Indra Tests the Sages with the Stolen Lotus Stalks

Verse 1 (13.142.1)

अथात्रिप्रमुखा राजन्वने तस्मिन्महर्षयः । व्यचरन्भक्षयन्तो वै मूलानि च फलानि च ॥

athātripramukhā rājanvane tasminmaharṣayaḥ | vyacaranbhakṣayanto vai mūlāni ca phalāni ca

Then, O king, the great sages headed by Atri were wandering in that forest, living on roots and fruits.

Verse 2 (13.142.2)

अथापश्यन्सुपीनांसपाणिपादमुखोदरम् । परिव्रजन्तं स्थूलाङ्गं परिव्राजं शुनस्सखम् ॥

athāpaśyansupīnāṃsapāṇipādamukhodaram | parivrajantaṃ sthūlāṅgaṃ parivrājaṃ śunassakham

There they saw a wandering mendicant, Shunahsakha, going about with his shoulders, hands, feet, face and belly all very plump and his whole body stout.

Verse 3 (13.142.3)

अरुन्धती तु तं दृष्ट्वा सर्वाङ्गोपचितं शुभम् । भवितारो भवन्तो वै नैवमित्यब्रवीदृषीन् ॥

arundhatī tu taṃ dṛṣṭvā sarvāṅgopacitaṃ śubham | bhavitāro bhavanto vai naivamityabravīdṛṣīn

But Arundhati, seeing him so well filled out in every limb and handsome, said to the sages, "You are not like this."

Verse 4 (13.142.4)

नैतस्येह यथाऽस्माकमग्निहोत्रमनिर्हुतम् । सायं प्रातश्च होतव्यं तेन पीवाञ्शुनस्सखः ॥

naitasyeha yathā'smākamagnihotramanirhutam | sāyaṃ prātaśca hotavyaṃ tena pīvāñśunassakhaḥ

"Unlike us, he has no Agnihotra left unperformed, to be offered at dusk and at dawn; that is why Shunahsakha is stout."

Verse 5 (13.142.5)

नैतस्येह यथाऽस्माकं क्षुधया वीर्यमाहतम् । कृच्छ्राधीतं प्रनष्टं च तेन पीवाञ्छुनस्सखः ॥

naitasyeha yathā'smākaṃ kṣudhayā vīryamāhatam | kṛcchrādhītaṃ pranaṣṭaṃ ca tena pīvāñchunassakhaḥ

"Unlike us, his strength is not worn down by hunger, nor is learning that he gained with such toil lost to him; that is why Shunahsakha is stout."

Verse 6 (13.142.6)

नैतस्येह यथाऽस्माकं शश्वच्छास्त्रकृतो ज्वरः । अलसः क्षुत्परो मूर्खस्तेन पीवाञ्शुनस्सखः ॥

naitasyeha yathā'smākaṃ śaśvacchāstrakṛto jvaraḥ | alasaḥ kṣutparo mūrkhastena pīvāñśunassakhaḥ

"Unlike us, he has no constant fever from the study of the scriptures; he is lazy, intent only on food, and foolish; that is why Shunahsakha is stout."

Verse 7 (13.142.7)

नैतस्येह यथाऽस्माकं भक्तमिन्धनमेव च । सञ्चित्यं वार्षिकं चित्ते तेन पीवाञ्शुनस्सखः ॥

naitasyeha yathā'smākaṃ bhaktamindhanameva ca | sañcityaṃ vārṣikaṃ citte tena pīvāñśunassakhaḥ

"Unlike us, he has no care about cooked food and firewood, nor does he have to keep in mind a store laid up for the year; that is why Shunahsakha is stout."

Verse 8 (13.142.8)

नैतस्येह यथाऽस्माकं चत्वारश्च सहोदराः । देहिदेहीति भिक्षन्ति तेन पीवाञ्शुनस्सखः ॥

naitasyeha yathā'smākaṃ catvāraśca sahodarāḥ | dehidehīti bhikṣanti tena pīvāñśunassakhaḥ

"Unlike us, he has no four brothers of the same womb begging, saying 'Give, give!'; that is why Shunahsakha is stout."

Verse 9 (13.142.9)

नैतस्येह यथाऽस्माकं ब्रह्मबन्धोरचेतसः । शोको भार्यापवादेन तेन पीवाञ्शुनस्सखः ॥

naitasyeha yathā'smākaṃ brahmabandhoracetasaḥ | śoko bhāryāpavādena tena pīvāñśunassakhaḥ

"Unlike us, he feels none of the grief that a thoughtless, merely nominal brahmin feels at his wife's reproaches; that is why Shunahsakha is stout."

Verse 10 (13.142.10)

नैतस्येह यथाऽस्माकं त्रिकौशेयं च राङ्कवम् । एकैकं वै त्रिवर्षीयं तेन पीवाञ्शुनस्सखः ॥

naitasyeha yathā'smākaṃ trikauśeyaṃ ca rāṅkavam | ekaikaṃ vai trivarṣīyaṃ tena pīvāñśunassakhaḥ

"Unlike us, he has no three silk garments and woollen blanket, each of which must last three years; that is why Shunahsakha is stout."

Verse 11 (13.142.11)

अथ दृष्ट्वा परिव्राट् स तान्महर्षीञ्शुनस्सखः । अभिवाद्य यथान्यायं पाणिस्पर्शमथाचरत् ॥

atha dṛṣṭvā parivrāṭ sa tānmaharṣīñśunassakhaḥ | abhivādya yathānyāyaṃ pāṇisparśamathācarat

Then the mendicant Shunahsakha, seeing those great sages, greeted them as was proper and touched their hands.

Verse 12 (13.142.12)

परिचर्यां वने तां तु क्षुत्प्रतीकारकाङ्क्षिणः । अन्योन्येन निवेद्याथ प्रातिष्ठन्त सहैव ते ॥

paricaryāṃ vane tāṃ tu kṣutpratīkārakāṅkṣiṇaḥ | anyonyena nivedyātha prātiṣṭhanta sahaiva te

Wishing to find a remedy for their hunger, they offered one another that service in the forest, and then set out together.

Note on the text: Wikisource reads क्षुत्प्रतीकारकाङ्क्षिणः for CE kṣutpratīghātakārikām (recension variant); the alignment found no match for that reason.

Verse 13 (13.142.13)

एकनिश्चयकार्याश्च व्यचरन्त वनानि ते । आददानाः समुद्धृत्य मूलानि च फलानि च ॥

ekaniścayakāryāśca vyacaranta vanāni te | ādadānāḥ samuddhṛtya mūlāni ca phalāni ca

With a single purpose, they roamed the forests, pulling up roots and gathering fruits.

Verse 14 (13.142.14)

कदाचिद्विचरन्तस्ते वृक्षैरविरलैर्वृताम् । शुचिपूर्णप्रसन्नोदां ददृशुः पद्मिनीं शुभाम् ॥

kadācidvicarantaste vṛkṣairaviralairvṛtām | śucipūrṇaprasannodāṃ dadṛśuḥ padminīṃ śubhām

Once, as they were wandering, they saw a beautiful lotus pond, ringed by close-standing trees, its water pure, brimming and clear.

Verse 15 (13.142.15)

बालादित्यवपुःप्रख्यैः पुष्करैरुपशोभिताम् । वैडूर्यवर्णसदृशैः पद्मपत्रैरथावृताम् ॥

bālādityavapuḥprakhyaiḥ puṣkarairupaśobhitām | vaiḍūryavarṇasadṛśaiḥ padmapatrairathāvṛtām

It was adorned with lotuses bright as the body of the rising sun, and covered over with lotus leaves the colour of beryl.

Verse 16 (13.142.16)

नानाविधैश्च विहगैर्जलप्रवरसेविभिः । एकद्वारामनादेयां सूपतीर्थामकर्दमाम् ॥

nānāvidhaiśca vihagairjalapravarasevibhiḥ | ekadvārāmanādeyāṃ sūpatīrthāmakardamām

Birds of many kinds that live on great waters frequented it; it had a single entrance, could not be plundered, had fine bathing places and was free of mud.

Verse 17 (13.142.17)

वृषादर्भिप्रयुक्ता तु कृत्या विकृतदर्शना । यातुधानीति विख्याता पद्मिनीं तामरक्षत ॥

vṛṣādarbhiprayuktā tu kṛtyā vikṛtadarśanā | yātudhānīti vikhyātā padminīṃ tāmarakṣata

But a Kritya of terrible appearance, sent by Vrishadarbhi and known as the Yatudhani, stood guard over that lotus pond.

Verse 18 (13.142.18)

शुनस्सखसहायास्तु बिसार्थं ते महर्षयः । पद्मिनीमभिजग्मुस्ते सर्वे कृत्याभिरक्षिताम् ॥

śunassakhasahāyāstu bisārthaṃ te maharṣayaḥ | padminīmabhijagmuste sarve kṛtyābhirakṣitām

Accompanied by Shunahsakha, all those great sages went to the lotus pond in search of lotus stalks, though it was guarded by the Kritya.

Verse 19 (13.142.19)

ततस्ते यातुधानीं तां दृष्ट्वा विकृतदर्शनाम् । स्थितां कमलिनीतीरे कृत्यामूचुर्महर्षयः ॥

tataste yātudhānīṃ tāṃ dṛṣṭvā vikṛtadarśanām | sthitāṃ kamalinītīre kṛtyāmūcurmaharṣayaḥ

Then, seeing that misshapen Yatudhani standing on the bank of the lotus pond, the great sages spoke to the Kritya:

Verse 20 (13.142.20)

एका तिष्ठसि का च त्वं कस्यार्थे किं प्रयोजनम् । पद्मिनीतीरमाश्रित्य ब्रूहि त्वं किं चिकीर्षसि ॥

ekā tiṣṭhasi kā ca tvaṃ kasyārthe kiṃ prayojanam | padminītīramāśritya brūhi tvaṃ kiṃ cikīrṣasi

"You stand here alone. Who are you, for whose sake are you here, and what is your purpose? Tell us what you mean to do, staying on the bank of this pond."

Verse 21 (13.142.21)

याऽस्मि काऽस्म्यनुयोगो मे न कर्तव्यः कथञ्चन । आरक्षिणीं मा पद्मिन्या वित्त सर्वे तपोधनाः ॥

yā'smi kā'smyanuyogo me na kartavyaḥ kathañcana | ārakṣiṇīṃ mā padminyā vitta sarve tapodhanāḥ

"Whoever I am, I am; you must not question me in any way. All you who are rich in austerity, know me only as the guardian of this lotus pond."

Verse 22 (13.142.22)

सर्व एव क्षुधार्ताः स्म न चान्यत्किंचिदस्ति नः । भवत्याः सम्मते सर्वे गृह्णीयाम बिसान्युत ॥

sarva eva kṣudhārtāḥ sma na cānyatkiṃcidasti naḥ | bhavatyāḥ sammate sarve gṛhṇīyāma bisānyuta

"We are all tormented by hunger and have nothing else to eat. With your consent, we would take some lotus stalks."

Verse 23 (13.142.23)

समयेन बिसानीतो गृह्णीध्वं कामकारतः । एकैको नाम मे प्रोक्त्वा ततो गृह्णीत माचिरम् ॥

samayena bisānīto gṛhṇīdhvaṃ kāmakārataḥ | ekaiko nāma me proktvā tato gṛhṇīta māciram

"On one condition you may take the lotus stalks from here as you please: each of you must first tell me his name, and then take them without delay."

Verse 24 (13.142.24)

विज्ञाय यातुधानीं तां कृत्यमृषिवधैषिणीम् । अत्रिः क्षुधा परीतात्मा ततो वचनमब्रवीत् ॥

vijñāya yātudhānīṃ tāṃ kṛtyamṛṣivadhaiṣiṇīm | atriḥ kṣudhā parītātmā tato vacanamabravīt

Realising that she was a Yatudhani, a Kritya bent on killing sages, Atri, his mind clouded by hunger, then spoke.

Verse 25 (13.142.25)

अरात्त्रिरत्त्रिः सा रात्रिर्यां नाधीते त्रिरद्य वै । अरात्रिरत्रिरित्येव नाम मे विद्धि शोभने ॥

arāttrirattriḥ sā rātriryāṃ nādhīte triradya vai | arātriratrirityeva nāma me viddhi śobhane

"A night in which one does not study three times today is no night for Atri. Fair lady, know that my name is Aratri-Atri, 'Atri of no night.'"

Verse 26 (13.142.26)

यथोदाहृतमेतत्ते त्वया नाम महाद्युते । दुर्धार्यमेतन्मनसा गच्छाऽवतर पद्मिनीम् ॥

yathodāhṛtametatte tvayā nāma mahādyute | durdhāryametanmanasā gacchā'vatara padminīm

"This name that you have spoken, O greatly radiant one, is hard to hold in the mind. Go, descend into the lotus pond."

Note on the text: Wikisource reads त्वया नाम महाद्युते for CE mayi nāma mahāmune in line 1 (recension variant); the alignment found no match.

Verse 27 (13.142.27)

वसिष्ठोऽस्मि वरिष्ठोऽस्मि वसे वासगृहेष्वपि । वरिष्ठत्वाच्च वासाच्च वसिष्ठ इति विद्धि माम् ॥

vasiṣṭho'smi variṣṭho'smi vase vāsagṛheṣvapi | variṣṭhatvācca vāsācca vasiṣṭha iti viddhi mām

"I am Vasishtha; I am the best (varishtha); I dwell (vase) even in the houses of householders. Because I am best and because I dwell, know me as Vasishtha."

Note on the text: Corrected विद्दि → विद्धि (misprint in Wikisource; broken conjunct, CE viddhi).

Verse 28 (13.142.28)

नाम नैरुक्तमेतत्ते दुःखव्याभाषिताक्षरम् । नैतद्धारयितुं शक्यं गच्छाऽवतर पद्मिनीम् ॥

nāma nairuktametatte duḥkhavyābhāṣitākṣaram | naitaddhārayituṃ śakyaṃ gacchā'vatara padminīm

"This name of yours is an etymological one, its syllables hard to utter; it cannot be held in the mind. Go, descend into the lotus pond."

Verse 29 (13.142.29)

कुलंकुलं च कुवमः कुवमः कश्यपो द्विजः । काश्यः काशनिकाशत्वादेतन्मे नाम धारय ॥

kulaṃkulaṃ ca kuvamaḥ kuvamaḥ kaśyapo dvijaḥ | kāśyaḥ kāśanikāśatvādetanme nāma dhāraya

"Kula-kula, Kuvama, Kuvama, Kashyapa the twice-born; and Kashya, since I resemble the kasha grass. Hold this as my name."

Verse 30 (13.142.30)

यथोदाहृतमेतत्ते मयि नाम महाद्युते । दुर्धार्यमेतन्मनसा गच्छाऽवतर पद्मिनीम् ॥

yathodāhṛtametatte mayi nāma mahādyute | durdhāryametanmanasā gacchā'vatara padminīm

"This name that you have given me, O greatly radiant one, is hard to hold in the mind. Go, descend into the lotus pond."

Note on the text: Same refrain as CE 13.95.26/30; Wikisource reads महाद्युते for CE mahāmune in line 1. Positional match is CE 13.95.30.

Verse 31 (13.142.31)

भरे सुतान्भरे पोष्यान्भरे देवान्भरे द्विजान् । भरे भार्यामहं व्याजाद्भरद्वाजोऽस्मि शोभने ॥

bhare sutānbhare poṣyānbhare devānbhare dvijān | bhare bhāryāmahaṃ vyājādbharadvājo'smi śobhane

"I bear (bhare) my sons, I bear those I must support, I bear the gods, I bear the twice-born; and by whatever pretext, fair lady, I bear my wife as well. So I am Bharadvaja."

Note on the text: Corrected भरेऽसुतान् → भरे सुतान् (misprint in Wikisource; a spurious avagraha turns "sons" into "non-sons" in a list of those the speaker supports; CE: bhare sutān).

Verse 32 (13.142.32)

नाम नैरुक्तमेतत्ते दुःखव्याभाषिताक्षरम् । नैतद्धारयितुं शक्यं गच्छाऽवतर पद्मिनीम् ॥

nāma nairuktametatte duḥkhavyābhāṣitākṣaram | naitaddhārayituṃ śakyaṃ gacchā'vatara padminīm

"This name of yours is an etymological one, its syllables hard to utter; it cannot be held in the mind. Go, descend into the lotus pond."

Note on the text: Refrain identical to CE 13.95.28, 32, 36, 40, 42, 44 (the alignment matched the first); positional match is CE 13.95.32.

Verse 33 (13.142.33)

गोदमो दमतोऽधूमोऽदमस्ते समदर्शनात् । विद्धि मां गोतमं कृत्ये यातुधानि निबोध मां ॥

godamo damato'dhūmo'damaste samadarśanāt | viddhi māṃ gotamaṃ kṛtye yātudhāni nibodha māṃ

"Godama, Damata, Adhuma and Adama, I am to you, since I look on all alike. Know me, O Kritya, as Gotama; mark me, Yatudhani."

Note on the text: Vulgate wording differs from CE 13.95.33a (godamo damago 'dhūmo damo durdarśanaś ca te); line 2 = CE 13.95.33c. CE star line 13.95.33b*0431_01 has no counterpart here.

Verse 34 (13.142.34)

यथोदाहृतमेतत्ते मयि नाम महामुने । नैतद्धारयितुं शक्यं गच्छाऽवतर पद्मिनीम् ॥

yathodāhṛtametatte mayi nāma mahāmune | naitaddhārayituṃ śakyaṃ gacchā'vatara padminīm

"This name as you have given it to me, great sage, cannot be held in the mind. Go, descend into the lotus pond."

Verse 35 (13.142.35)

विश्वेदेवाश्च मे मित्रं मित्रमस्मि गवां तथा । विश्वामित्र इति ख्यातं यातुधानि निबोध मां ॥

viśvedevāśca me mitraṃ mitramasmi gavāṃ tathā | viśvāmitra iti khyātaṃ yātudhāni nibodha māṃ

"The Vishvedevas are my friends (mitra), and I am a friend of the cows too; so I am known as Vishvamitra. Mark me, Yatudhani."

Verse 36 (13.142.36)

नाम नैरुक्तमेतत्ते दुःखव्याभाषिताक्षरम् । नैतद्धारयितुं शक्यं गच्छाऽवतर पद्मिनीम् ॥

nāma nairuktametatte duḥkhavyābhāṣitākṣaram | naitaddhārayituṃ śakyaṃ gacchā'vatara padminīm

"This name of yours is an etymological one, its syllables hard to utter; it cannot be held in the mind. Go, descend into the lotus pond."

Note on the text: Refrain identical to CE 13.95.28, 32, 36, 40, 42, 44; positional match is CE 13.95.36.

Verse 37 (13.142.37)

जाजमद्यजजानेऽहं जिजाहीह जिजायिषि । जमदग्निरिति ख्यातं ततो मां विद्धि शोभने ॥

jājamadyajajāne'haṃ jijāhīha jijāyiṣi | jamadagniriti khyātaṃ tato māṃ viddhi śobhane

"Jajamad-yaja-jane, I, Jijahi, here Jijayishi: I am known as Jamadagni; so know me thus, fair lady."

Verse 38 (13.142.38)

यथोदाहृतमेतत्ते मयि नाम महामुने । नैतद्धारयितुं शक्यं गच्छाऽवतर पद्मिनीम् ॥

yathodāhṛtametatte mayi nāma mahāmune | naitaddhārayituṃ śakyaṃ gacchā'vatara padminīm

"This name as you have given it to me, great sage, cannot be held in the mind. Go, descend into the lotus pond."

Note on the text: Refrain identical to CE 13.95.34 and 13.95.38; positional match is CE 13.95.38.

Verse 39 (13.142.39)

धरान्धरित्रीं वसुधां भर्तुस्तिष्ठाम्यनन्तरम् । मनोऽनुरुन्धती भर्तुरिति मां विद्ध्यरुन्धतीम् ॥

dharāndharitrīṃ vasudhāṃ bhartustiṣṭhāmyanantaram | mano'nurundhatī bharturiti māṃ viddhyarundhatīm

"I sustain the mountains, the earth and the wealth-bearing world, and I stay always close beside my husband; I follow my husband's mind (anurundhati). So know me as Arundhati."

Verse 40 (13.142.40)

नामनैरुक्तमेतत्ते दुःखव्याभाषिताक्षरम् । नैतद्धारयितुं शक्यं गच्छाऽवतर पद्मिनीम् ॥

nāmanairuktametatte duḥkhavyābhāṣitākṣaram | naitaddhārayituṃ śakyaṃ gacchā'vatara padminīm

"This name of yours is an etymological one, its syllables hard to utter; it cannot be held in the mind. Go, descend into the lotus pond."

Note on the text: Refrain identical to CE 13.95.28, 32, 36, 40, 42, 44; positional match is CE 13.95.40.

Verse 41 (13.142.41)

वक्त्रैकदेशे गण्डेति धातुमेतं प्रचक्षते । तेनोन्नतेन गण्डेति विद्धि माऽनलसम्भवे ॥

vaktraikadeśe gaṇḍeti dhātumetaṃ pracakṣate | tenonnatena gaṇḍeti viddhi mā'nalasambhave

"They use the word 'ganda' for one part of the face, the part that stands out; by that prominence, know me as Ganda, O fire-born one."

Note on the text: The two lines are the CE star passage 13.95.41d*0432_01-02 (printed in the apparatus after 13.95.41d), not the CE main text of 13.95.41ac (gaṇḍaṃ gaṇḍaṃ gatavatī …), which the vulgate lacks here. The speaker heading is गण्डोवाच as on the page.

Verse 42 (13.142.42)

नामनैरुक्तमेतत्ते दुःखव्याभाषिताक्षरम् । नैतद्धारयितुं शक्यं गच्छावतर पद्मिनीम् ॥

nāmanairuktametatte duḥkhavyābhāṣitākṣaram | naitaddhārayituṃ śakyaṃ gacchāvatara padminīm

"This name of yours is an etymological one, its syllables hard to utter; it cannot be held in the mind. Go, descend into the lotus pond."

Note on the text: Refrain identical to CE 13.95.28 etc.; positional match is CE 13.95.42.

Verse 43 (13.142.43)

पशून्रञ्जामि दृष्ट्वाऽहं पशूनां च सदा सखा । गौणं पशुसखेत्येवं विद्धि मामग्निसम्भवे ॥

paśūnrañjāmi dṛṣṭvā'haṃ paśūnāṃ ca sadā sakhā | gauṇaṃ paśusakhetyevaṃ viddhi māmagnisambhave

"I delight the beasts when I see them, and I am always the friend of beasts; so, O fire-born one, know me by the descriptive name Pashusakha, 'Friend of Beasts.'"

Note on the text: Corrected पशून्यञ्जामि → पशून्रञ्जामि (misprint in Wikisource; यञ्जामि is not a word, and the page's own note on 13-142-43 glosses the word as रञ्जामि "I delight").

Verse 44 (13.142.44)

नामनैरुक्तमेतत्ते दुःखव्याभाषिताक्षरम् । नैतद्धारयितुं शक्यं गच्छाऽवतर पद्मिनीम् ॥

nāmanairuktametatte duḥkhavyābhāṣitākṣaram | naitaddhārayituṃ śakyaṃ gacchā'vatara padminīm

"This name of yours is an etymological one, its syllables hard to utter; it cannot be held in the mind. Go, descend into the lotus pond."

Note on the text: Refrain identical to CE 13.95.28 etc.; positional match is CE 13.95.44.

Verse 45 (13.142.45)

एभिरुक्तं यथा नाम नाहं वक्तुमिहोत्सहे । शुनःसखसखायं मां यातुधान्युपधारय ॥

ebhiruktaṃ yathā nāma nāhaṃ vaktumihotsahe | śunaḥsakhasakhāyaṃ māṃ yātudhānyupadhāraya

"I cannot bring myself to say my name as these have said theirs. Yatudhani, take me to be Shunahsakha-sakha, the friend of the friends of the dog."

Verse 46 (13.142.46)

नाम न व्यक्तमुक्तं वै वाक्यं संदिग्धया गिरा । तस्मात्सकृदिदानीं त्वं ब्रूहि यन्नाम ते द्विज ॥

nāma na vyaktamuktaṃ vai vākyaṃ saṃdigdhayā girā | tasmātsakṛdidānīṃ tvaṃ brūhi yannāma te dvija

"You have not stated your name plainly; you spoke in an uncertain voice. So now say it once more: what is your name, O twice-born?"

Verse 47 (13.142.47)

सकृदुक्तं मया नाम न गृहीतं त्वया यदि । तस्मात्त्रिदण्डाभिहता गच्छ भस्मेति माचिरम् ॥

sakṛduktaṃ mayā nāma na gṛhītaṃ tvayā yadi | tasmāttridaṇḍābhihatā gaccha bhasmeti māciram

"I have said my name once; if you have not grasped it, then, struck by this triple staff, go and become ash without delay!"

Verse 48 (13.142.48)

सा ब्रह्मदण्डकल्पेन तेन मूर्ध्नि हता तदा । कृत्या पपात मेदिन्यां भस्म सा च जगाम ह ॥

sā brahmadaṇḍakalpena tena mūrdhni hatā tadā | kṛtyā papāta medinyāṃ bhasma sā ca jagāma ha

Struck on the head by that staff, which was like Brahma's rod of punishment, the Kritya fell to the ground and turned to ash.

Note on the text: Corrected साच → सा च (misprint in Wikisource; missing space between two words).

Verse 49 (13.142.49)

शुनःसखश्च हत्वा तां यातुधानीं महाबलाम् । भुवि त्रिदण्डं विष्टभ्य शाद्वले समुपाविशत् ॥

śunaḥsakhaśca hatvā tāṃ yātudhānīṃ mahābalām | bhuvi tridaṇḍaṃ viṣṭabhya śādvale samupāviśat

Having slain the mighty Yatudhani, Shunahsakha planted his triple staff in the ground and sat down on the grass.

Verse 50 (13.142.50)

ततस्ते मुनयः सर्वे पुष्कराणि बिसानि च । यथाकाममुपादाय समुत्तस्थुर्मुदाऽन्विताः ॥

tataste munayaḥ sarve puṣkarāṇi bisāni ca | yathākāmamupādāya samuttasthurmudā'nvitāḥ

Then all those sages, gathering lotuses and lotus stalks as they pleased, rose up full of joy.

Note on the text: Corrected सर्वेः → सर्वे (misprint in Wikisource; stray visarga, CE sarve).

Verse 51 (13.142.51)

श्रमेण महता युक्तास्ते बिसानि कलापशः । तीरे निक्षिप्य पद्मिन्यास्तर्पणं चक्रुरम्भसा ॥

śrameṇa mahatā yuktāste bisāni kalāpaśaḥ | tīre nikṣipya padminyāstarpaṇaṃ cakrurambhasā

Weary with great toil, they laid the lotus stalks in bundles on the bank of the pond and offered libations of its water.

Verse 52 (13.142.52)

अथोत्थाय जलात्तस्मात्सर्वे ते समुपागमन् । नापश्यंश्चापि ते तानि बिसानि पुरुषर्षभाः ॥

athotthāya jalāttasmātsarve te samupāgaman | nāpaśyaṃścāpi te tāni bisāni puruṣarṣabhāḥ

Then they came up out of the water and returned, but those bulls among men could not see the lotus stalks.

Note on the text: Wikisource reads समुपागमन् and पुरुषर्षभाः for CE samāgaman and puruṣarṣabha (recension variant); the alignment found no match.

Verse 53 (13.142.53)

केन क्षुधाभिभूतानामस्माकं पापकर्मणाम् । नृशंसेनापनीतानि बिसान्याहारकाङ्क्षिणाम् ॥

kena kṣudhābhibhūtānāmasmākaṃ pāpakarmaṇām | nṛśaṃsenāpanītāni bisānyāhārakāṅkṣiṇām

"By what cruel hand have these lotus stalks been taken from us, hunger-stricken and ill-fated as we are, who longed for food?"

Note on the text: Flag: Wikisource reads पापकर्मणाम् (agreeing with अस्माकम्); the CE has the instrumental pāpakarmaṇā nṛśaṃsena (of the thief). Kept as printed; translated "ill-fated".

Verse 54 (13.142.54)

ते शङ्कमानास्त्वन्योन्यं पप्रच्छुर्द्विजसत्तमाः । त ऊचुः शपथं सर्वे कुर्म इत्यरिकर्शन ॥

te śaṅkamānāstvanyonyaṃ papracchurdvijasattamāḥ | ta ūcuḥ śapathaṃ sarve kurma ityarikarśana

Suspecting one another, those best of the twice-born questioned each other; and all of them said, "Let us take an oath," O scourge of your enemies.

Verse 55 (13.142.55)

त उक्त्वा बाढमित्येव सर्व एव तदा समम् । क्षुधार्ताः सुपरिश्रान्ताः शपथायोपचक्रमुः ॥

ta uktvā bāḍhamityeva sarva eva tadā samam | kṣudhārtāḥ supariśrāntāḥ śapathāyopacakramuḥ

Saying "So be it" all together at once, hungry and greatly wearied, they set about taking their oaths.

Verse 56 (13.142.56)

स गां स्पृशतु पादेन सूर्यं च प्रतिमेहतु । अनध्यायेष्वधीयीत बिसस्तैन्यं करोति यः ॥

sa gāṃ spṛśatu pādena sūryaṃ ca pratimehatu | anadhyāyeṣvadhīyīta bisastainyaṃ karoti yaḥ

"Let him who steals the lotus stalks touch a cow with his foot, urinate facing the sun, and study on days when study is forbidden."

Note on the text: Corrected अध्यायेष्वधीयीत → अनध्यायेष्वधीयीत (misprint in Wikisource; dropped akshara न — the line is a syllable short and, as a curse, means studying on forbidden days; CE anadhyāyeṣv adhīyīta).

Verse 57 (13.142.57)

अनध्याये पठेल्लोके शुनः स परिकर्षतु । परिव्राट् कामवृत्तिस्तु बिसस्तैन्यं करोति यः ॥

anadhyāye paṭhelloke śunaḥ sa parikarṣatu | parivrāṭ kāmavṛttistu bisastainyaṃ karoti yaḥ

"Let him who steals the lotus stalks recite on a no-study day in the world, let him drag dogs about, and let him be a wandering mendicant living as he pleases."

Verse 58 (13.142.58)

शरणागतं हन्तु मित्रं स्वसुतां चोपजीवतु । अर्थान्काङ्क्षतु कीनाशाद्बिसस्तैन्यं करोति यः ॥

śaraṇāgataṃ hantu mitraṃ svasutāṃ copajīvatu | arthānkāṅkṣatu kīnāśādbisastainyaṃ karoti yaḥ

"Let him who steals the lotus stalks kill one who has come to him for refuge, live off a friend and off his own daughter, and covet wealth from a farmer."

Verse 59 (13.142.59)

विष्णुं ब्रह्मण्यदेवेशं देवदेवं जगद्गुरुम् । आधातारं विधातारं सन्धातारं जगद्गुरुम् । विहाय स भजत्वन्यं बिसस्तैन्यं करोति यः ॥

viṣṇuṃ brahmaṇyadeveśaṃ devadevaṃ jagadgurum | ādhātāraṃ vidhātāraṃ sandhātāraṃ jagadgurum | vihāya sa bhajatvanyaṃ bisastainyaṃ karoti yaḥ

"Let him who steals the lotus stalks abandon Vishnu, the lord of the gods and friend of brahmins, the god of gods, the teacher of the world, the establisher, the ordainer, the joiner of all things, the teacher of the world, and worship another."

Note on the text: Not in the critical edition (found in the vulgate recension). A three-line verse (labelled 13-142-59a/b/c); the CE has no counterpart in 13.95.58 or its apparatus.

Verse 60 (13.142.60)

सर्वत्र सर्वं लपतु न्यासलोपं करोतु च । कूटसाक्षित्वमभ्येतु बिसस्तैन्यं करोति यः ॥

sarvatra sarvaṃ lapatu nyāsalopaṃ karotu ca | kūṭasākṣitvamabhyetu bisastainyaṃ karoti yaḥ

"Let him who steals the lotus stalks babble about everything everywhere, embezzle what is deposited with him, and bear false witness."

Verse 61 (13.142.61)

वृथा मांसाशनश्चास्तु वृथा दानं करोतु च । यातु स्त्रियं दिवा चैव बिसस्तैन्यं करोति यः ॥

vṛthā māṃsāśanaścāstu vṛthā dānaṃ karotu ca | yātu striyaṃ divā caiva bisastainyaṃ karoti yaḥ

"Let him who steals the lotus stalks eat meat for no purpose, give gifts for no purpose, and go to a woman by day."

Note on the text: Alignment found no match; this is CE 13.95.60 (vṛthāmāṃsaṃ samaśnātu vṛthādānaṃ karotu ca / yātu striyaṃ divā caiva …), with Wikisource वृथा मांसाशनश्चास्तु for CE vṛthāmāṃsaṃ samaśnātu.

Verse 62 (13.142.62)

नृशंसस्त्यक्तधर्माऽस्तु स्त्रीषु ज्ञातिषु गोषु च । ब्राह्मणं चापि जयतां बिसस्तैन्यं करोति यः ॥

nṛśaṃsastyaktadharmā'stu strīṣu jñātiṣu goṣu ca | brāhmaṇaṃ cāpi jayatāṃ bisastainyaṃ karoti yaḥ

"Let him who steals the lotus stalks be cruel and forsake dharma toward women, kinsmen and cows, and let him contend to defeat even a brahmin."

Verse 63 (13.142.63)

उपाध्यायमधः कृत्वा ऋचोऽध्येतु यजूंषि च । जुहोतु च स कक्षाग्नौ बिसस्तैन्यं करोति यः ॥

upādhyāyamadhaḥ kṛtvā ṛco'dhyetu yajūṃṣi ca | juhotu ca sa kakṣāgnau bisastainyaṃ karoti yaḥ

"Let him who steals the lotus stalks set his teacher beneath him while he recites the Rik and Yajus verses, and let him make his offerings in a fire of dry grass."

Verse 64 (13.142.64)

पुरीषमुत्सृजत्वप्सु हन्तु गां चैव द्रुह्यत् । अनृतौ मैथुनं यातु बिसस्तैन्यं करोति यः ॥

purīṣamutsṛjatvapsu hantu gāṃ caiva druhyat | anṛtau maithunaṃ yātu bisastainyaṃ karoti yaḥ

"Let him who steals the lotus stalks pass his excrement in water, kill a cow and wrong her, and lie with a woman out of her season."

Verse 65 (13.142.65)

द्वेष्यो भार्योपजीवी स्याद्दुरबन्धुश्च वैरवान् । अन्योन्यस्यातिथिश्चास्तु बिसस्तैन्यं करोति यः ॥

dveṣyo bhāryopajīvī syāddurabandhuśca vairavān | anyonyasyātithiścāstu bisastainyaṃ karoti yaḥ

"Let him who steals the lotus stalks be hated, live off his wife, have distant kin and be full of enmity, and go as a guest from one house to another."

Verse 66 (13.142.66)

अधीत्य वेदांस्त्यजतु त्रीनग्नीनपविध्यतु । विक्रीणातु तथा सोमं बिसस्तैन्यं करोति यः ॥

adhītya vedāṃstyajatu trīnagnīnapavidhyatu | vikrīṇātu tathā somaṃ bisastainyaṃ karoti yaḥ

"Let him who steals the lotus stalks abandon the Vedas after learning them, cast away his three sacred fires, and sell soma."

Verse 67 (13.142.67)

उदपानोदके ग्रामे ब्राह्मणो वृषलीपतिः । तस्य सालोक्यतां यातु बिसस्तैन्यं करोति यः ॥

udapānodake grāme brāhmaṇo vṛṣalīpatiḥ | tasya sālokyatāṃ yātu bisastainyaṃ karoti yaḥ

"Let him who steals the lotus stalks go to the same world as the brahmin, husband of a low-caste woman, who lives in a village whose only water is from a well."

Verse 68 (13.142.68)

जीवतो वै गुरून्भृत्यान्भरन्त्वस्य परे जनाः । दरिद्रो बहुपुत्रः स्याद्बिसस्तैन्यं करोति यः ॥

jīvato vai gurūnbhṛtyānbharantvasya pare janāḥ | daridro bahuputraḥ syādbisastainyaṃ karoti yaḥ

"Let him who steals the lotus stalks be poor and the father of many sons, while others support his elders and dependents for as long as he lives."

Verse 69 (13.142.69)

अशुचिर्ब्रह्मकूटोऽस्तु मिथ्या चैवाप्यहङ्कृतः । कर्षको मत्सरी चास्तु बिसस्तैन्यं करोति यः ॥

aśucirbrahmakūṭo'stu mithyā caivāpyahaṅkṛtaḥ | karṣako matsarī cāstu bisastainyaṃ karoti yaḥ

"Let him who steals the lotus stalks be impure, a sham brahmin, falsely proud, a ploughman and envious."

Verse 70 (13.142.70)

हर्षं करोतु भृतको राज्ञश्चास्तु पुरोहितः । अयाज्यस्य भवेदृत्विक् बिसस्तैन्यं करोति यः ॥

harṣaṃ karotu bhṛtako rājñaścāstu purohitaḥ | ayājyasya bhavedṛtvik bisastainyaṃ karoti yaḥ

"Let him who steals the lotus stalks find delight in serving for hire, let him be the king's household priest, and let him be the officiating priest of one who may not sacrifice."

Note on the text: Corrected राज्ञश्वास्तु → राज्ञश्चास्तु (misprint in Wikisource; व for च, CE rājñaś cāstu).

Verse 71 (13.142.71)

नित्यं परिभवेच्छ्वश्रूं भर्तुर्भवतु दुर्मनाः । एका स्वादु समश्नातु बिसस्तैन्यं करोति या ॥

nityaṃ paribhavecchvaśrūṃ bharturbhavatu durmanāḥ | ekā svādu samaśnātu bisastainyaṃ karoti yā

"Let the woman who steals the lotus stalks always slight her mother-in-law, be ill-disposed toward her husband, and eat sweet food alone."

Verse 72 (13.142.72)

ज्ञातीनां गृहमध्यस्था सक्तूनत्तु दिनक्षये । अभोग्याऽवीरसूरस्तु बिसस्तैन्यं करोति या ॥

jñātīnāṃ gṛhamadhyasthā saktūnattu dinakṣaye | abhogyā'vīrasūrastu bisastainyaṃ karoti yā

"Let the woman who steals the lotus stalks sit in the midst of her relatives' house and eat only barley-meal at the day's end; let her be unfit for enjoyment and bear no heroes."

Note on the text: Corrected अभोग्या वीरसूरस्तु → अभोग्याऽवीरसूरस्तु (misprint in Wikisource; dropped अ/avagraha of अवीरसूः, which flips the sense of the curse; CE abhāgyāvīrasūr astu).

Verse 73 (13.142.73)

अनृतं भाषतु सदा बन्धुभिश्च विरुध्यतु । ददातु कन्यां शुल्केन बिसस्तैन्यं करोति या ॥

anṛtaṃ bhāṣatu sadā bandhubhiśca virudhyatu | dadātu kanyāṃ śulkena bisastainyaṃ karoti yā

"Let the woman who steals the lotus stalks always speak falsehood, quarrel with her kin, and give her daughter in marriage for a bride-price."

Verse 74 (13.142.74)

साधयित्वा स्वयं प्राशेद्दास्ये जीर्यतु चैव ह । विकर्मणा प्रमीयेत बिसस्तैन्यं करोति या ॥

sādhayitvā svayaṃ prāśeddāsye jīryatu caiva ha | vikarmaṇā pramīyeta bisastainyaṃ karoti yā

"Let the woman who steals the lotus stalks cook and eat by herself, grow old in servitude, and die through some forbidden deed."

Verse 75 (13.142.75)

दास एव प्रजायेतामप्रसूतिरकिञ्चन । दैवतेष्वनमस्कारो बिसस्तैन्यं करोति यः ॥

dāsa eva prajāyetāmaprasūtirakiñcana | daivateṣvanamaskāro bisastainyaṃ karoti yaḥ

"Let him who steals the lotus stalks be born only as a slave, childless and without possessions, and let him show no reverence to the gods."

Verse 76 (13.142.76)

अध्वर्यवे दुहितरं वा ददातु । च्छन्दोगे वाऽऽचरितब्रह्मचर्ये । आथर्वणं वेदमधीत्य विप्रः । स्नायीत वा यो हरते बिसानि ॥

adhvaryave duhitaraṃ vā dadātu | cchandoge vā''caritabrahmacarye | ātharvaṇaṃ vedamadhītya vipraḥ | snāyīta vā yo harate bisāni

"Let him who takes the lotus stalks give his daughter to an Adhvaryu priest, or to a Chandoga who has kept brahmacharya; and let that brahmin, after learning the Atharva Veda, bathe as one who has completed his studies."

Note on the text: Four-pada verse as on the page (labelled 13-142-76a-d) = CE 13.95.75ac, which the CE prints as two lines of two padas each.

Verse 77 (13.142.77)

इष्टमेतद्द्विजातीनां योऽयं ते शपथः कृतः । त्वया कृतं बिसस्तैन्यं सर्वेषां नः शुनःसख ॥

iṣṭametaddvijātīnāṃ yo'yaṃ te śapathaḥ kṛtaḥ | tvayā kṛtaṃ bisastainyaṃ sarveṣāṃ naḥ śunaḥsakha

"This oath you have taken is just what the twice-born would wish for. It was you, Shunahsakha, who stole the lotus stalks of us all."

Verse 78 (13.142.78)

न्यस्तमद्यं न पश्यद्भिर्यदुक्तं कृतकर्मभिः । सत्यमेतन्न मिथ्यैतद्बिसस्तैन्यं कृतं मया ॥

nyastamadyaṃ na paśyadbhiryaduktaṃ kṛtakarmabhiḥ | satyametanna mithyaitadbisastainyaṃ kṛtaṃ mayā

"You who had finished your rites and did not see the food that had been put away: what you have said is true and not false. I stole the lotus stalks."

Verse 79 (13.142.79)

मया ह्यन्तर्हितानीह बिसानीमानि पश्यत । परीक्षार्थं भगवतां कृतमेवं मयाऽनघाः ॥

mayā hyantarhitānīha bisānīmāni paśyata | parīkṣārthaṃ bhagavatāṃ kṛtamevaṃ mayā'naghāḥ

"Look, it was I who hid these very lotus stalks here. I did this to test you, venerable ones, O sinless ones."

Note on the text: Alignment found no match; lines are CE 13.95.78a and 78c (परीक्षार्थं … कृतमेवं for CE kṛtam etan).

Verse 80 (13.142.80)

रक्षणार्थं च सर्वेषां भवतामहमागतः । यातुधानी ह्यतिक्रूरा कृत्यैषा वो वधैषिणी ॥

rakṣaṇārthaṃ ca sarveṣāṃ bhavatāmahamāgataḥ | yātudhānī hyatikrūrā kṛtyaiṣā vo vadhaiṣiṇī

"And I came to protect all of you. This Yatudhani was extremely cruel, a Kritya bent on killing you."

Note on the text: Alignment found no match; line 1 = CE 13.95.78e (rakṣaṇārthaṃ ca sarveṣāṃ bhavatām aham āgataḥ), line 2 = CE 13.95.79a (Wikisource ह्यतिक्रूरा for CE hy atikruddhā).

Verse 81 (13.142.81)

वृषादर्भिप्रयुक्तैषा निहता मे तपोधनाः । दुष्टा हिंस्यादियं पापा युष्मान्प्रत्यग्निसम्भवा ॥

vṛṣādarbhiprayuktaiṣā nihatā me tapodhanāḥ | duṣṭā hiṃsyādiyaṃ pāpā yuṣmānpratyagnisambhavā

"She was sent by Vrishadarbhi, and I have slain her, O wealthy in austerity. This wicked, evil fire-born creature would have done you harm."

Note on the text: Alignment found no match; line 1 = CE 13.95.79c, line 2 = CE 13.95.80a.

Verse 82 (13.142.82)

तस्मादस्म्यागतो विप्रा वासवं मां निबोधत । अलोभादक्षया लोकाः प्राप्ता वः सार्वकामिकाः । उत्तिष्ठध्वमितः क्षिप्रं तानवाप्नुत वै द्विजाः ॥

tasmādasmyāgato viprā vāsavaṃ māṃ nibodhata | alobhādakṣayā lokāḥ prāptā vaḥ sārvakāmikāḥ | uttiṣṭhadhvamitaḥ kṣipraṃ tānavāpnuta vai dvijāḥ

"That is why I have come: know me, O brahmins, as Vasava (Indra). Through your freedom from greed you have won imperishable worlds that grant every desire. Rise quickly from here and attain them, O twice-born."

Note on the text: Alignment found no match; line 1 = CE 13.95.80c, line 2 = CE 13.95.81a, line 3 = CE 13.95.81c.

Verse 83 (13.142.83)

ततो महर्षयः प्रीतास्तथेत्युक्त्वा पुरन्दरम् । सहैव त्रिदशेन्द्रेण सर्वे जग्मुस्त्रिविष्टपम् ॥

tato maharṣayaḥ prītāstathetyuktvā purandaram | sahaiva tridaśendreṇa sarve jagmustriviṣṭapam

Then the great sages, pleased, said "So be it" to Indra and all went together with the lord of the thirty gods to heaven.

Verse 84 (13.142.84)

एवमेते महात्मानो योगैर्बहुविधैरपि । क्षुधा परमया युक्ताश्छन्द्यमाना महात्मभिः । नैव लोभं तदा चक्रुस्ततः स्वर्गमवाप्नुवन् ॥

evamete mahātmāno yogairbahuvidhairapi | kṣudhā paramayā yuktāśchandyamānā mahātmabhiḥ | naiva lobhaṃ tadā cakrustataḥ svargamavāpnuvan

Thus these great-souled ones, though gripped by extreme hunger and tempted by great ones with devices of many kinds, did not give way to greed, and so they attained heaven.

Note on the text: Corrected यक्रुः → चक्रुः (misprint in Wikisource; यक्रुः is not a word, CE cakrus).

Verse 85 (13.142.85)

तस्मात्सर्वास्ववस्थासु नरो लोभं विवर्जयेत् । एष धर्मः परो राजंस्तस्माल्लोभं विवर्जयेत् ॥

tasmātsarvāsvavasthāsu naro lobhaṃ vivarjayet | eṣa dharmaḥ paro rājaṃstasmāllobhaṃ vivarjayet

Therefore a man should avoid greed in every circumstance. This, O king, is the highest dharma; therefore he should avoid greed.

Verse 86 (13.142.86)

इदं नरः सुचरितं समवायेषु कीर्तयन् । अर्थभागी च भवति न च दुर्गाण्यवाप्नुते ॥

idaṃ naraḥ sucaritaṃ samavāyeṣu kīrtayan | arthabhāgī ca bhavati na ca durgāṇyavāpnute

A man who recites this good conduct in assemblies becomes a sharer in wealth and does not meet with hardships.

Verse 87 (13.142.87)

प्रीयन्ते पितरश्चास्य ऋषयो देवतास्तथा । यशोधर्मार्थभागी च भवति प्रेत्य मानवः ॥

prīyante pitaraścāsya ṛṣayo devatāstathā | yaśodharmārthabhāgī ca bhavati pretya mānavaḥ

His ancestors, the sages and the gods are pleased with him, and after death that man becomes a sharer in fame, dharma and wealth.