālī ca mahādyutiḥ | sthāṇurbhagaśca bhagavān rudrā ekādaśa smṛtāḥ

Dahana, Ishvara, the radiant Kapali, Sthanu, and the blessed Bhaga. These are remembered as the eleven Rudras.

Verse 4 (1.67.4)

मरीचिरङ्गिरा अत्रिः पुलस्त्यः पुलहः क्रतुः । षडेते ब्रह्मणः पुत्रा वीर्यवन्तो महर्षयः ॥

marīciraṅgirā atriḥ pulastyaḥ pulahaḥ kratuḥ | ṣaḍete brahmaṇaḥ putrā vīryavanto maharṣayaḥ

Marichi, Angiras, Atri, Pulastya, Pulaha and Kratu: these six mighty great seers are the sons of Brahma.

Verse 5 (1.67.5)

त्रयस्त्वङ्गिरसः पुत्रा लोके सर्वत्र विश्रुताः । बृहस्पतिरुतथ्यश्च संवर्तश्च धृतव्रताः ॥

trayastvaṅgirasaḥ putrā loke sarvatra viśrutāḥ | bṛhaspatirutathyaśca saṃvartaśca dhṛtavratāḥ

Angiras had three sons, famed everywhere in the world and firm in their vows: Brihaspati, Utathya and Samvarta.

Verse 6 (1.67.6)

अत्रेस्तु बहवः पुत्राः श्रूयन्ते मनुजाधिप । सर्वे वेदविदः सिद्धाः शान्तात्मानो महर्षयः ॥

atrestu bahavaḥ putrāḥ śrūyante manujādhipa | sarve vedavidaḥ siddhāḥ śāntātmāno maharṣayaḥ

Atri, O lord of men, is said to have had many sons, all of them great seers, versed in the Vedas, perfected and calm of spirit.

Verse 7 (1.67.7)

राक्षसाश्च पुलस्त्यस्य वानराः किन्नरास्तथा । यक्षाश्च मनुजव्याघ्र पुत्रास्तस्य च धीमतः ॥

rākṣasāśca pulastyasya vānarāḥ kinnarāstathā | yakṣāśca manujavyāghra putrāstasya ca dhīmataḥ

The rakshasas, the monkeys, the kinnaras and the yakshas, O tiger among men, are the offspring of the wise Pulastya.

Note on the text: The first line = 1.60.7a; the second line (यक्षाश्च मनुजव्याघ्र…) is not in the critical edition (found in the vulgate recension).

Verse 8 (1.67.8)

पुलहस्य सुता राजञ्शरभाश्च प्रकीर्तिताः । सिंहाः किपुरुषा व्याघ्रा ऋक्षा ईहामृगास्तथा ॥

pulahasya sutā rājañśarabhāśca prakīrtitāḥ | siṃhāḥ kipuruṣā vyāghrā ṛkṣā īhāmṛgāstathā

Pulaha's offspring, O king, are said to be the sharabhas, the lions, the kimpurushas, the tigers, the bears and the wolves.

Note on the text: Not in the critical edition (found in the vulgate recension); in its place the critical edition has a single line on Pulaha's offspring (1.60.7c).

Verse 9 (1.67.9)

क्रतोः क्रतुसमाः पुत्राः पतङ्गसहचारिणः । विश्रुतास्त्रिषु लोकेषु सत्यव्रतपरायणाः ॥

kratoḥ kratusamāḥ putrāḥ pataṅgasahacāriṇaḥ | viśrutāstriṣu lokeṣu satyavrataparāyaṇāḥ

Kratu's sons, equal to Kratu himself, are the companions of the sun, renowned in the three worlds and devoted to truth and their vows.

Verse 10 (1.67.10)

दक्षस्त्वजायताङ्गुष्ठाद्दक्षिणाद्भगवानृषिः । ब्रह्मणः पृथिवीपाल शान्तात्मा सुमहातपाः ॥

dakṣastvajāyatāṅguṣṭhāddakṣiṇādbhagavānṛṣiḥ | brahmaṇaḥ pṛthivīpāla śāntātmā sumahātapāḥ

From the right thumb of Brahma, O protector of the earth, was born the blessed seer Daksha, calm of spirit and of great austerity.

Verse 11 (1.67.11)

वामादजायताङ्गुष्ठाद्भार्या तस्य महात्मनः । तस्यां पञ्चाशतं कन्याः स एवाजनयन्मुनिः ॥

vāmādajāyatāṅguṣṭhādbhāryā tasya mahātmanaḥ | tasyāṃ pañcāśataṃ kanyāḥ sa evājanayanmuniḥ

From the left thumb was born the wife of that great-souled one, and in her the sage himself begot fifty daughters.

Verse 12 (1.67.12)

ताः सर्वास्त्वनवद्याङ्ग्यः कन्याः कमललोचनाः । पुत्रिकाः स्थापयामास नष्टपुत्रः प्रजापतिः ॥

tāḥ sarvāstvanavadyāṅgyaḥ kanyāḥ kamalalocanāḥ | putrikāḥ sthāpayāmāsa naṣṭaputraḥ prajāpatiḥ

All those daughters were flawless of limb and lotus-eyed. Having lost his sons, the Prajapati appointed them as putrikas, to stand in the place of sons.

Verse 13 (1.67.13)

ददौ स दश धर्माय सप्तविंशतिमिन्दवे । दिव्येन विधिना राजन्कश्यपाय त्रयोदश ॥

dadau sa daśa dharmāya saptaviṃśatimindave | divyena vidhinā rājankaśyapāya trayodaśa

By the divine rite, O king, he gave ten of them to Dharma, twenty-seven to the Moon and thirteen to Kashyapa.

Verse 14 (1.67.14)

नामतो धर्मपत्न्यस्ताः कीर्त्यमाना निबोध मे । कीर्तिर्लक्ष्मीर्धृतिर्मेधा पुष्टिः श्रद्धा क्रिया तथा ॥

nāmato dharmapatnyastāḥ kīrtyamānā nibodha me | kīrtirlakṣmīrdhṛtirmedhā puṣṭiḥ śraddhā kriyā tathā

Hear from me the names of Dharma's wives as I recount them: Kirti, Lakshmi, Dhriti, Medha, Pushti, Shraddha, Kriya,

Verse 15 (1.67.15)

बुद्धिर्लज्जा मतिश्चैव पत्न्यो धर्मस्य ता दश । द्वाराण्येतानि धर्मस्य विहितानि स्वयंभुवा ॥

buddhirlajjā matiścaiva patnyo dharmasya tā daśa | dvārāṇyetāni dharmasya vihitāni svayaṃbhuvā

Buddhi, Lajja and Mati. These ten are the wives of Dharma; the Self-born One ordained them as the doors to Dharma.

Verse 16 (1.67.16)

सप्तविंशतिः सोमस्य पत्न्यो लोकस्य विश्रुताः । कालस्य नयने युक्ताः सोमपत्न्यः शुचिव्रताः ॥

saptaviṃśatiḥ somasya patnyo lokasya viśrutāḥ | kālasya nayane yuktāḥ somapatnyaḥ śucivratāḥ

Soma's twenty-seven wives are renowned in the world. Pure in their vows, these wives of Soma are engaged in the measuring of time;

Note on the text: Corrected सोमपत्न्याः → सोमपत्न्यः (misprint in Wikisource; the nominative plural is required, as in the critical edition's somapatnyaḥ). Lines correspond to 1.60.15ac of the critical edition (Wikisource divides the verses differently).

Verse 17 (1.67.17)

सर्वा नक्षत्रयोगिन्यो लोकयात्राविधानतः । पैतामहो मुनिर्देवस्तस्य पुत्रः प्रजापतिः । तस्याष्टौ वसवः पुत्रास्तेषां वक्ष्यामि विस्तरम् ॥

sarvā nakṣatrayoginyo lokayātrāvidhānataḥ | paitāmaho munirdevastasya putraḥ prajāpatiḥ | tasyāṣṭau vasavaḥ putrāsteṣāṃ vakṣyāmi vistaram

all of them are joined with the lunar mansions, to order the course of the world. The divine sage sprung from the Grandsire had a son, a Prajapati, and his eight sons are the Vasus. I shall tell of them in detail.

Note on the text: Lines correspond to 1.60.15e and 1.60.16 of the critical edition (Wikisource divides the verses differently).

Verse 18 (1.67.18)

धरो ध्रुवश्च सोमश्च अहश्चैवानिलोऽनलः । प्रत्यूषश्च प्रभासश्च वसवोऽष्टौ प्रकीर्तिताः ॥

dharo dhruvaśca somaśca ahaścaivānilo'nalaḥ | pratyūṣaśca prabhāsaśca vasavo'ṣṭau prakīrtitāḥ

Dhara, Dhruva, Soma, Aha, Anila, Anala, Pratyusha and Prabhasa: these are declared the eight Vasus.

Verse 19 (1.67.19)

धूम्रायास्तु धरः पुत्रो ब्रह्मविद्यो ध्रुवस्तथा । चन्द्रमास्तु मनस्विन्याः श्वासायाः श्वसनस्तथा ॥

dhūmrāyāstu dharaḥ putro brahmavidyo dhruvastathā | candramāstu manasvinyāḥ śvāsāyāḥ śvasanastathā

Dhumra's sons were Dhara and Dhruva, the knower of Brahman. Manasvini's son was Chandramas, the Moon, and Shvasa's son was Shvasana, the Wind.

Verse 20 (1.67.20)

रतायाश्चाप्यहः पुत्रः शाण्डिल्याश्च हुताशनः । प्रत्यूषश्च प्रभासश्च प्रभातायाः सुतौ स्मृतौ ॥

ratāyāścāpyahaḥ putraḥ śāṇḍilyāśca hutāśanaḥ | pratyūṣaśca prabhāsaśca prabhātāyāḥ sutau smṛtau

Aha was the son of Rata, and Hutashana, the Fire, the son of Shandili; Pratyusha and Prabhasa are remembered as the two sons of Prabhata.

Verse 21 (1.67.21)

धरस्य पुत्रो द्रविणो हुतहव्यवहस्तथा । आपस्य पुत्रो वैतण्ड्यः श्रमः शान्तोमुनिस्तथा । ध्रुवस्य पुत्रो भगवान्कालो लोकप्रकालनः ॥

dharasya putro draviṇo hutahavyavahastathā | āpasya putro vaitaṇḍyaḥ śramaḥ śāntomunistathā | dhruvasya putro bhagavānkālo lokaprakālanaḥ

Dhara's son was Dravina, and Hutahavyavaha as well. Apa's sons were Vaitandya, Shrama, Shanta and Muni. Dhruva's son was the blessed Kala, who drives the worlds on their course.

Note on the text: Removed a stray quote mark (') after शान्तोमुनिस्तथा. The middle line (आपस्य पुत्रो…) is not in the critical edition (found in the vulgate recension); the other lines = 1.60.20.

Verse 22 (1.67.22)

सोमस्य तु सुतो वर्चा वर्चस्वी येन जायते । मनोहरायाः शिशिरः प्राणोऽथ रमणस्तथा ॥

somasya tu suto varcā varcasvī yena jāyate | manoharāyāḥ śiśiraḥ prāṇo'tha ramaṇastathā

Soma's son was Varchas, through whom one becomes lustrous. Manohara bore Shishira, Prana and Ramana.

Verse 23 (1.67.23)

अह्नः सुतस्तथा ज्योतिः शमः शान्तस्तथा मुनिः । अग्नेः पुत्रः कुमारस्तु श्रीमाञ्छरवणालयः ॥

ahnaḥ sutastathā jyotiḥ śamaḥ śāntastathā muniḥ | agneḥ putraḥ kumārastu śrīmāñcharavaṇālayaḥ

Aha's sons were Jyoti, Shama, Shanta and Muni. Agni's son was the glorious Kumara, whose birthplace was a thicket of reeds.

Verse 24 (1.67.24)

तस्य शाखो विशाखश्च नैगमेयश्च पृष्ठजः । कृत्तिकाभ्युपपत्तेश्च कार्तिकेय इति स्मृतः ॥

tasya śākho viśākhaśca naigameyaśca pṛṣṭhajaḥ | kṛttikābhyupapatteśca kārtikeya iti smṛtaḥ

After him were born Shakha, Vishakha and Naigameya. Because the Krittikas took him up as their son, he is known as Karttikeya.

Verse 25 (1.67.25)

अनिलस्य शिवा भार्या तस्याः पुत्रो मनोजवः । अविज्ञातगतिश्चैव द्वौ पुत्रावनिलस्य तु ॥

anilasya śivā bhāryā tasyāḥ putro manojavaḥ | avijñātagatiścaiva dvau putrāvanilasya tu

Anila's wife was Shiva. Her sons were Manojava and Avijnatagati; these two were the sons of Anila.

Verse 26 (1.67.26)

प्रत्यूषस्य विदुः पुत्रमृषिं नाम्नाऽथ देवलम् । द्वौ पुत्रौ देवलस्यापि क्षमावन्तौ मनीषिणौ । बृहस्पतेस्तु भगिनी वरस्त्री ब्रह्मवादिनी ॥

pratyūṣasya viduḥ putramṛṣiṃ nāmnā'tha devalam | dvau putrau devalasyāpi kṣamāvantau manīṣiṇau | bṛhaspatestu bhaginī varastrī brahmavādinī

Pratyusha's son, they say, was the seer named Devala, and Devala too had two sons, patient and wise. Brihaspati's sister, an excellent woman who spoke of Brahman,

Note on the text: Lines correspond to 1.60.25 and 1.60.26a of the critical edition (Wikisource divides the verses differently).

Verse 27 (1.67.27)

योगसिद्धा जगत्कृत्स्नमसक्ता विचचार ह । प्रभासस्य तु भार्या सा वसूनामष्टमस्य ह ॥

yogasiddhā jagatkṛtsnamasaktā vicacāra ha | prabhāsasya tu bhāryā sā vasūnāmaṣṭamasya ha

perfected in yoga, wandered through the whole world unattached. She was the wife of Prabhasa, the eighth of the Vasus.

Note on the text: Lines correspond to 1.60.26ce of the critical edition, in a variant form (Wikisource divides the verses differently).

Verse 28 (1.67.28)

विश्वकर्मा महाभागो जज्ञे शिल्पप्रजापतिः । कर्ता शिल्पसहस्राणां त्रिदशानां च वर्धकिः ॥

viśvakarmā mahābhāgo jajñe śilpaprajāpatiḥ | kartā śilpasahasrāṇāṃ tridaśānāṃ ca vardhakiḥ

Of her was born the illustrious Vishvakarma, lord of the crafts, maker of thousands of works of art and builder for the thirty gods,

Verse 29 (1.67.29)

भूषणानां च सर्वेषां कर्ता शिल्पवतां वरः । यो दिव्यानि विमानानि त्रिदशानां चकार ह ॥

bhūṣaṇānāṃ ca sarveṣāṃ kartā śilpavatāṃ varaḥ | yo divyāni vimānāni tridaśānāṃ cakāra ha

the maker of every ornament and the best of craftsmen, who fashioned the celestial chariots of the gods.

Verse 30 (1.67.30)

मनुष्याश्चोपजीवन्ति यस्य शिल्पं महात्मनः । पूजयन्ति च यं नित्यं विश्वकर्माणमव्ययम् ॥

manuṣyāścopajīvanti yasya śilpaṃ mahātmanaḥ | pūjayanti ca yaṃ nityaṃ viśvakarmāṇamavyayam

Men live by the craft of that great-souled one, and they worship him always, the imperishable Vishvakarma.

Verse 31 (1.67.31)

स्तनं तु दक्षिणं भित्त्वा ब्रह्मणो नरविग्रहः । निःसृतो भगवान्धर्मः सर्वलोकसुखावहः ॥

stanaṃ tu dakṣiṇaṃ bhittvā brahmaṇo naravigrahaḥ | niḥsṛto bhagavāndharmaḥ sarvalokasukhāvahaḥ

Breaking forth from Brahma's right breast came the blessed Dharma in human form, who brings happiness to all the worlds.

Verse 32 (1.67.32)

त्रयस्तस्य वराः पुत्राः सर्वभूतमनोहराः । शमः कामश्च हर्षश्च तेजसा लोकधारिणः ॥

trayastasya varāḥ putrāḥ sarvabhūtamanoharāḥ | śamaḥ kāmaśca harṣaśca tejasā lokadhāriṇaḥ

He had three excellent sons who delight all beings: Shama, Kama and Harsha, who uphold the worlds by their power.

Verse 33 (1.67.33)

कामस्य तु रतिर्भार्या शमस्य प्राप्तिरङ्गना । नन्दा तु भार्या हर्षस्य यासु लोकाः प्रतिष्ठिताः ॥

kāmasya tu ratirbhāryā śamasya prāptiraṅganā | nandā tu bhāryā harṣasya yāsu lokāḥ pratiṣṭhitāḥ

Kama's wife was Rati, Shama's was Prapti, and Harsha's wife was Nanda. On them the worlds rest.

Verse 34 (1.67.34)

मरीचेः कश्यपः पुत्रः कश्यपस्य सुरासुराः । जज्ञिरे नृपशार्दूल लोकानां प्रभवस्तु सः ॥

marīceḥ kaśyapaḥ putraḥ kaśyapasya surāsurāḥ | jajñire nṛpaśārdūla lokānāṃ prabhavastu saḥ

Marichi's son was Kashyapa, and from Kashyapa, O tiger among kings, the gods and the asuras were born. He is the source of the worlds.

Verse 35 (1.67.35)

त्वाष्ट्री तु सवितुर्भार्या वडवारूपधारिणी । असूयत महाभागा सान्तरिक्षेऽश्विनावुभौ ॥

tvāṣṭrī tu saviturbhāryā vaḍavārūpadhāriṇī | asūyata mahābhāgā sāntarikṣe'śvināvubhau

Tvashtri, the illustrious wife of Savita the Sun, took the form of a mare and gave birth in the sky to the two Ashvins.

Note on the text: Corrected सान्तरिक्षेऽस्विनावुभौ → सान्तरिक्षेऽश्विनावुभौ (misprint in Wikisource; स for श, as in the critical edition's 'śvināv).

Verse 36 (1.67.36)

द्वादशैवादितेः पुत्राः शक्रमुख्या नराधिप । तेषामवरजो विष्णुर्यत्र लोकाः प्रतिष्ठिताः ॥

dvādaśaivāditeḥ putrāḥ śakramukhyā narādhipa | teṣāmavarajo viṣṇuryatra lokāḥ pratiṣṭhitāḥ

Aditi had twelve sons, O lord of men, with Shakra at their head. The youngest of them is Vishnu, on whom the worlds rest.

Verse 37 (1.67.37)

त्रयस्त्रिंशत इत्येते देवास्तेषामहं तव । अन्वयं संप्रवक्ष्यामि पक्षैश्च कुलतो गणान् ॥

trayastriṃśata ityete devāsteṣāmahaṃ tava | anvayaṃ saṃpravakṣyāmi pakṣaiśca kulato gaṇān

These are the thirty-three gods. I shall now tell you their lineage, and their hosts by faction and by family.

Note on the text: Corrected त्रयस्त्रिंशत यत्येते → त्रयस्त्रिंशत इत्येते (misprint in Wikisource; य for इ, as in the critical edition's ity ete).

Verse 38 (1.67.38)

रुद्राणामपरः पक्षः साध्यानां मरुतां तथा । वसूनां भार्गवं विद्याद्विश्वेदेवांस्तथैव च ॥

rudrāṇāmaparaḥ pakṣaḥ sādhyānāṃ marutāṃ tathā | vasūnāṃ bhārgavaṃ vidyādviśvedevāṃstathaiva ca

The Rudras form a separate faction, as do the Sadhyas and the Maruts. Know that the Vasus belong to the Bhargava faction, and the Vishvedevas likewise.

Verse 39 (1.67.39)

वैनतेयस्तु गरुडो बलवानरुणस्तथा । बृहस्पतिश्च भगवानादित्येष्वेव गण्यते ॥

vainateyastu garuḍo balavānaruṇastathā | bṛhaspatiśca bhagavānādityeṣveva gaṇyate

Garuda, the son of Vinata, and the mighty Aruna, as well as the blessed Brihaspati, are counted among the Adityas.

Verse 40 (1.67.40)

अश्विनौ गुह्यकान्विद्धि सर्वौषध्यस्तथा पशून् । एते देवगणा राजन्कीर्तितास्तेऽनुपूर्वशः ॥

aśvinau guhyakānviddhi sarvauṣadhyastathā paśūn | ete devagaṇā rājankīrtitāste'nupūrvaśaḥ

Know the two Ashvins, all the plants and the animals to be Guhyakas. These, O king, are the hosts of the gods, recounted to you in order,

Note on the text: Corresponds to 1.60.39ac of the critical edition, in a variant form (Wikisource divides the verses differently).

Verse 41 (1.67.41)

यान्कीर्तयित्वा मनुजः सर्वपापैः प्रमुच्यते । ब्रह्मणो हृदयं भित्त्वा निःसृतो भगवान्भृगुः ॥

yānkīrtayitvā manujaḥ sarvapāpaiḥ pramucyate | brahmaṇo hṛdayaṃ bhittvā niḥsṛto bhagavānbhṛguḥ

by reciting whom a man is freed from all his sins. Breaking forth from Brahma's heart came the blessed Bhrigu.

Note on the text: Lines correspond to 1.60.39e and 1.60.40a of the critical edition (Wikisource divides the verses differently).

Verse 42 (1.67.42)

भृगोः पुत्रः कविर्विद्वाञ्छुक्रः कविसुतो ग्रहः । त्रैलोक्यप्राणयात्रार्थं वर्षावर्षे भयाभये । स्वयंभुवा नियुक्तः सन्भुवनं परिधावति ॥

bhṛgoḥ putraḥ kavirvidvāñchukraḥ kavisuto grahaḥ | trailokyaprāṇayātrārthaṃ varṣāvarṣe bhayābhaye | svayaṃbhuvā niyuktaḥ sanbhuvanaṃ paridhāvati

Bhrigu's son was the learned Kavi, and Kavi's son is Shukra, the planet, who, appointed by the Self-born One, circles the world for the sustenance of the three worlds, bringing rain and drought, danger and safety.

Note on the text: Lines correspond to 1.60.40c and 1.60.41 of the critical edition (Wikisource divides the verses differently).

Verse 43 (1.67.43)

योगाचार्यो महाबुद्धिर्दैत्यानामभवद्गुरुः । सुराणां चापि मेधावी ब्रह्मचारी यतव्रतः ॥

yogācāryo mahābuddhirdaityānāmabhavadguruḥ | surāṇāṃ cāpi medhāvī brahmacārī yatavrataḥ

That master of yoga, of great intellect, became the preceptor of the Daityas, and of the gods as well; he was wise, celibate and steadfast in his vows.

Verse 44 (1.67.44)

तस्मिन्नियुक्ते विधिना योगक्षेमाय भार्गवे । अन्यमुत्पादयामास पुत्रं भृगुरनिन्दितम् ॥

tasminniyukte vidhinā yogakṣemāya bhārgave | anyamutpādayāmāsa putraṃ bhṛguraninditam

When that Bhargava had been duly appointed to secure the welfare of the worlds, Bhrigu begot another son, a blameless one:

Verse 45 (1.67.45)

च्यवनं दीप्ततपसं धर्मात्मानं यशस्विनम् । यः स रोषाच्च्युतो गर्भान्मातुर्मोक्षाय भारत ॥

cyavanaṃ dīptatapasaṃ dharmātmānaṃ yaśasvinam | yaḥ sa roṣāccyuto garbhānmāturmokṣāya bhārata

Chyavana, blazing with austerity, righteous and renowned, who in his anger dropped from the womb to set his mother free, O Bharata.

Verse 46 (1.67.46)

आरुषी तु मनोः कन्या तस्य पत्नी मनीषिणः । और्वस्तस्यां समभवदूरुं भित्त्वा महायशाः ॥

āruṣī tu manoḥ kanyā tasya patnī manīṣiṇaḥ | aurvastasyāṃ samabhavadūruṃ bhittvā mahāyaśāḥ

Arushi, the daughter of Manu, was the wife of that wise sage. In her was born the glorious Aurva, who broke his way out through her thigh,

Note on the text: Lines correspond to 1.60.45ac of the critical edition (Wikisource divides the verses differently).

Verse 47 (1.67.47)

महातेजा महावीर्यो बाल एव गुणैर्युतः । ऋचीकस्तस्य पुत्रस्तु जमदग्निस्ततोऽभवत् ॥

mahātejā mahāvīryo bāla eva guṇairyutaḥ | ṛcīkastasya putrastu jamadagnistato'bhavat

of great splendour and great valour, endowed with virtues even as a child. His son was Richika, and from Richika came Jamadagni.

Note on the text: Lines correspond to 1.60.45e and 1.60.46a of the critical edition, in a variant form (Wikisource divides the verses differently).

Verse 48 (1.67.48)

जमदग्नेस्तु चत्वार आसन्पुत्रा महात्मनः । रामस्तेषां जघन्योऽभूदजघन्यैर्गुणैर्युतः । सर्वशस्त्रेषु कुशलः क्षत्रियान्तकरो वशी ॥

jamadagnestu catvāra āsanputrā mahātmanaḥ | rāmasteṣāṃ jaghanyo'bhūdajaghanyairguṇairyutaḥ | sarvaśastreṣu kuśalaḥ kṣatriyāntakaro vaśī

The great-souled Jamadagni had four sons. Rama was the youngest of them, yet not the least in virtue: skilled in every weapon, self-controlled, the destroyer of the Kshatriyas.

Note on the text: Lines correspond to 1.60.46c and 1.60.47 of the critical edition (Wikisource divides the verses differently).

Verse 49 (1.67.49)

और्वस्यासीत्पुत्रशतं जमदग्निपुरोगमम् । तेषां पुत्रसहस्राणि बभूवुर्भुवि विस्तरः ॥

aurvasyāsītputraśataṃ jamadagnipurogamam | teṣāṃ putrasahasrāṇi babhūvurbhuvi vistaraḥ

Aurva had a hundred sons, with Jamadagni at their head, and they in turn had thousands of sons; so the line spread across the earth.

Verse 50 (1.67.50)

द्वौ पुत्रौ ब्रह्मणस्त्वन्यौ ययोस्तिष्ठति लक्षणम् । लोके धाता विधाता च यौ स्थितौ मनुना सह ॥

dvau putrau brahmaṇastvanyau yayostiṣṭhati lakṣaṇam | loke dhātā vidhātā ca yau sthitau manunā saha

Brahma had two other sons, whose mark endures in the world: Dhata and Vidhata, who abide with Manu.

Note on the text: Corrected द्वौ पुत्रो → द्वौ पुत्रौ (misprint in Wikisource; the dual is required, as in the critical edition's dvau putrau).

Verse 51 (1.67.51)

तयोरेव स्वसा देवी लक्ष्मीः पद्मगृहा शुभा । तस्यास्तु मानसाः पुत्रास्तुरगा व्योमचारिणः ॥

tayoreva svasā devī lakṣmīḥ padmagṛhā śubhā | tasyāstu mānasāḥ putrāsturagā vyomacāriṇaḥ

Their sister is the auspicious goddess Lakshmi, whose home is the lotus. Her mind-born sons are the horses that course through the sky.

Verse 52 (1.67.52)

वरुणस्य भार्या या ज्येष्ठा शुक्राद्देवी व्यजायत । तस्याः पुत्रं बलं विद्धि सुरां च सुरनन्दिनीम् ॥

varuṇasya bhāryā yā jyeṣṭhā śukrāddevī vyajāyata | tasyāḥ putraṃ balaṃ viddhi surāṃ ca suranandinīm

The goddess who was Varuna's eldest wife was born of Shukra. Know that her son was Bala and her daughter Sura, who gladdens the gods.

Verse 53 (1.67.53)

प्रजानामन्नकामानामन्योन्यपरिभक्षणात् । अधर्मस्तत्र संजातः सर्वभूतविनाशकः ॥

prajānāmannakāmānāmanyonyaparibhakṣaṇāt | adharmastatra saṃjātaḥ sarvabhūtavināśakaḥ

When creatures, craving food, began to devour one another, Adharma was born there, the destroyer of all beings.

Verse 54 (1.67.54)

तस्यापि निर्ऋतिर्भार्या नैर्ऋता येन राक्षसाः । घोरास्तस्यास्त्रयः पुत्राः पापकर्मरताः सदा ॥

tasyāpi nirṛtirbhāryā nairṛtā yena rākṣasāḥ | ghorāstasyāstrayaḥ putrāḥ pāpakarmaratāḥ sadā

His wife was Nirriti, after whom the rakshasas are called Nairritas. She had three terrible sons, ever intent on evil deeds:

Note on the text: Lines correspond to 1.60.53ac of the critical edition (Wikisource divides the verses differently).

Verse 55 (1.67.55)

भयो महाभयश्चैव मृत्युर्भूतान्तकस्तथा । न तस्य भार्या पुत्रो वा कश्चिदस्त्यन्तको हि सः ॥

bhayo mahābhayaścaiva mṛtyurbhūtāntakastathā | na tasya bhāryā putro vā kaścidastyantako hi saḥ

Bhaya, Mahabhaya, and Mrityu, the ender of beings. Mrityu has neither wife nor son, for he is the ender.

Note on the text: The first line = 1.60.53e; the second line (न तस्य भार्या…) is not in the critical edition (found in the vulgate recension).

Verse 56 (1.67.56)

काकीं श्येनीं तथा भासीं धृतराष्ट्रीं तथा शुकीम् । ताम्रा तु सुषुवे देवी पञ्चैता लोकविश्रुताः ॥

kākīṃ śyenīṃ tathā bhāsīṃ dhṛtarāṣṭrīṃ tathā śukīm | tāmrā tu suṣuve devī pañcaitā lokaviśrutāḥ

The goddess Tamra bore five daughters, famed in the world: Kaki, Shyeni, Bhasi, Dhritarashtri and Shuki.

Verse 57 (1.67.57)

उलूकान्सुषुवे काकी श्येनी श्येनान्व्यजायत । भासी भासानजनयद्गृध्रांश्चैव जनाधिप ॥

ulūkānsuṣuve kākī śyenī śyenānvyajāyata | bhāsī bhāsānajanayadgṛdhrāṃścaiva janādhipa

Kaki bore the owls and Shyeni the hawks, while Bhasi bore the bhasa birds and the vultures, O lord of men.

Verse 58 (1.67.58)

धृतराष्ट्री तु हंसांश्च कलहंसांश्च सर्वशः । चक्रवाकांश्च भद्रा तु जनयामास सैव तु ॥

dhṛtarāṣṭrī tu haṃsāṃśca kalahaṃsāṃśca sarvaśaḥ | cakravākāṃśca bhadrā tu janayāmāsa saiva tu

Dhritarashtri bore the swans and the kalahamsas of every kind, and that same gentle one bore the chakravakas too.

Verse 59 (1.67.59)

शुकी च जनयामास शुकानेव यशस्विनी । कल्याणगुणसंपन्ना सर्वलक्षणपूजिता ॥

śukī ca janayāmāsa śukāneva yaśasvinī | kalyāṇaguṇasaṃpannā sarvalakṣaṇapūjitā

And the renowned Shuki, rich in auspicious virtues and honoured for every good mark, bore the parrots.

Verse 60 (1.67.60)

नव क्रोधवशा नारीः प्रजज्ञे क्रोधसंभवाः । मृगी च मृगमन्दा च हरी भद्रमना अपि ॥

nava krodhavaśā nārīḥ prajajñe krodhasaṃbhavāḥ | mṛgī ca mṛgamandā ca harī bhadramanā api

Krodhavasha bore nine daughters, born of anger: Mrigi, Mrigamanda, Hari, Bhadramana,

Verse 61 (1.67.61)

मातङ्गी त्वथ शार्दूली श्वेता सुरभिरेव च । सर्वलक्षणसंपन्ना सुरसा चैव भामिनी ॥

mātaṅgī tvatha śārdūlī śvetā surabhireva ca | sarvalakṣaṇasaṃpannā surasā caiva bhāminī

Matangi, Sharduli, Shveta and Surabhi, and the lovely Surasa, endowed with every good mark.

Verse 62 (1.67.62)

अपत्यं तु मृगाः सर्वे मृग्या नरवरोत्तम । ऋक्षाश्च मृगमन्दायाः सृमराश्च परंतप ॥

apatyaṃ tu mṛgāḥ sarve mṛgyā naravarottama | ṛkṣāśca mṛgamandāyāḥ sṛmarāśca paraṃtapa

All the deer are the offspring of Mrigi, O best of men, and the bears and the srimara deer are Mrigamanda's, O scorcher of foes.

Verse 63 (1.67.63)

ततस्त्वैरावतं नागं जज्ञे भद्रमनाः सुतम् । ऐरावतः सुतस्तस्या देवनागो महागजः ॥

tatastvairāvataṃ nāgaṃ jajñe bhadramanāḥ sutam | airāvataḥ sutastasyā devanāgo mahāgajaḥ

Bhadramana bore as her son the elephant Airavata. Airavata, the great elephant of the gods, is her son.

Verse 64 (1.67.64)

हर्याश्च हरयोऽपत्यं वानराश्च तरस्विनः । गोलाङ्गूलांश्च भद्रं ते हर्याः पुत्रान्प्रचक्षते ॥

haryāśca harayo'patyaṃ vānarāśca tarasvinaḥ | golāṅgūlāṃśca bhadraṃ te haryāḥ putrānpracakṣate

The horses are the offspring of Hari, and so are the swift monkeys; the golangula apes too, bless you, are called Hari's sons.

Verse 65 (1.67.65)

प्रजज्ञे त्वथ शार्दूली सिंहान्व्याघ्राननेकशः । द्वीपिनश्च महासत्त्वान्सर्वानेव न संशयः ॥

prajajñe tvatha śārdūlī siṃhānvyāghrānanekaśaḥ | dvīpinaśca mahāsattvānsarvāneva na saṃśayaḥ

Then Sharduli bore lions and tigers in great numbers, and leopards of great strength, all of them without doubt.

Note on the text: Corrected व्याग्रान् → व्याघ्रान्, महासत्वान् → महासत्त्वान् and सशंयः → संशयः (misprints in Wikisource; ग for घ, a dropped त्, and a misplaced anusvara; the critical edition reads vyāghrān and saṃśayaḥ).

Verse 66 (1.67.66)

मातङ्ग्यपि च मातङ्गानपत्यानि नराधिप । दिशां गजं तु श्वेताख्यं श्वेताऽजनयदाशुगम् ॥

mātaṅgyapi ca mātaṅgānapatyāni narādhipa | diśāṃ gajaṃ tu śvetākhyaṃ śvetā'janayadāśugam

Matangi bore the elephants as her offspring, O lord of men, and Shveta bore the swift elephant of the quarters called Shveta.

Verse 67 (1.67.67)

तथा दुहितरौ राजन्सुरभिर्वै व्यजायत । रोहिणी चैव भद्रं ते गन्धर्वी तु यशस्विनी ॥

tathā duhitarau rājansurabhirvai vyajāyata | rohiṇī caiva bhadraṃ te gandharvī tu yaśasvinī

Surabhi, O king, gave birth to two daughters, bless you: Rohini and the renowned Gandharvi,

Note on the text: Corresponds to 1.60.65ac of the critical edition, in a variant form (Wikisource divides the verses differently).

Verse 68 (1.67.68)

विमलामपि भद्रं ते अनलामपि भारत । रोहिण्यां जज्ञिरे गावो गन्धर्व्यां वाजिनः सुताः ॥

vimalāmapi bhadraṃ te analāmapi bhārata | rohiṇyāṃ jajñire gāvo gandharvyāṃ vājinaḥ sutāḥ

and also Vimala and Anala, O Bharata. From Rohini were born the cattle, and from Gandharvi the horses.

Note on the text: The first line (विमलामपि…) is not in the critical edition (found in the vulgate recension); the second line = 1.60.65e.

Verse 69 (1.67.69)

इरायाः कन्यका जातास्तिस्रः कमललोचनाः । वनस्पतीनां वृक्षाणां वीरुधां चैव मातरः ॥

irāyāḥ kanyakā jātāstisraḥ kamalalocanāḥ | vanaspatīnāṃ vṛkṣāṇāṃ vīrudhāṃ caiva mātaraḥ

Ira had three lotus-eyed daughters, the mothers of the great forest trees, of the trees and of the creepers.

Note on the text: Removed a stray backtick (`) before इरायाः. Not in the critical edition (found in the vulgate recension); verses 69–72 form one passage that the critical edition gives only in its apparatus, after 1.60.66a.

Verse 70 (1.67.70)

लतारुहे च द्वे प्रोक्ते वीरुधां चैव ताः स्मृताः । गृह्णन्ति ये विना पुष्पं फलानि तरवः पृथक् ॥

latāruhe ca dve prokte vīrudhāṃ caiva tāḥ smṛtāḥ | gṛhṇanti ye vinā puṣpaṃ phalāni taravaḥ pṛthak

Two of them are named Lata and Ruha, and they too are remembered as mothers of the creepers. The trees that bear their fruit apart, without flowering,

Note on the text: Not in the critical edition (found in the vulgate recension).

Verse 71 (1.67.71)

लतासुतास्ते विज्ञेयास्तानेवाहुर्वनस्पतीन् । पुष्पैः फलग्रहान्वृक्षान्रुहायाः प्रसवं विदुः ॥

latāsutāste vijñeyāstānevāhurvanaspatīn | puṣpaiḥ phalagrahānvṛkṣānruhāyāḥ prasavaṃ viduḥ

are to be known as Lata's sons; it is they who are called vanaspatis. Trees that bear fruit after flowering are known to be the offspring of Ruha.

Note on the text: Not in the critical edition (found in the vulgate recension).

Verse 72 (1.67.72)

लतागुल्मानि वृक्षाश्च त्वक्सारतृणजन्तवः । वीरुधो याः प्रजास्तस्यास्तत्र वंशः समाप्यते ॥

latāgulmāni vṛkṣāśca tvaksāratṛṇajantavaḥ | vīrudho yāḥ prajāstasyāstatra vaṃśaḥ samāpyate

Creepers, shrubs and trees, bamboos and grasses: these are the plants that are her progeny, and with them the line comes to an end.

Note on the text: Not in the critical edition (found in the vulgate recension).

Verse 73 (1.67.73)

सप्तपिण्डफलान्वृक्षाननलापि व्यजायत ॥

saptapiṇḍaphalānvṛkṣānanalāpi vyajāyata

Anala too gave birth to the seven kinds of trees that bear fleshy fruit.

Note on the text: Corrected सप्तपिम्डफलान् → सप्तपिण्डफलान् (misprint in Wikisource; म्ड for ण्ड, as in the critical edition's piṇḍaphalān). A single line, as in Wikisource; it corresponds to 1.60.66c of the critical edition.

Verse 74 (1.67.74)

अनलायाः शुकी पुत्री कंकस्तु सुरसासुतः । अरुणस्य भार्या श्येनी तु वीर्यवन्तौ महाबलौ ॥

analāyāḥ śukī putrī kaṃkastu surasāsutaḥ | aruṇasya bhāryā śyenī tu vīryavantau mahābalau

Shuki was Anala's daughter, and Kanka was Surasa's son. Shyeni, the wife of Aruna, bore two valiant and mighty sons,

Note on the text: Lines correspond to 1.60.66e (in a variant form) and 1.60.67a of the critical edition (Wikisource divides the verses differently).

Verse 75 (1.67.75)

संपातिं जनयामास वीर्यवन्तं जटायुषम् । सुरसाऽजनयन्नागान्कद्रूः पुत्रांस्तु पन्नगान् ॥

saṃpātiṃ janayāmāsa vīryavantaṃ jaṭāyuṣam | surasā'janayannāgānkadrūḥ putrāṃstu pannagān

Sampati and the valiant Jatayu. Surasa bore the nagas, and Kadru bore the serpents as her sons.

Note on the text: The first line corresponds to 1.60.67c of the critical edition; the second line corresponds to 1.60.66a, which the critical edition places before the passage on Ira and Anala.

Verse 76 (1.67.76)

द्वौ पुत्रौ विनतायास्तु विख्यातौ गरुडारुणौ । इत्येष सर्वभूतानां महतां मनुजाधिप । प्रभवः कीर्तितः सम्यङ्मया मतिमतां वर ॥

dvau putrau vinatāyāstu vikhyātau garuḍāruṇau | ityeṣa sarvabhūtānāṃ mahatāṃ manujādhipa | prabhavaḥ kīrtitaḥ samyaṅmayā matimatāṃ vara

Vinata had two famous sons, Garuda and Aruna. Thus, O lord of men, best of the wise, I have fully recounted to you the origin of all the great beings,

Note on the text: Lines correspond to 1.60.67e and 1.60.68 of the critical edition (Wikisource divides the verses differently).

Verse 77 (1.67.77)

यं श्रुत्वा पुरुषः सम्यङ्मुक्तो भवति पाप्मनः । सर्वज्ञतां च लभते रतिमग्र्यां च विन्दति ॥

yaṃ śrutvā puruṣaḥ samyaṅmukto bhavati pāpmanaḥ | sarvajñatāṃ ca labhate ratimagryāṃ ca vindati

hearing which a man is wholly freed from sin, gains knowledge of all things, and finds the highest joy.