Hanuman Shows His Mighty Form and Teaches the Duties of the Classes

Verse 1 (3.152.1)

पूर्वरूपमदृष्ट्वा ते न यास्यामि कथंचन । यदि तेऽहमनुग्राह्यो दर्शयात्मानमात्मना ॥

pūrvarūpamadṛṣṭvā te na yāsyāmi kathaṃcana | yadi te'hamanugrāhyo darśayātmānamātmanā

I will not go without seeing your former shape. If I am worthy of your favor, show yourself to me of your own accord.

Verse 2 (3.152.2)

एवमुक्तस्तु भीमेन स्मितं कृत्वा प्लवंगमः । तद्रूपं दर्शयामास यद्वै सागरलङ्घने ॥

evamuktastu bhīmena smitaṃ kṛtvā plavaṃgamaḥ | tadrūpaṃ darśayāmāsa yadvai sāgaralaṅghane

Addressed thus by Bhima, the monkey smiled and showed the form he had worn when he leapt across the ocean.

Verse 3 (3.152.3)

भ्रातुः प्रियमभीप्सन्वै चकार सुमहद्वपुः । तद्रूपं यत्पुरा तस्य बभूवोदधिलङ्घने ॥

bhrātuḥ priyamabhīpsanvai cakāra sumahadvapuḥ | tadrūpaṃ yatpurā tasya babhūvodadhilaṅghane

Wishing to please his brother, he made his body immense: the form that had once been his when he leapt across the sea.

Note on the text: Removed stray wiki marks (` and '). The first line is CE 3.149.3ab; the second is not in the critical edition (found in the vulgate recension; star passage 742*).

Verse 4 (3.152.4)

देहस्तस्य ततोऽतीव वर्धत्यायामविस्तरैः । सद्रुमं कदलीषण्डं छादयन्नमितद्युतिः ॥

dehastasya tato'tīva vardhatyāyāmavistaraiḥ | sadrumaṃ kadalīṣaṇḍaṃ chādayannamitadyutiḥ

Then his body grew vastly in length and breadth, and in his boundless splendor he covered the plantain grove and its trees.

Note on the text: This verse is CE 3.149.3cd and 4ab (सद्रुमं for tad rūpaṃ); Wikisource divides the lines differently.

Verse 5 (3.152.5)

गिरिश्चोच्छ्रयमाक्रम्य तस्थौ तत्र च वानरः । समुच्छ्रितमहाकायो द्वितीय इव पर्वतः ॥

giriścocchrayamākramya tasthau tatra ca vānaraḥ | samucchritamahākāyo dvitīya iva parvataḥ

Rising to a mountain’s height, the monkey stood there; with his huge body towering up he was like a second mountain.

Note on the text: This verse is CE 3.149.4cd and 5ab.

Verse 6 (3.152.6)

ताम्रेक्षणस्तीक्ष्णदंष्ट्रो भृकुटीकृतलोचनः । दीर्घं लाङ्गूलमाविध्य दिशो व्याप्य स्थितः कपिः ॥

tāmrekṣaṇastīkṣṇadaṃṣṭro bhṛkuṭīkṛtalocanaḥ | dīrghaṃ lāṅgūlamāvidhya diśo vyāpya sthitaḥ kapiḥ

With copper-red eyes and sharp fangs, his brows drawn into a frown, the monkey stood lashing his long tail, filling all the directions.

Note on the text: This verse is CE 3.149.5cd–ef.

Verse 7 (3.152.7)

तद्रूपं महदालक्ष्य भ्रातुः कौरवनन्दनः । विसिष्मिये तदा भीमो जहृषे च पुनः पुनः ॥

tadrūpaṃ mahadālakṣya bhrātuḥ kauravanandanaḥ | visiṣmiye tadā bhīmo jahṛṣe ca punaḥ punaḥ

Seeing his brother’s mighty form, Bhima, joy of the Kauravas, was amazed and thrilled again and again.

Note on the text: Restored a missing word space (महदालक्ष्यभ्रातुः → महदालक्ष्य भ्रातुः).

Verse 8 (3.152.8)

तमर्कमिव तेजोभिः सौवर्णमिव पर्वतम् । प्रदीप्तमिव चाकाशं दृष्ट्वा भीमो न्यमीलयत् ॥

tamarkamiva tejobhiḥ sauvarṇamiva parvatam | pradīptamiva cākāśaṃ dṛṣṭvā bhīmo nyamīlayat

Seeing him blaze like the sun, like a mountain of gold, like the sky on fire, Bhima shut his eyes.

Verse 9 (3.152.9)

आबभाषे च हनुमान्भीमसेनं स्मयन्निव । एतावदिह शक्तस्त्वं द्रष्टुं रूपं ममानघ ॥

ābabhāṣe ca hanumānbhīmasenaṃ smayanniva | etāvadiha śaktastvaṃ draṣṭuṃ rūpaṃ mamānagha

And Hanuman, as if smiling, said to Bhimasena: “This much of my form, sinless one, can you see here.

Note on the text: Corrected द्रुष्टुं → द्रष्टुं (misprint in Wikisource; stray vowel sign, the critical edition reads draṣṭuṃ).

Verse 10 (3.152.10)

वर्धेऽहं चाप्यतो भूयो यावन्मे मनसेप्सितम् । भीम शत्रुषु चात्यर्थं वर्धते मूर्तिरोजसा ॥

vardhe'haṃ cāpyato bhūyo yāvanme manasepsitam | bhīma śatruṣu cātyarthaṃ vardhate mūrtirojasā

I can grow still larger than this, as far as my mind desires. Bhima, among enemies my body grows exceedingly with its own might.”

Verse 11 (3.152.11)

तदद्भुतं महारौद्रं विन्ध्यपर्वतसन्निभम् । दृष्ट्वा हनूमतो वर्ष्म संभ्रान्तः पवनात्मजः ॥

tadadbhutaṃ mahāraudraṃ vindhyaparvatasannibham | dṛṣṭvā hanūmato varṣma saṃbhrāntaḥ pavanātmajaḥ

Seeing Hanuman’s wondrous and terrible body, vast as the Vindhya mountains, the son of the Wind was bewildered.

Verse 12 (3.152.12)

प्रत्युवाच ततो भीमः संप्रहृष्टतनूरुहः । कृताञ्जलिरदीनात्मा हनूमन्तमवस्थितम् ॥

pratyuvāca tato bhīmaḥ saṃprahṛṣṭatanūruhaḥ | kṛtāñjaliradīnātmā hanūmantamavasthitam

Then Bhima, every hair on his body bristling with joy, joined his palms and, his spirit undaunted, answered Hanuman as he stood there:

Verse 13 (3.152.13)

दृष्टं प्रमाणं विपुलं शरीरस्यास्य ते विभो । संहरस्व महावीर्य स्वयमात्मानमात्मना ॥

dṛṣṭaṃ pramāṇaṃ vipulaṃ śarīrasyāsya te vibho | saṃharasva mahāvīrya svayamātmānamātmanā

I have seen the vast measure of this body of yours, lord. Now, mighty one, draw yourself in of your own accord.

Verse 14 (3.152.14)

न हि शक्नोमि त्वां द्रष्टुं दिवाकरमिवोदितम् । अप्रमेयमनाधृष्यं मैनाकमिव पर्वतम् ॥

na hi śaknomi tvāṃ draṣṭuṃ divākaramivoditam | aprameyamanādhṛṣyaṃ mainākamiva parvatam

I cannot look at you, for you are like the risen sun, immeasurable and unassailable like Mount Mainaka.

Verse 15 (3.152.15)

विस्मयश्चैव मे वीर सुमहान्मनसोऽद्य वै । यद्रामस्त्वयि पार्श्वस्थे स्वयं रावणमभ्यगात् ॥

vismayaścaiva me vīra sumahānmanaso'dya vai | yadrāmastvayi pārśvasthe svayaṃ rāvaṇamabhyagāt

And great is my wonder today, hero, that with you at his side Rama went out against Ravana himself.

Note on the text: Corrected पार्श्वश्थे → पार्श्वस्थे (misprint in Wikisource; श for स, the critical edition reads pārśvasthe).

Verse 16 (3.152.16)

त्वमेव शक्तस्तां लङ्कां सयोधां सहरावणाम् । स्वबाहुबलमाश्रित्य विनाशयितुमञ्जसा ॥

tvameva śaktastāṃ laṅkāṃ sayodhāṃ saharāvaṇām | svabāhubalamāśritya vināśayitumañjasā

You alone, relying on the strength of your own arms, could easily have destroyed Lanka, with its warriors and with Ravana.

Note on the text: Corrected स्वबाहुबलमाश्रित् → स्वबाहुबलमाश्रित्य (misprint in Wikisource; a dropped akshara, the critical edition reads āśritya).

Verse 17 (3.152.17)

न हि ते किंचिदप्राप्यं मारुतात्मज विद्यते । न चैव तव पर्याप्तो रावणः सगणो युधि ॥

na hi te kiṃcidaprāpyaṃ mārutātmaja vidyate | na caiva tava paryāpto rāvaṇaḥ sagaṇo yudhi

There is nothing beyond your reach, son of the Wind; nor was Ravana with all his hosts a match for you in battle.

Note on the text: Corrected रावयणः → रावणः (misprint in Wikisource; a stray akshara, the critical edition reads rāvaṇaḥ).

Verse 18 (3.152.18)

एवमुक्तस्तु भीमेन हनूमान्प्लवगोत्तमः । प्रत्युवाच ततो वाक्यं स्निग्धगम्भीरया गिरा ॥

evamuktastu bhīmena hanūmānplavagottamaḥ | pratyuvāca tato vākyaṃ snigdhagambhīrayā girā

Addressed thus by Bhima, Hanuman, best of monkeys, answered in a voice gentle and deep:

Verse 19 (3.152.19)

एवमेतन्महाबाहो यथा वदसि भारत । भीमसेन न पर्याप्तो ममासौ राक्षसाधमः ॥

evametanmahābāho yathā vadasi bhārata | bhīmasena na paryāpto mamāsau rākṣasādhamaḥ

It is as you say, mighty-armed Bharata. Bhimasena, that vilest of rakshasas was no match for me.

Verse 20 (3.152.20)

मया तु निहते तस्मिन्रावणे लोककण्टके । कीर्तिर्नश्येद्राघवस्य तत एतदुपेक्षितम् ॥

mayā tu nihate tasminrāvaṇe lokakaṇṭake | kīrtirnaśyedrāghavasya tata etadupekṣitam

But had I killed Ravana, that thorn in the side of the worlds, Raghava’s glory would have been lost; so I let it be.

Verse 21 (3.152.21)

तेन वीरेण तं हत्वा सगणं राक्षसाधमम् । आनीता स्वपुरं सीता कीर्तिश्च स्थापिता नृषु ॥

tena vīreṇa taṃ hatvā sagaṇaṃ rākṣasādhamam | ānītā svapuraṃ sītā kīrtiśca sthāpitā nṛṣu

That hero killed the vilest of rakshasas with all his hosts, brought Sita back to his own city, and established his fame among men.

Verse 22 (3.152.22)

तद्गच्छ विपुलप्रज्ञ भ्रातुः प्रियहिते रतः । अरिष्टं क्षेममध्वानं वायुना परिरक्षितः ॥

tadgaccha vipulaprajña bhrātuḥ priyahite rataḥ | ariṣṭaṃ kṣemamadhvānaṃ vāyunā parirakṣitaḥ

So go, man of broad wisdom, intent on your brother’s pleasure and good, safely and unharmed on your way, guarded by the Wind.

Verse 23 (3.152.23)

एष पन्थाः कुरुश्रेष्ठ सौगन्धिकवनाय ते । द्रक्ष्यसे धनदोद्यानं रक्षितं यक्षराक्षसैः ॥

eṣa panthāḥ kuruśreṣṭha saugandhikavanāya te | drakṣyase dhanadodyānaṃ rakṣitaṃ yakṣarākṣasaiḥ

This, best of the Kurus, is your path to the Saugandhika forest. You will see the garden of Kubera, giver of wealth, guarded by yakshas and rakshasas.

Verse 24 (3.152.24)

न च ते तरसा कार्यः कुसुमापचयः स्वयम् । दैवतानि हि मान्यानि पुरुषेण विशेषतः ॥

na ca te tarasā kāryaḥ kusumāpacayaḥ svayam | daivatāni hi mānyāni puruṣeṇa viśeṣataḥ

But do not gather the flowers yourself by force; for the gods are to be honored, and by men above all.

Verse 25 (3.152.25)

बलिहोमनमस्कारैर्मन्त्रैश्च भरतर्षभ । दैवतानि प्रसादं हि भक्त्या कुर्वन्ति भारत ॥

balihomanamaskārairmantraiśca bharatarṣabha | daivatāni prasādaṃ hi bhaktyā kurvanti bhārata

Through offerings, oblations, salutations and mantras, bull of the Bharatas, the gods grant their favor where there is devotion, Bharata.

Verse 26 (3.152.26)

मा तात साहसं कार्षीः स्वधर्मं परिपालय । स्वधर्मस्थापनं धर्मं बुध्यस्वागमयस्व च ॥

mā tāta sāhasaṃ kārṣīḥ svadharmaṃ paripālaya | svadharmasthāpanaṃ dharmaṃ budhyasvāgamayasva ca

Do nothing rash, my son; keep to your own dharma. Understand the dharma that holds each to his own duty, and be patient.

Verse 27 (3.152.27)

न हि धर्ममविज्ञाय वृद्धाननुपसेव्य च । धर्मो वै वेदितुं शक्यो बृहस्पतिसमैरपि ॥

na hi dharmamavijñāya vṛddhānanupasevya ca | dharmo vai vedituṃ śakyo bṛhaspatisamairapi

For without discerning dharma and without serving the elders, dharma cannot be known, not even by those equal to Brihaspati.

Verse 28 (3.152.28)

अधर्मो यत्र धर्माख्यो धर्मश्चाधर्मसंज्ञितः । स विज्ञेयो विभागेन यत्र मुह्यन्त्यबुद्धयः ॥

adharmo yatra dharmākhyo dharmaścādharmasaṃjñitaḥ | sa vijñeyo vibhāgena yatra muhyantyabuddhayaḥ

Where adharma is called dharma and dharma is named adharma, where the unwise are confused, that must be understood by careful distinction.

Note on the text: Restored a missing word space (यत्रमुह्यन्त्यबुद्धयः → यत्र मुह्यन्त्यबुद्धयः).

Verse 29 (3.152.29)

आचारसंभवो धर्मो धर्माद्वेदाः समुत्थिताः । वेदैर्यज्ञाः समुत्पन्ना यज्ञैर्देवाः प्रतिष्ठिताः ॥

ācārasaṃbhavo dharmo dharmādvedāḥ samutthitāḥ | vedairyajñāḥ samutpannā yajñairdevāḥ pratiṣṭhitāḥ

Dharma is born of right conduct; from dharma the Vedas arose; from the Vedas came the sacrifices, and on the sacrifices the gods are established.

Verse 30 (3.152.30)

वेदाचारविधानोक्तैर्यज्ञैर्धार्यन्ति देवताः । बृहस्पत्युशनःप्रोक्तैर्नयैर्धार्यन्ति मानवाः ॥

vedācāravidhānoktairyajñairdhāryanti devatāḥ | bṛhaspatyuśanaḥproktairnayairdhāryanti mānavāḥ

The gods are sustained by sacrifices laid down in the rules of Vedic practice; men are sustained by the policies taught by Brihaspati and Ushanas.

Note on the text: Wikisource numbers this verse 20 (between 29 and 31); the raw page’s line marks read 3-152-20a / 3-152-30b, so it is verse 30 misprinted. Set to 30.

Verse 31 (3.152.31)

बल्याकरवणिज्याभिः कृष्यर्थैर्योनिपोषणैः । वार्तया धार्यते सर्वं धर्मैरेतैर्द्विजातिभिः ॥

balyākaravaṇijyābhiḥ kṛṣyarthairyonipoṣaṇaiḥ | vārtayā dhāryate sarvaṃ dharmairetairdvijātibhiḥ

By taxes, mines and trade, by farming and the rearing of animals, the whole world is upheld through livelihood; these are the duties by which the twice-born uphold it.

Verse 32 (3.152.32)

त्रयी वार्ता दण्डनीतिस्तिस्रो विद्या विजानताम् । ताभिः सम्यक्प्रवृत्ताभिर्लोकयात्रा विधीयते ॥

trayī vārtā daṇḍanītistisro vidyā vijānatām | tābhiḥ samyakpravṛttābhirlokayātrā vidhīyate

The triple Veda, livelihood and the science of government are the three sciences of the wise; when these are rightly practised, the world’s course is maintained.

Verse 33 (3.152.33)

सा चेद्धर्मकृता न स्यात्त्रयीधर्ममृते भुवि । दण्डनीतिमृते चापि निर्मर्यादमिदं भवेत् ॥

sā ceddharmakṛtā na syāttrayīdharmamṛte bhuvi | daṇḍanītimṛte cāpi nirmaryādamidaṃ bhavet

If that course were not shaped by dharma, without the dharma of the triple Veda on earth and without the science of government, this world would have no bounds.

Note on the text: Corrected स्यात्रयी → स्यात्त्रयी (misprint in Wikisource; a dropped त in the sandhi of स्यात् + त्रयी, the critical edition reads syāt trayī) and restored a missing word space (दण्डनीतिमृतेचापि → दण्डनीतिमृते चापि).

Verse 34 (3.152.34)

वार्ताधर्मे ह्यवर्तिन्यो विनश्येयुरिमाः प्रजाः । सुप्रवृत्तैस्त्रिभिर्ह्येतैर्धर्मैः सूयन्ति वै प्रजाः ॥

vārtādharme hyavartinyo vinaśyeyurimāḥ prajāḥ | supravṛttaistribhirhyetairdharmaiḥ sūyanti vai prajāḥ

If they did not follow the dharma of livelihood, these creatures would perish; it is through these three dharmas, well practised, that creatures prosper.

Verse 35 (3.152.35)

द्विजानाममृतं धर्मो ह्येकश्चैवैकवर्णकः । यज्ञाध्ययनदानानि त्रयः साधारणाः स्मृताः ॥

dvijānāmamṛtaṃ dharmo hyekaścaivaikavarṇakaḥ | yajñādhyayanadānāni trayaḥ sādhāraṇāḥ smṛtāḥ

For the twice-born, dharma is the nectar of immortality, and each class has one dharma of its own; sacrifice, study and giving are declared the three that all share.

Verse 36 (3.152.36)

याजनाध्यापने चोभे ब्राह्मणानां परिग्रहः । पालनं क्षत्रियाणां वै वैश्यधर्मश्च पोषणम् ॥

yājanādhyāpane cobhe brāhmaṇānāṃ parigrahaḥ | pālanaṃ kṣatriyāṇāṃ vai vaiśyadharmaśca poṣaṇam

Officiating at sacrifices, teaching and accepting gifts belong to the Brahmins; protection is the part of the Kshatriyas, and nurture is the dharma of the Vaishyas.

Verse 37 (3.152.37)

शुश्रूषा च द्विजातीनां शूद्राणां धर्म उच्यते । भैक्षहोमव्रतैर्हीनास्तथैव गुरुवासिताः ॥

śuśrūṣā ca dvijātīnāṃ śūdrāṇāṃ dharma ucyate | bhaikṣahomavratairhīnāstathaiva guruvāsitāḥ

Service to the twice-born is called the dharma of the Shudras; they are without alms, fire-offerings and vows, and likewise dwell under the protection of the higher classes.

Note on the text: Corrected शूद्राणआं → शूद्राणां (misprint in Wikisource; a stray vowel letter, the critical edition reads śūdrāṇāṃ).

Verse 38 (3.152.38)

क्षत्रधर्मोऽत्र कौन्तेय तव धर्मोऽत्र रक्षणम् । स्वधर्मं प्रतिपद्यस्व विनीतो नियतेन्द्रियः ॥

kṣatradharmo'tra kaunteya tava dharmo'tra rakṣaṇam | svadharmaṃ pratipadyasva vinīto niyatendriyaḥ

Here, son of Kunti, the Kshatriya dharma is yours: your dharma is protection. Hold to your own dharma, disciplined and with your senses restrained.

Note on the text: Restored a missing word space (क्षत्रधर्मोऽत्रकौन्तेय → क्षत्रधर्मोऽत्र कौन्तेय).

Verse 39 (3.152.39)

वृद्धैः संमन्त्र्य सद्भिश्च बुद्धिमद्भिः श्रुतान्वितैः । आस्थितः शास्ति दण्डेन व्यसनी परिभूयते ॥

vṛddhaiḥ saṃmantrya sadbhiśca buddhimadbhiḥ śrutānvitaiḥ | āsthitaḥ śāsti daṇḍena vyasanī paribhūyate

Having taken counsel with elders, with good, wise and learned men, and upheld by them, a king rules by the rod; one given to vice is brought low.

Note on the text: Restored a missing word space (शास्तिदण्डेन → शास्ति दण्डेन; the critical edition reads śāsti daṇḍena).

Verse 40 (3.152.40)

निग्रहानुग्रहैः सम्यग्यदा नेता प्रवर्तते । तदा भवन्ति लोकस्य मर्यादाः सुव्यवस्थिताः ॥

nigrahānugrahaiḥ samyagyadā netā pravartate | tadā bhavanti lokasya maryādāḥ suvyavasthitāḥ

When the leader proceeds rightly with restraint and favor, then the bounds of the world are firmly set.

Verse 41 (3.152.41)

तस्माद्देशे च दुर्गे च शत्रुमित्रबलेषु च । नित्यं चारेण बोद्धव्यं स्थानं वृद्धिः क्षयस्तथा ॥

tasmāddeśe ca durge ca śatrumitrabaleṣu ca | nityaṃ cāreṇa boddhavyaṃ sthānaṃ vṛddhiḥ kṣayastathā

Therefore one must always learn through spies the state of one’s country and fortress and of the forces of enemies and allies: their standing, their growth and their decline.

Verse 42 (3.152.42)

राज्ञामुपायश्चारश्च बुद्धिमन्त्रपराक्रमाः । निग्रहप्रग्रहौ चैव दाक्ष्यं वै कार्यसाधकम् ॥

rājñāmupāyaścāraśca buddhimantraparākramāḥ | nigrahapragrahau caiva dākṣyaṃ vai kāryasādhakam

The means of kings are spies and intelligence, counsel and valor, restraint and favor, and skill; these bring their work to success.

Verse 43 (3.152.43)

साम्ना दानेन भेदेन दण्डेनोपेक्षणेन च । साधनीयानि कार्याणि समासव्यासयोगतः ॥

sāmnā dānena bhedena daṇḍenopekṣaṇena ca | sādhanīyāni kāryāṇi samāsavyāsayogataḥ

Tasks are to be accomplished by conciliation, gifts, dissension, force and disregard, used singly or together.

Verse 44 (3.152.44)

मन्त्रमूला नयाः सर्वे चाराश्च भरतर्षभ । सुमन्त्रितनयैः सद्भिस्तद्विधैः सह मन्त्रयेत् ॥

mantramūlā nayāḥ sarve cārāśca bharatarṣabha | sumantritanayaiḥ sadbhistadvidhaiḥ saha mantrayet

All policies have counsel at their root, and so do spies, bull of the Bharatas. One should take counsel with good men who know such matters, through well-weighed policies.

Note on the text: Restored a missing word space (सर्वेचाराश्च → सर्वे चाराश्च).

Verse 45 (3.152.45)

स्त्रिया मूढेन बालेन लुब्धेन लघुनाऽपि वा । न मन्त्रयीत गुह्यानि येषु चोन्मादलक्षणम् ॥

striyā mūḍhena bālena lubdhena laghunā'pi vā | na mantrayīta guhyāni yeṣu conmādalakṣaṇam

One should not discuss secrets with a woman, a fool, a child, a greedy or a petty man, or with those who show signs of madness.

Note on the text: Corrected चास्पनदलक्षणम् → चोन्मादलक्षणम् (Wikisource’s word is not valid Sanskrit; followed the critical edition, which reads conmādalakṣaṇam).

Verse 46 (3.152.46)

मन्त्रयेत्सह विद्वद्भिः शक्तैः कर्माणि कारयेत् । स्निग्धैश्च नीतिविन्यासैर्मूर्खान्सर्वत्र वर्जयेत् ॥

mantrayetsaha vidvadbhiḥ śaktaiḥ karmāṇi kārayet | snigdhaiśca nītivinyāsairmūrkhānsarvatra varjayet

Take counsel with the learned, have work done by the capable, and by the well-disposed the ordering of policy; shun fools everywhere.

Verse 47 (3.152.47)

धार्मिकान्धर्मकार्येषु अर्थकार्येषु पण्डितान् । स्त्रीषु क्लीबान्नियुञ्जीत क्रूरान्क्रूरेषु कर्मसु ॥

dhārmikāndharmakāryeṣu arthakāryeṣu paṇḍitān | strīṣu klībānniyuñjīta krūrānkrūreṣu karmasu

Employ the righteous in matters of dharma, the learned in matters of wealth, eunuchs among women, and the harsh in harsh work.

Verse 48 (3.152.48)

स्वेभ्यश्चैव परेभ्यश्च कार्याकार्यसमुद्भवा । बुद्धिः कर्मसु विज्ञेया रिपूणां च बलाबलम् ॥

svebhyaścaiva parebhyaśca kāryākāryasamudbhavā | buddhiḥ karmasu vijñeyā ripūṇāṃ ca balābalam

From one’s own people and from others, one should learn in every undertaking what is to be done and what is not, and the strength and weakness of enemies.

Verse 49 (3.152.49)

बुद्ध्या स्वप्रतिपन्नेषु कुर्यात्साधुष्वनुग्रहम् । निग्रहं चाप्यशिष्टेषु निर्मर्यादेषु कारयेत् ॥

buddhyā svapratipanneṣu kuryātsādhuṣvanugraham | nigrahaṃ cāpyaśiṣṭeṣu nirmaryādeṣu kārayet

With discernment one should show favor to the good who come for refuge, and have the wicked and lawless restrained.

Verse 50 (3.152.50)

निग्रहे प्रग्रहे सम्यग्यदा राजा प्रवर्तते । तदा भवति लोकस्य मर्यादा सुव्यवस्थिता ॥

nigrahe pragrahe samyagyadā rājā pravartate | tadā bhavati lokasya maryādā suvyavasthitā

When a king proceeds rightly in restraint and protection, then the bounds of the world are firmly set.

Verse 51 (3.152.51)

एष तेऽभिहितः पार्थ घोरो धर्मो दुरन्वयः । तं स्वधर्मविभागेन विनयस्थोऽनुपालय ॥

eṣa te'bhihitaḥ pārtha ghoro dharmo duranvayaḥ | taṃ svadharmavibhāgena vinayastho'nupālaya

I have told you, son of Pritha, this stern dharma that is hard to follow. Keep to it, steady in discipline, according to the share of dharma that is yours.

Verse 52 (3.152.52)

तपोधर्मदमेज्याभिर्विप्रा यान्ति यथा दिवम् । दानातिथ्यक्रियाधर्मैर्यान्ति वैश्याश्च सद्गतिम् ॥

tapodharmadamejyābhirviprā yānti yathā divam | dānātithyakriyādharmairyānti vaiśyāśca sadgatim

As Brahmins go to heaven through austerity, dharma, self-control and sacrifice, so Vaishyas reach a good end through giving, hospitality and the duties of ritual.

Verse 53 (3.152.53)

द्विजशुश्रूषया शूद्रा लभन्ते गतिमुत्तमाम् । क्षत्रं याति तथा स्वर्गं भुवि निग्रहपालनैः ॥

dvijaśuśrūṣayā śūdrā labhante gatimuttamām | kṣatraṃ yāti tathā svargaṃ bhuvi nigrahapālanaiḥ

Shudras reach the highest goal by serving the twice-born; and the Kshatriya likewise goes to heaven by restraining and protecting on earth.

Note on the text: Removed stray wiki marks (` and '). The first line is not in the critical edition (found in the vulgate recension; star passage 745*); the second is CE 3.149.52ab.

Verse 54 (3.152.54)

सम्यक्प्रणीतदण्डा हि कामद्वेषविवर्जिताः । अलुब्धा विगतक्रोधाः सतां यान्ति सलोकतां ॥

samyakpraṇītadaṇḍā hi kāmadveṣavivarjitāḥ | alubdhā vigatakrodhāḥ satāṃ yānti salokatāṃ

For those who wield the rod rightly, free of desire and hatred, without greed and without anger, go to the worlds of the good.

Note on the text: Corrected कामद्वेपविवर्जिताः → कामद्वेषविवर्जिताः (misprint in Wikisource; प for ष, the critical edition reads kāmadveṣavivarjitāḥ). This verse is CE 3.149.52cd–ef.