Nimi's Shraddha and Atri's Rules

Verse 1 (13.138.1)

केन सङ्कल्पितं श्राद्धं कस्मिन्काले किमात्मकम् । भृग्वङ्गिरसिके काले मुनिना कतरेण वा ॥

kena saṅkalpitaṃ śrāddhaṃ kasminkāle kimātmakam | bhṛgvaṅgirasike kāle muninā katareṇa vā

By whom was the shraddha first devised, in what age, and of what nature? Was it in the time of the Bhrigus and Angirases, and by which sage?

Verse 2 (13.138.2)

येन सङ्कल्पितं चैव तन्मे ब्रूहि पितामह । कानि श्राद्धेषु वर्ज्यानि कानि मूलफलानि च । धान्यजात्यश्च का वर्ज्यास्तन्मे ब्रूहि पितामह ॥

yena saṅkalpitaṃ caiva tanme brūhi pitāmaha | kāni śrāddheṣu varjyāni kāni mūlaphalāni ca | dhānyajātyaśca kā varjyāstanme brūhi pitāmaha

Tell me, grandsire, by whom it was devised. Tell me what things are to be avoided in shraddhas, and which roots and fruits; and which kinds of grain are to be avoided. Tell me that, grandsire.

Note on the text: Removed a stray backtick before येन. Three-line verse as printed on the page (13-138-2): the first line is not in the critical edition (vulgate-only); the second and third lines are CE 13,091.002a and 13,091.002c.

Verse 3 (13.138.3)

यथा श्राद्धं सम्प्रवृत्तं यस्मिन्काले सदात्मकम् । येन सङ्कल्पितं चैव तन्मे शृणु जनाधिप ॥

yathā śrāddhaṃ sampravṛttaṃ yasminkāle sadātmakam | yena saṅkalpitaṃ caiva tanme śṛṇu janādhipa

Hear from me, king of men, how the shraddha came into practice, at what time, of what nature, and by whom it was devised.

Verse 4 (13.138.4)

स्वायम्भुवोऽत्रिः कौरव्य परमर्षिः प्रतापवान् । तस्य वंशे महाराज दत्तात्रेय इति स्मृतः ॥

svāyambhuvo'triḥ kauravya paramarṣiḥ pratāpavān | tasya vaṃśe mahārāja dattātreya iti smṛtaḥ

Atri, descendant of Svayambhu, was a great rishi of mighty power, O Kaurava. In his line, great king, was born the one remembered as Dattatreya.

Verse 5 (13.138.5)

दत्तात्रेयस्य पुत्रोऽभून्निमिर्नाम तपोधनः । निमेश्चाप्यभवत्पुत्रः श्रीमान्नाम श्रिया वृतः ॥

dattātreyasya putro'bhūnnimirnāma tapodhanaḥ | nimeścāpyabhavatputraḥ śrīmānnāma śriyā vṛtaḥ

Dattatreya had a son, an ascetic named Nimi; and Nimi had a son named Shriman, who was surrounded by splendour.

Verse 6 (13.138.6)

पूर्णो वर्षसहस्रान्ते स कृत्वा दुष्करं तपः । कालधर्मपरीतात्मा निधनं समुपागतः ॥

pūrṇo varṣasahasrānte sa kṛtvā duṣkaraṃ tapaḥ | kāladharmaparītātmā nidhanaṃ samupāgataḥ

When a full thousand years had passed, having performed hard austerity, he was overtaken by the law of time and met his end.

Verse 7 (13.138.7)

निमिस्तु कृत्वा शौचानि विधिदृष्टेन कर्मणा । सन्तापमगमत्तीव्रं पुत्रशोकपरायणः ॥

nimistu kṛtvā śaucāni vidhidṛṣṭena karmaṇā | santāpamagamattīvraṃ putraśokaparāyaṇaḥ

Nimi, having performed the purifying rites according to the prescribed procedure, fell into sharp grief, wholly given over to sorrow for his son.

Note on the text: Corrected तीप्रं → तीव्रं (misprint in Wikisource; प for व; CE 'tīvraṃ').

Verse 8 (13.138.8)

अथ कृत्वोपकार्याणि चतुर्दश्यां महामतिः । तमेव गणयञ्शोकं विरात्रे प्रत्यबुध्यत ॥

atha kṛtvopakāryāṇi caturdaśyāṃ mahāmatiḥ | tameva gaṇayañśokaṃ virātre pratyabudhyata

Then on the fourteenth day that wise man made the preparations, and, dwelling only on that grief, he awoke at the close of the night.

Verse 9 (13.138.9)

तस्यासीत्प्रतिबुद्धस्य शोकेन व्यथितात्मनः । मनः संहृत्य विषये बुद्धिर्विस्तारगामिनी ॥

tasyāsītpratibuddhasya śokena vyathitātmanaḥ | manaḥ saṃhṛtya viṣaye buddhirvistāragāminī

As he woke, tormented by grief, he drew his mind back from its object, and his thought began to range widely.

Verse 10 (13.138.10)

ततः सञ्चिन्तयामास श्राद्धकल्पं समाहितः । यानि तस्यैव भोज्यानि मूलानि च फलानि च ॥

tataḥ sañcintayāmāsa śrāddhakalpaṃ samāhitaḥ | yāni tasyaiva bhojyāni mūlāni ca phalāni ca

Then, composed, he thought out the rite of shraddha: the foods that were to be his offering, the roots and the fruits,

Verse 11 (13.138.11)

उक्तानि यानि चान्यानि यानि चेष्टानि तस्य ह । तानि सर्वाणि मनसा विनिश्चित्य तपोधनः ॥

uktāni yāni cānyāni yāni ceṣṭāni tasya ha | tāni sarvāṇi manasā viniścitya tapodhanaḥ

and the other things that had been named and those that were dear to him. Having settled all this in his mind, that ascetic,

Verse 12 (13.138.12)

अमावास्यां महाप्राज्ञो विप्रानानाय्य पूजितान् । दक्षिणावर्तिकाः सर्वा बृसीः स्वयमथाकरोत् ॥

amāvāsyāṃ mahāprājño viprānānāyya pūjitān | dakṣiṇāvartikāḥ sarvā bṛsīḥ svayamathākarot

on the new-moon day, brought honoured brahmins, and himself laid out all the seats in the rightward fashion.

Verse 13 (13.138.13)

सप्त विप्रांस्ततो भोज्ये युगपत्समुपानयत् । ऋते च लवणं भोज्यं श्यामाकान्नं ददौ प्रभुः ॥

sapta viprāṃstato bhojye yugapatsamupānayat | ṛte ca lavaṇaṃ bhojyaṃ śyāmākānnaṃ dadau prabhuḥ

Then he brought seven brahmins to the meal at once; and that lord gave them food of shyamaka millet, without salt.

Verse 14 (13.138.14)

दक्षिणाग्रास्ततो दर्भा विष्टरेषु निवेशिताः । पादयोश्चैव विप्राणां ये त्वन्नमुपभुञ्जते ॥

dakṣiṇāgrāstato darbhā viṣṭareṣu niveśitāḥ | pādayoścaiva viprāṇāṃ ye tvannamupabhuñjate

Then darbha grass with its tips pointing south was laid on the seats, and likewise at the feet of the brahmins who were partaking of the food.

Verse 15 (13.138.15)

कृत्वा च दक्षिणाग्रान्वै दर्भान्स प्रयतः शुचिः । प्रददौ श्रीमते पिण्डान्नामगोत्रमुदाहरन् ॥

kṛtvā ca dakṣiṇāgrānvai darbhānsa prayataḥ śuciḥ | pradadau śrīmate piṇḍānnāmagotramudāharan

Having placed darbha grass with its tips to the south, he, restrained and pure, offered the rice-balls to Shriman, uttering his name and gotra.

Note on the text: Corrected दक्षिणाग्नान् → दक्षिणाग्रान् (misprint in Wikisource; न for र; CE 'dakṣiṇāgrān').

Verse 16 (13.138.16)

तत्कृत्वा स मुनिश्रेष्ठो धर्मसङ्करमात्मनः । पश्चात्तापेन महता तप्यमानोऽभ्यचिन्तयत् ॥

tatkṛtvā sa muniśreṣṭho dharmasaṅkaramātmanaḥ | paścāttāpena mahatā tapyamāno'bhyacintayat

Having done this, that foremost of sages, burning with great remorse over the breach of dharma he had committed, thought:

Verse 17 (13.138.17)

अकृतं मुनिभिः पूर्वं किं मयेदमनुष्ठितम् । कथं नु शापेन न मां दहेयुर्ब्राह्मणा इति ॥

akṛtaṃ munibhiḥ pūrvaṃ kiṃ mayedamanuṣṭhitam | kathaṃ nu śāpena na māṃ daheyurbrāhmaṇā iti

"What was never done before by the sages, why have I done it? How will the brahmins not burn me with a curse?"

Verse 18 (13.138.18)

ततः सञ्चिन्तयामास वंशकर्तारमात्मनः । बुद्ध्वाऽत्रिं मनसा दध्यौ भगवन्तं समाहितः । ध्यातमात्रस्तथा चात्रिराजगाम तपोधनः ॥

tataḥ sañcintayāmāsa vaṃśakartāramātmanaḥ | buddhvā'triṃ manasā dadhyau bhagavantaṃ samāhitaḥ | dhyātamātrastathā cātrirājagāma tapodhanaḥ

Then he thought of the founder of his own line. Having conceived of the revered Atri in his mind, he meditated, composed; and the moment he was thought of, Atri, rich in austerity, arrived.

Note on the text: Removed a stray backtick before बुद्ध्वा. Three-line verse as printed on the page (13-138-18a,b,c). Matched by hand to CE 13,091.018: the first and third lines are CE 13,091.018a and 13,091.018c; the middle line is star line 13,091.016b*0414_01 ('buddhvātriṃ manasā dadhyau bhagavantaṃ samāhitaḥ'), which the CE prints after 16a.

Verse 19 (13.138.19)

अथात्रिस्तं तथा दृष्ट्वा पुत्रशोकेन कर्शितम् । भृशमाश्वासयामास वाग्भिरिष्टाभिरव्ययः ॥

athātristaṃ tathā dṛṣṭvā putraśokena karśitam | bhṛśamāśvāsayāmāsa vāgbhiriṣṭābhiravyayaḥ

Then Atri, the undiminished sage, seeing him wasted by grief for his son, comforted him greatly with kind words.

Note on the text: Speaker: narration by Bhishma; Atri's own speech begins with the next verse (the page prints no heading for it).

Verse 20 (13.138.20)

निमे सङ्कल्पितस्तेऽयं पितृयज्ञस्तपोधन । मतो मे पूर्वदृष्टोऽत्र धर्मोऽयं ब्रह्मणा स्वयम् ॥

nime saṅkalpitaste'yaṃ pitṛyajñastapodhana | mato me pūrvadṛṣṭo'tra dharmo'yaṃ brahmaṇā svayam

Nimi, this rite for the ancestors that you have devised, ascetic, I approve; for this dharma was seen of old, here, by Brahma himself.

Note on the text: Speaker: Atri's direct speech to Nimi, filling verses 20-44 (the page prints no heading for it; the critical edition also prints none).

Verse 21 (13.138.21)

सोऽयं स्वयम्भुविहितो धर्मः सङ्कल्पितस्त्वया । ऋते स्वयम्भुवः कोऽन्यः श्राद्धे संविधिमाहरेत् ॥

so'yaṃ svayambhuvihito dharmaḥ saṅkalpitastvayā | ṛte svayambhuvaḥ ko'nyaḥ śrāddhe saṃvidhimāharet

This dharma, ordained by Svayambhu, you have conceived on your own. Apart from Svayambhu, who else could bring a rule into shraddha?

Note on the text: Corrected सोयं स्वयभुविहितो → सोऽयं स्वयम्भुविहितो (misprints in Wikisource; missing avagraha and a dropped म्; CE 'so 'yaṃ svayaṃbhuvihito').

Verse 22 (13.138.22)

अथाख्यास्यामि ते पुत्र श्राद्धे यं विधिमुत्तमम् । स्वयम्भुविहितं पुत्र तत्कुरुष्व निबोध मे ॥

athākhyāsyāmi te putra śrāddhe yaṃ vidhimuttamam | svayambhuvihitaṃ putra tatkuruṣva nibodha me

Now, my son, I shall tell you the excellent rule in shraddha, ordained by Svayambhu. Listen to me, my son, and carry it out.

Note on the text: Corrected श्राद्दे → श्राद्धे (misprint in Wikisource; broken conjunct). Matched by hand to CE 13,091.022 (variant: CE 'ākhyāsyāmi ca te bhūyaḥ śrāddheyaṃ vidhim uttamam').

Verse 23 (13.138.23)

कृत्वाऽग्निशरणं पूर्वं मन्त्रपूर्वं तपोधन । ततोऽग्नयेऽथ सोमाय वरुणाय च नित्यशः ॥

kṛtvā'gniśaraṇaṃ pūrvaṃ mantrapūrvaṃ tapodhana | tato'gnaye'tha somāya varuṇāya ca nityaśaḥ

First, ascetic, having prepared the place of the fire, with mantras, then to Agni, to Soma and to Varuna, always.

Note on the text: Matched by hand to CE 13,091.023 (variant: CE 'kṛtvāgnikaraṇaṃ pūrvaṃ mantrapūrvaṃ tapodhana / tato 'ryamṇe ca somāya varuṇāya ca nityaśaḥ').

Verse 24 (13.138.24)

विश्वेदेवाश्च ये नित्यं पितृभिः सह गोचराः । तेभ्यः सङ्कल्पिता भागाः स्वयमेव स्वयम्भुवा ॥

viśvedevāśca ye nityaṃ pitṛbhiḥ saha gocarāḥ | tebhyaḥ saṅkalpitā bhāgāḥ svayameva svayambhuvā

And the Vishvedevas, who always move together with the ancestors: shares were assigned to them by Svayambhu himself.

Note on the text: Corrected विश्वेदवाश्च यि → विश्वेदेवाश्च ये (misprints in Wikisource; missing े twice; CE 'viśvedevāś ca ye').

Verse 25 (13.138.25)

स्तोतव्या चेह पृथिवी लोकस्यैव तु धारिणी । वैष्णवी काश्यपि चेति तथैवेहाक्षयेति च ॥

stotavyā ceha pṛthivī lokasyaiva tu dhāriṇī | vaiṣṇavī kāśyapi ceti tathaivehākṣayeti ca

And here the Earth, the supporter of the world, is to be praised, as Vaishnavi, as Kashyapi, and likewise as the Imperishable.

Verse 26 (13.138.26)

उदकानयने चैव स्तोतव्यो वरुणो विभुः । ततोऽग्निश्चैव सोमश्च आराध्याविह तेऽनघ ॥

udakānayane caiva stotavyo varuṇo vibhuḥ | tato'gniścaiva somaśca ārādhyāviha te'nagha

And when the water is brought, the lord Varuna is to be praised; then Agni and Soma are to be worshipped here too, O sinless one.

Verse 27 (13.138.27)

देवास्तु पितरो नाम निर्मिता ये स्वयम्भुवा । ऊष्मपा ये महाभागास्तेषां भागः प्रकल्पितः ॥

devāstu pitaro nāma nirmitā ye svayambhuvā | ūṣmapā ye mahābhāgāsteṣāṃ bhāgaḥ prakalpitaḥ

The gods named the Pitaras, who were made by Svayambhu, the Ushmapas of great fortune: a share has been assigned to them.

Verse 28 (13.138.28)

ते श्राद्धेनार्च्यमाना वै विमुच्यन्ते ह किल्बिषात् । सप्तकाः पितृवंशास्तु पूर्वदृष्टाः स्वयंभुवा ॥

te śrāddhenārcyamānā vai vimucyante ha kilbiṣāt | saptakāḥ pitṛvaṃśāstu pūrvadṛṣṭāḥ svayaṃbhuvā

When honoured with shraddha, they are released from their sin. The ancestral lines in sevens were envisioned of old by Svayambhu.

Verse 29 (13.138.29)

विश्वे चाग्निमुखा देवाः संख्याताः पूर्वमेव ते । तेषां नामानि वक्ष्यामि भागार्हाणां महात्मनाम् ॥

viśve cāgnimukhā devāḥ saṃkhyātāḥ pūrvameva te | teṣāṃ nāmāni vakṣyāmi bhāgārhāṇāṃ mahātmanām

The Vishvedevas, headed by Agni, have been enumerated before. I shall tell you the names of those great ones who are worthy of shares.

Verse 30 (13.138.30)

सहः कृतिर्विपाप्मा च पुण्यकृत्पावनस्तथा । ग्राम्यः क्षेम्यः समूहश्च दिव्यसानुस्तथैव च ॥

sahaḥ kṛtirvipāpmā ca puṇyakṛtpāvanastathā | grāmyaḥ kṣemyaḥ samūhaśca divyasānustathaiva ca

Saha, Kriti, Vipapma, Punyakrit and Pavana; Gramya, Kshemya, Samuha and Divyasanu;

Verse 31 (13.138.31)

विवस्वान्वीर्यवाञ्श्रीमान्कीर्तिमान्कृत एव च । जितात्मा मुनिवीर्यश्च दीप्तरोमा भयङ्करः ॥

vivasvānvīryavāñśrīmānkīrtimānkṛta eva ca | jitātmā munivīryaśca dīptaromā bhayaṅkaraḥ

Vivasvan, Viryavan, Shriman, Kirtiman and Krita; Jitatma, Munivirya, Diptaroma and Bhayankara;

Note on the text: Matched by hand to CE: the first line is a variant of CE 13,091.031a, the second a variant of CE 13,091.035c (the CE order of the names differs).

Verse 32 (13.138.32)

अनुकर्मा प्रतीतश्च प्रदाताऽप्यंशुमांस्तथा । शैलाभः परमक्रोधी धीरोष्णी भूपतिस्तथा ॥

anukarmā pratītaśca pradātā'pyaṃśumāṃstathā | śailābhaḥ paramakrodhī dhīroṣṇī bhūpatistathā

Anukarma, Pratita, Pradata and Amshuman; Shailabha, Paramakrodhi, Dhiroshni and Bhupati;

Verse 33 (13.138.33)

स्रजी वज्री वरी चैव विश्वेदेवाः सनातनाः । विद्युद्वर्चाः सोमवर्चाः सूर्यश्रीश्चेति नामतः ॥

srajī vajrī varī caiva viśvedevāḥ sanātanāḥ | vidyudvarcāḥ somavarcāḥ sūryaśrīśceti nāmataḥ

Sraji, Vajri and Vari, the eternal Vishvedevas; Vidyudvarcha, Somavarcha and Suryashri by name;

Note on the text: Corrected स्रजो वज्रीवरी → स्रजी वज्री वरी (misprint in Wikisource; the names are Sraji, Vajri, Vari; CE 'srajī vajrī varī'). Matched by hand to CE: the first line is CE 13,091.037a, the second is a variant of CE 13,091.031c.

Verse 34 (13.138.34)

सोमपः सूर्यसावित्रो दत्तात्मा पुण्डरीयकः । उष्णीनाभो नभोदश्च विश्वायुर्दीप्तिरेव च ॥

somapaḥ sūryasāvitro dattātmā puṇḍarīyakaḥ | uṣṇīnābho nabhodaśca viśvāyurdīptireva ca

Somapa, Suryasavitra, Dattatma and Pundariyaka; Ushninabha, Nabhoda, Vishvayu and Dipti;

Verse 35 (13.138.35)

चमूहरः सुरेशश्च व्योमारिः शङ्करो भवः । ईशः कर्ता कृतिर्दक्षो भुवनो दिव्यकर्मकृत् ॥

camūharaḥ sureśaśca vyomāriḥ śaṅkaro bhavaḥ | īśaḥ kartā kṛtirdakṣo bhuvano divyakarmakṛt

Chamuhara, Suresha, Vyomari, Shankara and Bhava; Isha, Karta, Kriti, Daksha, Bhuvana and Divyakarmakrit;

Verse 36 (13.138.36)

गणितः पञ्चवीर्यश्च आदित्यो रश्मिवांस्तथा । सप्तकृत्सोमवर्चाश्च विश्वकृत्कविरेव च ॥

gaṇitaḥ pañcavīryaśca ādityo raśmivāṃstathā | saptakṛtsomavarcāśca viśvakṛtkavireva ca

Ganita, Panchavirya, Aditya and Rashmiman; Saptakrit, Somavarcha, Vishvakrit and Kavi;

Verse 37 (13.138.37)

अनुगोप्ता सुगोप्ता च नप्ता चेश्वर एव च । कीर्तितास्ते महाभागाः कालस्य गतिगोचराः ॥

anugoptā sugoptā ca naptā ceśvara eva ca | kīrtitāste mahābhāgāḥ kālasya gatigocarāḥ

Anugopta, Sugopta, Napta and Ishvara. These great and fortunate ones have been named; they move within the course of Time.

Note on the text: Matched by hand to CE: the first line is CE 13,091.035a, the second is CE 13,091.037c.

Verse 38 (13.138.38)

अश्राद्धेयानि धान्यानि कोद्रवाः पुलकास्तथा । हिङ्गुद्रवेषु शाकेषु मूलानां लशुनं तथा ॥

aśrāddheyāni dhānyāni kodravāḥ pulakāstathā | hiṅgudraveṣu śākeṣu mūlānāṃ laśunaṃ tathā

Grains not fit for shraddha are kodrava and pulaka; also asafoetida-liquids used in vegetable dishes, and among roots, garlic;

Verse 39 (13.138.39)

पलाण्डुः सौभाञ्जनकस्तथा गृञ्जनकादयः । कूश्माण्डजात्यलाबुं च कृष्णं लवणमेव च ॥

palāṇḍuḥ saubhāñjanakastathā gṛñjanakādayaḥ | kūśmāṇḍajātyalābuṃ ca kṛṣṇaṃ lavaṇameva ca

onion, saubhanjanaka and grinjanaka and the like; the pumpkin, the gourd of its kind, and black salt;

Verse 40 (13.138.40)

ग्राम्यवाराहमांसं च यच्चैवाप्रोक्षितं भवेत् । कृष्णाजं जीरकं चैव शीतपाकी तथैव च । अङ्कुराद्यास्तथा वर्ज्या इह शृङ्गाटकानि च ॥

grāmyavārāhamāṃsaṃ ca yaccaivāprokṣitaṃ bhavet | kṛṣṇājaṃ jīrakaṃ caiva śītapākī tathaiva ca | aṅkurādyāstathā varjyā iha śṛṅgāṭakāni ca

the meat of village pigs, and whatever has not been sprinkled with water; black cumin and cumin, and shitapaki; shoots and the like are to be avoided, and water chestnuts here as well.

Note on the text: Three-line verse as printed on the page (13-138-40a,b,c). कृष्णाजं is read as black cumin (the CE has 'kṛṣṇājājī' at 13,091.040c); the vulgate wording is shorter.

Verse 41 (13.138.41)

वर्जयेल्लवणं सर्वं तथा जम्बूफलानि च । अवक्षुतावरुदितं तथा श्राद्धे च वर्जयेत् ॥

varjayellavaṇaṃ sarvaṃ tathā jambūphalāni ca | avakṣutāvaruditaṃ tathā śrāddhe ca varjayet

One should avoid all salt, and rose-apple fruits; and at a shraddha one should avoid sneezing and weeping.

Verse 42 (13.138.42)

निवापे हव्यकव्ये वा गर्हितं च श्वदर्शनम् । पितरश्च हि देवाश्च नाभिनन्दन्ति तद्धविः ॥

nivāpe havyakavye vā garhitaṃ ca śvadarśanam | pitaraśca hi devāśca nābhinandanti taddhaviḥ

At the offering, whether for gods or for ancestors, the sight of a dog is condemned; the ancestors and the gods do not delight in that oblation.

Note on the text: Corrected सुदर्शनम् → श्वदर्शनम् (misprint in Wikisource; 'sudarśanam' makes no sense in context; CE 13,091.042a reads 'garhitaṃ ca śvadarśanam', the sight of a dog). Matched by hand to CE 13,091.042.

Verse 43 (13.138.43)

चण्डालश्वपचौ वर्ज्यौ निवापे समुपस्थिते । काषायवासाः कुष्ठी वा पतितो ब्रह्महाऽपि वा ॥

caṇḍālaśvapacau varjyau nivāpe samupasthite | kāṣāyavāsāḥ kuṣṭhī vā patito brahmahā'pi vā

When the offering is at hand, the chandala and the shvapacha are to be excluded; so too one in ochre robes, a leper, an outcast, or a killer of a brahmin.

Verse 44 (13.138.44)

सङ्कीर्णयोनिर्विप्रश्च सम्बन्धी पतितश्च यः । वर्जनीया बुधैरेते निवापे समुपस्थिते ॥

saṅkīrṇayonirvipraśca sambandhī patitaśca yaḥ | varjanīyā budhairete nivāpe samupasthite

A brahmin of mixed birth, and a relative who has fallen: these are to be avoided by the wise when the offering is at hand.

Note on the text: Corrected वर्जनीय → वर्जनीया (misprint in Wikisource; dropped ā; CE 'varjanīyā').

Verse 45 (13.138.45)

इत्येवमुक्त्वा भगवान्स्ववंश्यं तमृषिं पुरा । पितामहसभां दिव्यां जगामात्रिस्तपोधनः ॥

ityevamuktvā bhagavānsvavaṃśyaṃ tamṛṣiṃ purā | pitāmahasabhāṃ divyāṃ jagāmātristapodhanaḥ

Having thus spoken to the sage of his own lineage in ancient times, the revered Atri, rich in austerity, went to the divine assembly of the Grandsire.

Note on the text: Corrected दिव्या → दिव्यां (misprint in Wikisource; dropped anusvara; CE 'divyāṃ').