Indradyumna Is Restored to Heaven

Verse 1 (3.202.1)

मार्कण्डेयमृषयः पाण्डवाश्च पर्यपृच्छन् । अस्ति कश्चिद्भवतश्चिरजाततर इति ॥

mārkaṇḍeyamṛṣayaḥ pāṇḍavāśca paryapṛcchan | asti kaścidbhavataścirajātatara iti

The sages and the Pandavas asked Markandeya, "Is there anyone who was born before you?"

Verse 2 (3.202.2)

स तानुवाच । अस्ति खलु राजर्षिरिन्द्रद्युम्नो नाम क्षीणपुण्यस्त्रिदिवात्प्रच्युतः । कीर्तिस्ते व्युच्छिन्नेति । स मामुपातिष्ठत् । अथ प्रत्यभिजानाति मां भवानिति ॥

sa tānuvāca | asti khalu rājarṣirindradyumno nāma kṣīṇapuṇyastridivātpracyutaḥ | kīrtiste vyucchinneti | sa māmupātiṣṭhat | atha pratyabhijānāti māṃ bhavāniti

He said to them: "There is indeed. The royal sage named Indradyumna, his merit exhausted, fell from heaven, being told, 'Your fame has died out.' He came to me and asked, 'Do you recognize me?'"

Verse 3 (3.202.3)

तमहमब्रुवम् । न वयं रासायनिकाः शरीरोपतापेनात्मनः समारभामहेऽर्थानामनुष्ठानम् ॥

tamahamabruvam | na vayaṃ rāsāyanikāḥ śarīropatāpenātmanaḥ samārabhāmahe'rthānāmanuṣṭhānam

I said to him: "We are not men who live long by elixirs; we pursue our aims through the mortification of our own bodies.

Verse 4 (3.202.4)

अस्ति खलु हिमवति प्राकारकर्णो नामोलूकः । स भवन्तं यदि जानीयात् । प्रकृष्टे चाध्वनि हिमवान् । तत्रासौ प्रतिवसतीति ॥

asti khalu himavati prākārakarṇo nāmolūkaḥ | sa bhavantaṃ yadi jānīyāt | prakṛṣṭe cādhvani himavān | tatrāsau prativasatīti

But there is an owl named Prakarakarna on the Himalaya; he might know you. The Himalaya is a long way off, and he lives there."

Verse 5 (3.202.5)

स मामश्वो भूत्वा तत्रावहद्यत्र बभूवोलूकः ॥

sa māmaśvo bhūtvā tatrāvahadyatra babhūvolūkaḥ

He turned himself into a horse and carried me to the place where the owl lived.

Verse 6 (3.202.6)

अथैनं स राजर्षिः पर्यपृच्छत् । प्रत्यभिजानाति मां भवानिति ॥

athainaṃ sa rājarṣiḥ paryapṛcchat | pratyabhijānāti māṃ bhavāniti

Then the royal sage asked him, "Do you recognize me?"

Verse 7 (3.202.7)

स मुहूर्तं ध्यात्वाब्रवीदेनम् । नाभिजाने भवन्तमिति ॥

sa muhūrtaṃ dhyātvābravīdenam | nābhijāne bhavantamiti

He thought for a moment and said to him, "I do not know you."

Verse 8 (3.202.8)

स एवमुक्तो राजर्षिरिन्द्रद्युम्नः पुनस्तमुलूकमब्रवीत् । अस्ति कश्चिद्भवतश्चिरजाततर इति ॥

sa evamukto rājarṣirindradyumnaḥ punastamulūkamabravīt | asti kaścidbhavataścirajātatara iti

Answered thus, the royal sage Indradyumna asked the owl in turn, "Is there anyone who was born before you?"

Verse 9 (3.202.9)

स एवमुक्तोऽब्रवीदेनम् । अस्ति खल्विन्द्रद्युम्नसरो नाम । तस्मिन्नाडीजङ्घो नाम बकः प्रतिवसति । सोऽस्मत्तश्चिरजाततरः । तं पृच्छेति ॥

sa evamukto'bravīdenam | asti khalvindradyumnasaro nāma | tasminnāḍījaṅgho nāma bakaḥ prativasati | so'smattaścirajātataraḥ | taṃ pṛccheti

Asked this, he said to him: "There is a lake called Indradyumna's Lake. A crane named Nadijangha lives in it, and he was born long before us. Ask him."

Verse 10 (3.202.10)

तत इन्द्रद्युम्नो मां चोलूकं चादाय तत्सरोऽगच्छद्यत्रासौ नाडीजङ्घो नाम बको बभूव ॥

tata indradyumno māṃ colūkaṃ cādāya tatsaro'gacchadyatrāsau nāḍījaṅgho nāma bako babhūva

Then Indradyumna took me and the owl and went to the lake where the crane named Nadijangha lived.

Verse 11 (3.202.11)

सोऽस्माभिः पृष्टः । भवानिन्द्रद्युम्नं राजानं प्रत्यभिजानातीति ॥

so'smābhiḥ pṛṣṭaḥ | bhavānindradyumnaṃ rājānaṃ pratyabhijānātīti

We asked him, "Do you recognize King Indradyumna?"

Verse 12 (3.202.12)

स एवमुक्तोऽब्रवीन्मुहूर्तं ध्यात्वा । नाभिजानाम्यहमिन्द्रद्युम्नं राजानमिति ॥

sa evamukto'bravīnmuhūrtaṃ dhyātvā | nābhijānāmyahamindradyumnaṃ rājānamiti

Asked this, he thought for a moment and said, "I do not know King Indradyumna."

Verse 13 (3.202.13)

ततः सोऽस्माभिः पृष्टः । अस्ति कश्चिदन्यो भवतश्चिरजाततर इति ॥

tataḥ so'smābhiḥ pṛṣṭaḥ | asti kaścidanyo bhavataścirajātatara iti

Then we asked him, "Is there anyone else who was born before you?"

Verse 14 (3.202.14)

स नोऽब्रवीदस्ति खल्विहैव सरस्यकूपारो नाम कच्छपः प्रतिवसति । स मत्तश्चिरजाततर इति । स यदि कथञ्चिदभिजानीयादिमं राजानं तमकूपारं पृच्छाम इति ॥

sa no'bravīdasti khalvihaiva sarasyakūpāro nāma kacchapaḥ prativasati | sa mattaścirajātatara iti | sa yadi kathañcidabhijānīyādimaṃ rājānaṃ tamakūpāraṃ pṛcchāma iti

He told us: "There is. Right here in this lake lives a tortoise named Akupara, and he was born long before me. He may perhaps recognize this king; let us ask Akupara."

Verse 15 (3.202.15)

ततः स बकस्तमकूपारं कच्छपं विज्ञापयामास । अस्त्यस्माकमभिप्रेतं भवन्तं कञ्चिदर्थमभिप्रष्टुम् । साध्वागम्यतां तावदिति ॥

tataḥ sa bakastamakūpāraṃ kacchapaṃ vijñāpayāmāsa | astyasmākamabhipretaṃ bhavantaṃ kañcidarthamabhipraṣṭum | sādhvāgamyatāṃ tāvaditi

Then the crane sent word to the tortoise Akupara: "We would like to ask you about a certain matter. Please be so good as to come."

Verse 16 (3.202.16)

एतच्छ्रुत्वा स कच्छपस्तस्मात्सरस उत्थायाभ्यगच्छद्यत्र तिष्ठामो वयं तस्य सरसस्तीरे ॥

etacchrutvā sa kacchapastasmātsarasa utthāyābhyagacchadyatra tiṣṭhāmo vayaṃ tasya sarasastīre

Hearing this, the tortoise rose out of the lake and came to the place on its shore where we were standing.

Verse 17 (3.202.17)

आगतं चैनं वयमपृच्छाम । भवानिन्द्रद्युम्नं राजानमभिजानातीति ॥

āgataṃ cainaṃ vayamapṛcchāma | bhavānindradyumnaṃ rājānamabhijānātīti

When he had come, we asked him, "Do you know King Indradyumna?"

Verse 18 (3.202.18)

स मुहूर्तं ध्यात्वा बाष्पपूर्णनयन उद्विग्नहृदयो वेपमानो विसञ्ज्ञकल्पः प्राञ्जलिरब्रवीत् । किमहमेनं न प्रत्यभिजानामि । अहं ह्यनेन सहस्रकृत्वः पूर्वमग्निचितिषूपहितपूर्वः । सरश्चेदमस्य दक्षिणादत्ताभिर्गोभिरतिक्रममाणाभिः कृतम् । अत्र चाहं प्रतिवसामीति ॥

sa muhūrtaṃ dhyātvā bāṣpapūrṇanayana udvignahṛdayo vepamāno visañjñakalpaḥ prāñjalirabravīt | kimahamenaṃ na pratyabhijānāmi | ahaṃ hyanena sahasrakṛtvaḥ pūrvamagnicitiṣūpahitapūrvaḥ | saraścedamasya dakṣiṇādattābhirgobhiratikramamāṇābhiḥ kṛtam | atra cāhaṃ prativasāmīti

He thought for a moment; then, his eyes full of tears, his heart deeply stirred, trembling and almost senseless, he joined his palms and said: "How could I not recognize him? A thousand times in the past I was laid in the fire-altars at his sacrifices. This lake was made by the cows he gave as sacrificial fees, as they trampled over the ground. And here I live."

Verse 19 (3.202.19)

अथैतत्कच्छपेनोदाहृतं श्रुत्वा समनन्तरं देवलोकाद्देवरथः प्रादुरासीत् ॥

athaitatkacchapenodāhṛtaṃ śrutvā samanantaraṃ devalokāddevarathaḥ prādurāsīt

The moment the tortoise had said this, a celestial chariot appeared from the world of the gods.

Verse 20 (3.202.20)

वाचश्चाश्रूयन्तेन्द्रद्युम्नं प्रति । प्रस्तुतस्ते स्वर्गः । यथोचितं स्थानमभिपद्यस्व । कीर्तिमानसि । अव्यग्रो याहीति ॥

vācaścāśrūyantendradyumnaṃ prati | prastutaste svargaḥ | yathocitaṃ sthānamabhipadyasva | kīrtimānasi | avyagro yāhīti

And voices were heard, addressed to Indradyumna: "Heaven is ready for you. Take up the place that is yours. You are a man of fame. Go without care."

Verse 21 (3.202.21)

दिवं स्पृशति भूमिं च शब्दः पुण्यस्य कर्मणः । यावत्स शब्दो भवति तावत्पुरुष उच्यते ॥

divaṃ spṛśati bhūmiṃ ca śabdaḥ puṇyasya karmaṇaḥ | yāvatsa śabdo bhavati tāvatpuruṣa ucyate

The fame of a meritorious deed reaches both heaven and earth; as long as that fame endures, so long is a man spoken of as living.

Verse 22 (3.202.22)

अकीर्तिः कीर्त्यते यस्य लोके भूतस्य कस्यचित् । पतत्येवाधमाँल्लोकान्यावच्छब्दः स कीर्त्यते ॥

akīrtiḥ kīrtyate yasya loke bhūtasya kasyacit | patatyevādhamām̐llokānyāvacchabdaḥ sa kīrtyate

Whoever among beings has an ill name spoken of him in the world falls into the lowest worlds, for as long as that word is spoken.

Note on the text: Split: the input ran Wikisource verses 22 and 23 together under the number 23, with the raw page's "॥22॥" and a stray cross-reference "3.199.14" left inside the text; both removed and verse 22 restored as its own verse.

Verse 23 (3.202.23)

तस्मात्कल्याणवृत्तः स्यादत्यन्ताय नरो भुवि । विहाय वृत्तं पापिष्ठं धर्ममेवाभिसंश्रयेत् ॥

tasmātkalyāṇavṛttaḥ syādatyantāya naro bhuvi | vihāya vṛttaṃ pāpiṣṭhaṃ dharmamevābhisaṃśrayet

Therefore a man on earth should keep to good conduct always; giving up the most sinful ways, he should take refuge in dharma alone.

Note on the text: Second half of the input's merged verse 23 (see the previous verse).

Verse 24 (3.202.24)

इत्येतच्छ्रुत्वा स राजाब्रवीत् । तिष्ठ तावद्यावदिदानीमिमौ वृद्धौ यथास्थानं प्रतिपादयामीति ॥

ityetacchrutvā sa rājābravīt | tiṣṭha tāvadyāvadidānīmimau vṛddhau yathāsthānaṃ pratipādayāmīti

Hearing this, the king said, "Wait while I return these two old ones to their proper places."

Verse 25 (3.202.25)

स मां प्राकारकर्णं चोलूकं यथोचिते स्थाने प्रतिपाद्य तेनैव यानेन संसिद्धो यथोचितं स्थानं प्रतिपन्नः ॥

sa māṃ prākārakarṇaṃ colūkaṃ yathocite sthāne pratipādya tenaiva yānena saṃsiddho yathocitaṃ sthānaṃ pratipannaḥ

He brought me and the owl Prakarakarna back to our proper places, and then, his purpose fulfilled, went in that same chariot to the place that was his.

Verse 26 (3.202.26)

एतन्मयानुभूतं चिरजीविना दृष्टमिति पाण्डवानुवाच मार्कण्डेयः ॥

etanmayānubhūtaṃ cirajīvinā dṛṣṭamiti pāṇḍavānuvāca mārkaṇḍeyaḥ

"This is what I, the long-lived one, have lived through and seen," Markandeya told the Pandavas.

Verse 27 (3.202.27)

पाण्डवाश्चोचुः प्रीताः । साधु । शोभनं कृतं भवता राजानमिन्द्रद्युम्नं स्वर्गलोकाच्च्युतं स्वे स्थाने स्वर्गे पुनः प्रतिपादयतेति ॥

pāṇḍavāścocuḥ prītāḥ | sādhu | śobhanaṃ kṛtaṃ bhavatā rājānamindradyumnaṃ svargalokāccyutaṃ sve sthāne svarge punaḥ pratipādayateti

The Pandavas were delighted and said: "Well done! You did a fine thing in restoring King Indradyumna, who had fallen from the world of heaven, to his own place in heaven."

Verse 28 (3.202.28)

अथैनानब्रवीदसौ । ननु देवकीपुत्रेणापि कृष्णेन नरके मज्जमानो राजर्षिर्नृगस्तस्मात्कृच्छ्रात्समुद्धृत्य पुनः स्वर्गं प्रतिपादित इति ॥

athainānabravīdasau | nanu devakīputreṇāpi kṛṣṇena narake majjamāno rājarṣirnṛgastasmātkṛcchrātsamuddhṛtya punaḥ svargaṃ pratipādita iti

Then he said to them: "Why, Krishna too, the son of Devaki, lifted the royal sage Nriga out of that plight as he was sinking into hell, and restored him to heaven."

Note on the text: The input left this verse unnumbered; the raw page numbers it ॥२८॥. Removed the number and a stray cross-reference "3.199.18" from the text.