Arshtishena Welcomes the Pandavas

Verse 1 (3.160.1)

युधिष्ठिरस्तमासाद्य तपसा दग्धकिल्बिषम् । अभ्यवादयत प्रीतः शिरसा नाम कीर्तयन् ॥

yudhiṣṭhirastamāsādya tapasā dagdhakilbiṣam | abhyavādayata prītaḥ śirasā nāma kīrtayan

Yudhishthira approached the sage, whose sins had been burnt away by austerity, and, full of joy, saluted him with bowed head, announcing his name.

Verse 2 (3.160.2)

ततः कृष्णा च भीमश्च यमौ च सुतपस्विनौ । शिरोभिः प्राप्य राजर्षिं परिवार्योपतस्थिरे ॥

tataḥ kṛṣṇā ca bhīmaśca yamau ca sutapasvinau | śirobhiḥ prāpya rājarṣiṃ parivāryopatasthire

Then Krishna, Bhima and the twins, rich in austerity, bowed their heads to the royal sage and stood around him.

Verse 3 (3.160.3)

तथैव धौम्यो धर्मज्ञः पाण्डवानां पुरोहितः । यथान्यायमुपाक्रान्तस्तमृषिं संशितव्रतम् ॥

tathaiva dhaumyo dharmajñaḥ pāṇḍavānāṃ purohitaḥ | yathānyāyamupākrāntastamṛṣiṃ saṃśitavratam

Likewise Dhaumya, the Pandavas' priest, who knew dharma, approached that sage of rigorous vows in due form.

Verse 4 (3.160.4)

अन्वजानात्स धर्मज्ञो मुनिर्दिव्येन चक्षुषा । पाण्डोः पुत्रान्कुरुश्रेष्ठानास्यतामिति चाब्रवीत् ॥

anvajānātsa dharmajño munirdivyena cakṣuṣā | pāṇḍoḥ putrānkuruśreṣṭhānāsyatāmiti cābravīt

By his divine sight the righteous sage recognised the sons of Pandu, best of the Kurus, and said, "Be seated."

Verse 5 (3.160.5)

कुरूणामृषभं प्राज्ञं पूजयित्वा महातपाः । सह भ्रातृभिरासीनं पर्यपृच्छदनामयम् ॥

kurūṇāmṛṣabhaṃ prājñaṃ pūjayitvā mahātapāḥ | saha bhrātṛbhirāsīnaṃ paryapṛcchadanāmayam

The great ascetic honoured the wise bull of the Kurus, seated with his brothers, and asked after his welfare:

Note on the text: Corrected भ्रातृभिरसीनं → भ्रातृभिरासीनं (misprint in Wikisource; “seated”; the critical edition reads bhrātṛbhir āsīnaṃ).

Verse 6 (3.160.6)

नानृते कुरुषे भावं कच्चिद्धर्मे प्रवर्तसे । मातापित्रोश्च ते वृत्तिः कच्चित्पार्थ न सीदति ॥

nānṛte kuruṣe bhāvaṃ kacciddharme pravartase | mātāpitrośca te vṛttiḥ kaccitpārtha na sīdati

"You do not set your mind on falsehood, I trust? You keep to dharma? And your care for your mother and father does not falter, Partha?

Verse 7 (3.160.7)

कच्चित्ते गुरवः सर्वे वृद्धा वैद्याश्च पूजिताः । कच्चिन्न कुरुषे भावं पार्थ पापेषु कर्मसु ॥

kaccitte guravaḥ sarve vṛddhā vaidyāśca pūjitāḥ | kaccinna kuruṣe bhāvaṃ pārtha pāpeṣu karmasu

"Are all your elders, the aged and the learned, honoured by you? You do not set your mind on evil deeds, Partha?

Verse 8 (3.160.8)

सुकृतं प्रतिकर्तुं च कच्चिद्धातुं च दुष्कृतम् । यथान्यायं कुरुश्रेष्ठ जानासि न विकत्थसे ॥

sukṛtaṃ pratikartuṃ ca kacciddhātuṃ ca duṣkṛtam | yathānyāyaṃ kuruśreṣṭha jānāsi na vikatthase

"Do you know, best of the Kurus, how to repay a kindness and how to set aside a wrong as is right, and yet not boast of it?

Verse 9 (3.160.9)

यथार्हं मानिताः कच्चित्त्वया नन्दन्ति साधवः । वनेष्वपि वसन्कच्चिद्धर्ममेवानुवर्तसे ॥

yathārhaṃ mānitāḥ kaccittvayā nandanti sādhavaḥ | vaneṣvapi vasankacciddharmamevānuvartase

"Do the good rejoice, honoured by you as they deserve? Even while living in the forest, do you follow dharma alone?

Verse 10 (3.160.10)

कच्चिद्धौम्यस्त्वदाचारैर्न पार्थ परितप्यते । दानधर्मतपःशौचैरार्जवेन तितिक्षया ॥

kacciddhaumyastvadācārairna pārtha paritapyate | dānadharmatapaḥśaucairārjavena titikṣayā

"Dhaumya is not pained by your conduct, I trust, Partha — by your giving, your dharma, austerity and purity, your uprightness and forbearance?

Verse 11 (3.160.11)

पितृपैतामहं वृत्तं कच्चित्पार्थानुवर्तसे । कच्चिद्राजर्षियातेन पथा गच्छसि पाण्डव ॥

pitṛpaitāmahaṃ vṛttaṃ kaccitpārthānuvartase | kaccidrājarṣiyātena pathā gacchasi pāṇḍava

"Do you follow the conduct of your fathers and grandfathers, Partha? Do you walk the path the royal sages have trodden, Pandava?

Verse 12 (3.160.12)

स्वेस्वे किल कुले जाते पुत्रे नप्तरि वा पुनः । पितरः पितृलोकस्थाः शोचन्ति च रमन्ति च ॥

svesve kila kule jāte putre naptari vā punaḥ | pitaraḥ pitṛlokasthāḥ śocanti ca ramanti ca

"It is said that whenever a son or a grandson is born in their own line, the fathers who dwell in the world of the ancestors both grieve and rejoice,

Verse 13 (3.160.13)

किं तस्य दुष्कृतेऽस्माभिः संप्राप्तव्यं भविष्यति । किं चास्य सुकृतेऽस्माभिः प्राप्तव्यमिति शोभनं ॥

kiṃ tasya duṣkṛte'smābhiḥ saṃprāptavyaṃ bhaviṣyati | kiṃ cāsya sukṛte'smābhiḥ prāptavyamiti śobhanaṃ

"thinking: 'What shall we have to suffer for his misdeeds? And what good shall we gain from his good deeds?'

Verse 14 (3.160.14)

पिता माता तथैवाग्निर्गुरुरात्मा च पञ्चमः । यस्यैतेपूजिताः पार्थ तस्य लोकावुभौ जितौ ॥

pitā mātā tathaivāgnirgururātmā ca pañcamaḥ | yasyaitepūjitāḥ pārtha tasya lokāvubhau jitau

"Father, mother, the fire, the teacher, and the self as the fifth — he who honours these, Partha, has won both worlds."

Verse 15 (3.160.15)

भगवन्नार्य माऽऽहैतद्यथावद्धर्मनिश्चयम् । यथाशक्ति यथान्यायं क्रियते विधिवन्मया ॥

bhagavannārya mā''haitadyathāvaddharmaniścayam | yathāśakti yathānyāyaṃ kriyate vidhivanmayā

"Blessed one, noble sir, you have told me this, the settled truth of dharma, just as it is. As far as I am able, and as is right, I carry it out according to the rule."

Note on the text: Removed the speaker heading युधिष्ठिर उवाच and its opening square bracket (editorial mark in Wikisource) from the text; it is now the verse's speaker. Not in the critical edition (found in the vulgate recension; CE apparatus 3.156.14d*798a, which reads nyāyyam āha … kriyate 'yaṃ vidhir mayā; the Wikisource commentary glosses माऽऽह as “told me”).

Verse 16 (3.160.16)

अब्भक्षा वायुभक्षाश्च प्लवमाना विहायसा । जुषन्ते पर्वतश्रेष्ठमृषयः पर्वसन्धिषु ॥

abbhakṣā vāyubhakṣāśca plavamānā vihāyasā | juṣante parvataśreṣṭhamṛṣayaḥ parvasandhiṣu

"Sages who live on water and on air, travelling through the sky, resort to this best of mountains at the junctures of the moon's fortnights.

Note on the text: Removed the speaker heading आर्ष्टिषेण उवाच and its closing square bracket (editorial mark in Wikisource) from the text; it is now the verse's speaker.

Verse 17 (3.160.17)

कामिनः सह कान्ताभिः परस्परमनुव्रताः । दृश्यन्ते शैलशृङ्गस्था यथा किंपुरुषा नृप ॥

kāminaḥ saha kāntābhiḥ parasparamanuvratāḥ | dṛśyante śailaśṛṅgasthā yathā kiṃpuruṣā nṛpa

"Lovers with their beloveds, devoted to one another, are seen standing on the mountain peaks, O king, like Kimpurushas.

Verse 18 (3.160.18)

अरजांसि च वासांसि वसानाः कौशिकानि च । दृश्यन्ते बहवः पार्थ गन्धर्वाप्सरसां गणाः ॥

arajāṃsi ca vāsāṃsi vasānāḥ kauśikāni ca | dṛśyante bahavaḥ pārtha gandharvāpsarasāṃ gaṇāḥ

"Many troops of Gandharvas and Apsarases are seen, Partha, wearing spotless garments and silks;

Verse 19 (3.160.19)

विद्याधरगणाश्चैव स्रग्विणः प्रियदर्शनाः । महोरगगणाश्चैव सुपर्णाश्चारणादयः ॥

vidyādharagaṇāścaiva sragviṇaḥ priyadarśanāḥ | mahoragagaṇāścaiva suparṇāścāraṇādayaḥ

"hosts of Vidyadharas too, garlanded and fair to look upon, hosts of great serpents, Suparnas, Charanas and others.

Verse 20 (3.160.20)

अस्य चोपरि शैलस्य श्रूयते पर्वसन्धिषु । भेरीपणवशङ्खानां मृदङ्गानां च निःस्वनः ॥

asya copari śailasya śrūyate parvasandhiṣu | bherīpaṇavaśaṅkhānāṃ mṛdaṅgānāṃ ca niḥsvanaḥ

"And above this mountain, at the junctures of the fortnights, the sound of kettledrums, tabors, conches and mridangas is heard.

Verse 21 (3.160.21)

इहस्थैरेव तत्सर्वं श्रोतव्यं भरतर्षभाः । न कार्या वः कथंचित्स्यात्तत्राभिगमने मतिः ॥

ihasthaireva tatsarvaṃ śrotavyaṃ bharatarṣabhāḥ | na kāryā vaḥ kathaṃcitsyāttatrābhigamane matiḥ

"All of that you must hear from right here, bulls of the Bharatas; you must on no account think of going there.

Verse 22 (3.160.22)

न चाप्यतः परं शक्यं गन्तुं भरतसत्तमाः । विहारस्तत्र देवानाममानुषगतिस्तु सा ॥

na cāpyataḥ paraṃ śakyaṃ gantuṃ bharatasattamāḥ | vihārastatra devānāmamānuṣagatistu sā

"Nor is it possible to go beyond this point, best of the Bharatas; that is the pleasure ground of the gods, a realm beyond the reach of men.

Verse 23 (3.160.23)

ईषच्चपलकर्माणं मनुष्यमिह भारत । द्विषन्ति सर्वभूतानि ताडयन्ति च राक्षसाः ॥

īṣaccapalakarmāṇaṃ manuṣyamiha bhārata | dviṣanti sarvabhūtāni tāḍayanti ca rākṣasāḥ

"Here, Bharata, all beings hate a man whose conduct is even slightly rash, and the rakshasas strike him down.

Verse 24 (3.160.24)

अस्यातिक्रम्य शिखरं कैलासस्य युधिष्ठिर । गतिः परमसिद्धानां देवर्षीणां प्रकाशते ॥

asyātikramya śikharaṃ kailāsasya yudhiṣṭhira | gatiḥ paramasiddhānāṃ devarṣīṇāṃ prakāśate

"Beyond this peak of Kailasa, Yudhishthira, shines the way of the supreme Siddhas and the divine sages.

Verse 25 (3.160.25)

चापलाद्धि न गन्तव्यं पार्थ यानैस्ततः परम् । अयःशूलादिभिर्घ्नन्ति राक्षसाः शत्रुसूदन ॥

cāpalāddhi na gantavyaṃ pārtha yānaistataḥ param | ayaḥśūlādibhirghnanti rākṣasāḥ śatrusūdana

"No one should rashly go on beyond that point in a carriage, Partha; the rakshasas kill with iron spikes and other weapons, slayer of foes.

Note on the text: Corrected पार्त → पार्थ (misprint in Wikisource; the vocative “Partha”; the critical edition reads pārtha).

Verse 26 (3.160.26)

अप्सरोभिः परिवृतः समृद्ध्या नरवाहनः । इह वैश्रवणस्तात पर्वसन्धिषु दृश्यते ॥

apsarobhiḥ parivṛtaḥ samṛddhyā naravāhanaḥ | iha vaiśravaṇastāta parvasandhiṣu dṛśyate

"Here, my son, at the junctures of the fortnights, Vaishravana (Kubera), who rides on men, is seen in all his splendour, surrounded by Apsarases.

Verse 27 (3.160.27)

शिखरे तं समासीनमधिपं यक्षरक्षसाम् । प्रेक्षन्ते सर्वभूतानि भानुमन्तमिवोदितम् ॥

śikhare taṃ samāsīnamadhipaṃ yakṣarakṣasām | prekṣante sarvabhūtāni bhānumantamivoditam

"All beings gaze at him, the lord of the yakshas and rakshasas, seated on the peak like the risen sun.

Verse 28 (3.160.28)

देवदानवसिद्धानां तथा वैश्रवणस्य च । गिरेः शिखरमुद्यानमिदं भरतसत्तम ॥

devadānavasiddhānāṃ tathā vaiśravaṇasya ca | gireḥ śikharamudyānamidaṃ bharatasattama

"This mountain peak is the pleasure garden of the gods, the danavas and the Siddhas, and of Vaishravana, best of the Bharatas.

Verse 29 (3.160.29)

उपासीनस्य धनदं तुम्बुरोः पर्वसन्धिषु । गीतसामस्वनस्तात श्रूयते गन्धमादने ॥

upāsīnasya dhanadaṃ tumburoḥ parvasandhiṣu | gītasāmasvanastāta śrūyate gandhamādane

"At the junctures of the fortnights, my son, the sound of the songs and Saman chants of Tumburu, as he waits upon the Lord of Wealth, is heard on Gandhamadana.

Verse 30 (3.160.30)

एतदेवंविधं चित्रमिह तात युधिष्ठिर । प्रेक्षन्ते सर्वभूतानि बहुशः पर्वसन्धिषु ॥

etadevaṃvidhaṃ citramiha tāta yudhiṣṭhira | prekṣante sarvabhūtāni bahuśaḥ parvasandhiṣu

"Marvels such as these, Yudhishthira my son, all beings often see here at the junctures of the fortnights.

Verse 31 (3.160.31)

भुञ्जाना मुनिभोज्यानि रसवन्ति फलानि च । वसध्वं पाण्डवश्रेष्ठा यावदर्जुनदर्शनात् ॥

bhuñjānā munibhojyāni rasavanti phalāni ca | vasadhvaṃ pāṇḍavaśreṣṭhā yāvadarjunadarśanāt

"Eating the food of hermits and juicy fruits, stay here, best of the Pandavas, until you see Arjuna.

Verse 32 (3.160.32)

न तात चपलैर्भाव्यमिह प्राप्तैः कथंचन । चपलः सर्वभूतानां द्वेष्यो भवति मानवः ॥

na tāta capalairbhāvyamiha prāptaiḥ kathaṃcana | capalaḥ sarvabhūtānāṃ dveṣyo bhavati mānavaḥ

"My son, those who have come here must in no way be rash; a rash man is hated by all creatures.

Note on the text: Removed stray wiki quote marks (a backtick and an apostrophe) around the second line. The first line is CE 3.156.31a; the second line is not in the critical edition (found in the vulgate recension; CE apparatus 3.156.31b*798b).

Verse 33 (3.160.33)

उषित्वेह यथाकामं यथाश्रद्धं विहृत्य च । ततः शस्त्रजितां श्रेष्ठ पृथिवीं पालयिष्यसि ॥

uṣitveha yathākāmaṃ yathāśraddhaṃ vihṛtya ca | tataḥ śastrajitāṃ śreṣṭha pṛthivīṃ pālayiṣyasi

"When you have stayed here as long as you wish and roamed as you please, then, best of those who conquer by arms, you shall rule the earth."

Note on the text: This verse is CE 3.156.31c–e (Wikisource divides the lines differently); शस्त्रजितां for śastrabhṛtāṃ is a recension variant and is kept.