The Journey to Gandhamadana

Verse 1 (3.159.1)

निहते राक्षसे तस्मिन्पुनर्नारायणाश्रमम् । अभ्येत्य राजा कौन्तेयो निवासमकरोत्प्रभुः ॥

nihate rākṣase tasminpunarnārāyaṇāśramam | abhyetya rājā kaunteyo nivāsamakarotprabhuḥ

After that rakshasa was slain, the lord, King Yudhishthira son of Kunti, went back to the hermitage of Narayana and made his dwelling there.

Verse 2 (3.159.2)

स समानीय तान्सर्वान्भ्रातॄनित्यब्रवीद्वचः । द्रौपद्या सहितः काले संस्मरन्भ्रातरं जयम् ॥

sa samānīya tānsarvānbhrātṝnityabravīdvacaḥ | draupadyā sahitaḥ kāle saṃsmaranbhrātaraṃ jayam

In time, with Draupadi beside him and remembering his brother Jaya (Arjuna), he gathered all his brothers together and spoke these words:

Verse 3 (3.159.3)

समाश्चतस्रोऽभिगताः शिवेन चरतां वने । कृतोद्देशः स बीभत्सुः पञ्चमीमभितः समाम् ॥

samāścatasro'bhigatāḥ śivena caratāṃ vane | kṛtoddeśaḥ sa bībhatsuḥ pañcamīmabhitaḥ samām

"Four years have passed happily for us as we wander in the forest, and Bibhatsu fixed the fifth year, or thereabouts, for our meeting.

Note on the text: Corrected बीभत्सुऋ → बीभत्सुः (misprint in Wikisource; a stray ऋ for the visarga; the critical edition reads bībhatsuḥ).

Verse 4 (3.159.4)

प्राप्य पर्वतराजानं श्वेतं शिखरिणांवरम् । पुष्पितैर्द्रुमषण्डैश्च मत्तकोकिलाषट्पदैः ॥

prāpya parvatarājānaṃ śvetaṃ śikhariṇāṃvaram | puṣpitairdrumaṣaṇḍaiśca mattakokilāṣaṭpadaiḥ

"When we reached the king of mountains, the white one, best of peaks — adorned with flowering groves of trees, with maddened cuckoos and bees,

Note on the text: Removed an opening square bracket (editorial mark in Wikisource) before the second line; the bracketed passage runs to the second line of verse 7. The first line is CE 3.155.4a; the second line is not in the critical edition (found in the vulgate recension; CE apparatus star passage 3.155.4b*787, line 1).

Verse 5 (3.159.5)

मयूरैश्चातकैश्चापि नित्योत्सवविभूषितम् । व्याघ्रैर्वराहैर्महिषैर्गवयैर्हरिणैस्तथा ॥

mayūraiścātakaiścāpi nityotsavavibhūṣitam | vyāghrairvarāhairmahiṣairgavayairhariṇaistathā

"decked as if for an unending festival with peacocks and chataka birds, haunted by tigers, boars, buffaloes, gayals and deer,

Note on the text: Corrected वरहैः → वराहैः (misprint in Wikisource; “boars”; the CE apparatus line reads varāhair). Not in the critical edition (found in the vulgate recension). (CE apparatus 3.155.4b*787, lines 2–3.)

Verse 6 (3.159.6)

श्वापदैर्व्यालरूपैश्च रुरुभिश्च निषेवितम् । फुल्लैः सहस्रपत्रैश्च शतपत्रैस्तथोत्पलैः ॥

śvāpadairvyālarūpaiśca rurubhiśca niṣevitam | phullaiḥ sahasrapatraiśca śatapatraistathotpalaiḥ

"by beasts of prey, by creatures fierce as serpents and by ruru deer; with full-blown thousand-petalled and hundred-petalled lotuses and with water lilies,

Note on the text: Not in the critical edition (found in the vulgate recension). (CE apparatus 3.155.4b*787, lines 4–5.)

Verse 7 (3.159.7)

प्रफुल्लैः कमलैश्चैव तथा नीलोत्पलैरपि । महापुण्यं पवित्रं च सुरासुरनिषेवितम् । तत्रापि च कृतोद्देशः समागमदिदृक्षुभिः ॥

praphullaiḥ kamalaiścaiva tathā nīlotpalairapi | mahāpuṇyaṃ pavitraṃ ca surāsuraniṣevitam | tatrāpi ca kṛtoddeśaḥ samāgamadidṛkṣubhiḥ

"with blossoming lotuses and blue water lilies too, most holy and pure, frequented by gods and asuras — there too we who long to see one another fixed a meeting place.

Note on the text: Corrected महापुणअयं → महापुण्यं (misprint in Wikisource; a broken conjunct; the CE apparatus line reads mahāpuṇyaṃ). Removed a closing square bracket (editorial mark in Wikisource). The first two lines are not in the critical edition (found in the vulgate recension; CE apparatus 3.155.4b*787, lines 6–7); the third line is CE 3.155.4c.

Verse 8 (3.159.8)

कृतश्च समयस्तेन पार्थेनामिततेजसा । पञ्चवर्षाणि वत्स्यामि विद्यार्थीति पुरा मयि ॥

kṛtaśca samayastena pārthenāmitatejasā | pañcavarṣāṇi vatsyāmi vidyārthīti purā mayi

"And Partha of boundless splendour made a compact with me long ago: 'I shall live five years as a student.'

Note on the text: Corrected वत्स्याभि → वत्स्यामि (misprint in Wikisource; “I shall live”; the critical edition reads vatsyāmi).

Verse 9 (3.159.9)

अत्रगाण्डीवधन्वानमवाप्तास्त्रमरिंदमम् । देवलोकादिमं लोकं द्रक्ष्यामः पुनरागतम् ॥

atragāṇḍīvadhanvānamavāptāstramariṃdamam | devalokādimaṃ lokaṃ drakṣyāmaḥ punarāgatam

"Here we shall see the wielder of Gandiva, the tamer of foes, come back from the world of the gods to this world with the weapons he has won."

Verse 10 (3.159.10)

इत्युक्त्वा ब्राह्मणान्सर्वानामन्त्रयत पाण्डवः । कारणं चैव तत्तेषामाचचक्षे तपस्विनाम् ॥

ityuktvā brāhmaṇānsarvānāmantrayata pāṇḍavaḥ | kāraṇaṃ caiva tatteṣāmācacakṣe tapasvinām

Having said this, the Pandava took leave of all the brahmins and told those ascetics the reason for it.

Note on the text: Corrected तत्तेवाम् → तत्तेषाम् (misprint in Wikisource; “to them”; the critical edition reads tat teṣām).

Verse 11 (3.159.11)

तमुग्रतपसः प्रीताः कृत्वा पार्थं प्रदक्षिणम् । ब्राह्मणास्तेऽन्वमोदन्त शिवेन कुशलेन च ॥

tamugratapasaḥ prītāḥ kṛtvā pārthaṃ pradakṣiṇam | brāhmaṇāste'nvamodanta śivena kuśalena ca

Pleased, those brahmins of fierce austerity walked around Partha, keeping him on their right, and gave him their blessing for a safe and happy journey:

Note on the text: Corrected कुत्वापार्थं → कृत्वा पार्थं (misprint in Wikisource; “having made”; the critical edition reads kṛtvā pārthaṃ).

Verse 12 (3.159.12)

सुखोदर्कमिमं क्लेशमचिराद्भरतर्षभ । क्षत्रधर्मेण धर्मज्ञ तीर्त्वा गां पालयिष्यसि ॥

sukhodarkamimaṃ kleśamacirādbharatarṣabha | kṣatradharmeṇa dharmajña tīrtvā gāṃ pālayiṣyasi

"This hardship will soon turn to happiness, bull of the Bharatas. Knower of dharma, you will come through it by the dharma of a kshatriya and rule the earth."

Verse 13 (3.159.13)

तत्तु राजा वचस्तेषां प्रतिगृह्य तपस्विनाम् । प्रतस्थे सह विप्रैस्तैर्भ्रातृभिश्च परंतपः ॥

tattu rājā vacasteṣāṃ pratigṛhya tapasvinām | pratasthe saha vipraistairbhrātṛbhiśca paraṃtapaḥ

The king, scorcher of foes, accepted the words of those ascetics and set out with the brahmins and his brothers,

Verse 14 (3.159.14)

द्रौपद्या सहितः श्रीमान्हैडिम्बेयादिभिस्तदा । राक्षसैरनुयातो वै लोमशेनाभिरक्षितः ॥

draupadyā sahitaḥ śrīmānhaiḍimbeyādibhistadā | rākṣasairanuyāto vai lomaśenābhirakṣitaḥ

the glorious king, together with Draupadi, followed by the rakshasas led by Hidimba's son (Ghatotkacha) and guarded by Lomasha.

Note on the text: Removed stray wiki quote marks (a backtick and an apostrophe) around the first line.

Verse 15 (3.159.15)

क्वचित्पद्भ्यां ततोऽगच्छद्राक्षसैरुह्यते क्वचित् । तत्रतत्र महातेजा भ्रातृभिः सह सुव्रतः ॥

kvacitpadbhyāṃ tato'gacchadrākṣasairuhyate kvacit | tatratatra mahātejā bhrātṛbhiḥ saha suvrataḥ

In places he went on foot, in places he was carried by the rakshasas; so that splendid man of firm vows went on from place to place with his brothers.

Note on the text: Corrected राक्षसैरुदह्यते → राक्षसैरुह्यते (misprint in Wikisource; a stray द; उह्यते “he is carried”, as the critical edition reads).

Verse 16 (3.159.16)

ततो युधिष्ठिरो राजा बहून्क्लेशान्विचिन्तयन् । सिंहव्याघ्रगजाकीर्णामुदीचीं प्रययौ दिशम् ॥

tato yudhiṣṭhiro rājā bahūnkleśānvicintayan | siṃhavyāghragajākīrṇāmudīcīṃ prayayau diśam

Then King Yudhishthira, pondering his many hardships, journeyed towards the north, a region thronged with lions, tigers and elephants,

Note on the text: Corrected बहुन् → बहून् (misprint in Wikisource; accusative plural needs the long ū; the critical edition reads bahūn).

Verse 17 (3.159.17)

अवेक्षमाणः कैलासं मैनाकं चैव पर्वतम् । गन्धमादनपादांश्च मेरुं चापि शिलोच्चयम् ॥

avekṣamāṇaḥ kailāsaṃ mainākaṃ caiva parvatam | gandhamādanapādāṃśca meruṃ cāpi śiloccayam

gazing at Kailasa and Mount Mainaka, at the foothills of Gandhamadana and at Meru, the great rock,

Note on the text: Corrected अवेमाण → अवेक्षमाणः (misprint in Wikisource; a dropped क्ष and visarga; the critical edition reads avekṣamāṇaḥ).

Verse 18 (3.159.18)

उपर्युपरि शैलस्य बह्वीश्च सरितः शिवाः । पृष्ठं हिमवतः पुण्यं ययौ सप्तदशेऽहनि ॥

uparyupari śailasya bahvīśca saritaḥ śivāḥ | pṛṣṭhaṃ himavataḥ puṇyaṃ yayau saptadaśe'hani

and at the many auspicious rivers higher and higher up the mountain; and on the seventeenth day he reached the holy upland of Himavat.

Note on the text: Corrected बहीश्च → बह्वीश्च (misprint in Wikisource; “many”; the critical edition reads bahvīś ca).

Verse 19 (3.159.19)

ददृशुः पाण्डवा राजन्गन्धमादनमन्तिकम् । पृष्ठे हिमवतः पुण्ये नानाद्रुमलतावृते ॥

dadṛśuḥ pāṇḍavā rājangandhamādanamantikam | pṛṣṭhe himavataḥ puṇye nānādrumalatāvṛte

There on the holy upland of Himavat, covered with many kinds of trees and creepers, the Pandavas saw Gandhamadana close at hand, O king.

Verse 20 (3.159.20)

सलिलावर्तसंजातैः पुष्पितैश्च महीरुहैः । समावृतं पुण्यतममाश्रमं वृषपर्वणः ॥

salilāvartasaṃjātaiḥ puṣpitaiśca mahīruhaiḥ | samāvṛtaṃ puṇyatamamāśramaṃ vṛṣaparvaṇaḥ

There stood the most holy hermitage of Vrishaparvan, surrounded by flowering trees that grew beside eddying waters.

Verse 21 (3.159.21)

तमुपक्रम्य राजर्षिं धर्मात्मानमरिंदमाः । पाण्डवा वृषपर्वाणमवन्दन्त गतक्लमाः ॥

tamupakramya rājarṣiṃ dharmātmānamariṃdamāḥ | pāṇḍavā vṛṣaparvāṇamavandanta gataklamāḥ

Approaching that royal sage, righteous in soul, the Pandavas, tamers of foes, their weariness gone, saluted Vrishaparvan.

Note on the text: Corrected अवदन्त → अवन्दन्त (misprint in Wikisource; a dropped nasal; the Pandavas “saluted” the sage on arrival, as the critical edition reads avandanta).

Verse 22 (3.159.22)

अभ्यनन्दत्स राजर्षिः पुत्रवद्भरतर्षभान् । पूजिताश्चावसंस्तत्रसप्तरात्रमरिंदमाः ॥

abhyanandatsa rājarṣiḥ putravadbharatarṣabhān | pūjitāścāvasaṃstatrasaptarātramariṃdamāḥ

The royal sage welcomed the bulls of the Bharatas as if they were his sons, and, honoured by him, those tamers of foes stayed there seven nights.

Verse 23 (3.159.23)

अष्टमेऽहनि संप्राप्ते तमृषिं लोकविश्रुतम् । आमन्त्र्य वृषपर्वाणं प्रस्थानं प्रत्यरोचयन् ॥

aṣṭame'hani saṃprāpte tamṛṣiṃ lokaviśrutam | āmantrya vṛṣaparvāṇaṃ prasthānaṃ pratyarocayan

When the eighth day came, they took leave of Vrishaparvan, the sage renowned in the worlds, and resolved to set out.

Verse 24 (3.159.24)

एकैकशश्च तान्विप्रान्निवेद्य वृषपर्वणि । न्यासभूतान्यथाकालं बन्धूनिव सुसत्कृतान् । पारिबर्हं चतं शेषं परिदाय महात्मने ॥

ekaikaśaśca tānviprānnivedya vṛṣaparvaṇi | nyāsabhūtānyathākālaṃ bandhūniva susatkṛtān | pāribarhaṃ cataṃ śeṣaṃ paridāya mahātmane

One by one they entrusted those brahmins to Vrishaparvan, as a pledge to be kept until the time came, honoured like kinsmen; and they handed the rest of their baggage over to that great-souled man.

Note on the text: The first two lines are CE 3.155.21; the third line is not in the critical edition (found in the vulgate recension; CE apparatus 3.155.21d*788).

Verse 25 (3.159.25)

ततस्ते यज्ञपात्राणि रत्नान्याभरणानि च । न्यदधुःपाण्डवा राजन्नाश्रमे वृषपर्वणः ॥

tataste yajñapātrāṇi ratnānyābharaṇāni ca | nyadadhuḥpāṇḍavā rājannāśrame vṛṣaparvaṇaḥ

Then, O king, the Pandavas left their sacrificial vessels, their jewels and their ornaments in Vrishaparvan's hermitage.

Verse 26 (3.159.26)

अतीतानागते विद्वान्कुशलः सर्वधर्मवित् । अन्वशासत्स धर्मज्ञः पुत्रवद्भरतर्षभान् ॥

atītānāgate vidvānkuśalaḥ sarvadharmavit | anvaśāsatsa dharmajñaḥ putravadbharatarṣabhān

Wise in what was past and what was to come, skilled and knowing every dharma, that righteous man instructed the bulls of the Bharatas as if they were his sons.

Verse 27 (3.159.27)

तेऽनुज्ञाता महात्मानः प्रययुर्दिशमुत्तराम् । कृष्णया सहिता वीरा ब्राह्मणैश्च महात्मभिः ॥

te'nujñātā mahātmānaḥ prayayurdiśamuttarām | kṛṣṇayā sahitā vīrā brāhmaṇaiśca mahātmabhiḥ

Given leave, the great-souled heroes set out towards the north with Krishna (Draupadi) and the great-souled brahmins.

Note on the text: Corrected कुष्णया → कृष्णया (misprint in Wikisource; “with Krishna (Draupadi)”; the critical edition reads kṛṣṇayā). Removed a stray backtick (wiki mark) before the second line. This verse is CE 3.155.24ab–cd.

Verse 28 (3.159.28)

तान्प्रस्थितानन्वगच्छद्वृषपर्वा महीपतीन् । उपन्यस्य महातेजा विप्रेभ्यः पाण्डवांस्तदा ॥

tānprasthitānanvagacchadvṛṣaparvā mahīpatīn | upanyasya mahātejā viprebhyaḥ pāṇḍavāṃstadā

As the princes set out, Vrishaparvan followed them, and that splendid man commended the Pandavas to the brahmins.

Note on the text: Corrected उपन्यस् → उपन्यस्य (misprint in Wikisource; a dropped य; the Wikisource commentary glosses उपन्यस्य and the critical edition reads upanyasya). This verse is CE 3.155.24e + 3.155.25a (Wikisource divides the lines differently).

Verse 29 (3.159.29)

अनुसंसार्य कौन्तेयानाशीर्भिरभिनन्द्य च । वृषपर्वा निववृतेपन्थानमुपदिश्य च ॥

anusaṃsārya kaunteyānāśīrbhirabhinandya ca | vṛṣaparvā nivavṛtepanthānamupadiśya ca

Having gone some way with the sons of Kunti and blessed them, and having shown them the road, Vrishaparvan turned back.

Note on the text: This verse is CE 3.155.25c–e (Wikisource divides the lines differently); अनुसंसार्य, glossed by the Wikisource commentary, is kept against the critical edition's anusaṃsādhya.

Verse 30 (3.159.30)

नानामृगगणैर्जुष्टं कौन्तेयः सत्यविक्रमः । पदातिर्भ्रातृभिः सार्धं प्रातिष्ठत युधिष्ठिरः ॥

nānāmṛgagaṇairjuṣṭaṃ kaunteyaḥ satyavikramaḥ | padātirbhrātṛbhiḥ sārdhaṃ prātiṣṭhata yudhiṣṭhiraḥ

Yudhishthira son of Kunti, of true valour, set out on foot with his brothers along a way frequented by many kinds of beasts.

Verse 31 (3.159.31)

नानाद्रुमनिरोधेषु वसन्तः शैलसानुषु । पर्वतं विविशुस्ते तं चतुर्थेऽहनि पाण्डवाः ॥

nānādrumanirodheṣu vasantaḥ śailasānuṣu | parvataṃ viviśuste taṃ caturthe'hani pāṇḍavāḥ

Stopping on mountain slopes thick with every kind of tree, the Pandavas entered that mountain on the fourth day.

Verse 32 (3.159.32)

महाभ्रघनसंकाशं सलिलोपहितं शुभम् । मणिकाञ्चनरम्यं च शैलं नानासमुच्छ्रयम् ॥

mahābhraghanasaṃkāśaṃ salilopahitaṃ śubham | maṇikāñcanaramyaṃ ca śailaṃ nānāsamucchrayam

It was like a great mass of clouds, beautiful and rich in waters, lovely with gems and gold, a mountain of many heights —

Verse 33 (3.159.33)

रम्यं हिमवतः प्रस्थं बहुकन्दरनिर्झरम् । शिलाविभङ्गविकटं लतापादपसङ्कुलम् ॥

ramyaṃ himavataḥ prasthaṃ bahukandaranirjharam | śilāvibhaṅgavikaṭaṃ latāpādapasaṅkulam

the lovely upland of Himavat, with many caves and waterfalls, rugged with broken rocks and dense with creepers and trees.

Note on the text: Removed stray wiki quote marks (a backtick and an apostrophe) around the verse. Not in the critical edition (found in the vulgate recension). (CE apparatus 3.155.28d*789, with शिलाविहंगविटपं for शिलाविभङ्गविकटं.)

Verse 34 (3.159.34)

ते समासाद्यपन्थानं यथोक्तं वृषपर्वणा । अनुसस्रुर्यथोद्देशं पश्यन्तो विविधान्नगान् ॥

te samāsādyapanthānaṃ yathoktaṃ vṛṣaparvaṇā | anusasruryathoddeśaṃ paśyanto vividhānnagān

Reaching the path as Vrishaparvan had described it, they followed it as directed, looking at the many kinds of trees.

Note on the text: Corrected यतोक्तं → यथोक्तं (misprint in Wikisource; “as told”; the critical edition reads yathoktaṃ).

Verse 35 (3.159.35)

उपर्युपरि शैलस्य गुहाः परमदुर्गमाः । सुदुर्गमांस्ते सुबहून्सुखेनैवाभिचक्रमुः ॥

uparyupari śailasya guhāḥ paramadurgamāḥ | sudurgamāṃste subahūnsukhenaivābhicakramuḥ

Higher and higher up the mountain were caves most hard to reach; many such places, very hard to pass, they crossed with ease.

Verse 36 (3.159.36)

धौम्यः कृष्णा च पार्थाश्च लोमशश्च महानृषिः । आगच्छन्सहितास्तत्रन कश्चिदपि हीयते ॥

dhaumyaḥ kṛṣṇā ca pārthāśca lomaśaśca mahānṛṣiḥ | āgacchansahitāstatrana kaścidapi hīyate

Dhaumya, Krishna, the Parthas and the great sage Lomasha came there together; not one of them fell behind.

Note on the text: Corrected पार्ताश्च → पार्थाश्च (misprint in Wikisource; “the Parthas”; the critical edition reads pārthāś ca).

Verse 37 (3.159.37)

ते मृगद्विजसंघुष्टं नानाद्रुमलतायुतम् । शाखामृगगणैश्चैव सेवितं सुमनोरमम् ॥

te mṛgadvijasaṃghuṣṭaṃ nānādrumalatāyutam | śākhāmṛgagaṇaiścaiva sevitaṃ sumanoramam

They came to a place loud with the cries of beasts and birds, full of many kinds of trees and creepers, haunted by troops of monkeys and most delightful —

Verse 38 (3.159.38)

पुण्यं पद्मसरोपेतं सपल्वलमहावनम् । उपतस्थुर्महाभागा माल्यवन्तं महागिरिम् ॥

puṇyaṃ padmasaropetaṃ sapalvalamahāvanam | upatasthurmahābhāgā mālyavantaṃ mahāgirim

holy, set with lotus lakes, ponds and great forests: the great mountain Malyavat, which the fortunate heroes now reached.

Note on the text: Corrected माल्यवतं → माल्यवन्तं (misprint in Wikisource; the accusative of माल्यवत् needs the nasal; the critical edition reads mālyavantaṃ).

Verse 39 (3.159.39)

ततः किंपुरुषावासं सिद्धचारणसेवितम् । ददृशुर्हृष्टरोमाणः पर्वतं गन्धमादनम् ॥

tataḥ kiṃpuruṣāvāsaṃ siddhacāraṇasevitam | dadṛśurhṛṣṭaromāṇaḥ parvataṃ gandhamādanam

Then, their hair bristling with joy, they saw Mount Gandhamadana, the dwelling of the Kimpurushas, frequented by Siddhas and Charanas,

Note on the text: Corrected हृषरोमाणाः → हृष्टरोमाणः (misprint in Wikisource; “with hair bristling (with joy)”, nominative plural of -रोमन्; the critical edition reads hṛṣṭaromāṇaḥ).

Verse 40 (3.159.40)

विद्याधरानुचरितं किन्नरीभिस्तथैव च । गजसङ्घसमावासं सिंहव्याघ्रगणायुतम् ॥

vidyādharānucaritaṃ kinnarībhistathaiva ca | gajasaṅghasamāvāsaṃ siṃhavyāghragaṇāyutam

roamed by Vidyadharas and by Kinnari women too, the haunt of herds of elephants, thronged with lions and tigers,

Note on the text: The first line is CE 3.155.35ab; the second line is not in the critical edition (found in the vulgate recension; CE apparatus 3.155.33d*790).

Verse 41 (3.159.41)

शरभोन्नादसंघुष्टं नानामृगनिषेवितम् ॥

śarabhonnādasaṃghuṣṭaṃ nānāmṛganiṣevitam

echoing with the roar of sharabhas and frequented by many kinds of beasts.

Note on the text: Corrected नानमृग → नानामृग (misprint in Wikisource; “many kinds of beasts”; the CE apparatus line reads nānāmṛga). A single line in Wikisource. Not in the critical edition (found in the vulgate recension). (CE apparatus 3.155.35d*791.)

Verse 42 (3.159.42)

ते गन्धमादनवनं तन्नन्दनवनोपमम् । मुदिताः पाण्डुतनया मनोनयननन्दनम् ॥

te gandhamādanavanaṃ tannandanavanopamam | muditāḥ pāṇḍutanayā manonayananandanam

Into that forest of Gandhamadana, like the Nandana grove, a delight to mind and eye, the joyful sons of Pandu

Note on the text: This verse is CE 3.155.36c + 3.155.37a (Wikisource divides the lines differently); the critical edition's 3.155.36ab has no counterpart here.

Verse 43 (3.159.43)

विविशुः क्रमशो वीरा अरण्यं शुभकाननम् । द्रौपदीसहिता वीरास्तैश्च विप्रैर्महात्मभिः ॥

viviśuḥ kramaśo vīrā araṇyaṃ śubhakānanam | draupadīsahitā vīrāstaiśca viprairmahātmabhiḥ

went in step by step, into that wild country of lovely woods — the heroes, with Draupadi and those great-souled brahmins —

Note on the text: This verse is CE 3.155.37c + 3.155.38a (Wikisource divides the lines differently).

Verse 44 (3.159.44)

शृण्वन्तः प्रीतिजननान्वल्गून्मन्दकलाञ्शुभान् । श्रोत्ररम्यान्सुमधुराञ्शब्दान्खगमुखेरितान् ॥

śṛṇvantaḥ prītijananānvalgūnmandakalāñśubhān | śrotraramyānsumadhurāñśabdānkhagamukheritān

hearing the sounds that came from the birds' throats, delightful, sweet, soft and lovely, pleasing to the ear and most melodious,

Note on the text: This verse is CE 3.155.38c–e (Wikisource divides the lines differently).

Verse 45 (3.159.45)

सर्वर्तुफलभाराढ्यान्सर्वर्तुकुसुमोज्ज्वलान् । पश्यन्तः पादपांश्चापि फलभारावनामितान् ॥

sarvartuphalabhārāḍhyānsarvartukusumojjvalān | paśyantaḥ pādapāṃścāpi phalabhārāvanāmitān

and seeing the trees rich with the fruits of every season, bright with the flowers of every season, bowed down by their loads of fruit:

Note on the text: Corrected सर्वर्तुफलभाराञ्यान्सर्वर्तुकुसुमोज्ज्वलाम् → सर्वर्तुफलभाराढ्यान्सर्वर्तुकुसुमोज्ज्वलान् and पादपांस्चापि → पादपांश्चापि (misprints in Wikisource; the adjectives agree with पादपान्, and the critical edition reads phalabhārāḍhyān … kusumojjvalān … pādapāṃś cāpi).

Verse 46 (3.159.46)

आम्रानाम्रातकान्फुल्लान्नारिकेलान्सतिन्दुकान् । मुञ्जातकांस्तथाञ्जीरान्दाडिमान्बीजपूरकान् ॥

āmrānāmrātakānphullānnārikelānsatindukān | muñjātakāṃstathāñjīrāndāḍimānbījapūrakān

mangoes and hog plums in bloom, coconuts and tindukas, munjatakas and figs, pomegranates and citrons;

Verse 47 (3.159.47)

पनसाँल्लिकुचान्मोचाः खर्जूरानम्लवेतसान् । पारावतांस्तथा क्षौद्रान्नीपांश्चापि मनोरमान् ॥

panasām̐llikucānmocāḥ kharjūrānamlavetasān | pārāvatāṃstathā kṣaudrānnīpāṃścāpi manoramān

jackfruits, lakuchas, plantains, date palms and amlavetasas, paravatas, kshaudras and lovely nipas too;

Note on the text: Corrected परावतान् → पारावतान् and क्षौद्रानीपांश्चापि → क्षौद्रान्नीपांश्चापि (misprints in Wikisource; the pārāvata tree, and a dropped न् in क्षौद्रान् नीपान्; the critical edition reads pārāvatāṃs tathā kṣaudrān nīpāṃś cāpi).

Verse 48 (3.159.48)

बिल्वान्कपित्थाञ्जम्बूश्च काश्मरीर्बदरीस्तथा । प्लक्षानुदुम्बरवटानश्वत्थान्क्षीरिकास्तथा ॥

bilvānkapitthāñjambūśca kāśmarīrbadarīstathā | plakṣānudumbaravaṭānaśvatthānkṣīrikāstathā

bilvas, wood-apples, jambus, kashmaris and jujubes; plakshas, udumbaras, banyans, ashvatthas and kshirikas;

Note on the text: Corrected बेल्वान् → बिल्वान्, काश्मरीर्ब्रदरीः → काश्मरीर्बदरीः and पुक्षान् → प्लक्षान् (misprints in Wikisource; the bilva, badarī and plakṣa trees, as the critical edition reads). This verse is CE 3.155.42ab–cd; क्षीरिकाः for kṣīriṇaḥ is a recension variant and is kept.

Verse 49 (3.159.49)

भल्लातकानामलकीर्हरीतकबिभीतकान् । इङ्गुदान्करमर्दांश्च तिन्दुकांश्च महाफलान् ॥

bhallātakānāmalakīrharītakabibhītakān | iṅgudānkaramardāṃśca tindukāṃśca mahāphalān

bhallatakas, amalakis, haritakas and bibhitakas, ingudas, karamardas and tindukas with their large fruit —

Note on the text: Corrected मल्लातकान् → भल्लातकान् and तिन्दुकांश् → तिन्दुकांश्च (misprints in Wikisource; the bhallātaka (marking-nut) tree and a dropped च, as the critical edition reads). This verse is CE 3.155.42e + 3.155.43a (Wikisource divides the lines differently).

Verse 50 (3.159.50)

एतानन्यांश्च विविधान्गन्धमादनसानुषु । फलैरमृतकल्पैस्तानाचितान्स्वादुभिस्तरून् ॥

etānanyāṃśca vividhāngandhamādanasānuṣu | phalairamṛtakalpaistānācitānsvādubhistarūn

these and many other trees on the slopes of Gandhamadana, loaded with sweet fruits like nectar;

Note on the text: Corrected तरूपन् → तरून् (misprint in Wikisource; “trees”; the critical edition reads tarūn). This verse is CE 3.155.43c + 3.155.44a (Wikisource divides the lines differently).

Verse 51 (3.159.51)

तथैव चम्पकाशोकान्केतकान्बकुलांस्तथा । पुन्नागान्सप्तपर्णांश्च कर्णिकारान्सकेतकान् । पाटलान्कुटजान्रम्यान्मन्दारेन्दीवरांस्तथा ॥

tathaiva campakāśokānketakānbakulāṃstathā | punnāgānsaptaparṇāṃśca karṇikārānsaketakān | pāṭalānkuṭajānramyānmandārendīvarāṃstathā

and likewise champakas, ashokas, ketakas and bakulas; punnagas, saptaparnas and karnikaras with ketakas, lovely patalas and kutajas, mandaras and indivaras;

Note on the text: This verse is CE 3.155.44c + 3.155.45a–c (Wikisource divides the lines differently).

Verse 52 (3.159.52)

पारिजातान्कोविदारान्देवदारुद्रुमांस्तथा । शालांस्तालांस्तमालांश्च पिप्पलान्हिङ्गुकांस्तथा ॥

pārijātānkovidārāndevadārudrumāṃstathā | śālāṃstālāṃstamālāṃśca pippalānhiṅgukāṃstathā

parijatas, kovidaras and deodar trees; shalas, palmyras, tamalas, pippalas and hingukas —

Note on the text: Dropped a duplicated line: Wikisource prints पारिजातान्कोविदारान्देवदारुद्रुमांस्तथा twice in succession (a copying error). The verse corresponds to CE 3.155.46ab–cd (with पिप्पलान्हिङ्गुकान् for priyālān bakulān, a recension variant); CE 3.155.46ef has no counterpart here.

Verse 53 (3.159.53)

चकोरैः शतपत्रैश्च भृङ्गराजैस्तथा शुकैः । कोकिलैः कलविङ्कैश्च हारितैर्जीवजीवकैः ॥

cakoraiḥ śatapatraiśca bhṛṅgarājaistathā śukaiḥ | kokilaiḥ kalaviṅkaiśca hāritairjīvajīvakaiḥ

and with chakoras, shatapatras, bhringarajas and parrots, cuckoos, kalavinkas, haritas and jivajivakas,

Note on the text: Corrected शतपत्रैश् → शतपत्रैश्च (misprint in Wikisource; a dropped च; the critical edition reads śatapatraiś ca).

Verse 54 (3.159.54)

प्रियकैश्चातकैश्चैव तथाऽन्यैर्विविधैः खगैः । श्रोत्ररम्यं सुमधुरं कूजद्भिश्चाप्यधिष्ठितान् ॥

priyakaiścātakaiścaiva tathā'nyairvividhaiḥ khagaiḥ | śrotraramyaṃ sumadhuraṃ kūjadbhiścāpyadhiṣṭhitān

priyakas, chatakas and many other birds singing sweetly and pleasantly to the ear — trees thronged with all of these.

Verse 55 (3.159.55)

सरांसि च मनोज्ञानि समन्ताज्जलचारिभिः । कुमुदैः पुण्डरीकैश्च तथा कोकनदोत्पलैः । कह्लारैः कमलैश्चैव आचितानि समन्ततः ॥

sarāṃsi ca manojñāni samantājjalacāribhiḥ | kumudaiḥ puṇḍarīkaiśca tathā kokanadotpalaiḥ | kahlāraiḥ kamalaiścaiva ācitāni samantataḥ

And lovely lakes, with water creatures all around, covered on every side with white water lilies and white lotuses, red lotuses and blue lilies, kahlaras and kamalas,

Note on the text: Corrected तृथा → तथा and कहारैः → कह्लारैः (misprints in Wikisource; “likewise” and the kahlāra lily, as the critical edition reads). The first line differs from the critical edition's (a recension variant) and is kept.

Verse 56 (3.159.56)

कादम्बैश्चक्रवाकैश्च कुररैर्जलकुक्कुटैः । कारण्डवैः प्लवैर्हंसैर्बकैर्मद्गुभिरेव च ॥

kādambaiścakravākaiśca kurarairjalakukkuṭaiḥ | kāraṇḍavaiḥ plavairhaṃsairbakairmadgubhireva ca

with kadamba geese, chakravakas, ospreys and water-hens, karandavas, plavas, swans, herons and cormorants —

Note on the text: This verse is CE 3.155.50ab–cd.

Verse 57 (3.159.57)

एतैश्चान्यैश्च कीर्णानि समन्ताज्जलचारिभिः । हृष्टैस्तथा तामरसरसासवमदालसैः ॥

etaiścānyaiśca kīrṇāni samantājjalacāribhiḥ | hṛṣṭaistathā tāmarasarasāsavamadālasaiḥ

strewn all around with these and other water creatures, glad and languid with the drunkenness of the lotus-nectar wine;

Note on the text: This verse is CE 3.155.50e + 3.155.51a (Wikisource divides the lines differently).

Verse 58 (3.159.58)

पद्मोदरच्युतरजःकिञ्जल्कारुणरञ्जितैः । मञ्जुस्वरैर्मधुकरैर्विरुतान्कमलाकरान् ॥

padmodaracyutarajaḥkiñjalkāruṇarañjitaiḥ | mañjusvarairmadhukarairvirutānkamalākarān

and lotus pools ringing with sweet-voiced bees reddened by the pollen and filaments fallen from the lotus hearts —

Note on the text: This verse is CE 3.155.51c + 3.155.52a (Wikisource divides the lines differently).

Verse 59 (3.159.59)

अपश्यंस्ते नरव्याघ्रा गन्धमादनसानुषु । तथैव पद्मषण्डैश्च मण्डितांश्च समन्ततः ॥

apaśyaṃste naravyāghrā gandhamādanasānuṣu | tathaiva padmaṣaṇḍaiśca maṇḍitāṃśca samantataḥ

all this those tigers among men saw on the slopes of Gandhamadana. And likewise, amid the clusters of lotus that adorned the place all around,

Note on the text: This verse is CE 3.155.52c + 3.155.53a (Wikisource divides the lines differently).

Verse 60 (3.159.60)

शिखण्डिनीभिः सहिताँल्लतामण्डलकेषु च । मेघतूर्यरवोद्दाममदनाकुलितान्भृशम् ॥

śikhaṇḍinībhiḥ sahitām̐llatāmaṇḍalakeṣu ca | meghatūryaravoddāmamadanākulitānbhṛśam

in bowers of creepers, with their peahens beside them, wildly stirred with passion by the drum-roll of the clouds,

Note on the text: This verse is CE 3.155.53c–e (Wikisource divides the lines differently).

Verse 61 (3.159.61)

कृत्वैव केकामधुरं संगीतं मधुरस्वरम् । चित्रान्कलापान्विस्तीर्य सविलासान्मदालसान् ॥

kṛtvaiva kekāmadhuraṃ saṃgītaṃ madhurasvaram | citrānkalāpānvistīrya savilāsānmadālasān

raising their sweet cries in melodious song, spreading their bright tails, playful and languid with passion,

Note on the text: This verse is CE 3.155.54ab–cd.

Verse 62 (3.159.62)

मयूरान्ददृशुर्हृष्टान्नृत्यतो वनलालसान् । कांश्चित्प्रियाभिः सहितान्रममाणान्कलापिनः ॥

mayūrāndadṛśurhṛṣṭānnṛtyato vanalālasān | kāṃścitpriyābhiḥ sahitānramamāṇānkalāpinaḥ

they saw peacocks dancing joyfully, revelling in the forest; and some peacocks sporting with their mates.

Note on the text: This verse is CE 3.155.54e + 3.155.55a (Wikisource divides the lines differently; its second line is a recension variant).

Verse 63 (3.159.63)

वल्लीलतासंकटेषु कुटजेषु स्थितांस्तथा । कांश्चिच्च कुटजानां तु विटपेषूत्कटानिव ॥

vallīlatāsaṃkaṭeṣu kuṭajeṣu sthitāṃstathā | kāṃścicca kuṭajānāṃ tu viṭapeṣūtkaṭāniva

Others sat on kutaja trees in thickets tangled with vines and creepers, and some perched high on the boughs of the kutajas,

Note on the text: This verse is CE 3.155.55c + 3.155.56a (Wikisource divides the lines differently; recension variants).

Verse 64 (3.159.64)

कलापरुचिराटोपनिचितान्मुकुटानिव । विवरेषु तरूणां च रुचिरान्ददृशुश्च ते ॥

kalāparucirāṭopanicitānmukuṭāniva | vivareṣu tarūṇāṃ ca rucirāndadṛśuśca te

like crowns heaped with the splendid spread of their tails; and in the hollows of the trees, too, they saw beautiful ones.

Note on the text: This verse is CE 3.155.56c–e (Wikisource divides the lines differently).

Verse 65 (3.159.65)

सिन्धुवारांस्तथोदारान्मन्मथस्येव तोमरान् । सुवर्णवर्णकुसुमान्गिरीणां शिखरेषु च । कर्णिकारान्विकसितान्कर्णपूरानिवोत्तमान् ॥

sindhuvārāṃstathodārānmanmathasyeva tomarān | suvarṇavarṇakusumāngirīṇāṃ śikhareṣu ca | karṇikārānvikasitānkarṇapūrānivottamān

They saw splendid sinduvaras, like the lances of Manmatha, and on the mountain peaks karnikaras in full bloom with golden flowers, like the finest ear ornaments.

Note on the text: Corrected सिखरेषु → शिखरेषु (misprint in Wikisource; “on the peaks”; the critical edition reads śikhareṣu). This verse is CE 3.155.57ab–cd + 3.155.58a (Wikisource divides the lines differently).

Verse 66 (3.159.66)

तथाऽपश्यन्कुरबकान्वनराजिषु पुष्पितान् । कामवश्यौत्सुक्यकरान्कामस्येव शरोत्करान् ॥

tathā'paśyankurabakānvanarājiṣu puṣpitān | kāmavaśyautsukyakarānkāmasyeva śarotkarān

So too they saw kurabakas flowering along the forest rows, like volleys of Kama's arrows, stirring longing in those who are in the power of desire.

Note on the text: This verse is CE 3.155.58c–e.

Verse 67 (3.159.67)

तथैव वनराजीनामुदारान्रचितानिव । विराजमानांस्तेऽपश्यंस्तिलकांस्तिलकानिव ॥

tathaiva vanarājīnāmudārānracitāniva | virājamānāṃste'paśyaṃstilakāṃstilakāniva

Likewise they saw tilaka trees shining like tilaka marks splendidly set upon the forest rows.

Verse 68 (3.159.68)

तथानङ्गशराकारान्सहकारान्मनोरमान् । अपश्यन्भ्रामरान्राजन्मञ्जरीभिर्विराजितान् ॥

tathānaṅgaśarākārānsahakārānmanoramān | apaśyanbhrāmarānrājanmañjarībhirvirājitān

And they saw lovely mango trees shaped like the arrows of the bodiless god (Kama), humming with bees, O king, and gleaming with clusters of blossom.

Verse 69 (3.159.69)

हिरण्यसदृशैः पुष्पैर्दावाग्निसदृशैरपि । लोहितैरञ्जनाभैश्च वैदूर्यसदृशैरपि । अतीव वृक्षा राजन्ते पुष्पिताः शैलसानुषु ॥

hiraṇyasadṛśaiḥ puṣpairdāvāgnisadṛśairapi | lohitairañjanābhaiśca vaidūryasadṛśairapi | atīva vṛkṣā rājante puṣpitāḥ śailasānuṣu

With flowers like gold and like forest fire, red, dark as collyrium and like beryl, the trees in bloom shone exceedingly on the mountain slopes.

Note on the text: Corrected पुष्यैः → पुष्पैः (misprint in Wikisource; “with flowers”; the critical edition reads puṣpair). The first two lines are CE 3.155.61; the third line is CE 3.155.67e.

Verse 70 (3.159.70)

तथा सालांस्तमालांश्च पाटलाबकुलानपि । माला इव समासक्ताः शैलानां शिखरेषु च ॥

tathā sālāṃstamālāṃśca pāṭalābakulānapi | mālā iva samāsaktāḥ śailānāṃ śikhareṣu ca

So too salas and tamalas, patalas and bakulas clung to the mountain peaks like garlands.

Verse 71 (3.159.71)

विमलस्फाटिकाभानि पाण्डुरच्छदनैर्द्विजैः । कलहंसैरुपेतानि सारसाभिरुतानि च ॥

vimalasphāṭikābhāni pāṇḍuracchadanairdvijaiḥ | kalahaṃsairupetāni sārasābhirutāni ca

Lakes clear as spotless crystal, visited by white-winged birds and kalahamsa geese and ringing with the calls of cranes —

Note on the text: This verse is CE 3.155.66ab–cd (its second line a recension variant).

Verse 72 (3.159.72)

सरांसि बहुशः पार्थाः पश्यन्तः शैलसानुषु । पद्मोत्पलविमिश्राणि सुखशीतजलानि च ॥

sarāṃsi bahuśaḥ pārthāḥ paśyantaḥ śailasānuṣu | padmotpalavimiśrāṇi sukhaśītajalāni ca

many such lakes the Parthas saw on the mountain slopes, mingled with lotuses and lilies, their waters pleasantly cool.

Note on the text: Corrected पार्था → पार्थाः (misprint in Wikisource; the visarga cannot drop before प; the critical edition reads pārthāḥ). This verse corresponds to CE 3.155.66e + 3.155.67a (Wikisource divides the lines differently; recension variants).

Verse 73 (3.159.73)

एवं क्रमेण ते वीरा वीक्षमाणाः समन्ततः । गन्धवन्त्यथ माल्यानि रसवन्ति फलानि च ॥

evaṃ krameṇa te vīrā vīkṣamāṇāḥ samantataḥ | gandhavantyatha mālyāni rasavanti phalāni ca

So, step by step, the heroes went on, gazing all around at fragrant garlands of blossom and juicy fruits,

Note on the text: Corrected गन्वन्त्यथ → गन्धवन्त्यथ (misprint in Wikisource; a dropped ध; गन्धवन्ति “fragrant”, as the critical edition reads gandhavanti). The first line is CE 3.155.63a; the second line is CE 3.155.67c.

Verse 74 (3.159.74)

सरांसि च मनोज्ञानि वृक्षांश्चातिमनोरमान् । विविशुः पाण्डवाः सर्वेविस्मयोत्फुल्ललोचनाः ॥

sarāṃsi ca manojñāni vṛkṣāṃścātimanoramān | viviśuḥ pāṇḍavāḥ sarvevismayotphullalocanāḥ

at lovely lakes and most delightful trees; and all the Pandavas went in, their eyes wide with wonder,

Note on the text: Not in the critical edition (found in the vulgate recension). (CE apparatus 3.155.67d*795, lines 1–2.)

Verse 75 (3.159.75)

कमलोत्पलकह्लारपुण्डरीकसुगन्धिना । सेव्यमाना वने तस्मिन्सुखस्पर्शेन वायुना ॥

kamalotpalakahlārapuṇḍarīkasugandhinā | sevyamānā vane tasminsukhasparśena vāyunā

fanned in that forest by a breeze pleasant to the touch, fragrant with lotuses, lilies, kahlaras and white lotuses.

Note on the text: Corrected तस्मन् → तस्मिन् (misprint in Wikisource; “in that”; the CE apparatus line reads tasmin). Not in the critical edition (found in the vulgate recension). (CE apparatus 3.155.67d*795, lines 3–4.)

Verse 76 (3.159.76)

ततो युधिष्ठिरो भीममाहेदं प्रीतिमद्वचः । अहो श्रीमदिदं भीम गन्धमादनकाननम् ॥

tato yudhiṣṭhiro bhīmamāhedaṃ prītimadvacaḥ | aho śrīmadidaṃ bhīma gandhamādanakānanam

Then Yudhishthira spoke these affectionate words to Bhima: "Ah, Bhima, how glorious is this forest of Gandhamadana!

Note on the text: Not in the critical edition (found in the vulgate recension). (CE apparatus 3.155.67d*795, line 5, and *796.)

Verse 77 (3.159.77)

वने ह्यस्मिन्मनोरम्ये दिव्याः काननजा द्रुमाः । लताश्च विविधाकाराः पत्रपुष्पफलोपगाः । भान्त्येते पुष्पविकचाः पुंस्कोकिलकुलाकुलाः ॥

vane hyasminmanoramye divyāḥ kānanajā drumāḥ | latāśca vividhākārāḥ patrapuṣpaphalopagāḥ | bhāntyete puṣpavikacāḥ puṃskokilakulākulāḥ

"In this delightful wood the forest trees are divine, and the creepers of many shapes are laden with leaves, flowers and fruit; full of blossom, they shine, thronged with flocks of male cuckoos.

Note on the text: Corrected ह्मस्मिन् → ह्यस्मिन् and दिव्या → दिव्याः (misprints in Wikisource; ह्य for ह्म, and the visarga cannot drop before क). The first line is a recension variant of CE 3.155.68a, the second line is CE 3.155.68c, and the third line is not in the critical edition (found in the vulgate recension; CE apparatus 3.155.68d*797).

Verse 78 (3.159.78)

नात्र कण्टकिनः केचिन्न च विद्यन्त्यपुष्पिताः । स्निग्धपत्रफला वृक्षा गन्धमादनसानुषु ॥

nātra kaṇṭakinaḥ kecinna ca vidyantyapuṣpitāḥ | snigdhapatraphalā vṛkṣā gandhamādanasānuṣu

"No tree here is thorny, and none is without flowers; the trees on the slopes of Gandhamadana have glossy leaves and fruit.

Note on the text: This verse is CE 3.155.65c–e (its first line a recension variant).

Verse 79 (3.159.79)

भ्रमरारावमधुरा नलिनीः फुल्लपङ्कजाः । विलोड्यमानाः पश्येमाः करिभिः सकरेणुभिः ॥

bhramarārāvamadhurā nalinīḥ phullapaṅkajāḥ | viloḍyamānāḥ paśyemāḥ karibhiḥ sakareṇubhiḥ

"Look at these lotus pools, sweet with the hum of bees, their lotuses in full bloom, churned up by elephants and their mates.

Note on the text: Corrected विलोड्यमाना → विलोड्यमानाः (misprint in Wikisource; the visarga cannot drop before प; the CE apparatus line reads viloḍyamānāḥ). Not in the critical edition (found in the vulgate recension). (CE apparatus 3.155.65f*793, lines 1–2.)

Verse 80 (3.159.80)

पश्येमां नलिनीं चान्यां कमलोत्पलमालिनीम् । स्रग्धरां विग्रहवतीं साक्षाच्छ्रियमिवापराम् ॥

paśyemāṃ nalinīṃ cānyāṃ kamalotpalamālinīm | sragdharāṃ vigrahavatīṃ sākṣācchriyamivāparām

"Look at this other pool too, garlanded with lotuses and lilies, like a second Shri in bodily form, wearing a garland.

Note on the text: Not in the critical edition (found in the vulgate recension). (CE apparatus 3.155.65f*793, lines 3–4.)

Verse 81 (3.159.81)

नानाकुसुमगन्धाढ्यास्तस्येमाः काननोत्तमे । उपगीयमाना भ्रमरै राजन्ते वनराजयः ॥

nānākusumagandhāḍhyāstasyemāḥ kānanottame | upagīyamānā bhramarai rājante vanarājayaḥ

"Rich in the scent of many flowers, the rows of trees in this finest forest of the mountain shine, sung to by the bees.

Note on the text: Not in the critical edition (found in the vulgate recension). (CE apparatus 3.155.65f*793, lines 5–6.)

Verse 82 (3.159.82)

पश्य भीम शुभान्देशान्देवाक्रीडान्समन्ततः । अमानुषगतिं प्राप्ताः संसिद्धाः स्म वृकोदर ॥

paśya bhīma śubhāndeśāndevākrīḍānsamantataḥ | amānuṣagatiṃ prāptāḥ saṃsiddhāḥ sma vṛkodara

"Look, Bhima, at the lovely places all around, the playgrounds of the gods. We have reached a realm beyond the reach of men; we have attained our goal, Vrikodara.

Verse 83 (3.159.83)

लताभिः पुष्पिताग्राभिः पुष्पिताः पादपोत्तमाः । संश्लिष्टाः पार्थ शोभन्ते गन्धमादनसानुषु ॥

latābhiḥ puṣpitāgrābhiḥ puṣpitāḥ pādapottamāḥ | saṃśliṣṭāḥ pārtha śobhante gandhamādanasānuṣu

"The finest trees, themselves in flower and entwined with creepers blossoming at their tips, shine on the slopes of Gandhamadana, Partha.

Verse 84 (3.159.84)

शिखण्डिनीभिश्चरतां सहितानां शिखण्डिनाम् । नदतां शृणु निर्घोषं भीम पर्वतसानुषु ॥

śikhaṇḍinībhiścaratāṃ sahitānāṃ śikhaṇḍinām | nadatāṃ śṛṇu nirghoṣaṃ bhīma parvatasānuṣu

"Listen, Bhima, to the cries of the peacocks calling on the mountain slopes as they roam together with their peahens.

Verse 85 (3.159.85)

चकोराः शतपत्राश्च मत्तकोकिलशारिकाः । पत्रिणः पुष्पितानेतान्संपतन्ति महाद्रुमान् ॥

cakorāḥ śatapatrāśca mattakokilaśārikāḥ | patriṇaḥ puṣpitānetānsaṃpatanti mahādrumān

"Chakoras, shatapatras, maddened cuckoos and mynas — these winged creatures swoop down upon the great flowering trees.

Verse 86 (3.159.86)

रक्तपीतारुणाः पार्थ पादपाग्रगताः खगाः । परस्परमुदीक्षन्ते बहवो जीवजीवकाः ॥

raktapītāruṇāḥ pārtha pādapāgragatāḥ khagāḥ | parasparamudīkṣante bahavo jīvajīvakāḥ

"Red, yellow and crimson birds perched on the treetops, Partha — many jivajivakas — gaze at one another.

Note on the text: Corrected उदीन्ते → उदीक्षन्ते (misprint in Wikisource; a dropped क्ष; “they gaze”, as the critical edition reads udīkṣante).

Verse 87 (3.159.87)

हरितारुणवर्णानां शाड्वलानां समीपतः । सारसाः प्रतिदृश्यन्ते शैलप्रस्रवणेष्वपि ॥

haritāruṇavarṇānāṃ śāḍvalānāṃ samīpataḥ | sārasāḥ pratidṛśyante śailaprasravaṇeṣvapi

"Near the green and russet meadows, and by the mountain springs as well, cranes can be seen.

Verse 88 (3.159.88)

वदन्ति मधुरा वाचः सर्वभूतमनोरमाः । भृङ्गराजोपचक्राश्च लोहपृष्ठाः पतत्रिणः ॥

vadanti madhurā vācaḥ sarvabhūtamanoramāḥ | bhṛṅgarājopacakrāśca lohapṛṣṭhāḥ patatriṇaḥ

"Bhringarajas, upachakras and lohaprishthas — these winged birds utter sweet notes that delight all creatures.

Verse 89 (3.159.89)

चतुर्विषाणाः पद्माभाः कुञ्जराः सकरेणवः । एते वैडूर्यवर्णाभं क्षोभयन्ति महत्सरः ॥

caturviṣāṇāḥ padmābhāḥ kuñjarāḥ sakareṇavaḥ | ete vaiḍūryavarṇābhaṃ kṣobhayanti mahatsaraḥ

"These four-tusked elephants, lotus-hued, with their mates, are churning up the great lake that gleams like beryl.

Verse 90 (3.159.90)

बहुतालसमुत्सेधाः शैलशृङ्गपरिच्युताः । नानाप्रस्रवणेभ्यश्च वारिधाराः पतन्ति च ॥

bahutālasamutsedhāḥ śailaśṛṅgaparicyutāḥ | nānāprasravaṇebhyaśca vāridhārāḥ patanti ca

"Streams of water as tall as many palm trees fall from the mountain peaks and pour down from many springs.

Note on the text: Corrected समुत्सेघाः → समुत्सेधाः (misprint in Wikisource; “in height”; the critical edition reads samutsedhāḥ).

Verse 91 (3.159.91)

भास्कराभप्रभा भीमाः शारदाभ्रघनोपमाः । शोभयन्ति महाशैलं नानारजतधातवः ॥

bhāskarābhaprabhā bhīmāḥ śāradābhraghanopamāḥ | śobhayanti mahāśailaṃ nānārajatadhātavaḥ

"Many silver ores, gleaming like the sun, awesome, like dense autumn clouds, adorn the great mountain.

Verse 92 (3.159.92)

क्वचिदञ्जनवर्णाभाः क्वचित्काञ्चनसन्निभाः । धातवो हरितालस्य क्वचिद्धिङ्गुलकस्य च ॥

kvacidañjanavarṇābhāḥ kvacitkāñcanasannibhāḥ | dhātavo haritālasya kvaciddhiṅgulakasya ca

"In places they are the colour of collyrium, in places like gold; there are ores of orpiment, and in places of cinnabar.

Verse 93 (3.159.93)

मनःशिलागुहाश्चैव संध्याभ्रनिकरोपमाः । शशलोहितवर्णाभाः क्वचिद्गैरिकधातवः ॥

manaḥśilāguhāścaiva saṃdhyābhranikaropamāḥ | śaśalohitavarṇābhāḥ kvacidgairikadhātavaḥ

"There are caves of realgar like banks of twilight cloud, and in places red-ochre ores the colour of hare's blood.

Verse 94 (3.159.94)

सितासिताभ्रप्रतिमा बालसूर्यसमप्रभाः । एते बहुविधाः शैलं शोभयन्ति महाप्रभाः ॥

sitāsitābhrapratimā bālasūryasamaprabhāḥ | ete bahuvidhāḥ śailaṃ śobhayanti mahāprabhāḥ

"Like white and dark clouds, bright as the rising sun, these many kinds of ores, of great brilliance, adorn the mountain.

Verse 95 (3.159.95)

गन्धर्वाः सह कान्ताभिर्यथेष्टं भीमविक्रमाः । दृश्यन्ते शैलशृङ्गेषु पार्थ किंपुरुषैः सह ॥

gandharvāḥ saha kāntābhiryatheṣṭaṃ bhīmavikramāḥ | dṛśyante śailaśṛṅgeṣu pārtha kiṃpuruṣaiḥ saha

"Gandharvas of fearsome valour, with their beloveds, are seen at their pleasure on the mountain peaks, Partha, together with the Kimpurushas.

Verse 96 (3.159.96)

गीतानां समतालानां तथासाम्नां च निःस्वनः । श्रूयते बहुधा भीम सर्वभूतमनोहरः ॥

gītānāṃ samatālānāṃ tathāsāmnāṃ ca niḥsvanaḥ | śrūyate bahudhā bhīma sarvabhūtamanoharaḥ

"The sound of songs in even rhythm, and of Saman chants, is heard on every side, Bhima, enchanting all creatures.

Note on the text: Corrected निःखनः → निःस्वनः (misprint in Wikisource; “sound”; ख for स्व, the critical edition reads nisvanaḥ).

Verse 97 (3.159.97)

महागङ्गामुदीक्षस्व पुण्यां देवनदीं शुभाम् । कलहंसगणैर्जुष्टामृषिकिन्नरसेविताम् ॥

mahāgaṅgāmudīkṣasva puṇyāṃ devanadīṃ śubhām | kalahaṃsagaṇairjuṣṭāmṛṣikinnarasevitām

"Behold the great Ganga, the holy and auspicious river of the gods, frequented by flocks of kalahamsa geese and visited by sages and Kinnaras.

Note on the text: Corrected उदीक्षख → उदीक्षस्व (misprint in Wikisource; “behold”; ख for स्व, the critical edition reads udīkṣasva).

Verse 98 (3.159.98)

धातुभिश्च सरिद्भिश्च किन्नरैर्मृगपक्षिभिः । गन्धर्वैरप्सरोभिश्च काननैश्च मनोरमैः ॥

dhātubhiśca saridbhiśca kinnarairmṛgapakṣibhiḥ | gandharvairapsarobhiśca kānanaiśca manoramaiḥ

"With ores and rivers, Kinnaras, beasts and birds, Gandharvas and Apsarases and delightful woods,

Verse 99 (3.159.99)

व्यालैश्च विविधाकारैः शतशीर्षैः समन्ततः । उपेतं पश्य कौन्तेय शैलराजमरिंदम ॥

vyālaiśca vividhākāraiḥ śataśīrṣaiḥ samantataḥ | upetaṃ paśya kaunteya śailarājamariṃdama

"and with hundred-headed serpents of many forms all around — see, son of Kunti, tamer of foes, how richly the king of mountains is furnished."

Verse 100 (3.159.100)

ते प्रीतमनसः शूराः प्राप्ता गतिमनुत्तमाम् । नातृप्यन्पर्वतेन्द्रस्य दर्शनेन परंतपाः ॥

te prītamanasaḥ śūrāḥ prāptā gatimanuttamām | nātṛpyanparvatendrasya darśanena paraṃtapāḥ

Glad at heart, the heroes, scorchers of foes, having reached that supreme place, could not have their fill of gazing at the lord of mountains.

Verse 101 (3.159.101)

उपेतमथ माल्यैश्च फलवद्भिश्च पादपैः । आर्ष्टिषेणस्य राजर्षेराश्रमं ददृशुस्तदा ॥

upetamatha mālyaiśca phalavadbhiśca pādapaiḥ | ārṣṭiṣeṇasya rājarṣerāśramaṃ dadṛśustadā

Then they saw the hermitage of the royal sage Arshtishena, set about with garlands of blossom and fruit-bearing trees.

Note on the text: Corrected आर्ष्टिपेणस् → आर्ष्टिषेणस्य (misprint in Wikisource; प for ष and a dropped य; the critical edition reads ārṣṭiṣeṇasya).

Verse 102 (3.159.102)

ततस्ते तिग्मतपसं कृशं धमनिसंततम् । पारगं सर्वविद्यानामार्ष्टिषेणमुपागमन् ॥

tataste tigmatapasaṃ kṛśaṃ dhamanisaṃtatam | pāragaṃ sarvavidyānāmārṣṭiṣeṇamupāgaman

Then they approached Arshtishena, a man of fierce austerity, lean, his veins standing out, who had mastered every branch of learning.