The Death of Yavakrita

Verse 1 (3.138.1)

चङ्क्रम्यमाणः स तदा यवक्रीरकुतोभयः । जगाम माधवे मासि रैभ्याश्रमपदं प्रति ॥

caṅkramyamāṇaḥ sa tadā yavakrīrakutobhayaḥ | jagāma mādhave māsi raibhyāśramapadaṃ prati

Lomasha said: Roaming about and fearing nothing, Yavakri went then, in the spring month of Madhava, to Raibhya's hermitage.

Verse 2 (3.138.2)

स ददर्शाश्रमे रम्ये पुष्पितद्रुमभूषिते । विचरन्तीं स्नुषां तस्य किन्नरीमिव भारत ॥

sa dadarśāśrame ramye puṣpitadrumabhūṣite | vicarantīṃ snuṣāṃ tasya kinnarīmiva bhārata

In that lovely hermitage, adorned with flowering trees, he saw Raibhya's daughter-in-law wandering about like a kinnari, O Bharata.

Note on the text: Corrected पुष्पतद्रुम → पुष्पितद्रुम (misprint in Wikisource; dropped vowel sign, critical edition puṣpita-).

Verse 3 (3.138.3)

यवक्रीस्तामुवाचेदमुपतिष्ठस्व मामिति । निर्लज्जो लज्जया युक्तां कामेन हृतचेतनः ॥

yavakrīstāmuvācedamupatiṣṭhasva māmiti | nirlajjo lajjayā yuktāṃ kāmena hṛtacetanaḥ

Shameless, his mind carried away by desire, Yavakri said to that modest woman, 'Come to me.'

Note on the text: Corrected मामिनि → मामिति (misprint in Wikisource; मामिनि is not a word here, critical edition mām iti).

Verse 4 (3.138.4)

सा तस्य शीलमाज्ञाय तस्माच्छापाच्च बिभ्यती । तेजस्वितां च रैभ्यस्य तथेत्युक्त्वा जगाम ह ॥

sā tasya śīlamājñāya tasmācchāpācca bibhyatī | tejasvitāṃ ca raibhyasya tathetyuktvā jagāma ha

Knowing his character, fearing his curse, and mindful of Raibhya's power, she said 'Very well' and went.

Note on the text: Corrected रैभ्यस् → रैभ्यस्य (misprint in Wikisource; dropped akshara, critical edition raibhyasya).

Verse 5 (3.138.5)

तत एकान्तमानीय लज्जयामास भारत । आजगाम तदा रैभ्यः स्वमाश्रममरिंदम ॥

tata ekāntamānīya lajjayāmāsa bhārata | ājagāma tadā raibhyaḥ svamāśramamariṃdama

Then he took her to a lonely place and dishonoured her, O Bharata. At that time Raibhya came back to his own hermitage, tamer of foes.

Verse 6 (3.138.6)

रुदतीं च स्नुषां दृष्ट्वा भार्यामार्तां परावसोः । सान्त्वयञ्श्लक्ष्णया वाचा पर्यपृच्छद्युधिष्ठिर ॥

rudatīṃ ca snuṣāṃ dṛṣṭvā bhāryāmārtāṃ parāvasoḥ | sāntvayañślakṣṇayā vācā paryapṛcchadyudhiṣṭhira

Seeing his daughter-in-law, Paravasu's wife, weeping and distressed, he comforted her with gentle words and asked her what had happened, Yudhishthira.

Note on the text: Corrected आर्ता → आर्तां (misprint in Wikisource; the adjective must agree with the accusative भार्याम्, critical edition ārtāṃ).

Verse 7 (3.138.7)

सा तस्मै सर्वमाचष्ट यवक्रीभाषितं शुभा । प्रत्युक्तं च यवक्रीतं प्रेक्षापूर्वं तथाऽऽत्मना ॥

sā tasmai sarvamācaṣṭa yavakrībhāṣitaṃ śubhā | pratyuktaṃ ca yavakrītaṃ prekṣāpūrvaṃ tathā''tmanā

The good woman told him everything that Yavakri had said, and how she herself, after thinking it over, had answered Yavakrita.

Verse 8 (3.138.8)

शृण्वानस्यैव रैभ्यस्य यवक्रेस्तद्विचेष्टनम् । दहन्निव तदा चेतः क्रोधः समभवन्महान् ॥

śṛṇvānasyaiva raibhyasya yavakrestadviceṣṭanam | dahanniva tadā cetaḥ krodhaḥ samabhavanmahān

As Raibhya listened to what Yavakri had done, a great anger rose in him, as though it were burning his heart.

Verse 9 (3.138.9)

स तदा मन्युनाऽऽविष्टस्तपस्वी कोपनो भृशम् । अवलुप्य जटामेकां जुहावाग्नौ सुसंस्कृते ॥

sa tadā manyunā''viṣṭastapasvī kopano bhṛśam | avalupya jaṭāmekāṃ juhāvāgnau susaṃskṛte

Seized by fury, the ascetic, quick to wrath, tore out one of his matted locks and offered it into the well-consecrated fire.

Verse 10 (3.138.10)

ततः समभवन्नारी तस्या रूपेण संमिता । अवलुप्यापरां चापि जुहावाग्नौ जटां पुनः ॥

tataḥ samabhavannārī tasyā rūpeṇa saṃmitā | avalupyāparāṃ cāpi juhāvāgnau jaṭāṃ punaḥ

From it arose a woman equal in beauty to his daughter-in-law. Then he tore out another lock and offered it too into the fire.

Verse 11 (3.138.11)

ततः समभवद्रक्षो दीप्तास्यं घोरदर्शनम् । अब्रूतां तौ तदा रैभ्यं किं कार्यं करवामहे ॥

tataḥ samabhavadrakṣo dīptāsyaṃ ghoradarśanam | abrūtāṃ tau tadā raibhyaṃ kiṃ kāryaṃ karavāmahe

From it arose a rakshasa, fiery-mouthed and terrible to look upon. The two said to Raibhya, 'What task shall we perform?'

Verse 12 (3.138.12)

तावब्रवीदृषिः क्रुद्धो यवक्रीर्वध्यतामिति । जग्मतुस्तौ तथेत्युक्त्वा यवक्रीतजिघांसया ॥

tāvabravīdṛṣiḥ kruddho yavakrīrvadhyatāmiti | jagmatustau tathetyuktvā yavakrītajighāṃsayā

The angry sage told them, 'Let Yavakri be killed.' Saying 'So be it', the two went off, intent on killing Yavakrita.

Note on the text: Corrected जग्मतृः → जग्मतुः (misprint in Wikisource; wrong vowel sign, critical edition jagmatus).

Verse 13 (3.138.13)

ततस्तं समुपास्थाय कृत्या सृष्टा महात्मना । कमण्डलुं जहारास्य मोहयित्वा तु भारत ॥

tatastaṃ samupāsthāya kṛtyā sṛṣṭā mahātmanā | kamaṇḍaluṃ jahārāsya mohayitvā tu bhārata

Then the kritya created by the great-souled sage approached him, beguiled him, and carried off his water-pot, O Bharata.

Verse 14 (3.138.14)

उच्छिष्टं तु यवक्रीतमपकृष्टकमण्डलुम् । तत उद्यतशूलः स राक्षसः समुपाद्रवत् ॥

ucchiṣṭaṃ tu yavakrītamapakṛṣṭakamaṇḍalum | tata udyataśūlaḥ sa rākṣasaḥ samupādravat

With Yavakrita left impure and his water-pot taken from him, the rakshasa then rushed at him with his spear raised.

Verse 15 (3.138.15)

तमाद्रवन्तं संप्रेक्ष्य शूलहस्तं जिघांसया । यवक्रीः सहसोत्थाय प्राद्रवद्यत्र वै सरः ॥

tamādravantaṃ saṃprekṣya śūlahastaṃ jighāṃsayā | yavakrīḥ sahasotthāya prādravadyatra vai saraḥ

Seeing him charging, spear in hand, to kill him, Yavakri sprang up and ran to where there was a lake.

Note on the text: Restored a missing word space (यत्रवै → यत्र वै).

Verse 16 (3.138.16)

जलहीनं सरो दृष्ट्वा यवक्रीस्त्वरितः पुनः । जगाम सरितः सर्वास्ताश्चाप्यासन्विशोषिताः ॥

jalahīnaṃ saro dṛṣṭvā yavakrīstvaritaḥ punaḥ | jagāma saritaḥ sarvāstāścāpyāsanviśoṣitāḥ

Finding the lake without water, Yavakri hurried on to all the rivers, but they too had all dried up.

Verse 17 (3.138.17)

स काल्यमानो घोरेण शूलहस्तेन रक्षसा । अग्निहोत्रे पितुर्भीतः सहसा प्रविवेश ह ॥

sa kālyamāno ghoreṇa śūlahastena rakṣasā | agnihotre piturbhītaḥ sahasā praviveśa ha

Driven on by the terrible spear-wielding rakshasa, he fled in terror and rushed to enter his father's fire-sanctuary.

Verse 18 (3.138.18)

स वै प्रविशमानस्तु शूद्रेणान्धेन रक्षिणा । निगृहीतो बलाद्द्वारि सोऽवातिष्ठत पार्थिव ॥

sa vai praviśamānastu śūdreṇāndhena rakṣiṇā | nigṛhīto balāddvāri so'vātiṣṭhata pārthiva

As he was entering, the blind Shudra who guarded it seized him by force at the door, and he was held there outside, O king.

Note on the text: Corrected शुद्रेण → शूद्रेण (misprint in Wikisource; short u for long ū, critical edition śūdreṇa).

Verse 19 (3.138.19)

निगृहीतं तु शूद्रेण यवक्रीतं स राक्षसः । ताडयामास शूलेन स भिन्नहृदयोऽपतत् ॥

nigṛhītaṃ tu śūdreṇa yavakrītaṃ sa rākṣasaḥ | tāḍayāmāsa śūlena sa bhinnahṛdayo'patat

While the Shudra held Yavakrita fast, the rakshasa struck him with his spear, and he fell with his heart pierced.

Verse 20 (3.138.20)

यवक्रीतं स हत्वा तु राक्षसो रैभ्यमागमत् । अनुज्ञातस्तु रैभ्येण तया नार्या सहावसत् ॥

yavakrītaṃ sa hatvā tu rākṣaso raibhyamāgamat | anujñātastu raibhyeṇa tayā nāryā sahāvasat

Having killed Yavakrita, the rakshasa went back to Raibhya, and with Raibhya's leave lived with that woman.