How Vishvamitra Became a Brahmin

Verse 1 (13.7.1)

श्रूयतां पार्थ तत्त्वेन विश्वामित्रो यथा पुरा । ब्राह्मणत्वं गतस्तात ब्रह्मर्षित्वं तथैव च ॥

śrūyatāṃ pārtha tattvena viśvāmitro yathā purā | brāhmaṇatvaṃ gatastāta brahmarṣitvaṃ tathaiva ca

Listen, Partha, as I tell you truly how Vishvamitra in ancient times attained brahmanhood, and the rank of a brahmarshi as well, my son.

Note on the text: Corrected गतस्तात् → गतस्तात (misprint in Wikisource; stray virama on the vocative तात, CE gatas tāta).

Verse 2 (13.7.2)

भरतस्यान्ववाये वै मिथिलो नाम पार्थिवः । बभूव भरतश्रेष्ठ यज्वा धर्मभृतांवरः ॥

bharatasyānvavāye vai mithilo nāma pārthivaḥ | babhūva bharataśreṣṭha yajvā dharmabhṛtāṃvaraḥ

In the line of Bharata there was a king named Mithila, O best of the Bharatas, a sacrificer and foremost among those who uphold dharma.

Note on the text: The alignment found no match. CE 13.4.2: line 1 differs (CE bharatasyānvaye caivājamīḍho nāma pārthivaḥ; Wikisource भरतस्यान्ववाये वै मिथिलो नाम पार्थिवः, with the page footnote giving the अजमीढ reading as a variant), line 2 is identical. Wikisource reading kept as a recension variant.

Verse 3 (13.7.3)

तस्य पुत्रो महानासीञ्जह्नुर्नाम नरेश्वरः । दुहितृत्वमनुप्राप्ता गङ्गा यस्य महात्मनः ॥

tasya putro mahānāsīñjahnurnāma nareśvaraḥ | duhitṛtvamanuprāptā gaṅgā yasya mahātmanaḥ

His son was the great king named Jahnu, that great-souled man to whom Ganga came as a daughter.

Verse 4 (13.7.4)

तस्यात्मजस्तुल्यगुणः सिन्धुद्वीपो महायशाः । सिन्धुद्वीपाच्च राजर्षिर्बलाकाश्वो महाबलः ॥

tasyātmajastulyaguṇaḥ sindhudvīpo mahāyaśāḥ | sindhudvīpācca rājarṣirbalākāśvo mahābalaḥ

His son was Sindhudvipa, equal to him in virtues and of great fame, and from Sindhudvipa came the royal sage Balakashva, of great strength.

Verse 5 (13.7.5)

वल्लभस्तस्य तनयः साक्षाद्धर्म इवापरः । कुशिकस्तस्य तनयः सहस्राक्षसमद्युतिः ॥

vallabhastasya tanayaḥ sākṣāddharma ivāparaḥ | kuśikastasya tanayaḥ sahasrākṣasamadyutiḥ

Balakashva's son was Vallabha, like a second Dharma in person, and Vallabha's son was Kushika, who shone like the thousand-eyed Indra.

Verse 6 (13.7.6)

कुशिकस्यात्मजः श्रीमान्गाधिर्नाम जनेश्वरः । अपुत्रः प्रसवेनार्थी वनवासमुपावसत् ॥

kuśikasyātmajaḥ śrīmāngādhirnāma janeśvaraḥ | aputraḥ prasavenārthī vanavāsamupāvasat

Kushika's son was the glorious king named Gadhi. He had no son and, desiring offspring, went to live in the forest.

Note on the text: The alignment found no match. CE 13.4.6: line 1 the same in sense (kuśikasyātmajaḥ śrīmān gādhir nāma janeśvaraḥ), line 2 differs (CE aputraḥ sa mahābāhur vanavāsam udāvasat; Wikisource अपुत्रः प्रसवेनार्थी वनवासमुपावसत्). Wikisource reading kept as a recension variant.

Verse 7 (13.7.7)

कन्या जज्ञे सुतात्तस्य वने निवसतः सतः । नाम्ना सत्यवती नाम रूपेणाप्रतिमा भुवि ॥

kanyā jajñe sutāttasya vane nivasataḥ sataḥ | nāmnā satyavatī nāma rūpeṇāpratimā bhuvi

While he lived in the forest, a daughter was born to that good man through a Soma sacrifice, named Satyavati, whose beauty had no equal on earth.

Verse 8 (13.7.8)

तां वव्रे भार्गवः श्रीमांश्च्यवनस्यात्मसम्भवः । ऋचीक इति विख्यातो विपुले तपसि स्थितः ॥

tāṃ vavre bhārgavaḥ śrīmāṃścyavanasyātmasambhavaḥ | ṛcīka iti vikhyāto vipule tapasi sthitaḥ

The glorious Bhargava, born of Chyavana's own self and widely known as Richika, who was established in great austerity, asked for her hand.

Note on the text: Recension variant against CE 13.4.8: line 1 ends श्रीमांश्च्यवनस्यात्मसम्भवः (CE cyavanasyātmajaḥ prabhuḥ); kept.

Verse 9 (13.7.9)

स तां न प्रददौ तस्मै ऋचीकाय महात्मने । दरिद्र इति मत्वा वै गाधिः शत्रुनिबर्हणः ॥

sa tāṃ na pradadau tasmai ṛcīkāya mahātmane | daridra iti matvā vai gādhiḥ śatrunibarhaṇaḥ

But Gadhi, the destroyer of his enemies, thinking him poor, did not give her to the great-souled Richika.

Verse 10 (13.7.10)

प्रत्याख्याय पुनर्यान्तमब्रवीद्राजसत्तमः । शुल्कं प्रदीयतां मह्यं ततो वत्स्यसि मे सुताम् ॥

pratyākhyāya punaryāntamabravīdrājasattamaḥ | śulkaṃ pradīyatāṃ mahyaṃ tato vatsyasi me sutām

Having refused him, that best of kings spoke to him as he was going away again: "Let a bride-price be paid to me; then you shall have my daughter."

Note on the text: Corrected राजसत्तप्रः → राजसत्तमः (misprint in Wikisource; not a word, CE rājasattamaḥ).

Verse 11 (13.7.11)

किं प्रयच्छामि राजेन्द्र तुभ्यं शुल्कमहं नृप । दुहितुर्ब्रूह्यसंसक्तो माऽभूत्तत्र विचारणा ॥

kiṃ prayacchāmi rājendra tubhyaṃ śulkamahaṃ nṛpa | duhiturbrūhyasaṃsakto mā'bhūttatra vicāraṇā

"What bride-price shall I give you, O king of kings? Tell me freely what it is to be for your daughter; let there be no hesitation about it."

Note on the text: Recension variant against CE 13.4.11: line 2 माऽभूत्तत्र विचारणा (CE mātrābhūt te vicāraṇā); kept.

Verse 12 (13.7.12)

चन्द्ररश्मिप्रकाशानां हयानां वातरहसाम् । एकतः श्यामकर्णानां सहस्रं देहि भार्गव ॥

candraraśmiprakāśānāṃ hayānāṃ vātarahasām | ekataḥ śyāmakarṇānāṃ sahasraṃ dehi bhārgava

"Give me a thousand horses, O Bhargava, bright as moonbeams and swift as the wind, each with one black ear."

Note on the text: Corrected दाह → देहि (misprint in Wikisource; the imperative "give" is required, CE dehi). The alignment found no match; CE 13.4.12 has the verse (line 1 identical; line 2 CE ekataḥ śyāmakarṇānāṃ sahasraṃ dehi bhārgava).

Verse 13 (13.7.13)

ततः स भृगुशार्दूलश्च्यवनस्यात्मजः प्रभुः । अब्रवीद्वरुणं देवमादित्यं पतिमम्भसाम् ॥

tataḥ sa bhṛguśārdūlaścyavanasyātmajaḥ prabhuḥ | abravīdvaruṇaṃ devamādityaṃ patimambhasām

Then that tiger among the Bhrigus, the mighty son of Chyavana, spoke to the god Varuna, the Aditya, lord of the waters:

Verse 14 (13.7.14)

एकतः श्यामकर्णानां हयानां चन्द्रवर्चसाम् । सहस्रं वातवेगानां भिक्षे त्वां देवसत्तम ॥

ekataḥ śyāmakarṇānāṃ hayānāṃ candravarcasām | sahasraṃ vātavegānāṃ bhikṣe tvāṃ devasattama

"O best of gods, I beg of you a thousand horses, bright as the moon and swift as the wind, each with one black ear."

Verse 15 (13.7.15)

तथेति वरुणो देव आदित्यो भृगुसत्तमम् । उवाच यत्र ते च्छन्दस्तत्रोत्थास्यन्ति वाजिनः ॥

tatheti varuṇo deva ādityo bhṛgusattamam | uvāca yatra te cchandastatrotthāsyanti vājinaḥ

"So be it," said the god Varuna, the Aditya, to that best of the Bhrigus, "wherever you wish, there the horses will rise."

Verse 16 (13.7.16)

ध्यातमात्रे ऋचीकेन हयानां चन्द्रवर्चसाम् । गङ्गाजलात्समुत्तस्थौ सहस्रं विपुलौजसाम् ॥

dhyātamātre ṛcīkena hayānāṃ candravarcasām | gaṅgājalātsamuttasthau sahasraṃ vipulaujasām

The moment Richika thought of them, a thousand mighty horses, bright as the moon, rose out of the waters of the Ganga.

Verse 17 (13.7.17)

अदूरे कान्यकुब्जस्य गङ्गायास्तीरमुत्तमम् । अश्वतीर्थं तदद्यापि मानवाः परिचक्षते ॥

adūre kānyakubjasya gaṅgāyāstīramuttamam | aśvatīrthaṃ tadadyāpi mānavāḥ paricakṣate

Not far from Kanyakubja lies that excellent bank of the Ganga which people to this day call Ashvatirtha, the Ford of Horses.

Verse 18 (13.7.18)

ततो वै गाधये तात सहस्रं वाजिनां शुभम् । ऋचीकः प्रददौ प्रीतः शुल्कार्थं तपतां वरः ॥

tato vai gādhaye tāta sahasraṃ vājināṃ śubham | ṛcīkaḥ pradadau prītaḥ śulkārthaṃ tapatāṃ varaḥ

Then, my son, Richika, best of ascetics, gladly gave Gadhi that splendid thousand of horses as the bride-price.

Note on the text: Recension variant against CE 13.4.18: ततो वै गाधये / तपतां वरः (CE tat tadā gādhaye / japatāṃ varaḥ); kept.

Verse 19 (13.7.19)

ततः स विस्मितो राजा गाधिः शापभयेन च । ददौ तां समलङ्कृत्य कन्यां भृगुसुताय वै ॥

tataḥ sa vismito rājā gādhiḥ śāpabhayena ca | dadau tāṃ samalaṅkṛtya kanyāṃ bhṛgusutāya vai

Then King Gadhi, amazed and afraid of a curse, adorned his daughter and gave her to the son of Bhrigu.

Verse 20 (13.7.20)

जग्राह विधिवत्पाणिं तस्या ब्रह्मर्षिसत्तमः । सा च तं पतिमासाद्य परं हर्षमवाप ह ॥

jagrāha vidhivatpāṇiṃ tasyā brahmarṣisattamaḥ | sā ca taṃ patimāsādya paraṃ harṣamavāpa ha

That best of brahmarshis took her hand in due rite, and she, having obtained him as her husband, felt supreme joy.

Note on the text: The alignment found no match; CE 13.4.20 has the verse with line 1 worded differently (CE jagrāha pāṇiṃ vidhinā tasya brahmarṣisattamaḥ; Wikisource जग्राह विधिवत्पाणिं तस्या …), line 2 identical. Wikisource reading kept. The CE star line 13.4.21d*0025_01 follows in the CE and is not on the page.

Verse 21 (13.7.21)

स तुतोष च ब्रह्मर्षिस्तस्या वृत्तेन भारत । छन्दयामास चैवैनां वरेण वरवर्णिनीम् ॥

sa tutoṣa ca brahmarṣistasyā vṛttena bhārata | chandayāmāsa caivaināṃ vareṇa varavarṇinīm

The brahmarshi was pleased with her conduct, O Bharata, and offered the fair lady a boon.

Note on the text: Recension variant against CE 13.4.21: ब्रह्मर्षिस् (CE viprarṣis); kept.

Verse 22 (13.7.22)

मात्रे तत्सर्वमाचख्यौ सा कन्या राजसत्तम । अथतामब्रवीन्माता सुतां किञ्चिदवाङ्मुखीम् ॥

mātre tatsarvamācakhyau sā kanyā rājasattama | athatāmabravīnmātā sutāṃ kiñcidavāṅmukhīm

The girl told her mother all this, O best of kings. Then the mother spoke to her daughter, who stood with her face slightly lowered.

Verse 23 (13.7.23)

ममापि पुत्रि भर्ता ते प्रसादं कर्तुमर्हति । अपत्यस्य प्रदानेन समर्थश्च महातपाः ॥

mamāpi putri bhartā te prasādaṃ kartumarhati | apatyasya pradānena samarthaśca mahātapāḥ

"My daughter, your husband should show me favour too; that great ascetic is able to grant offspring."

Verse 24 (13.7.24)

ततः सा त्वरितं गत्वा तत्सर्वं प्रत्यवेदयत् । मातुश्चिकीर्षितं राजन्ऋचीकस्तामथाब्रवीत् ॥

tataḥ sā tvaritaṃ gatvā tatsarvaṃ pratyavedayat | mātuścikīrṣitaṃ rājanṛcīkastāmathābravīt

Then she quickly went and reported all of it to him, her mother's wish, O king, and Richika answered her:

Verse 25 (13.7.25)

गुणवन्तं च पुत्रं वै त्वं च साऽथ जनिष्यथ । जनन्यास्तव कल्याणि मा भूद्वै प्रणयोऽन्यथा ॥

guṇavantaṃ ca putraṃ vai tvaṃ ca sā'tha janiṣyatha | jananyāstava kalyāṇi mā bhūdvai praṇayo'nyathā

"You will bear a son of good qualities, and she too will bear one; let your mother's wish not be thwarted, auspicious lady."

Note on the text: The alignment found no match; CE 13.4.25 has the verse with line 1 worded differently (CE guṇavantam apatyaṃ vai tvaṃ ca sā janayiṣyathaḥ), line 2 close (CE jananyās tava kalyāṇi mā bhūd vai praṇayo 'nyathā). Wikisource reading kept.

Verse 26 (13.7.26)

तव चैव गुणश्लाघी पुत्र उत्पत्स्यते महान् । अस्मद्वंशकरः श्रीमांस्तव भ्राता च वंशकृत् ॥

tava caiva guṇaślāghī putra utpatsyate mahān | asmadvaṃśakaraḥ śrīmāṃstava bhrātā ca vaṃśakṛt

"A great son who honours virtue will be born to you, glorious and the founder of our line, and your brother too will found a line."

Note on the text: Recension variant against CE 13.4.26: पुत्र उत्पत्स्यते महान् (CE utpatsyate śubhe); kept.

Verse 27 (13.7.27)

ऋतुस्नाता च साऽश्वत्थं त्वं च वृक्षमुदुम्बरम् । परिष्वजेतं कल्याणि तत इष्टमवाप्स्यथः ॥

ṛtusnātā ca sā'śvatthaṃ tvaṃ ca vṛkṣamudumbaram | pariṣvajetaṃ kalyāṇi tata iṣṭamavāpsyathaḥ

"When she has bathed after her season, she should embrace an ashvattha tree, and you an udumbara tree, auspicious lady; then you two will obtain what you desire."

Note on the text: Recension variant against CE 13.4.27: परिष्वजेतं (CE pariṣvajethāḥ); the Wikisource form is a valid dual optative and is kept.

Verse 28 (13.7.28)

चरुद्वयमिदं चैव मन्त्रपूतं शुचिस्मिते । त्वं च सा चोपभुञ्जीतं ततः पुत्राववाप्स्यथः ॥

carudvayamidaṃ caiva mantrapūtaṃ śucismite | tvaṃ ca sā copabhuñjītaṃ tataḥ putrāvavāpsyathaḥ

"Here too are two portions of the sacrificial rice, purified with mantras, O lady of the pure smile; you and she are to eat them, and then you will both obtain sons."

Note on the text: Recension variant against CE 13.4.28: चोपभुञ्जीतं (CE copayuñjīthāṃ); kept.

Verse 29 (13.7.29)

ततः सत्यवती हृष्टा मातरं प्रत्यभाषत । यदृचीकेन कथितं तच्चाचख्यौ चरुद्वयम् ॥

tataḥ satyavatī hṛṣṭā mātaraṃ pratyabhāṣata | yadṛcīkena kathitaṃ taccācakhyau carudvayam

Then Satyavati, glad, told her mother what Richika had said and also described the two portions of rice.

Verse 30 (13.7.30)

तामुवाच ततो माता सुतां सत्यवतीं तदा । पुत्रि पूर्वोपपन्नायाः कुरुष्व वचनं मम ॥

tāmuvāca tato mātā sutāṃ satyavatīṃ tadā | putri pūrvopapannāyāḥ kuruṣva vacanaṃ mama

Then her mother said to her daughter Satyavati: "Daughter, do as I say, for I am the elder."

Note on the text: The alignment found no match; CE 13.4.30 has the verse (line 1 close; line 2 CE putri mūrdhnā prapannāyāḥ kuruṣva vacanaṃ mama, Wikisource पुत्रि पूर्वोपपन्नायाः …, the page footnote noting a variant). Wikisource reading kept. The CE star lines 13.4.29d*0026_01-03 are not on the page.

Verse 31 (13.7.31)

भर्त्रा य एष दत्तस्ते चरुर्मन्त्रपुरस्कृतः । एनं प्रयच्छ मह्यं त्वं मदीयं त्वं गृहाण च ॥

bhartrā ya eṣa dattaste carurmantrapuraskṛtaḥ | enaṃ prayaccha mahyaṃ tvaṃ madīyaṃ tvaṃ gṛhāṇa ca

"The rice that your husband gave you, hallowed with mantras, give that to me, and take mine."

Verse 32 (13.7.32)

व्यत्यासं वृक्षयोश्चापि करवाव शुचिस्मिते । यदि प्रमाणं वचनं मम मातुरनिन्दिते ॥

vyatyāsaṃ vṛkṣayoścāpi karavāva śucismite | yadi pramāṇaṃ vacanaṃ mama māturanindite

"And let us exchange the trees too, O lady of the pure smile, if my word, a mother's, carries weight with you, blameless one."

Verse 33 (13.7.33)

स्वमपत्यं विशिष्टं हि सर्व इच्छत्यनाविलम् । व्यक्तं भगवता चात्र कृतमेवं भविष्यति ॥

svamapatyaṃ viśiṣṭaṃ hi sarva icchatyanāvilam | vyaktaṃ bhagavatā cātra kṛtamevaṃ bhaviṣyati

"Everyone wishes his own child to be the finest and without blemish. It is plain that what the blessed sage has done here will turn out just so."

Note on the text: The alignment found no match. Line 1 is CE star line 13.4.32d*0028_01 (svam apatyaṃ viśiṣṭaṃ hi sarva icchaty anāvilam); line 2 is CE 13.4.33a (vyaktaṃ bhagavatā cātra kṛtam evaṃ bhaviṣyati).

Verse 34 (13.7.34)

ततो मे त्वच्चरौ भावः पादपे च सुमध्यमे । कथं विशिष्टो भ्राता मे भवेदित्येव चिन्तय ॥

tato me tvaccarau bhāvaḥ pādape ca sumadhyame | kathaṃ viśiṣṭo bhrātā me bhavedityeva cintaya

"So my heart is set on your portion of rice and on the tree, slender-waisted girl. Think only of how a superior brother may come to be for me."

Note on the text: Corrected समुध्यमे → सुमध्यमे (misprint in Wikisource; not a word, CE sumadhyame). The alignment found no match. Line 1 is CE 13.4.33c (tato me tvaccarau bhāvaḥ pādape ca sumadhyame); line 2 is CE 13.4.33e (kathaṃ viśiṣṭo bhrātā te bhaved ity eva cintaya), with Wikisource भ्राता मे for CE bhrātā te.

Verse 35 (13.7.35)

तथाच कृतवत्यौ ते माता सत्यवती च सा । अथ गर्भावनुप्राप्ते उभे ते वै युधिष्ठिर ॥

tathāca kṛtavatyau te mātā satyavatī ca sā | atha garbhāvanuprāpte ubhe te vai yudhiṣṭhira

The two did as she said, the mother and Satyavati; and then both of them conceived, Yudhishthira.

Verse 36 (13.7.36)

दृष्ट्वा गर्भमनुप्राप्तां भार्यां स च महानृषिः । उवाच तां सत्यवतीं दुर्मना भृगुसत्तमः ॥

dṛṣṭvā garbhamanuprāptāṃ bhāryāṃ sa ca mahānṛṣiḥ | uvāca tāṃ satyavatīṃ durmanā bhṛgusattamaḥ

Seeing his wife with child, that great sage, the best of the Bhrigus, troubled in mind, said to Satyavati:

Verse 37 (13.7.37)

व्यत्यासेनोपयुक्तस्ते चरुर्व्यक्तं भविष्यति । व्यत्यासः पादपे चापि सुव्यक्तं ते कृतः शुभे ॥

vyatyāsenopayuktaste carurvyaktaṃ bhaviṣyati | vyatyāsaḥ pādape cāpi suvyaktaṃ te kṛtaḥ śubhe

"The rice has clearly been eaten by you in exchange, and the trees too have been exchanged, good lady; this is quite evident."

Verse 38 (13.7.38)

मया हि विश्वं यद्ब्रह्म त्वच्चरौ सन्निवेशितम् । क्षत्रवीर्यं च सकलं चरौ तस्या निवेशितम् ॥

mayā hi viśvaṃ yadbrahma tvaccarau sanniveśitam | kṣatravīryaṃ ca sakalaṃ carau tasyā niveśitam

"I had placed in your portion all that is brahman, and in hers all the valour of a kshatriya."

Note on the text: Corrected यद्ब्राह्म → यद्ब्रह्म (misprint in Wikisource; not a valid form in context, CE yad brahma).

Verse 39 (13.7.39)

त्रैलोक्यविख्यातगुणं त्वं विप्रं जनयिष्यसि । सा च क्षत्रं विशिष्टं वै तत एतत्कृतं मया ॥

trailokyavikhyātaguṇaṃ tvaṃ vipraṃ janayiṣyasi | sā ca kṣatraṃ viśiṣṭaṃ vai tata etatkṛtaṃ mayā

"You were to bear a brahmin whose virtues would be famed through the three worlds, and she a kshatriya of surpassing excellence; that is why I did this."

Note on the text: The alignment found no match; this is CE 13.4.38 (line 1 CE trilokavikhyātaguṇaṃ tvaṃ vipraṃ janayiṣyasi, Wikisource त्रैलोक्यविख्यातगुणं …; line 2 identical).

Verse 40 (13.7.40)

व्यत्यासस्तु कृतो यस्मात्त्वया मात्रा च ते शुभे । तस्मात्सा ब्राह्मणं श्रेष्ठं माता ते जनयिष्यति ॥

vyatyāsastu kṛto yasmāttvayā mātrā ca te śubhe | tasmātsā brāhmaṇaṃ śreṣṭhaṃ mātā te janayiṣyati

"But since an exchange was made by you and your mother, good lady, therefore your mother will bear an excellent brahmin."

Note on the text: The alignment found no match; this is CE 13.4.39 (line 1 CE vyatyāsas tu kṛto yasmāt tvayā mātrā tathaiva ca, Wikisource … त्वया मात्रा च ते शुभे; line 2 CE tasmāt sā brāhmaṇaśreṣṭhaṃ mātā te janayiṣyati).

Verse 41 (13.7.41)

क्षत्रियं तूग्रकर्माणं त्वं भद्रे जनयिष्यसि । न हि ते तत्कृतं साधु मातृस्नेहेन भामिनि ॥

kṣatriyaṃ tūgrakarmāṇaṃ tvaṃ bhadre janayiṣyasi | na hi te tatkṛtaṃ sādhu mātṛsnehena bhāmini

"And you, gentle lady, will bear a kshatriya of terrible deeds; for what you did, out of love for your mother, was not right, fair one."

Verse 42 (13.7.42)

सा श्रुत्वा शोकसंतप्ता पपात वरवर्णिनी । भूमौ सत्यवती राजंश्छिन्नेव रुचिरा लता ॥

sā śrutvā śokasaṃtaptā papāta varavarṇinī | bhūmau satyavatī rājaṃśchinneva rucirā latā

Hearing this, the fair Satyavati, burning with grief, fell to the ground, O king, like a lovely creeper cut down.

Verse 43 (13.7.43)

प्रतिलभ्य च सा सञ्ज्ञां शिरसा प्रणिपत्य च । उवाच भार्या भर्तारं गाधेयी भार्गवर्षभम् ॥

pratilabhya ca sā sañjñāṃ śirasā praṇipatya ca | uvāca bhāryā bhartāraṃ gādheyī bhārgavarṣabham

Recovering her senses, she bowed her head, and Gadhi's daughter said to her husband, the best of the Bhargavas:

Note on the text: Recension variant against CE 13.4.42: भार्गवर्षभम् (CE brāhmaṇarṣabham); kept.

Verse 44 (13.7.44)

प्रसादयन्त्यां भार्यायां मयि ब्रह्मविदांवर । प्रसादं कुरु विप्रर्षे न मे स्यात्क्षत्रियः सुतः ॥

prasādayantyāṃ bhāryāyāṃ mayi brahmavidāṃvara | prasādaṃ kuru viprarṣe na me syātkṣatriyaḥ sutaḥ

"O best of the knowers of Brahman, I, your wife, beg you: be gracious, brahmin sage, and let my son not be a kshatriya."

Note on the text: Corrected त्रत्रियः → क्षत्रियः (misprint in Wikisource; not a word, CE kṣatriyaḥ).

Verse 45 (13.7.45)

कामं ममोग्रकर्मा वै पौत्रो भवितुमर्हति । न तु मे स्यात्सुतो ब्रह्मन्नेष मे दीयतां वरः ॥

kāmaṃ mamograkarmā vai pautro bhavitumarhati | na tu me syātsuto brahmanneṣa me dīyatāṃ varaḥ

"Let my grandson, if it must be, be a man of fierce deeds; but not my son, O brahmin. Grant me this boon."

Verse 46 (13.7.46)

एवमस्त्विति होवाच स्वां भार्यां सुमहातपाः । ततः सा जनयामास जमदग्निं सुतं शुभम् ॥

evamastviti hovāca svāṃ bhāryāṃ sumahātapāḥ | tataḥ sā janayāmāsa jamadagniṃ sutaṃ śubham

"So be it," said the great ascetic to his wife. Then she bore a fine son, Jamadagni.

Verse 47 (13.7.47)

विश्वामित्रं चाजनयद्गाधिभार्या यशस्विनी । ऋषेः प्रसादाद्राजेन्द्र ब्रह्मर्षिं ब्रह्मवादिनम् ॥

viśvāmitraṃ cājanayadgādhibhāryā yaśasvinī | ṛṣeḥ prasādādrājendra brahmarṣiṃ brahmavādinam

And Gadhi's glorious wife bore Vishvamitra, through the grace of the sage, O king of kings, a brahmarshi and a speaker of Brahman.

Note on the text: Corrected ब्रह्मर्षि → ब्रह्मर्षिं (misprint in Wikisource; dropped anusvara, the accusative is required to agree with ब्रह्मवादिनम्, CE brahmarṣiṃ).

Verse 48 (13.7.48)

ततो ब्राह्मणतां यातो विश्वामित्रो महातपाः । क्षत्रियः सोऽप्यथ तथा ब्रह्मवंशस्य कारकः ॥

tato brāhmaṇatāṃ yāto viśvāmitro mahātapāḥ | kṣatriyaḥ so'pyatha tathā brahmavaṃśasya kārakaḥ

Thus Vishvamitra of great austerity, though a kshatriya, attained brahmanhood and became the founder of a brahmin line.

Verse 49 (13.7.49)

तस्य पुत्रा महात्मानो ब्रह्मवंशविवर्धनाः । तपस्विनो ब्रह्मविदो गोत्रकर्तार एव च ॥

tasya putrā mahātmāno brahmavaṃśavivardhanāḥ | tapasvino brahmavido gotrakartāra eva ca

His great-souled sons, who made the brahmin line flourish, were ascetics, knowers of Brahman, and founders of gotras.

Verse 50 (13.7.50)

मधुच्छन्दश्च भगवान्देवरातश्च वीर्यवान् । अक्षीणश्च शकुन्तश्च बभ्रुः कालपथस्तथा ॥

madhucchandaśca bhagavāndevarātaśca vīryavān | akṣīṇaśca śakuntaśca babhruḥ kālapathastathā

They were the venerable Madhuchchhanda, the valiant Devarata, Akshina, Shakunta, Babhru, and Kalapatha;

Verse 51 (13.7.51)

याज्ञवल्क्यश्च विख्यातस्तथा स्थूणो महाव्रतः । उलूको यमदूतश्च तथर्षिः सैन्धवायनः ॥

yājñavalkyaśca vikhyātastathā sthūṇo mahāvrataḥ | ulūko yamadūtaśca tatharṣiḥ saindhavāyanaḥ

the renowned Yajnavalkya, Sthuna of great vows, Uluka, Yamaduta, and the sage Saindhavayana;

Verse 52 (13.7.52)

पर्णजङ्घश्च भगवान्गावलश्च महानृषिः । ऋषिर्वज्रस्तथा ख्यातः सालङ्कायन एव च ॥

parṇajaṅghaśca bhagavāngāvalaśca mahānṛṣiḥ | ṛṣirvajrastathā khyātaḥ sālaṅkāyana eva ca

the venerable Parnajangha, the great sage Gavala, the renowned sage Vajra, and Salankayana;

Note on the text: Recension variant against CE 13.4.51: पर्णजङ्घश्च … गावलश्च … सालङ्कायन (CE karṇajaṅghaś ca … gālavaś ca … śālaṅkāyana); names kept as in Wikisource.

Verse 53 (13.7.53)

लीलाढ्यो नारदश्चैव तथा कूर्चामुखः स्मृतः । वादुलिर्मुसलश्चैव वक्षोग्रीवस्तथैव च ॥

līlāḍhyo nāradaścaiva tathā kūrcāmukhaḥ smṛtaḥ | vādulirmusalaścaiva vakṣogrīvastathaiva ca

Liladhya, Narada, Kurchamukha of fame, Vaduli, Musala, and Vakshogriva;

Note on the text: Recension variant against CE 13.4.52: names लीलाढ्यो … कूर्चामुखः … वक्षोग्रीवः (CE lālāṭyo … kūrcamukhaḥ … rakṣogrīvaḥ); kept.

Verse 54 (13.7.54)

आङ्घ्रिको नैकदृक्चैव शिलायूपः सितः शुचिः । चक्रको मारुतन्तव्यो वातघ्नोऽथाश्वलायनः ॥

āṅghriko naikadṛkcaiva śilāyūpaḥ sitaḥ śuciḥ | cakrako mārutantavyo vātaghno'thāśvalāyanaḥ

Anghrika, Naikadrik, Shilayupa, Sita, Shuchi, Chakraka, Marutantavya, Vatagna, and Ashvalayana;

Note on the text: Recension variant against CE 13.4.53: आङ्घ्रिको नैकदृक् (CE aṅghriko naikabhṛt); kept.

Verse 55 (13.7.55)

श्यामायनोऽथ गार्ग्यश्च जाबालिः सुश्रुतस्तथा । कारीषिरथ संश्रुत्यः परपौरवतन्तवः ॥

śyāmāyano'tha gārgyaśca jābāliḥ suśrutastathā | kārīṣiratha saṃśrutyaḥ parapauravatantavaḥ

Shyamayana, Gargya, Jabali, Sushruta, Karishi, Samshrutya, and the Parapauravatantavas;

Verse 56 (13.7.56)

महानृषिश्च कपिलस्तथर्षिस्ताडकायनः । तथैव चोपगहनस्तथर्षिश्चासुरायणः ॥

mahānṛṣiśca kapilastatharṣistāḍakāyanaḥ | tathaiva copagahanastatharṣiścāsurāyaṇaḥ

the great sage Kapila, the sage Tadakayana, Upagahana, and the sage Asurayana;

Note on the text: Recension variant against CE 13.4.55: ताडकायनः … आसुरायणः (CE tārakāyanaḥ … ārjunāyanaḥ); kept.

Verse 57 (13.7.57)

मार्दमर्षिर्हिरण्याक्षो जङ्गारिर्बाभ्रवायणिः । भूतिर्विभूतिः सूतश्च सुरकृत्तु तथैव च ॥

mārdamarṣirhiraṇyākṣo jaṅgārirbābhravāyaṇiḥ | bhūtirvibhūtiḥ sūtaśca surakṛttu tathaiva ca

Mardamarshi, Hiranyaksha, Jangari, Babhravayani, Bhuti, Vibhuti, Suta, and Surakrit;

Note on the text: The alignment found no match; the verse stands at CE 13.4.56, where the names differ (CE mārgamitrir hiraṇyākṣo jaṅghārir babhruvāhanaḥ / sūtir vibhūtiḥ sūtaś ca suraṅgaś ca tathaiva hi). Wikisource names kept as a recension variant.

Verse 58 (13.7.58)

अरालिर्नाचिकश्चैव चाम्पेयोज्जयनौ तथा । नवतन्तुर्बकनखः सेयनो यतिरेव च ॥

arālirnācikaścaiva cāmpeyojjayanau tathā | navatanturbakanakhaḥ seyano yatireva ca

Arali, Nachika, Champeya and Ujjayana, Navatantu, Bakanakha, Seyana, and Yati;

Note on the text: Low CE match (0.84): this is CE 13.4.57, with several names differing (CE ārāddhir nāmayaś caiva … śayonaratir eva ca). Wikisource names kept as a recension variant.

Verse 59 (13.7.59)

अम्भोरुदश्चारुमत्स्यः शिरीषी चाथ गार्दभिः । ऊर्जयोनिरुदापेक्षी नारदी च महानृषिः । विश्वामित्रात्मजाः सर्वे मुनयो ब्रह्मवादिनः ॥

ambhorudaścārumatsyaḥ śirīṣī cātha gārdabhiḥ | ūrjayonirudāpekṣī nāradī ca mahānṛṣiḥ | viśvāmitrātmajāḥ sarve munayo brahmavādinaḥ

Ambhoruda, Charumatsya, Shirishi, Gardabhi, Urjayoni, Udapekshi, and the great sage Naradi: all these were Vishvamitra's sons, sages who spoke of Brahman.

Note on the text: Three-line verse, as on the page (labelled 7-59a/b/c). Lines 1-2 correspond to CE 13.4.58a,c with some names differing (CE śayoruhaś cārumatsyaḥ … ujjayonir adāpekṣī); line 3 is CE 13.4.58e. The CE star line 13.4.58d*0029_01 is not on the page. Wikisource names kept.

Verse 60 (13.7.60)

तथैव क्षत्रियो राजन्विश्वामित्रो महातपाः । ऋचीकेनाहितं ब्रह्म परमेतद्युधिष्ठिर ॥

tathaiva kṣatriyo rājanviśvāmitro mahātapāḥ | ṛcīkenāhitaṃ brahma parametadyudhiṣṭhira

In just that way, O king, Vishvamitra of great austerity, a kshatriya, became a brahmin; this supreme brahmanhood was bestowed on him by Richika, Yudhishthira.

Note on the text: Recension variant against CE 13.4.59: line 1 तथैव क्षत्रियो राजन् (CE tan naiṣa kṣatriyo rājan); kept.

Verse 61 (13.7.61)

एतत्ते सर्वमाख्यातं तत्वेन भरतर्षभ । विश्वामित्रस्य वै जन्म सोमसूर्याग्नितेजसः ॥

etatte sarvamākhyātaṃ tatvena bharatarṣabha | viśvāmitrasya vai janma somasūryāgnitejasaḥ

I have told you all this truly, O best of the Bharatas: the birth of Vishvamitra, who shone with the energy of the moon, the sun and fire.

Verse 62 (13.7.62)

यत्रयत्र च सन्देहो भूयस्ते राजसत्तम । तत्रतत्र च मां ब्रूहि च्छेत्ताऽस्मि तव संशयान् ॥

yatrayatra ca sandeho bhūyaste rājasattama | tatratatra ca māṃ brūhi cchettā'smi tava saṃśayān

Wherever you still have a doubt, O best of kings, ask me again and again there; I shall dispel your uncertainties.