The Seven Sages Refuse Vrishadarbhi's Gifts

Verse 1 (13.141.1)

ब्राह्मणेभ्यः प्रयच्छन्ति दानानि विविधानि च । दातृप्रतिग्रहीत्रोर्वै को विशेषः पितामह ॥

brāhmaṇebhyaḥ prayacchanti dānāni vividhāni ca | dātṛpratigrahītrorvai ko viśeṣaḥ pitāmaha

People give brahmins many kinds of gifts. What, grandfather, is the difference between the giver and the one who receives?

Verse 2 (13.141.2)

साधोर्यः प्रतिगृह्णीयात्तथैवासाधुतो द्विजः । गुणवत्यल्पदोषः स्यान्निर्गुणे तु निमज्जति ॥

sādhoryaḥ pratigṛhṇīyāttathaivāsādhuto dvijaḥ | guṇavatyalpadoṣaḥ syānnirguṇe tu nimajjati

A brahmin may accept from a good man, or equally from a bad one. If the giver has merit, the fault is slight; if he has none, the receiver sinks.

Verse 3 (13.141.3)

अत्राप्युदाहरन्तीममितिहासं पुरातनम् । वृषादर्भेश्च संवादं सप्तर्षीणां च भारत ॥

atrāpyudāharantīmamitihāsaṃ purātanam | vṛṣādarbheśca saṃvādaṃ saptarṣīṇāṃ ca bhārata

On this point they tell an ancient tale, the conversation between Vrishadarbhi and the seven sages, O Bharata.

Verse 4 (13.141.4)

कश्यपोऽत्रिर्वसिष्ठश्च भरद्वाजोऽथ गौतमः । विश्वामित्रो जमदग्निः साध्वी चैवाप्यरुन्धती ॥

kaśyapo'trirvasiṣṭhaśca bharadvājo'tha gautamaḥ | viśvāmitro jamadagniḥ sādhvī caivāpyarundhatī

They were Kashyapa, Atri, Vasishtha, Bharadvaja, Gautama, Vishvamitra and Jamadagni, and also the virtuous Arundhati.

Verse 5 (13.141.5)

सर्वेषामथ तेषां तु गण्डाभूत्परिचारिका । शूद्रः पशुसखश्चैव भर्ता चास्या बभूव ह ॥

sarveṣāmatha teṣāṃ tu gaṇḍābhūtparicārikā | śūdraḥ paśusakhaścaiva bhartā cāsyā babhūva ha

Ganda was the maidservant of them all, and her husband was a Shudra named Pashusakha.

Verse 6 (13.141.6)

ते च सर्वे तपस्यन्तः पुरा चेरुर्महीमिमाम् । समाधिना प्रतीक्षन्तो ब्रह्मलोकं सनातनम् ॥

te ca sarve tapasyantaḥ purā cerurmahīmimām | samādhinā pratīkṣanto brahmalokaṃ sanātanam

All of them once roamed this earth practising austerities, awaiting in deep concentration the eternal world of Brahma.

Note on the text: First line = CE 13.94.6a. The second line is a recension variant, kept: समाधिना प्रतीक्षन्तो (CE 6c reads samādhinopaśikṣanto). The input had no alignment for this verse.

Verse 7 (13.141.7)

अथाभवदनावृष्टिर्महती कुरुनन्दन । कृच्छ्रप्राणोऽभवद्यत्र लोकोऽयं वै क्षुधान्वितः ॥

athābhavadanāvṛṣṭirmahatī kurunandana | kṛcchraprāṇo'bhavadyatra loko'yaṃ vai kṣudhānvitaḥ

Then, O joy of the Kurus, a great drought came, and this world, tormented by hunger, barely clung to life.

Verse 8 (13.141.8)

कस्मिंश्चिच्च पुरा यज्ञे याज्येन शिबिसूनुना । दक्षिणार्थेऽथ ऋत्विग्भ्यो दत्तः पुत्रोऽनिलः किल ॥

kasmiṃścicca purā yajñe yājyena śibisūnunā | dakṣiṇārthe'tha ṛtvigbhyo dattaḥ putro'nilaḥ kila

At some sacrifice long ago, it is said, the sacrificer, the son of Shibi, gave his son Anila to the officiating priests as their fee.

Verse 9 (13.141.9)

अस्मिन्कालेऽथ सोऽल्पायुर्दिष्टान्तमगमत्प्रभुः । ते तं क्षुधाभिसन्तप्ताः परिवार्योपतस्थिरे ॥

asminkāle'tha so'lpāyurdiṣṭāntamagamatprabhuḥ | te taṃ kṣudhābhisantaptāḥ parivāryopatasthire

At that time the short-lived boy met his appointed end. Tormented by hunger, the sages gathered around him.

Verse 10 (13.141.10)

याज्यात्मजमथो दृष्ट्वा गतासुमृषिसत्तमाः । अपचन्त तदा स्थाल्यां क्षुधार्ताः किल भारत ॥

yājyātmajamatho dṛṣṭvā gatāsumṛṣisattamāḥ | apacanta tadā sthālyāṃ kṣudhārtāḥ kila bhārata

Seeing the sacrificer's son lifeless, those best of sages, tormented by hunger, began to cook him in a pot, O Bharata.

Verse 11 (13.141.11)

नाजीव्ये मर्त्यलोकेऽस्मिन्नात्मानं ते परीप्सवः । कृच्छ्रामापेदिरे वृत्तिमन्नहेतोस्तपस्विनः ॥

nājīvye martyaloke'sminnātmānaṃ te parīpsavaḥ | kṛcchrāmāpedire vṛttimannahetostapasvinaḥ

In a world with no means of living, those ascetics, wishing to keep themselves alive, resorted to a wretched way of life for the sake of food.

Verse 12 (13.141.12)

अटमानोऽथ तान्मार्गे पचमानान्महीपतिः । राजा शैब्यो वृषादर्भिः क्लिश्यमानान्ददर्श ह ॥

aṭamāno'tha tānmārge pacamānānmahīpatiḥ | rājā śaibyo vṛṣādarbhiḥ kliśyamānāndadarśa ha

As King Vrishadarbhi, the son of Shibi, was wandering, he saw them cooking on the road, in great distress.

Verse 13 (13.141.13)

प्रतिग्रहस्तारयति पुष्टिर्वै प्रतिगृह्णताम् । मयि यद्विद्यते वित्तं तद्वृणुध्वं तपोधनाः ॥

pratigrahastārayati puṣṭirvai pratigṛhṇatām | mayi yadvidyate vittaṃ tadvṛṇudhvaṃ tapodhanāḥ

Accepting gifts carries a man across; for those who accept, it is nourishment. Whatever wealth I have, choose it, you whose wealth is austerity.

Verse 14 (13.141.14)

प्रतिग्रहो ब्राह्मणानां सृष्टा वृत्तिरनिन्दिता । तस्माद्ददामि वो वित्तं तद्वृणुध्वं तपोधनाः ॥

pratigraho brāhmaṇānāṃ sṛṣṭā vṛttiraninditā | tasmāddadāmi vo vittaṃ tadvṛṇudhvaṃ tapodhanāḥ

Accepting gifts is a blameless livelihood ordained for brahmins. Therefore I give you wealth; choose it, you whose wealth is austerity.

Note on the text: Backtick removed. Line 1 (प्रतिग्रहो ब्राह्मणानां सृष्टा …) is not in the critical edition (vulgate recension only); line 2 corresponds to star passage 13,094.013b*0420_01 (CE: tasmād dadāmi vo vittaṃ tad gṛhṇīdhvaṃ tapodhanāḥ), where the vulgate reads तद्वृणुध्वं for तद्गृह्णीध्वं.

Verse 15 (13.141.15)

प्रियो हि मे ब्राह्मणो याचमानो । दद्यामहं वोऽश्वतरीसहस्रम् । धेनूनां दद्यामयुतं समग्रम् । एकैकशः सवृषाः सम्प्रसूताः ॥

priyo hi me brāhmaṇo yācamāno | dadyāmahaṃ vo'śvatarīsahasram | dhenūnāṃ dadyāmayutaṃ samagram | ekaikaśaḥ savṛṣāḥ samprasūtāḥ

A brahmin who begs is dear to me. I would give you a thousand mules. I would give you ten thousand cows in full, every one with her bull, every one having calved.

Note on the text: Four lines (pādas), as the page prints them (13-141-15a,b,c,d) = CE 13.94.14a (two pādas), star line 13,094.014b*0421_01 (CE: dhenūnāṃ dadāmy ayutaṃ samagram; the vulgate reads दद्याम्) and the first half of 14c. The CE pāda that follows (sarveṣāṃ vai śīghragāḥ śvetalomāḥ) is not in Wikisource. Rejoined the word split across the line break with a hyphen (समग्र- । मेकैकशः → समग्रम् । एकैकशः); the text is otherwise unchanged.

Verse 16 (13.141.16)

कुलम्भरानडुहः शतंशतान् । धुर्याञ्छुभान्सर्वशोऽहं ददानि । पृथ्वीवाहान्पीवरांश्चैव तावद् । अग्र्या गृष्टीर्धेनवः सुव्रताश्च ॥

kulambharānaḍuhaḥ śataṃśatān | dhuryāñchubhānsarvaśo'haṃ dadāni | pṛthvīvāhānpīvarāṃścaiva tāvad | agryā gṛṣṭīrdhenavaḥ suvratāśca

I would give you oxen that carry the burden of a household, hundreds upon hundreds of them, fine draught animals in every kind; as many sturdy beasts to draw loads over the land; and choice cows that have calved once, gentle milch cows.

Note on the text: Restored from the critical edition (13.94.15): Wikisource has lost most of this verse and prints only one fragmentary line (13-141-16f, दग्र्या गृष्टीर्धेनवः सुव्रताश्च). Lines 1–3 are written in Devanagari from CE 13.94.15a,c (kulaṃbharān anaḍuhaḥ śataṃśatān / dhuryāñ śubhān sarvaśo 'haṃ dadāni / pṛthvīvāhān pīvarāṃś caiva tāvad). In line 4 the printed दग्र्या is the end of तावदग्र्या cut by the loss: the द goes back to तावद् and the line reads अग्र्या गृष्टीर्धेनवः सुव्रताश्च (CE agryā gṛṣṭyo dhenavaḥ suvratāś ca); the Wikisource form गृष्टीर् is kept.

Verse 17 (13.141.17)

वरान्ग्रामान्व्रीहिरसं यवांश्च । रत्नं चान्यद्दुर्लभं किं ददानि । नास्मिन्नभक्ष्ये भावमेवं कुरुध्वं । पुष्ट्यर्थं वः किं प्रयच्छाम्यहं वै ॥

varāngrāmānvrīhirasaṃ yavāṃśca | ratnaṃ cānyaddurlabhaṃ kiṃ dadāni | nāsminnabhakṣye bhāvamevaṃ kurudhvaṃ | puṣṭyarthaṃ vaḥ kiṃ prayacchāmyahaṃ vai

The finest villages, rice, rice-broth and barley, and any other rare jewel: what shall I give? Do not set your hearts on eating what may not be eaten. For your sustenance, what shall I give you?

Note on the text: Corrected ग्रमान् → ग्रामान् (misprint in Wikisource; dropped ा; CE 13.94.16a reads grāmān). The third line is a recension variant, kept (नास्मिन्नभक्ष्ये; CE mā smābhakṣye).

Verse 18 (13.141.18)

राजन्प्रतिग्रहो राज्ञो मध्वास्वादो विषोपमः । तज्जानमानः कस्मात्त्वं कुरुषे नः प्रलोभनम् ॥

rājanpratigraho rājño madhvāsvādo viṣopamaḥ | tajjānamānaḥ kasmāttvaṃ kuruṣe naḥ pralobhanam

King, a king's gift tastes like honey but is like poison. Knowing this, why do you tempt us?

Note on the text: Corrected राज्ञं → राज्ञो (misprint in Wikisource; not a valid form here; CE 13.94.17a reads rājño).

Verse 19 (13.141.19)

दशसूनासमश्चक्री दशचक्रिसमो ध्वजी । दशध्वजिसमा वेश्या दशवेश्यासमो नृपः ॥

daśasūnāsamaścakrī daśacakrisamo dhvajī | daśadhvajisamā veśyā daśaveśyāsamo nṛpaḥ

One who runs an oil-press is equal to ten slaughterhouses; one who keeps a liquor-shop (flag) is equal to ten oil-pressers; a courtesan is equal to ten liquor-sellers; and a king is equal to ten courtesans.

Note on the text: Backtick removed. Not in the critical edition's numbered text: star passage 13,094.017d*0423_01-02.

Verse 20 (13.141.20)

दशसूनासहस्राणि यो वाहयति सौनिकः । तेन तुल्यो भवेद्राजा घोरस्तस्य प्रतिग्रहः ॥

daśasūnāsahasrāṇi yo vāhayati saunikaḥ | tena tulyo bhavedrājā ghorastasya pratigrahaḥ

A king is equal to a butcher who keeps ten thousand slaughterhouses running; dreadful is his gift.

Note on the text: Stray closing quote and doubled danda (।।') removed from the end. Not in the critical edition's numbered text: star passage 13,094.017d*0423_03-04 (CE reads sainikaḥ for सौनिकः; the Wikisource reading is kept).

Verse 21 (13.141.21)

क्षत्रं हि दैवतमिव ब्राह्मणान्समुपाश्रितम् । अमलो ह्येष तपसा प्रीतः प्रीणाति देवताः ॥

kṣatraṃ hi daivatamiva brāhmaṇānsamupāśritam | amalo hyeṣa tapasā prītaḥ prīṇāti devatāḥ

The ruling order, as though it were a deity, has taken refuge with brahmins. The brahmin, free of stain and content in his austerity, gratifies the gods.

Note on the text: Corrected क्षेत्रं → क्षत्रं (misprint in Wikisource; vowel sign े added; the sense requires "the ruling order" resting on brahmins and CE 13.94.18a reads kṣatraṃ).

Verse 22 (13.141.22)

अह्नायेह तपो जातु ब्राह्मणस्योपजायते । तद्दाव इव निर्दह्यात्प्राप्तो राजप्रतिग्रहः ॥

ahnāyeha tapo jātu brāhmaṇasyopajāyate | taddāva iva nirdahyātprāpto rājapratigrahaḥ

A brahmin's austerity is never born in a day, yet a king's gift, once accepted, would burn it up like a forest fire.

Verse 23 (13.141.23)

कुशलं सह दानेन राजन्नस्तु सदा तव । अर्थिभ्यो दीयतां सर्वमित्युक्त्वा तेऽन्यतो ययुः ॥

kuśalaṃ saha dānena rājannastu sadā tava | arthibhyo dīyatāṃ sarvamityuktvā te'nyato yayuḥ

"May all be well with you, king, along with your gift. Let everything be given to those who ask." So saying, they went elsewhere.

Note on the text: Corrected तेन्यतो → तेऽन्यतो (misprint in Wikisource; avagraha dropped, ते + अन्यतः). The first line is the sages' words and the second line closes with narration; the verse is kept whole under the sages' heading as printed.

Verse 24 (13.141.24)

अपक्वमेव तन्मांसमभूत्तेषां महात्मनाम् । अथ हित्वा ययुः सर्वे वनमाहारकाङ्क्षिणः ॥

apakvameva tanmāṃsamabhūtteṣāṃ mahātmanām | atha hitvā yayuḥ sarve vanamāhārakāṅkṣiṇaḥ

The flesh of those great souls remained uncooked. Leaving it, they all went off to the forest in search of food.

Note on the text: Corrected ययु → ययुः (misprint in Wikisource; visarga dropped; CE 13.94.21c reads yayuḥ). This and the next verses are narration; the page's sages' heading is carried over from verse 18, so the speaker is made Bhishma (the narrator).

Verse 25 (13.141.25)

ततः प्रचोदिता राज्ञा वनं गत्वाऽस्य मन्त्रिणः । प्रचीयोदुम्बराणि स्म दातुं तेषां प्रचक्रिरे ॥

tataḥ pracoditā rājñā vanaṃ gatvā'sya mantriṇaḥ | pracīyodumbarāṇi sma dātuṃ teṣāṃ pracakrire

Then, urged by the king, his ministers went to the forest, gathered udumbara fruits, and set about offering them to the sages.

Note on the text: Narration (the sages' heading is carried over from verse 18); speaker made Bhishma.

Verse 26 (13.141.26)

दृष्ट्वा फलानि मुनयस्ते ग्रहीतुमुपाद्रवन् ॥

dṛṣṭvā phalāni munayaste grahītumupādravan

Seeing the fruits, the sages hurried to take them.

Note on the text: Narration (the sages' heading is carried over from verse 18); speaker made Bhishma. One-line verse (13-141-26a). Stray closing quote and doubled danda (।।') removed. Not in the critical edition's numbered text: star passage 13,094.023d*0425_01.

Verse 27 (13.141.27)

उदुम्बराण्यथान्यानि हेमगर्भाण्युपाहरन् । भृत्यास्तेषां ततस्तानि प्रग्राहितुमुपाद्रवन् ॥

udumbarāṇyathānyāni hemagarbhāṇyupāharan | bhṛtyāsteṣāṃ tatastāni pragrāhitumupādravan

The servants brought other udumbara fruits, with gold inside them, and hurried to press them on the sages.

Note on the text: Narration (the sages' heading is carried over from verse 18); speaker made Bhishma.

Verse 28 (13.141.28)

गुरूणीति विदित्वाऽथ न ग्राह्याण्यत्रिरब्रवीत् । नास्मेह मन्दविज्ञाना नास्म मानुषबुद्धयः ॥

gurūṇīti viditvā'tha na grāhyāṇyatrirabravīt | nāsmeha mandavijñānā nāsma mānuṣabuddhayaḥ

Realising that they were heavy, Atri said they must not be taken: "We are not dull of understanding; we are not of mere mortal minds."

Note on the text: Lines = CE 13.94.24a and 24c; the second line is a recension variant, kept (नास्मेह मन्दविज्ञाना नास्म मानुषबुद्धयः; CE na sma he mūḍhavijñānā na sma he mandabuddhayaḥ). Narration introducing Atri's words, so the speaker is Bhishma (the page's sages' heading is carried over from verse 18); Atri's speech continues in the next verse. The input had no alignment.

Verse 29 (13.141.29)

हैमानीमानि जानीमः प्रतिबुद्धाः स्म जागृम । इह ह्येतदुपावृत्तं प्रेत्य स्यात्कटुकोदयम् । अप्रतिग्राह्यमेवैतत्प्रेत्येह च सुखेप्सुना ॥

haimānīmāni jānīmaḥ pratibuddhāḥ sma jāgṛma | iha hyetadupāvṛttaṃ pretya syātkaṭukodayam | apratigrāhyamevaitatpretyeha ca sukhepsunā

We recognise these as gold; we are awake and aware. What turns up for us here would have a bitter outcome after death. One who seeks happiness both there and here must not accept it.

Note on the text: Atri's speech continues without a printed heading; speaker made Atri (the page's sages' heading is carried over from verse 18). Line 1 = CE 13.94.24e; lines 2–3 = CE 13.94.25a and 25c (line 2 is a recension variant, kept: उपावृत्तं; CE upādattaṃ). The input had no alignment.

Verse 30 (13.141.30)

शतेन निष्कगुणितं सहस्रेण च सम्मितम् । तथा बहु प्रतीच्छन्वै पापिष्ठां लभते गतिम् ॥

śatena niṣkaguṇitaṃ sahasreṇa ca sammitam | tathā bahu pratīcchanvai pāpiṣṭhāṃ labhate gatim

Reckoned in hundreds of gold nishkas, measured in thousands: one who accepts so much comes to the worst of ends.

Verse 31 (13.141.31)

यत्पृथिव्यां व्रीहियवं हिरण्यं पशवः स्त्रियः । सर्वं तन्नालमेकस्य तस्माद्विद्वाञ्शमं व्रजेत् ॥

yatpṛthivyāṃ vrīhiyavaṃ hiraṇyaṃ paśavaḥ striyaḥ | sarvaṃ tannālamekasya tasmādvidvāñśamaṃ vrajet

All the rice and barley, gold, cattle and women on earth are not enough for one man; therefore a wise man should turn to peace.

Verse 32 (13.141.32)

उत्पन्नस्य रुरोः शृङ्गं वर्धमानस्य वर्धते । प्रार्थना पुरुषस्येव तस्य मात्रा न विद्यते ॥

utpannasya ruroḥ śṛṅgaṃ vardhamānasya vardhate | prārthanā puruṣasyeva tasya mātrā na vidyate

The horn of a ruru deer, once it is born, grows as the animal grows; so does a man's craving, and for it there is no measure.

Note on the text: Corrected वर्दमानस्य → वर्धमानस्य (misprint in Wikisource; द for ध; CE 13.94.28a reads vardhamānasya).

Verse 33 (13.141.33)

न तल्लोके द्रव्यमस्ति यल्लोभं प्रतिपूरयेत् । समुद्रकल्पः पुरुषो न कदाचन पूर्यते ॥

na talloke dravyamasti yallobhaṃ pratipūrayet | samudrakalpaḥ puruṣo na kadācana pūryate

There is nothing in the world that could fill up greed; a man is like the ocean and is never filled.

Verse 34 (13.141.34)

कामं कामयमानस्य यदा कामः समृध्यते । अथैनमपरः काम इष्टो विध्यति बाणवत् ॥

kāmaṃ kāmayamānasya yadā kāmaḥ samṛdhyate | athainamaparaḥ kāma iṣṭo vidhyati bāṇavat

When one who keeps wishing for one desire has it fulfilled, another desire, longed for, pierces him like an arrow.

Verse 35 (13.141.35)

न जातु कामः कामानामुपभोगेन शाम्यति । हविषा कृष्णवर्त्मेव भूय एवाभिवर्धते ॥

na jātu kāmaḥ kāmānāmupabhogena śāmyati | haviṣā kṛṣṇavartmeva bhūya evābhivardhate

Desire is never quieted by the enjoyment of desires; like a fire fed with ghee, it only grows the more.

Note on the text: The speaker heading "`अत्रिरुवाच" (13-141-35x) is run into the verse in Wikisource, with a stray backtick, and the input made Vishvamitra the speaker; the heading line is removed from the Sanskrit and Atri made the speaker. Stray closing quote and doubled danda (।।') removed. Not in the critical edition's numbered text: star passage 13,094.030d*0426_00-02 (headed atriḥ).

Verse 36 (13.141.36)

प्रतिग्रहे संयमो वै तपो धारयते ध्रुवम् । तद्धनं ब्राह्मणस्येह लुभ्यमानस्य विस्रवेत् ॥

pratigrahe saṃyamo vai tapo dhārayate dhruvam | taddhanaṃ brāhmaṇasyeha lubhyamānasya visravet

Restraint in accepting gifts surely sustains austerity; that wealth of a brahmin who is greedy drains away.

Verse 37 (13.141.37)

धर्मार्थं सञ्चयो यो वा द्रव्याणां पक्षसम्मतः । तपःसञ्चय एवेह विशिष्टो द्रव्यसञ्चयात् ॥

dharmārthaṃ sañcayo yo vā dravyāṇāṃ pakṣasammataḥ | tapaḥsañcaya eveha viśiṣṭo dravyasañcayāt

The accumulation of goods for the sake of dharma is approved by some; yet here the accumulation of austerity is better than the accumulation of goods.

Verse 38 (13.141.38)

उग्रादितो भयाद्यस्माद्बिभ्यतीमे ममेश्वराः । बलीयसो दुर्बलवद्बिभेम्यहमतः परम् ॥

ugrādito bhayādyasmādbibhyatīme mameśvarāḥ | balīyaso durbalavadbibhemyahamataḥ param

Because these lords of mine are afraid of this fearsome man and the danger from him, I, like a weak person before a stronger one, am all the more afraid.

Note on the text: The page prints the speaker as चण्डा (heading चण्डोवाच, 13-141-38x); this is the maidservant गण्डा of verse 5 (CE: gaṇḍovāca), so the name is corrected in the speaker field. The Sanskrit is unchanged.

Verse 39 (13.141.39)

यद्वै धर्मात्परं नास्ति तादृशं ब्राह्मणा विदुः । विनयात्साधु विद्वांसमुपासेयं यथातथम् ॥

yadvai dharmātparaṃ nāsti tādṛśaṃ brāhmaṇā viduḥ | vinayātsādhu vidvāṃsamupāseyaṃ yathātatham

Brahmins know that nothing is higher than dharma, and that alone is such a thing. With humility one should rightly attend upon a good and learned man, just as he is.

Note on the text: The page prints the speaker as पशुसस्व (heading 13-141-39x); this is a misprint for पशुसख (Pashusakha, verse 5; CE: paśusakha uvāca), corrected in the speaker field only. The verse is a recension variant of CE 13.94.34a,c, kept (धर्मात्परं … तादृशं; विनयात्साधु); the input had no alignment.

Verse 40 (13.141.40)

कुशलं सह दानेन तस्मै यस्य प्रजा इमाः । फलान्युपधियुक्तानि य एवं नः प्रयच्छति ॥

kuśalaṃ saha dānena tasmai yasya prajā imāḥ | phalānyupadhiyuktāni ya evaṃ naḥ prayacchati

May it go well, together with his gift, with him whose subjects these are, who thus offers us fruits fitted with a trick.

Verse 41 (13.141.41)

इत्युक्त्वा हेमगर्भाणि हित्वा तानि फलानि ते । ऋषयो जग्मुरन्यत्र सर्व एव दृढव्रताः ॥

ityuktvā hemagarbhāṇi hitvā tāni phalāni te | ṛṣayo jagmuranyatra sarva eva dṛḍhavratāḥ

Having said this, those firm-vowed sages left the gold-filled fruits behind and all went elsewhere.

Verse 42 (13.141.42)

अथ ते मन्त्रिणः सर्वे राजानमिदमब्रुवन् । उपधिं शङ्कमानास्ते हित्वा तानि फलानि वै । ततोऽन्यत्रैव गच्छन्ति विदितं तेऽस्तु पार्थिव ॥

atha te mantriṇaḥ sarve rājānamidamabruvan | upadhiṃ śaṅkamānāste hitvā tāni phalāni vai | tato'nyatraiva gacchanti viditaṃ te'stu pārthiva

Then all his ministers said this to the king: "Suspecting a trick, they have left those fruits behind and are going away by another way. Let this be known to you, O king."

Note on the text: Three-line verse as printed on the page (13-141-42a,b,c). Line 1 is star passage 13,094.036d*0430_01; lines 2–3 are CE 13.94.37a,c (the ministers' speech, headed mantriṇaḥ ūcuḥ in the CE; no heading is printed on the page, and the verse is kept whole under the narrator rather than split). Recension variants kept: ततोऽन्यत्रैव (CE tato 'nyenaiva). The input had no alignment.

Verse 43 (13.141.43)

इत्युक्तः स तु भृत्यैस्तैर्वृषादर्भिश्चुकोप ह । तेषां वै प्रतिकर्तुं च सर्वेषामगमद्गृहम् ॥

ityuktaḥ sa tu bhṛtyaistairvṛṣādarbhiścukopa ha | teṣāṃ vai pratikartuṃ ca sarveṣāmagamadgṛham

Told this by his servants, Vrishadarbhi flew into a rage and went home, resolved to take revenge on them all.

Verse 44 (13.141.44)

स गत्वाऽऽहवनीयेऽग्नौ तीव्रं नियममास्थितः । जुहाव संस्कृतैर्मन्त्रैरेकैकामाहुतिं नृपः ॥

sa gatvā''havanīye'gnau tīvraṃ niyamamāsthitaḥ | juhāva saṃskṛtairmantrairekaikāmāhutiṃ nṛpaḥ

He went to the Ahavaniya fire, took up a severe vow, and the king offered into it, one after another, oblations with consecrated mantras.

Verse 45 (13.141.45)

तस्मादग्नेः समुत्तस्थौ कृत्या लोकभयंकरी । तस्या नाम वृषादर्भिर्यातुधानीत्यथाकरोत् ॥

tasmādagneḥ samuttasthau kṛtyā lokabhayaṃkarī | tasyā nāma vṛṣādarbhiryātudhānītyathākarot

From that fire rose a Kritya, a terror to the world; Vrishadarbhi named her Yatudhani.

Verse 46 (13.141.46)

सा कृत्या कालरात्रीव कृताञ्जलिरुपस्थिता । वृषादर्भि नरपतिं किं करोमीति चाब्रवीत् ॥

sā kṛtyā kālarātrīva kṛtāñjalirupasthitā | vṛṣādarbhi narapatiṃ kiṃ karomīti cābravīt

That Kritya, like the night of destruction, stood before him with folded hands and said to King Vrishadarbhi, "What shall I do?"

Verse 47 (13.141.47)

ऋषीणां गच्छ सप्तानामरुन्धत्यास्तथैव च । दासीभर्तुश्च दास्याश्च मनसा नाम धारय ॥

ṛṣīṇāṃ gaccha saptānāmarundhatyāstathaiva ca | dāsībhartuśca dāsyāśca manasā nāma dhāraya

Go to the seven sages, to Arundhati, and to the maidservant and her husband; fix their names in your mind.

Verse 48 (13.141.48)

ज्ञात्वा नामानि चैवैषां सर्वानेतान्विनाशय । विनष्टेषु तथा स्वैरं गच्छ यत्रेप्सितं तव ॥

jñātvā nāmāni caivaiṣāṃ sarvānetānvināśaya | vinaṣṭeṣu tathā svairaṃ gaccha yatrepsitaṃ tava

Once you know their names, destroy them all; when they are destroyed, go freely wherever you please.

Verse 49 (13.141.49)

सा तथेति प्रतिश्रुत्य यातुधानी स्वरूपिणी । जगाम तद्वनं यत्र विचेरुस्ते महर्षयः ॥

sā tatheti pratiśrutya yātudhānī svarūpiṇī | jagāma tadvanaṃ yatra viceruste maharṣayaḥ

Saying "So be it", the Yatudhani, in her own form, went to the forest where those great sages were wandering.

Note on the text: Narration; the Vrishadarbhi heading of the previous verses is carried over, so the speaker is made Bhishma (the narrator).