Chyavana Spares Indra; the Holy Places by the Yamuna

Verse 1 (3.126.1)

तं दृष्ट्वा घोरवदनं मदं देवः शतक्रतुः । आयान्तं भक्षयिष्यन्तं व्यात्ताननमिवान्तकम् ॥

taṃ dṛṣṭvā ghoravadanaṃ madaṃ devaḥ śatakratuḥ | āyāntaṃ bhakṣayiṣyantaṃ vyāttānanamivāntakam

Lomasha said: When Indra of the hundred sacrifices saw Mada coming at him, terrible of face, his mouth gaping like Death's, ready to devour him,

Verse 2 (3.126.2)

भयात्संस्तम्भितभुजः सृक्विणी लेलिहन्मुहुः । ततोऽब्रवीद्देवराजश्च्यवनं भयपीडितः ॥

bhayātsaṃstambhitabhujaḥ sṛkviṇī lelihanmuhuḥ | tato'bravīddevarājaścyavanaṃ bhayapīḍitaḥ

his arms went stiff with fear and he licked the corners of his mouth again and again. Then the king of the gods, racked with fear, spoke to Chyavana:

Note on the text: Corrected ततोऽव्रवीद् → ततोऽब्रवीद् (misprint in Wikisource; व for ब; the critical edition reads tato 'bravīd).

Verse 3 (3.126.3)

सोमार्हावश्विनावेतावद्य प्रभृति भार्गव । भविष्यतः सत्यमेतद्वचो विप्र प्रसीद मे ॥

somārhāvaśvināvetāvadya prabhṛti bhārgava | bhaviṣyataḥ satyametadvaco vipra prasīda me

"From this day on, O Bhargava, these two Ashvins shall be worthy of the Soma. This word of mine is true, brahmin. Be gracious to me.

Verse 4 (3.126.4)

न ते मिथ्या समारम्भो भवत्वेष परो विधिः । जानामि चाहं विप्रर्षे न मिथ्या त्वं करिष्यसि ॥

na te mithyā samārambho bhavatveṣa paro vidhiḥ | jānāmi cāhaṃ viprarṣe na mithyā tvaṃ kariṣyasi

"Let nothing you have undertaken be in vain; let this be the final rule. I know, too, brahmin seer, that you will never let anything you do come to nothing.

Verse 5 (3.126.5)

सोमपावश्विनावेतौ यथा वाद्य कृतौ त्वया । तथैव मामपि ब्रह्मञ्श्रेयसा योक्तुमर्हसि ॥

somapāvaśvināvetau yathā vādya kṛtau tvayā | tathaiva māmapi brahmañśreyasā yoktumarhasi

"Just as you have today made the Ashvins drinkers of the Soma, so too, brahmin, you should bless me with good fortune.

Note on the text: Removed stray wiki quote marks (` '). Line 1 is 3.125.5a; line 2 is not in the critical edition's constituted text and appears in the apparatus as 3.125.5b*606.

Verse 6 (3.126.6)

भूय एव तु ते वीर्यं प्रकाशेदिति भार्गव । सुकन्यायाः पितुश्चास्य लोके कीर्तिः प्रथेदिति ॥

bhūya eva tu te vīryaṃ prakāśediti bhārgava | sukanyāyāḥ pituścāsya loke kīrtiḥ prathediti

"I did this, Bhargava, so that your power might shine out still more, and so that the fame of Sukanya and of her father might spread through the world.

Note on the text: Corresponds to 3.125.5c and 3.125.6a of the critical edition.

Verse 7 (3.126.7)

अतो मयैतद्विहितं तव वीर्यप्रकाशनम् । तस्मान्प्रसादं कुरु मे भवत्वेवं यथेच्छसि ॥

ato mayaitadvihitaṃ tava vīryaprakāśanam | tasmānprasādaṃ kuru me bhavatvevaṃ yathecchasi

"That is why I arranged this display of your might. So be gracious to me; let it be as you wish."

Note on the text: Corresponds to 3.125.6c and 3.125.6e of the critical edition.

Verse 8 (3.126.8)

एवमुक्तस्य शक्रेण च्यवनस्य महात्मनः । स मन्युर्व्यगमच्छीघ्रं मुमोच च पुरंदरम् ॥

evamuktasya śakreṇa cyavanasya mahātmanaḥ | sa manyurvyagamacchīghraṃ mumoca ca puraṃdaram

When Shakra had spoken to the great-souled Chyavana in this way, the sage's anger quickly passed, and he released Indra, the destroyer of cities.

Note on the text: Corrected सुमोच → मुमोच (misprint in Wikisource; स for म, सुमोच is not a word; the critical edition reads mumoca).

Verse 9 (3.126.9)

मदं च व्यभजद्राजन्पाने स्त्रीषु च वीर्यवान् । अक्षेषु मृगयायां च पूर्वसृष्टं पुनः पुनः ॥

madaṃ ca vyabhajadrājanpāne strīṣu ca vīryavān | akṣeṣu mṛgayāyāṃ ca pūrvasṛṣṭaṃ punaḥ punaḥ

Then the mighty sage, O king, parcelled out Mada, whom he had created, piece by piece among drink, women, dice and hunting.

Verse 10 (3.126.10)

तदा मदं विनिक्षिप्य शक्रं संतर्प्य चेन्दुना । अश्विभ्यां सहितान्देवान्याजयित्वा च तं नृपम् ॥

tadā madaṃ vinikṣipya śakraṃ saṃtarpya cendunā | aśvibhyāṃ sahitāndevānyājayitvā ca taṃ nṛpam

So, having cast Mada off, having satisfied Shakra with the Soma, and having had the king offer sacrifice to the gods together with the Ashvins,

Verse 11 (3.126.11)

विख्याप्य वीर्यं लोकेषु सर्वेषु वदतांवरः । सुकन्यया सहारण्ये विजहारानुकूलया ॥

vikhyāpya vīryaṃ lokeṣu sarveṣu vadatāṃvaraḥ | sukanyayā sahāraṇye vijahārānukūlayā

that best of speakers made his power known in all the worlds and lived happily in the forest with Sukanya, who was devoted to him.

Verse 12 (3.126.12)

तस्यैतद्द्विजसंघुष्टं सरो राजन्प्रकाशते । अत्रत्वं सह सोदर्यैः पितॄन्देवांश्च तर्पय ॥

tasyaitaddvijasaṃghuṣṭaṃ saro rājanprakāśate | atratvaṃ saha sodaryaiḥ pitṝndevāṃśca tarpaya

This is his lake, O king, shining and loud with the cries of birds. Here, with your brothers, offer libations to the ancestors and the gods.

Note on the text: Corrected पितृडन्देवांश्च → पितॄन्देवांश्च (misprint in Wikisource; पितृड is not a word; the critical edition reads pitṝn devāṃś ca).

Verse 13 (3.126.13)

एतद्दृष्ट्वा महीपाल सिकताक्षं च भारत । सैन्धवारण्यमासाद्य कुल्यानां कुरु दर्शनम् ॥

etaddṛṣṭvā mahīpāla sikatākṣaṃ ca bhārata | saindhavāraṇyamāsādya kulyānāṃ kuru darśanam

When you have seen this, lord of the earth, and Sikataksha too, Bharata, go on to the Saindhava forest and visit the canals there.

Note on the text: Corresponds to 3.125.12a–c of the critical edition.

Verse 14 (3.126.14)

पुष्करेषु महाराज सर्वेषु च जलं स्पृश । स्थाणोर्मन्त्राणि च जपन्सिद्धिं प्राप्स्यसि भारत ॥

puṣkareṣu mahārāja sarveṣu ca jalaṃ spṛśa | sthāṇormantrāṇi ca japansiddhiṃ prāpsyasi bhārata

Touch the water in all the Pushkaras, great king; and if you recite the mantras of Sthanu (Shiva) there, Bharata, you will win success.

Note on the text: Line 1 is 3.125.12e; line 2 is not in the critical edition's constituted text and appears in the apparatus as 3.125.12f*610 (line 1).

Verse 15 (3.126.15)

संधिर्द्वयोर्नरश्रेष्ठ त्रेताया द्वापरस्य च । अयं हि दृश्यते पार्थ सर्वपापप्रणाशनः । अत्रोपस्पृश चैव त्वं सर्वपापप्रणाशने ॥

saṃdhirdvayornaraśreṣṭha tretāyā dvāparasya ca | ayaṃ hi dṛśyate pārtha sarvapāpapraṇāśanaḥ | atropaspṛśa caiva tvaṃ sarvapāpapraṇāśane

This, best of men, is the meeting point of two ages, the Treta and the Dvapara; it is known to destroy all sins, son of Pritha. Bathe here, in this destroyer of every sin.

Note on the text: Not in the critical edition's constituted text; it appears in the apparatus as 3.125.12f*610 (lines 2–4), found in the vulgate recension.

Verse 16 (3.126.16)

आर्चीकपर्वतश्चैव निवासो वै मनीषिणाम् । सदाफलः सदास्रोतो मरुतां स्थानमुत्तमम् ॥

ārcīkaparvataścaiva nivāso vai manīṣiṇām | sadāphalaḥ sadāsroto marutāṃ sthānamuttamam

And here is the Archika mountain, the home of the wise, always in fruit, its streams always flowing, the finest dwelling of the Maruts.

Note on the text: Corrected निवासौ → निवासो (misprint in Wikisource; the dual does not agree with the single mountain; the critical edition reads nivāso) and स्तानमुत्तमम् → स्थानमुत्तमम् (misprint; त for थ; the critical edition reads sthānam uttamam). Corresponds to 3.125.13a–c.

Verse 17 (3.126.17)

चैत्याश्चैते बहुविधास्त्रिदशानां युधिष्ठिर । एतच्चन्द्रमसस्तीर्थमृषयः पर्युपासते । वैखानसप्रभृतयो वालखिल्यास्तथैव च ॥

caityāścaite bahuvidhāstridaśānāṃ yudhiṣṭhira | etaccandramasastīrthamṛṣayaḥ paryupāsate | vaikhānasaprabhṛtayo vālakhilyāstathaiva ca

These are the many kinds of shrines of the gods, Yudhishthira. This is the ford of the Moon, which the seers worship: the Vaikhanasas and others, and the Valakhilyas too.

Note on the text: Line 1 is 3.125.13e; lines 2–3 are 3.125.14 of the critical edition.

Verse 18 (3.126.18)

शृङ्गाणि त्रीणि पुण्यानि त्रीणि प्रस्रवणानि च । सर्वाण्यनुपरिक्रम्य यथाकाममुपस्पृश ॥

śṛṅgāṇi trīṇi puṇyāni trīṇi prasravaṇāni ca | sarvāṇyanuparikramya yathākāmamupaspṛśa

Here are three holy peaks and three springs. Walk around them all and bathe wherever you please.

Note on the text: Corrected प्रसर्वणानि → प्रस्रवणानि (misprint in Wikisource; transposed letters; the critical edition reads prasravaṇāni).

Verse 19 (3.126.19)

शान्तनुश्चात्र राजेन्द्र शुनकश्च नराधिपः । नरनारायणौ चोभौ तपस्तप्त्वा चिरं नृप । स्थानं सनातनं प्राप्तावीश्वरध्यानतत्परौ ॥

śāntanuścātra rājendra śunakaśca narādhipaḥ | naranārāyaṇau cobhau tapastaptvā ciraṃ nṛpa | sthānaṃ sanātanaṃ prāptāvīśvaradhyānatatparau

Here, lord of kings, Shantanu and King Shunaka, and both Nara and Narayana, practised austerities for a long time, O king, and, intent on meditating on the Lord, reached the eternal abode.

Note on the text: Corresponds to 3.125.16 of the critical edition, which has only two lines; the words तपस्तप्त्वा चिरं नृप and ईश्वरध्यानतत्परौ are not in the critical edition (found in the vulgate recension).

Verse 20 (3.126.20)

इह नित्याश्रया देवाः पितरश्च महर्षिभिः । आर्चीकपर्वते तेपुस्तान्यजस्व युधिष्ठिर ॥

iha nityāśrayā devāḥ pitaraśca maharṣibhiḥ | ārcīkaparvate tepustānyajasva yudhiṣṭhira

Here the gods dwell always, and the ancestors with the great seers practised austerities on the Archika mountain. Worship them, Yudhishthira.

Verse 21 (3.126.21)

इह ते वै चरून्प्राश्नन्नृषयश्च विशांपते । यमुना चाक्षयस्रोताः कृष्णश्चेह तपोरतः ॥

iha te vai carūnprāśnannṛṣayaśca viśāṃpate | yamunā cākṣayasrotāḥ kṛṣṇaśceha taporataḥ

Here they and the seers ate their offerings of charu, lord of the people. Here is the Yamuna, whose stream never fails, and here Krishna gave himself to austerity.

Verse 22 (3.126.22)

यमौ च भीमसेनश्च कृष्णा चामित्रकर्शन । सर्वे चात्र गमिष्यामस्त्वयैव सह पाण्डव ॥

yamau ca bhīmasenaśca kṛṣṇā cāmitrakarśana | sarve cātra gamiṣyāmastvayaiva saha pāṇḍava

The twins, Bhimasena and Krishna (Draupadi), O tormentor of foes — all of us will go there with you, son of Pandu.

Verse 23 (3.126.23)

एतत्प्रस्रवणं पुण्यमिन्द्रस्य मनुजेश्वर । यत्रधाता विधाता च वरुणश्चोर्ध्वमागताः ॥

etatprasravaṇaṃ puṇyamindrasya manujeśvara | yatradhātā vidhātā ca varuṇaścordhvamāgatāḥ

This is the holy spring of Indra, lord of men, where Dhatri, Vidhatri and Varuna rose on high.

Note on the text: Corrected वपरुणश्चोर्ध्वमागताः → वरुणश्चोर्ध्वमागताः (misprint in Wikisource; a stray प; the critical edition reads varuṇaś cordhvam āgatāḥ).

Verse 24 (3.126.24)

इह तेऽप्यवसन्राजञ्शान्ताः परमधर्मिणः । मैत्राणामृजुबुद्धीनामयं गिरिवरः शुभः ॥

iha te'pyavasanrājañśāntāḥ paramadharmiṇaḥ | maitrāṇāmṛjubuddhīnāmayaṃ girivaraḥ śubhaḥ

Here too, O king, they lived, calm and supremely righteous. This fine and lovely mountain belongs to the friendly and the straight-minded.

Verse 25 (3.126.25)

एषा सा यमुना राजन्महर्षिगणसेविता । नानायज्ञचिता राजन्पुण्या पापभयापहा ॥

eṣā sā yamunā rājanmaharṣigaṇasevitā | nānāyajñacitā rājanpuṇyā pāpabhayāpahā

This is that Yamuna, O king, frequented by hosts of great seers, lined with the altars of many sacrifices, O king; holy, it takes away the fear of sin.

Verse 26 (3.126.26)

अत्रराजा महेष्वासो मांधाताऽयजत स्वयम् । साहदेविश्च कौन्तेय सोमको ददतांवरः ॥

atrarājā maheṣvāso māṃdhātā'yajata svayam | sāhadeviśca kaunteya somako dadatāṃvaraḥ

Here the great archer King Mandhata himself sacrificed, son of Kunti, and so did Somaka, son of Sahadeva, best of givers.