The Saugandhika Lotus: Bhima Meets Hanuman

Verse 1 (3.148.1)

तत्र ते पुरुषव्याघ्राः परमं शौचमास्थिताः । षड्रात्रमवसन्वीरा धनंजयदिदृक्षया ॥

tatra te puruṣavyāghrāḥ paramaṃ śaucamāsthitāḥ | ṣaḍrātramavasanvīrā dhanaṃjayadidṛkṣayā

There those tigers among men, the heroes, keeping themselves in perfect purity, stayed for six nights in their longing to see Dhananjaya.

Note on the text: The critical edition divides these opening lines differently: its 3.146.1 runs on into the first line of the next verse.

Verse 2 (3.148.2)

तस्मिन्विहरमाणाश्च रममाणाश्च पाण्डवाः । मनोज्ञे काननवरे सर्वभूतमनोरमे ॥

tasminviharamāṇāśca ramamāṇāśca pāṇḍavāḥ | manojñe kānanavare sarvabhūtamanorame

Roaming there and taking their pleasure, the Pandavas delighted in that lovely, excellent forest, which charmed every creature.

Note on the text: Joined the compound सर्व भूतमनोरमे → सर्वभूतमनोरमे (stray space in Wikisource). The first line is the last line of CE 3.146.1; the second opens CE 3.146.2.

Verse 3 (3.148.3)

पादपैः पुष्पविकचैः फलभारावनामितैः । शोभितः पर्वतो रम्यः पुंस्कोकिलकुलाकुलैः । स्निग्धपत्रैरविरलैः शीतच्छायैर्मनोरमैः ॥

pādapaiḥ puṣpavikacaiḥ phalabhārāvanāmitaiḥ | śobhitaḥ parvato ramyaḥ puṃskokilakulākulaiḥ | snigdhapatrairaviralaiḥ śītacchāyairmanoramaiḥ

The lovely mountain was graced with trees bursting into blossom and bowed down by the weight of their fruit, full of flocks of male cuckoos, their leaves glossy and dense, their shade cool and pleasant.

Note on the text: The first line is the second line of CE 3.146.2; the other two correspond to CE 3.146.3 (which reads śobhitaṃ sarvatoramyaiḥ).

Verse 4 (3.148.4)

सरांसि च विचित्राणि प्रसन्नसलिलानि च । कमलैः सोत्पलैस्तत्रभ्राजमानानि सर्वशः । पश्यन्तश्चारुरूपाणि रेमिरे तत्र पाण्डवाः ॥

sarāṃsi ca vicitrāṇi prasannasalilāni ca | kamalaiḥ sotpalaistatrabhrājamānāni sarvaśaḥ | paśyantaścārurūpāṇi remire tatra pāṇḍavāḥ

Gazing there at lakes of many kinds, lovely to look at, their waters clear, shining on every side with lotuses and water lilies, the Pandavas took their delight.

Note on the text: Corrected पश्यन्तश्चारुरूपाणइ → पश्यन्तश्चारुरूपाणि (misprint in Wikisource; broken akshara, CE cārurūpāṇi).

Verse 5 (3.148.5)

पुण्यगन्धः सुखस्पर्शो ववौ तत्र समीरणः । ह्लादयन्पाण्डवान्सर्वान्सकृष्णान्सद्विजर्षभान् ॥

puṇyagandhaḥ sukhasparśo vavau tatra samīraṇaḥ | hlādayanpāṇḍavānsarvānsakṛṣṇānsadvijarṣabhān

A breeze of holy fragrance, pleasant to the touch, blew there, refreshing all the Pandavas, together with Krishnaa and the foremost of the brahmins.

Note on the text: Corrected सर्बान् → सर्वान् (misprint in Wikisource; CE sarvān).

Verse 6 (3.148.6)

ततः पूर्वोत्तरे वायुः प्लवमानो यदृच्छया । सहस्रपत्रमर्काभं दिव्यं पद्ममुपाहरत् ॥

tataḥ pūrvottare vāyuḥ plavamāno yadṛcchayā | sahasrapatramarkābhaṃ divyaṃ padmamupāharat

Then, by chance, a wind drifting from the north-east carried along a heavenly lotus of a thousand petals, radiant as the sun.

Verse 7 (3.148.7)

तदवैक्षत पाञ्चाली दिव्यगन्धं मनोरमम् । अनिलेनाहृतंभूमौ पतितं जलजं शुचि ॥

tadavaikṣata pāñcālī divyagandhaṃ manoramam | anilenāhṛtaṃbhūmau patitaṃ jalajaṃ śuci

Panchali saw it: a pure, water-born flower of heavenly fragrance, enchanting, carried by the wind and fallen on the ground.

Verse 8 (3.148.8)

तच्छुभा शुभमासाद्य सौगन्धिकमनुत्तमम् । अतीव मुदिता राजन्भीमसेनमथाब्रवीत् ॥

tacchubhā śubhamāsādya saugandhikamanuttamam | atīva muditā rājanbhīmasenamathābravīt

Coming upon that beautiful, peerless Saugandhika lotus, the lovely lady was overjoyed, O king, and said to Bhimasena:

Verse 9 (3.148.9)

पश्य दिव्यं सुरुचिरं भीम पुष्पमनुत्तमम् । गन्धसंस्थानसंपन्नं मनसो मम नन्दनम् ॥

paśya divyaṃ suruciraṃ bhīma puṣpamanuttamam | gandhasaṃsthānasaṃpannaṃ manaso mama nandanam

"Look, Bhima, at this heavenly flower, so lovely and so peerless, perfect in fragrance and in form. It gladdens my heart.

Verse 10 (3.148.10)

इदं च धर्मराजाय प्रदास्यामि परंतप । गृह्यापराणि पुष्पाणि बहूनि पुरुषर्षभ । हरेरिदं मे कामाय काम्यके पुनराश्रमे ॥

idaṃ ca dharmarājāya pradāsyāmi paraṃtapa | gṛhyāparāṇi puṣpāṇi bahūni puruṣarṣabha | hareridaṃ me kāmāya kāmyake punarāśrame

This one I shall give to the King of Dharma, scorcher of foes. Gather many other flowers, bull among men; bring them for my pleasure, to take back to our hermitage in Kamyaka.

Note on the text: Removed stray wiki marks (` and ') around the middle line. That line is not in the critical edition's text (its apparatus has it as 3.146.10b*0694); the other two lines match CE 3.146.10 (which reads etat tu for इदं च).

Verse 11 (3.148.11)

यदि तेऽहं प्रिया पार्थ बहूनीमान्युपाहर । तान्यहं नेतुमिच्छामि काम्यकं पुनराश्रमम् ॥

yadi te'haṃ priyā pārtha bahūnīmānyupāhara | tānyahaṃ netumicchāmi kāmyakaṃ punarāśramam

If I am dear to you, Partha, bring me many of these. I want to take them back to our hermitage in Kamyaka."

Verse 12 (3.148.12)

एवमुक्त्वा तु पाञ्चाली भीमसेनमनिन्दिता । जगाम पुष्पमादाय धर्मराजाय तत्तदा ॥

evamuktvā tu pāñcālī bhīmasenamaninditā | jagāma puṣpamādāya dharmarājāya tattadā

Having spoken thus to Bhimasena, the blameless Panchali took the flower and went at once to the King of Dharma.

Note on the text: Corrected पाञ्चली → पाञ्चाली (misprint in Wikisource; CE pāñcālī).

Verse 13 (3.148.13)

अभिप्रायं तु विज्ञाय महिष्याः पुरुषर्षभः । प्रियायाः प्रियकामः स प्रायाद्भीमो महाबलः ॥

abhiprāyaṃ tu vijñāya mahiṣyāḥ puruṣarṣabhaḥ | priyāyāḥ priyakāmaḥ sa prāyādbhīmo mahābalaḥ

Understanding the wish of his queen, his beloved, and eager to please her, that bull among men, mighty Bhima, set out.

Verse 14 (3.148.14)

वातं तमेवाभिमुखो यतस्तत्पुष्पमागतम् । आजिहीर्षुर्जगामाशु सपुष्पाण्यपराण्यपि ॥

vātaṃ tamevābhimukho yatastatpuṣpamāgatam | ājihīrṣurjagāmāśu sapuṣpāṇyaparāṇyapi

Facing into that very wind from which the flower had come, he went swiftly, wanting to bring back other flowers too.

Verse 15 (3.148.15)

रुक्मपृष्ठं धनुर्गृह्य शरांश्चाशीविषोपमान् । मृगराडिव संक्रुद्धः प्रभिन्न इव कुञ्जरः । ददृशुः सर्वभूतानि महाबाणधनुर्धरम् ॥

rukmapṛṣṭhaṃ dhanurgṛhya śarāṃścāśīviṣopamān | mṛgarāḍiva saṃkruddhaḥ prabhinna iva kuñjaraḥ | dadṛśuḥ sarvabhūtāni mahābāṇadhanurdharam

Taking up his gold-backed bow and arrows like venomous serpents, he went like an angry lion, like an elephant in rut; and all creatures watched him, the bearer of the great bow and arrows.

Note on the text: Removed a stray bracket ([) with which Wikisource sets off this line and the next verse. The third line is not in the critical edition's text (its apparatus has it as 3.146.15d*0695, line 1); the first two lines match CE 3.146.15.

Verse 16 (3.148.16)

न ग्लानिर्न च वैक्लव्यं न भयं न च संभ्रमः । कदाचिज्जुषते पार्थमात्मजं मातरिश्वनः ॥

na glānirna ca vaiklavyaṃ na bhayaṃ na ca saṃbhramaḥ | kadācijjuṣate pārthamātmajaṃ mātariśvanaḥ

Never did weariness or faintness, fear or confusion touch Partha, the son of the Wind.

Note on the text: Removed stray wiki marks (।।]) and corrected वैक्लब्यं → वैक्लव्यं (misprint in Wikisource; the critical edition's apparatus reads vaiklavyaṃ). Not in the critical edition (found in the vulgate recension); the critical edition records it in its apparatus as 3.146.15d*0695 (lines 2–3).

Verse 17 (3.148.17)

द्रौपद्याः प्रियमन्विच्छन्स बाहुबलमाश्रितः । व्यपेतभयसंमोहः शैलमभ्यपतद्बली ॥

draupadyāḥ priyamanvicchansa bāhubalamāśritaḥ | vyapetabhayasaṃmohaḥ śailamabhyapatadbalī

Seeking to please Draupadi and trusting in the strength of his arms, the mighty one, free of fear and confusion, rushed at the mountain.

Note on the text: Corrected व्यपेतभयसमोहः → व्यपेतभयसंमोहः (misprint in Wikisource; dropped anusvara, CE vyapetabhayasaṃmohaḥ).

Verse 18 (3.148.18)

स तं द्रुमलतागुल्मच्छन्नं नीलशिलातलम् । गिरिं चचारारिहरः किन्नराचरितं शुभम् ॥

sa taṃ drumalatāgulmacchannaṃ nīlaśilātalam | giriṃ cacārāriharaḥ kinnarācaritaṃ śubham

That slayer of foes roamed the mountain, covered with trees, creepers and thickets, with its dark rock-faces, the lovely haunt of the Kinnaras,

Verse 19 (3.148.19)

नानावर्णधरैश्चित्रं धातुद्रुममृगाण्डजैः । सर्वभूषणसंपूर्णं भूमेर्भुजमिवोच्छ्रितम् ॥

nānāvarṇadharaiścitraṃ dhātudrumamṛgāṇḍajaiḥ | sarvabhūṣaṇasaṃpūrṇaṃ bhūmerbhujamivocchritam

bright with minerals, trees, beasts and birds of many colours, full of every ornament, rising up like an arm of the earth.

Verse 20 (3.148.20)

सर्वर्तुरमणीयेषु गन्धमादनसानुषु । सक्तचक्षुरभिप्रायान्हृदयेनानुचिन्तयन् ॥

sarvarturamaṇīyeṣu gandhamādanasānuṣu | saktacakṣurabhiprāyānhṛdayenānucintayan

His eyes fixed on the slopes of Gandhamadana, lovely in every season, he went on, turning his purposes over in his heart.

Verse 21 (3.148.21)

पुंस्कोकिलनिनादेषु षट्पदाचरितेषु च । बद्धश्रोत्रमनश्चक्षुर्जगामामितविक्रमः ॥

puṃskokilaninādeṣu ṣaṭpadācariteṣu ca | baddhaśrotramanaścakṣurjagāmāmitavikramaḥ

Ears, mind and eyes held by places that rang with the calls of male cuckoos and were haunted by bees, he of boundless valour went on.

Verse 22 (3.148.22)

आजिघ्रन्स महातेजाः सर्वर्तुकुसुमोद्भवम् । गन्धमुद्धतमुद्दामो वने मत्त इव द्विपः ॥

ājighransa mahātejāḥ sarvartukusumodbhavam | gandhamuddhatamuddāmo vane matta iva dvipaḥ

Breathing in the strong fragrance that rose from the flowers of every season, the glorious one went on unrestrained, like an elephant in rut in the forest,

Verse 23 (3.148.23)

वीज्यमानः सुपुण्येन नानाकुसुमगन्धिना । पितुः संस्पर्शशीतेन गन्धमादनवायुना ॥

vījyamānaḥ supuṇyena nānākusumagandhinā | pituḥ saṃsparśaśītena gandhamādanavāyunā

fanned by the holy wind of Gandhamadana, fragrant with many flowers, cool as a father's touch,

Note on the text: The first line is not in the critical edition's text (its apparatus has it as 3.146.21d*0696); the second line is the second line of CE 3.146.22.

Verse 24 (3.148.24)

ह्रियमाणश्रमः पित्रा संप्रहृष्टतनूरुहः ॥

hriyamāṇaśramaḥ pitrā saṃprahṛṣṭatanūruhaḥ

his weariness taken away by his father, the hair on his body bristling with joy.

Note on the text: Wikisource prints this verse as a single line. It is the first line of CE 3.146.22, whose second line stands as the second line of verse 23 here; no text appears lost.

Verse 25 (3.148.25)

स यक्षगन्धर्वसुरब्रह्मर्षिगणसेवितम् । विलोकयामास तदा पुष्पहेतोररिंदमः ॥

sa yakṣagandharvasurabrahmarṣigaṇasevitam | vilokayāmāsa tadā puṣpahetorariṃdamaḥ

In search of the flower, the subduer of foes then gazed over the mountain, frequented by hosts of Yakshas, Gandharvas, gods and brahmin seers.

Verse 26 (3.148.26)

विषमच्छदैरचितैरनुलिप्त इवाङ्गुलैः । विमलैर्धातुविच्छेदैः काञ्चनाञ्जनराजतैः ॥

viṣamacchadairacitairanulipta ivāṅgulaiḥ | vimalairdhātuvicchedaiḥ kāñcanāñjanarājataiḥ

With its saptaparna trees and its clean streaks of ore, golden, black and silver, it looked as though fingers had daubed it with colour.

Verse 27 (3.148.27)

सपक्षमिव नृत्यन्तं पार्श्वलग्नैः पयोधरैः । मुक्ताहारैरिव चितं च्युतैः प्रस्रवणोदकैः ॥

sapakṣamiva nṛtyantaṃ pārśvalagnaiḥ payodharaiḥ | muktāhārairiva citaṃ cyutaiḥ prasravaṇodakaiḥ

With the clouds clinging to its flanks it seemed to dance as though it had wings, and the falling waters of its springs made it look strung with necklaces of pearls.

Verse 28 (3.148.28)

अभिरामदरीकुञ्जनिर्झरोदककन्दरम् । अप्सरोनूपुररवैः प्रनृत्तवरबर्हिणम् ॥

abhirāmadarīkuñjanirjharodakakandaram | apsaronūpuraravaiḥ pranṛttavarabarhiṇam

It had delightful caves, bowers, waterfalls and chasms, and fine peacocks dancing to the tinkling anklets of the Apsarases.

Verse 29 (3.148.29)

दिग्वारणविषाणाग्रैर्घृष्टोपलशिलातलम् । स्रस्तांशुकमिवाक्षोभ्यैर्निम्नगानिःसृतैर्जलैः ॥

digvāraṇaviṣāṇāgrairghṛṣṭopalaśilātalam | srastāṃśukamivākṣobhyairnimnagāniḥsṛtairjalaiḥ

Its rocks and slabs of stone were worn smooth by the tusk-tips of the elephants of the quarters, and with the steady streams pouring from it, it looked as though its garment had slipped.

Note on the text: Corrected स्रस्तांशुकमिवाश्रोभ्यैः → स्रस्तांशुकमिवाक्षोभ्यैः (misprint in Wikisource; CE srastāṃśukam ivākṣobhyair).

Verse 30 (3.148.30)

सशष्पकबलैः स्वस्थैरदूरपरिवर्तिभिः । भयानभिज्ञैर्हरिणैः कौतूहलनिरीक्षितः ॥

saśaṣpakabalaiḥ svasthairadūraparivartibhiḥ | bhayānabhijñairhariṇaiḥ kautūhalanirīkṣitaḥ

Deer that knew nothing of fear, at ease, with mouthfuls of young grass, moving about close by, watched him with curiosity.

Note on the text: Corrected भयानभिक्षज्ञैः → भयानभिज्ञैः (misprint in Wikisource; stray क्ष in अनभिज्ञैः "unacquainted"; CE bhayasyājñaiś ca, same sense).

Verse 31 (3.148.31)

चालयानः स्ववेगेन लताजालान्यनेकशः । आक्रीडमानः कौन्तेयः श्रीमान्वायुसुतो ययौ ॥

cālayānaḥ svavegena latājālānyanekaśaḥ | ākrīḍamānaḥ kaunteyaḥ śrīmānvāyusuto yayau

Shaking the tangles of creepers again and again with his own speed, playing as he went, the glorious son of Kunti, the son of the Wind, went on,

Verse 32 (3.148.32)

प्रियामनोरथं कर्तुमुद्यतश्चारुलोचनः । प्रांशुः कनकवर्णाभः सिंहसंहननो युवा ॥

priyāmanorathaṃ kartumudyataścārulocanaḥ | prāṃśuḥ kanakavarṇābhaḥ siṃhasaṃhanano yuvā

bent on fulfilling his beloved's wish: lovely-eyed, tall, with the sheen of gold, young, built like a lion,

Verse 33 (3.148.33)

मत्तवारणविक्रान्तो मत्तवारणवेगवान् । मत्तवारणताम्राक्षो मत्तवारणवारणः ॥

mattavāraṇavikrānto mattavāraṇavegavān | mattavāraṇatāmrākṣo mattavāraṇavāraṇaḥ

with the stride of a rutting elephant, the speed of a rutting elephant, eyes red like a rutting elephant's, able to hold back a rutting elephant.

Note on the text: Corrected मत्तवारणविक्रन्तो → मत्तवारणविक्रान्तो (misprint in Wikisource; CE mattavāraṇavikrānto).

Verse 34 (3.148.34)

प्रियपार्श्वोपविष्टाभिर्व्यावृत्ताभिर्विचेष्टितैः । यक्षगन्धर्वयोषाभिरदृश्याभिर्निरीक्षितः ॥

priyapārśvopaviṣṭābhirvyāvṛttābhirviceṣṭitaiḥ | yakṣagandharvayoṣābhiradṛśyābhirnirīkṣitaḥ

The wives of the Yakshas and Gandharvas, unseen, sitting beside their lovers, turned and watched him, motionless.

Note on the text: Corrected वायवृत्ताभिः → व्यावृत्ताभिः (misprint in Wikisource; CE vyāvṛttābhir, and the Wikisource commentary glosses व्यावृत्ताभिः).

Verse 35 (3.148.35)

नवावतारं रूपस्य विक्रीडन्निव पाण्डवः । चचार रमणीयेषु गन्धमादनसानुषु ॥

navāvatāraṃ rūpasya vikrīḍanniva pāṇḍavaḥ | cacāra ramaṇīyeṣu gandhamādanasānuṣu

Like a new incarnation of beauty, the Pandava roamed, as if at play, over the lovely slopes of Gandhamadana,

Note on the text: Corrected रूपस् → रूपस्य (misprint in Wikisource; dropped akshara, CE rūpasya, and the commentary glosses रूपस्य).

Verse 36 (3.148.36)

संस्मरन्विविधान्क्लेशान्दुर्योधनकृतान्बहून् । द्रौपद्या वनवासिन्याः प्रियं कर्तुं समुद्यतः ॥

saṃsmaranvividhānkleśānduryodhanakṛtānbahūn | draupadyā vanavāsinyāḥ priyaṃ kartuṃ samudyataḥ

remembering the many hardships Duryodhana had caused them, and intent on pleasing Draupadi, who was living in the forest.

Verse 37 (3.148.37)

सोऽचिन्तयत्तथा पार्थे मयि त्वतिविलम्बिते । पुष्पहेतोः कथं त्वार्यः करिष्यति युधिष्ठिरः ॥

so'cintayattathā pārthe mayi tvativilambite | puṣpahetoḥ kathaṃ tvāryaḥ kariṣyati yudhiṣṭhiraḥ

He thought: "Partha is away; if I too am long delayed, what will noble Yudhishthira do about the flowers?

Note on the text: Variant of CE 3.146.35 (so 'cintayad gate svargam arjune mayi cāgate …); kept as Wikisource prints it.

Verse 38 (3.148.38)

स्नेहान्नरवरो नूनमविश्वासाद्बलस्य च । नकुलं सहदेवं च न मोक्ष्यति युधिष्ठिरः ॥

snehānnaravaro nūnamaviśvāsādbalasya ca | nakulaṃ sahadevaṃ ca na mokṣyati yudhiṣṭhiraḥ

Surely that best of men, out of affection, and not trusting their strength, will not let Nakula and Sahadeva go."

Verse 39 (3.148.39)

कथं नु कुसुमावाप्तिः स्याच्छीघ्रमिति चिन्तयन् । प्रतस्थे नरशार्दूलः पक्षिराडिव वेगितः ॥

kathaṃ nu kusumāvāptiḥ syācchīghramiti cintayan | pratasthe naraśārdūlaḥ pakṣirāḍiva vegitaḥ

Thinking, "How can I get the flowers quickly?", that tiger among men set off, swift as the king of birds.

Verse 40 (3.148.40)

सज्जमानमनोदृष्टिः फुल्लेषु गिरिसानुषु । द्रौपदीवाक्यपाथेयो भीमः शीघ्रतरं ययौ ॥

sajjamānamanodṛṣṭiḥ phulleṣu girisānuṣu | draupadīvākyapātheyo bhīmaḥ śīghrataraṃ yayau

His mind and eyes caught by the flowering slopes of the mountain, with Draupadi's words for provisions on the road, Bhima went on faster still.

Note on the text: Removed stray wiki marks ([ and ।।]). The critical edition has this verse later in the episode, as 3.150.24.

Verse 41 (3.148.41)

कम्पयन्मेदिनीं पद्भ्यां निर्घात इव पर्वसु । त्रासयन्गजयूथानि वातरंहा वृकोदरः ॥

kampayanmedinīṃ padbhyāṃ nirghāta iva parvasu | trāsayangajayūthāni vātaraṃhā vṛkodaraḥ

Shaking the earth with his feet like a portentous thunderclap at the turn of the moon, scattering the herds of elephants, Vrikodara went with the speed of the wind,

Verse 42 (3.148.42)

सिंहव्याघ्रमृगांश्चैव मर्दयानो महाबलः । उन्मूलयन्महावृक्षान्पोथयंश्चोरसा बली ॥

siṃhavyāghramṛgāṃścaiva mardayāno mahābalaḥ | unmūlayanmahāvṛkṣānpothayaṃścorasā balī

crushing lions, tigers and deer, the mighty one, uprooting great trees and smashing them with his chest,

Verse 43 (3.148.43)

लतावल्लीश्च वेगेन विकर्षन्पाण्डुनन्दनः । उपर्युपरि शैलाग्रमारुरुक्षुरिव द्विपः ॥

latāvallīśca vegena vikarṣanpāṇḍunandanaḥ | uparyupari śailāgramārurukṣuriva dvipaḥ

dragging creepers and vines along with his speed, the son of Pandu climbed higher and higher, like an elephant eager to scale the mountain's peak.

Verse 44 (3.148.44)

जलावलम्बोऽतिभृशं सविद्युदिव तोयदः । व्यनदत्स महानादं भीमसेनो महाबलः ॥

jalāvalambo'tibhṛśaṃ savidyudiva toyadaḥ | vyanadatsa mahānādaṃ bhīmaseno mahābalaḥ

Like a cloud heavy with rain and flashing with lightning, mighty Bhimasena let out a great roar.

Note on the text: Removed a stray backtick. The first line is a variant of the third line of CE 3.146.40 (vinardamāno 'tibhṛśaṃ …); the second line is not in the critical edition's text (its apparatus has it as 3.146.40f*0698).

Verse 45 (3.148.45)

तेन शब्देन महता भीमस्य प्रतिबोधिताः । गुहां संतत्यजुर्व्याघ्रा निलिल्युर्वनवासिनः ॥

tena śabdena mahatā bhīmasya pratibodhitāḥ | guhāṃ saṃtatyajurvyāghrā nililyurvanavāsinaḥ

Roused by that great noise of Bhima's, the tigers left their caves and the creatures of the forest hid.

Note on the text: The first line is a variant of the first line of CE 3.146.41; the second is not in the critical edition's text (its apparatus has it as 3.146.41b*0699).

Verse 46 (3.148.46)

समुत्पेतुः खगास्त्रस्ता मृगयूथानि दुद्रुवुः । ऋक्षाश्चोत्ससृजर्वृक्षांस्तत्यजुर्हरयो गुहाम् । व्यजृम्भन्त महासिंहा महिषाश्च वनेचराः ॥

samutpetuḥ khagāstrastā mṛgayūthāni dudruvuḥ | ṛkṣāścotsasṛjarvṛkṣāṃstatyajurharayo guhām | vyajṛmbhanta mahāsiṃhā mahiṣāśca vanecarāḥ

Birds flew up in terror, herds of deer ran off, bears left the trees and monkeys their caves; great lions and the buffaloes of the forest stretched and yawned.

Note on the text: The first line is a variant of the second line of CE 3.146.41; the other two are not in the critical edition's text (its apparatus has them as 3.146.41d*0700, lines 1–2).

Verse 47 (3.148.47)

तेन वित्रासिता नागाः करेणुपरिवारिताः । तद्वनं संपरित्यज्य जग्मुरन्यन्महावनम् ॥

tena vitrāsitā nāgāḥ kareṇuparivāritāḥ | tadvanaṃ saṃparityajya jagmuranyanmahāvanam

Terrified by him, the elephants with their cows around them abandoned that forest and went to another great forest.

Note on the text: Not in the critical edition (found in the vulgate recension); the critical edition records it in its apparatus as 3.146.41d*0700 (lines 3–4).

Verse 48 (3.148.48)

वराहमृगसङ्घाश्च महिषाश्च वनेचराः । व्याघ्रगोमायुसङ्घाश्च प्रणेदुर्गवयैः सह ॥

varāhamṛgasaṅghāśca mahiṣāśca vanecarāḥ | vyāghragomāyusaṅghāśca praṇedurgavayaiḥ saha

Herds of boar and deer, the buffaloes of the forest, and packs of tigers and jackals cried out, together with the gayals.

Note on the text: Not in the critical edition (found in the vulgate recension); the critical edition records it in its apparatus as 3.146.41d*0700 (lines 5–6).

Verse 49 (3.148.49)

रथाङ्गसाह्वदात्यूहा हंसकारण्डवप्लवाः । शुकाः पारावताः क्रौञ्चा विसंज्ञा भेजिरे दिशः ॥

rathāṅgasāhvadātyūhā haṃsakāraṇḍavaplavāḥ | śukāḥ pārāvatāḥ krauñcā visaṃjñā bhejire diśaḥ

Chakravakas and gallinules, swans, karandava ducks and plava waterfowl, parrots, pigeons and cranes fled bewildered in every direction.

Note on the text: Corrected कौञ्चा → क्रौञ्चा (misprint in Wikisource; the critical edition's apparatus reads krauñcā). Not in the critical edition (found in the vulgate recension); the critical edition records it in its apparatus as 3.146.41d*0700 (lines 7–8).

Verse 50 (3.148.50)

तथाऽन्ये दर्पिता नागाः करेणुशरपीडिताः । सिंहव्याघ्राश्च संक्रुद्धा भीमसेनमथाद्रवन् ॥

tathā'nye darpitā nāgāḥ kareṇuśarapīḍitāḥ | siṃhavyāghrāśca saṃkruddhā bhīmasenamathādravan

Other elephants, proud and goaded on by their cows, and lions and tigers in fury, then charged at Bhimasena,

Note on the text: The first line is not in the critical edition's text (its apparatus has a variant of it as 3.146.41d*0700, line 9); the second is a variant of the first line of CE 3.146.46.

Verse 51 (3.148.51)

शकृन्मूत्रं च मुञ्चाना भयविभ्रान्तमानसाः । व्यादितास्या महारौद्रा व्यनदन्भीषणान्रवान् ॥

śakṛnmūtraṃ ca muñcānā bhayavibhrāntamānasāḥ | vyāditāsyā mahāraudrā vyanadanbhīṣaṇānravān

voiding dung and urine, their minds reeling with fear, jaws gaping, savage, roaring dreadful roars.

Note on the text: Corrected महारौद्र → महारौद्रा (misprint in Wikisource; dropped long vowel, CE mahāraudrā). The first line is not in the critical edition's text (its apparatus has it as 3.146.46b*0704); the second is a variant of the second line of CE 3.146.46.

Verse 52 (3.148.52)

ततो वायुसुतः क्रोधात्स्वबाहुबलमाश्रितः । गजेनान्यान्गजान्श्रीमान्सिंहं सिंहेन वा विभुः । तलप्रहारैरन्यांश्च व्यहनत्पाण्डवो बली ॥

tato vāyusutaḥ krodhātsvabāhubalamāśritaḥ | gajenānyāngajānśrīmānsiṃhaṃ siṃhena vā vibhuḥ | talaprahārairanyāṃśca vyahanatpāṇḍavo balī

Then the son of the Wind, in his anger, relying on the strength of his own arms, killed elephants with an elephant and a lion with a lion, the glorious, mighty Pandava, and struck down others with blows of his palm.

Verse 53 (3.148.53)

ते वध्यमाना भीमेन सिंहव्याघ्रतरक्षवः । भयाद्विससृजुर्भीमं शकृन्मूत्रं च सुस्रुवुः ॥

te vadhyamānā bhīmena siṃhavyāghratarakṣavaḥ | bhayādvisasṛjurbhīmaṃ śakṛnmūtraṃ ca susruvuḥ

Struck by Bhima, the lions, tigers and hyenas let go of Bhima in fear and discharged dung and urine.

Verse 54 (3.148.54)

प्रविवेश ततः क्षिप्रं तानपास्य महाबलः । वनं पाण्डुसुतः श्रीमाञ्शब्देनापूरयन्दिशः ॥

praviveśa tataḥ kṣipraṃ tānapāsya mahābalaḥ | vanaṃ pāṇḍusutaḥ śrīmāñśabdenāpūrayandiśaḥ

Brushing them aside, the mighty, glorious son of Pandu swiftly entered the forest, filling the quarters with his shouts.

Note on the text: Repeated, with नादेन for शब्देन, as verse 59 below; both are kept as Wikisource prints them.

Verse 55 (3.148.55)

अथापश्यन्महाबाहुर्गन्धमादनसानुषु । सुरम्यं कदलीषण्डं बहुयोजनविस्तृतम् ॥

athāpaśyanmahābāhurgandhamādanasānuṣu | suramyaṃ kadalīṣaṇḍaṃ bahuyojanavistṛtam

Then the mighty-armed one saw, on the slopes of Gandhamadana, a lovely grove of plantains stretching across many yojanas.

Note on the text: Corrected गनधमादन → गन्धमादन and कदलीषणअडं → कदलीषण्डं (misprints in Wikisource; broken conjuncts, CE gandhamādana-, kadalīṣaṇḍaṃ).

Verse 56 (3.148.56)

तमभ्यगच्छद्वेगेन क्षोभयिष्यन्महाबलः । महागज इवास्रावी प्रभञ्जन्विविधान्द्रुमान् ॥

tamabhyagacchadvegena kṣobhayiṣyanmahābalaḥ | mahāgaja ivāsrāvī prabhañjanvividhāndrumān

He went at it at speed, the mighty one, meaning to churn it up, breaking trees of every kind like a great elephant in rut.

Verse 57 (3.148.57)

उत्पाट्य कदलीस्तम्भान्बहुतालसमुच्छ्रयान् । चिक्षेप तरसा भीमः समन्ताद्बलिनां वरः । विमर्दन्सुमहातेजा नृसिंह इव दर्पितः ॥

utpāṭya kadalīstambhānbahutālasamucchrayān | cikṣepa tarasā bhīmaḥ samantādbalināṃ varaḥ | vimardansumahātejā nṛsiṃha iva darpitaḥ

Uprooting plantain trunks as tall as many palm trees, Bhima, best of the strong, hurled them forcefully all around, crushing everything, mighty and glorious, proud as a man-lion.

Note on the text: The first two lines match CE 3.146.44; the third is a variant of a line the critical edition keeps only in its apparatus (3.146.44d*0702).

Verse 58 (3.148.58)

ततः संन्यपतंस्तत्रसुबहूनि महान्ति च । रुरुवारणयूथानि महिषाश्च जलाश्रयाः ॥

tataḥ saṃnyapataṃstatrasubahūni mahānti ca | ruruvāraṇayūthāni mahiṣāśca jalāśrayāḥ

Then many great creatures fell upon him there: herds of ruru deer and of elephants, and buffaloes that live in the water.

Note on the text: Variant of CE 3.146.45 (tataḥ sattvāny upākrāman …).

Verse 59 (3.148.59)

प्रविवेश ततः क्षिप्रं तानपास्य महाबलः । वनं पाण्डुसुतः श्रीमान्नादेनापूरयन्दिशः ॥

praviveśa tataḥ kṣipraṃ tānapāsya mahābalaḥ | vanaṃ pāṇḍusutaḥ śrīmānnādenāpūrayandiśaḥ

Brushing them aside, the mighty, glorious son of Pandu swiftly entered the forest, filling the quarters with his roar.

Note on the text: Removed stray wiki marks (` and '). Repeats verse 54 with नादेन for शब्देन; the critical edition's apparatus records the repetition at this point as 3.146.45d*0703.

Verse 60 (3.148.60)

तेन शब्देन चैवाथ भीमसेनरवेण च । वनान्तरगताश्चापि वित्रेसुर्मृगपक्षिणः ॥

tena śabdena caivātha bhīmasenaraveṇa ca | vanāntaragatāścāpi vitresurmṛgapakṣiṇaḥ

At that sound, and at Bhimasena's roar, even the beasts and birds deep in the forest took fright.

Note on the text: Corrected वित्रेसुर्मृहपक्षिः → वित्रेसुर्मृगपक्षिणः (misprint in Wikisource; CE vitresur mṛgapakṣiṇaḥ).

Verse 61 (3.148.61)

तस्मिन्नथ प्रवृत्ते तु संक्षोभे मृगपक्षिणाम् । जलार्द्रपक्षा विहगाः समुत्पेतुः सहस्रशः ॥

tasminnatha pravṛtte tu saṃkṣobhe mṛgapakṣiṇām | jalārdrapakṣā vihagāḥ samutpetuḥ sahasraśaḥ

As this commotion among the beasts and birds went on, birds with wings wet from the water flew up in their thousands.

Note on the text: Corrected तस्मिननथ → तस्मिन्नथ (misprint in Wikisource). The first line is a variant of the first line of CE 3.146.51; the second matches.

Verse 62 (3.148.62)

तानौदकान्पक्षिगणान्निरीक्ष्य भरतर्षभः । तानेवानुसरन्रम्यं ददर्श सुमहत्सरः ॥

tānaudakānpakṣigaṇānnirīkṣya bharatarṣabhaḥ | tānevānusaranramyaṃ dadarśa sumahatsaraḥ

Seeing those flocks of water-birds, the bull of the Bharatas followed them and saw a lovely, very large lake,

Verse 63 (3.148.63)

काञ्चनैः कदलीषण्डैर्मन्दमारुतकम्पितैः । वीज्यमानमिवाक्षोभ्यं तीरात्तीरविसर्पिभिः ॥

kāñcanaiḥ kadalīṣaṇḍairmandamārutakampitaiḥ | vījyamānamivākṣobhyaṃ tīrāttīravisarpibhiḥ

unruffled, as though fanned by golden plantain groves that swayed in the gentle breeze and spread from shore to shore.

Verse 64 (3.148.64)

तत्सरोऽथावतीर्याशु प्रभूतनलिनोत्पलम् । महागज इवोद्दामश्चिक्रीड बलवद्बली ॥

tatsaro'thāvatīryāśu prabhūtanalinotpalam | mahāgaja ivoddāmaścikrīḍa balavadbalī

Quickly going down into that lake, full of lotuses and water lilies, the strong one sported there with all his strength, like a great elephant unrestrained.

Note on the text: Variant of the first two lines of CE 3.146.54 (prabhūtakamalotpalam).

Verse 65 (3.148.65)

विक्रीड्यतस्मिन्रुचिरमुत्ततारामितद्युतिः । क्षोभयन्सलिलं भीमः प्रभिन्न इववारणः ॥

vikrīḍyatasminruciramuttatārāmitadyutiḥ | kṣobhayansalilaṃ bhīmaḥ prabhinna ivavāraṇaḥ

Having sported there delightfully, Bhima of boundless splendour came out, churning up the water like an elephant in rut.

Note on the text: Removed stray wiki marks (` and '). The first line is a variant of the third line of CE 3.146.54; the second is not in the critical edition's text (its apparatus has it as 3.146.54f*0705).

Verse 66 (3.148.66)

ततो जगाहे वेगेन तद्वनं बहुपादपम् । दध्मौ च शङ्खं स्वनवत्सर्वप्राणेन पाण्डवः । आस्फोटयच्च बलवान्भीमः संनादयन्दिशः ॥

tato jagāhe vegena tadvanaṃ bahupādapam | dadhmau ca śaṅkhaṃ svanavatsarvaprāṇena pāṇḍavaḥ | āsphoṭayacca balavānbhīmaḥ saṃnādayandiśaḥ

Then he plunged at speed into that forest of many trees, and the Pandava blew his conch, loud and resounding, with all his breath; and mighty Bhima slapped his arms, making the quarters ring.

Note on the text: Removed stray wiki marks ([ and ।।]). The first two lines match CE 3.146.55; the third is not in the critical edition's text (its apparatus has it as 3.146.55d*0706).

Verse 67 (3.148.67)

तस्य शङ्खस्य शब्देन भीमसेनरवेण च । बाहुशब्देन चोग्रेण नदन्तीव गिरेर्गुहाः ॥

tasya śaṅkhasya śabdena bhīmasenaraveṇa ca | bāhuśabdena cogreṇa nadantīva girerguhāḥ

With the sound of that conch, Bhimasena's roar and the fierce clap of his arms, the caves of the mountain seemed to cry out.

Note on the text: Corrected शब्दन → शब्देन twice (misprints in Wikisource; dropped vowel sign, CE śabdena).

Verse 68 (3.148.68)

तं वज्रनिष्पेषसममास्फोटितमहारवम् । श्रुत्वा शैलगुहासुप्तैः सिंहैर्मुक्तो महास्वनः ॥

taṃ vajraniṣpeṣasamamāsphoṭitamahāravam | śrutvā śailaguhāsuptaiḥ siṃhairmukto mahāsvanaḥ

Hearing that great clap of arms, like the crash of a thunderbolt, the lions asleep in the mountain caves let out a mighty roar.

Verse 69 (3.148.69)

सिंहनादभयत्रस्तैः कुञ्जरैरपि भारत । मुक्तो विरावः सुमहान्पर्वतो येन पूरितः ॥

siṃhanādabhayatrastaiḥ kuñjarairapi bhārata | mukto virāvaḥ sumahānparvato yena pūritaḥ

And the elephants, terrified by the lions' roars, O Bharata, let out a huge trumpeting that filled the mountain.

Verse 70 (3.148.70)

तं तु नादं ततः श्रुत्वा सुप्तो वानरपुङ्गवः ॥

taṃ tu nādaṃ tataḥ śrutvā supto vānarapuṅgavaḥ

Hearing that roar, the bull among monkeys, who lay asleep,

Note on the text: Wikisource prints this as a single line numbered 70 and the next line also as 70; both are kept. This line is the first line of CE 3.146.59.

Verse 71 (3.148.71)

भ्रातरं भीमसेनं तु विज्ञाय हनुमान्कपिः ॥

bhrātaraṃ bhīmasenaṃ tu vijñāya hanumānkapiḥ

the monkey Hanuman, knowing it was his brother Bhimasena,

Note on the text: Removed a stray bracket ([) that Wikisource opens here and never closes. Wikisource numbers this line 70 as well. Not in the critical edition (found in the vulgate recension); the critical edition records it in its apparatus as 3.146.59d*0708 (line 1).

Verse 72 (3.148.72)

दिवंगमं रुरोधाथ मार्गं भीमस्य कारणात् । अनेन हि पथा मा वै गच्छेदिति विचार्य सः ॥

divaṃgamaṃ rurodhātha mārgaṃ bhīmasya kāraṇāt | anena hi pathā mā vai gacchediti vicārya saḥ

blocked the path that goes to heaven, for Bhima's sake, thinking, "He must not go this way."

Note on the text: Not in the critical edition (found in the vulgate recension); the critical edition records it in its apparatus as 3.146.59d*0708 (lines 2–3).

Verse 73 (3.148.73)

आस्त एकायने मार्गे कदलीषण्डमण्डिते । भ्रातुर्भीमस्य रक्षार्थं तं मार्गमवरुध्य वै ॥

āsta ekāyane mārge kadalīṣaṇḍamaṇḍite | bhrāturbhīmasya rakṣārthaṃ taṃ mārgamavarudhya vai

He stayed on that narrow path, adorned with plantain groves, barring the way to protect his brother Bhima.

Note on the text: Not in the critical edition (found in the vulgate recension); the critical edition records it in its apparatus as 3.146.59d*0708 (lines 4–5).

Verse 74 (3.148.74)

माऽत्र प्राप्स्यति शापं वा धर्षणां वेति पाण्डवः । कदलीषण्डमध्यस्थो ह्येवं संचिन्त्य वानरः ॥

mā'tra prāpsyati śāpaṃ vā dharṣaṇāṃ veti pāṇḍavaḥ | kadalīṣaṇḍamadhyastho hyevaṃ saṃcintya vānaraḥ

"Let the Pandava not meet with a curse or an assault here": so thinking, the monkey settled in the middle of the plantain grove.

Note on the text: Not in the critical edition (found in the vulgate recension); the critical edition records it in its apparatus as 3.146.59d*0708 (lines 6–7).

Verse 75 (3.148.75)

प्राजृम्भत महाकायो हनूमान्नाम वानरः । कदलीषण्डमध्यस्थो निद्रावशगतस्तदा ॥

prājṛmbhata mahākāyo hanūmānnāma vānaraḥ | kadalīṣaṇḍamadhyastho nidrāvaśagatastadā

The huge monkey named Hanuman, lying in the middle of the plantain grove, overcome by sleep, stretched and yawned.

Note on the text: The first line is the second line of CE 3.146.59; the second is the first line of CE 3.146.60.

Verse 76 (3.148.76)

तेन शब्देन महता व्यबुध्यत महाकपिः । जृम्भमाणः सुविपुलं शक्रध्वजमिवोच्छ्रितम् । आस्फोटयच्चलाङ्गूलमिन्द्राशनिसमस्वनम् ॥

tena śabdena mahatā vyabudhyata mahākapiḥ | jṛmbhamāṇaḥ suvipulaṃ śakradhvajamivocchritam | āsphoṭayaccalāṅgūlamindrāśanisamasvanam

Woken by that great noise, the great monkey, yawning, lashed his tail, huge and raised high like Indra's banner, with a crack like Indra's thunderbolt.

Note on the text: Removed stray wiki marks (` and '). The first line is not in the critical edition's text (its apparatus has it as 3.146.60b*0709); the other two lines match CE 3.146.60.

Verse 77 (3.148.77)

तस्य लाङ्गूलनिनदं पर्वतः सुगुहामुखैः । उद्गारमिव गौर्नर्दन्नुत्ससर्ज समन्ततः ॥

tasya lāṅgūlaninadaṃ parvataḥ suguhāmukhaiḥ | udgāramiva gaurnardannutsasarja samantataḥ

Through the mouths of its caves the mountain threw back the sound of his tail on every side, as a lowing bull sends up its bellow.

Verse 78 (3.148.78)

लाङ्गूलास्फोटशब्दाच्च चलितः स महागिरिः । विघूर्णमानशिखरः समन्तात्पर्यशीर्यत ॥

lāṅgūlāsphoṭaśabdācca calitaḥ sa mahāgiriḥ | vighūrṇamānaśikharaḥ samantātparyaśīryata

At the crack of the lashing tail the great mountain shook; its peaks reeled, and it crumbled on every side.

Note on the text: Not in the critical edition (found in the vulgate recension); the critical edition records it in its apparatus as 3.146.61d*0710.

Verse 79 (3.148.79)

स लाङ्गूलरवस्तस्य मत्तवारणनिस्वनम् । अन्तर्धायविचित्रेषु चचार गिरिसानुषु ॥

sa lāṅgūlaravastasya mattavāraṇanisvanam | antardhāyavicitreṣu cacāra girisānuṣu

The sound of his tail drowned the trumpeting of rutting elephants and spread over the many-coloured slopes of the mountain.

Verse 80 (3.148.80)

स भीमसेनस्तच्छ्रुत्वा संप्रहृष्टतनूरुहः । शब्दप्रभवमन्विच्छंश्चचार कदलीवनम् ॥

sa bhīmasenastacchrutvā saṃprahṛṣṭatanūruhaḥ | śabdaprabhavamanvicchaṃścacāra kadalīvanam

Hearing it, Bhimasena, the hair on his body bristling with joy, roamed the plantain forest looking for the source of the sound.

Verse 81 (3.148.81)

कदलीवनमध्यस्थमथ पीने शिलातले । ददर्श सुमहाबाहुर्वानराधिपतिं तदा ॥

kadalīvanamadhyasthamatha pīne śilātale | dadarśa sumahābāhurvānarādhipatiṃ tadā

Then, in the middle of the plantain forest, on a broad slab of rock, the mighty-armed one saw the lord of the monkeys,

Verse 82 (3.148.82)

विद्युत्संपातदुष्प्रेक्षं विद्युत्संपातपिङ्गलम् । विद्युत्संपातनिनदं विद्युत्संपातचञ्चलम् ॥

vidyutsaṃpātaduṣprekṣaṃ vidyutsaṃpātapiṅgalam | vidyutsaṃpātaninadaṃ vidyutsaṃpātacañcalam

hard to look at as a lightning flash, tawny as a lightning flash, loud as a lightning flash, restless as a lightning flash,

Verse 83 (3.148.83)

बाहुस्वस्तिकविन्यस्तपीनवृत्तशिरोधरम् । स्कन्धभूयिष्ठकायत्वात्तनुमध्यकटीतटम् ॥

bāhusvastikavinyastapīnavṛttaśirodharam | skandhabhūyiṣṭhakāyatvāttanumadhyakaṭītaṭam

his thick round neck set upon the roots of his arms, his waist slender because the bulk of his body lay in his shoulders,

Verse 84 (3.148.84)

किंचिच्चाभुग्नशीर्षेण दीर्घरोमाञ्चितेन च । लाङ्गूलेनोर्ध्वगतिना ध्वजेनेव विराजितम् ॥

kiṃciccābhugnaśīrṣeṇa dīrgharomāñcitena ca | lāṅgūlenordhvagatinā dhvajeneva virājitam

graced by his tail, its tip slightly curved, thick with long hair, rising upward like a banner.

Verse 85 (3.148.85)

ह्रस्वौष्ठं ताम्रजिह्वास्यं रक्तकर्णं चलद्भ्रुवम् । अपश्यद्वदनं तस्य रश्मिवन्तमिवोडुपम् ॥

hrasvauṣṭhaṃ tāmrajihvāsyaṃ raktakarṇaṃ caladbhruvam | apaśyadvadanaṃ tasya raśmivantamivoḍupam

He saw his face, with short lips, copper-red tongue and mouth, red ears and restless brows, like the moon with its rays,

Note on the text: Corrected चलद्धुवम् → चलद्भ्रुवम् (misprint in Wikisource; CE caladbhruvam "with moving brows").

Verse 86 (3.148.86)

वदनाभ्यन्तरगतैः शुक्लैर्दन्तैरलंकृतम् । केसरोत्करसंमिश्रमशोकानामिवोत्करम् ॥

vadanābhyantaragataiḥ śuklairdantairalaṃkṛtam | kesarotkarasaṃmiśramaśokānāmivotkaram

adorned with white teeth inside the mouth, like a cluster of ashoka blossoms mixed with masses of filaments.

Verse 87 (3.148.87)

हिरण्मयीनां मध्यस्थं कदलीनां महाद्युतिम् । दीप्यमानेन वपुषा स्वर्चिष्मन्तमिवानलम् । निरीक्षन्तमपत्रस्तं लोचनैर्मधुपिङ्गलैः ॥

hiraṇmayīnāṃ madhyasthaṃ kadalīnāṃ mahādyutim | dīpyamānena vapuṣā svarciṣmantamivānalam | nirīkṣantamapatrastaṃ locanairmadhupiṅgalaiḥ

Amid the golden plantains, of great radiance, blazing with his body like a flaming fire, he looked on unafraid with honey-yellow eyes.

Note on the text: Lines 1–2 correspond to CE 3.146.70, line 3 to the first line of CE 3.146.71.

Verse 88 (3.148.88)

तं वानरवरं धीमानतिकायं महाबलम् । स्वर्गपन्थानमावृत्य हिमवन्तमिव स्थितम् ॥

taṃ vānaravaraṃ dhīmānatikāyaṃ mahābalam | svargapanthānamāvṛtya himavantamiva sthitam

That best of monkeys, wise, huge of body, mighty, stood like the Himalaya, blocking the road to heaven.

Note on the text: Corrected स्तितम् → स्थितम् (misprint in Wikisource; the apparatus reads sthitam). The first line is a variant of the second line of CE 3.146.71; the second is not in the critical edition's text (its apparatus has it as 3.146.71d*0713).

Verse 89 (3.148.89)

दृष्ट्वा चैनं महाबाहुरेकं तस्मिन्महावने । अथोपसृत्यतरसा भीमो भीमपराक्रमः ॥

dṛṣṭvā cainaṃ mahābāhurekaṃ tasminmahāvane | athopasṛtyatarasā bhīmo bhīmaparākramaḥ

Seeing him alone in that great forest, the mighty-armed Bhima, of terrible valour, swiftly drew near

Note on the text: The first line is not in the critical edition's text (its apparatus has it as 3.146.71d*0714); the second is the first line of CE 3.146.72.

Verse 90 (3.148.90)

सिंहनादं चकारोग्रं वज्राशनिसमं बली । तेन शब्देन भीमस्य वित्रेसुर्मृगपक्षिणः ॥

siṃhanādaṃ cakārograṃ vajrāśanisamaṃ balī | tena śabdena bhīmasya vitresurmṛgapakṣiṇaḥ

and, strong as he was, let out a fierce lion's roar like the crash of a thunderbolt. At that sound of Bhima's, beasts and birds took fright.

Note on the text: The first line is a variant of the second line of CE 3.146.72; the second is the first line of CE 3.146.73.

Verse 91 (3.148.91)

हनूमांश्च महासत्त्व ईषदुन्मील्य लोचने । दृष्ट्वा तमथ सावज्ञं लोचनैर्मधुपिङ्गलैः ॥

hanūmāṃśca mahāsattva īṣadunmīlya locane | dṛṣṭvā tamatha sāvajñaṃ locanairmadhupiṅgalaiḥ

Hanuman, of great strength, opening his eyes a little, looked at him with disdain out of his honey-yellow eyes.

Note on the text: Corrected महासत्व → महासत्त्व (misspelling in Wikisource; CE mahāsattva).

Verse 92 (3.148.92)

ततः पवनजः श्रीमानन्तिकस्थं महौजसम् । स्मितेन चैनमासाद्यहनूमानिदमब्रवीत् ॥

tataḥ pavanajaḥ śrīmānantikasthaṃ mahaujasam | smitena cainamāsādyahanūmānidamabravīt

Then the glorious son of the Wind, Hanuman, turning with a smile to the mighty one standing close by, said this:

Note on the text: Removed stray wiki marks (` and '). The first line is not in the critical edition's text (its apparatus has it as 3.146.73f*0716); the second is a variant of the first line of CE 3.146.74.

Verse 93 (3.148.93)

किमर्थं सरुजस्तेऽहं सुखसुप्तः प्रबोधितः । ननु नाम त्वया कार्या दया भूतेषु जानता ॥

kimarthaṃ sarujaste'haṃ sukhasuptaḥ prabodhitaḥ | nanu nāma tvayā kāryā dayā bhūteṣu jānatā

"Why have you woken me? I am ill, and I was sleeping comfortably. Surely one who knows should show compassion to living beings.

Note on the text: Corresponds to the second line of CE 3.146.74 and the first of 3.146.75 (the critical edition divides these lines differently).

Verse 94 (3.148.94)

वयं धर्मं न जानीमस्तिर्यग्योनिमुपाश्रिताः । नरास्तु बुद्धिसंपन्ना दयां कुर्वन्ति जन्तुषु ॥

vayaṃ dharmaṃ na jānīmastiryagyonimupāśritāḥ | narāstu buddhisaṃpannā dayāṃ kurvanti jantuṣu

We, born in the womb of beasts, do not know dharma; but men, gifted with understanding, show compassion to creatures.

Note on the text: Corresponds to the second line of CE 3.146.75 and the first of 3.146.76.

Verse 95 (3.148.95)

क्रूरेषु कर्मसु कथं देहवाक्चित्तदूषिषु । धर्मघातिषु सज्जन्ते बुद्धिमन्तो भवद्विधाः ॥

krūreṣu karmasu kathaṃ dehavākcittadūṣiṣu | dharmaghātiṣu sajjante buddhimanto bhavadvidhāḥ

How can wise men like you give themselves to cruel deeds that defile body, speech and mind and destroy dharma?

Note on the text: Corrected बुद्दिमन्तो → बुद्धिमन्तो (misprint in Wikisource; CE buddhimanto). The verse corresponds to the last two lines of CE 3.146.76.

Verse 96 (3.148.96)

न त्वं धर्मं विजानासि वृद्धा नोपासितास्त्वया । अल्पबुद्धितया बाल्यादुत्सादयसि यन्मृगान् ॥

na tvaṃ dharmaṃ vijānāsi vṛddhā nopāsitāstvayā | alpabuddhitayā bālyādutsādayasi yanmṛgān

You do not know dharma, and you have not waited upon the elders, since out of little understanding and childishness you are destroying the beasts.

Verse 97 (3.148.97)

ब्रूहि कस्त्वं किमर्थं वा किमिदं वनमागतः । वर्जितं मानुषैर्भावैस्तथैव पुरुषैरपि ॥

brūhi kastvaṃ kimarthaṃ vā kimidaṃ vanamāgataḥ | varjitaṃ mānuṣairbhāvaistathaiva puruṣairapi

Tell me, who are you, and why have you come to this forest, which knows nothing of human ways, and nothing of men either?

Verse 98 (3.148.98)

क्व च त्वयाऽद्यगन्तव्यं प्रब्रूहि पुरुषर्षभ । अतः परमगम्योऽयं पर्वतः सुदुरारुहः ॥

kva ca tvayā'dyagantavyaṃ prabrūhi puruṣarṣabha | ataḥ paramagamyo'yaṃ parvataḥ sudurāruhaḥ

And where must you go today? Tell me, bull among men. Beyond this point the mountain cannot be passed; it is very hard to climb.

Note on the text: The first line is not in the critical edition's text (its apparatus has it as 3.146.78d*0717); the second is the first line of CE 3.146.79.

Verse 99 (3.148.99)

विना सिद्धगतिं वीर गतिरत्र न विद्यते । देवलोकस्य मार्गोऽयमगम्यो मानुषैः सदा ॥

vinā siddhagatiṃ vīra gatiratra na vidyate | devalokasya mārgo'yamagamyo mānuṣaiḥ sadā

Except by the way of the Siddhas, hero, there is no going on from here. This is the road to the world of the gods, never to be travelled by men.

Note on the text: Removed stray brackets around the second line. The first line is the second line of CE 3.146.79; the second is not in the critical edition's text (its apparatus has it as 3.146.79d*0718).

Verse 100 (3.148.100)

कारुण्यात्त्वामहं वीर वारयामि निबोध मे । नातः परं त्वया शक्यं गन्तुमाश्वसिहि प्रभो ॥

kāruṇyāttvāmahaṃ vīra vārayāmi nibodha me | nātaḥ paraṃ tvayā śakyaṃ gantumāśvasihi prabho

Out of compassion I hold you back, hero; listen to me. You cannot go further than this. Take heart, my lord.

Note on the text: Variant of CE 3.146.80 (kāruṇyāt sauhṛdāc caiva vāraye tvāṃ mahābala …).

Verse 101 (3.148.101)

स्वागतं सर्वथैवेह तवाद्य मनुजर्षभ । इमान्यमृतकल्पानि मूलानि च फलानि च ॥

svāgataṃ sarvathaiveha tavādya manujarṣabha | imānyamṛtakalpāni mūlāni ca phalāni ca

You are welcome here in every way today, bull among men. Here are roots and fruits like nectar.

Note on the text: The first line is not in the critical edition's text (its apparatus has it as 3.146.80d*0719); the second is the first line of CE 3.146.81.

Verse 102 (3.148.102)

भक्षयित्वा निवर्तस्व मा वृथा प्राप्स्यसे वधम् । ग्राह्यं यदि वचो मह्यं हितं मनुजपुङ्गव ॥

bhakṣayitvā nivartasva mā vṛthā prāpsyase vadham | grāhyaṃ yadi vaco mahyaṃ hitaṃ manujapuṅgava

Eat them and turn back; do not court death for nothing, if you will take my advice, which is for your good, best of men."

Note on the text: The first line ends with a half-line the critical edition keeps only in its apparatus (3.146.81c*0720, mā vṛthā prāpsyase vadham); the second line is a variant of the second line of CE 3.146.81.