Bhima Slays Jatasura

Verse 1 (3.158.1)

ततस्तान्परिविश्वस्तान्वसतस्तत्र पाण्डवान् । पर्वतेन्द्रे द्विजैः सार्धं पार्थागमनकाङ्क्षया ॥

tatastānpariviśvastānvasatastatra pāṇḍavān | parvatendre dvijaiḥ sārdhaṃ pārthāgamanakāṅkṣayā

Then the Pandavas lived there on that king of mountains with the brahmins, trusting and at ease, longing for Partha's return.

Note on the text: Removed stray wiki marks ([ ], ।।) around the second line, and corrected पार्तागमनकाङ्क्षया → पार्थागमनकाङ्क्षया (misprint in Wikisource; the critical edition's apparatus reads pārthāgamana-). The first line is CE 3.154.1ab; the second line is not in the critical edition's text (its apparatus has it as 3.154.1b*0770).

Verse 2 (3.158.2)

गतेषु तेषु रक्षःसु भीमसेनात्मजेऽपि च । रहितान्भीमसेनेन कदाचित्तान्यदृच्छया । जहार धर्मराजं वै यमौ कृष्णां च राक्षसः ॥

gateṣu teṣu rakṣaḥsu bhīmasenātmaje'pi ca | rahitānbhīmasenena kadācittānyadṛcchayā | jahāra dharmarājaṃ vai yamau kṛṣṇāṃ ca rākṣasaḥ

When those rakshasas had gone, and Bhimasena's son too, a rakshasa one day, finding them by chance without Bhimasena, carried off the King of Dharma, the twins and Krishna.

Note on the text: Corrected रहितान्मीमसेनेन → रहितान्भीमसेनेन (misprint in Wikisource; म for भ, the critical edition reads bhīmasenena). The first line is CE 3.154.1cd; the other two lines match CE 3.154.2.

Verse 3 (3.158.3)

ब्रह्मन्कथं धर्मराजं यमौ कृष्णां च राक्षसः । जहार चित्रं भीमश्च गतो राक्षसकण्टकः । वक्तुमर्हसि विप्राग्र्य व्यक्तमेतन्ममाऽनघ ॥

brahmankathaṃ dharmarājaṃ yamau kṛṣṇāṃ ca rākṣasaḥ | jahāra citraṃ bhīmaśca gato rākṣasakaṇṭakaḥ | vaktumarhasi viprāgrya vyaktametanmamā'nagha

O brahmin, how did a rakshasa carry off the King of Dharma, the twins and Krishna? It is a wonder! And where had Bhima, the thorn in the side of rakshasas, gone? O best of brahmins, O sinless one, you should tell me this clearly.

Note on the text: Removed the speaker heading जनमेजय उवाच (with a stray backtick) that had slipped into the verse text; Janamejaya is now the speaker. Not in the critical edition (found in the vulgate recension); the critical edition records it in its apparatus as 3.154.2d*0772.

Verse 4 (3.158.4)

ब्राह्मणो मन्त्रकुशलः सर्वास्त्रेष्वस्त्रवित्तमः । इति ब्रुवन्पाण्डवेयान्पर्युपास्ते स्म नित्यदा । परीप्समानः पार्थानां कलापांश्च धनूंषि च ॥

brāhmaṇo mantrakuśalaḥ sarvāstreṣvastravittamaḥ | iti bruvanpāṇḍaveyānparyupāste sma nityadā | parīpsamānaḥ pārthānāṃ kalāpāṃśca dhanūṃṣi ca

Saying, "I am a brahmin skilled in mantras, the greatest master of all weapons," he had constantly waited upon the Pandavas, eager to lay hands on the quivers and bows of the sons of Pritha,

Note on the text: Removed the speaker heading वैशंपायन उवाच (with a stray quote mark) that had slipped into the verse text; Vaishampayana resumes as speaker. The first two lines match CE 3.154.3; the third corresponds to CE 3.154.4ab (where the critical edition reads parīkṣamāṇaḥ … kalāpāni).

Verse 5 (3.158.5)

अन्तरं संपरिप्रेप्सुर्द्रौपद्या हरणं प्रति । दुष्टात्मा पापबुद्धिः स नाम्ना ख्यातो जटासुरः ॥

antaraṃ saṃpariprepsurdraupadyā haraṇaṃ prati | duṣṭātmā pāpabuddhiḥ sa nāmnā khyāto jaṭāsuraḥ

and watching for an opening to carry off Draupadi. That wicked and evil-minded one was known by the name of Jatasura.

Note on the text: Corresponds to CE 3.154.4cd (antaraṃ samabhiprepsur … nāmnā khyāto jaṭāsuraḥ); the words द्रौपद्या हरणं प्रति and दुष्टात्मा पापबुद्धिः स are not in the critical edition's text (its apparatus has them as 3.154.4c*0774).

Verse 6 (3.158.6)

पोषणं तस्य राजेन्द्र चक्रे पाण्डवनन्दनः । बुबुधे न च तं पापं भस्मच्छन्नमिवानलम् ॥

poṣaṇaṃ tasya rājendra cakre pāṇḍavanandanaḥ | bubudhe na ca taṃ pāpaṃ bhasmacchannamivānalam

O lord of kings, the delight of the Pandavas provided for his keep and did not recognise that evil one, who was like a fire hidden under ash.

Note on the text: Removed a stray wiki bracket ([) and corrected तस् राजेनद्र → तस्य राजेन्द्र (misprints in Wikisource; a dropped akshara and a broken conjunct, the critical edition's apparatus reads tasya rājendra). Not in the critical edition (found in the vulgate recension); the critical edition records it in its apparatus as 3.154.4d*0775.

Verse 7 (3.158.7)

स भीमसेने निष्क्रान्ते मृगयार्थमरिंदमे । घटोत्कचं सानुचरं दृष्ट्वा विप्रद्रुतं दिशः ॥

sa bhīmasene niṣkrānte mṛgayārthamariṃdame | ghaṭotkacaṃ sānucaraṃ dṛṣṭvā vipradrutaṃ diśaḥ

When Bhimasena, tamer of foes, had gone out to hunt, and seeing Ghatotkacha and his followers scattered in all directions,

Note on the text: Removed a stray wiki bracket ([). The first line is CE 3.154.5ab; the second line is not in the critical edition's text (its apparatus has it as 3.154.5b*0776).

Verse 8 (3.158.8)

लोमशप्रभृतींस्तांस्तु महर्षींश्च समाहितान् । स्नातुं विनिर्गतान्दृष्ट्वा पुष्पार्थं च तपोधनान् ॥

lomaśaprabhṛtīṃstāṃstu maharṣīṃśca samāhitān | snātuṃ vinirgatāndṛṣṭvā puṣpārthaṃ ca tapodhanān

and seeing Lomasha and the other great seers, those ascetics of collected mind, gone out to bathe and to gather flowers,

Note on the text: Removed a stray wiki bracket (]) and corrected महर्षीश्च → महर्षींश्च (misprint in Wikisource; the accusative needs the anusvara, the critical edition's apparatus reads maharṣīṃś ca). Not in the critical edition (found in the vulgate recension); the critical edition records it in its apparatus as 3.154.5b*0776.

Verse 9 (3.158.9)

रूपमन्यत्समास्थाय विकृतं भैरवं महत् । गृहीत्वा सर्वशस्त्राणि द्रौपदीं परिगृह्य च । प्रातिष्ठत सुदुष्टात्मा त्रीन्गृहीत्वा च पाण्डवान् ॥

rūpamanyatsamāsthāya vikṛtaṃ bhairavaṃ mahat | gṛhītvā sarvaśastrāṇi draupadīṃ parigṛhya ca | prātiṣṭhata suduṣṭātmā trīngṛhītvā ca pāṇḍavān

he took on another form, huge, misshapen and terrifying, seized all the weapons, grabbed Draupadi and set off, that utterly wicked one, carrying the three Pandavas as well.

Note on the text: The first line is CE 3.154.5cd; the other two lines match CE 3.154.6.

Verse 10 (3.158.10)

सहदेवस्तु यत्नेन ततोऽपक्रम्य पाण्डवः । विक्रम्य कौशिकं खड्गं मोक्षयित्वा ग्रहं रिपोः । आक्रन्दद्भीमसेनं वै येन यातो महाबलः ॥

sahadevastu yatnena tato'pakramya pāṇḍavaḥ | vikramya kauśikaṃ khaḍgaṃ mokṣayitvā grahaṃ ripoḥ | ākrandadbhīmasenaṃ vai yena yāto mahābalaḥ

But Sahadeva the Pandava, struggling, broke away from him; with a show of strength he freed himself from his enemy's grip, drew his sword from its sheath and shouted for Bhimasena in the direction the mighty one had gone.

Note on the text: Restored from the critical edition (3.154.7ab): Wikisource has lost the verse's first line (सहदेवस्तु यत्नेन ततोऽपक्रम्य पाण्डवः), leaving the shout for Bhima without a subject; Sahadeva's escape is confirmed by verses 29 and 36. Removed stray wiki brackets ([ ]) around the middle line and corrected खङ्गं → खड्गं and आक्रन्दद्भीमसेन → आक्रन्दद्भीमसेनं (misprints in Wikisource; the critical edition reads khaḍgaṃ and bhīmasenaṃ). The middle line is not in the critical edition's text (its apparatus has it as 3.154.7b*0777).

Verse 11 (3.158.11)

तमब्रवीद्धर्मराजो ह्रियमाणो युधिष्ठिरः । धर्मस्ते हीयते मूढ न चैनं समवेक्षसे ॥

tamabravīddharmarājo hriyamāṇo yudhiṣṭhiraḥ | dharmaste hīyate mūḍha na cainaṃ samavekṣase

As he was being carried off, Yudhishthira, the King of Dharma, said to him: "Fool, your dharma is wasting away, and you do not even look to it."

Verse 12 (3.158.12)

येऽन्ये क्वचिन्मनुष्येषु तिर्यग्योनिगताश्च ये । धर्मं ते समवेक्षन्ते रक्षांसि च विशेषतः ॥

ye'nye kvacinmanuṣyeṣu tiryagyonigatāśca ye | dharmaṃ te samavekṣante rakṣāṃsi ca viśeṣataḥ

Whoever else there may be among men, and those born as beasts, all have regard for dharma, and rakshasas most of all.

Note on the text: The first line is a variant of CE 3.154.9ab; the second line is not in the critical edition's text (its apparatus has it as 3.154.9b*0778).

Verse 13 (3.158.13)

धर्मस्यराक्षसा मूलं धर्मं ते विदुरुत्तमम् । एतत्परीक्ष्यसर्वं त्वं समीपे स्थातुमर्हसि ॥

dharmasyarākṣasā mūlaṃ dharmaṃ te viduruttamam | etatparīkṣyasarvaṃ tvaṃ samīpe sthātumarhasi

Rakshasas are the root of dharma; they know dharma to be the highest. Weigh all this, and you ought to keep close to it.

Note on the text: Not in the critical edition (found in the vulgate recension); the critical edition records it in its apparatus as 3.154.9b*0778 (where the second line ends samaye sthātum arhasi).

Verse 14 (3.158.14)

देवाश्च ऋषयः सिद्धाः पितरश्चापि राक्षस । गन्धर्वोरगरक्षांसि वयांसि पशवस्तथा ॥

devāśca ṛṣayaḥ siddhāḥ pitaraścāpi rākṣasa | gandharvoragarakṣāṃsi vayāṃsi paśavastathā

Gods, seers, siddhas and ancestors too, O rakshasa, gandharvas, serpents and rakshasas, birds and beasts as well,

Note on the text: The first line is not in the critical edition's text (its apparatus has it as 3.154.9b*0778); the second line is a variant of CE 3.154.9cd.

Verse 15 (3.158.15)

तिर्यग्योनिगताश्चैव अपि कीटपिपीलिकाः । मनुष्यानुपजीवन्ति ततस्त्वमपि जीवसि ॥

tiryagyonigatāścaiva api kīṭapipīlikāḥ | manuṣyānupajīvanti tatastvamapi jīvasi

and creatures born as beasts, even worms and ants, all live by depending on men; and so do you live.

Note on the text: The first line is not in the critical edition's text (its apparatus has it as 3.154.9d*0779); the second line matches CE 3.154.9ef.

Verse 16 (3.158.16)

समृद्ध्या यस्य लोकस्य लोको युष्माकमृध्यति । इमं च लोकं शोचन्तमनुशोचन्ति देवताः । पूज्यमानाश्च वर्धन्ते हव्यकव्यैर्यथाविधि ॥

samṛddhyā yasya lokasya loko yuṣmākamṛdhyati | imaṃ ca lokaṃ śocantamanuśocanti devatāḥ | pūjyamānāśca vardhante havyakavyairyathāvidhi

Through the prosperity of this world your world prospers. When this world grieves, the deities grieve with it; and when they are worshipped with offerings to gods and ancestors according to rule, they flourish.

Verse 17 (3.158.17)

वयं राष्ट्रस्य गोप्तारो रक्षितारश्च राक्षस । राष्ट्रस्यारक्ष्यमाणस्य कुतो भूतिः कुतः सुखम् ॥

vayaṃ rāṣṭrasya goptāro rakṣitāraśca rākṣasa | rāṣṭrasyārakṣyamāṇasya kuto bhūtiḥ kutaḥ sukham

We are the protectors and guardians of the kingdom, O rakshasa. When a kingdom is left unguarded, where is its prosperity, where its happiness?

Verse 18 (3.158.18)

न च राजाऽवमन्तव्यो रक्षसा जात्वनागसि । अणुरप्यपचारश्च नास्त्यस्माकं नराशन ॥

na ca rājā'vamantavyo rakṣasā jātvanāgasi | aṇurapyapacāraśca nāstyasmākaṃ narāśana

A king who has done no wrong should never be slighted by a rakshasa; and not even the smallest offence lies with us, O eater of men.

Note on the text: Corrected अनुरप्यपचारश्च → अणुरप्यपचारश्च (misprint in Wikisource; अनुः is not a word here, the critical edition reads aṇur apy apacāraś).

Verse 19 (3.158.19)

विघसाशान्यथाशक्त्या कुर्महे देवतादिषु । गुरूंश्च ब्राह्मणांश्चैव प्रमाणप्रवणाः सदा ॥

vighasāśānyathāśaktyā kurmahe devatādiṣu | gurūṃśca brāhmaṇāṃścaiva pramāṇapravaṇāḥ sadā

As far as we are able, we eat only what remains after the gods and others have been served, and our teachers and the brahmins too; and we always bow to what scripture lays down.

Note on the text: Not in the critical edition (found in the vulgate recension); the critical edition records it in its apparatus as 3.154.12d*0780.

Verse 20 (3.158.20)

द्रोग्धव्यं न च मित्रेषु न विश्वस्तेषु कर्हिचित् । येषां चान्नानि भुञ्जीत यत्रच स्यात्प्रतिश्रयः ॥

drogdhavyaṃ na ca mitreṣu na viśvasteṣu karhicit | yeṣāṃ cānnāni bhuñjīta yatraca syātpratiśrayaḥ

One must never betray friends, nor those who trust one, nor those whose food one has eaten, nor those under whose roof one has found shelter.

Verse 21 (3.158.21)

स त्वं प्रतिश्रयेऽस्माकं पूज्यमानः सुखोषितः । भुक्त्वा चान्नानि दुष्प्रज्ञ कथमस्माञ्जिहीर्षसि ॥

sa tvaṃ pratiśraye'smākaṃ pūjyamānaḥ sukhoṣitaḥ | bhuktvā cānnāni duṣprajña kathamasmāñjihīrṣasi

You have lived happily under our roof, honoured by us, and you have eaten our food; how then, you fool, can you seek to carry us off?

Verse 22 (3.158.22)

एवमेव वृथाचारो वृथा वृद्धो वृथामतिः । वृथामरणमर्हस्त्वं वृथाऽद्य न भविष्यसि ॥

evameva vṛthācāro vṛthā vṛddho vṛthāmatiḥ | vṛthāmaraṇamarhastvaṃ vṛthā'dya na bhaviṣyasi

Your conduct is vain, your years are vain, your mind is vain. You deserve a vain death, and today you will perish in vain.

Note on the text: Corrected नमविष्यसि → न भविष्यसि (misprint in Wikisource; म for भ, the critical edition reads na bhaviṣyasi and the commentary glosses it as मरिष्यति).

Verse 23 (3.158.23)

अथ चेद्दुष्टबुद्धिस्त्वं सर्वैर्धर्मैर्विवर्जितः । प्रदाय शस्त्राण्यस्माकं युद्धेन द्रौपदीं हर ॥

atha cedduṣṭabuddhistvaṃ sarvairdharmairvivarjitaḥ | pradāya śastrāṇyasmākaṃ yuddhena draupadīṃ hara

But if you are wicked-minded and devoid of every dharma, give us back our weapons and win Draupadi by fighting for her.

Verse 24 (3.158.24)

अथ चेत्त्वमविज्ञाय इदं कर्म करिष्यसि । अधर्मं चाप्यकीर्तिं च लोके प्राप्स्यसि केवलं ॥

atha cettvamavijñāya idaṃ karma kariṣyasi | adharmaṃ cāpyakīrtiṃ ca loke prāpsyasi kevalaṃ

But if you do this deed without understanding, you will win nothing in the world but unrighteousness and infamy.

Verse 25 (3.158.25)

एतामद्य परामृश्य स्त्रियं राक्षस मानुषीम् । विषमेतत्समालोड्य कुम्भेन प्राशितं त्वया ॥

etāmadya parāmṛśya striyaṃ rākṣasa mānuṣīm | viṣametatsamāloḍya kumbhena prāśitaṃ tvayā

By laying hands today on this woman, a human woman, O rakshasa, you have stirred up poison and drunk it down by the pitcherful.

Verse 26 (3.158.26)

ततो युधिष्ठिरस्तस्य भारिकः समपद्यत । स तु भाराभिभूतात्मा न तथा शीघ्रगोऽभवत् ॥

tato yudhiṣṭhirastasya bhārikaḥ samapadyata | sa tu bhārābhibhūtātmā na tathā śīghrago'bhavat

Then Yudhishthira made himself heavy for him to carry, and the rakshasa, overpowered by the weight, could no longer go as fast.

Verse 27 (3.158.27)

अथाब्रवीद्द्रौपदीं च नकुलं च युधिष्ठिरः । मा भैष्टं राक्षसान्मूढाद्गतिरस्य मया हृता ॥

athābravīddraupadīṃ ca nakulaṃ ca yudhiṣṭhiraḥ | mā bhaiṣṭaṃ rākṣasānmūḍhādgatirasya mayā hṛtā

Then Yudhishthira said to Draupadi and Nakula: "Do not be afraid of this foolish rakshasa; I have checked his speed.

Verse 28 (3.158.28)

नातिदूरे महाबाहुर्भविता पवनात्मजः । अस्मिन्मुहूर्ते संप्राप्ते न भविष्यति राक्षसः ॥

nātidūre mahābāhurbhavitā pavanātmajaḥ | asminmuhūrte saṃprāpte na bhaviṣyati rākṣasaḥ

The strong-armed son of the Wind cannot be far away. When the moment comes, this rakshasa will be no more."

Note on the text: Corrected महबाहुर्भविता → महाबाहुर्भविता (misprint in Wikisource; the critical edition reads mahābāhur) and separated नभविष्यति → न भविष्यति.

Verse 29 (3.158.29)

सहदेवस्तु तं दृष्ट्वा राक्षसं मूढचेतसम् । उवाच वचनं राजन्कुन्तीपुत्रं युधिष्ठिरम् ॥

sahadevastu taṃ dṛṣṭvā rākṣasaṃ mūḍhacetasam | uvāca vacanaṃ rājankuntīputraṃ yudhiṣṭhiram

But Sahadeva, looking at that rakshasa of deluded mind, spoke these words, O king, to Yudhishthira, the son of Kunti:

Verse 30 (3.158.30)

राजन्किं नाम सत्कृत्यं क्षत्रियस्यास्त्यतोऽधिकम् । यद्युद्धेऽभिमुखः प्राणांस्त्यजेच्छत्रुं जयेत वा ॥

rājankiṃ nāma satkṛtyaṃ kṣatriyasyāstyato'dhikam | yadyuddhe'bhimukhaḥ prāṇāṃstyajecchatruṃ jayeta vā

King, what good deed can there be for a kshatriya greater than this: that facing the enemy in battle he should either give up his life or conquer his foe?

Verse 31 (3.158.31)

एष वास्मान्वयं वैनं युध्यमानाः परंतप । सूदयेम महाबाहो देशः कालो ह्ययं नृप ॥

eṣa vāsmānvayaṃ vainaṃ yudhyamānāḥ paraṃtapa | sūdayema mahābāho deśaḥ kālo hyayaṃ nṛpa

Let us fight, O scorcher of foes: either he will kill us or we will kill him, O strong-armed one. This is the place and the time, O king.

Verse 32 (3.158.32)

क्षत्रधर्मस्य संप्राप्तः कालः सत्यपराक्रम । जयन्तो हन्यमाना वा प्राप्तुमर्हाम सद्गतिम् ॥

kṣatradharmasya saṃprāptaḥ kālaḥ satyaparākrama | jayanto hanyamānā vā prāptumarhāma sadgatim

The time for a kshatriya's dharma has come, O you whose valour is true. Whether we conquer or are slain, we are fit to reach the good path.

Verse 33 (3.158.33)

राक्षसे जीवमानेऽद्य रविरस्तमियाद्यदि । नाहं ब्रूयां पुनर्जातु क्षत्रियोस्मीति भारत ॥

rākṣase jīvamāne'dya ravirastamiyādyadi | nāhaṃ brūyāṃ punarjātu kṣatriyosmīti bhārata

If the sun should set today while this rakshasa still lives, O Bharata, I shall never again say, "I am a kshatriya."

Verse 34 (3.158.34)

भोभो राक्षस तिष्ठस्व सहदेवोस्मि पाण्डवः । हत्वा वा मां नयस्वैनां हतो वा स्वप्स्यसीह वै ॥

bhobho rākṣasa tiṣṭhasva sahadevosmi pāṇḍavaḥ | hatvā vā māṃ nayasvaināṃ hato vā svapsyasīha vai

Ho there, rakshasa, stand! I am Sahadeva the Pandava. Kill me and then take her away, or be killed and lie here asleep.

Note on the text: Corrected रवा → वा (misprint in Wikisource; a stray akshara, the critical edition reads hatvā vā māṃ).

Verse 35 (3.158.35)

तदा ब्रुवति माद्रेये भीमसेनो यदृच्छया । प्रादृश्यत महाबाहुः सवज्र इव वासवः ॥

tadā bruvati mādreye bhīmaseno yadṛcchayā | prādṛśyata mahābāhuḥ savajra iva vāsavaḥ

While the son of Madri was speaking thus, Bhimasena, the strong-armed, appeared by chance, like Vasava with his thunderbolt.

Verse 36 (3.158.36)

सोऽपश्यद्भ्रातरौ तत्र द्रौपदीं च यशस्विनीम् । क्षितिस्थं सहदेवं च क्षिपन्तं राक्षसं तदा ॥

so'paśyadbhrātarau tatra draupadīṃ ca yaśasvinīm | kṣitisthaṃ sahadevaṃ ca kṣipantaṃ rākṣasaṃ tadā

He saw there his two brothers and glorious Draupadi, and Sahadeva standing on the ground, taunting the rakshasa,

Note on the text: Corrected सोऽपश्यद्धातरौ → सोऽपश्यद्भ्रातरौ (misprint in Wikisource; a broken conjunct, the critical edition reads so 'paśyad bhrātarau).

Verse 37 (3.158.37)

मार्गाच्च राक्षसं मूढं कालोपहतचेतसम् । भ्रमन्तं तत्रतत्रैव दैवेन परिमोहितम् ॥

mārgācca rākṣasaṃ mūḍhaṃ kālopahatacetasam | bhramantaṃ tatratatraiva daivena parimohitam

and the foolish rakshasa, his mind struck down by Time, straying from his path and wandering this way and that, bewildered by fate.

Verse 38 (3.158.38)

हृतान्संदृश्य तान्भ्रातॄन्द्रौपदीं च महाबलः । क्रोधमाहारयद्भीमो राक्षसंचेदमब्रवीत् ॥

hṛtānsaṃdṛśya tānbhrātṝndraupadīṃ ca mahābalaḥ | krodhamāhārayadbhīmo rākṣasaṃcedamabravīt

Seeing his brothers and Draupadi being carried off, mighty Bhima flew into a rage and said this to the rakshasa:

Note on the text: Corrected भ्रातृन् → भ्रातॄन् (misprint in Wikisource; the accusative plural needs the long ॄ, the critical edition reads bhrātṝṃs).

Verse 39 (3.158.39)

विज्ञातोऽसि मया पूर्वं चेष्टञ्शस्त्रपरीक्षणे । आस्था तु त्वयि मे नास्ति यतोसि न हतस्तदा ॥

vijñāto'si mayā pūrvaṃ ceṣṭañśastraparīkṣaṇe | āsthā tu tvayi me nāsti yatosi na hatastadā

I saw through you long ago, when you were prying about as you examined our weapons. But I did not care to deal with you, and so you were not killed then.

Note on the text: Matches CE 3.154.32abcd; the critical edition's verse 32 also includes the first line of the next verse.

Verse 40 (3.158.40)

ब्रह्मरूपप्रतिच्छन्नो न नो वदसि चाप्रियम् । प्रियेषु रममाणं त्वां न चैवाप्रियकारिणम् । ब्रह्मरूपेण विहितं नैव हन्यामनागसम् ॥

brahmarūpapraticchanno na no vadasi cāpriyam | priyeṣu ramamāṇaṃ tvāṃ na caivāpriyakāriṇam | brahmarūpeṇa vihitaṃ naiva hanyāmanāgasam

Disguised in a brahmin's form, you said nothing unkind to us; you took pleasure in what pleased us and did nothing to displease us. One clothed in a brahmin's form and guiltless I would never kill.

Note on the text: The first line is CE 3.154.32ef; the second and third lines are variants of CE 3.154.33abcd.

Verse 41 (3.158.41)

राक्षसं जानमानोऽपि यो हन्यान्नरकं व्रजेत् । अपक्वस्य च कालेन वधस्तव न विद्यते ॥

rākṣasaṃ jānamāno'pi yo hanyānnarakaṃ vrajet | apakvasya ca kālena vadhastava na vidyate

Whoever kills such a one, even knowing him to be a rakshasa, goes to hell. And until Time had ripened you, your death was not to be.

Note on the text: The first line is a variant of CE 3.154.33ef; the second line is CE 3.154.34ab.

Verse 42 (3.158.42)

नूनमद्यासि संपक्वो यथा ते मतिरीदृशी । दत्ता कृष्णापहरणे कालेनाद्भुतकर्मणा । सोपि कालं समासाद्य तथाऽद्य न भविष्यसि ॥

nūnamadyāsi saṃpakvo yathā te matirīdṛśī | dattā kṛṣṇāpaharaṇe kālenādbhutakarmaṇā | sopi kālaṃ samāsādya tathā'dya na bhaviṣyasi

Surely you are ripe today, since Time, whose works are wondrous, has given you this mind to carry off Krishna. Having met your Time, you too will today be no more.

Note on the text: Removed stray wiki marks (` and ') around the third line and separated नभविष्यसि → न भविष्यसि. The first two lines are CE 3.154.34cdef; the third line is not in the critical edition's text (its apparatus has it as 3.154.34f*0781).

Verse 43 (3.158.43)

बडिशोऽयंत्वया ग्रस्तः कालसूत्रेण लम्बितः । मत्स्योऽम्भसीव स्यूतास्यः कथमद्य गमिष्यसि ॥

baḍiśo'yaṃtvayā grastaḥ kālasūtreṇa lambitaḥ | matsyo'mbhasīva syūtāsyaḥ kathamadya gamiṣyasi

You have swallowed this hook, hanging from the line of Time; like a fish in the water with its mouth pierced, how will you get away today?

Verse 44 (3.158.44)

यं चासि प्रस्थितो देशं मनः पूर्वं गतं च ते । न तं गन्तासि गन्तासि मार्गं बकहिडिम्बयोः ॥

yaṃ cāsi prasthito deśaṃ manaḥ pūrvaṃ gataṃ ca te | na taṃ gantāsi gantāsi mārgaṃ bakahiḍimbayoḥ

The place you set out for, where your mind had already gone ahead, you will not reach; you will go the way of Baka and Hidimba.

Verse 45 (3.158.45)

एवमुक्तस्तु भीमेन राक्षसः कालचोदितः । भीत उत्सृज्य तान्सर्वान्युद्धाय समुपस्थितः ॥

evamuktastu bhīmena rākṣasaḥ kālacoditaḥ | bhīta utsṛjya tānsarvānyuddhāya samupasthitaḥ

Addressed thus by Bhima, the rakshasa, driven on by Time, took fright, let them all go and stood ready to fight.

Verse 46 (3.158.46)

अब्रवीच्च पुनर्भीमं रोषात्प्रस्फुरिताधरः । न मे मूढा दिशः पाप त्वदर्थं मे विलम्बनम् ॥

abravīcca punarbhīmaṃ roṣātprasphuritādharaḥ | na me mūḍhā diśaḥ pāpa tvadarthaṃ me vilambanam

His lip quivering with rage, he spoke again to Bhima: "Wretch, I had not lost my way; I was lingering for your sake.

Verse 47 (3.158.47)

श्रुता मे राक्षसा ये ये त्वया विनिहता रणे । तेषामद्यकरिष्यामि तवास्रेणोदकक्रियाम् ॥

śrutā me rākṣasā ye ye tvayā vinihatā raṇe | teṣāmadyakariṣyāmi tavāsreṇodakakriyām

I have heard of every rakshasa you have slain in battle. Today I shall offer them their water-rites with your blood."

Verse 48 (3.158.48)

एवमुक्त्वातदा भीमं राक्षसो योद्धुमाययौ । करालवदनः क्रोधात्कालसर्प इव श्वसन् ॥

evamuktvātadā bhīmaṃ rākṣaso yoddhumāyayau | karālavadanaḥ krodhātkālasarpa iva śvasan

Having spoken thus to Bhima, the rakshasa came on to fight, his face fearsome, hissing in his rage like the black serpent of death.

Note on the text: Removed stray wiki marks (` and '). Not in the critical edition (found in the vulgate recension).

Verse 49 (3.158.49)

एवमुक्तस्ततो भीमः सृक्विणी परिलेलिहन् । स्मयमान इव क्रोधात्साक्षात्कालान्तकोपमः ॥

evamuktastato bhīmaḥ sṛkviṇī parilelihan | smayamāna iva krodhātsākṣātkālāntakopamaḥ

Addressed thus, Bhima licked the corners of his mouth and seemed to smile in his anger, like Time the Ender himself.

Note on the text: Matches CE 3.154.40abcd; the critical edition's verse 40 continues with the second line of the next verse.

Verse 50 (3.158.50)

ब्रुवन्वै तिष्ठतिष्ठेति क्रोधसंरक्तलोचनः । बाहुसंरम्भमेवेच्छन्नभिदुद्राव राक्षसम् ॥

bruvanvai tiṣṭhatiṣṭheti krodhasaṃraktalocanaḥ | bāhusaṃrambhamevecchannabhidudrāva rākṣasam

Crying "Stand, stand!", his eyes red with rage and wanting nothing but a contest of arms, he rushed at the rakshasa.

Note on the text: Removed stray wiki marks (` and '). The first line is not in the critical edition's text (its apparatus has it as 3.154.40d*0782); the second line is CE 3.154.40ef.

Verse 51 (3.158.51)

राक्षसोऽपि तदा भीमं युद्धार्थिनमवस्थितम् । मुहुर्मुहुर्व्याददानः सृक्विणी परिसंलिहन् । अभिदुद्राव संरब्धो बलो वज्रधरं यथा ॥

rākṣaso'pi tadā bhīmaṃ yuddhārthinamavasthitam | muhurmuhurvyādadānaḥ sṛkviṇī parisaṃlihan | abhidudrāva saṃrabdho balo vajradharaṃ yathā

The rakshasa too, gaping his jaws again and again and licking the corners of his mouth, rushed in fury at Bhima as he stood eager for battle, as Bala rushed at the wielder of the thunderbolt.

Note on the text: Restored from the critical edition (3.154.41ab): Wikisource has lost the verse's first line (राक्षसोऽपि तदा भीमं युद्धार्थिनमवस्थितम्), leaving the charge without its subject, though the simile (Bala against the thunderbolt-wielder) shows it is the rakshasa who charges. Removed a stray wiki bracket (]) from the middle line, which is not in the critical edition's text (its apparatus has it as 3.154.41b*0783).

Verse 52 (3.158.52)

भीमसेनोऽप्यवष्टब्धो नियुद्धायाभवत्स्थितः । राक्षसोऽपि च विस्रब्धो बाहुयुद्धमकाङ्क्षत ॥

bhīmaseno'pyavaṣṭabdho niyuddhāyābhavatsthitaḥ | rākṣaso'pi ca visrabdho bāhuyuddhamakāṅkṣata

Bhimasena stood firm, ready to wrestle, and the rakshasa too, unafraid, longed for a fight with bare arms.

Note on the text: Removed a stray wiki mark ('). Not in the critical edition (found in the vulgate recension); the critical edition records it in its apparatus as 3.154.41d*0784.

Verse 53 (3.158.53)

वर्तमाने तयो राजन्बाहुयुद्धे सुदारुणे । माद्रीपुत्रावतिक्रुद्धावुभावप्यभ्यधावताम् ॥

vartamāne tayo rājanbāhuyuddhe sudāruṇe | mādrīputrāvatikruddhāvubhāvapyabhyadhāvatām

As that most terrible fight with bare arms went on between them, O king, the two sons of Madri, in a towering rage, both rushed forward.

Verse 54 (3.158.54)

न्यवारयत्तौ प्रहसन्कुन्तीपुत्रो वृकोदरः । शक्तोऽहं राक्षसस्येति प्रेक्षध्वमिति चाब्रवीत् ॥

nyavārayattau prahasankuntīputro vṛkodaraḥ | śakto'haṃ rākṣasasyeti prekṣadhvamiti cābravīt

Vrikodara, the son of Kunti, laughing, held them back and said, "I am a match for the rakshasa; just watch."

Verse 55 (3.158.55)

आत्मना भ्रातृभिश्चैव धर्मेण सुकृतेन च । इष्टेन च शपे राजन्सूदयिष्यामि राक्षसम् ॥

ātmanā bhrātṛbhiścaiva dharmeṇa sukṛtena ca | iṣṭena ca śape rājansūdayiṣyāmi rākṣasam

By myself and my brothers, by dharma and my good deeds and by my sacrifices I swear, O king: I shall slay the rakshasa.

Verse 56 (3.158.56)

इत्येवमुक्त्वा तौ वीरौ स्पर्धमानौ परस्परम् । बाहुभिः समसज्जेतामुभौ रक्षोवृकोदरौ ॥

ityevamuktvā tau vīrau spardhamānau parasparam | bāhubhiḥ samasajjetāmubhau rakṣovṛkodarau

Having said this, the two heroes, the rakshasa and Vrikodara, challenging each other, closed with their arms.

Verse 57 (3.158.57)

तयोरासीत्संप्रहारः क्रुद्धयोर्भीमरक्षसोः । अमृष्यमाणयोः सङ्ख्ये शक्रशम्बरयोरिव ॥

tayorāsītsaṃprahāraḥ kruddhayorbhīmarakṣasoḥ | amṛṣyamāṇayoḥ saṅkhye śakraśambarayoriva

Then a clash broke out between those two enraged fighters, Bhima and the rakshasa, neither able to bear the other in the fight, like Shakra and Shambara.

Verse 58 (3.158.58)

तौ वीरौ समभिक्रुद्धावन्योन्यं पर्यधावताम् । आरुज्यारुज्यतौ वृक्षानन्योन्यमभिजघ्नतुः । जीमूताविव घर्मान्ते विनदन्तौ महाबलौ ॥

tau vīrau samabhikruddhāvanyonyaṃ paryadhāvatām | ārujyārujyatau vṛkṣānanyonyamabhijaghnatuḥ | jīmūtāviva gharmānte vinadantau mahābalau

The two heroes, in a fury, ran at each other; tearing up tree after tree they struck at each other, roaring like two great clouds at the end of the hot season.

Note on the text: Corrected धर्मान्ते → घर्मान्ते (misprint in Wikisource; clouds roar at the end of the hot season, the critical edition reads gharmānte). The first line is not in the critical edition (found in the vulgate recension); the other two lines match CE 3.154.47.

Verse 59 (3.158.59)

बभञ्जतुर्महावृक्षानूरुभिर्बलिनां वरौ । अन्योन्येनाभिसंरब्धौ परस्परवधैषिणौ ॥

babhañjaturmahāvṛkṣānūrubhirbalināṃ varau | anyonyenābhisaṃrabdhau parasparavadhaiṣiṇau

Those two best of strong men broke great trees with their thighs, enraged with each other, each seeking the other's death.

Verse 60 (3.158.60)

तद्वृक्षयुद्धमभवन्महीरुहविनाशनम् । वालिसुग्रीवयोर्भ्रात्रोः पुरेव कपिसिंहयोः ॥

tadvṛkṣayuddhamabhavanmahīruhavināśanam | vālisugrīvayorbhrātroḥ pureva kapisiṃhayoḥ

That fight with trees, which laid the trees low, was like the one long ago between the brothers Vali and Sugriva, those lions among monkeys.

Note on the text: Corrected अभवनमहीरुह → अभवन्महीरुह (misprint in Wikisource; a broken conjunct, the critical edition reads abhavan mahīruha-).

Verse 61 (3.158.61)

आविध्याविध्य तौ वृक्षान्मुहूर्तमितरेतरम् । ताडयामासतुरुभौ विनदन्तौ मुहुर्मुहुः ॥

āvidhyāvidhya tau vṛkṣānmuhūrtamitaretaram | tāḍayāmāsaturubhau vinadantau muhurmuhuḥ

Whirling the trees round and round, the two struck each other for a while, roaring again and again.

Verse 62 (3.158.62)

तस्मिन्देशे यदा वृक्षाः सर्व एव निपातिताः । पूगीकृताश्च शतशः परस्परवधेप्सया ॥

tasmindeśe yadā vṛkṣāḥ sarva eva nipātitāḥ | pūgīkṛtāśca śataśaḥ parasparavadhepsayā

When every tree in that place had been felled and heaped up by the hundreds in their eagerness to kill each other,

Note on the text: Corrected पुगीकृताश्च → पूगीकृताश्च (misprint in Wikisource; पुगी- is not a word, पूगीकृत 'heaped up' is the smallest fix; the critical edition reads puñjīkṛtāś, with the same sense).

Verse 63 (3.158.63)

ततः शिलाः समादाय मुहूर्तमिव भारत । महाभ्रैरिव शैलेन्द्रौ युयुधाते महाबलौ ॥

tataḥ śilāḥ samādāya muhūrtamiva bhārata | mahābhrairiva śailendrau yuyudhāte mahābalau

then, O Bharata, the two mighty ones took up rocks and fought for a while, like two great mountains with great clouds.

Verse 64 (3.158.64)

शिलाभिरुग्ररूपाभिर्बृहतीभिः परस्परम् । वज्रैरिव महावेगैराजघ्नतुरमर्षणौ ॥

śilābhirugrarūpābhirbṛhatībhiḥ parasparam | vajrairiva mahāvegairājaghnaturamarṣaṇau

With huge rocks of fearsome shape, flying like thunderbolts with great force, the two unyielding fighters struck at each other.

Verse 65 (3.158.65)

अभिद्रुत्य च भूयस्तावन्योन्यबलदर्पितौ । भुजाभ्यां परिगृह्याथ चकर्षाते गजाविव ॥

abhidrutya ca bhūyastāvanyonyabaladarpitau | bhujābhyāṃ parigṛhyātha cakarṣāte gajāviva

Then, proud of their strength, they rushed at each other once more, gripped each other with their arms and dragged each other about like two elephants.

Verse 66 (3.158.66)

मुष्टिभिश्च महाघोरैरन्योन्यमभिपेततुः । ततः कटकटाशब्दो बभूव सुमहात्मनोः ॥

muṣṭibhiśca mahāghorairanyonyamabhipetatuḥ | tataḥ kaṭakaṭāśabdo babhūva sumahātmanoḥ

They fell on each other with terrible blows of their fists, and a cracking sound rose from those two mighty ones.

Note on the text: Corrected मुष्टिभिश् → मुष्टिभिश्च and शुमहात्मनोः → सुमहात्मनोः (misprints in Wikisource; a dropped akshara and श for स, the critical edition reads muṣṭibhiś ca and sumahātmanoḥ).

Verse 67 (3.158.67)

ततः संहृत्यमुष्टिं तु पञ्चशीर्षमिवोरगम् । वेगेनाभ्यहनद्भीमो राक्षसस्य शिरोधराम् ॥

tataḥ saṃhṛtyamuṣṭiṃ tu pañcaśīrṣamivoragam | vegenābhyahanadbhīmo rākṣasasya śirodharām

Then Bhima clenched his fist, like a five-headed serpent, and struck the rakshasa's neck with all his force.

Verse 68 (3.158.68)

ततः श्रान्तं तु तद्रक्षो भीमसेनभुजाहतम् । सुपरिभ्रान्तमालक्ष्य भीमसेनोऽभ्यवर्तत ॥

tataḥ śrāntaṃ tu tadrakṣo bhīmasenabhujāhatam | suparibhrāntamālakṣya bhīmaseno'bhyavartata

Seeing that the rakshasa, struck by Bhimasena's arm, was exhausted and reeling, Bhimasena pressed forward.

Verse 69 (3.158.69)

तत एनं महाबाहुर्बाहुभ्याममरोपमः । समुत्क्षिप्य बलाद्भीमो निष्पिपेष महीतले ॥

tata enaṃ mahābāhurbāhubhyāmamaropamaḥ | samutkṣipya balādbhīmo niṣpipeṣa mahītale

Then strong-armed Bhima, like an immortal, lifted him high in both arms and by main force ground him into the earth.

Verse 70 (3.158.70)

ततः संपीड्य बलवद्भुजाभ्यां क्रोधमूर्च्छितः । तस्य गात्राणि सर्वाणि चूर्णयामास पाण्डवः । अरत्निना चाभिहत्य शिरः कायादपाहरत् ॥

tataḥ saṃpīḍya balavadbhujābhyāṃ krodhamūrcchitaḥ | tasya gātrāṇi sarvāṇi cūrṇayāmāsa pāṇḍavaḥ | aratninā cābhihatya śiraḥ kāyādapāharat

Then, beside himself with rage, the Pandava crushed him hard in his arms, pounded all his limbs to powder, and striking with his elbow, tore the head from the body.

Note on the text: Removed stray wiki marks (` and '). The first line is not in the critical edition's text (its apparatus has it as 3.154.58d*0785); the other two lines match CE 3.154.59.

Verse 71 (3.158.71)

संदष्टौष्ठं विवृत्ताक्षं फलं वृक्षादिव च्युतम् । जटासुरस्य तु शिरो भीमसेनबलाद्धृतम् । पपात रुधिरादिग्धं संदष्टदशनच्छदम् ॥

saṃdaṣṭauṣṭhaṃ vivṛttākṣaṃ phalaṃ vṛkṣādiva cyutam | jaṭāsurasya tu śiro bhīmasenabalāddhṛtam | papāta rudhirādigdhaṃ saṃdaṣṭadaśanacchadam

Torn off by Bhimasena's strength, Jatasura's head, its lips bitten and eyes rolling, fell like a fruit dropped from a tree, smeared with blood, its teeth clamped on its lips.

Verse 72 (3.158.72)

तं निहत्यमहेष्वासो युधिष्ठिरमुपागमत् । स्तूयमानो द्विजाग्र्यैस्तु मरुद्भिरिव वासवः ॥

taṃ nihatyamaheṣvāso yudhiṣṭhiramupāgamat | stūyamāno dvijāgryaistu marudbhiriva vāsavaḥ

Having slain him, the great archer went to Yudhishthira, praised by the foremost of the brahmins as Vasava is praised by the Maruts.