Ashtavakra Seeks Vadanya's Daughter and Journeys North

Verse 1 (13.50.1)

यदिदं सहधर्मेति प्रोच्यते भरतर्षभ । पाणिग्रहणकाले तु स्त्रीणामेतत्कथं स्मृतम् ॥

yadidaṃ sahadharmeti procyate bharatarṣabha | pāṇigrahaṇakāle tu strīṇāmetatkathaṃ smṛtam

O best of the Bharatas, how is it that this saying, 'she is a partner in dharma,' is recalled of women at the time of the wedding, the taking of the hand?

Verse 2 (13.50.2)

आर्ष एष भवेद्धर्मः प्राजापत्योऽथवाऽसुरः । यदेतत्सहधर्मेति पूर्वमुक्तं महर्षिभिः ॥

ārṣa eṣa bhaveddharmaḥ prājāpatyo'thavā'suraḥ | yadetatsahadharmeti pūrvamuktaṃ maharṣibhiḥ

Is this dharma of the Arsha kind, or the Prajapatya, or else the Asura, that the great seers declared of old as 'a dharma shared'?

Verse 3 (13.50.3)

सन्देहः सुमहानेष विरुद्ध इति मे मतिः । इह यः सहधर्मो वै प्रेत्यायं विहितः क्वनु ॥

sandehaḥ sumahāneṣa viruddha iti me matiḥ | iha yaḥ sahadharmo vai pretyāyaṃ vihitaḥ kvanu

This is a very great doubt for me, and to my mind a self-contradictory one: this shared dharma that holds here in this world, where is it ordained for the world beyond?

Verse 4 (13.50.4)

स्वर्गो मृतानां भवति सहधर्मः पितामह । पूर्वमेकस्तु म्रियते क्व चैकस्तिष्ठते वद ॥

svargo mṛtānāṃ bhavati sahadharmaḥ pitāmaha | pūrvamekastu mriyate kva caikastiṣṭhate vada

Grandsire, the shared dharma is said to bring the dead to heaven; but one of the pair dies first. Tell me, where does the other one remain?

Note on the text: Restored from the critical edition (13.19.4): Wikisource prints the second line as 'पूर्वमेकस्तु म्रिय********कस्तिष्ठते वद' (asterisks for lost text); completed as म्रियते क्व चैकस्तिष्ठते (CE 'pūrvam ekas tu mriyate kva caikas tiṣṭhate vada').

Verse 5 (13.50.5)

नानाधर्मफलोपेता नानाकर्मनिवासिताः । नानानिरयनिष्ठान्ता मानुषा बहवो यदा ॥

nānādharmaphalopetā nānākarmanivāsitāḥ | nānānirayaniṣṭhāntā mānuṣā bahavo yadā

Since human beings are so many, each endowed with the fruit of a different dharma, lodged by different deeds in different places, and bound to end in different hells,

Note on the text: Corrected मानुपा → मानुषा (misprint in Wikisource; मानुपा is not a word; मानुषा, 'human beings', as the CE reads).

Verse 6 (13.50.6)

अनृताः स्त्रिय इत्येवं सूत्रकारो व्यवस्यति । यदाऽनृताः स्त्रियस्तात सहधर्मः कुतः स्मृतः ॥

anṛtāḥ striya ityevaṃ sūtrakāro vyavasyati | yadā'nṛtāḥ striyastāta sahadharmaḥ kutaḥ smṛtaḥ

and the author of the aphorisms holds that women are untruthful. If women are untruthful, dear grandsire, how can a shared dharma be spoken of?

Verse 7 (13.50.7)

अनृताः स्त्रिय इत्येवं वेदेष्वपि हि पठ्यते । धर्मो यः पूर्विको दृष्ट उपचारः क्रियाविधिः ॥

anṛtāḥ striya ityevaṃ vedeṣvapi hi paṭhyate | dharmo yaḥ pūrviko dṛṣṭa upacāraḥ kriyāvidhiḥ

That women are untruthful is read in the Vedas as well. And the dharma seen as the original one consists of observance and the procedure of rites.

Note on the text: First line = CE 13.19.7a; the second line differs from the CE (13.19.7c 'dharmo ’yaṃ paurvikī saṃjñā upacāraḥ kriyāvidhiḥ'); Wikisource's reading is kept (recension variant).

Verse 8 (13.50.8)

गह्वरं प्रतिभात्येतन्मम चिन्तयतोऽनिशम् । निःसन्देहमिदं सर्वं पितामह यथाश्रुतिः ॥

gahvaraṃ pratibhātyetanmama cintayato'niśam | niḥsandehamidaṃ sarvaṃ pitāmaha yathāśrutiḥ

This matter seems to me deep and hard to fathom as I turn it over without rest. Grandsire, make all of it free of doubt for me, as the sacred tradition has it.

Note on the text: Corrected गहरं → गह्वरं (misprint in Wikisource; गहरं is not a Sanskrit word; गह्वरं, 'deep, impenetrable', as the CE reads and the commentary glosses).

Verse 9 (13.50.9)

यदेतद्यादृशं चैतद्यथा चैतत्प्रवर्तितम् । निखिलेन महाप्राज्ञ भवानेतद्ब्रवीतु मे ॥

yadetadyādṛśaṃ caitadyathā caitatpravartitam | nikhilena mahāprājña bhavānetadbravītu me

O greatly wise one, tell me fully what this is, of what kind it is, and how it has been set in motion.

Note on the text: Corrected यदैतद्यादृशं → यदेतद्यादृशं (misprint in Wikisource; यदैतद् gives no sense; the sandhi is यद् + एतद्, 'what this is', as the CE reads).

Verse 10 (13.50.10)

अत्राप्युदाहरन्तीममितिहासं पुरातनम् । अष्टावक्रस्य संवादं दिशया सह भारत ॥

atrāpyudāharantīmamitihāsaṃ purātanam | aṣṭāvakrasya saṃvādaṃ diśayā saha bhārata

On this very point they cite an ancient tale, O Bharata: the conversation of Ashtavakra with Disha, the Direction.

Verse 11 (13.50.11)

निर्वेष्टुकामस्तु पुरा अष्टावक्रो महातपाः । ऋषेरथ वदान्यस्य वव्रे कन्यां महात्मनः ॥

nirveṣṭukāmastu purā aṣṭāvakro mahātapāḥ | ṛṣeratha vadānyasya vavre kanyāṃ mahātmanaḥ

Long ago the great ascetic Ashtavakra, wishing to marry, asked for the daughter of the high-souled sage Vadanya.

Note on the text: Corrected निर्विष्टुकामस्तु → निर्वेष्टुकामस्तु (misprint in Wikisource; निर्विष्टु is not a word; निर्वेष्टु, 'wishing to marry', as in the commentary and in verse 94 below (CE niveṣṭu-)).

Verse 12 (13.50.12)

सुप्रभां नाम वै नाम्ना रूपेणाप्रतिमां भुवि । गुणप्रभावशीलेन चारित्रेण च शोभनाम् ॥

suprabhāṃ nāma vai nāmnā rūpeṇāpratimāṃ bhuvi | guṇaprabhāvaśīlena cāritreṇa ca śobhanām

Her name was Suprabha, a maiden without equal on earth in beauty, lovely in her merit, radiance, nature and conduct.

Note on the text: First line = CE 13.19.12a; the second line differs from the CE (13.19.12c 'guṇaprabarhāṃ śīlena sādhvīṃ cāritraśobhanām'); Wikisource's reading is kept (recension variant).

Verse 13 (13.50.13)

सा तस्यर्षेर्मनो दृष्टा जहार शुभलोचना । वनराजी यथा चित्रा वसन्ते कुसुमाचिता ॥

sā tasyarṣermano dṛṣṭā jahāra śubhalocanā | vanarājī yathā citrā vasante kusumācitā

That fair-eyed girl, the moment he saw her, stole the sage's mind, like a many-coloured line of woods in spring, covered with blossoms.

Note on the text: Corrected कुसुमाञचिता → कुसुमाचिता (misprint in Wikisource; ञ inserted; कुसुमाचिता, 'covered with blossoms', as the CE reads).

Verse 14 (13.50.14)

ऋषिस्तमाह देया मे सुता तुभ्यं हि तच्छृणु ॥

ṛṣistamāha deyā me sutā tubhyaṃ hi tacchṛṇu

The sage said to him, 'My daughter is indeed to be given to you; hear this from me.'

Note on the text: Line = CE 13.19.14a, with the variant 'हि तच्छृणु' for the CE's 'śṛṇuṣva me'. Speech inside the narration; no separate speaker heading.

Verse 15 (13.50.15)

अनन्यस्त्रीजनः प्राज्ञो ह्यप्रवासी प्रियंवदः । सुरूपः सम्मतो वीरः शीलवान्भोगभुक्छुचिः ॥

ananyastrījanaḥ prājño hyapravāsī priyaṃvadaḥ | surūpaḥ sammato vīraḥ śīlavānbhogabhukchuciḥ

A man who has no other woman, who is wise, who does not live abroad, who speaks pleasantly, handsome, respected, brave, virtuous, who enjoys the good things of life, and pure,

Note on the text: Removed a stray opening backtick. Not in the critical edition's numbered text: star passage 13,019.014b*0190_01-02 (Vadanya's words). Page prints it under Bhishma's heading, but it is Vadanya's direct speech, so the speaker is given as Vadanya.

Verse 16 (13.50.16)

दारानुमतयज्ञश्च सुनक्षत्रामथोद्वहेत् । सभृत्यः स्वजनोपेत इह प्रेत्य च मोदते ॥

dārānumatayajñaśca sunakṣatrāmathodvahet | sabhṛtyaḥ svajanopeta iha pretya ca modate

who performs sacrifices with his wife's consent: such a man should then marry a girl of auspicious star, Sunakshatra. With his servants and kinsfolk he rejoices both here and hereafter.

Note on the text: Corrected उद्वेहेत् → उद्वहेत् (misprint in Wikisource; उद्वेहेत् is not a form of उद्+वह्; उद्वहेत्, 'should marry', as the CE reads (udvahet)). Not in the critical edition's numbered text: star passage 13,019.014b*0190_03-04 (Vadanya's words). Page prints it under Bhishma's heading, but it is Vadanya's direct speech.

Verse 17 (13.50.17)

गच्छ तावद्दिशं पुण्यामुत्तरां द्रक्ष्यसे ततः ॥

gaccha tāvaddiśaṃ puṇyāmuttarāṃ drakṣyase tataḥ

For now, go to the sacred northern quarter; after that you will see.

Note on the text: Line = CE 13.19.14c (the CE's four star lines 14b*0190_01-04 stand between the two lines of this CE verse). Page prints it under Bhishma's heading, but it is Vadanya's direct speech.

Verse 18 (13.50.18)

किं द्रष्टव्यं मया तत्र वक्तुमर्हति मे भवान् । तथेदानीं मया कार्यं यथा वक्ष्यति मां भवान् ॥

kiṃ draṣṭavyaṃ mayā tatra vaktumarhati me bhavān | tathedānīṃ mayā kāryaṃ yathā vakṣyati māṃ bhavān

What am I to see there? Be pleased to tell me. And whatever you instruct me, I shall now do just so.

Note on the text: Corrected मयो → मया (misprint in Wikisource; मयो is not a word; मया, 'by me', as the CE reads).

Verse 19 (13.50.19)

धनदं समतिक्रम्य हिमवन्तं च पर्वतम् । रुद्रस्यायतनं दृष्ट्वा सिद्धचारणसेवितम् ॥

dhanadaṃ samatikramya himavantaṃ ca parvatam | rudrasyāyatanaṃ dṛṣṭvā siddhacāraṇasevitam

Passing beyond the realm of Dhanada and the mountain Himalaya, you will see the dwelling of Rudra, frequented by Siddhas and Charanas,

Verse 20 (13.50.20)

संहृष्टैः पार्षदैर्जुष्टं नृत्यद्भिर्विविधाननैः । दिव्याङ्गरागैः पैशाचैरन्यैर्नानाविधैः प्रभोः ॥

saṃhṛṣṭaiḥ pārṣadairjuṣṭaṃ nṛtyadbhirvividhānanaiḥ | divyāṅgarāgaiḥ paiśācairanyairnānāvidhaiḥ prabhoḥ

attended by delighted followers dancing with faces of many kinds, by Pishachas smeared with divine unguents, and by many other beings of the Lord.

Verse 21 (13.50.21)

पाणितालसुतालैश्च शम्पातालैः समैस्तथा । सम्प्रहृष्टैः प्रनृत्यद्भिः शर्वस्तत्र निषेव्यते ॥

pāṇitālasutālaiśca śampātālaiḥ samaistathā | samprahṛṣṭaiḥ pranṛtyadbhiḥ śarvastatra niṣevyate

With clapping of hands, with fine beats of the tala, with shampa beats and even beats, they attend Sharva there, joyful and dancing.

Verse 22 (13.50.22)

इष्टं किल गिरौ स्थानं तद्दिव्यमिति शुश्रुम । नित्यं सन्निहितो देवस्तथा ते पार्षदाः स्मृताः ॥

iṣṭaṃ kila girau sthānaṃ taddivyamiti śuśruma | nityaṃ sannihito devastathā te pārṣadāḥ smṛtāḥ

We have heard that on that mountain there is a cherished place, a divine one. The god is ever present there, and so, it is remembered, are his attendants.

Note on the text: First line = CE 13.19.19a; the second line differs from the CE (13.19.19c 'nityaṃ saṃnihito devas tathā pāriṣadāḥ śubhāḥ'); Wikisource's reading is kept (recension variant).

Verse 23 (13.50.23)

तत्र देव्या तपस्तप्तं शङ्करार्थं सुदुश्चरम् । अतस्तदिष्टं देवस्य तथोमाया इति श्रुतिः ॥

tatra devyā tapastaptaṃ śaṅkarārthaṃ suduścaram | atastadiṣṭaṃ devasya tathomāyā iti śrutiḥ

There the Goddess practised austerities, very hard to perform, for the sake of Shankara; hence the place is dear to the god, and so it is heard to be dear to Uma.

Note on the text: Corrected सङ्करार्थं → शङ्करार्थं (misprint in Wikisource; सङ्कर, 'mixture', does not fit; शङ्कर, 'Shankara', as the CE reads (śaṃkarārtham)).

Verse 24 (13.50.24)

पूर्वे तत्र महापार्श्वे देवस्योत्तरतस्तथा । ऋतवः कालरात्रिश्च ये दिव्या ये च मानुषाः ॥

pūrve tatra mahāpārśve devasyottaratastathā | ṛtavaḥ kālarātriśca ye divyā ye ca mānuṣāḥ

In the east of that place, on the mountain's great flank, and likewise to the north of the god, are the seasons and the Night of Time, both those that are divine and those that are human,

Note on the text: Differs from CE 13.19.21 ('tatra kūpo mahān pārśve devasyottaratas tathā …'): the first line is a different reading; Wikisource's reading is kept (recension variant).

Verse 25 (13.50.25)

देवं चोपासते सर्वे रूपिणः किल तत्र ह । तदतिक्रम्य भवनं त्वया यातव्यमेव हि ॥

devaṃ copāsate sarve rūpiṇaḥ kila tatra ha | tadatikramya bhavanaṃ tvayā yātavyameva hi

all of them, it is said, take bodily form there and worship the god. Passing beyond that abode, you must go on.

Verse 26 (13.50.26)

ततो नीलं वनोद्देशं द्रक्ष्यसे मेघसन्निभम् । रमणीयं मनोग्राहि तत्र वै द्रक्ष्यसे स्त्रियम् ॥

tato nīlaṃ vanoddeśaṃ drakṣyase meghasannibham | ramaṇīyaṃ manogrāhi tatra vai drakṣyase striyam

Then you will see a dark-blue stretch of forest, like a cloud, delightful and captivating; and there you will see a woman.

Verse 27 (13.50.27)

तपस्विनीं महाभागां वृद्धां दीक्षामनुष्ठिताम् । द्रष्टव्या सा त्वया तत्र सम्पूज्या चैव यत्नतः ॥

tapasvinīṃ mahābhāgāṃ vṛddhāṃ dīkṣāmanuṣṭhitām | draṣṭavyā sā tvayā tatra sampūjyā caiva yatnataḥ

She is an ascetic of great fortune, aged, devoted to a vow of initiation. You must see her there and honour her with all care.

Verse 28 (13.50.28)

तां दृष्ट्वा विनिवृत्तस्त्वं ततः पाणिं ग्रहीष्यसि । यद्येष समयः सर्वः साध्यतां तत्र गम्यताम् ॥

tāṃ dṛṣṭvā vinivṛttastvaṃ tataḥ pāṇiṃ grahīṣyasi | yadyeṣa samayaḥ sarvaḥ sādhyatāṃ tatra gamyatām

Having seen her, you will turn back, and then you will take my daughter's hand. If this whole condition is acceptable, let it be carried out; go there.

Verse 29 (13.50.29)

तथाऽस्तु साधयिष्यामि तत्र यास्याम्यसंशयम् । यत्र त्वं वदसे साधो भवान्भवतु सत्यवाक् ॥

tathā'stu sādhayiṣyāmi tatra yāsyāmyasaṃśayam | yatra tvaṃ vadase sādho bhavānbhavatu satyavāk

So be it. I shall accomplish it, and I shall go there without fail, to the place you name. May you, good sir, keep true to your word.

Verse 30 (13.50.30)

ततोऽगच्छत्स भगवानुत्तरामुत्तरां दिशम् । हिमवन्तं गिरिश्रेष्ठं सिद्धचारणसेवितम् ॥

tato'gacchatsa bhagavānuttarāmuttarāṃ diśam | himavantaṃ giriśreṣṭhaṃ siddhacāraṇasevitam

Then the venerable sage went on, ever northward, to the Himalaya, best of mountains, haunted by Siddhas and Charanas.

Verse 31 (13.50.31)

स गत्वा द्विजशार्दूलो हिमवन्तं महागिरिम् । अभ्यगच्छन्नदीं पुण्यां बाहुदां पुण्यदायिनीम् ॥

sa gatvā dvijaśārdūlo himavantaṃ mahāgirim | abhyagacchannadīṃ puṇyāṃ bāhudāṃ puṇyadāyinīm

That best of Brahmins, having reached the great mountain Himalaya, came to the holy river Bahuda, which grants merit.

Verse 32 (13.50.32)

अशोके विमले तीर्थे स्नात्वा वै तर्प्य देवताः । तत्र वासाय शयने कौशे सुखमुवास ह ॥

aśoke vimale tīrthe snātvā vai tarpya devatāḥ | tatra vāsāya śayane kauśe sukhamuvāsa ha

Having bathed at the spotless ford of Ashoka and offered water to the gods, he made his lodging there and slept comfortably on a bed of kusha grass.

Verse 33 (13.50.33)

ततो रात्र्यां व्यतीतायां प्रातरुत्थाय स द्विजः । स्नात्वा प्रादुश्चकाराग्निं हुत्वा चैवं विधानतः ॥

tato rātryāṃ vyatītāyāṃ prātarutthāya sa dvijaḥ | snātvā prāduścakārāgniṃ hutvā caivaṃ vidhānataḥ

When the night had passed, that Brahmin rose at dawn, bathed, kindled the fire and made the offering in due form.

Verse 34 (13.50.34)

रुद्राणीकूपमासाद्य ह्रदे तत्र समाश्वसत् । विश्रान्तश्च समुत्थाय कैलासमभितो ययौ ॥

rudrāṇīkūpamāsādya hrade tatra samāśvasat | viśrāntaśca samutthāya kailāsamabhito yayau

Reaching the well of Rudrani, he rested at the pool there; and, refreshed, he rose and went on toward Kailasa.

Verse 35 (13.50.35)

सोऽपश्यत्काञ्चनद्वारं दीप्यमानमिव श्रिया । मन्दाकिनीं च नलिनीं धनदस्य महात्मनः ॥

so'paśyatkāñcanadvāraṃ dīpyamānamiva śriyā | mandākinīṃ ca nalinīṃ dhanadasya mahātmanaḥ

He saw a golden gate, blazing as if with glory, and Mandakini, the lotus pond of the great-souled Dhanada.

Verse 36 (13.50.36)

अथ ते राक्षसाः सर्वे येऽभिरक्षन्ति पद्मिनीम् । प्रत्युत्थिता भगवन्तं माणिभद्रपुरोगमाः ॥

atha te rākṣasāḥ sarve ye'bhirakṣanti padminīm | pratyutthitā bhagavantaṃ māṇibhadrapurogamāḥ

Then all the Rakshasas who guard the lotus pond, led by Manibhadra, rose to meet the venerable sage.

Verse 37 (13.50.37)

स तान्प्रत्यर्चयामास राक्षसान्भीमविक्रमान् । निवेदयत मां क्षिप्रं धनदायेति चाब्रवीत् ॥

sa tānpratyarcayāmāsa rākṣasānbhīmavikramān | nivedayata māṃ kṣipraṃ dhanadāyeti cābravīt

He greeted those fearsomely mighty Rakshasas in return and said, 'Quickly announce me to Dhanada.'

Verse 38 (13.50.38)

ते राक्षसास्तथा राजन्भगवन्तमथाब्रुवन् । असौ वैश्रवणो राजा स्वयमायाति तेऽन्तिकम् ॥

te rākṣasāstathā rājanbhagavantamathābruvan | asau vaiśravaṇo rājā svayamāyāti te'ntikam

Then, O king, those Rakshasas said to the venerable sage, 'King Vaishravana himself is coming to you.'

Verse 39 (13.50.39)

विदितो भगवानस्य कार्यमागमनस्य यत् । पश्यैनं त्वं महाभागं ज्वलन्तमिव तेजसा ॥

vidito bhagavānasya kāryamāgamanasya yat | paśyainaṃ tvaṃ mahābhāgaṃ jvalantamiva tejasā

The venerable one is known to him, and so is the purpose of his coming. Behold him, the greatly fortunate, who blazes with splendour.

Note on the text: Direct speech of the Rakshasas continuing from the previous verse, with no printed heading; given to them, with speaker_line 'राक्षसा ऊचुः'.

Verse 40 (13.50.40)

ततो वैश्रवणोऽभ्येत्य अष्टावक्रमनिन्दितम् । विधिवत्कुशलं पृष्ट्वा ततो ब्रह्मर्षिमब्रवीत् ॥

tato vaiśravaṇo'bhyetya aṣṭāvakramaninditam | vidhivatkuśalaṃ pṛṣṭvā tato brahmarṣimabravīt

Then Vaishravana came up to the blameless Ashtavakra, asked after his welfare in due form, and spoke to the Brahmin sage.

Verse 41 (13.50.41)

सुखं प्राप्तो भवान्कच्चित्किंवा मत्तश्चिकीर्षति । ब्रूहि सर्वं करिष्यामि यन्मां वक्ष्यसि वै द्विज ॥

sukhaṃ prāpto bhavānkaccitkiṃvā mattaścikīrṣati | brūhi sarvaṃ kariṣyāmi yanmāṃ vakṣyasi vai dvija

I hope you have arrived in comfort. What do you wish to have from me? Say everything, Brahmin; I shall do whatever you ask of me.

Note on the text: Direct speech of Vaishravana (Kubera) with no printed heading; given to him.

Verse 42 (13.50.42)

भवनं प्रविश त्वं मे यथाकामं द्विजोत्तम । सत्कृतः कृतकार्यश्च भवान्यास्यत्यविघ्नतः ॥

bhavanaṃ praviśa tvaṃ me yathākāmaṃ dvijottama | satkṛtaḥ kṛtakāryaśca bhavānyāsyatyavighnataḥ

Enter my house as you please, best of Brahmins. Honoured, and with your purpose achieved, you will depart without hindrance.

Note on the text: Direct speech of Vaishravana (Kubera) with no printed heading; given to him.

Verse 43 (13.50.43)

प्राविशद्भवनं स्वं वै गृहीत्वा तं द्विजोत्तमम् । आसनं स्वं ददौ चैव पाद्यमर्घ्यं तथैव च ॥

prāviśadbhavanaṃ svaṃ vai gṛhītvā taṃ dvijottamam | āsanaṃ svaṃ dadau caiva pādyamarghyaṃ tathaiva ca

Taking that best of Brahmins with him, he entered his own house, and gave him his own seat, together with water for the feet and the guest-offering.

Verse 44 (13.50.44)

अथोपविष्टयोस्तत्र माणिभद्रपुरोगमाः । निषेदुस्तत्र कौबेरा यक्षगन्धर्वकिन्नराः ॥

athopaviṣṭayostatra māṇibhadrapurogamāḥ | niṣedustatra kauberā yakṣagandharvakinnarāḥ

When the two were seated there, Kubera's retinue, Yakshas, Gandharvas and Kinnaras, led by Manibhadra, also sat down.

Verse 45 (13.50.45)

ततस्तेषां निषण्णानां धनदो वाक्यमब्रवीत् । भवच्छन्दं समाज्ञाय नृत्येरन्नप्सरोगणाः ॥

tatasteṣāṃ niṣaṇṇānāṃ dhanado vākyamabravīt | bhavacchandaṃ samājñāya nṛtyerannapsarogaṇāḥ

Then, when they were seated, Dhanada said, 'Knowing your wish, let the troops of Apsarases dance.'

Verse 46 (13.50.46)

आतिथ्यं परमं कार्यं शुश्रूषा भवतस्तथा । संवर्ततामित्युवाच मुनिर्मधुरया गिरा ॥

ātithyaṃ paramaṃ kāryaṃ śuśrūṣā bhavatastathā | saṃvartatāmityuvāca munirmadhurayā girā

'Hospitality is the highest duty, and so is attending upon you.' 'Let it go forward,' said the sage in a sweet voice.

Note on the text: First line is Kubera's speech, second line is narration (the sage's reply); the verse is kept with the narrator.

Verse 47 (13.50.47)

यथोर्वरा मिश्रकेशी रम्भा चैवोर्वशी तथा । अलम्बुसा घृताची च चित्रा चित्राङ्गदारुचिः ॥

yathorvarā miśrakeśī rambhā caivorvaśī tathā | alambusā ghṛtācī ca citrā citrāṅgadāruciḥ

Urvara, Mishrakeshi, Rambha and Urvashi, Alambusha, Ghritachi, Chitra, Chitrangada and Ruchi,

Verse 48 (13.50.48)

मनोहरा सुकेशी च सुमुखी हासिनी प्रभा । विद्युता प्रशमी दान्ता विद्योता रतिरेव च ॥

manoharā sukeśī ca sumukhī hāsinī prabhā | vidyutā praśamī dāntā vidyotā ratireva ca

Manohara, Sukeshi, Sumukhi, Hasini, Prabha, Vidyuta, Prashami, Danta, Vidyota, and Rati too.

Verse 49 (13.50.49)

एताश्चान्याश्च वै बह्व्यः प्रनृत्ताप्सरसः शुभाः । अवादयंश्च गन्धर्वा वाद्यानि विविधानि च ॥

etāścānyāśca vai bahvyaḥ pranṛttāpsarasaḥ śubhāḥ | avādayaṃśca gandharvā vādyāni vividhāni ca

These and many other lovely Apsarases danced, and the Gandharvas played instruments of many kinds.

Verse 50 (13.50.50)

अथ प्रवृत्ते गान्धर्वे दिव्ये ऋषिरुपाविशत् । दिव्यं संवत्सरं तत्रारमतैष महातपाः ॥

atha pravṛtte gāndharve divye ṛṣirupāviśat | divyaṃ saṃvatsaraṃ tatrāramataiṣa mahātapāḥ

When the divine music had begun, the sage sat down there; and that great ascetic took his pleasure there for a divine year.

Verse 51 (13.50.51)

ततो वैश्रवणो राजा भगवन्तमुवाच ह । साग्रः संवत्सरो यातो विप्रेह तव पश्यतः ॥

tato vaiśravaṇo rājā bhagavantamuvāca ha | sāgraḥ saṃvatsaro yāto vipreha tava paśyataḥ

Then King Vaishravana said to the venerable sage, 'A full year and more has gone by, Brahmin, as you sat watching.'

Note on the text: First line is narration, second line is Vaishravana's speech; the verse is kept with the narrator.

Verse 52 (13.50.52)

हार्योऽयं विषयो ब्रह्मन्गान्धर्वो नाम नामतः । छन्दतो वर्ततां विप्र यथा वदति वा भवान् ॥

hāryo'yaṃ viṣayo brahmangāndharvo nāma nāmataḥ | chandato vartatāṃ vipra yathā vadati vā bhavān

This realm, called the Gandharva realm, is enchanting, Brahmin. Let it go on as you please, or as you say, O Brahmin.

Note on the text: Direct speech of Vaishravana (Kubera) with no printed heading; given to him.

Verse 53 (13.50.53)

अतिथिः पूजनीयस्त्वमिदं च भवतो गृहम् । सर्वमाज्ञाप्यतामाशु परवन्तो वयं त्वयि ॥

atithiḥ pūjanīyastvamidaṃ ca bhavato gṛham | sarvamājñāpyatāmāśu paravanto vayaṃ tvayi

You are a guest, to be honoured, and this house is yours. Command everything at once; we are at your disposal.

Note on the text: Direct speech of Vaishravana (Kubera) with no printed heading; given to him.

Verse 54 (13.50.54)

अथ वैश्रवणं प्रीतो भगवान्प्रत्यभाषत । अर्चितोस्मि यथान्यायं गमिष्यामि धनेश्वर ॥

atha vaiśravaṇaṃ prīto bhagavānpratyabhāṣata | arcitosmi yathānyāyaṃ gamiṣyāmi dhaneśvara

Then the venerable one, pleased, replied to Vaishravana, 'I have been honoured as is proper; I shall take my leave, Lord of Wealth.'

Note on the text: First line is narration, second line is Ashtavakra's speech; the verse is kept with the narrator.

Verse 55 (13.50.55)

प्रीतोस्मि सदृशं चैव तव सर्वं धनाधिप । तव प्रसादाद्भगवन्महर्षेश्च महात्मनः । नियोगादद्य यास्यामि वृद्धिमानृद्धिमान्भव ॥

prītosmi sadṛśaṃ caiva tava sarvaṃ dhanādhipa | tava prasādādbhagavanmaharṣeśca mahātmanaḥ | niyogādadya yāsyāmi vṛddhimānṛddhimānbhava

I am pleased, Lord of Wealth, with all of this, a welcome worthy of you. By your grace, venerable sir, and by the bidding of the great-souled sage, I shall go today. May you flourish and prosper.

Note on the text: Corrected वृद्दिमान् → वृद्धिमान् (misprint in Wikisource; दद for द्ध; वृद्धिमान्, 'prosperous'). Three-line verse as printed (13-50-55a,b,c) = CE 13.20.27a, 27c, 27e. Whole verse is Ashtavakra's speech with no printed heading; given to him.

Verse 56 (13.50.56)

अथ निष्क्रम्य भगवान्प्रययावुत्तरामुखः । कैलासे शङ्करावासमभिवीक्ष्य प्रणम्य च ॥

atha niṣkramya bhagavānprayayāvuttarāmukhaḥ | kailāse śaṅkarāvāsamabhivīkṣya praṇamya ca

Then the venerable one went out and set off facing north, having gazed on Shankara's dwelling on Kailasa and bowed to it,

Note on the text: Corrected सङ्करावासम् → शङ्करावासम् (misprint in Wikisource; सङ्कर, 'mixture', does not fit; शङ्कर, 'Shankara', as the CE reads (śaṃkarāvāsam)). Removed a stray opening backtick. First line = CE 13.20.28a; second line = CE star line 13,020.028b*0191_01.

Verse 57 (13.50.57)

गौरीशं शङ्करं दान्तं शरणागतवत्सलम् । गङ्गाधरं गोपतिगं गणावृतमकल्मषम् ॥

gaurīśaṃ śaṅkaraṃ dāntaṃ śaraṇāgatavatsalam | gaṅgādharaṃ gopatigaṃ gaṇāvṛtamakalmaṣam

to Shankara, lord of Gauri, self-controlled, tender to those who take refuge in him, bearer of the Ganga, rider of the bull, surrounded by his hosts, and stainless.

Note on the text: Corrected गोपतिनं → गोपतिगं (misprint in Wikisource; गोपतिनं is not a word; गोपतिगं, 'riding the bull', as the CE reads (gopatigaṃ)). Corrected अकल्पषम् → अकल्मषम् (misprint in Wikisource; प for म; अकल्मषम्, 'stainless', as the CE reads (akalmaṣam)). Removed the stray closing marks (।।') after the last word. Not in the critical edition's numbered text: star passage 13,020.028b*0191_02-03.

Verse 58 (13.50.58)

कैलासं मन्दरं हैमं सर्वाननुचचार ह । तानतीत्य महाशैलान्कैरातं स्थानमुत्तमम् ॥

kailāsaṃ mandaraṃ haimaṃ sarvānanucacāra ha | tānatītya mahāśailānkairātaṃ sthānamuttamam

He passed through Kailasa, Mandara and the golden mountain, all of them in turn; and having crossed those great mountains he came to the Kirata country, the best of places.

Note on the text: First line = CE 13.20.28c; second line = CE 13.20.29a.

Verse 59 (13.50.59)

प्रदक्षिणं तथा चक्रे प्रयतः शिरसा नतः । धरणीमवतीर्याथ पूतात्माऽसौ तदाऽभवत् ॥

pradakṣiṇaṃ tathā cakre prayataḥ śirasā nataḥ | dharaṇīmavatīryātha pūtātmā'sau tadā'bhavat

Devout, with bowed head, he circled it in reverence; and having come down to the ground, he became pure in spirit.

Note on the text: Corrected तदाऽभकवत् → तदाऽभवत् (misprint in Wikisource; क inserted; तदाऽभवत्, 'then he became', as the CE reads (tadābhavat)). Lines = CE 13.20.29c and 29e.

Verse 60 (13.50.60)

स तं प्रदक्षिणं कृत्वा निर्यातश्चोत्तरामुखः । समेन भूमिभागेन ययौ प्रीतिपुरस्कृतः ॥

sa taṃ pradakṣiṇaṃ kṛtvā niryātaścottarāmukhaḥ | samena bhūmibhāgena yayau prītipuraskṛtaḥ

Having circled it, he set out facing north and went over level ground, filled with joy.

Note on the text: Differs from CE 13.20.30a ('sa taṃ pradakṣiṇaṃ kṛtvā triḥ śailaṃ cottarāmukhaḥ'): Wikisource has निर्यातश्चोत्तरामुखः for the CE's 'triḥ śailaṃ cottarāmukhaḥ'; Wikisource's reading is kept (recension variant).

Verse 61 (13.50.61)

ततोऽपरं वनोद्देशं रमणीयमपश्यत । सर्वर्तुभिर्मूलफलैः पक्षिभिश्च समन्वितैः । रमणीयैर्वनोद्देशैस्तत्रतत्र विभूषितम् ॥

tato'paraṃ vanoddeśaṃ ramaṇīyamapaśyata | sarvartubhirmūlaphalaiḥ pakṣibhiśca samanvitaiḥ | ramaṇīyairvanoddeśaistatratatra vibhūṣitam

Then he saw another delightful stretch of forest, rich with roots and fruits of every season and with birds, adorned here and there with charming groves.

Note on the text: Three-line verse as printed (13-50-61a,b,c) = CE 13.20.31a, 31c, 31e (second line reads समन्वितैः, the CE 'samanvitam').

Verse 62 (13.50.62)

तत्राश्रमपदं दिव्यं ददर्श भगवानथ ॥

tatrāśramapadaṃ divyaṃ dadarśa bhagavānatha

There the venerable one beheld a divine hermitage.

Note on the text: One-line verse as printed (13-50-62a) = CE 13.20.32a.

Verse 63 (13.50.63)

शैलांश्च विविधाकारान्काञ्चनान्रत्नभूषितान् । मणिभूमौ निविष्टाश्च पुष्करिण्यस्तथैव च ॥

śailāṃśca vividhākārānkāñcanānratnabhūṣitān | maṇibhūmau niviṣṭāśca puṣkariṇyastathaiva ca

He saw mountains of many forms, golden and adorned with jewels, and lotus pools set in ground of gems.

Note on the text: Lines = CE 13.20.32c and 32e.

Verse 64 (13.50.64)

अन्यान्यपि सुरम्याणि ददर्श सुबहून्यथ । भृशं तस्य मनो रमे महर्षेर्भावितात्मनः ॥

anyānyapi suramyāṇi dadarśa subahūnyatha | bhṛśaṃ tasya mano rame maharṣerbhāvitātmanaḥ

He saw many other lovely things as well; the mind of that great sage of cultivated spirit was greatly delighted.

Verse 65 (13.50.65)

स तत्र काञ्चनं दिव्यं सर्वरत्नमयं गृहम् । ददर्शाद्भुतसङ्काशं धनदस्य गृहाद्वरम् ॥

sa tatra kāñcanaṃ divyaṃ sarvaratnamayaṃ gṛham | dadarśādbhutasaṅkāśaṃ dhanadasya gṛhādvaram

There he saw a divine golden house, made wholly of jewels, wondrous to behold, finer than Dhanada's house.

Verse 66 (13.50.66)

महान्तो यत्र विविधा मणिकाञ्चनपर्वताः । विमानानि च रम्याणि रत्नानि विविधानि च ॥

mahānto yatra vividhā maṇikāñcanaparvatāḥ | vimānāni ca ramyāṇi ratnāni vividhāni ca

There were great mountains of gems and gold of many kinds, lovely celestial chariots, and jewels of many sorts.

Note on the text: Differs from CE 13.20.35a ('mahānto yatra vividhāḥ prāsādāḥ parvatopamāḥ'): Wikisource reads मणिकाञ्चनपर्वताः for the CE's 'prāsādāḥ parvatopamāḥ'; the second line is the CE's 35c. Wikisource's reading is kept (recension variant).

Verse 67 (13.50.67)

मन्दारपुष्पैः सङ्कीर्णां तथा मन्दाकिनीं नदीम् । स्वयम्प्रभाश्च मणयो वज्रैर्भूमिश्च भूषिता ॥

mandārapuṣpaiḥ saṅkīrṇāṃ tathā mandākinīṃ nadīm | svayamprabhāśca maṇayo vajrairbhūmiśca bhūṣitā

He saw the river Mandakini strewn with mandara blossoms; the gems shone of themselves, and the ground was adorned with diamonds.

Verse 68 (13.50.68)

नानाविधैश्च भवनैर्विचित्रमणितोरणैः । मुक्ताजालविनिक्षिप्तैर्मणिरत्नविभूषितैः ॥

nānāvidhaiśca bhavanairvicitramaṇitoraṇaiḥ | muktājālavinikṣiptairmaṇiratnavibhūṣitaiḥ

He saw it encircled by houses of many kinds, with wondrous jewelled archways, hung with nets of pearls and adorned with gems and jewels,

Note on the text: Lines = CE 13.20.37a and 37c.

Verse 69 (13.50.69)

मनोदृष्टिहरै रम्यैः सर्वतः संवृतं शुभैः । ऋषिभिश्चावृतं तत्र आश्रमं तं मनोहरम् ॥

manodṛṣṭiharai ramyaiḥ sarvataḥ saṃvṛtaṃ śubhaiḥ | ṛṣibhiścāvṛtaṃ tatra āśramaṃ taṃ manoharam

surrounded on every side by lovely, auspicious things that captivated mind and eye, and thronged there with sages: that enchanting hermitage.

Note on the text: Corrected मनोद्दष्टिहरै → मनोदृष्टिहरै (misprint in Wikisource; द्द for दृ; मनोदृष्टिहरै, 'taking mind and eye', as the CE reads (manodṛṣṭiharai)). First line = CE 13.20.37e; the second line differs from the CE (38a 'ṛṣiḥ samantato ’paśyat tatra tatra manoramam'); Wikisource's reading is kept (recension variant).

Verse 70 (13.50.70)

ततस्तस्याभवच्चिन्ता कुत्र वासो भवेदिति । अथ द्वारं समभितो गत्वा स्थित्वा ततोऽब्रवीत् ॥

tatastasyābhavaccintā kutra vāso bhavediti | atha dvāraṃ samabhito gatvā sthitvā tato'bravīt

Then a worry came to him: 'Where shall I stay?' And going to the door he stopped there and said,

Note on the text: Lines = CE 13.20.38c and 39a.

Verse 71 (13.50.71)

अतिथिं समनुप्राप्तमभिजानन्तु येऽत्र वै ॥

atithiṃ samanuprāptamabhijānantu ye'tra vai

'Let those who live here take notice that a guest has arrived.'

Note on the text: One-line verse as printed (13-50-71a) = the speech of Ashtavakra at the door, CE 13.20.39c (CE 'atithiṃ mām anuprāptam anujānantu ye ’tra vai'); given to Ashtavakra, since it is his direct speech with no printed heading.

Verse 72 (13.50.72)

अथ कन्याः परिवृता गृहात्तस्माद्विनिर्गताः । नानारूपाः सप्त विभो कन्याः सर्वा मनोहराः ॥

atha kanyāḥ parivṛtā gṛhāttasmādvinirgatāḥ | nānārūpāḥ sapta vibho kanyāḥ sarvā manoharāḥ

Then a company of maidens came out of that house, seven of them, O mighty one, of various forms and all enchanting.

Verse 73 (13.50.73)

यांयामपश्यत्कन्यां वै सासा तस्य मनोऽहरत् । न च शक्तो वारयितुं मनोऽस्याथावसीदति । ततो धृतिः समुत्पन्ना तस्य विप्रस्य धीमतः ॥

yāṃyāmapaśyatkanyāṃ vai sāsā tasya mano'harat | na ca śakto vārayituṃ mano'syāthāvasīdati | tato dhṛtiḥ samutpannā tasya viprasya dhīmataḥ

Whichever maiden he looked at, she took his mind away. He could not hold it back, and his mind sank. Then steadiness arose in that wise Brahmin.

Note on the text: Three-line verse as printed = CE 13.20.41a, 41c (here reading न च शक्तो वारयितुं …) and 42a.

Verse 74 (13.50.74)

अथ तं प्रमदाः प्राहुर्भगवान्प्रविशत्विति । स च तासां सुरूपेण तस्यैव भवनस्य च । कौतूहलं समाविष्टः प्रविवेश गृहं द्विजः ॥

atha taṃ pramadāḥ prāhurbhagavānpraviśatviti | sa ca tāsāṃ surūpeṇa tasyaiva bhavanasya ca | kautūhalaṃ samāviṣṭaḥ praviveśa gṛhaṃ dvijaḥ

Then the young women said to him, 'Let the venerable one enter.' And filled with curiosity at their beauty and at the house itself, the Brahmin entered.

Note on the text: Corrected सुरुपेण → सुरूपेण (misprint in Wikisource; misprint, short रु for रू; सुरूपेण, 'by the beauty', as the CE's surūpāṇām). Three-line verse as printed = CE 13.20.42c, 43a and 43c.

Verse 75 (13.50.75)

तत्रापश्यज्जरायुक्तामरजोम्बरधारिणीम् । वृद्धां पर्यङ्कमासीनां सर्वाभरणभूषिताम् ॥

tatrāpaśyajjarāyuktāmarajombaradhāriṇīm | vṛddhāṃ paryaṅkamāsīnāṃ sarvābharaṇabhūṣitām

There he saw an old woman, worn with age, in a spotless garment, seated on a couch and decked with every ornament.

Verse 76 (13.50.76)

स्वस्तीति तेन चैवोक्ता सा स्त्री प्रत्यवदत्तदा । प्रत्युत्थाय च तं विप्रमास्यतामित्युवाच ह ॥

svastīti tena caivoktā sā strī pratyavadattadā | pratyutthāya ca taṃ vipramāsyatāmityuvāca ha

He said, 'May it be well with you,' and the woman answered him then; rising to greet that Brahmin, she said, 'Be seated.'

Verse 77 (13.50.77)

सर्वाः स्वानालयान्यान्तु एका मामुपतिष्ठतु । प्रज्ञाता या प्रशान्ता या शेषा गच्छन्तु च्छन्दतः ॥

sarvāḥ svānālayānyāntu ekā māmupatiṣṭhatu | prajñātā yā praśāntā yā śeṣā gacchantu cchandataḥ

Let all of them go to their own dwellings, and let one alone wait on me: the one who is wise and tranquil. The rest may go as they please.

Verse 78 (13.50.78)

ततः प्रदक्षिणीकृत्य कन्यास्तास्तमृषिं तदा । निश्चक्रमुर्गृहात्तस्मात्सा वृद्धाऽथ व्यतिष्ठत । तया सम्पूजितस्तत्र शयने चापि निर्मले ॥

tataḥ pradakṣiṇīkṛtya kanyāstāstamṛṣiṃ tadā | niścakramurgṛhāttasmātsā vṛddhā'tha vyatiṣṭhata | tayā sampūjitastatra śayane cāpi nirmale

Then the maidens circled the sage and left that house; the old woman remained. She honoured him there, and he lay on a spotless bed.

Note on the text: Corrected व्यतिष्ठतः → व्यतिष्ठत (misprint in Wikisource; stray visarga; व्यतिष्ठत, 'she remained', as the CE reads (vyatiṣṭhata)). Page prints this under Ashtavakra's carried-over heading; it is narration, so the speaker is Bhishma. Lines = CE 13.20.47a, 47c and the star line 13,020.047d*0192_01.

Verse 79 (13.50.79)

अथ तां संविशन्प्राह शयने भास्वरे तदा । त्वयाऽपि सुप्यतां भद्रे रजनी ह्यतिवर्तते ॥

atha tāṃ saṃviśanprāha śayane bhāsvare tadā | tvayā'pi supyatāṃ bhadre rajanī hyativartate

Then, as he lay down on the shining bed, he said to her, 'You too, good lady, lie down to sleep; the night is passing.'

Note on the text: Page prints this under Ashtavakra's carried-over heading; first line is narration, second line is Ashtavakra's speech, so the verse is kept with the narrator.

Verse 80 (13.50.80)

संलापात्तेन विप्रेण तथा सा तत्र भाषिता । द्वितीये शयने दिव्ये संविवेश महाप्रभे ॥

saṃlāpāttena vipreṇa tathā sā tatra bhāṣitā | dvitīye śayane divye saṃviveśa mahāprabhe

Spoken to in this way by the Brahmin, she then lay down on a second, divine and radiant bed.

Note on the text: Page prints this under Ashtavakra's carried-over heading; it is narration, so the speaker is Bhishma.

Verse 81 (13.50.81)

अथ सा वेपमानाङ्गी निमित्तं शीतजं तदा । व्यपदिश्य महर्षेर्वै शयनं व्यवरोहत ॥

atha sā vepamānāṅgī nimittaṃ śītajaṃ tadā | vyapadiśya maharṣervai śayanaṃ vyavarohata

Then, her limbs trembling, pleading a chill as her pretext, she left her own bed and came to the great sage's bed.

Note on the text: Page prints this under Ashtavakra's carried-over heading; it is narration, so the speaker is Bhishma.

Verse 82 (13.50.82)

स्वागतेनागतां तां तु भगवानभ्यभाषत । सा जुगूह भुजाभ्यां तु ऋषिं प्रीत्या नरर्षभ ॥

svāgatenāgatāṃ tāṃ tu bhagavānabhyabhāṣata | sā jugūha bhujābhyāṃ tu ṛṣiṃ prītyā nararṣabha

As she came, the venerable one welcomed her with 'Welcome!' and she embraced the sage with both arms in affection, O best of men.

Note on the text: Page prints this under Ashtavakra's carried-over heading; it is narration, so the speaker is Bhishma.

Verse 83 (13.50.83)

निर्विकारमृषिं चापि काष्ठकुड्योपमं तदा । दुखिता प्रेक्ष्य सञ्जल्पमकार्षीदृषिणा सह ॥

nirvikāramṛṣiṃ cāpi kāṣṭhakuḍyopamaṃ tadā | dukhitā prekṣya sañjalpamakārṣīdṛṣiṇā saha

Seeing the sage unmoved, like a log or a wall, she was pained, and spoke with him.

Note on the text: Page prints this under Ashtavakra's carried-over heading; it is narration, so the speaker is Bhishma.

Verse 84 (13.50.84)

ब्रह्मन्नकामकारोऽस्ति स्त्रीणां पुरुषतो धृतिः । कामेन मोहिता चाहं त्वां भजन्तीं भजस्व माम् ॥

brahmannakāmakāro'sti strīṇāṃ puruṣato dhṛtiḥ | kāmena mohitā cāhaṃ tvāṃ bhajantīṃ bhajasva mām

O Brahmin, where a man is concerned, women have no steadiness of their own. I am bewildered by desire; I seek you, so accept me.

Note on the text: Corrected ब्रह्मन्नकामकरोस्ति → ब्रह्मन्नकामकारोऽस्ति (misprint in Wikisource; the long ā and the avagraha are lost, which flips the sense; ब्रह्मन् न कामकारोऽस्ति as in the CE (brahman na kāmakāro ’sti)). Page prints this under Ashtavakra's carried-over heading, but it is the woman's speech (CE 13.20.53 has no heading either; the next printed heading, 13-50-92, returns to Ashtavakra); given to her.

Verse 85 (13.50.85)

प्रहृष्टो भव विप्रर्षे समागच्छ मया सह । उपगूह च मां विप्र कामार्ताऽहं भृशं त्वयि ॥

prahṛṣṭo bhava viprarṣe samāgaccha mayā saha | upagūha ca māṃ vipra kāmārtā'haṃ bhṛśaṃ tvayi

Be glad, O Brahmin sage, and come to me. Embrace me, Brahmin; I am sorely tormented by desire for you.

Note on the text: Corrected भां → मां (misprint in Wikisource; भां is not a word; मां, 'me', as the CE reads (mām)). Speaker corrected as in verse 84 (the woman's speech under a carried-over heading).

Verse 86 (13.50.86)

एतद्धि तव धर्मात्मंस्तपसः पूज्यते फलम् । प्रार्थितं दर्शनादेव भजमानां भजस्व माम् ॥

etaddhi tava dharmātmaṃstapasaḥ pūjyate phalam | prārthitaṃ darśanādeva bhajamānāṃ bhajasva mām

For this, O righteous one, is the honoured fruit of your austerity: I have longed for you from the very moment of seeing you. I seek you; accept me.

Note on the text: Corrected एतद्वि → एतद्धि (misprint in Wikisource; द्वि for द्धि; एतद्धि, 'for this', as the CE reads (etad dhi)). Speaker corrected as in verse 84 (the woman's speech under a carried-over heading).

Verse 87 (13.50.87)

सद्म चेदं धनं सर्वं यच्चान्यदपि पश्यसि । प्रभुस्त्वं भव सर्वत्र मयि चैव न संशयः ॥

sadma cedaṃ dhanaṃ sarvaṃ yaccānyadapi paśyasi | prabhustvaṃ bhava sarvatra mayi caiva na saṃśayaḥ

This house, this wealth, and whatever else you see: be master of all of it everywhere, and of me too; there is no doubt.

Note on the text: Speaker corrected as in verse 84 (the woman's speech under a carried-over heading).

Verse 88 (13.50.88)

सर्वान्कामान्विधास्यामि रमस्व सहितो मया । रमणीये वने विप्र सर्वकामफलप्रदे ॥

sarvānkāmānvidhāsyāmi ramasva sahito mayā | ramaṇīye vane vipra sarvakāmaphalaprade

I shall fulfil every desire; take your pleasure with me in this delightful forest, which grants the fruit of every wish.

Note on the text: Speaker corrected as in verse 84 (the woman's speech under a carried-over heading).

Verse 89 (13.50.89)

त्वद्वशाऽहं भविष्यामि रंस्यसे च मया सह । सर्वान्कामानुपाश्नीमो ये दिव्या ये च मानुषाः ॥

tvadvaśā'haṃ bhaviṣyāmi raṃsyase ca mayā saha | sarvānkāmānupāśnīmo ye divyā ye ca mānuṣāḥ

I shall be under your control, and you will delight with me; together we shall enjoy all pleasures, both divine and human.

Note on the text: Speaker corrected as in verse 84 (the woman's speech under a carried-over heading).

Verse 90 (13.50.90)

नातः परं हि नारीणां विद्यते च कदाचन । यथा पुरुषसंसर्गः परमेतद्धि नः फलम् ॥

nātaḥ paraṃ hi nārīṇāṃ vidyate ca kadācana | yathā puruṣasaṃsargaḥ parametaddhi naḥ phalam

For women there is nothing higher at any time than union with a man; that is for us the highest fruit.

Note on the text: Speaker corrected as in verse 84 (the woman's speech under a carried-over heading). Differs from CE 13.20.59 only in the wording of the first line's last half; Wikisource's reading is kept.

Verse 91 (13.50.91)

आत्मच्छन्देन वर्तन्ते नार्यो मन्मथचोदिताः । न च दह्यन्ति गच्छन्त्यः सुतप्तैरपि पांसुभिः ॥

ātmacchandena vartante nāryo manmathacoditāḥ | na ca dahyanti gacchantyaḥ sutaptairapi pāṃsubhiḥ

Driven by the god of love, women act on their own impulse, and they are not scorched even when they walk over well-heated dust.

Note on the text: Speaker corrected as in verse 84 (the woman's speech under a carried-over heading).

Verse 92 (13.50.92)

परदारानहं भद्रे न गच्छेयं कथञ्चन । दूषितं धर्मशास्त्रज्ञैः परदाराभिमर्शनम् ॥

paradārānahaṃ bhadre na gaccheyaṃ kathañcana | dūṣitaṃ dharmaśāstrajñaiḥ paradārābhimarśanam

Good lady, I could never go to another man's wife. The touching of another's wife is condemned by those who know the dharma-shastras.

Verse 93 (13.50.93)

शुद्धक्षेत्रे ब्रह्महत्याप्रायश्चित्तमथोच्यते । पुनश्च पातकं दृष्टं विप्रक्षेत्रे विशेषतः ॥

śuddhakṣetre brahmahatyāprāyaścittamathocyate | punaśca pātakaṃ dṛṣṭaṃ viprakṣetre viśeṣataḥ

In a pure field, they say, there is the atonement that goes with the killing of a Brahmin; and a further sin is seen, most of all in a Brahmin's field.

Note on the text: Removed a stray backtick and closing quote. Not in the critical edition's numbered text: star passage 13,020.061d*0193_01-02.

Verse 94 (13.50.94)

भद्रे निर्वेष्टुकामोऽहं तत्रावकिरणं मम । प्रायश्चित्तं महदतो दारग्रहणपूर्वकम् ॥

bhadre nirveṣṭukāmo'haṃ tatrāvakiraṇaṃ mama | prāyaścittaṃ mahadato dāragrahaṇapūrvakam

O fair one, I wish to marry; in that case the 'scattering' would be mine. Hence the great atonement is one that is preceded by taking a wife.

Note on the text: Removed a stray opening backtick. Not in the critical edition's numbered text: the first line is a vulgate reading in place of CE 13.20.62a ('bhadre niveṣṭukāmaṃ māṃ viddhi satyena vai śape'); the second line is star line 13,020.062b*0194_01.

Verse 95 (13.50.95)

बीजं न शुद्ध्यते वोढुरन्यथाऽकृतनिष्कृतेः । मातृतः पितृतः शुद्धो ज्ञेयः पुत्रो यथार्थतः ॥

bījaṃ na śuddhyate voḍhuranyathā'kṛtaniṣkṛteḥ | mātṛtaḥ pitṛtaḥ śuddho jñeyaḥ putro yathārthataḥ

Otherwise the seed of the husband is not purified, if he has made no atonement. A son is rightly known as pure when he is pure on his mother's side and on his father's.

Note on the text: Corrected वोढुरन्यथा कृतनिष्कृतेः → वोढुरन्यथाऽकृतनिष्कृतेः (misprint in Wikisource; the avagraha and the negative अ are lost, which flips the sense; अन्यथा + अकृतनिष्कृतेः, 'for one who has made no atonement', as the CE reads (asya cākṛtaniṣkṛteḥ)). Removed the stray closing marks (।।') after the last word. Not in the critical edition's numbered text: star passage 13,020.062b*0194_02-03.

Verse 96 (13.50.96)

विषयेष्वनभिज्ञोऽहं धर्मार्थं किल सन्ततिः । एवं लोकान्गमिष्यामि पुत्रैरिति न संशयः ॥

viṣayeṣvanabhijño'haṃ dharmārthaṃ kila santatiḥ | evaṃ lokāngamiṣyāmi putrairiti na saṃśayaḥ

I am inexperienced in the pleasures of the senses; progeny is for the sake of dharma. In this way, through sons, I shall reach the worlds; there is no doubt.

Note on the text: Lines = CE 13.20.62c and 63a.

Verse 97 (13.50.97)

भद्रे धर्मं विजानीहि ज्ञात्वा चोपरमस्व ह ॥

bhadre dharmaṃ vijānīhi jñātvā coparamasva ha

Good lady, understand dharma; and having understood it, desist.

Note on the text: One-line verse as printed (13-50-97a) = CE 13.20.63c.

Verse 98 (13.50.98)

नानिलोऽग्निर्न वरुणो न चान्ये त्रिदशा द्विज । प्रियाः स्त्रीणां यथा कामो रतिशीला हि योषितः ॥

nānilo'gnirna varuṇo na cānye tridaśā dvija | priyāḥ strīṇāṃ yathā kāmo ratiśīlā hi yoṣitaḥ

Neither Anila, nor Agni, nor Varuna, nor any other of the thirty gods, Brahmin, is as dear to women as desire is; for women delight in love.

Verse 99 (13.50.99)

सहस्रे किल नारीणां प्राप्येतैका कदाचन । तथा शतसहस्रेषु यदि काचित्पतिव्रता ॥

sahasre kila nārīṇāṃ prāpyetaikā kadācana | tathā śatasahasreṣu yadi kācitpativratā

Among a thousand women, it is said, only one may ever be found who is faithful; and among a hundred thousand, if there is any wife devoted to her husband at all.

Note on the text: Differs in wording from CE 13.20.65 ('sahasraikā yatā nārī prāpnotīha kadā cana'); Wikisource's reading is kept (recension variant).

Verse 100 (13.50.100)

नैता जानन्ति पितरं न कुलं न च मातरम् । न भ्रातॄन्न च भर्तारं न च पुत्रान्न देवरान् ॥

naitā jānanti pitaraṃ na kulaṃ na ca mātaram | na bhrātṝnna ca bhartāraṃ na ca putrānna devarān

They know neither father nor family nor mother, nor brothers, nor husband, nor sons, nor husband's brothers.

Verse 101 (13.50.101)

लीलायन्त्यः कुलं घ्नन्ति कूलानीव सरिद्वराः । दोषान्सर्वाश्च मत्वाऽऽशु प्रजापतिरभाषत ॥

līlāyantyaḥ kulaṃ ghnanti kūlānīva saridvarāḥ | doṣānsarvāśca matvā''śu prajāpatirabhāṣata

In their playfulness they destroy their families, as great rivers destroy their banks. Seeing all their faults, Prajapati quickly spoke of them.

Verse 102 (13.50.102)

ततः स ऋषिरेकाग्रस्तां स्त्रियं प्रत्यभाषत । आस्यतांरुचितश्छन्दः किञ्च कार्यं ब्रवीहि मे ॥

tataḥ sa ṛṣirekāgrastāṃ striyaṃ pratyabhāṣata | āsyatāṃrucitaśchandaḥ kiñca kāryaṃ bravīhi me

Then the sage, collected in mind, answered the woman, 'Be seated; let your wish be as pleases you. And tell me what is to be done.'

Verse 103 (13.50.103)

सा स्त्री प्रोवाच भगवन्द्रक्ष्यसे देशकालतः । वस तावन्महाभाग कृतकृत्यो भविष्यसि ॥

sā strī provāca bhagavandrakṣyase deśakālataḥ | vasa tāvanmahābhāga kṛtakṛtyo bhaviṣyasi

The woman said, 'Venerable sir, you will see, when the place and time are right. Stay for now, O fortunate one; you will have your purpose fulfilled.'

Note on the text: Differs in wording from CE 13.20.69 (first line = 69a; second line CE 'vasa tāvan mahāprājña kṛtakṛtyo gamiṣyasi' reads महाभाग/भविष्यसि here); Wikisource's reading is kept.

Verse 104 (13.50.104)

ब्रह्मर्षिस्तामथोवाच स तथेति युधिष्ठिर । वत्स्येऽहं यावदुत्साहो भवत्या नात्र संशयः ॥

brahmarṣistāmathovāca sa tatheti yudhiṣṭhira | vatsye'haṃ yāvadutsāho bhavatyā nātra saṃśayaḥ

O Yudhishthira, the Brahmin sage then said to her, 'So be it. I shall stay as long as you are willing; of that there is no doubt.'

Verse 105 (13.50.105)

अथर्षिरभिसम्प्रेक्ष्य स्त्रियं तां जरयाऽर्दिताम् । चिन्तां परमिकां भेजे सन्तप्त इव चाभवत् ॥

atharṣirabhisamprekṣya striyaṃ tāṃ jarayā'rditām | cintāṃ paramikāṃ bheje santapta iva cābhavat

Then the sage, looking at that woman worn down by old age, was seized by deep worry and seemed tormented.

Verse 106 (13.50.106)

यद्यदङ्गं हि सोऽपश्यत्तस्या विप्रर्षभस्तदा । नारमत्तत्रतत्रास्य दृष्टी रूपविरागिता ॥

yadyadaṅgaṃ hi so'paśyattasyā viprarṣabhastadā | nāramattatratatrāsya dṛṣṭī rūpavirāgitā

Whatever limb of hers that best of Brahmins looked at, his eyes could take no pleasure in it, being turned away from her form.

Verse 107 (13.50.107)

देवतेयं गृहस्यास्य शापात्किंनु विरूपिता । अस्याश्च कारणं वेत्तुं न युक्तं सहसा मया ॥

devateyaṃ gṛhasyāsya śāpātkiṃnu virūpitā | asyāśca kāraṇaṃ vettuṃ na yuktaṃ sahasā mayā

'She must be the goddess of this house, disfigured by some curse. And it is not right for me to seek the cause of this all at once.'

Note on the text: Corrected भया → मया (misprint in Wikisource; भया is not a word here; मया, 'by me', as the CE reads (mayā)). Thought of Ashtavakra, kept with the narrator. = CE 13.20.73 (the input had no automatic match).

Verse 108 (13.50.108)

इति चिन्ताविषक्तस्य तमर्थं ज्ञातुमिच्छतः । व्यगमद्रात्रिशेषः स मनसा व्याकुलेन तु ॥

iti cintāviṣaktasya tamarthaṃ jñātumicchataḥ | vyagamadrātriśeṣaḥ sa manasā vyākulena tu

While he was absorbed in such thoughts, wishing to learn the truth of it, the remainder of the night passed, his mind in turmoil.

Note on the text: Differs from CE 13.20.74c ('vyagamat tad ahaḥśeṣaṃ manasā vyākulena tu'): Wikisource reads व्यगमद्रात्रिशेषः स for the CE's 'vyagamat tad ahaḥśeṣaṃ'; the commentary records the CE-like variant (झ. पाठ); Wikisource's reading is kept.

Verse 109 (13.50.109)

अथ सा स्त्री तथोवाच भगवन्पश्य वै रवेः । रूपं सन्ध्याभ्रसंरक्तं किमुपस्थाप्यतां तव ॥

atha sā strī tathovāca bhagavanpaśya vai raveḥ | rūpaṃ sandhyābhrasaṃraktaṃ kimupasthāpyatāṃ tava

Then the woman said, 'Venerable sir, look at the form of the sun, red with the clouds of dusk. What shall be set before you?'

Note on the text: Differs slightly from CE 13.20.75 (second line reads सन्ध्याभ्रसंरक्तं for the CE's 'saṃdhyābhrasaṃyuktaṃ'); Wikisource's reading is kept. Narration with the woman's speech inside; kept with the narrator.

Verse 110 (13.50.110)

स उवाच ततस्तां स्त्रीं स्नानोदकमिहानय । उपासिष्ये ततः सन्ध्यां वाग्यतो नियतेन्द्रियः ॥

sa uvāca tatastāṃ strīṃ snānodakamihānaya | upāsiṣye tataḥ sandhyāṃ vāgyato niyatendriyaḥ

He said to the woman, 'Bring water for bathing here. Then I shall perform the evening worship, silent and with my senses controlled.'