The Birth of Gold from the Seed of Brahma

Verse 1 (13.132.1)

अपि चेदं पुरा राम श्रुतं मे ब्रह्मदर्शनम् । पितामहस्य यद्वृत्तं ब्रह्मणः परमात्मनः ॥

api cedaṃ purā rāma śrutaṃ me brahmadarśanam | pitāmahasya yadvṛttaṃ brahmaṇaḥ paramātmanaḥ

Rama, long ago I also heard this account of how Brahma was seen: what befell the Grandsire, Brahma, the supreme Self.

Verse 2 (13.132.2)

देवस्य महतस्तात वारुणीं बिभ्रतस्तनुम् । ऐश्वर्ये वारुणेवाऽथ रुद्रस्येशस्य वै प्रभो ॥

devasya mahatastāta vāruṇīṃ bibhratastanum | aiśvarye vāruṇevā'tha rudrasyeśasya vai prabho

My son, it was when the great god Rudra, the Lord, wore the body of Varuna and held Varuna's sovereignty, O master,

Verse 3 (13.132.3)

आजग्मुर्मुनयः सर्वे देवाश्चाग्निपुरोगमाः । यज्ञाङ्गानि च सर्वाणि वषट्कारश्च मूर्तिमान् ॥

ājagmurmunayaḥ sarve devāścāgnipurogamāḥ | yajñāṅgāni ca sarvāṇi vaṣaṭkāraśca mūrtimān

that all the sages came, and the gods with Agni at their head, and all the limbs of the sacrifice, and the vashat-call itself in bodily form.

Verse 4 (13.132.4)

मूर्तिमन्ति च सामानि यजूंषि च सहस्रशः । ऋग्वेदश्चागमत्तत्र पदक्रमविभूषितः ॥

mūrtimanti ca sāmāni yajūṃṣi ca sahasraśaḥ | ṛgvedaścāgamattatra padakramavibhūṣitaḥ

The Samans came in bodily form, and the Yajus formulas by the thousand; the Rigveda came there too, adorned with its pada and krama recitations.

Verse 5 (13.132.5)

लक्षणानि स्वरास्तोभा निरुक्ताः स्वरभक्तयः । ओंकारश्छन्दसां नेत्रं निग्रहप्रग्रहौ तथा ॥

lakṣaṇāni svarāstobhā niruktāḥ svarabhaktayaḥ | oṃkāraśchandasāṃ netraṃ nigrahapragrahau tathā

The marks of recitation, the accents, the stobha syllables, the etymologies, the modes of intonation, Om, the eye of the metres, and the rules of nigraha and pragraha also came.

Verse 6 (13.132.6)

वेदाश्च सोपनिषदो विद्या सावित्र्यथापि च । भूतं भव्यं भविष्यच्च दधार भगवाञ्शिवः ॥

vedāśca sopaniṣado vidyā sāvitryathāpi ca | bhūtaṃ bhavyaṃ bhaviṣyacca dadhāra bhagavāñśivaḥ

The Vedas with their Upanishads, learning, and Savitri as well. The blessed Shiva upheld the past, the present and the future.

Note on the text: Two-line verse = CE 13.85.6a, 6c.

Verse 7 (13.132.7)

संजुहावात्मनाऽऽत्मानं स्वयमेव तदा प्रभो । यज्ञं च शोभयामास बहुरूपं पिनाकधृत् ॥

saṃjuhāvātmanā''tmānaṃ svayameva tadā prabho | yajñaṃ ca śobhayāmāsa bahurūpaṃ pinākadhṛt

Then, O lord, he offered himself into himself, by himself, and the wielder of the Pinaka made the sacrifice shine in many forms.

Note on the text: First line = CE 13.85.6e; second line = CE star line 13.85.6f*0395_01.

Verse 8 (13.132.8)

द्यौर्नभः पृथिवी खं च तथा चैवैष भूपतिः । सर्वविद्येश्वरः श्रीमानेष चापि विभावसुः ॥

dyaurnabhaḥ pṛthivī khaṃ ca tathā caivaiṣa bhūpatiḥ | sarvavidyeśvaraḥ śrīmāneṣa cāpi vibhāvasuḥ

Heaven, sky, earth and space, and this lord of the earth, the glorious master of all knowledge, and this same Vibhavasu, the Fire,

Note on the text: Not in the critical edition's numbered text: star passage 13.85.6f*0395_02-03.

Verse 9 (13.132.9)

एष ब्रह्मा शिवो रुद्रो वरुणोऽग्निः प्रजापतिः । कीर्त्यते भगवान्देवः सर्वभूतपतिः शिवः ॥

eṣa brahmā śivo rudro varuṇo'gniḥ prajāpatiḥ | kīrtyate bhagavāndevaḥ sarvabhūtapatiḥ śivaḥ

he is Brahma, Shiva, Rudra, Varuna, Agni and Prajapati; the blessed god Shiva, lord of all beings, is praised under all these names.

Note on the text: Not in the critical edition's numbered text: star passage 13.85.6f*0395_04-05.

Verse 10 (13.132.10)

तस्य यज्ञः पशुपतेस्तपः क्रतव एव च । दीक्षा दीप्तव्रता देवी दिशश्च सदिगीश्वराः ॥

tasya yajñaḥ paśupatestapaḥ kratava eva ca | dīkṣā dīptavratā devī diśaśca sadigīśvarāḥ

His, the lord of beasts, were the sacrifice, the austerity and the rites; the consecration, the goddess of blazing vows, and the quarters with the lords of the quarters.

Note on the text: Not in the critical edition's numbered text: star passage 13.85.6f*0395_06-07.

Verse 11 (13.132.11)

देवपत्न्यश्च कन्याश्च देवानां चैव मातरः । आजग्मुः सहितास्तत्र तदा भृगुकुलोद्वह । यज्ञं पशुपतेः प्रीता वरुणस्य महात्मनः ॥

devapatnyaśca kanyāśca devānāṃ caiva mātaraḥ | ājagmuḥ sahitāstatra tadā bhṛgukulodvaha | yajñaṃ paśupateḥ prītā varuṇasya mahātmanaḥ

The wives of the gods, their maidens, and the mothers of the gods all came there together, O scion of Bhrigu's line, joyfully, to the sacrifice of the lord of beasts, the great-souled Varuna.

Note on the text: Three-line verse as printed on the page (13-132-11a,b,c) = CE 13.85.7a, 7c and 8a.

Verse 12 (13.132.12)

स्वयंभुवस्तु ता दृष्ट्वा रेतः समपतद्भुवि ॥

svayaṃbhuvastu tā dṛṣṭvā retaḥ samapatadbhuvi

When the Self-born saw them, his seed fell upon the ground.

Note on the text: One-line verse as printed on the page (13-132-12a) = CE 13.85.8c.

Verse 13 (13.132.13)

तस्य शुक्रस्य निष्यन्दान्पांसून्सङ्गृह्य भूमितः । प्रास्यत्पूषा कराभ्यां वै तस्मिन्नेव हुताशने ॥

tasya śukrasya niṣyandānpāṃsūnsaṅgṛhya bhūmitaḥ | prāsyatpūṣā karābhyāṃ vai tasminneva hutāśane

Pushan gathered with both hands the dust of the ground moistened by that seed and threw it into that same fire.

Verse 14 (13.132.14)

ततस्तस्मिन्सम्प्रवृत्ते सत्रे ज्वलितपावके । ब्रह्मणो जुह्वतस्तत्र प्रादुर्भावो बभूवह ॥

tatastasminsampravṛtte satre jvalitapāvake | brahmaṇo juhvatastatra prādurbhāvo babhūvaha

Then, as the sacrifice went on and the fire blazed, a manifestation arose from Brahma as he offered there.

Verse 15 (13.132.15)

स्कन्नमात्रं च तच्छुक्रं स्रुवेण परिगृह्य सः । आज्यवन्मन्त्रतश्चापि सोऽजुहोद्भृगुनन्दन ॥

skannamātraṃ ca tacchukraṃ sruveṇa parigṛhya saḥ | ājyavanmantrataścāpi so'juhodbhṛgunandana

Taking up the seed with the ladle the moment it fell, he offered it with mantras like clarified butter, O joy of the Bhrigus.

Verse 16 (13.132.16)

ततः स जनयामास भूतग्रामं च वीर्यवान् । तस्य तत्तेजसस्तस्माज्जज्ञे लोकेषु तैजसम् ॥

tataḥ sa janayāmāsa bhūtagrāmaṃ ca vīryavān | tasya tattejasastasmājjajñe lokeṣu taijasam

Then that mighty one brought forth the host of beings, and from the fiery power of that seed the luminous principle arose in the worlds.

Verse 17 (13.132.17)

तमसस्तामसा भावा व्यापि सत्वं तथोभयम् । स गुणस्तेजसो नित्यं तमस्याकाशमेव च । सर्वभूतेषु च तथा सत्वं तेजस्तथोत्तमम् ॥

tamasastāmasā bhāvā vyāpi satvaṃ tathobhayam | sa guṇastejaso nityaṃ tamasyākāśameva ca | sarvabhūteṣu ca tathā satvaṃ tejastathottamam

From darkness came the dark states; goodness pervades both. That quality always belongs to light, while in darkness is the sky; and in all beings are goodness and the supreme brilliance.

Note on the text: Three-line verse as printed on the page = CE 13.85.13a, 13c and 14a.

Verse 18 (13.132.18)

शुक्रे हुतेऽग्नौ तस्मिंस्तु प्रादुरासंस्त्रयः प्रभो । पुरुषा वपुषा युक्ताः स्वैः स्वैः प्रसवजैर्गुणैः ॥

śukre hute'gnau tasmiṃstu prādurāsaṃstrayaḥ prabho | puruṣā vapuṣā yuktāḥ svaiḥ svaiḥ prasavajairguṇaiḥ

When the seed had been offered into the fire, three persons appeared, O lord, each embodied and endowed with the qualities born of his origin.

Note on the text: Two lines = CE 13.85.14c and 15a.

Verse 19 (13.132.19)

भर्जनाद्भृगुरित्येवमङ्गारेभ्योऽङ्गिराऽभवत् । अङ्गारसंश्रयाच्चैव कविरित्यपरोऽभवत् । सह ज्वालाभिरुत्पन्नो भृगुस्तस्माद्भृगुः स्मृतः ॥

bharjanādbhṛgurityevamaṅgārebhyo'ṅgirā'bhavat | aṅgārasaṃśrayāccaiva kavirityaparo'bhavat | saha jvālābhirutpanno bhṛgustasmādbhṛguḥ smṛtaḥ

Because of the roasting he was Bhrigu; from the embers Angiras came to be; because of taking refuge in the embers another was born, Kavi. Arising together with the flames, Bhrigu is remembered by that name.

Note on the text: Corrected ज्वालाभइरुत्पन्नो → ज्वालाभिरुत्पन्नो (misprint in Wikisource; CE reads 'jvālābhir utpanno'). Three-line verse as printed on the page = CE 13.85.15c, 16a and 16c (first line a recension variant).

Verse 20 (13.132.20)

मरीचिभ्यो मरीचिस्तु मारीचः कश्यपो ह्यभूत् । अङ्गारेभ्योऽङ्गिरास्तात वालखिल्याः कुशोच्चयात् ॥

marīcibhyo marīcistu mārīcaḥ kaśyapo hyabhūt | aṅgārebhyo'ṅgirāstāta vālakhilyāḥ kuśoccayāt

From the rays came Marichi, and Kashyapa was born as Marichi's son. From the embers came Angiras, my son, and from the heap of kusha grass the Valakhilyas.

Note on the text: Corrected अङ्गोरभ्यो → अङ्गारेभ्यो (misprint in Wikisource; CE reads 'aṅgārebhyo'). Two lines = CE 13.85.17a and 17c.

Verse 21 (13.132.21)

अत्रैवात्रेति च विभो जातमत्रिं वदन्त्यपि ॥

atraivātreti ca vibho jātamatriṃ vadantyapi

And they say, O lord, that Atri was born right here, named for the words 'right here'.

Note on the text: One-line verse as printed on the page (13-132-21a) = CE 13.85.17e.

Verse 22 (13.132.22)

तथा भस्मव्यपोहेभ्यो ब्रह्मर्षिगणसम्मताः । वैखानसाः समुत्पन्नास्तपः श्रुतगुणेप्सवः ॥

tathā bhasmavyapohebhyo brahmarṣigaṇasammatāḥ | vaikhānasāḥ samutpannāstapaḥ śrutaguṇepsavaḥ

Likewise from the heaps of ashes arose the Vaikhanasas, honoured by the host of Brahmin sages, seekers of austerity, learning and virtue.

Note on the text: Two lines = CE 13.85.18a and 18c.

Verse 23 (13.132.23)

अश्रुतोऽस्य समुत्पन्नावश्विनौ रूपसम्मतौ । शेषाः प्रजानां पतयः स्रोतोभ्यस्तस्य जज्ञिरे । ऋषयो रोमकूपेभ्यः स्वेदाच्छन्दो बलान्मनः ॥

aśruto'sya samutpannāvaśvinau rūpasammatau | śeṣāḥ prajānāṃ patayaḥ srotobhyastasya jajñire | ṛṣayo romakūpebhyaḥ svedācchando balānmanaḥ

From his tears were born the two Ashvins, pleasing in form; from his channels of sense the remaining Lords of Creatures; the sages from the pores of his skin; from his sweat the Vedic metre, and from his strength the mind.

Note on the text: Three-line verse as printed on the page = CE 13.85.18e, 19a and 19c.

Verse 24 (13.132.24)

एतस्मात्कारणादाहुरग्निः सर्वास्तु देवताः । ऋषयः श्रुतसम्पन्ना वेदप्रामाण्यदर्शनात् ॥

etasmātkāraṇādāhuragniḥ sarvāstu devatāḥ | ṛṣayaḥ śrutasampannā vedaprāmāṇyadarśanāt

For this reason they say that Agni is all the gods; and the learned sages say so on seeing the authority of the Veda.

Verse 25 (13.132.25)

यानि दारूणि निर्यासास्ते मासाः पक्षसंज्ञिताः । अहोरात्रा मुहूर्ताश्च वीतज्योतिश्च वारुणम् ॥

yāni dārūṇi niryāsāste māsāḥ pakṣasaṃjñitāḥ | ahorātrā muhūrtāśca vītajyotiśca vāruṇam

The logs and the saps are the months, known by their fortnights; they are the days and nights and the moments; and the faded flame belongs to Varuna.

Note on the text: Corresponds to CE 13.85.21 (recension variants in both lines).

Verse 26 (13.132.26)

रौद्रं लोहितमित्याहुर्लोहितात्कनकं स्मृतम् । तन्मैत्रमिति विज्ञेयं धूमाच्च वसवः स्मृताः ॥

raudraṃ lohitamityāhurlohitātkanakaṃ smṛtam | tanmaitramiti vijñeyaṃ dhūmācca vasavaḥ smṛtāḥ

They call the red flame Rudra's; from the red, gold is remembered to have come; that is to be known as Mitra's; and from the smoke the Vasus are remembered.

Verse 27 (13.132.27)

अर्चिषो याश्च ते रुद्रास्तथाऽऽदित्या महाप्रभाः । उद्दीप्तास्ते तथाऽङ्गारा ये धिष्ण्येषु दिवि स्थिताः ॥

arciṣo yāśca te rudrāstathā''dityā mahāprabhāḥ | uddīptāste tathā'ṅgārā ye dhiṣṇyeṣu divi sthitāḥ

The flames are those Rudras and the Adityas of great radiance; and the glowing embers are those that stand in the sky in their stations.

Verse 28 (13.132.28)

अग्निर्नाथश्च लोकस्य तत्परं ब्रह्म तद्भुवम् । सर्वकामदमित्याहुस्तत्र हव्यमुपावहन् ॥

agnirnāthaśca lokasya tatparaṃ brahma tadbhuvam | sarvakāmadamityāhustatra havyamupāvahan

Agni is the protector of the world; he is that supreme Brahman, that firm ground. They call him the granter of all desires, bearing the oblation there.

Note on the text: Corresponds to CE 13.85.24 (recension variants).

Verse 29 (13.132.29)

ततोऽब्रवीन्महादेवो वरुणः पवनात्मकः । मम सत्रमिदं दिव्यमहं गृहपतिस्त्विह ॥

tato'bravīnmahādevo varuṇaḥ pavanātmakaḥ | mama satramidaṃ divyamahaṃ gṛhapatistviha

Then the great god Varuna, whose nature is the wind, said: 'This divine sacrifice is mine, and I am the master of the house here.

Verse 30 (13.132.30)

त्रीणि पूर्वाण्यपत्यानि मम तानि न संशयः । इति जानीत खगमा मम यज्ञफलं हि तत् ॥

trīṇi pūrvāṇyapatyāni mama tāni na saṃśayaḥ | iti jānīta khagamā mama yajñaphalaṃ hi tat

The three earlier offspring are mine, without doubt. Know this, O sky-goers: that is the fruit of my sacrifice.'

Note on the text: Speaker: given to Varuna, whose direct speech fills the whole verse (the page prints no heading; the parser carried Vasishtha over).

Verse 31 (13.132.31)

मदङ्गेभ्यः प्रसूतानि मदाश्रयकृतानि च । ममैव तान्यपत्यानि वरुणो ह्यवशात्मकः ॥

madaṅgebhyaḥ prasūtāni madāśrayakṛtāni ca | mamaiva tānyapatyāni varuṇo hyavaśātmakaḥ

'Sprung from my limbs and made to rest on me, those offspring are mine alone, for Varuna is not his own master in this.'

Note on the text: Restored the second line from the critical edition (13.85.27c): Wikisource prints here a corrupt repeat of the second line of the next verse ('ममैव तान्मपत्यानि मम शुक्लं हुतं हि तत्'); CE reads 'mamaiva tāny apatyāni varuṇo hy avaśātmakaḥ'. First line = CE 13.85.27a.

Verse 32 (13.132.32)

अथाब्रवील्लोकगुरुर्ब्रह्मा लोकपितामहः । ममैव तान्यपत्यानि मम शुक्लं हुतं हि तत् ॥

athābravīllokagururbrahmā lokapitāmahaḥ | mamaiva tānyapatyāni mama śuklaṃ hutaṃ hi tat

Then Brahma, the teacher of the worlds, the Grandsire, said: 'They are mine alone, those offspring; the seed that was offered was mine.

Note on the text: Speaker: the page's Agni heading (13-132-31x) is a single heading before verse 31 and is not repeated; this verse opens with narration ('Then Brahma said') and Brahma's words, so it stays with the narrator Vasishtha. CE prints no heading change here.

Verse 33 (13.132.33)

अहं वक्ता च मन्त्रस्य होता शुक्रस्य चैव ह । यस्य बीजं फलं तस्य शुक्रं चेत्कारणं मतम् ॥

ahaṃ vaktā ca mantrasya hotā śukrasya caiva ha | yasya bījaṃ phalaṃ tasya śukraṃ cetkāraṇaṃ matam

I am the speaker of the mantra and the offerer of the seed. The fruit belongs to him whose seed it is, if the seed is held to be the cause.'

Note on the text: Speaker: Brahma's direct speech fills the whole verse (no heading printed; the Agni heading before verse 31 does not extend to it).

Verse 34 (13.132.34)

ततोऽब्रुवन्देवगणाः पितामहमुपेत्य वै । कृताञ्जलिपुटाः सर्वे शिरोभिरभिवन्द्य च ॥

tato'bruvandevagaṇāḥ pitāmahamupetya vai | kṛtāñjalipuṭāḥ sarve śirobhirabhivandya ca

Then the hosts of gods approached the Grandsire and, with palms joined and bowing their heads, said:

Note on the text: Speaker: narration by Vasishtha (not Agni).

Verse 35 (13.132.35)

वयं च भगवन्सर्वे जगच्च सचराचरम् । तवैव प्रसवाः सर्वे तस्मादग्निर्विभावसुः । वरुणश्चेश्वरो देवो लभतां काममीप्सितम् ॥

vayaṃ ca bhagavansarve jagacca sacarācaram | tavaiva prasavāḥ sarve tasmādagnirvibhāvasuḥ | varuṇaśceśvaro devo labhatāṃ kāmamīpsitam

'Lord, all of us and the whole world, moving and unmoving, are your offspring. Therefore let Agni Vibhavasu, and Varuna the lord god, obtain the wish they desire.'

Note on the text: Speaker: the gods' direct speech to Brahma fills the whole verse (no heading printed).

Verse 36 (13.132.36)

निसर्गाद्ब्रह्मणश्चापि वरुणो यादसाम्पतिः । जग्राह वै भृगुं पूर्वमपत्यं सूर्यवर्चसम् ॥

nisargādbrahmaṇaścāpi varuṇo yādasāmpatiḥ | jagrāha vai bhṛguṃ pūrvamapatyaṃ sūryavarcasam

By Brahma's own arrangement, Varuna, lord of the water creatures, first took Bhrigu as his offspring, radiant as the sun.

Note on the text: Corrected भृगु पूर्वमपत्यं → भृगुं पूर्वमपत्यं (misprint in Wikisource; dropped anusvara; CE reads 'bhṛguṃ').

Verse 37 (13.132.37)

ईश्वरोऽङ्गिरसं चाग्नेरपत्यार्थमकल्पयत् । पितामहस्त्वपत्यं वै कविं जग्राह तत्त्ववित् ॥

īśvaro'ṅgirasaṃ cāgnerapatyārthamakalpayat | pitāmahastvapatyaṃ vai kaviṃ jagrāha tattvavit

The Lord assigned Angiras to be Agni's offspring, and the Grandsire, knower of the truth, took Kavi as his offspring.

Note on the text: Corrected वैकविं → वै कविं (misprint in Wikisource; the words run together; CE reads 'vai kaviṃ').

Verse 38 (13.132.38)

तदा स वारुणिः ख्यातो भृगुः प्रसवकर्मकृत् । आग्नेयस्त्वङ्गिराः श्रीमान्कविर्ब्राह्मो महायशाः । भार्गवाङ्गिरसौ लोके लोकसन्तानलक्षणौ ॥

tadā sa vāruṇiḥ khyāto bhṛguḥ prasavakarmakṛt | āgneyastvaṅgirāḥ śrīmānkavirbrāhmo mahāyaśāḥ | bhārgavāṅgirasau loke lokasantānalakṣaṇau

Then Bhrigu, who performs the work of procreation, became known as Varuna's son; the glorious Angiras as Agni's; and Kavi, of great fame, as Brahma's. Bhargavas and Angirases are the marks of the world's lineage in the world.

Verse 39 (13.132.39)

एते विप्रवराः सर्वे प्रजानां पतयस्त्रयः । सर्वं सन्तानमेतेषामिदमित्युपधारय ॥

ete vipravarāḥ sarve prajānāṃ patayastrayaḥ | sarvaṃ santānameteṣāmidamityupadhāraya

These three are the foremost Brahmins, the Lords of Creatures; understand that the whole line of descent comes from them.

Verse 40 (13.132.40)

भृगोस्तु पुत्राः सप्तासन्सर्वे तुल्या भृगोर्गुणैः । च्यवनो वज्रशीर्षश्च शुचिरौर्वस्तथैव च ॥

bhṛgostu putrāḥ saptāsansarve tulyā bhṛgorguṇaiḥ | cyavano vajraśīrṣaśca śuciraurvastathaiva ca

Bhrigu had seven sons, all equal to Bhrigu in his qualities: Chyavana, Vajrashirsha, Shuchi, Aurva,

Verse 41 (13.132.41)

शुक्रो वरेण्यश्च विभुः सवनश्चेति सप्त ते । भार्गवा वारुणाः सर्वे येषां वंशे भवानपि ॥

śukro vareṇyaśca vibhuḥ savanaśceti sapta te | bhārgavā vāruṇāḥ sarve yeṣāṃ vaṃśe bhavānapi

Shukra, Varenya, Vibhu and Savana. These seven Bhargavas are all Varuna's, and you too are of their line.

Verse 42 (13.132.42)

अष्टौ चाङ्गिरसः पुत्रा वारुणास्तेऽप्यवारुणाः । बृहस्पतिरुचथ्यश्च वयस्यः शान्तिरेव च ॥

aṣṭau cāṅgirasaḥ putrā vāruṇāste'pyavāruṇāḥ | bṛhaspatirucathyaśca vayasyaḥ śāntireva ca

Angiras had eight sons, Varuna's and yet not Varuna's: Brihaspati, Uchathya, Vayasya, Shanti,

Verse 43 (13.132.43)

घोरो विरूपः संवर्तः सुधन्वा चाष्टमः स्मृतः । एतेऽष्टौ वह्निजाः सर्वे ज्ञाननिष्ठा निरामयाः ॥

ghoro virūpaḥ saṃvartaḥ sudhanvā cāṣṭamaḥ smṛtaḥ | ete'ṣṭau vahnijāḥ sarve jñānaniṣṭhā nirāmayāḥ

Ghora, Virupa, Samvarta, and Sudhanva, remembered as the eighth. These eight, born of fire, were all firm in knowledge and free from affliction.

Verse 44 (13.132.44)

ब्राह्मणाश्च कवेः पुत्रा वारुणास्तेऽप्युदाहृताः । अष्टौ प्रसवजैर्युक्ता गुणैर्ब्रह्मविदः शुभाः ॥

brāhmaṇāśca kaveḥ putrā vāruṇāste'pyudāhṛtāḥ | aṣṭau prasavajairyuktā guṇairbrahmavidaḥ śubhāḥ

The sons of Kavi were Brahmins, and they too are called Varuna's: eight of them, endowed with the qualities of their origin, auspicious knowers of Brahman.

Verse 45 (13.132.45)

कविः काव्यश्च विष्णुश्च बुद्धिमानुशना तथा । भृगुश्च वरुणश्चैव काश्यपोऽग्निश्च धर्मवित् ॥

kaviḥ kāvyaśca viṣṇuśca buddhimānuśanā tathā | bhṛguśca varuṇaścaiva kāśyapo'gniśca dharmavit

Kavi, Kavya, Vishnu, the wise Ushanas, Bhrigu, Varuna, Kashyapa and Agni, who knows dharma.

Note on the text: First line = CE 13.85.41a; the second line differs from the CE's (13.85.41c 'bhṛguś ca virajāś caiva kāśī cograś ca dharmavit'): recension variant, kept.

Verse 46 (13.132.46)

अष्टौ कविसुता ह्येते सर्वमेभिर्जगत्ततम् । प्रजापतय एते हि प्रजानां यैरिमाः प्रजाः ॥

aṣṭau kavisutā hyete sarvamebhirjagattatam | prajāpataya ete hi prajānāṃ yairimāḥ prajāḥ

These are the eight sons of Kavi, and by them the world is pervaded. They are Lords of Creatures, by whom these creatures were begotten.

Verse 47 (13.132.47)

एवमङ्गिरसश्चैव कवेश्च प्रसवान्वयैः । भृगोश्च भृगुशार्दूल वंशजैः सततं जगत् ॥

evamaṅgirasaścaiva kaveśca prasavānvayaiḥ | bhṛgośca bhṛguśārdūla vaṃśajaiḥ satataṃ jagat

Thus the world is continually carried on by the descendants of Angiras and of Kavi, and by the line of Bhrigu, O tiger of the Bhrigus.

Verse 48 (13.132.48)

वरुणश्चादितो विप्र जग्राह प्रभुरीश्वरः । कविं तात भृगुं चापि तस्मात्तौ वारुणौ स्मृतौ ॥

varuṇaścādito vipra jagrāha prabhurīśvaraḥ | kaviṃ tāta bhṛguṃ cāpi tasmāttau vāruṇau smṛtau

And Varuna, the mighty lord, took first Kavi and also Bhrigu, my son, O Brahmin; therefore those two are remembered as Varuna's.

Verse 49 (13.132.49)

जग्राहाङ्गिरसं देवः शिखी तस्माद्धुताशनः । तस्मादाङ्गिरसा ज्ञेयाः सर्व एव तदन्वयाः ॥

jagrāhāṅgirasaṃ devaḥ śikhī tasmāddhutāśanaḥ | tasmādāṅgirasā jñeyāḥ sarva eva tadanvayāḥ

The crested god took Angiras, and therefore he is the Oblation-eater; hence all of his line are to be known as Angirases.

Note on the text: Corrected तस्माद्भुताशनः → तस्माद्धुताशनः (misprint in Wikisource; CE reads 'tasmād dhutāśanaḥ').

Verse 50 (13.132.50)

ब्रह्मा पितामहः पूर्वं देवताभिः प्रसादितः । इमे नः सन्तरिष्यन्ति प्रजाभिर्जगदीश्वराः ॥

brahmā pitāmahaḥ pūrvaṃ devatābhiḥ prasāditaḥ | ime naḥ santariṣyanti prajābhirjagadīśvarāḥ

In the beginning the gods propitiated the Grandsire Brahma: 'These lords of the world will carry us across through their offspring.

Verse 51 (13.132.51)

सर्वे प्रजानां पतयः सर्वे चातितपस्विनः । त्वत्प्रसादादिमं लोकं धारयिष्यन्ति शाश्वतं ॥

sarve prajānāṃ patayaḥ sarve cātitapasvinaḥ | tvatprasādādimaṃ lokaṃ dhārayiṣyanti śāśvataṃ

All of them are Lords of Creatures and all of great austerity; by your grace they will uphold this world for ever.

Note on the text: Speaker: the gods' direct speech to Brahma continues through verse 56 (no heading printed); verse 50 opens with narration.

Verse 52 (13.132.52)

तथैव वंशकर्तारस्तव तेजोविवर्धनाः । भवेयुर्वेदविदुषः सर्वे च कृतिनस्तथा ॥

tathaiva vaṃśakartārastava tejovivardhanāḥ | bhaveyurvedaviduṣaḥ sarve ca kṛtinastathā

So too the founders of lineages, who increase your splendour, will all be learned in the Veda and accomplished.

Verse 53 (13.132.53)

देवपक्षचराः सौम्याः प्राजापत्या महर्षयः । अनन्तं ब्रह्म सत्यं च तपश्च परमं भुवि ॥

devapakṣacarāḥ saumyāḥ prājāpatyā maharṣayaḥ | anantaṃ brahma satyaṃ ca tapaśca paramaṃ bhuvi

They will move on the side of the gods, gentle, great sages of Prajapati's line; they will be endless Brahman, truth, and supreme austerity on earth.

Note on the text: First line = CE 13.85.49a; second line = CE star line 13.85.49d*0397_01.

Verse 54 (13.132.54)

सर्वे हि वयमेते च तवैव प्रसवाः प्रभो । देवानां ब्राह्मणानां च त्वं हि कर्ता पितामह ॥

sarve hi vayamete ca tavaiva prasavāḥ prabho | devānāṃ brāhmaṇānāṃ ca tvaṃ hi kartā pitāmaha

All of us and these too are only your offspring, lord; you, Grandsire, are the maker of the gods and of the Brahmins.

Verse 55 (13.132.55)

मारीचमादितः कृत्वा सर्वे चैवाथ भार्गवाः । अपत्यानीति सम्प्रेक्ष्य क्षमयाम पितामह ॥

mārīcamāditaḥ kṛtvā sarve caivātha bhārgavāḥ | apatyānīti samprekṣya kṣamayāma pitāmaha

Placing Marichi's line first, and then all the Bhargavas, regarding them as offspring, we beg your forgiveness, Grandsire.

Verse 56 (13.132.56)

अथ स्वेनैव रूपेण प्रजनिष्यन्ति वै प्रजाः । स्थापयिष्यन्ति चात्मानं युगादिनिधने तथा ॥

atha svenaiva rūpeṇa prajaniṣyanti vai prajāḥ | sthāpayiṣyanti cātmānaṃ yugādinidhane tathā

Then each, in his own form, will beget creatures, and they will keep themselves established from the beginning of the age to its end.'

Note on the text: Corrected रूपेणि → रूपेण (misprint in Wikisource; CE reads 'rūpeṇa'). = CE 13.85.52 (Wikisource 'स्वेनैव' for CE 'anenaiva' is a recension variant).

Verse 57 (13.132.57)

इत्युक्तः स तदा तैस्तु ब्रह्मा लोकपितामहः । तथेत्येवाब्रवीत्प्रीतस्तेऽपि जग्मुर्यथागतम् ॥

ityuktaḥ sa tadā taistu brahmā lokapitāmahaḥ | tathetyevābravītprītaste'pi jagmuryathāgatam

Thus addressed by them, Brahma, the Grandsire of the worlds, replied with pleasure, 'So be it,' and they too went away as they had come.

Note on the text: Corrected ततेत्येव → तथेत्येव (misprint in Wikisource; CE star line reads 'tathety eva'). Not in the critical edition's numbered text: star passage 13.85.52d*0398_01-02. Speaker: narration by Vasishtha again.

Verse 58 (13.132.58)

एवमेतत्पुरावृत्तं तस्य यज्ञे महात्मनः । देवश्रेष्ठस्य लोकादौ वारुणीं बिभ्रतस्तनुम् ॥

evametatpurāvṛttaṃ tasya yajñe mahātmanaḥ | devaśreṣṭhasya lokādau vāruṇīṃ bibhratastanum

Thus it happened long ago at the sacrifice of that great-souled one, the best of the gods, at the beginning of the worlds, when he bore the form of Varuna.

Verse 59 (13.132.59)

अग्निर्ब्रह्म पशुपतिः शर्वो रुद्रः प्रजापतिः । अग्नेरपत्यमेतद्वै सुवर्णमिति धारणाः ॥

agnirbrahma paśupatiḥ śarvo rudraḥ prajāpatiḥ | agnerapatyametadvai suvarṇamiti dhāraṇāḥ

Fire is Brahma, Pashupati, Sharva, Rudra and Prajapati. This gold is the offspring of Agni; such is the settled conviction.

Verse 60 (13.132.60)

अग्न्यभावे च कुरुते वह्निस्थानेषु काञ्चनम् । जामदग्न्यप्रमाणज्ञो वेदश्रुतिनिदर्शनात् ॥

agnyabhāve ca kurute vahnisthāneṣu kāñcanam | jāmadagnyapramāṇajño vedaśrutinidarśanāt

When there is no fire, one places gold in the places of fire. O son of Jamadagni, you know the authorities: this follows from the witness of the Veda and Shruti.

Note on the text: Corresponds to CE 13.85.55 (recension variants).

Verse 61 (13.132.61)

कुशस्तम्बे जुहोत्यग्निं सुवर्णे तत्र च स्थिते । वल्मीकस्य वपायां च कर्णे वाजस्य दक्षिणे ॥

kuśastambe juhotyagniṃ suvarṇe tatra ca sthite | valmīkasya vapāyāṃ ca karṇe vājasya dakṣiṇe

One offers to the fire in a clump of kusha grass where gold is placed, in the hollow of an anthill, in the right ear of a horse,

Note on the text: First line = CE 13.85.56a; second line = CE star line 13.85.56b*0399_01.

Verse 62 (13.132.62)

शकटोर्व्यां परस्याप्सु ब्राह्मणस्य करे तथा । हुते प्रीतिकरीमृद्धिं भगवांस्तत्र मन्यते ॥

śakaṭorvyāṃ parasyāpsu brāhmaṇasya kare tathā | hute prītikarīmṛddhiṃ bhagavāṃstatra manyate

in a cartway, in the waters of another, and in the hand of a Brahmin; when the offering is made there, the Blessed One (Agni) regards it as a pleasing prosperity.

Note on the text: Corrected शकटोर्व्या → शकटोर्व्यां (misprint in Wikisource; dropped anusvara — a locative is required in this list; the CE star line reads 'śakaṭorvyāṃ'). First line = CE star line 13.85.56b*0399_02; second line = CE 13.85.56c.

Verse 63 (13.132.63)

तस्मादग्निपराः सर्वे देवता इति शुश्रुम । ब्रह्मणो हि प्रभूतोऽग्निरग्नेरपि च काञ्चनम् ॥

tasmādagniparāḥ sarve devatā iti śuśruma | brahmaṇo hi prabhūto'gniragnerapi ca kāñcanam

Therefore we have heard that all the gods have fire as their highest; fire came forth from Brahma, and gold from fire.

Verse 64 (13.132.64)

तस्माद्ये वै प्रयच्छन्ति सुवर्णं धर्मदर्शिनः । देवतास्ते प्रयच्छन्ति समस्ता इति नः श्रुतम् ॥

tasmādye vai prayacchanti suvarṇaṃ dharmadarśinaḥ | devatāste prayacchanti samastā iti naḥ śrutam

So those who see dharma and give gold give, as we have heard, all the gods.

Verse 65 (13.132.65)

तस्य वा तपसो लोकान्गच्छतः परमां गतिम् । स्वर्लोके राजराज्येन सोभिषिच्येत भार्गव ॥

tasya vā tapaso lokāngacchataḥ paramāṃ gatim | svarloke rājarājyena sobhiṣicyeta bhārgava

As he goes by his austerity to the worlds, to the highest goal, he is anointed in heaven with the sovereignty of the king of kings, O Bhargava.

Verse 66 (13.132.66)

आदित्योदयने प्राप्ते विधिमन्त्रपुरस्कृतम् । ददाति काञ्चनं यो वै दुःस्वप्नं प्रतिहन्ति सः ॥

ādityodayane prāpte vidhimantrapuraskṛtam | dadāti kāñcanaṃ yo vai duḥsvapnaṃ pratihanti saḥ

He who, when the sun is about to rise, gives gold according to rite and with mantras, destroys bad dreams.

Note on the text: Corrected यो वाः → यो वै (misprint in Wikisource; CE reads 'yo vai').

Verse 67 (13.132.67)

ददात्युदितमात्रे यस्तस्य पाप्मा विधूयते । मध्याह्ने ददतो रुक्मं हन्ति पापमनागतम् ॥

dadātyuditamātre yastasya pāpmā vidhūyate | madhyāhne dadato rukmaṃ hanti pāpamanāgatam

He who gives it just as the sun has risen has his sin shaken off; he who gives gold at midday destroys the sin that has not yet come.

Note on the text: Corrected यस्यस्य → यस्तस्य (misprint in Wikisource; CE reads 'yas tasya').

Verse 68 (13.132.68)

ददाति पश्चिमां सन्ध्यां यः सुवर्णं यतव्रतः । ब्रह्मवाय्वग्निसोमानां सालोक्यमुपयाति सः ॥

dadāti paścimāṃ sandhyāṃ yaḥ suvarṇaṃ yatavrataḥ | brahmavāyvagnisomānāṃ sālokyamupayāti saḥ

He who, firm in his vows, gives gold at the western twilight, attains the same world as Brahma, Vayu, Agni and Soma.

Note on the text: Corrected पस्चिमां → पश्चिमां (misprint in Wikisource; CE reads 'paścimāṃ').

Verse 69 (13.132.69)

सेन्द्रेषु चैव लोकेषु प्रतिष्ठा विन्दते शुभाम् । इह लोके यशः प्राप्य शान्तपाप्मा च मोदते ॥

sendreṣu caiva lokeṣu pratiṣṭhā vindate śubhām | iha loke yaśaḥ prāpya śāntapāpmā ca modate

He wins an auspicious standing even in the worlds where Indra dwells; having gained fame in this world, free of sin, he rejoices.

Verse 70 (13.132.70)

ततः सम्पद्यतेऽन्येषु लोकेष्वप्रतिमः सदा । अनावृतगतिश्चैव कामचारो भवत्युत ॥

tataḥ sampadyate'nyeṣu lokeṣvapratimaḥ sadā | anāvṛtagatiścaiva kāmacāro bhavatyuta

Then in the other worlds he is ever without an equal; his course is unobstructed, and he moves as he wills.

Verse 71 (13.132.71)

न च क्षरति तेभ्यश्च यशश्चैवाप्नुते महत् । सुवर्णमक्षयं दत्त्वा लोकांश्चाप्नोति पुष्कलान् ॥

na ca kṣarati tebhyaśca yaśaścaivāpnute mahat | suvarṇamakṣayaṃ dattvā lokāṃścāpnoti puṣkalān

He does not fall from them, and wins great fame; having given imperishable gold he gains abundant worlds.

Note on the text: Corresponds to CE 13.85.65 (recension variants).

Verse 72 (13.132.72)

यस्तु सञ्जनयित्वाऽग्निमादित्योदयनं प्रति । दद्याद्वै व्रतमुद्दिश्य सर्वकामान्समश्नुते ॥

yastu sañjanayitvā'gnimādityodayanaṃ prati | dadyādvai vratamuddiśya sarvakāmānsamaśnute

But he who, having kindled fire, gives toward sunrise with a vow in mind, obtains all his desires.

Note on the text: Removed a stray zero-width non-joiner after द्याद् (दद्याद्‌वै → दद्याद्वै).

Verse 73 (13.132.73)

अग्निरित्येव तत्प्राहुः प्रदानं च सुखावहम् । यथेष्टगुणसंवृत्तं प्रवर्तकमिति स्मृतम् ॥

agnirityeva tatprāhuḥ pradānaṃ ca sukhāvaham | yatheṣṭaguṇasaṃvṛttaṃ pravartakamiti smṛtam

That, they say, is simply Agni; the gift brings happiness, is endowed with every desired quality, and is remembered as the prompter of all.

Note on the text: Corresponds to CE 13.85.67 (recension variants).

Verse 74 (13.132.74)

एषा सुवर्णस्योत्पत्तिः कथिता ते मयाऽनघ । कार्तिकेयस्य च विभो तद्विद्धि भृगुनन्दन ॥

eṣā suvarṇasyotpattiḥ kathitā te mayā'nagha | kārtikeyasya ca vibho tadviddhi bhṛgunandana

This is the origin of gold, which I have told you, sinless one, and of Kartikeya too, O lord; know it, joy of the Bhrigus.

Note on the text: Not in the critical edition's numbered text: star passage 13.85.67d*0401_01-02.

Verse 75 (13.132.75)

कार्तिकेयस्तु संवृद्धः कालेन महता तदा । देवैः सेनापतित्वेन वृतः सेन्द्रैर्भृगूद्वह ॥

kārtikeyastu saṃvṛddhaḥ kālena mahatā tadā | devaiḥ senāpatitvena vṛtaḥ sendrairbhṛgūdvaha

Kartikeya, when he had grown great after a long time, was chosen by the gods with Indra as their commander, O scion of Bhrigu.

Note on the text: Not in the critical edition's numbered text: star passage 13.85.67d*0401_03-04.

Verse 76 (13.132.76)

जघान तारकं चापि दैत्यमन्यांस्तथाऽसुरान् । त्रिदशेन्द्राज्ञया ब्रह्मँल्लोकानां हितकाम्यया ॥

jaghāna tārakaṃ cāpi daityamanyāṃstathā'surān | tridaśendrājñayā brahmam̐llokānāṃ hitakāmyayā

By the command of the Lord of the Thirty gods, and desiring the welfare of the worlds, he slew the Daitya Taraka and other asuras, Brahmin.

Note on the text: Not in the critical edition's numbered text: star passage 13.85.67d*0401_05-06.

Verse 77 (13.132.77)

सुवर्णदाने च मया कथितास्ते गुणा विभो । तस्मात्सुवर्णं विप्रेभ्यः प्रयच्छ ददतां वर ॥

suvarṇadāne ca mayā kathitāste guṇā vibho | tasmātsuvarṇaṃ viprebhyaḥ prayaccha dadatāṃ vara

And I have told you, lord, the merits of the gift of gold; therefore, best of givers, give gold to the Brahmins.

Note on the text: Corrected तदतांवर → ददतां वर (misprint in Wikisource; CE star line reads 'dadatāṃ vara'). Not in the critical edition's numbered text: star passage 13.85.67d*0401_07-08.

Verse 78 (13.132.78)

इत्युक्तः स वसिष्ठेन जामदग्न्यः प्रतापवान् । ददौ सुवर्णं विप्रेभ्यो व्यमुच्यत च किल्बिषात् ॥

ityuktaḥ sa vasiṣṭhena jāmadagnyaḥ pratāpavān | dadau suvarṇaṃ viprebhyo vyamucyata ca kilbiṣāt

Thus addressed by Vasishtha, the mighty son of Jamadagni gave gold to the Brahmins and was freed from his sin.

Note on the text: Corrected विप्रभ्यो → विप्रेभ्यो (misprint in Wikisource; CE reads 'viprebhyo').

Verse 79 (13.132.79)

एतत्ते सर्वमाख्यातं सुवर्णस्य महीपते । प्रदानस्य फलं चैव जन्म चास्य युधिष्ठिर ॥

etatte sarvamākhyātaṃ suvarṇasya mahīpate | pradānasya phalaṃ caiva janma cāsya yudhiṣṭhira

I have told you all this about gold, O lord of the earth, about the fruit of giving it and about its birth, Yudhishthira.

Note on the text: Corresponds to CE 13.85.69 (the second line is a recension variant: CE 'janma cāgnyam anuttamam').

Verse 80 (13.132.80)

तस्मात्त्वमपि विप्रेभ्यः प्रयच्छ कनकं बहु । ददत्सुवर्णं नृपते किल्बिषाद्विप्रमोक्ष्यसि ॥

tasmāttvamapi viprebhyaḥ prayaccha kanakaṃ bahu | dadatsuvarṇaṃ nṛpate kilbiṣādvipramokṣyasi

Therefore you too give much gold to the Brahmins. By giving gold, O king, you will be freed from sin.

Note on the text: Corrected कनकं बहुः → कनकं बहु (misprint in Wikisource; CE reads 'bahu').