Markandeya Foretells the End of the Kali Age and the Coming of Kalki

Verse 1 (3.193.1)

युधिष्ठिरस्तु कौन्तेयो मार्कण्डेयं महामुनिम् । पुनः पप्रच्छ सामात्यो भविष्यां जगतो गतिम् ॥

yudhiṣṭhirastu kaunteyo mārkaṇḍeyaṃ mahāmunim | punaḥ papraccha sāmātyo bhaviṣyāṃ jagato gatim

Then Yudhishthira, son of Kunti, together with his ministers, questioned the great sage Markandeya once more about the future course of the world.

Note on the text: Corrected पुन- → पुनः (misprint in Wikisource; a hyphen printed for the visarga; the critical edition reads punaḥ). सामात्यो for sāmrājye is a recension variant and is kept.

Verse 2 (3.193.2)

आश्चर्यभूतं भवतः श्रुतं नो वदतांवर । मुने भार्गव यद्वृत्तं युगादौ प्रभवाप्ययौ ॥

āścaryabhūtaṃ bhavataḥ śrutaṃ no vadatāṃvara | mune bhārgava yadvṛttaṃ yugādau prabhavāpyayau

"Best of speakers, sage of Bhrigu's line, we have heard from you the wondrous account of what took place at the beginning of the ages, of creation and dissolution.

Verse 3 (3.193.3)

अस्मिन्कलियुगे त्वस्ति पुनः कौतूहलं मम । समाकुलेषु धर्मेषु किंनु शेषं भविष्यति ॥

asminkaliyuge tvasti punaḥ kautūhalaṃ mama | samākuleṣu dharmeṣu kiṃnu śeṣaṃ bhaviṣyati

But about this Kali age I am curious once again: when the ways of dharma are thrown into confusion, what will be left?

Verse 4 (3.193.4)

किंवीर्या मानवास्तत्र किमाहारविहारिणः । किमायुषः किंवसना भविष्यन्ति युगक्षये ॥

kiṃvīryā mānavāstatra kimāhāravihāriṇaḥ | kimāyuṣaḥ kiṃvasanā bhaviṣyanti yugakṣaye

What strength will men have then, what will they eat and how will they live, how long will their lives be and what will they wear when the age is ending?

Note on the text: Corrected मानवास्तत्रकिमाहारविहारिणः → मानवास्तत्र किमाहारविहारिणः (word-spacing slip in Wikisource).

Verse 5 (3.193.5)

कां च काष्ठां समासाद्य पुनः संपत्स्यते कृतम् । विस्तरेण मुने ब्रूहि विचित्राणीह भाषसे ॥

kāṃ ca kāṣṭhāṃ samāsādya punaḥ saṃpatsyate kṛtam | vistareṇa mune brūhi vicitrāṇīha bhāṣase

And when what limit has been reached will the Krita age come about again? Tell me at length, sage, for the things you speak of are wonderful."

Verse 6 (3.193.6)

इत्युक्तः स मुनिश्रेष्ठः पुनरेवाभ्यभाषत । रमयन्वृष्णिशार्दूलं पाण्डवांश्च महानृषिः ॥

ityuktaḥ sa muniśreṣṭhaḥ punarevābhyabhāṣata | ramayanvṛṣṇiśārdūlaṃ pāṇḍavāṃśca mahānṛṣiḥ

Thus addressed, that best of sages, the great seer, spoke again, delighting the tiger of the Vrishnis and the Pandavas.

Note on the text: Corrected पाण्डवांस्च → पाण्डवांश्च (misprint in Wikisource; स्च for श्च). महानृषिः for mahāmuniḥ is a recension variant and is kept. Narration: the input carried Yudhishthira's heading over this verse.

Verse 7 (3.193.7)

शृणु राजन्मया दृष्टं यत्पुरा श्रुतमेव च । अनुभूतं च राजेन्द्र देवदेवप्रसादजम् ॥

śṛṇu rājanmayā dṛṣṭaṃ yatpurā śrutameva ca | anubhūtaṃ ca rājendra devadevaprasādajam

"Listen, king, to what I have seen and also heard long ago, and what I have lived through, lord of kings, by the grace of the God of gods.

Note on the text: Corrected राजेनद्‌रदेवदेवप्रसादजम् → राजेन्द्र देवदेवप्रसादजम् (misprint in Wikisource; a broken conjunct, with the next word run on; the apparatus reads rājendra devadevaprasādajam). Not in the critical edition's constituted text (found in the vulgate recension; CE apparatus 3.188.9*944). Wikisource prints no heading for Markandeya; the critical edition puts 'mārkaṇḍeya uvāca' here.

Verse 8 (3.193.8)

भविष्यं सर्वलोकस्य वृत्तान्तं भरतर्षभ । कलुषं कालमासाद्य कथ्यमानं निबोध मे ॥

bhaviṣyaṃ sarvalokasya vṛttāntaṃ bharatarṣabha | kaluṣaṃ kālamāsādya kathyamānaṃ nibodha me

Learn from me, bull of the Bharatas, as I tell it, what will befall the whole world when the age of sin arrives.

Verse 9 (3.193.9)

कृते चतुष्पात्सकलो निर्व्याजोपाधिवर्जितः । वृषः प्रतिष्ठितो धर्मो मनुष्ये भरतर्षभ ॥

kṛte catuṣpātsakalo nirvyājopādhivarjitaḥ | vṛṣaḥ pratiṣṭhito dharmo manuṣye bharatarṣabha

In the Krita age, bull of the Bharatas, dharma stood firm among men like a bull on four feet, whole, free of deceit and of every taint.

Note on the text: Corrected निर्व्याजोप्राधिवर्जितः → निर्व्याजोपाधिवर्जितः (misprint in Wikisource; a stray र in उपाधि; the critical edition reads nirvyājopādhivarjitaḥ and the Wikisource commentary glosses उपाधिवर्जितः). मनुष्ये भरतर्षभ for manuṣyeṣv abhavat purā is a recension variant and is kept.

Verse 10 (3.193.10)

अधर्मपादविद्धस्तु त्रिभिरंशैः प्रतिष्ठितः । त्रेतायां द्वापरेऽर्धेन व्यामिश्रो धर्म उच्यते ॥

adharmapādaviddhastu tribhiraṃśaiḥ pratiṣṭhitaḥ | tretāyāṃ dvāpare'rdhena vyāmiśro dharma ucyate

In the Treta, pierced by a foot of adharma, it stands on three parts; in the Dvapara dharma is said to be mixed, half with adharma.

Verse 11 (3.193.11)

त्रिभिरंशैरधर्मस्तु लोकानाक्रम्य तिष्ठति । तामसं युगमासाद्य तदा भरतसत्तम ॥

tribhiraṃśairadharmastu lokānākramya tiṣṭhati | tāmasaṃ yugamāsādya tadā bharatasattama

Then, best of the Bharatas, when the dark age comes, adharma overruns the worlds and stands on three parts,

Note on the text: This verse is CE 3.188.12ab with a second line that is not in the critical edition's constituted text (found in the vulgate recension; CE apparatus 3.188.12b*945).

Verse 12 (3.193.12)

चतुर्थांशेन धर्मस्तु मनुष्यानुपतिष्ठति । आयुर्वीर्यं मनो बुद्धिर्बलं तेजश्च पाण्डव ॥

caturthāṃśena dharmastu manuṣyānupatiṣṭhati | āyurvīryaṃ mano buddhirbalaṃ tejaśca pāṇḍava

and dharma waits on men with only a fourth part. Life, strength, mind, intelligence, might and vigour, son of Pandu,

Note on the text: This verse is CE 3.188.12cd + 3.188.13ab (Wikisource divides the lines differently). मनो for atho is a recension variant.

Verse 13 (3.193.13)

मनुष्याणामनुयुगं ह्रसन्तीति निबोध मे । ब्राह्मणाः क्षत्रिया वैश्याः शूद्राश्चैव युधिष्ठिर ॥

manuṣyāṇāmanuyugaṃ hrasantīti nibodha me | brāhmaṇāḥ kṣatriyā vaiśyāḥ śūdrāścaiva yudhiṣṭhira

dwindle among men from age to age; know this from me. Brahmins, kshatriyas, vaishyas and shudras, Yudhishthira,

Note on the text: Corrected मनुष्याणआमनुयुगं → मनुष्याणामनुयुगं and ह्रप्तन्तीति → ह्रसन्तीति (misprints in Wikisource; a broken आ and प्त for स; the critical edition reads manuṣyāṇām anuyugaṃ hrasatīti, singular, while Wikisource's plural fits its list of subjects). This verse is CE 3.188.13cd + 3.188.14ab (Wikisource divides the lines differently). ब्राह्मणाः क्षत्रिया for rājāno brāhmaṇā is a recension variant.

Verse 14 (3.193.14)

व्याजैर्धर्मं चरिष्यन्ति धर्मवैतंसिका नराः । सत्यं संक्षेप्स्यते लोके नरैः पण्डितमानिभिः ॥

vyājairdharmaṃ cariṣyanti dharmavaitaṃsikā narāḥ | satyaṃ saṃkṣepsyate loke naraiḥ paṇḍitamānibhiḥ

will practise dharma with deceit, men who spread dharma like a net to snare others. Truth will shrink in the world because of men who think themselves learned.

Note on the text: This verse is CE 3.188.14cd + 3.188.15ab (Wikisource divides the lines differently).

Verse 15 (3.193.15)

सत्यहान्या ततस्तेषामायुरल्पं भविष्यति । आयुषः प्रक्षयाद्विद्यां न शक्ष्यन्त्युपशिक्षितुम् ॥

satyahānyā tatasteṣāmāyuralpaṃ bhaviṣyati | āyuṣaḥ prakṣayādvidyāṃ na śakṣyantyupaśikṣitum

Through the loss of truth their lives will grow short, and because their lives are cut short they will be unable to acquire learning.

Note on the text: This verse is CE 3.188.15cd + 3.188.16ab (Wikisource divides the lines differently).

Verse 16 (3.193.16)

विद्याहीनानविज्ञानाल्लोभोप्यभिभविष्यति । लोभमोहपरा मूढाः कामासक्ताश्च मानवाः ॥

vidyāhīnānavijñānāllobhopyabhibhaviṣyati | lobhamohaparā mūḍhāḥ kāmāsaktāśca mānavāḥ

Greed will overpower those who lack learning and understanding. Given over to greed and delusion, foolish and attached to desire, men

Note on the text: Corrected कामासक्ताश् → कामासक्ताश्च (misprint in Wikisource; a dropped च, as in the critical edition's kāmasaktāś ca). This verse is CE 3.188.16cd + 3.188.17ab (Wikisource divides the lines differently). लोभमोहपरा for lobhakrodhaparā is a recension variant.

Verse 17 (3.193.17)

वैरबद्धा भविष्यन्ति परस्परवधैषिणः । ब्राह्मणाः क्षत्रिया वैश्याः संकीर्यन्ते परस्परम् ॥

vairabaddhā bhaviṣyanti parasparavadhaiṣiṇaḥ | brāhmaṇāḥ kṣatriyā vaiśyāḥ saṃkīryante parasparam

will be bound in enmity, each seeking the other's death. Brahmins, kshatriyas and vaishyas will be mingled with one another;

Note on the text: This verse is CE 3.188.17cd + 3.188.18ab (Wikisource divides the lines differently).

Verse 18 (3.193.18)

शूद्रतुल्या भविष्यन्ति तपःसत्यविवर्जिताः । अन्त्या मध्या भविष्यन्ति मध्याश्चान्त्या न संशयः ॥

śūdratulyā bhaviṣyanti tapaḥsatyavivarjitāḥ | antyā madhyā bhaviṣyanti madhyāścāntyā na saṃśayaḥ

bereft of austerity and truth, they will become like shudras. The lowest will rise to the middle and the middle will sink to the lowest, without a doubt.

Note on the text: This verse is CE 3.188.18cd + 3.188.19ab (Wikisource divides the lines differently).

Verse 19 (3.193.19)

ईदृशो भविता लोको युगान्ते पर्युपस्थिते । वस्त्राणां प्रवरा शाणी धान्यानां कोरदूषकः ॥

īdṛśo bhavitā loko yugānte paryupasthite | vastrāṇāṃ pravarā śāṇī dhānyānāṃ koradūṣakaḥ

Such will the world be when the end of the age has come. Of cloths, hempen cloth will be thought the best; of grains, the coarse kodrava.

Note on the text: Corrected कोरदूपकः → कोरदूषकः (misprint in Wikisource; प for ष; the critical edition reads koradūṣakāḥ, the kodrava grain). This verse is CE 3.188.19cd + 3.188.20ab (Wikisource divides the lines differently).

Verse 20 (3.193.20)

भार्यामित्राश्च पुरुषा भविष्यन्ति युगक्षये । मत्स्यामिषेण जीवन्तो दुहन्तश्चाप्यजैडकम् ॥

bhāryāmitrāśca puruṣā bhaviṣyanti yugakṣaye | matsyāmiṣeṇa jīvanto duhantaścāpyajaiḍakam

At the close of the age men will have their wives as their only friends. They will live on fish and flesh and milk goats and sheep,

Note on the text: This verse is CE 3.188.20cd + 3.188.21ab (Wikisource divides the lines differently).

Verse 21 (3.193.21)

गोषु नष्टासु पुरुषा येऽपि नित्यं धृतव्रताः । तेऽपि लोभसमायुक्ता भविष्यन्ति युगक्षये ॥

goṣu naṣṭāsu puruṣā ye'pi nityaṃ dhṛtavratāḥ | te'pi lobhasamāyuktā bhaviṣyanti yugakṣaye

for the cows will have perished. Even men who have always kept their vows will be seized by greed at the close of the age.

Note on the text: Corrected तेऽपिलोभसमायुक्ता → तेऽपि लोभसमायुक्ता (word-spacing slip in Wikisource). The first line is CE 3.188.21cd; the second line is not in the critical edition's constituted text (found in the vulgate recension; CE apparatus 3.188.21c*946).

Verse 22 (3.193.22)

अन्योन्यं परिमुष्णन्तो हिंसयन्तश्च मानवाः । अजपा नास्तिकाः स्तेना भविष्यन्ति युगक्षये ॥

anyonyaṃ parimuṣṇanto hiṃsayantaśca mānavāḥ | ajapā nāstikāḥ stenā bhaviṣyanti yugakṣaye

Robbing and harming one another, men will be without prayer, unbelievers and thieves at the close of the age.

Verse 23 (3.193.23)

सरित्तीरेषु कुद्दालैर्वापयिष्यन्ति चौषधीः । ताश्चाप्यल्पफलास्तेषां भविष्यन्ति युगक्षये ॥

sarittīreṣu kuddālairvāpayiṣyanti cauṣadhīḥ | tāścāpyalpaphalāsteṣāṃ bhaviṣyanti yugakṣaye

They will sow their crops with hoes along the banks of rivers, and even those will yield them little at the close of the age.

Note on the text: Corrected वापयिष्यनति चौपधीः → वापयिष्यन्ति चौषधीः (misprints in Wikisource; a broken conjunct, and प for ष; the critical edition reads vāpayiṣyanti cauṣadhīḥ).

Verse 24 (3.193.24)

श्राद्धे दैवे च पुरुषा येऽपि नित्यं धृतव्रताः । तेऽपि लोभसमायुक्ता भोक्ष्यन्तीह परस्परम् ॥

śrāddhe daive ca puruṣā ye'pi nityaṃ dhṛtavratāḥ | te'pi lobhasamāyuktā bhokṣyantīha parasparam

Even men who have always kept their vows will, seized by greed, eat from one another at rites for the ancestors and the gods.

Note on the text: Corrected धृव्रताः → धृतव्रताः (misprint in Wikisource; a dropped त, as in the critical edition's dhṛtavratāḥ) and तेऽपिलोभसमायुक्ता → तेऽपि लोभसमायुक्ता (word-spacing slip).

Verse 25 (3.193.25)

पिता पुत्रस्य भोक्ता च पितुः पुत्रस्तथैव च । अतिक्रान्तानि भोज्यानि भविष्यन्ति युगक्षये ॥

pitā putrasya bhoktā ca pituḥ putrastathaiva ca | atikrāntāni bhojyāni bhaviṣyanti yugakṣaye

The father will eat the son's food and the son the father's; at the close of the age the rules about food will be broken.

Note on the text: Corrected पुत्रस् → पुत्रस्य (misprint in Wikisource; a dropped य, as in the critical edition's putrasya).

Verse 26 (3.193.26)

न व्रतानि चरिष्यन्ति ब्राह्मणा वेदनिन्दकाः । न यक्ष्यन्ति न होष्यन्ति हेतुवादविमोहिताः । निम्नेष्वीहां करिष्यन्ति हेतुवादविमोहिताः ॥

na vratāni cariṣyanti brāhmaṇā vedanindakāḥ | na yakṣyanti na hoṣyanti hetuvādavimohitāḥ | nimneṣvīhāṃ kariṣyanti hetuvādavimohitāḥ

Brahmins will revile the Vedas and keep no vows; led astray by the arguments of reasoners, they will neither sacrifice nor make offerings into the fire. Led astray by such arguments, they will set their hearts on base pursuits.

Note on the text: Corrected करिष्यनति → करिष्यन्ति (misprint in Wikisource; a broken conjunct). Three-line verse: the first two lines are CE 3.188.26 (विमोहिताः for vilobhitāḥ is a recension variant); the third is not in the critical edition's constituted text (found in the vulgate recension; CE apparatus 3.188.26d*948).

Verse 27 (3.193.27)

निम्ने कृषिं करिष्यन्ति योक्ष्यन्ति धुरि धेनुकाः । एकहायनवत्सांश्च वाहयिष्यन्ति मानवाः ॥

nimne kṛṣiṃ kariṣyanti yokṣyanti dhuri dhenukāḥ | ekahāyanavatsāṃśca vāhayiṣyanti mānavāḥ

They will till low-lying land, yoke milch cows to the pole, and make yearling calves draw loads.

Note on the text: Corrected धेनुक्राः → धेनुकाः (misprint in Wikisource; a stray र; the critical edition reads dhenukāḥ).

Verse 28 (3.193.28)

पुत्रः पितृवधं कृत्वा पिता पुत्रवधं तथा । स्त्रियोऽपि पतिपुत्रादीन्वधिष्यन्ति युगक्षये । निरुद्वेगो बृहद्वादी न निन्दामुपलप्स्यते ॥

putraḥ pitṛvadhaṃ kṛtvā pitā putravadhaṃ tathā | striyo'pi patiputrādīnvadhiṣyanti yugakṣaye | nirudvego bṛhadvādī na nindāmupalapsyate

The son will kill his father and the father his son; women too will kill their husbands, sons and others at the close of the age; and the killer, untroubled and boastful, will meet with no reproach.

Note on the text: Removed the backtick and quote marks around the middle line (Wikisource's mark for an inserted line) and corrected वधिष्यनति → वधिष्यन्ति (misprint; a broken conjunct) and बृहद्बादी → बृहद्वादी (misprint; ब for व; the critical edition reads bṛhadvādī). The outer lines are CE 3.188.28; the middle line is not in the critical edition (found in the vulgate recension).

Verse 29 (3.193.29)

म्लेच्छभूतं जगत्सर्वं निष्क्रियं दानवर्जितम् । भविष्यति निरानन्दमनुत्सवमथो तथा ॥

mlecchabhūtaṃ jagatsarvaṃ niṣkriyaṃ dānavarjitam | bhaviṣyati nirānandamanutsavamatho tathā

The whole world will become like the barbarians, without rites and without giving, joyless and without festivals.

Verse 30 (3.193.30)

प्रायशः कृपणानां हि तथा बन्धुमतामपि । विधवानां च वित्तानि हरिष्यन्तीह मानवाः ॥

prāyaśaḥ kṛpaṇānāṃ hi tathā bandhumatāmapi | vidhavānāṃ ca vittāni hariṣyantīha mānavāḥ

For the most part men will seize the wealth of the helpless, even of those who have kinsmen, and of widows.

Verse 31 (3.193.31)

स्वल्पवीर्यबलाः स्तब्धा लोभमोहपरायणाः । तत्कथादानसंतुष्टा शिष्टानामपि बान्धवाः ॥

svalpavīryabalāḥ stabdhā lobhamohaparāyaṇāḥ | tatkathādānasaṃtuṣṭā śiṣṭānāmapi bāndhavāḥ

Feeble in strength and valour, stubborn, given wholly to greed and delusion, content with mere talk of giving and with gifts, even the kinsmen of good men

Note on the text: Corrected स्वाधा → स्तब्धा and संतुष्ट → संतुष्टा (misprints in Wikisource; स्वाधा is not a word, and the ending was dropped; the critical edition reads stabdhā and saṃtuṣṭā). This verse is CE 3.188.31ab + 31cd (Wikisource divides the critical edition's three-line verse across this verse and the next); शिष्टानामपि बान्धवाः for duṣṭānām api mānavāḥ is a recension variant.

Verse 32 (3.193.32)

परिग्रहं करिष्यन्ति मायाचारपरिग्रहाः । संघातयन्तः कौन्तेय राजानः पापबुद्धयः ॥

parigrahaṃ kariṣyanti māyācāraparigrahāḥ | saṃghātayantaḥ kaunteya rājānaḥ pāpabuddhayaḥ

will acquire possessions by deceitful conduct. Kings of sinful mind, son of Kunti, stirring up slaughter,

Note on the text: Corrected परिग्रहंकरिष्यति → परिग्रहं करिष्यन्ति (misprint in Wikisource; a dropped न्, with the words run together; the critical edition reads parigrahaṃ kariṣyanti) and संघातयन्तः तय → संघातयन्तः कौन्तेय (misprint; तय is not a word and the line is a syllable short; the critical edition reads saṃghātayantaḥ kaunteya). This verse is CE 3.188.31ef + 3.188.32ab; मायाचार for pāpācāra is a recension variant.

Verse 33 (3.193.33)

परस्परवधोद्युक्ता मूर्खाः पण्डितमानिनः । भविष्यन्ति युगस्यान्ते क्षत्रिया लोककण्टकाः ॥

parasparavadhodyuktā mūrkhāḥ paṇḍitamāninaḥ | bhaviṣyanti yugasyānte kṣatriyā lokakaṇṭakāḥ

bent on killing one another, fools who think themselves learned, these kshatriyas will be thorns in the side of the world at the end of the age.

Note on the text: Corrected परस्परवधोयुक्ता → परस्परवधोद्युक्ता (misprint in Wikisource; a dropped द्; the critical edition reads parasparavadhodyuktā). This verse is CE 3.188.32cd + 32ef.

Verse 34 (3.193.34)

अरक्षितारो लुब्धाश्च मानाहंकारदर्पिताः । केवलं दण्डरुचयो भविष्यन्ति युगक्षये ॥

arakṣitāro lubdhāśca mānāhaṃkāradarpitāḥ | kevalaṃ daṇḍarucayo bhaviṣyanti yugakṣaye

Greedy, swollen with pride and conceit, they will not protect their subjects and will care only for punishment at the close of the age.

Note on the text: Corrected लुब्धाश् → लुब्धाश्च (misprint in Wikisource; a dropped च, as in the critical edition's lubdhāś ca).

Verse 35 (3.193.35)

आक्रम्याक्रम्य साधूनां दारांश्चापि धनानि च । भोक्ष्यन्ते निरनुक्रोशा रुदतामपि भारत ॥

ākramyākramya sādhūnāṃ dārāṃścāpi dhanāni ca | bhokṣyante niranukrośā rudatāmapi bhārata

Falling upon the good again and again, they will pitilessly enjoy their wives and their wealth, Bharata, even as they weep.

Note on the text: Corrected निरनुक्रोसा → निरनुक्रोशा (misprint in Wikisource; स for श; the critical edition reads niranukrośā).

Verse 36 (3.193.36)

न कन्यां याचते कश्चिन्नापि कन्या प्रदीयते । स्वयंग्रहा भविष्यन्ति युगान्ते समुपस्थिते ॥

na kanyāṃ yācate kaścinnāpi kanyā pradīyate | svayaṃgrahā bhaviṣyanti yugānte samupasthite

No one will ask for a maiden's hand and no maiden will be given in marriage; people will take partners for themselves when the end of the age has come.

Note on the text: Corrected याचे → याचते (misprint in Wikisource; a dropped akshara that leaves the line a syllable short; the critical edition reads yācate). स्वयंग्रहा for svayaṃgrāhā is a recension variant and is kept.

Verse 37 (3.193.37)

राजानश्चाप्यसंतुष्टाः परार्थान्मूढचेतसः । सर्वोपायैर्हरिष्यन्ति युगान्ते पर्युपस्थिते ॥

rājānaścāpyasaṃtuṣṭāḥ parārthānmūḍhacetasaḥ | sarvopāyairhariṣyanti yugānte paryupasthite

Kings too, never satisfied and dull of mind, will seize the wealth of others by every means when the end of the age has come.

Note on the text: Corrected परार्तान् → परार्थान् (misprint in Wikisource; त for थ; the critical edition reads parārthān, and the Wikisource commentary glosses परार्थान्परधनानि).

Verse 38 (3.193.38)

म्लेच्छीभूतं जगत्सर्वं भविष्यति न संशयः । हस्तो हस्तं परिमुषेद्युगान्ते समुपस्थिते ॥

mlecchībhūtaṃ jagatsarvaṃ bhaviṣyati na saṃśayaḥ | hasto hastaṃ parimuṣedyugānte samupasthite

The whole world will become barbarous, there is no doubt; at the end of the age hand will rob hand.

Verse 39 (3.193.39)

सत्यं संक्षिप्यते लोके नरैः पण्डितमानिभिः । स्थविरा बालमतयो बालाः स्थविरबुद्धयः ॥

satyaṃ saṃkṣipyate loke naraiḥ paṇḍitamānibhiḥ | sthavirā bālamatayo bālāḥ sthavirabuddhayaḥ

Truth will shrink in the world because of men who think themselves learned. The old will have the minds of children, and children the minds of the old.

Verse 40 (3.193.40)

भीरुस्तथा शूरमानी शूरा भीरुविषादिनः । न विश्वसन्ति चान्योन्यं युगान्ते पर्युपस्थिते ॥

bhīrustathā śūramānī śūrā bhīruviṣādinaḥ | na viśvasanti cānyonyaṃ yugānte paryupasthite

The coward will think himself a hero, and heroes will lose heart like cowards; and when the end of the age has come, no one will trust another.

Note on the text: Corrected भीरुस्था → भीरुस्तथा (misprint in Wikisource; a dropped त that leaves the line a syllable short; the critical edition has bhīravaḥ śūramāninaḥ, of which Wikisource's singular is a recension variant).

Verse 41 (3.193.41)

नैकभार्यं जगत्सर्वं लोभमोहव्यवस्थितम् । अधर्मो वर्धते तत्र न तु धर्मः प्रवर्तते ॥

naikabhāryaṃ jagatsarvaṃ lobhamohavyavasthitam | adharmo vardhate tatra na tu dharmaḥ pravartate

The whole world, ruled by greed and delusion, will not keep to one wife. Adharma grows there, and dharma does not prevail.

Note on the text: नैकभार्यं for ekāhāryaṃ is a recension variant (the Wikisource commentary records ekāhāryaṃ as another reading) and is kept.

Verse 42 (3.193.42)

ब्राह्मणाः क्षत्रिया वैश्या नशिष्यन्ति जनाधिप । एकवर्णस्तदा लोको भविष्यति युगक्षये ॥

brāhmaṇāḥ kṣatriyā vaiśyā naśiṣyanti janādhipa | ekavarṇastadā loko bhaviṣyati yugakṣaye

Brahmins, kshatriyas and vaishyas will perish, lord of men, and at the close of the age the world will be of a single class.

Verse 43 (3.193.43)

न क्षंस्यति पिता पुत्रं पुत्रश्च पितरं तथा । भार्याश्च पतिशुश्रूषां न करिष्यन्ति संक्षये ॥

na kṣaṃsyati pitā putraṃ putraśca pitaraṃ tathā | bhāryāśca patiśuśrūṣāṃ na kariṣyanti saṃkṣaye

The father will not bear with the son, nor the son with the father, and in that time of ruin wives will not serve their husbands.

Verse 44 (3.193.44)

ये यवान्ना जनपदा गोधूमान्नास्तथैव च । तान्देशान्संश्रयिष्यन्ति युगान्ते पर्युपस्थिते ॥

ye yavānnā janapadā godhūmānnāstathaiva ca | tāndeśānsaṃśrayiṣyanti yugānte paryupasthite

When the end of the age has come, people will flock to the lands where barley and wheat are the staple food.

Verse 45 (3.193.45)

स्वैराहाराश्च पुरुषा योषितश्च विशांपते । अन्योन्यं न सहिष्यन्ति युगान्ते पर्युपस्थिते ॥

svairāhārāśca puruṣā yoṣitaśca viśāṃpate | anyonyaṃ na sahiṣyanti yugānte paryupasthite

Men and women alike, lord of the people, will eat as they please and will not bear with one another when the end of the age has come.

Verse 46 (3.193.46)

म्लेच्छभूतं जगत्सर्वं भविष्यति युधिष्ठिर । श्राद्धे न देवान्न पितॄँस्तर्पयिष्यन्ति मानवाः ॥

mlecchabhūtaṃ jagatsarvaṃ bhaviṣyati yudhiṣṭhira | śrāddhe na devānna pitṝm̐starpayiṣyanti mānavāḥ

The whole world will become barbarous, Yudhishthira; at the shraddha men will satisfy neither the gods nor the ancestors.

Verse 47 (3.193.47)

न कश्चित्कस्यचिच्छ्रोता न कश्चित्कस्यचिद्गुरुः । तमोग्रस्तस्तदा लोको भविष्यति जनाधिप ॥

na kaścitkasyacicchrotā na kaścitkasyacidguruḥ | tamograstastadā loko bhaviṣyati janādhipa

No one will listen to anyone and no one will be anyone's teacher; the world will then be gripped by darkness, lord of men.

Verse 48 (3.193.48)

परमायुश्च भविता तदा वर्षाणि षोडश । ततः प्राणान्विमोक्ष्यन्ति युगान्ते समुपस्थिते ॥

paramāyuśca bhavitā tadā varṣāṇi ṣoḍaśa | tataḥ prāṇānvimokṣyanti yugānte samupasthite

The longest span of life will then be sixteen years, and after that men will give up their breath when the end of the age has come.

Verse 49 (3.193.49)

पञ्चमे वाऽथ षष्ठे वा वर्षे कन्या प्रसूयते । सप्तवर्षाष्टवर्षाश्च प्रजास्यन्ति नरास्तदा ॥

pañcame vā'tha ṣaṣṭhe vā varṣe kanyā prasūyate | saptavarṣāṣṭavarṣāśca prajāsyanti narāstadā

A girl will bear a child in her fifth or sixth year, and men will beget children at seven or eight.

Verse 50 (3.193.50)

पत्यौ स्त्री तु तदा राजन्पुरुषो वा स्त्रियं प्रति । युगान्ते राजशार्दूल न तोषमुपयास्यति ॥

patyau strī tu tadā rājanpuruṣo vā striyaṃ prati | yugānte rājaśārdūla na toṣamupayāsyati

At the end of the age, king, tiger among kings, a wife will find no contentment in her husband, nor a man in his wife.

Verse 51 (3.193.51)

अल्पद्रव्या वृथालिङ्गा हिंसा च प्रभविष्यति । न कश्चित्कस्यचिद्दाता भविष्यति युगक्षये ॥

alpadravyā vṛthāliṅgā hiṃsā ca prabhaviṣyati | na kaścitkasyaciddātā bhaviṣyati yugakṣaye

People will have little wealth and will wear the marks of religion for nothing, and violence will prevail; at the close of the age no one will give to anyone.

Verse 52 (3.193.52)

अट्टशूला जनपदाः शिवशूलाश्चतुष्पथाः । केशशूलाः स्त्रियश्चापि भविष्यन्ति युगक्षये ॥

aṭṭaśūlā janapadāḥ śivaśūlāścatuṣpathāḥ | keśaśūlāḥ striyaścāpi bhaviṣyanti yugakṣaye

At the close of the age whole countries will sell their food, the crossroads will be markets for the Veda, and women will make a trade of their bodies.

Note on the text: Corrected भविष्यनति → भविष्यन्ति (misprint in Wikisource; a broken conjunct).

Verse 53 (3.193.53)

म्लेच्छाचाराः सर्वभक्षा दारुणाः सर्वकर्मसु । भाविनः पश्चिमे काले मनुष्या नात्र संशयः ॥

mlecchācārāḥ sarvabhakṣā dāruṇāḥ sarvakarmasu | bhāvinaḥ paścime kāle manuṣyā nātra saṃśayaḥ

In that last age men will follow the ways of barbarians, eating anything, cruel in all their deeds; of this there is no doubt.

Note on the text: Corrected सर्वमभक्षा दारुणा → सर्वभक्षा दारुणाः and भाविन → भाविनः (misprints in Wikisource; a stray म that spoils the metre, and two dropped visargas; the critical edition reads sarvabhakṣā dāruṇāḥ and bhāvinaḥ). म्लेच्छाचाराः for mlecchāḥ krūrāḥ is a recension variant.

Verse 54 (3.193.54)

क्रयविक्रयकाले च सर्वः सर्वस्य वञ्चनम् । युगान्ते भरतश्रेष्ठ वित्तलोभात्करिष्यति ॥

krayavikrayakāle ca sarvaḥ sarvasya vañcanam | yugānte bharataśreṣṭha vittalobhātkariṣyati

At the time of buying and selling, best of the Bharatas, everyone will cheat everyone out of greed for wealth at the end of the age.

Verse 55 (3.193.55)

ज्ञानानि चाप्यविज्ञाय करिष्यन्ति क्रियास्तथा । आत्मच्छन्देन वर्तन्ते युगान्ते समुपस्थिते ॥

jñānāni cāpyavijñāya kariṣyanti kriyāstathā | ātmacchandena vartante yugānte samupasthite

Without understanding what ought to be known, they will still perform rites; when the end of the age has come, people act as they please.

Verse 56 (3.193.56)

स्वभावात्क्रूरकर्माणश्चान्योन्यमभिशंसिनः । भवितारो जनाः सर्वे संप्राप्ते तु युगक्षये ॥

svabhāvātkrūrakarmāṇaścānyonyamabhiśaṃsinaḥ | bhavitāro janāḥ sarve saṃprāpte tu yugakṣaye

All people will be cruel in deed by nature and will slander one another when the close of the age has come.

Verse 57 (3.193.57)

आरामांश्चैव वृक्षांश्च नाशयिष्यन्ति निर्व्यथाः । भविता संशयो लोके जीवितस्य हि देहिनाम् ॥

ārāmāṃścaiva vṛkṣāṃśca nāśayiṣyanti nirvyathāḥ | bhavitā saṃśayo loke jīvitasya hi dehinām

Without a pang they will destroy gardens and trees, and in the world the very lives of embodied beings will hang in doubt.

Verse 58 (3.193.58)

तथा लोभाभिभूताश्च भविष्यन्ति नरा नृप । ब्राह्मणांश्च हनिष्यन्ति ब्राह्मणस्वोपभोगिनः ॥

tathā lobhābhibhūtāśca bhaviṣyanti narā nṛpa | brāhmaṇāṃśca haniṣyanti brāhmaṇasvopabhoginaḥ

Men too will be overcome by greed, king, and, enjoying what belongs to brahmins, they will kill brahmins.

Note on the text: A recension variant of CE 3.188.57 (tathā lobhābhibhūtāś ca cariṣyanti mahīm imām / brāhmaṇāś ca bhaviṣyanti brahmasvāni ca bhuñjate); kept as Wikisource prints it.

Verse 59 (3.193.59)

हाहाकृता द्विजाश्चैव भयार्ता वृषलार्दिताः । त्रातारमलभन्तो वै भ्रमिष्यन्ति महीमिमाम् ॥

hāhākṛtā dvijāścaiva bhayārtā vṛṣalārditāḥ | trātāramalabhanto vai bhramiṣyanti mahīmimām

The twice-born, crying out in distress, stricken with fear and harried by shudras, will wander over this earth finding no protector.

Note on the text: Corrected त्रातारमलाभन्तो → त्रातारमलभन्तो (misprint in Wikisource; a stray ā; the critical edition reads alabhanto) and भ्रमिष्यनति → भ्रमिष्यन्ति (broken conjunct).

Verse 60 (3.193.60)

जीवितान्तकराः क्रूरा रौद्राः प्राणिविहिंसकाः । यदा भविष्यन्ति नरास्तदा संक्षेप्स्यते युगम् ॥

jīvitāntakarāḥ krūrā raudrāḥ prāṇivihiṃsakāḥ | yadā bhaviṣyanti narāstadā saṃkṣepsyate yugam

When men become cruel and fierce, destroyers of life who harm living creatures, then the age will draw to its end.

Verse 61 (3.193.61)

आश्रयिष्यन्ति च नदीः पर्वतान्विषमाणि च । प्रधावमाना वित्रस्ता द्विजाः कुरुकुलोद्वह ॥

āśrayiṣyanti ca nadīḥ parvatānviṣamāṇi ca | pradhāvamānā vitrastā dvijāḥ kurukulodvaha

Fleeing in terror, scion of the Kuru line, the twice-born will take refuge by rivers, in mountains and in rough country.

Note on the text: Corrected नदी → नदीः (misprint in Wikisource; a dropped visarga in the accusative plural; the critical edition reads nadīḥ).

Verse 62 (3.193.62)

दस्युभिः पीडिता राजन्काका इव द्विजोत्तमाः । कुराजभिश्च सततं करभारप्रपीडिताः ॥

dasyubhiḥ pīḍitā rājankākā iva dvijottamāḥ | kurājabhiśca satataṃ karabhāraprapīḍitāḥ

Harried by robbers, king, the best of the twice-born will live like crows, and they will be constantly crushed by the burden of taxes laid on them by wicked kings.

Verse 63 (3.193.63)

धैर्यं त्यक्त्वा महीपाल दारुणे युगसंक्षये । विकर्माणि करिष्यन्ति शूद्राणां परिचारकाः ॥

dhairyaṃ tyaktvā mahīpāla dāruṇe yugasaṃkṣaye | vikarmāṇi kariṣyanti śūdrāṇāṃ paricārakāḥ

In that terrible ending of the age, lord of the earth, they will lose their constancy and do unworthy work as servants of shudras.

Verse 64 (3.193.64)

शूद्रा धर्मं प्रवक्ष्यन्ति ब्राह्मणाः पर्युपासकाः । श्रोतारश्च भविष्यन्ति प्रामाण्येन व्यवस्थिताः ॥

śūdrā dharmaṃ pravakṣyanti brāhmaṇāḥ paryupāsakāḥ | śrotāraśca bhaviṣyanti prāmāṇyena vyavasthitāḥ

Shudras will expound dharma, and brahmins will wait upon them and listen, holding their word as authority.

Verse 65 (3.193.65)

विपरीतश्च लोकोऽयं भविष्यत्यधरोत्तरः । एडूकान्पूजयिष्यन्ति वर्जयिष्यन्ति देवताः । शूद्राश्च प्रभविष्यन्ति न द्विजा युगसंक्षये ॥

viparītaśca loko'yaṃ bhaviṣyatyadharottaraḥ | eḍūkānpūjayiṣyanti varjayiṣyanti devatāḥ | śūdrāśca prabhaviṣyanti na dvijā yugasaṃkṣaye

This world will be turned upside down, the low placed above the high. People will worship bone-shrines and shun the gods, and at the close of the age shudras will prevail, not the twice-born.

Verse 66 (3.193.66)

आश्रमेषु महर्षीणां ब्राह्मणावसथेषु च । देवस्थानेषु चैत्येषु नागानामालयेषु च ॥

āśrameṣu maharṣīṇāṃ brāhmaṇāvasatheṣu ca | devasthāneṣu caityeṣu nāgānāmālayeṣu ca

In the hermitages of the great seers, in the dwellings of brahmins, in temples, at sacred shrines and in the abodes of the Nagas,

Note on the text: Corrected आश्रमेषुमहर्षीणां → आश्रमेषु महर्षीणां (word-spacing slip in Wikisource).

Verse 67 (3.193.67)

एडूकचिह्ना पृथिवी न देवगृहभूषिता । भविष्यति युगे क्षीणे तद्युगान्तस्य लक्षणम् ॥

eḍūkacihnā pṛthivī na devagṛhabhūṣitā | bhaviṣyati yuge kṣīṇe tadyugāntasya lakṣaṇam

the earth will be marked with bone-shrines and not adorned with houses of the gods when the age is worn out; that is the sign of the end of the age.

Verse 68 (3.193.68)

यदा रौद्रा धर्महीना मांसादाः पानपास्तथा । भविष्यन्ति नरा नित्यं तदा संक्षेप्स्यते युगम् ॥

yadā raudrā dharmahīnā māṃsādāḥ pānapāstathā | bhaviṣyanti narā nityaṃ tadā saṃkṣepsyate yugam

When men are always fierce, without dharma, eaters of flesh and drinkers of liquor, then the age will draw to its end.

Note on the text: Corrected दा → यदा (misprint in Wikisource; the first akshara of the verse was dropped; the critical edition reads yadā, which the तदा of the second line requires).

Verse 69 (3.193.69)

पुष्पं पुष्पे यदा राजन्फले वा फलमाश्रितम् । प्रजास्यति महाराज तदा संक्षेप्स्यते युगम् ॥

puṣpaṃ puṣpe yadā rājanphale vā phalamāśritam | prajāsyati mahārāja tadā saṃkṣepsyate yugam

When, king, flower grows on flower and fruit on fruit, then, great king, the age will draw to its end.

Verse 70 (3.193.70)

अकालवर्षी पर्जन्यो भविष्यति गते युगे । अक्रमेण मनुष्याणां भविष्यन्ति तदा क्रियाः ॥

akālavarṣī parjanyo bhaviṣyati gate yuge | akrameṇa manuṣyāṇāṃ bhaviṣyanti tadā kriyāḥ

When the age has run out, the rain-cloud will rain out of season, and men's rites will then be performed out of their proper order.

Note on the text: Corrected भविष्यनति → भविष्यन्ति (misprint in Wikisource; a broken conjunct). This verse is CE 3.188.69ab + 69cd (Wikisource divides the critical edition's three-line verse across this verse and the next).

Verse 71 (3.193.71)

विरोधमथ यास्यन्ति वृषला ब्राह्मणैः सह । मही म्लेच्छजनाकीर्णा भविष्यति ततोऽचिरात् ॥

virodhamatha yāsyanti vṛṣalā brāhmaṇaiḥ saha | mahī mlecchajanākīrṇā bhaviṣyati tato'cirāt

Then shudras will set themselves against brahmins, and before long the earth will be overrun by barbarians.

Note on the text: Corrected यास्यनति → यास्यन्ति (misprint in Wikisource; a broken conjunct). This verse is CE 3.188.69ef + 3.188.70ab; म्लेच्छजनाकीर्णा for mlecchasamākīrṇā is a recension variant.

Verse 72 (3.193.72)

करभारभयाद्विप्रा भजिष्यन्ति दिशो दश । अन्यायवर्तिनश्चापि भविष्यन्ति नराधिपाः ॥

karabhārabhayādviprā bhajiṣyanti diśo daśa | anyāyavartinaścāpi bhaviṣyanti narādhipāḥ

For fear of the burden of taxes, brahmins will flee in all ten directions, and kings too will act unjustly.

Note on the text: Removed the backtick and quote marks around the second line (Wikisource's mark for an inserted line) and corrected भविष्यनति → भविष्यन्ति (misprint; a broken conjunct). The first line is CE 3.188.70cd; the second line is not in the critical edition's constituted text (found in the vulgate recension; CE apparatus 3.188.70d*950).

Verse 73 (3.193.73)

निर्विशेषा जनपदास्तथा विष्टिकरार्दिताः । आश्रमानुपलप्स्यन्ति फलमूलोपजीविनः ॥

nirviśeṣā janapadāstathā viṣṭikarārditāḥ | āśramānupalapsyanti phalamūlopajīvinaḥ

The countries will all be alike, oppressed by those who exact forced labour, and people living on fruits and roots will seek shelter in the hermitages.

Note on the text: तथा विष्टिकरार्दिताः and उपलप्स्यन्ति for narāvṛṣṭibhir arditāḥ and abhipatsyanti are recension variants and are kept.

Verse 74 (3.193.74)

एवं पर्याकुले लोके मर्यादा न भविष्यति । ब्राह्मणाः क्षत्रिया वैश्याः परित्यक्ष्यन्ति सत्क्रियाम् । न स्थास्यन्त्युपदेशे च शिष्या विप्रियकारिणः ॥

evaṃ paryākule loke maryādā na bhaviṣyati | brāhmaṇāḥ kṣatriyā vaiśyāḥ parityakṣyanti satkriyām | na sthāsyantyupadeśe ca śiṣyā vipriyakāriṇaḥ

With the world in such turmoil, no bounds will hold. Brahmins, kshatriyas and vaishyas will abandon proper rites, and pupils will not keep to their teaching but will do what displeases.

Note on the text: Removed the backtick and quote marks around the middle line (Wikisource's mark for an inserted line) and corrected ब्राह्मणःक्षत्रियावैश्याः → ब्राह्मणाः क्षत्रिया वैश्याः (misprint and spacing slips; the apparatus reads brāhmaṇāḥ kṣatriyā vaiśyāḥ). The outer lines are CE 3.188.72; the middle line is not in the critical edition's constituted text (found in the vulgate recension; CE apparatus 3.188.72b*951).

Verse 75 (3.193.75)

आचार्योपनिधिश्चैव भर्त्स्यते तदनन्तरम् । अर्थयुक्त्या प्रवत्स्यन्ति मित्रसंबन्धिबान्धवाः ॥

ācāryopanidhiścaiva bhartsyate tadanantaram | arthayuktyā pravatsyanti mitrasaṃbandhibāndhavāḥ

After that even a teacher without means will be reviled, and friends, relatives and kin will keep company only for the sake of gain.

Note on the text: Corrected प्रवात्स्यन्ति → प्रवत्स्यन्ति (misprint in Wikisource; a stray ā; the critical edition reads pravatsyanti). This verse is CE 3.188.73ab + 73cd (Wikisource divides the critical edition's three-line verse across this verse and the next); भर्त्स्यते for vatsyate is a recension variant, glossed by the Wikisource commentary.

Verse 76 (3.193.76)

अभावः सर्वभूतानां युगान्ते संभविष्यति । दिशः प्रज्वलिताः सर्वा नक्षत्राण्यप्रभाणि च ॥

abhāvaḥ sarvabhūtānāṃ yugānte saṃbhaviṣyati | diśaḥ prajvalitāḥ sarvā nakṣatrāṇyaprabhāṇi ca

At the end of the age all creatures will come to want. All the quarters will be ablaze and the stars will lose their light;

Note on the text: Corrected प्रज्वलिता → प्रज्वलिताः (misprint in Wikisource; a dropped visarga; the critical edition reads prajvalitāḥ). This verse is CE 3.188.73ef + 3.188.74ab; अप्रभाणि for calāni is a recension variant.

Verse 77 (3.193.77)

प्रधूपितानि ज्योतींषि वाताः पर्याकुलास्तथा । उल्कापाताश्च बहवो महाभयनिदर्शकाः ॥

pradhūpitāni jyotīṃṣi vātāḥ paryākulāstathā | ulkāpātāśca bahavo mahābhayanidarśakāḥ

the lights of heaven will be wreathed in smoke, the winds will be turbulent, and many meteors will fall, portents of great danger.

Note on the text: This verse is CE 3.188.74cd + 74ef; प्रधूपितानि ज्योतींषि for jyotīṃṣi pratikūlāni is a recension variant.

Verse 78 (3.193.78)

षड्भिरन्यैश्च सहितो भास्करः प्रतपिष्यति । तुमुलाश्चापि निर्ह्रादा दिग्दाहाश्चापि सर्वशः । कबन्धान्तर्हितो भानुरुदयास्तमने तदा ॥

ṣaḍbhiranyaiśca sahito bhāskaraḥ pratapiṣyati | tumulāścāpi nirhrādā digdāhāścāpi sarvaśaḥ | kabandhāntarhito bhānurudayāstamane tadā

The sun will blaze together with six other suns; there will be tumultuous roarings and fires in every quarter; and then the sun, at its rising and setting, will be veiled by a headless shape.

Note on the text: Corrected षङ्भिरन्यैश्च → षड्भिरन्यैश्च (misprint in Wikisource; ङ for ड; the critical edition reads ṣaḍbhir anyaiś ca).

Verse 79 (3.193.79)

अकालवर्षी भगवान्भविष्यति सहस्रदृक् । सस्यानि च न रोक्ष्यन्ति युगान्ते पर्युपस्थिते ॥

akālavarṣī bhagavānbhaviṣyati sahasradṛk | sasyāni ca na rokṣyanti yugānte paryupasthite

The thousand-eyed lord will send rain out of season, and crops will not grow when the end of the age has come.

Verse 80 (3.193.80)

अभीक्ष्णं क्रूरवादिन्यः परुषा रुदितप्रियाः । भर्तॄणां वचने चैव न स्थास्यन्ति ततः स्त्रियः ॥

abhīkṣṇaṃ krūravādinyaḥ paruṣā ruditapriyāḥ | bhartṝṇāṃ vacane caiva na sthāsyanti tataḥ striyaḥ

Women will then be ever harsh of tongue, rough and fond of weeping, and will not abide by their husbands' word.

Note on the text: Corrected रदितप्रियाः → रुदितप्रियाः (misprint in Wikisource; रदित is not a word; the critical edition reads ruditapriyāḥ).

Verse 81 (3.193.81)

पुत्राश्च मातापितरौ हनिष्यन्ति युगक्षये । सूदयिष्यन्ति च पतीन्स्त्रियः पुत्रानपाश्रिताः ॥

putrāśca mātāpitarau haniṣyanti yugakṣaye | sūdayiṣyanti ca patīnstriyaḥ putrānapāśritāḥ

At the close of the age sons will kill their mothers and fathers, and wives, relying on their sons, will slay their husbands.

Verse 82 (3.193.82)

अपर्वणि महाराज सूर्यं राहुरुपैष्यति । युगान्ते हुतभुक्चापि सर्वतः प्रज्वलिष्यति ॥

aparvaṇi mahārāja sūryaṃ rāhurupaiṣyati | yugānte hutabhukcāpi sarvataḥ prajvaliṣyati

Rahu will swallow the sun out of season, great king, and at the end of the age fire too will blaze on every side.

Note on the text: Corrected हुतभुक्वापि → हुतभुक्चापि (misprint in Wikisource; व for च, which also leaves an impossible sandhi; the critical edition reads hutabhuk cāpi).

Verse 83 (3.193.83)

पानीयं भोजनं चापि याचमानास्तदाऽध्वगाः । न लप्स्यन्ते निवासं च निरस्ताः पथि शेरते ॥

pānīyaṃ bhojanaṃ cāpi yācamānāstadā'dhvagāḥ | na lapsyante nivāsaṃ ca nirastāḥ pathi śerate

Travellers then, begging for water and food, will get neither, nor any shelter; turned away, they will lie down by the road.

Verse 84 (3.193.84)

निर्घातवायसा नागाः शकुनाः समृगद्विजाः । रूक्षा वाचो विमोक्ष्यन्ति युगान्ते पर्युपस्थिते ॥

nirghātavāyasā nāgāḥ śakunāḥ samṛgadvijāḥ | rūkṣā vāco vimokṣyanti yugānte paryupasthite

Crows crying like thunderclaps, snakes, birds of prey, beasts and birds will utter harsh cries when the end of the age has come.

Verse 85 (3.193.85)

मित्रसंबन्धिनश्चापि संत्यक्ष्यन्ति नरास्तदा । जनं परिजनं चापि युगान्ते पर्युपस्थिते ॥

mitrasaṃbandhinaścāpi saṃtyakṣyanti narāstadā | janaṃ parijanaṃ cāpi yugānte paryupasthite

Men will then abandon friends and relatives, their own people and their dependants, when the end of the age has come.

Note on the text: Corrected संत्यक्ष्यनति → संत्यक्ष्यन्ति (misprint in Wikisource; a broken conjunct) and यागान्ते → युगान्ते (misprint; the refrain of these verses, and the critical edition's yugānte).

Verse 86 (3.193.86)

अथ देशान्दिशश्चापि पत्तनान्यापणानि च । क्रमशः संलयिष्यन्ति युगान्ते पर्युपस्थिते ॥

atha deśāndiśaścāpi pattanānyāpaṇāni ca | kramaśaḥ saṃlayiṣyanti yugānte paryupasthite

Then, one after another, lands and regions, towns and markets will fall to ruin when the end of the age has come.

Note on the text: संलयिष्यन्ति and आपणानि for saṃśrayiṣyanti and purāṇi are recension variants and are kept.

Verse 87 (3.193.87)

हा तात हा सुतेत्येवं तदा वाचः सुदारुणाः । विक्रोशमानश्चान्योन्यं जनो गां पर्यटिष्यति ॥

hā tāta hā sutetyevaṃ tadā vācaḥ sudāruṇāḥ | vikrośamānaścānyonyaṃ jano gāṃ paryaṭiṣyati

Crying out to one another in terrible words, 'Ah father! Ah son!', people will roam the earth.

Note on the text: Corrected वाच → वाचः (misprint in Wikisource; a dropped visarga; the critical edition reads vācaḥ).

Verse 88 (3.193.88)

भोवादिनस्तथा शूद्रा ब्राह्मणाः प्राकृतप्रियाः । पाषण्डजनसंकीर्णा भविष्यन्ति युगक्षये ॥

bhovādinastathā śūdrā brāhmaṇāḥ prākṛtapriyāḥ | pāṣaṇḍajanasaṃkīrṇā bhaviṣyanti yugakṣaye

Shudras will then address brahmins with a familiar 'bho', brahmins will take pleasure in vulgar ways, and the land will be crowded with heretics at the close of the age.

Note on the text: Removed the backtick and quote marks around this verse (Wikisource's mark for an inserted passage) and corrected मोवादिनस्तथा → भोवादिनस्तथा (misprint; म for भ; the apparatus reads bhovādinas). Not in the critical edition's constituted text (found in the vulgate recension; CE apparatus 3.188.84d*952).

Verse 89 (3.193.89)

ततस्तुमुलसंघाते वर्तमाने युगक्षये । द्विजातिपूर्वको लोकः क्रमेण प्रभविष्यति ॥

tatastumulasaṃghāte vartamāne yugakṣaye | dvijātipūrvako lokaḥ krameṇa prabhaviṣyati

Then, amid the tumult of the age's dissolution, the world will gradually rise again, beginning with the twice-born.

Verse 90 (3.193.90)

ततः कालान्तरेऽन्यस्मिन्पुनर्लोकविवृद्धये । भविष्यति पुनर्दैवमनुकूलं यदृच्छया ॥

tataḥ kālāntare'nyasminpunarlokavivṛddhaye | bhaviṣyati punardaivamanukūlaṃ yadṛcchayā

Then, at another time, for the world's renewed growth, fate will once more turn favourable of its own accord.

Verse 91 (3.193.91)

यदा सूर्यश्च चन्द्रश्च तथा तिष्यबृहस्पती । एकराशौ समेष्यन्ति प्रपत्स्यति तदा कृतम् ॥

yadā sūryaśca candraśca tathā tiṣyabṛhaspatī | ekarāśau sameṣyanti prapatsyati tadā kṛtam

When the sun and the moon, Tishya and Brihaspati come together in one sign, then the Krita age will begin.

Verse 92 (3.193.92)

कालवर्षी च पर्जन्यो नक्षत्राणि शुभानि च । प्रदक्षिणा ग्रहाश्चापि भविष्यन्त्यनुलोमगाः । क्षेमं सुभिक्षमारोग्यं भविष्यति निरामयम् ॥

kālavarṣī ca parjanyo nakṣatrāṇi śubhāni ca | pradakṣiṇā grahāścāpi bhaviṣyantyanulomagāḥ | kṣemaṃ subhikṣamārogyaṃ bhaviṣyati nirāmayam

The rain-cloud will rain in season, the stars will be auspicious, and the planets will move in their right and favourable courses; there will be safety, plenty, health and freedom from sickness.

Verse 93 (3.193.93)

कल्की विष्णुयशा नाम द्विजः कालप्रचोदितः । उत्पत्स्यते महावीर्यो महाबुद्धिपराक्रमः ॥

kalkī viṣṇuyaśā nāma dvijaḥ kālapracoditaḥ | utpatsyate mahāvīryo mahābuddhiparākramaḥ

A brahmin named Kalki Vishnuyashas, impelled by time, will arise, of great valour, great intelligence and great prowess.

Verse 94 (3.193.94)

संभूतः संभलग्रामे ब्राह्मणावसथे शुभे । महात्मा वृत्तसंपन्नः प्रजानां हितकृन्नृप ॥

saṃbhūtaḥ saṃbhalagrāme brāhmaṇāvasathe śubhe | mahātmā vṛttasaṃpannaḥ prajānāṃ hitakṛnnṛpa

He will be born in the village of Sambhala, in an auspicious brahmin household, a great soul rich in good conduct, devoted to the welfare of the people, king.

Note on the text: Removed the backtick and quote marks around the second line (Wikisource's mark for an inserted line). The first line is CE 3.188.90ab; the second line is not in the critical edition's constituted text (found in the vulgate recension; CE apparatus 3.188.90b*954).

Verse 95 (3.193.95)

मनसा तस्य सर्वाणि वाहनान्यायुधानि च । उपस्थास्यन्ति योधाश्च शस्त्राणि कवचानि च ॥

manasā tasya sarvāṇi vāhanānyāyudhāni ca | upasthāsyanti yodhāśca śastrāṇi kavacāni ca

Vehicles and weapons, warriors, arms and armour will all come to him at his mere thought.

Note on the text: Corrected उपस्तास्यन्ति → उपस्थास्यन्ति (misprint in Wikisource; त for थ; the critical edition reads upasthāsyanti). This verse is CE 3.188.90cd + 90ef.

Verse 96 (3.193.96)

स धर्मविजयी राजा चक्रवर्ती भविष्यति । स चेमं संकुलं लोकं प्रसादमुपनेष्यति ॥

sa dharmavijayī rājā cakravartī bhaviṣyati | sa cemaṃ saṃkulaṃ lokaṃ prasādamupaneṣyati

He will be a king who conquers by dharma, a universal sovereign, and he will bring peace to this troubled world.

Note on the text: Corrected सचेमं → स चेमं (word-spacing slip in Wikisource).

Verse 97 (3.193.97)

उत्थितो ब्राह्मणो दीप्तः क्षयान्तकृदुदारधीः । संक्षेपको हि सर्वस्य युगस्य परिवर्तकः ॥

utthito brāhmaṇo dīptaḥ kṣayāntakṛdudāradhīḥ | saṃkṣepako hi sarvasya yugasya parivartakaḥ

Arisen, that radiant brahmin of noble mind, who ends the destruction, will bring all things to a close and turn the age around.

Verse 98 (3.193.98)

स सर्वत्र गतान्क्षुद्रान्ब्राह्मणैः परिवारितः । उत्सादयिष्यति तदा सर्वम्लेच्छगणान्द्विजः ॥

sa sarvatra gatānkṣudrānbrāhmaṇaiḥ parivāritaḥ | utsādayiṣyati tadā sarvamlecchagaṇāndvijaḥ

Surrounded by brahmins, that twice-born will then wipe out the base folk who have spread everywhere, all the hordes of barbarians."