The Birth of Mandhata

Verse 1 (3.127.1)

मान्धाता राजशार्दूलस्त्रिषु लोकेषु विश्रुतः । कथं जातो महाब्रह्मन्यौवनाश्वो नृपोत्तमः ॥

māndhātā rājaśārdūlastriṣu lokeṣu viśrutaḥ | kathaṃ jāto mahābrahmanyauvanāśvo nṛpottamaḥ

Yudhishthira said: Mandhata, the tiger among kings, the son of Yuvanashva and best of rulers, was famed in the three worlds. How was he born, great brahmin?

Note on the text: Corresponds to 3.126.1a–c of the critical edition.

Verse 2 (3.127.2)

कथं चैनां परां ख्यातिं प्राप्तवानमितद्युतिः । यस्य लोकास्त्रयो वश्या विष्णोरिव महात्मनः ॥

kathaṃ caināṃ parāṃ khyātiṃ prāptavānamitadyutiḥ | yasya lokāstrayo vaśyā viṣṇoriva mahātmanaḥ

And how did that man of boundless splendour win such supreme fame, he to whom the three worlds were subject, as they are to the great-souled Vishnu?

Note on the text: Corresponds to 3.126.1e (with ख्यातिं for kāṣṭhāṃ) and 3.126.2a of the critical edition.

Verse 3 (3.127.3)

एतदिच्छाम्यहं श्रोतुं चरितं तस्य धीमतः । सत्यकीर्तेर्हि मान्धातुः कथ्यमानं त्वयाऽनघ ॥

etadicchāmyahaṃ śrotuṃ caritaṃ tasya dhīmataḥ | satyakīrterhi māndhātuḥ kathyamānaṃ tvayā'nagha

I wish to hear the life of that wise man, of Mandhata whose fame rests on truth, as you tell it, sinless one;

Note on the text: Removed stray wiki quote marks (` '). Line 1 is 3.126.2c; line 2 is not in the critical edition's constituted text and appears in the apparatus as 3.126.2d*612.

Verse 4 (3.127.4)

यथा मान्धातृशब्दश्च तस्य शक्रसमद्युतेः । जन्म चाप्रतिवीर्यस्य कुशलो ह्यसि भाषितुम् ॥

yathā māndhātṛśabdaśca tasya śakrasamadyuteḥ | janma cāprativīryasya kuśalo hyasi bhāṣitum

how the name Mandhata came to belong to him whose splendour matched Shakra's, and the birth of that man of unmatched valour. You are skilled in telling it.

Note on the text: Corrected चाप्रतिवीर्यस् → चाप्रतिवीर्यस्य (misprint in Wikisource; the final akshara was dropped) and शक्रसमद्युते → शक्रसमद्युतेः (misprint; the visarga of the genitive was dropped; the critical edition reads śakrasamadyuteḥ … cāprativīryasya).

Verse 5 (3.127.5)

शृणुष्वावहितो राजन्राज्ञस्तस्य महात्मनः । यथा मान्धातृशब्दो वै लोकेषु परिगीयते ॥

śṛṇuṣvāvahito rājanrājñastasya mahātmanaḥ | yathā māndhātṛśabdo vai lokeṣu parigīyate

Lomasha said: Listen closely, O king, to how the name Mandhata of that great-souled king came to be sung throughout the worlds.

Verse 6 (3.127.6)

इक्ष्वाकुवंशप्रभवो युवनाश्वो महीपतिः । सोऽयजत्पृथिवीपालः क्रतुभिर्भूरिदक्षिणैः ॥

ikṣvākuvaṃśaprabhavo yuvanāśvo mahīpatiḥ | so'yajatpṛthivīpālaḥ kratubhirbhūridakṣiṇaiḥ

Yuvanashva, a lord of the earth, was born in the line of Ikshvaku. That protector of the earth offered sacrifices with lavish gifts to the priests.

Verse 7 (3.127.7)

अश्वमेधसहस्रं च प्राप्य धर्मभृतांवरः । अन्यैश्च क्रतुभिर्मुख्यैरयजत्स्वाप्तदक्षिणैः ॥

aśvamedhasahasraṃ ca prāpya dharmabhṛtāṃvaraḥ | anyaiśca kratubhirmukhyairayajatsvāptadakṣiṇaiḥ

That best of upholders of dharma completed a thousand horse sacrifices, and sacrificed as well with other leading rites, rich in fees.

Verse 8 (3.127.8)

अनपत्यस्तु राजर्षिः स महात्मा महाव्रतः । मन्त्रिष्वाधाय तद्राज्यं वननित्यो बभूव ह । शास्त्रदृष्टेन विधिना संयोज्यात्मानमात्मवान् ॥

anapatyastu rājarṣiḥ sa mahātmā mahāvrataḥ | mantriṣvādhāya tadrājyaṃ vananityo babhūva ha | śāstradṛṣṭena vidhinā saṃyojyātmānamātmavān

But the royal sage, great-souled and great in his vows, had no son. He entrusted the kingdom to his ministers and lived always in the forest, master of himself, joining his self to the divine by the method the scriptures teach.

Note on the text: Corrected वनित्यो → वननित्यो (misprint in Wikisource; an akshara was dropped; the critical edition reads vananityo). Lines 1–2 are 3.126.7 and line 3 is 3.126.8a of the critical edition.

Verse 9 (3.127.9)

स कदाचिन्नृपो राजन्नुपवासेन दुःखितः । पिपासाशुष्कहृदयः प्रविवेशाश्रमं भृगोः ॥

sa kadācinnṛpo rājannupavāsena duḥkhitaḥ | pipāsāśuṣkahṛdayaḥ praviveśāśramaṃ bhṛgoḥ

Once, O king, that king, worn down by fasting, his heart parched with thirst, entered the hermitage of Bhrigu.

Note on the text: Line 1 is not in the critical edition's constituted text and appears in the apparatus as 3.126.8b*614; line 2 is 3.126.8c.

Verse 10 (3.127.10)

तामेव रात्रिं राजेन्द्र महात्मा भृगुनन्दनः । इष्टिं चकार सौद्युम्नेर्महर्षिः पुत्रकारणात् ॥

tāmeva rātriṃ rājendra mahātmā bhṛgunandanaḥ | iṣṭiṃ cakāra saudyumnermaharṣiḥ putrakāraṇāt

That very night, lord of kings, the great-souled great seer, the delight of the Bhrigus, was performing a rite for the son of Sudyumna, so that he might have a son.

Verse 11 (3.127.11)

संभृतो मन्त्रपूतेन वारिणा कलशो महान् । तत्रातिष्ठत राजेन्द्र पूर्वमेव समाहितः ॥

saṃbhṛto mantrapūtena vāriṇā kalaśo mahān | tatrātiṣṭhata rājendra pūrvameva samāhitaḥ

A great pitcher, filled with water purified by mantras, had been set there beforehand, lord of kings, with care.

Note on the text: Corresponds to 3.126.10a–c of the critical edition.

Verse 12 (3.127.12)

यत्प्राश्य प्रसवेत्तस्य पत्नी शक्रसमं सुतम् । तद्वारि विहितं राजन्यस्मिन्नासीत्सुसंस्कृतम् । तं न्यस्य वेद्यां कलशं सुषुपुस्ते महर्षयः ॥

yatprāśya prasavettasya patnī śakrasamaṃ sutam | tadvāri vihitaṃ rājanyasminnāsītsusaṃskṛtam | taṃ nyasya vedyāṃ kalaśaṃ suṣupuste maharṣayaḥ

If his wife drank it, she would bear a son equal to Shakra. That water had been placed in it, O king, fully consecrated. Setting the pitcher down on the altar, the great seers fell asleep,

Note on the text: Removed stray wiki quote marks (` '). Line 1 is 3.126.10e; line 2 is not in the critical edition's constituted text and appears in the apparatus as 3.126.10f*615 (with vidhivad for विहितं); line 3 is 3.126.11a.

Verse 13 (3.127.13)

रात्रिजागरणाच्छ्रान्तान्सौद्युम्निः समतीत्य तान् । शुष्ककण्ठः पिपासार्तः पानीयार्थी भृशं नृपः । तं प्रविश्याश्रमं शान्तः पानीयं सोऽभ्ययाचत ॥

rātrijāgaraṇācchrāntānsaudyumniḥ samatītya tān | śuṣkakaṇṭhaḥ pipāsārtaḥ pānīyārthī bhṛśaṃ nṛpaḥ | taṃ praviśyāśramaṃ śāntaḥ pānīyaṃ so'bhyayācata

worn out from staying awake through the night. The son of Sudyumna passed by them, his throat dry, tormented by thirst, desperate for water; and entering the hermitage the king quietly asked for something to drink.

Note on the text: Line 1 is 3.126.11c and lines 2–3 are 3.126.12 of the critical edition.

Verse 14 (3.127.14)

तस्य श्रान्तस्य शुष्केण कण्ठेन क्रोशतस्तदा । नाश्रौषीत्कश्चन तदा शकुनेरिव वाशतः ॥

tasya śrāntasya śuṣkeṇa kaṇṭhena krośatastadā | nāśrauṣītkaścana tadā śakuneriva vāśataḥ

But as the weary king called out with his parched throat, no one heard him, any more than the cry of a bird.

Verse 15 (3.127.15)

ततस्तं कलशं दृष्ट्वा जलपूर्णं स पार्थिवः । अभ्यद्रवत वेगेन पीत्वा चाम्भो व्यवासृजत् ॥

tatastaṃ kalaśaṃ dṛṣṭvā jalapūrṇaṃ sa pārthivaḥ | abhyadravata vegena pītvā cāmbho vyavāsṛjat

Then, seeing the pitcher full of water, the king rushed at it, drank the water and set it down.

Verse 16 (3.127.16)

स पीत्वा शीतलं तोयं पिपासार्तो महीपतिः । निर्वाणमगमद्धीमान्सुसुखी चाभवत्तदा ॥

sa pītvā śītalaṃ toyaṃ pipāsārto mahīpatiḥ | nirvāṇamagamaddhīmānsusukhī cābhavattadā

Having drunk the cool water, the thirsty and wise lord of the earth found relief and was well content.

Verse 17 (3.127.17)

ततस्ते प्रत्यबुध्यन्त मुनयः सतपोधनाः । निस्तोयं तं च कलशं ददृशुः सर्व एव ते ॥

tataste pratyabudhyanta munayaḥ satapodhanāḥ | nistoyaṃ taṃ ca kalaśaṃ dadṛśuḥ sarva eva te

Then the sages, rich in austerity, woke up, and all of them saw that the pitcher had no water in it.

Verse 18 (3.127.18)

कस्य कर्मेदमिति ते पर्यपृच्छन्समागताः । युवनाश्वो ममेत्येवं सत्यं समभिपद्यत ॥

kasya karmedamiti te paryapṛcchansamāgatāḥ | yuvanāśvo mametyevaṃ satyaṃ samabhipadyata

Gathering together, they asked, "Whose doing is this?" Yuvanashva admitted the truth: "Mine."

Verse 19 (3.127.19)

न युक्तमिति तं प्राह भगवान्भार्गवस्तदा । सुतार्थं स्थापिता ह्यापस्तपसा चैव संभृताः ॥

na yuktamiti taṃ prāha bhagavānbhārgavastadā | sutārthaṃ sthāpitā hyāpastapasā caiva saṃbhṛtāḥ

"That was not right," the blessed Bhargava told him then. "This water was set here for the sake of a son, and charged by austerity.

Verse 20 (3.127.20)

मया ह्यत्राहितं ब्रह्म तप आस्थाय दारुणम् । पुत्रार्थं तव राजर्षे महाबलपराक्रम ॥

mayā hyatrāhitaṃ brahma tapa āsthāya dāruṇam | putrārthaṃ tava rājarṣe mahābalaparākrama

"For I placed sacred power in it, after undertaking fierce austerity, to give you a son, royal sage of great strength and valour —

Verse 21 (3.127.21)

महाबलो महावीर्यस्तपोबलसमन्वितः । यः शक्रमपि वीर्येण गमयेद्यमसादनम् ॥

mahābalo mahāvīryastapobalasamanvitaḥ | yaḥ śakramapi vīryeṇa gamayedyamasādanam

"a son of great strength and great valour, endowed with the power of austerity, who by his might could send even Shakra to the house of Yama.

Verse 22 (3.127.22)

अनेन विधिना राजन्मयैतदुपपादितम् । अब्भक्षणं त्वया राजन्न युक्तं कृतमद्य वै ॥

anena vidhinā rājanmayaitadupapāditam | abbhakṣaṇaṃ tvayā rājanna yuktaṃ kṛtamadya vai

"This is how I prepared it, O king. It was wrong of you, O king, to drink the water today.

Verse 23 (3.127.23)

न त्वद्य शक्यमस्माभिरेतत्कर्तुमतोऽन्यथा । नूनं दैवकृतं ह्येतद्यदेवं कृतवानसि ॥

na tvadya śakyamasmābhiretatkartumato'nyathā | nūnaṃ daivakṛtaṃ hyetadyadevaṃ kṛtavānasi

"But now we cannot undo it. Surely this was the work of fate, that you acted as you did.

Note on the text: Corrected अतोऽनय्था → अतोऽन्यथा (misprint in Wikisource; a broken conjunct; the critical edition reads ato 'nyathā).

Verse 24 (3.127.24)

पिपासितेन याः पीता विधिमन्त्रपुरस्कृताः । आपस्त्वया महाराज मत्तपोवीर्यसंभृताः ॥

pipāsitena yāḥ pītā vidhimantrapuraskṛtāḥ | āpastvayā mahārāja mattapovīryasaṃbhṛtāḥ

"The water you drank in your thirst, great king, made potent by rite and mantra and charged with the power of my austerity —

Note on the text: Corresponds to 3.126.23a–c of the critical edition.

Verse 25 (3.127.25)

ताभ्यस्त्वमात्मना पुत्रमीदृशं जनयिष्यसि । विधास्यामो वयं तत्र तवेष्टिं परमाद्भुताम् ॥

tābhyastvamātmanā putramīdṛśaṃ janayiṣyasi | vidhāsyāmo vayaṃ tatra taveṣṭiṃ paramādbhutām

"from it you yourself will beget such a son. We shall perform for you there a most wonderful rite,

Note on the text: Line 1 is 3.126.23e (with ईदृशं जनयिष्यसि for evaṃvīryaṃ janiṣyasi) and line 2 is 3.126.24a of the critical edition.

Verse 26 (3.127.26)

यथा शक्रसमं पुत्रं जनयिष्यसि वीर्यवान् । न च प्राणैर्महाराज वियोगस्ते भविष्यति ॥

yathā śakrasamaṃ putraṃ janayiṣyasi vīryavān | na ca prāṇairmahārāja viyogaste bhaviṣyati

"so that, mighty as you are, you will beget a son equal to Shakra. And you will not part from your life, great king.

Note on the text: Removed a stray wiki quote mark (`). Line 1 is 3.126.24c; line 2 is not in the critical edition's constituted text and appears in the apparatus as 3.126.24d*618.

Verse 27 (3.127.27)

मा खिदस्त्वं हि राजेन्द्र दैवं हि बलवत्तरम् । गर्भधारणजं वाऽपि न खेदं समवाप्स्यसि ॥

mā khidastvaṃ hi rājendra daivaṃ hi balavattaram | garbhadhāraṇajaṃ vā'pi na khedaṃ samavāpsyasi

"Do not grieve, lord of kings, for fate is the stronger. Nor will you suffer the pain that comes of carrying a child."

Note on the text: Removed a stray wiki quote mark ('). Corrected राजेनद्र → राजेन्द्र (misprint in Wikisource; a broken conjunct). Line 1 is not in the critical edition (found in the vulgate recension); line 2 appears in the apparatus as 3.126.24d*616.

Verse 28 (3.127.28)

ततो वर्षशते पूर्णे तस्य राज्ञो महात्मनः । वामं पार्श्वं विनिर्भिद्य सुतः सूर्य इव स्थितः ॥

tato varṣaśate pūrṇe tasya rājño mahātmanaḥ | vāmaṃ pārśvaṃ vinirbhidya sutaḥ sūrya iva sthitaḥ

Then, when a full hundred years had passed, a son split open the left side of that great-souled king; like the sun,

Verse 29 (3.127.29)

निश्चक्राम महातेजा न च तं मृत्युराविशत् । युवनाश्वं नरपतिं तदद्भुतमिवाभवत् ॥

niścakrāma mahātejā na ca taṃ mṛtyurāviśat | yuvanāśvaṃ narapatiṃ tadadbhutamivābhavat

he came forth in great splendour; yet death did not take King Yuvanashva. It was like a marvel.

Verse 30 (3.127.30)

ततः शक्रो महातेजास्तं दिदृक्षुरुपागमत् । ततो देवा महेन्द्रं तमपृच्छन्धास्यतीति किम् ॥

tataḥ śakro mahātejāstaṃ didṛkṣurupāgamat | tato devā mahendraṃ tamapṛcchandhāsyatīti kim

Then Shakra, in his great splendour, came wishing to see him. The gods asked great Indra, "What will he suck?"

Note on the text: Line 1 is 3.126.27a; line 2 is not in the critical edition's constituted text and appears in the apparatus as 3.126.27b*619.

Verse 31 (3.127.31)

प्रदेशिनीं ततोऽस्यास्ये शक्रः समभिसंदधे । मामयं धास्यतीत्येवं भाषिते चैव वज्रिणा । मांधातेति च नामास्य चक्रुः सेन्द्रा दिवौकसः ॥

pradeśinīṃ tato'syāsye śakraḥ samabhisaṃdadhe | māmayaṃ dhāsyatītyevaṃ bhāṣite caiva vajriṇā | māṃdhāteti ca nāmāsya cakruḥ sendrā divaukasaḥ

Then Shakra put his forefinger into the child's mouth. And since the wielder of the thunderbolt said, "He will suck me" (mām ayaṃ dhāsyati), the gods together with Indra named him Mandhata.

Note on the text: Line 1 is 3.126.27c, line 2 is a variant of 3.126.28a (भाषिते चैव for paribhāṣṭaḥ sa), and line 3 is 3.126.28c of the critical edition.

Verse 32 (3.127.32)

प्रदेशिनीं शक्रदत्तामास्वाद्य स शिशुस्तदा । अवर्धत महातेजाः किष्कून्राजंस्त्रयोदश ॥

pradeśinīṃ śakradattāmāsvādya sa śiśustadā | avardhata mahātejāḥ kiṣkūnrājaṃstrayodaśa

Sucking the forefinger Shakra gave him, the infant then grew, O king, by thirteen kishkus.

Note on the text: Corrected माखाद्य → मास्वाद्य (misprint in Wikisource; ख for स्व, आखाद्य is not a word; the critical edition reads āsvādya) and त्र्योदश → त्रयोदश (misprint; a broken conjunct; the critical edition reads trayodaśa).

Verse 33 (3.127.33)

वेदास्तं सधनुर्वेदा दिव्यान्यस्त्राणि चेश्वरम् । उपतस्थुर्महाराजं ध्यातमात्राणि सर्वशः ॥

vedāstaṃ sadhanurvedā divyānyastrāṇi ceśvaram | upatasthurmahārājaṃ dhyātamātrāṇi sarvaśaḥ

The Vedas, together with the science of archery, and the divine weapons, all of them, came to serve that lord and great king the moment he thought of them.

Note on the text: Corrected दिव्यान्स्त्राणि → दिव्यान्यस्त्राणि (misprint in Wikisource; an akshara was dropped; the critical edition reads divyāny astrāṇi).

Verse 34 (3.127.34)

धनुराजगवं नाम शराः शृङ्गोद्भवाश्च ये । अभेद्यं कवचं चैव सद्यस्तमुपशिश्रियुः ॥

dhanurājagavaṃ nāma śarāḥ śṛṅgodbhavāśca ye | abhedyaṃ kavacaṃ caiva sadyastamupaśiśriyuḥ

The bow named Ajagava, the arrows made of horn, and impenetrable armour came to him at once.

Verse 35 (3.127.35)

सोऽभिषिक्तो भगवता स्वयं शक्रेण भारत । धर्मेण व्यजयल्लोकांस्त्रीन्विष्णुरिव विक्रमैः ॥

so'bhiṣikto bhagavatā svayaṃ śakreṇa bhārata | dharmeṇa vyajayallokāṃstrīnviṣṇuriva vikramaiḥ

Consecrated as king by the blessed Shakra himself, Bharata, he conquered the three worlds by dharma, as Vishnu did with his strides.

Verse 36 (3.127.36)

तस्याप्रतिहतं चक्रं प्रावर्तत महात्मनः । रत्नानि चैव राजर्षिं स्वयमेवोपतस्थिरे ॥

tasyāpratihataṃ cakraṃ prāvartata mahātmanaḥ | ratnāni caiva rājarṣiṃ svayamevopatasthire

The wheel of that great-souled king's rule rolled on unchecked, and jewels came of their own accord to the royal sage.

Verse 37 (3.127.37)

तस्येयं वसुसंपूर्णा वसुधा वसुधाधिप । तेनेष्टं विविधैर्यज्ञैर्बहुभिः स्वाप्तदक्षिणैः ॥

tasyeyaṃ vasusaṃpūrṇā vasudhā vasudhādhipa | teneṣṭaṃ vividhairyajñairbahubhiḥ svāptadakṣiṇaiḥ

This earth, full of wealth, was his, lord of the earth. He sacrificed with many and varied sacrifices, with ample fees.

Verse 38 (3.127.38)

चितचैत्यो महातेजा धर्मान्प्राप्य च पुष्कलान् । शक्रस्यार्धासनं राजँल्लब्धवानमितद्युतिः ॥

citacaityo mahātejā dharmānprāpya ca puṣkalān | śakrasyārdhāsanaṃ rājam̐llabdhavānamitadyutiḥ

Having built the fire altars, that man of great energy and boundless splendour gained abundant merit and won half of Shakra's throne, O king.

Verse 39 (3.127.39)

एकाह्ना पृथिवी तेन धर्मनित्येन धीमता । विजिता शासनादेव सरत्नाकरपत्तना ॥

ekāhnā pṛthivī tena dharmanityena dhīmatā | vijitā śāsanādeva saratnākarapattanā

In a single day that wise king, ever devoted to dharma, conquered the earth, with its mines of jewels and its towns, by his command alone.

Verse 40 (3.127.40)

तस्य चैत्यैर्महाराज क्रतूनां दक्षिणावताम् । चतुरन्ता मही व्याप्ता नासीत्किंचिदनावृतम् ॥

tasya caityairmahārāja kratūnāṃ dakṣiṇāvatām | caturantā mahī vyāptā nāsītkiṃcidanāvṛtam

With the altar mounds of his sacrifices, rich in fees, great king, the earth was covered to its four ends; no spot was left bare.

Verse 41 (3.127.41)

तेन पद्मसहस्राणि गवां दश महात्मना । ब्राह्मणेभ्यो महाराज दत्तानीति प्रचक्षते ॥

tena padmasahasrāṇi gavāṃ daśa mahātmanā | brāhmaṇebhyo mahārāja dattānīti pracakṣate

That great-souled king, they say, gave ten thousand padmas of cows to the brahmins, great king.

Verse 42 (3.127.42)

तेन द्वादशवार्षिक्यामनावृष्ट्यां महात्मना । वृष्टं सस्यविवृद्ध्यर्थं मिषतो वज्रपाणिनः ॥

tena dvādaśavārṣikyāmanāvṛṣṭyāṃ mahātmanā | vṛṣṭaṃ sasyavivṛddhyarthaṃ miṣato vajrapāṇinaḥ

During a drought of twelve years the great-souled king made rain fall so that the crops could grow, while the thunderbolt-wielder looked on.

Verse 43 (3.127.43)

तेन सोमकुलोत्पन्नो गान्धाराधिपतिर्महान् । गर्जन्निव महामेघः प्रमथ्य निहतः शरैः ॥

tena somakulotpanno gāndhārādhipatirmahān | garjanniva mahāmeghaḥ pramathya nihataḥ śaraiḥ

He crushed and slew with his arrows the mighty king of Gandhara, born of the lunar race, who roared like a great cloud.

Note on the text: Corrected शर्जन्निव → गर्जन्निव (misprint in Wikisource; श for ग; the critical edition reads garjann iva).

Verse 44 (3.127.44)

प्रजाश्चतुर्विधास्तेन त्राता राजन्कृतात्मना । तेनात्मतपसा लोकास्तापिताश्चातितेजसा ॥

prajāścaturvidhāstena trātā rājankṛtātmanā | tenātmatapasā lokāstāpitāścātitejasā

With his mind under control he protected the four kinds of creatures, O king; and by his own austerity and surpassing brilliance he made the worlds glow.

Verse 45 (3.127.45)

तस्यैतद्देवयजनं स्थानमादित्यवर्चसः । पश्य पुण्यतमे देशे कुरुक्षेत्रस्य मध्यतः ॥

tasyaitaddevayajanaṃ sthānamādityavarcasaḥ | paśya puṇyatame deśe kurukṣetrasya madhyataḥ

See: this is the place of sacrifice of that king who shone like the sun, in the holiest region, in the middle of Kurukshetra.

Note on the text: Corrected यस्य → पश्य (misprint in Wikisource; the relative pronoun has no clause to belong to; the critical edition reads paśya) and कुरुक्षेत्रेस्य → कुरुक्षेत्रस्य (misprint; a stray vowel sign; the critical edition reads kurukṣetrasya).

Verse 46 (3.127.46)

तथा त्वमपि राजेन्द्र मान्धातेव महीपतिः । धर्मं कृत्वा महीं रक्ष स्वर्गलोकं गमिष्यसि ॥

tathā tvamapi rājendra māndhāteva mahīpatiḥ | dharmaṃ kṛtvā mahīṃ rakṣa svargalokaṃ gamiṣyasi

In the same way, lord of kings, you too, like King Mandhata, will practise dharma and protect the earth, and go to the world of heaven.

Note on the text: Removed stray wiki quote marks (` '). Not in the critical edition's constituted text; it appears in the apparatus as 3.126.42d*620 (found in the vulgate recension).

Verse 47 (3.127.47)

एतत्ते सर्वमाख्यातं मान्धातुश्चरितं महत् । जन्म चाग्र्यं महीपाल यन्मां त्वं परिपृच्छसि ॥

etatte sarvamākhyātaṃ māndhātuścaritaṃ mahat | janma cāgryaṃ mahīpāla yanmāṃ tvaṃ paripṛcchasi

I have told you all of this: the great deeds of Mandhata and his wondrous birth, lord of the earth, which you asked me about.

Verse 48 (3.127.48)

एवमुक्तः स कौन्तेयो लोमशेन महर्षिणा । पप्रच्छानन्तरं भूयः सोमकं प्रति भारत ॥

evamuktaḥ sa kaunteyo lomaśena maharṣiṇā | papracchānantaraṃ bhūyaḥ somakaṃ prati bhārata

Vaishampayana said: Spoken to in this way by the great seer Lomasha, the son of Kunti went on, Bharata, to ask him about Somaka.

Note on the text: Not in the critical edition's constituted text; it appears, with its speaker line, in the apparatus as 3.126.43d*621 (found in the vulgate recension).