Narayana Reveals Himself to Markandeya

Verse 1 (3.192.1)

कामं देवाऽपि मां विप्र न हि जानन्ति तत्त्वतः । त्वत्प्रीत्या तु प्रवक्ष्यामि यथेदं विसृजाम्यहम् ॥

kāmaṃ devā'pi māṃ vipra na hi jānanti tattvataḥ | tvatprītyā tu pravakṣyāmi yathedaṃ visṛjāmyaham

O brahmin, even the gods do not truly know me. But out of my affection for you I will tell you how I bring forth this world.

Note on the text: Corrected विमृजाम्यहम् → विसृजाम्यहम् (misprint in Wikisource; म for स, the critical edition reads visṛjāmy aham). न हि जानन्ति is a recension variant of the critical edition's na vijānanti and is kept.

Verse 2 (3.192.2)

पितृभक्तोऽसि विप्रर्षे मां चैव शरणं गतः । ततो दृष्टोऽस्मि ते साक्षाद्ब्रह्मचर्यं च ते महत् ॥

pitṛbhakto'si viprarṣe māṃ caiva śaraṇaṃ gataḥ | tato dṛṣṭo'smi te sākṣādbrahmacaryaṃ ca te mahat

O brahmin sage, you are devoted to your father and you have come to me for refuge; that is why you have seen me face to face. Great, too, is your discipline of celibacy.

Note on the text: Corrected पितृभक्तोसि → पितृभक्तोऽसि and दृष्टोस्मि → दृष्टोऽस्मि (missing avagraha), and ब्रह्यचर्यं → ब्रह्मचर्यं (misprint in Wikisource; य for म, the critical edition reads brahmacaryaṃ).

Verse 3 (3.192.3)

आपो नारा इति प्रोक्तास्तासां नाम कृतं मया । तेन नारायणोऽस्म्युक्तो मम तद्ध्ययनं सदा ॥

āpo nārā iti proktāstāsāṃ nāma kṛtaṃ mayā | tena nārāyaṇo'smyukto mama taddhyayanaṃ sadā

The waters are called nārāḥ; it was I who gave them that name. Because they have always been my dwelling place, I am called Narayana.

Note on the text: Corrected नारायणप्युक्तो → नारायणोऽस्म्युक्तो and तत्त्वयनं → तद्ध्ययनं (misprints in Wikisource; garbled aksharas, the critical edition reads nārāyaṇo 'smy ukto mama tad dhy ayanaṃ). तासां नाम is a recension variant of the critical edition's saṃjñānāma and is kept.

Verse 4 (3.192.4)

अहंनारायणो नाम प्रभवः शाश्वतोऽव्ययः । विधाता सर्वभूतानां संहर्ता च द्विजोत्तम ॥

ahaṃnārāyaṇo nāma prabhavaḥ śāśvato'vyayaḥ | vidhātā sarvabhūtānāṃ saṃhartā ca dvijottama

I am the one named Narayana, the source of all, eternal and imperishable. I am the ordainer of all beings and their destroyer as well, O best of the twice-born.

Note on the text: Corrected द्विजोत्तम् → द्विजोत्तम (misprint in Wikisource; stray virama on a vocative, the critical edition reads dvijottama).

Verse 5 (3.192.5)

अहं विष्णुरहं ब्रह्मा शक्रश्चाहं सुराधिपः । अहं वैश्रवणो राजा यमः प्रेताधिपस्तथा ॥

ahaṃ viṣṇurahaṃ brahmā śakraścāhaṃ surādhipaḥ | ahaṃ vaiśravaṇo rājā yamaḥ pretādhipastathā

I am Vishnu, I am Brahma, and I am Shakra, lord of the gods. I am King Vaishravana, and Yama, lord of the departed.

Verse 6 (3.192.6)

अहं शिवश्च सोमश्च कश्यपोऽथ प्रजापतिः । अहं धाता विधाता च यज्ञश्चाहं द्विजोत्तम ॥

ahaṃ śivaśca somaśca kaśyapo'tha prajāpatiḥ | ahaṃ dhātā vidhātā ca yajñaścāhaṃ dvijottama

I am Shiva and Soma, and Kashyapa the Prajapati too. I am the Creator and the Ordainer, and I am the sacrifice, O best of the twice-born.

Verse 7 (3.192.7)

अग्निरास्यं क्षितिः पादौ चन्द्रादित्यौ च लोचने । द्यौर्मूर्धा मे दिशः श्रोत्रे तथाऽऽपः स्वेदसंभवाः । सकलं च नभः कायो वायुर्मनसि मे स्थितः ॥

agnirāsyaṃ kṣitiḥ pādau candrādityau ca locane | dyaurmūrdhā me diśaḥ śrotre tathā''paḥ svedasaṃbhavāḥ | sakalaṃ ca nabhaḥ kāyo vāyurmanasi me sthitaḥ

Fire is my mouth, the earth my feet, the moon and the sun my eyes; heaven is my head, the quarters of space my ears, and the waters are born of my sweat. The whole sky is my body, and the wind abides in my mind.

Note on the text: Corrected क्षिति → क्षितिः (misprint in Wikisource; dropped visarga, the critical edition reads kṣitiḥ). The second line (द्यौर्मूर्धा मे दिशः श्रोत्रे …) is not in the critical edition's constituted text; its apparatus has it as the insertion 3.187.7b*0938 (with खं for मे). सकलं is a recension variant of the critical edition's sadiśaṃ and is kept.

Verse 8 (3.192.8)

मया क्रतुशतैरिष्टं बहुभिस्त्वाप्तदक्षिणैः । यजन्ते वेदविदुषो मां देवसदने स्थितम् ॥

mayā kratuśatairiṣṭaṃ bahubhistvāptadakṣiṇaiḥ | yajante vedaviduṣo māṃ devasadane sthitam

I have offered hundreds of sacrifices, many of them with fitting fees to the priests. Those learned in the Vedas worship me as I abide in the dwelling of the gods.

Verse 9 (3.192.9)

पृथिव्यां क्षत्रियेन्द्राश्च पार्थिवाः स्वर्गकाङ्क्षिणः । यजन्ते मां तथा वैश्याः स्वर्गलोकजिगीषया ॥

pṛthivyāṃ kṣatriyendrāśca pārthivāḥ svargakāṅkṣiṇaḥ | yajante māṃ tathā vaiśyāḥ svargalokajigīṣayā

On earth the lordly kshatriyas, the kings who long for heaven, worship me, and so do the vaishyas, wishing to win the world of heaven.

Note on the text: Corrected क्षत्रियेन्द्राश् पार्तिवाः → क्षत्रियेन्द्राश्च पार्थिवाः (misprints in Wikisource; dropped च and त for थ, the critical edition reads kṣatriyendrāś ca pārthivāḥ).

Verse 10 (3.192.10)

चतुःसमुद्रपर्यन्तां मेरुमन्दरभूषणाम् । शेषो भूत्वाऽहमेवैतां धारयामि वसुंधराम् ॥

catuḥsamudraparyantāṃ merumandarabhūṣaṇām | śeṣo bhūtvā'hamevaitāṃ dhārayāmi vasuṃdharām

Becoming Shesha, I alone hold up this earth, bounded by the four oceans and adorned with Meru and Mandara.

Verse 11 (3.192.11)

वाराहं रूपमास्थाय मयेयं जगती पुरा । मज्जमाना जले विप्र वीर्येणासीत्समुद्धृता ॥

vārāhaṃ rūpamāsthāya mayeyaṃ jagatī purā | majjamānā jale vipra vīryeṇāsītsamuddhṛtā

Long ago, O brahmin, taking the form of a boar, I lifted up by my strength this earth as it sank in the waters.

Verse 12 (3.192.12)

अग्निश्च बडबावक्त्रे भूत्वाऽहं द्विजसत्तम । पिबाम्यापः सदा विद्वंस्ताश्चैव विसृजाम्यहम् ॥

agniśca baḍabāvaktre bhūtvā'haṃ dvijasattama | pibāmyāpaḥ sadā vidvaṃstāścaiva visṛjāmyaham

Becoming the fire in the mare's mouth, O best of brahmins, I forever drink up the waters, O wise one, and I release them again.

Note on the text: Corrected बडबावक्रे → बडबावक्त्रे (misprint in Wikisource; broken conjunct क्र for क्त्र, "crooked" for "mouth"; the critical edition reads vaḍavāvaktro). The locative ending and सदा विद्वंस् are recension variants and are kept.

Verse 13 (3.192.13)

ब्रह्म वक्त्रं भुजौ क्षत्रमूरू मे संस्थिता विशः । पादौ शूद्रा भवन्तीमे विक्रमेण क्रमेण च ॥

brahma vaktraṃ bhujau kṣatramūrū me saṃsthitā viśaḥ | pādau śūdrā bhavantīme vikrameṇa krameṇa ca

The brahmins are my mouth, the kshatriyas my arms, and the vaishyas rest in my thighs; the shudras are these feet of mine — so they stand, by my power and in due order.

Note on the text: Corrected वक्रं → वक्त्रं (misprint in Wikisource; broken conjunct, the critical edition reads vaktraṃ). भवन्तीमे is a recension variant of the critical edition's bhajante me and is kept.

Verse 14 (3.192.14)

ऋग्वेदः सामवेदश्च यजुर्वेदोऽप्यथर्वणः । मत्तः प्रादुर्भवन्त्येते मामेव प्रविशन्ति च ॥

ṛgvedaḥ sāmavedaśca yajurvedo'pyatharvaṇaḥ | mattaḥ prādurbhavantyete māmeva praviśanti ca

The Rigveda, the Samaveda, the Yajurveda and the Atharva too — these arise from me and enter back into me alone.

Verse 15 (3.192.15)

यतयः शान्तिपरमा यतात्मानो मुमुक्षवः । कामक्रोधद्वेषमुक्ता निःसंज्ञा वीतकल्मषाः ॥

yatayaḥ śāntiparamā yatātmāno mumukṣavaḥ | kāmakrodhadveṣamuktā niḥsaṃjñā vītakalmaṣāḥ

Ascetics wholly given to peace, self-controlled and seeking liberation, free of desire, anger and hatred, withdrawn from the senses and stainless,

Verse 16 (3.192.16)

सत्वस्था निरहंकारा नित्यमध्यात्मकोविदाः । मामेव सततं विप्राश्चिन्तयन्त उपासते ॥

satvasthā nirahaṃkārā nityamadhyātmakovidāḥ | māmeva satataṃ viprāścintayanta upāsate

established in goodness, free of ego, ever versed in the knowledge of the self — such brahmins worship me alone, meditating on me without cease.

Verse 17 (3.192.17)

अहं संवर्तको वह्निरहं संवर्तको यमः । अहं संवर्तकः सूर्यस्त्वहं संवर्तकोऽनिलः ॥

ahaṃ saṃvartako vahnirahaṃ saṃvartako yamaḥ | ahaṃ saṃvartakaḥ sūryastvahaṃ saṃvartako'nilaḥ

I am the fire of the world's dissolution, I am Yama at the dissolution; I am the sun of the dissolution, and I am its wind.

Verse 18 (3.192.18)

तारारूपाणि दृश्यन्ते यान्येतानि नभस्तले । मम रूपाण्यथैतानि विद्धि त्वं द्विजसत्तम ॥

tārārūpāṇi dṛśyante yānyetāni nabhastale | mama rūpāṇyathaitāni viddhi tvaṃ dvijasattama

Those forms seen as stars across the sky — know them to be my forms, O best of brahmins.

Verse 19 (3.192.19)

रत्नाकराः समुद्राश्च सर्व एव चतुर्दिशः । वसनं शयनं चैव विलयं चैव विद्धि मे ॥

ratnākarāḥ samudrāśca sarva eva caturdiśaḥ | vasanaṃ śayanaṃ caiva vilayaṃ caiva viddhi me

The oceans, mines of jewels, in all four directions — know them to be my garment, my bed and the place into which I withdraw.

Verse 20 (3.192.20)

मयैव सुविभक्तास्ते देवकार्यार्थसिद्धये । कामं क्रोधं च हर्षं च भयं मोहं तथैव च । ममैव विद्धि रोमाणि सर्वाण्येतानि सत्तम ॥

mayaiva suvibhaktāste devakāryārthasiddhaye | kāmaṃ krodhaṃ ca harṣaṃ ca bhayaṃ mohaṃ tathaiva ca | mamaiva viddhi romāṇi sarvāṇyetāni sattama

It is I alone who have apportioned them so, to accomplish the purposes of the gods. Desire, anger, joy, fear and delusion as well — know all of these to be the hairs of my body, O good man.

Note on the text: The first line (मयैव सुविभक्तास्ते …) is not in the critical edition's constituted text; its apparatus has it as the insertion 3.187.19d*0939, after the line on the oceans. रोमाणि is a recension variant of the critical edition's rūpāṇi and is kept.

Verse 21 (3.192.21)

प्राप्नुवन्ति नरा विप्र यत्कृत्वा कर्म शोभनम् । सत्यं दानं तपश्चोग्रमहिंसा चैव जन्तुषु ॥

prāpnuvanti narā vipra yatkṛtvā karma śobhanam | satyaṃ dānaṃ tapaścogramahiṃsā caiva jantuṣu

The good works by whose doing men prosper, O brahmin — truthfulness, generosity, stern austerity and harmlessness toward living beings —

Verse 22 (3.192.22)

मद्विधानेन विहिता मम देहविहारिणः । मयाऽभिभूतविज्ञाना विचेष्टन्ते न कामतः ॥

madvidhānena vihitā mama dehavihāriṇaḥ | mayā'bhibhūtavijñānā viceṣṭante na kāmataḥ

are laid down by my ordinance. Men live and move within my body; their understanding is overpowered by me, and they do not act by their own will.

Verse 23 (3.192.23)

सम्यग्वेदमधीयाना यजन्ते विविधैर्मखैः । शान्तात्मानो जितक्रोधाः प्राप्नुवन्ति द्विजातयः ॥

samyagvedamadhīyānā yajante vividhairmakhaiḥ | śāntātmāno jitakrodhāḥ prāpnuvanti dvijātayaḥ

Twice-born men who study the Veda rightly and worship with many kinds of sacrifice, calm in spirit and with anger conquered, attain me.

Verse 24 (3.192.24)

प्राप्तुं न शक्यो यो विद्वन्नरैर्दुष्कृतकर्मभिः । लोभाभिभूतैः कृपणैरनार्यैरकृतात्मभिः ॥

prāptuṃ na śakyo yo vidvannarairduṣkṛtakarmabhiḥ | lobhābhibhūtaiḥ kṛpaṇairanāryairakṛtātmabhiḥ

O learned one, I cannot be reached by men of evil deeds, by the greedy and the mean, by the ignoble and those whose spirit is unformed.

Note on the text: Restored from the critical edition (3.187.24): Wikisource has lost the opening aksharas of both lines, printed as "---" (---न शक्यो … / ---भाभिभूतैः …); restored प्राप्तुं and लो(भाभिभूतैः) from the critical edition's prāptuṃ na śakyo … lobhābhibhūtaiḥ.

Verse 25 (3.192.25)

तस्मान्महाफलंविद्धि पदं सुकृतकर्मणः । सुदुष्प्रापं विमूढानां मार्गं योगैर्निषेवितम् ॥

tasmānmahāphalaṃviddhi padaṃ sukṛtakarmaṇaḥ | suduṣprāpaṃ vimūḍhānāṃ mārgaṃ yogairniṣevitam

Know, then, that the state won by those who do good works bears great fruit. It is very hard for the deluded to reach; it is a path frequented through yoga.

Verse 26 (3.192.26)

यदा यदा च धर्मस्य ग्लानिर्भवति सत्तम । अभ्युत्थानमधर्मस्य तदाऽऽत्मानं सृजाम्यहम् ॥

yadā yadā ca dharmasya glānirbhavati sattama | abhyutthānamadharmasya tadā''tmānaṃ sṛjāmyaham

Whenever dharma declines, O good man, and adharma rises up, then I bring myself forth.

Verse 27 (3.192.27)

दैत्या हिंसानुरक्ताश्च अवध्याः सुरसत्तमैः । राक्षसाश्चापि लोकेऽस्मिन्यदोत्पत्स्यन्ति दारुणाः ॥

daityā hiṃsānuraktāśca avadhyāḥ surasattamaiḥ | rākṣasāścāpi loke'sminyadotpatsyanti dāruṇāḥ

When daityas bent on violence, whom even the best of the gods cannot slay, and fearsome rakshasas arise in this world,

Verse 28 (3.192.28)

तदाऽहंसंप्रसूयामि गृहेषु शुभकर्मणाम् । प्रविष्टो मानुषं देहं सर्वं प्रशमयाम्यहम् ॥

tadā'haṃsaṃprasūyāmi gṛheṣu śubhakarmaṇām | praviṣṭo mānuṣaṃ dehaṃ sarvaṃ praśamayāmyaham

then I am born in the homes of those whose deeds are pure, and, entering a human body, I bring everything to peace.

Verse 29 (3.192.29)

सृष्ट्वा देवमनुष्यांस्तु गन्धर्वोरगराक्षसान् । स्थावराणि च भूतानि संहराम्यात्ममायया ॥

sṛṣṭvā devamanuṣyāṃstu gandharvoragarākṣasān | sthāvarāṇi ca bhūtāni saṃharāmyātmamāyayā

Having created gods and men, gandharvas, serpents and rakshasas, and the unmoving beings, I withdraw them again by my own power of illusion.

Verse 30 (3.192.30)

कर्मकाले पुनर्देहमनुचिन्त्य सृजाम्यहम् । आविश्य मानुषं देहं मर्यादाबन्धकारणात् ॥

karmakāle punardehamanucintya sṛjāmyaham | āviśya mānuṣaṃ dehaṃ maryādābandhakāraṇāt

When the time for action comes, I think again upon a body and create it, entering a human form so that the bounds of right conduct may be kept.

Note on the text: Corrected मानषं → मानुषं (misprint in Wikisource; dropped vowel sign, the critical edition reads mānuṣaṃ). आविश्य is a recension variant of praviśya and is kept.

Verse 31 (3.192.31)

श्वेतः कृतयुगे वर्णः पीतस्त्रेतायुगे मम । श्यामो द्वापरमासाद्य कृष्णः कलियुगे तथा ॥

śvetaḥ kṛtayuge varṇaḥ pītastretāyuge mama | śyāmo dvāparamāsādya kṛṣṇaḥ kaliyuge tathā

In the Krita age my colour is white, in the Treta age yellow; when the Dvapara comes it is dark, and in the Kali age it is black.

Verse 32 (3.192.32)

त्रयो भागा ह्यधर्मस्य तस्मिन्काले भवन्ति च । यदा भवति मे वर्णः कृष्णो वै द्विजसत्तम ॥

trayo bhāgā hyadharmasya tasminkāle bhavanti ca | yadā bhavati me varṇaḥ kṛṣṇo vai dvijasattama

In that age three parts are adharma — the age when my colour, O best of brahmins, becomes black.

Note on the text: Corrected ह्यधर्मस् → ह्यधर्मस्य (misprint in Wikisource; dropped akshara, the critical edition reads hy adharmasya), भवनति → भवन्ति (misprint; broken conjunct) and द्विजसत्तम् → द्विजसत्तम (stray virama on a vocative); removed stray wiki quote marks (` … ') around the second line. The second line is not in the critical edition's constituted text; its apparatus has it as the insertion 3.187.32b*0941 (with munisattama). The critical edition runs this verse on with the next (Wikisource 33) as 3.187.32cd–ef.

Verse 33 (3.192.33)

अन्तकाले च संप्राप्ते कालो भूत्वाऽतिदारुणः । त्रैलोक्यं नाशयाम्येकः कृत्स्नं स्थावरजङ्गमम् ॥

antakāle ca saṃprāpte kālo bhūtvā'tidāruṇaḥ | trailokyaṃ nāśayāmyekaḥ kṛtsnaṃ sthāvarajaṅgamam

And when the time of the end arrives, I become Time, most terrible, and alone I destroy the three worlds entire, with all that moves and all that does not move.

Note on the text: This is the critical edition's 3.187.32cd–ef, the second half of its six-pada verse 32.

Verse 34 (3.192.34)

अहं त्रिवर्त्मा विश्वात्मा सर्वलोकसुखावहः । अजितः सर्वगोऽनन्तो हृषीकेश उरुक्रमः । कालचक्रं नयाम्येको ब्रह्मन्नहमरूपकम् ॥

ahaṃ trivartmā viśvātmā sarvalokasukhāvahaḥ | ajitaḥ sarvago'nanto hṛṣīkeśa urukramaḥ | kālacakraṃ nayāmyeko brahmannahamarūpakam

I am the one of the three paths, the soul of the universe, who brings happiness to all the worlds; unconquered, all-pervading, endless, Hrishikesha, the wide-striding one. Alone and formless, O brahmin, I turn the wheel of time,

Note on the text: Lines 1–2 are the critical edition's 3.187.33; line 3 is its 3.187.34ab. विश्वात्मा, अजितः and अरूपकम् are recension variants of sarvātmā, abhibhūḥ and arūpi vai and are kept.

Verse 35 (3.192.35)

शमनं सर्वभूतानां सर्वकालकृतोद्यमम् । एवं प्रणिहितः सम्यङ्मायया मुनिसत्तम । सर्वभूतेषु विप्रेन्द्र न च मां वेत्ति कश्चन ॥

śamanaṃ sarvabhūtānāṃ sarvakālakṛtodyamam | evaṃ praṇihitaḥ samyaṅmāyayā munisattama | sarvabhūteṣu viprendra na ca māṃ vetti kaścana

the wheel that brings all beings to rest and is at work in every age. Thus, O best of sages, I am set firmly within all beings by my power of illusion, O lord of brahmins, and yet no one knows me.

Note on the text: Line 1 is the critical edition's 3.187.34cd (सर्वकाल- for its sarvaloka-); lines 2–3 are its 3.187.35 (मायया for mayātmā, a recension variant kept here).

Verse 36 (3.192.36)

सर्वलोके च मां भक्ताः पूजयन्ति च सर्वशः ॥

sarvaloke ca māṃ bhaktāḥ pūjayanti ca sarvaśaḥ

And in every world my devotees worship me in every way.

Note on the text: Not in the critical edition (found in the vulgate recension); its apparatus has this single line as the insertion 3.187.34d*0942.

Verse 37 (3.192.37)

यच्च किंचित्त्वया प्राप्तं मयि क्लेशात्मकं द्विज । सुखोदयाय तत्सर्वं श्रेयसे च तवानघ ॥

yacca kiṃcittvayā prāptaṃ mayi kleśātmakaṃ dvija | sukhodayāya tatsarvaṃ śreyase ca tavānagha

Whatever hardship you have met within me, O brahmin, all of it was for your happiness and your good, O sinless one.

Verse 38 (3.192.38)

यच्च किंचित्त्वया लोके दृष्टं स्थावरजङ्गमम् । विहितः सर्वथैवासौ ममात्मा भूतभावनः ॥

yacca kiṃcittvayā loke dṛṣṭaṃ sthāvarajaṅgamam | vihitaḥ sarvathaivāsau mamātmā bhūtabhāvanaḥ

Whatever you have seen in the world, moving and unmoving, is ordained in every way: it is my own self, the source of all beings.

Note on the text: Corrected विहित → विहितः (misprint in Wikisource; dropped visarga, the critical edition reads vihitaḥ). भूतभावनः is a recension variant of the critical edition's munisattama and is kept.

Verse 39 (3.192.39)

अर्धं मम शरीरस्य सर्वलोकपितामहः । अहं नारायणो नाम शङ्खचक्रगदाधरः ॥

ardhaṃ mama śarīrasya sarvalokapitāmahaḥ | ahaṃ nārāyaṇo nāma śaṅkhacakragadādharaḥ

The Grandfather of all the worlds is half of my body. I am the one named Narayana, who bears the conch, the discus and the mace.

Verse 40 (3.192.40)

यावद्युगानां विप्रर्षे सहस्रपरिवर्तनम् । तावत्स्वपिमि विश्वात्मा सर्वलोकपितामहः ॥

yāvadyugānāṃ viprarṣe sahasraparivartanam | tāvatsvapimi viśvātmā sarvalokapitāmahaḥ

For as long as a thousand cycles of the ages take to turn, O brahmin sage, so long do I sleep — I, the soul of the universe, the Grandfather of all the worlds.

Verse 41 (3.192.41)

एवं सर्वमहं कालमिहासे मुनिसत्तम । अशिशुः शिशुरूपेण यावद्ब्रह्मा न बुध्यते ॥

evaṃ sarvamahaṃ kālamihāse munisattama | aśiśuḥ śiśurūpeṇa yāvadbrahmā na budhyate

So I remain here all that time, O best of sages, no child yet in the form of a child, until Brahma awakens.

Verse 42 (3.192.42)

मया च दत्तो विप्राग्र्य वरस्ते ब्रह्मरूपिणा । असकृत्परितुष्टेन विप्रर्षिगणपूजित ॥

mayā ca datto viprāgrya varaste brahmarūpiṇā | asakṛtparituṣṭena viprarṣigaṇapūjita

And it was I, in the form of Brahma, pleased with you again and again, who granted you your boon, O foremost of brahmins, honoured by the hosts of brahmin sages.

Note on the text: Corrected परितष्टेन → परितुष्टेन (misprint in Wikisource; dropped vowel sign, the critical edition reads parituṣṭena).

Verse 43 (3.192.43)

सर्वमेकार्णवं दृष्ट्वा नष्टं स्थावरजङ्गमम् । विक्लबोऽसि मया ज्ञातस्ततस्ते दर्शितं जगत् ॥

sarvamekārṇavaṃ dṛṣṭvā naṣṭaṃ sthāvarajaṅgamam | viklabo'si mayā jñātastataste darśitaṃ jagat

When you saw everything become a single ocean, with all that moves and does not move destroyed, you were distressed. I knew it, and so I showed you the world.

Note on the text: Corrected विक्लबोसि → विक्लबोऽसि (missing avagraha; the critical edition reads viklavo 'si).

Verse 44 (3.192.44)

अभ्यन्तरं शरीरस्य प्रविष्टोऽसि यदा मम । दृष्ट्वा लोकं समस्तं च विस्मितो नावबुध्यसे ॥

abhyantaraṃ śarīrasya praviṣṭo'si yadā mama | dṛṣṭvā lokaṃ samastaṃ ca vismito nāvabudhyase

When you entered the inside of my body and saw the whole world there, you were astonished and could not understand.

Note on the text: Corrected प्रविष्टोसि → प्रविष्टोऽसि (missing avagraha; the critical edition reads praviṣṭo 'si).

Verse 45 (3.192.45)

ततोऽसि वक्त्राद्विप्रर्षे द्रुतं निःसारितो मया । आख्यातस्ते मया चात्मा दुर्ज्ञेयोऽपि सुरासुरैः ॥

tato'si vaktrādviprarṣe drutaṃ niḥsārito mayā | ākhyātaste mayā cātmā durjñeyo'pi surāsuraiḥ

Then, O brahmin sage, I quickly brought you out of my mouth, and I have told you of my self, which even the gods and the asuras find hard to know.

Note on the text: Corrected ततोसि → ततोऽसि (missing avagraha), वक्राद् → वक्त्राद् (misprint in Wikisource; broken conjunct) and दुर्ज्ञे योपि → दुर्ज्ञेयोऽपि (misprint; one word split, missing avagraha); the critical edition reads tato 'si vaktrād … durjñeyo 'pi.

Verse 46 (3.192.46)

यावत्स भगवान्ब्रह्मा न बुध्येत महातपाः । तावत्त्वमिह विप्रर्षे विस्रब्धश्चर वै सुखम् ॥

yāvatsa bhagavānbrahmā na budhyeta mahātapāḥ | tāvattvamiha viprarṣe visrabdhaścara vai sukham

Until the blessed Brahma, great in austerity, awakens, wander here at ease and without fear, O brahmin sage.

Verse 47 (3.192.47)

ततो विबुद्धे तस्मिंस्तु सर्वलोकपितामहे । एकीभूतः प्रवेक्ष्यामि शरीराणि द्विजोत्तम ॥

tato vibuddhe tasmiṃstu sarvalokapitāmahe | ekībhūtaḥ pravekṣyāmi śarīrāṇi dvijottama

Then, when the Grandfather of all the worlds has awakened, I shall become one with him and enter into the bodies, O best of brahmins —

Verse 48 (3.192.48)

आकाशं पृथिवीं ज्योतिर्वायुं सलिलमेव च । लोके यच्च भवेच्छेषमिह स्थावरजङ्गमम् ॥

ākāśaṃ pṛthivīṃ jyotirvāyuṃ salilameva ca | loke yacca bhaveccheṣamiha sthāvarajaṅgamam

space, earth, light, wind and water, and whatever else remains here in the world, moving and unmoving.

Verse 49 (3.192.49)

इत्युक्त्वान्तर्हितस्तात स देवः परमाद्भुतः । प्रजाश्चेमाः प्रपश्यामि विचित्रा विविधाः कृताः ॥

ityuktvāntarhitastāta sa devaḥ paramādbhutaḥ | prajāścemāḥ prapaśyāmi vicitrā vividhāḥ kṛtāḥ

Having said this, my son, that most wondrous god vanished, and I beheld these creatures, made in all their many varied forms.

Verse 50 (3.192.50)

एवं दृष्टं मया राजंस्तस्मिन्प्राप्ते युगक्षये । आश्चर्यं भरतश्रेष्ठ सर्वधर्मभृतां वर ॥

evaṃ dṛṣṭaṃ mayā rājaṃstasminprāpte yugakṣaye | āścaryaṃ bharataśreṣṭha sarvadharmabhṛtāṃ vara

This, O king, is the marvel I saw when that end of the age had come, O best of the Bharatas, foremost of all who uphold dharma.

Note on the text: Corrected सर्वधर्मभृतांवरः → सर्वधर्मभृतां वर (misprint in Wikisource; nominative for the vocative addressed to Yudhishthira, the critical edition reads sarvadharmabhṛtāṃ vara).

Verse 51 (3.192.51)

यः स देवो मया दृष्टः पुरा पद्मायतेक्षणः । स एष पुरुषव्याघ्र संबन्धी ते जनार्दनः ॥

yaḥ sa devo mayā dṛṣṭaḥ purā padmāyatekṣaṇaḥ | sa eṣa puruṣavyāghra saṃbandhī te janārdanaḥ

That god with eyes long as lotus petals whom I saw long ago — he is this Janardana, your own kinsman, O tiger among men.

Verse 52 (3.192.52)

अस्यैव वरदानाद्धि स्मृतिर्न प्रजहाति माम् । दीर्घमायुश्च कौन्तेय स्वच्छन्दमरणं मम ॥

asyaiva varadānāddhi smṛtirna prajahāti mām | dīrghamāyuśca kaunteya svacchandamaraṇaṃ mama

It is by his boon that my memory does not leave me, O son of Kunti, and that I have long life and death at a time of my own choosing.

Note on the text: Corrected दीर्गमायुश्च → दीर्घमायुश्च (misprint in Wikisource; ग for घ, the critical edition reads dīrgham āyuś ca).

Verse 53 (3.192.53)

स एष कृष्णो वार्ष्णेयः पुराणपुरुषो विभुः । आस्ते हरिरचिन्त्यात्मा क्रीडन्निव महाभुजः ॥

sa eṣa kṛṣṇo vārṣṇeyaḥ purāṇapuruṣo vibhuḥ | āste hariracintyātmā krīḍanniva mahābhujaḥ

This is Krishna of the Vrishni line, the ancient Person, the all-pervading lord — Hari, of unthinkable self, the mighty-armed, who sits here as though at play.

Note on the text: Corrected वार्ष्णेय → वार्ष्णेयः (misprint in Wikisource; dropped visarga — the epithet describes Krishna, not the person addressed; the critical edition reads vārṣṇeyaḥ).

Verse 54 (3.192.54)

एष धाता विधाता च संहर्ता चैव शाश्वतः । श्रीवत्सवक्षा गोविन्दः प्रजापतिपतिः प्रभुः ॥

eṣa dhātā vidhātā ca saṃhartā caiva śāśvataḥ | śrīvatsavakṣā govindaḥ prajāpatipatiḥ prabhuḥ

He is the Creator and the Ordainer, and the eternal Destroyer too; he is Govinda, with the Shrivatsa mark on his chest, the lord of the lords of creatures, the master.

Verse 55 (3.192.55)

दृष्ट्वेमं वृष्णिप्रवरं स्मृतिर्मामियमागता । आदिदेवमजं जिष्णुं पुरुषं पीतवाससम् ॥

dṛṣṭvemaṃ vṛṣṇipravaraṃ smṛtirmāmiyamāgatā | ādidevamajaṃ jiṣṇuṃ puruṣaṃ pītavāsasam

When I saw this foremost of the Vrishnis, this memory came back to me — of the primal god, the unborn, the victorious Person clad in yellow.

Note on the text: Corrected आदिदेवमयं → आदिदेवमजं (misprint in Wikisource; य for ज, the critical edition reads ādidevam ajaṃ). जिष्णुं and वृष्णिप्रवरं are recension variants of viṣṇuṃ and vṛṣṇiśārdūlaṃ and are kept.

Verse 56 (3.192.56)

सर्वेषामेव भूतानां पिता माता च माधवः । गच्छध्वमेनं शरणं शरण्यं कौरवर्षभाः ॥

sarveṣāmeva bhūtānāṃ pitā mātā ca mādhavaḥ | gacchadhvamenaṃ śaraṇaṃ śaraṇyaṃ kauravarṣabhāḥ

Madhava is father and mother to all beings. Go to him for refuge, for he is the refuge, O bulls among the Kurus.

Verse 57 (3.192.57)

एवमुक्ताश्च ते पार्था यमौ च पुरुषर्षभौ । द्रौपद्या सहिताः सर्वे नमश्चक्रुर्जनार्दनम् ॥

evamuktāśca te pārthā yamau ca puruṣarṣabhau | draupadyā sahitāḥ sarve namaścakrurjanārdanam

Thus addressed, the sons of Pritha and the twins, those bulls among men, together with Draupadi, all bowed down to Janardana.

Note on the text: Corrected एवमुक्तास्च → एवमुक्ताश्च and पार्ता → पार्था (misprints in Wikisource; स for श and त for थ, the critical edition reads pārthā). द्रौपद्या सहिताः सर्वे is a recension variant and is kept.

Verse 58 (3.192.58)

स चैतान्पुरुषव्याघ्र साम्ना परमवल्गुना । सान्त्वयामास मानार्हो मन्यमानो यथाविधि ॥

sa caitānpuruṣavyāghra sāmnā paramavalgunā | sāntvayāmāsa mānārho manyamāno yathāvidhi

And he, worthy of honour, comforted them, O tiger among men, with gentle and most gracious words, regarding them as was fitting.