Maheshvara Teaches Uma Dispassion

Verse 1 (13.244.1)

अनुद्विग्नमतेर्जन्तोरस्मिन्संसारमण्डले । शोकव्याधिजरादुःखैर्निर्वाणं नोपपद्यते ॥

anudvignamaterjantorasminsaṃsāramaṇḍale | śokavyādhijarāduḥkhairnirvāṇaṃ nopapadyate

A creature whose mind is never stirred to disquiet in this circle of worldly existence does not attain nirvana, though he lives amid sorrow, sickness, old age and pain.

Note on the text: Split from the first row of the page: its four lines carry two verse-end marks (labels 1a, 1b, 2b, 2b), so it is two verses; this is the first couplet (Wikisource 1). Not in the critical edition proper (vulgate recension); parallel text in Appendix I No. 15 (after 13.134.57d), lines 3925-3926.

Verse 2 (13.244.2)

तस्मादुद्वेगजननं मनोऽवस्थापनं तथा । ज्ञानं ते सम्प्रवक्ष्यामि तन्मूलममृतं हि वै ॥

tasmādudvegajananaṃ mano'vasthāpanaṃ tathā | jñānaṃ te sampravakṣyāmi tanmūlamamṛtaṃ hi vai

Therefore I shall teach you the knowledge that rouses disquiet toward the world and steadies the mind, for it is the very root of immortality.

Note on the text: Split from the first row of the page (see verse 1); this is the second couplet, which the page labels 2b, 2b (Wikisource 2). Not in the critical edition proper (vulgate recension); parallel text in Appendix I No. 15 (after 13.134.57d), lines 3927-3928. Corrected मनोऽवस्थानपं → मनोऽवस्थापनं (misprint in Wikisource; the letters are transposed; CE manovasthāpanaṃ).

Verse 3 (13.244.3)

शोकस्थानसहस्राणि भयस्थानशतानि च । दिवसेदिवसे मूढमाविशन्ति न पण्डितम् ॥

śokasthānasahasrāṇi bhayasthānaśatāni ca | divasedivase mūḍhamāviśanti na paṇḍitam

Thousands of causes of grief and hundreds of causes of fear enter the fool day after day, but not the wise man.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 3929-3930.

Verse 4 (13.244.4)

नष्टे धने वा दारे वा पुत्रे पितरि वा मृते । अहो दुःखमिति ध्यायञ्शोकस्य पदमाव्रजेत् ॥

naṣṭe dhane vā dāre vā putre pitari vā mṛte | aho duḥkhamiti dhyāyañśokasya padamāvrajet

When wealth is lost, or a wife, or when a son or a father has died, he who broods, "Ah, what sorrow!" falls into a place of grief.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 3931-3932.

Verse 5 (13.244.5)

द्रव्येषु समतीतेषु ये शुभास्तान्न चिन्तयेत् । ताननाद्रियमाणस्य शोकबन्धः प्रणश्यति ॥

dravyeṣu samatīteṣu ye śubhāstānna cintayet | tānanādriyamāṇasya śokabandhaḥ praṇaśyati

When possessions are gone, one should not dwell on the good they once gave; for him who pays no heed to them, the bond of grief is destroyed.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 3933-3934.

Verse 6 (13.244.6)

सम्प्रयोगादनिष्टस्य विप्रयोगात्प्रियस्य च । मानुषा मानसैर्दुःखैः संयुज्यन्तेऽल्पबुद्धयः ॥

samprayogādaniṣṭasya viprayogātpriyasya ca | mānuṣā mānasairduḥkhaiḥ saṃyujyante'lpabuddhayaḥ

Through contact with what is unwelcome and parting from what is dear, men of small understanding are joined to sufferings of the mind.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 3935-3936.

Verse 7 (13.244.7)

मृतं वा यदि वा नष्टं योऽतीतमनुशोचति । सन्तापेन च युज्येत तच्चास्य न निवर्तते ॥

mṛtaṃ vā yadi vā naṣṭaṃ yo'tītamanuśocati | santāpena ca yujyeta taccāsya na nivartate

He who grieves over what is past, whether dead or lost, is joined to torment, and what is gone does not come back to him.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 3937-3938.

Verse 8 (13.244.8)

उत्पन्नमिह मानुष्ये गर्भप्रभृति मानवम् । विविधान्युपवर्तन्ते दुःखानि च सुखानि च ॥

utpannamiha mānuṣye garbhaprabhṛti mānavam | vividhānyupavartante duḥkhāni ca sukhāni ca

From the womb onward, for the human being born into this world, pains and pleasures of many kinds come crowding in.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 3939-3940.

Verse 9 (13.244.9)

तयोरेकतरो मार्गो यद्येनमभिसंनमेत् । सुखं प्राप्य न संहृष्येन्न दुःखं प्राप्य संज्वरेत् ॥

tayorekataro mārgo yadyenamabhisaṃnamet | sukhaṃ prāpya na saṃhṛṣyenna duḥkhaṃ prāpya saṃjvaret

If either of those two courses should bend toward him, let him neither rejoice on gaining pleasure nor burn with fever on meeting pain.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 3941-3942.

Verse 10 (13.244.10)

दोषदर्शी भवेत्तत्र यत्र स्नेहः प्रवर्तते । अनिष्टेनान्वितं पश्येद्यथा क्षिप्रं विरज्यते ॥

doṣadarśī bhavettatra yatra snehaḥ pravartate | aniṣṭenānvitaṃ paśyedyathā kṣipraṃ virajyate

Let him look for the fault in whatever he feels attachment to; let him see it joined with something unwelcome, so that he quickly turns away from it.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 3943-3944.

Verse 11 (13.244.11)

यथा काष्ठं च काष्ठं च समेयातां महोदधौ । समेत्य च व्यपेयातां तद्वज्ज्ञातिसमागमः ॥

yathā kāṣṭhaṃ ca kāṣṭhaṃ ca sameyātāṃ mahodadhau | sametya ca vyapeyātāṃ tadvajjñātisamāgamaḥ

As two logs of wood meet on the great ocean and, having met, drift apart again, so is the meeting of kinsfolk.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 3945-3946.

Verse 12 (13.244.12)

अदर्शनादापतिताः पुनश्चादर्शनं गताः । स्नेहस्तत्र न कर्तव्यो विप्रयोगो हि तैर्ध्रुवम् ॥

adarśanādāpatitāḥ punaścādarśanaṃ gatāḥ | snehastatra na kartavyo viprayogo hi tairdhruvam

They come out of the unseen and pass again into the unseen; one should feel no attachment to them, for parting from them is certain.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 3947-3948.

Verse 13 (13.244.13)

कुटुम्बपुत्रदारांश्च शरीरं धनसञ्चयम् । ऐश्वर्यं स्वस्तिता चेति न मुह्येत्तत्र पण्डितः ॥

kuṭumbaputradārāṃśca śarīraṃ dhanasañcayam | aiśvaryaṃ svastitā ceti na muhyettatra paṇḍitaḥ

Family, sons and wives, the body, a hoard of wealth, lordship and well-being: the wise man should not be bewildered by these.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 3949 and 3962 (3950-3961 are not in Wikisource).

Verse 14 (13.244.14)

सुखमेकान्ततो नास्ति शक्रस्यापि त्रिविष्टपे । तत्रापि सुमहद्दुःखं न नित्यं लभते सुखम् ॥

sukhamekāntato nāsti śakrasyāpi triviṣṭape | tatrāpi sumahadduḥkhaṃ na nityaṃ labhate sukham

Happiness is not to be found absolutely even for Shakra in the highest heaven; even there lies great sorrow, and he does not gain happiness that lasts.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 3963-3964.

Verse 15 (13.244.15)

सुखस्यान्तरं दुःखं दुःखस्यानन्तरं सुखम् । क्षया निचयाः सर्वे पतनान्ताः समुच्छ्रयाः ॥

sukhasyāntaraṃ duḥkhaṃ duḥkhasyānantaraṃ sukham | kṣayā nicayāḥ sarve patanāntāḥ samucchrayāḥ

Pain comes after pleasure, and pleasure after pain; all hoards are but decay, and every height ends in a fall.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 3966-3967 (3965 is not in Wikisource). The reading क्षया निचयाः (CE kṣayāntā nicayāḥ) is a recension variant and is kept.

Verse 16 (13.244.16)

संयोगा विप्रयोगान्ता मरणान्तं च जीवितम् । उच्छ्रयांश्च निपाताश्च दृष्ट्या प्रत्यक्षतस्त्रयम् । अनित्यमसुखं चेति व्यवस्येत्सर्वमेव च ॥

saṃyogā viprayogāntā maraṇāntaṃ ca jīvitam | ucchrayāṃśca nipātāśca dṛṣṭyā pratyakṣatastrayam | anityamasukhaṃ ceti vyavasyetsarvameva ca

Meetings end in parting, and life ends in death. Rises and falls too: these three one sees plainly with one's own eyes. Let one conclude that everything without exception is impermanent and without happiness.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 3968-3970. Restored from the critical edition (App. I No. 15, 13.134.57d@015_3968): Wikisource prints a run of asterisks in place of the second word of line 1 (संयोगा *********** मरणान्तं); the lost word विप्रयोगान्ता is supplied from the Appendix text (saṃyogā viprayogāntā maraṇāntaṃ ca jīvitam).

Verse 17 (13.244.17)

अर्थानामार्जने दुःखमार्जितानां तु रक्षणे । नाशे दुःखं व्यये दुःखं धिगर्थं दुःखभाजनम् ॥

arthānāmārjane duḥkhamārjitānāṃ tu rakṣaṇe | nāśe duḥkhaṃ vyaye duḥkhaṃ dhigarthaṃ duḥkhabhājanam

Earning wealth is painful, and so is guarding what has been earned; in its loss there is pain, in its spending there is pain. Shame on wealth, a vessel of sorrow!

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 3971-3972.

Verse 18 (13.244.18)

अर्थवन्तं नरं नित्यं पञ्चाभिघ्नन्ति शत्रवः । राजा चोरश्च दायादा भूतानि क्षय एव च ॥

arthavantaṃ naraṃ nityaṃ pañcābhighnanti śatravaḥ | rājā coraśca dāyādā bhūtāni kṣaya eva ca

Five enemies ever strike the man who has wealth: the king, the thief, the heirs, living creatures, and loss itself.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 3973-3974.

Verse 19 (13.244.19)

अर्थमेव ह्यनर्थस्य मूलमित्यवधारय । न ह्यनर्थाः प्रबाधन्ते नरमर्थविवर्जितम् ॥

arthameva hyanarthasya mūlamityavadhāraya | na hyanarthāḥ prabādhante naramarthavivarjitam

Know that wealth itself is the root of misfortune; for misfortunes do not trouble a man who is free of wealth.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 3975-3976. Corrected नरमर्तविवर्जितम् → नरमर्थविवर्जितम् (misprint in Wikisource; dropped conjunct; CE naram arthavivarjitam).

Verse 20 (13.244.20)

अर्थप्राप्तिर्महद्दुःखमाकिञ्चिन्यं परं सुखम् । उपद्रवेषु चार्थानां दुःखं हि नियतं भवेत् ॥

arthaprāptirmahadduḥkhamākiñcinyaṃ paraṃ sukham | upadraveṣu cārthānāṃ duḥkhaṃ hi niyataṃ bhavet

Gaining wealth is a great pain, and having nothing is the highest happiness; and when calamities strike one's possessions, sorrow is sure to follow.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 3977-3978.

Verse 21 (13.244.21)

धनलोभेन तृष्णाया न तृप्तिरुपलभ्यते । लब्धाश्रयो विवर्धेत समिद्ध इव पावकः ॥

dhanalobhena tṛṣṇāyā na tṛptirupalabhyate | labdhāśrayo vivardheta samiddha iva pāvakaḥ

Through greed for wealth, craving finds no satisfaction; having found a footing, it only grows, like a fire fed with fuel.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 3979-3980.

Verse 22 (13.244.22)

जित्वाऽपि पृथिवीं कृत्स्नां चतुःसागरमेखलाम् । सागराणां पुनः पारं जेतुमिच्छत्यसंशयम् ॥

jitvā'pi pṛthivīṃ kṛtsnāṃ catuḥsāgaramekhalām | sāgarāṇāṃ punaḥ pāraṃ jetumicchatyasaṃśayam

Even after conquering the whole earth, girdled by the four oceans, he undoubtedly wishes to conquer the far shore of the oceans as well.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 3981-3982.

Verse 23 (13.244.23)

अलं परिग्रहेणेह दोषवान्हि परिग्रहः । कोशकारः क्रिमिर्देवि बध्यते हि परिग्रहात् ॥

alaṃ parigraheṇeha doṣavānhi parigrahaḥ | kośakāraḥ krimirdevi badhyate hi parigrahāt

Enough of possessions! Possession is full of fault. The silkworm, O goddess, is bound by what it gathers about itself.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 3983-3984.

Verse 24 (13.244.24)

एकोऽपि पृथिवीं कृत्स्नामेकच्छत्रां प्रशास्ति च । एकस्मिन्नेव राष्ट्रे तु स चापि निवसेन्नृपः ॥

eko'pi pṛthivīṃ kṛtsnāmekacchatrāṃ praśāsti ca | ekasminneva rāṣṭre tu sa cāpi nivasennṛpaḥ

Even he who rules the whole earth under a single umbrella lives, that king too, in one kingdom only.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 3985-3986.

Verse 25 (13.244.25)

तस्मिन्राष्ट्रेऽपि नगरमेकमेवाधितिष्ठति । नगरेऽपि गृहं चैकं भवेत्तस्य निवेशनम् ॥

tasminrāṣṭre'pi nagaramekamevādhitiṣṭhati | nagare'pi gṛhaṃ caikaṃ bhavettasya niveśanam

In that kingdom he occupies a single city, and in that city he has one house as his dwelling.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 3987-3988.

Verse 26 (13.244.26)

एक एव प्रतिष्ठः स्यादावासस्तद्गृहेऽपि च । आवासे शयनं चैकं निशि यत्र प्रलीयते ॥

eka eva pratiṣṭhaḥ syādāvāsastadgṛhe'pi ca | āvāse śayanaṃ caikaṃ niśi yatra pralīyate

In that house he has a single lodging, and in that lodging a single bed, on which he sinks into sleep at night.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 3989-3990.

Verse 27 (13.244.27)

शयनस्यार्धमेवास्य स्त्रियाश्चार्धं विधीयते । तदनेन प्रसङ्गेन स्वल्पेनैव हि युज्यते ॥

śayanasyārdhamevāsya striyāścārdhaṃ vidhīyate | tadanena prasaṅgena svalpenaiva hi yujyate

Half of that bed is his and half is assigned to his wife; so by this reckoning only a very little is truly his own.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 3991-3992.

Verse 28 (13.244.28)

सर्वं ममेति सम्मूढो बलं पश्यति बालिशः । एवं सर्वोपयोगेषु स्वल्पमस्य प्रयोजनम् ॥

sarvaṃ mameti sammūḍho balaṃ paśyati bāliśaḥ | evaṃ sarvopayogeṣu svalpamasya prayojanam

The deluded fool looks on "all this is mine" as strength; yet in every use he makes of it, his real need is small.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 3993-3994.

Verse 29 (13.244.29)

तण्डुलप्रस्थमात्रेण यात्रा स्यात्सर्वदेहिनाम् । ततो भूयस्तरो योगो दुःखाय तपनाय च ॥

taṇḍulaprasthamātreṇa yātrā syātsarvadehinām | tato bhūyastaro yogo duḥkhāya tapanāya ca

A prastha of rice is enough to carry every embodied being through life; whatever is beyond that is only a union with pain and torment.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 3995-3996.

Verse 30 (13.244.30)

नास्ति तृष्णासमं दुःखं नास्ति त्यागसमं सुखम् । सर्वान्कामान्परित्यज्य ब्रह्मभूयाय कल्पते ॥

nāsti tṛṣṇāsamaṃ duḥkhaṃ nāsti tyāgasamaṃ sukham | sarvānkāmānparityajya brahmabhūyāya kalpate

There is no sorrow equal to craving and no happiness equal to renunciation; giving up all desires, one becomes fit for oneness with Brahman.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 3997-3998.

Verse 31 (13.244.31)

या दुस्त्यजा दुर्मतिभिर्या न जीर्यति जीर्यतः । योऽसौ प्राणान्तिको रोगस्तां तृष्णां त्यजतः सुखम् ॥

yā dustyajā durmatibhiryā na jīryati jīryataḥ | yo'sau prāṇāntiko rogastāṃ tṛṣṇāṃ tyajataḥ sukham

The craving that fools cannot give up, that does not age though the body ages, that sickness which lasts to the end of life: for him who gives up that craving there is happiness.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 3999-4000.

Verse 32 (13.244.32)

न जातु कामः कामानामुपभोगेन शाम्यति । हविषा कृष्णवर्त्मेव भूय एवाभिवर्धते ॥

na jātu kāmaḥ kāmānāmupabhogena śāmyati | haviṣā kṛṣṇavartmeva bhūya evābhivardhate

Desire is never quenched by the enjoyment of desires; like a fire fed with ghee, it only grows the more.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4001-4002. Corrected कुष्णवर्त्मेव → कृष्णवर्त्मेव (misprint in Wikisource; CE kṛṣṇavartmeva).

Verse 33 (13.244.33)

अलाभेनैव कामानां शोकं त्यजति पण्डितः । आयासविटपस्तीव्रः कामाग्निः कर्षणारणिः । इन्द्रियार्थैश्च सम्मोह्य दहत्यकुशलं जनम् ॥

alābhenaiva kāmānāṃ śokaṃ tyajati paṇḍitaḥ | āyāsaviṭapastīvraḥ kāmāgniḥ karṣaṇāraṇiḥ | indriyārthaiśca sammohya dahatyakuśalaṃ janam

The wise man casts off grief by simply not obtaining the objects of desire. The fierce fire of desire, with toil for its branches and torment for its fire-drill, confounds a man through the objects of the senses and burns the unwary.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4003-4005.

Verse 34 (13.244.34)

यत्पृथिव्यां व्रीहियवं हिरण्यं पशवः स्त्रियः । नालमेकस्य पर्याप्तमिति पश्यन्न मुह्यति ॥

yatpṛthivyāṃ vrīhiyavaṃ hiraṇyaṃ paśavaḥ striyaḥ | nālamekasya paryāptamiti paśyanna muhyati

All the grain and barley on earth, the gold, the cattle and the women: none of it suffices for a single man. Seeing this, one is not deluded.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4006-4007.

Verse 35 (13.244.35)

यच्च कामसुखं लोके यच्च दिव्यं महत्सुखम् । तृष्णाक्षयसुखस्यैते नार्हतः षोडशीं कलाम् ॥

yacca kāmasukhaṃ loke yacca divyaṃ mahatsukham | tṛṣṇākṣayasukhasyaite nārhataḥ ṣoḍaśīṃ kalām

The pleasure of desire in this world and the great pleasure of heaven are not worth a sixteenth part of the pleasure of craving's end.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4008-4009.

Verse 36 (13.244.36)

इन्द्रियाणीन्द्रियार्थेषु नैव धीरो नियोजयेत् । मनःषष्ठानि संयम्य नित्यमात्मनि योजयेत ॥

indriyāṇīndriyārtheṣu naiva dhīro niyojayet | manaḥṣaṣṭhāni saṃyamya nityamātmani yojayeta

The steadfast man should not yoke his senses to the objects of the senses. Restraining the senses, with the mind as the sixth, let him ever fix them upon the Self.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4010-4011.

Verse 37 (13.244.37)

इन्द्रियाणां विसर्गेण दोषमृच्छत्यसंशयम् । संनियम्य नु तान्येव ततः सिद्धिमवाप्नुयात् ॥

indriyāṇāṃ visargeṇa doṣamṛcchatyasaṃśayam | saṃniyamya nu tānyeva tataḥ siddhimavāpnuyāt

By letting the senses loose he unquestionably incurs fault; by restraining those same senses he then attains perfection.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4012-4013.

Verse 38 (13.244.38)

षण्णामात्मनि युक्तानामैश्वर्यं योऽधिगच्छति । न च पापैर्न चानर्थैः संयुज्येत विचक्षणः ॥

ṣaṇṇāmātmani yuktānāmaiśvaryaṃ yo'dhigacchati | na ca pāpairna cānarthaiḥ saṃyujyeta vicakṣaṇaḥ

The discerning man who gains mastery over the six, once they are fixed in the Self, is not joined to sins or to evils.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4014-4015.

Verse 39 (13.244.39)

अप्रमत्तः सदा रक्षेदिन्द्रियाणि विचक्षणः । अरक्षितेषु तेष्वाशु नरो नरकमेति हि ॥

apramattaḥ sadā rakṣedindriyāṇi vicakṣaṇaḥ | arakṣiteṣu teṣvāśu naro narakameti hi

A discerning man should always guard his senses without negligence; when they are left unguarded, a man swiftly goes to hell.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4016-4017.

Verse 40 (13.244.40)

हृदि काममयश्चित्रो मोहसञ्चयसम्भवः । अज्ञानरूढमूलस्तु विवित्सापरिषेचनः ॥

hṛdi kāmamayaścitro mohasañcayasambhavaḥ | ajñānarūḍhamūlastu vivitsāpariṣecanaḥ

In the heart grows a tree made of desire, many-coloured, sprung from a heap of delusion, its roots set deep in ignorance, watered by the wish to know.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4018-4019.

Verse 41 (13.244.41)

रोषलोभमहास्कन्धः पुरा दुष्कृतसारवान् । आयासविटपस्तीव्रशोकपुष्पो भयाङ्कुरः ॥

roṣalobhamahāskandhaḥ purā duṣkṛtasāravān | āyāsaviṭapastīvraśokapuṣpo bhayāṅkuraḥ

Anger and greed are its great trunk, the evil deeds of the past its heartwood, toil its boughs, keen sorrow its flowers, and fear its shoots.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4020-4021.

Verse 42 (13.244.42)

नानासङ्कल्पपत्राढ्यः प्रमादात्परिवर्धितः । महतीभिः पिपासाभिः समन्तात्परिवेष्टितः ॥

nānāsaṅkalpapatrāḍhyaḥ pramādātparivardhitaḥ | mahatībhiḥ pipāsābhiḥ samantātpariveṣṭitaḥ

It is rich in leaves of many resolves, grown by negligence, and encircled on every side by great thirsts.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4022-4023.

Verse 43 (13.244.43)

संरोहत्यकृतप्रज्ञे पादपः कामसम्भवः । नैव रोहति तत्वज्ञे रूढो वा छिद्यते पुनः ॥

saṃrohatyakṛtaprajñe pādapaḥ kāmasambhavaḥ | naiva rohati tatvajñe rūḍho vā chidyate punaḥ

This tree born of desire takes root in one of unformed understanding; in the knower of truth it does not grow, or if it has grown, it is cut down again.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4024-4025.

Verse 44 (13.244.44)

कृच्छ्रोपायेष्वनित्येषु निःसारेषु फलेषु च । दुःखादिषु दुरन्तेषु कामयोगेषु का रतिः ॥

kṛcchropāyeṣvanityeṣu niḥsāreṣu phaleṣu ca | duḥkhādiṣu duranteṣu kāmayogeṣu kā ratiḥ

In desires that are won by hard means, are impermanent and have worthless fruits, that begin in pain and end badly: what delight can there be in such yokings to desire?

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4026-4027.

Verse 45 (13.244.45)

इन्द्रियेषु च जीर्यत्सु च्छिद्यमाने तथाऽऽयुषि । पुरस्ताच्च स्थिते मृत्यौ किं सुखं पश्यतासुखे ॥

indriyeṣu ca jīryatsu cchidyamāne tathā''yuṣi | purastācca sthite mṛtyau kiṃ sukhaṃ paśyatāsukhe

When the senses are wearing out, life is being cut short and death stands before one, what happiness is there for him who looks upon this joyless state?

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4032-4033 (4028-4031 are not in Wikisource). Corrected तताऽऽयुषि → तथाऽऽयुषि (misprint in Wikisource; CE tathāyuṣi).

Verse 46 (13.244.46)

व्याधिभिः पीड्यमानस्य नित्यं शारीरमानसैः । नरस्याकृतकृत्यस्य किं सुखं मरणे सति ॥

vyādhibhiḥ pīḍyamānasya nityaṃ śārīramānasaiḥ | narasyākṛtakṛtyasya kiṃ sukhaṃ maraṇe sati

For a man ever afflicted by sicknesses of body and mind, whose task is left undone, what happiness can there be when death is at hand?

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4034-4035.

Verse 47 (13.244.47)

सञ्चिन्वानं तमेवार्थं कामानामवितृप्तकम् । व्याघ्रः पशुमिवारण्ये मृत्युरादाय गच्छति ॥

sañcinvānaṃ tamevārthaṃ kāmānāmavitṛptakam | vyāghraḥ paśumivāraṇye mṛtyurādāya gacchati

As a tiger carries off a beast in the forest, Death carries off the man who keeps amassing wealth and is never satisfied in his desires.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4036-4037.

Verse 48 (13.244.48)

जन्ममृत्युजरादुःखैः सततं समभिद्रुतः । संसारे पच्यमानस्तु पापान्नोद्विजते जनः ॥

janmamṛtyujarāduḥkhaiḥ satataṃ samabhidrutaḥ | saṃsāre pacyamānastu pāpānnodvijate janaḥ

Ever harried by the pains of birth, death and old age, and cooked in the cauldron of rebirth, people still do not recoil from sin.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4038-4039.

Verse 49 (13.244.49)

केनोपायेन मर्त्यानां निवर्त्येते जरान्तकौ । यद्यस्ति भगवन्मह्यमेतदाचक्ष्व माचिरम् ॥

kenopāyena martyānāṃ nivartyete jarāntakau | yadyasti bhagavanmahyametadācakṣva māciram

By what means can these two, old age and death, be turned back for mortals? If there is any, Lord, tell it to me without delay.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4040-4041. Speaker: the page heads this उमोवाच; the Appendix text prints the change of speaker one line early.

Verse 50 (13.244.50)

तपसा वा सुमहता कर्मणा वा श्रुतेन वा । रसायनप्रयोगैर्वा केनात्येति जरान्तकौ ॥

tapasā vā sumahatā karmaṇā vā śrutena vā | rasāyanaprayogairvā kenātyeti jarāntakau

By great austerity, or by rites, or by learning, or by the use of elixirs: by what does one pass beyond old age and death?

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4042-4043.

Verse 51 (13.244.51)

नैतदस्ति महाभागे जरामृत्युनिवर्तनम् । सर्वलोकेषु जानीहि मोक्षादन्यत्र भामिनि ॥

naitadasti mahābhāge jarāmṛtyunivartanam | sarvalokeṣu jānīhi mokṣādanyatra bhāmini

In no world is there any turning back of old age and death, O highly fortunate lady, apart from liberation; know this, O lovely one.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4044-4045.

Verse 52 (13.244.52)

न धनेन न राज्येन नोग्रेण तपसाऽपि वा । मरणं नातितरते विना मुक्त्या शरीरिणः ॥

na dhanena na rājyena nogreṇa tapasā'pi vā | maraṇaṃ nātitarate vinā muktyā śarīriṇaḥ

Not by wealth, not by kingship, not even by fierce austerity does an embodied being cross beyond death, without liberation.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4046-4047.

Verse 53 (13.244.53)

अश्वमेधसहस्राणि वाजपेयशतानि च । न तरन्ति जरामृत्यू निर्वाणाधिगमाद्विना ॥

aśvamedhasahasrāṇi vājapeyaśatāni ca | na taranti jarāmṛtyū nirvāṇādhigamādvinā

Thousands of horse sacrifices and hundreds of Vajapeya sacrifices do not carry one across old age and death, short of attaining nirvana.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4048-4049.

Verse 54 (13.244.54)

ऐश्वर्यं धनधान्यं च विद्यालाभस्तपस्तथा । रसायनप्रयोगाद्वै न तरन्ति जरान्तकौ ॥

aiśvaryaṃ dhanadhānyaṃ ca vidyālābhastapastathā | rasāyanaprayogādvai na taranti jarāntakau

Lordship, wealth and grain, the gaining of learning, austerity, the use of elixirs: none of these carries one across old age and death.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4050-4051. Corrected ऐस्वर्यं → ऐश्वर्यं (misprint in Wikisource; CE aiśvaryaṃ).

Verse 55 (13.244.55)

दानयज्ञतपःशीलरसायनविदोऽपि वा । स्वाध्यायनिरता वाऽपि न तरन्ति जरान्तकौ ॥

dānayajñatapaḥśīlarasāyanavido'pi vā | svādhyāyaniratā vā'pi na taranti jarāntakau

Even those versed in gifts, sacrifice, austerity, good conduct and elixirs, or those devoted to the study of the Veda, do not cross beyond old age and death.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4052-4053.

Verse 56 (13.244.56)

देवदानवगन्धर्वकिन्नरोरगराक्षसान् । स्ववशे कुरुते कालो न कालस्यास्त्यगोचरः ॥

devadānavagandharvakinnaroragarākṣasān | svavaśe kurute kālo na kālasyāstyagocaraḥ

Time brings under its sway gods, Danavas, Gandharvas, Kinnaras, serpents and Rakshasas; nothing lies beyond the reach of Time.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4054-4055.

Verse 57 (13.244.57)

न ह्यहानि निवर्तन्ते न मासा न पुनः क्षपाः । सोऽयं प्रपद्यतेऽध्वानमजस्रं ध्रुवमव्ययम् ॥

na hyahāni nivartante na māsā na punaḥ kṣapāḥ | so'yaṃ prapadyate'dhvānamajasraṃ dhruvamavyayam

Days do not turn back, nor do months, nor again the nights; this Time travels its road without pause, fixed and undiminishing.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4056-4057. Corrected स्रेयं प्रपद्यते ध्यानम् → सोऽयं प्रपद्यतेऽध्वानम् (misprint in Wikisource: the printed words do not fit the sense; CE so 'yaṃ prapadyate 'dhvānam).

Verse 58 (13.244.58)

स्रवन्ति न निवर्तन्ते स्रोतांसि सरितामिव । आयुरादाय मर्त्यानामहोरात्रेषु सन्ततम् ॥

sravanti na nivartante srotāṃsi saritāmiva | āyurādāya martyānāmahorātreṣu santatam

They flow on and never return, like the currents of rivers, taking away the life of mortals unceasingly through the days and nights.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4058-4059.

Verse 59 (13.244.59)

जीवितं सर्वभूतानामक्षयः क्षपयन्नसौ । आदित्यो ह्यस्तमभ्येति पुनः पुनरुदेति च ॥

jīvitaṃ sarvabhūtānāmakṣayaḥ kṣapayannasau | ādityo hyastamabhyeti punaḥ punarudeti ca

This undiminished one wastes the lives of all beings: the sun sets, and rises again and again.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4060-4061.

Verse 60 (13.244.60)

यस्यां रात्र्यां व्यतीतायामायुरल्पतरं भवेत् । गाधोदके मत्स्य इव किन्नु तस्य कुमारता ॥

yasyāṃ rātryāṃ vyatītāyāmāyuralpataraṃ bhavet | gādhodake matsya iva kinnu tasya kumāratā

When a night has passed and his life has grown shorter, what youth has he left, like a fish in shallow water?

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4062-4063.

Verse 61 (13.244.61)

मरणं हि शरीरस्य नियतं ध्रुवमेव च । तिष्ठन्नपि क्षणं सर्वः कालस्यैति वशं पुनः ॥

maraṇaṃ hi śarīrasya niyataṃ dhruvameva ca | tiṣṭhannapi kṣaṇaṃ sarvaḥ kālasyaiti vaśaṃ punaḥ

The death of the body is fixed and certain; even while he stands, everyone passes in a moment again under the power of Time.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4064-4065.

Verse 62 (13.244.62)

न म्रियेरन्न जीर्येरन्यदि स्युः सर्वदेहिनः । न चानिष्टं प्रवर्तेत शोको वा प्राणिनं क्वचित् ॥

na mriyeranna jīryeranyadi syuḥ sarvadehinaḥ | na cāniṣṭaṃ pravarteta śoko vā prāṇinaṃ kvacit

If all embodied beings did not die and did not age, no misfortune would come, nor grief to any creature anywhere.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4066-4067.

Verse 63 (13.244.63)

अप्रमत्तः प्रमत्तेषु कालो भूतेषु तिष्ठति । अप्रमत्तस्य कालस्य क्षयं प्राप्तो न मुच्यते ॥

apramattaḥ pramatteṣu kālo bhūteṣu tiṣṭhati | apramattasya kālasya kṣayaṃ prāpto na mucyate

Time stays among beings, vigilant among the heedless; he who has come under the destruction wrought by vigilant Time is not freed.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4068-4069.

Verse 64 (13.244.64)

श्वःकार्यमद्य कुर्वीत पूर्वाह्णे चापराह्णिकम् । कोऽपि तद्वेद यत्रासौ मृत्युना नाभिवीक्षितः ॥

śvaḥkāryamadya kurvīta pūrvāhṇe cāparāhṇikam | ko'pi tadveda yatrāsau mṛtyunā nābhivīkṣitaḥ

Do tomorrow's work today, and the afternoon's in the forenoon. Does anyone know when, or where, Death will not have his eye upon him?

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4070-4071. Corrected कोपि → कोऽपि (misprint in Wikisource; missing avagraha; the CE has ko hi in this place).

Verse 65 (13.244.65)

वर्षास्विदं करिष्यामि इदं ग्रीष्मवसन्तयोः । इति बालश्चिन्तयति अन्तरायं न बुध्यति ॥

varṣāsvidaṃ kariṣyāmi idaṃ grīṣmavasantayoḥ | iti bālaścintayati antarāyaṃ na budhyati

"This I shall do in the rains, this in summer and spring": so the childish man thinks, and does not notice the obstacle in his way.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4072-4073.

Verse 66 (13.244.66)

इदं मे स्यादिदं मे स्यादित्येवं मनसा नराः । अनवाप्तेषु कामेषु ह्रियन्ते मरणं प्रति ॥

idaṃ me syādidaṃ me syādityevaṃ manasā narāḥ | anavāpteṣu kāmeṣu hriyante maraṇaṃ prati

"May I have this, may I have that": thinking so in their minds, men are carried off to death with their desires unfulfilled.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4074-4075.

Verse 67 (13.244.67)

कालपाशेन बद्धानामहन्यहनि जीर्यताम् । का श्रद्धा प्राणिनां मार्गे विषमे भ्रमतां सदा ॥

kālapāśena baddhānāmahanyahani jīryatām | kā śraddhā prāṇināṃ mārge viṣame bhramatāṃ sadā

For those bound by the noose of Time and ageing day after day, what trust can creatures have as they wander ever on an uneven road?

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4076-4077.

Verse 68 (13.244.68)

युवैव धर्मशीलः स्यादनिमित्तं हि जीवितम् । फलानामिव पक्वानां सदा हि पतनाद्भयम् ॥

yuvaiva dharmaśīlaḥ syādanimittaṃ hi jīvitam | phalānāmiva pakvānāṃ sadā hi patanādbhayam

One should be virtuous even in youth, for life comes with no warning; like ripe fruits, there is always the fear of falling.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4078-4079.

Verse 69 (13.244.69)

मर्त्यस्य किं धनैर्दारैः पुत्रैर्भोगैः प्रियैरपि । एकाह्ना सर्वमुत्सृज्य मृत्योस्तु वशमन्वियात् ॥

martyasya kiṃ dhanairdāraiḥ putrairbhogaiḥ priyairapi | ekāhnā sarvamutsṛjya mṛtyostu vaśamanviyāt

What use to a mortal are wealth, wives, sons, pleasures, even loved ones? In a single day he must leave everything and come under the power of Death.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4080-4081.

Verse 70 (13.244.70)

जायमानांश्च सम्प्रेक्ष्य म्रियमाणांस्तथैव च । न संवेगोऽस्ति चेत्पुंसः काष्ठलोष्टसमो हि सः ॥

jāyamānāṃśca samprekṣya mriyamāṇāṃstathaiva ca | na saṃvego'sti cetpuṃsaḥ kāṣṭhaloṣṭasamo hi saḥ

If, seeing creatures being born and dying likewise, a man feels no alarm, he is like a log of wood or a clod of earth.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4082-4083. Corrected जायामानांश्च → जायमानांश्च (misprint in Wikisource; CE jāyamānāṃś ca). Corrected संवेगोस्ति → संवेगोऽस्ति (misprint in Wikisource; missing avagraha; CE saṃvego 'sti). Corrected काष्ठलोसमो → काष्ठलोष्टसमो (misprint in Wikisource; dropped ष्ट; CE kāṣṭhaloṣṭasamo).

Verse 71 (13.244.71)

विनाशिनो ह्यध्रुवजीवितस्य । किं बन्धुभिर्मित्रपरिग्रहैश्च । विहाय यद्गच्छति सर्वमेवं । क्षणेन गत्वा न निवर्तते च ॥

vināśino hyadhruvajīvitasya | kiṃ bandhubhirmitraparigrahaiśca | vihāya yadgacchati sarvamevaṃ | kṣaṇena gatvā na nivartate ca

For one who is perishable and whose life is unstable, what are kinsmen and the possession of friends? He leaves all this behind and goes; having gone in a moment, he does not return.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4084-4087. The page prints four pādas as four lines (71a-d) with a single verse-end mark; kept as one verse.

Verse 72 (13.244.72)

एवं चिन्तयतो नित्यं सर्वार्थानामनित्यताम् । उद्वेगो जायते शीघ्रं निर्वाणस्य पुरस्सरः ॥

evaṃ cintayato nityaṃ sarvārthānāmanityatām | udvego jāyate śīghraṃ nirvāṇasya purassaraḥ

To one who ever reflects thus on the impermanence of all things, disquiet soon arises, the forerunner of nirvana.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4088-4089.

Verse 73 (13.244.73)

तेनोद्वेगेन चाप्यस्य विमर्शो जायते पुनः । विमर्शो नाम वैराग्यं सर्वद्रव्येषु जायते ॥

tenodvegena cāpyasya vimarśo jāyate punaḥ | vimarśo nāma vairāgyaṃ sarvadravyeṣu jāyate

And from that disquiet reflection arises again; this reflection, called dispassion, arises toward all possessions.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4090-4091.

Verse 74 (13.244.74)

वैराग्येण परां शान्तिं लभन्ते मानवाः शुभे । मोक्षस्योपनिषद्दिव्यं वैराग्यमिति निश्चितम् ॥

vairāgyeṇa parāṃ śāntiṃ labhante mānavāḥ śubhe | mokṣasyopaniṣaddivyaṃ vairāgyamiti niścitam

By dispassion, O auspicious one, people attain supreme peace; dispassion is declared to be the divine secret teaching of liberation.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4092-4093.

Verse 75 (13.244.75)

एतत्ते कथितं देवि वैराग्योत्पादनं वचः । एवं सञ्चिन्त्य सञ्चिन्त्य मुच्यन्ते हि मुमुक्षवः ॥

etatte kathitaṃ devi vairāgyotpādanaṃ vacaḥ | evaṃ sañcintya sañcintya mucyante hi mumukṣavaḥ

This, O goddess, I have told you: words that give rise to dispassion. By reflecting on this again and again, those who seek liberation are freed.

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4094-4095.