Satyabhama Asks Draupadi How She Holds Her Husbands

Verse 1 (3.234.1)

उपासीनेषु विप्रेषु पाण्डवेषु च भारत । द्रौपदी सत्यभामा च विविशाते तदा समम् ॥

upāsīneṣu vipreṣu pāṇḍaveṣu ca bhārata | draupadī satyabhāmā ca viviśāte tadā samam

While the brahmins and the Pandavas sat together, O Bharata, Draupadi and Satyabhama went in together.

Note on the text: CE 3.222.1ab (the critical edition reads mahātmasu for च भारत).

Verse 2 (3.234.2)

प्रविश्य चाश्रमं पुण्यमुभे ते परमस्त्रियौ । जाहस्यमाने सुप्रीते सुखं तत्र निषीदतुः ॥

praviśya cāśramaṃ puṇyamubhe te paramastriyau | jāhasyamāne suprīte sukhaṃ tatra niṣīdatuḥ

Entering the holy hermitage, the two noble women sat down there at ease, laughing merrily and full of delight.

Note on the text: Removed the backtick and quote mark around the first line (Wikisource's marks for an added line). The first line is not in the critical edition's constituted text (found in the vulgate recension; its apparatus gives it as 3.222.1*1092); the second line is CE 3.222.1ef.

Verse 3 (3.234.3)

चिरस्य दृष्ट्वा राजेन्द्र तेऽन्योन्यस्य प्रियंवदे । कथयामासतुश्चित्राः कथाः कुरुयदूचिताः ॥

cirasya dṛṣṭvā rājendra te'nyonyasya priyaṃvade | kathayāmāsatuścitrāḥ kathāḥ kuruyadūcitāḥ

Having seen each other after a long time, O king of kings, the two sweet-spoken women told each other many lively tales of the Kurus and the Yadus.

Note on the text: Corrected चिरस् → चिरस्य (misprint in Wikisource; dropped akshara; the critical edition reads cirasya).

Verse 4 (3.234.4)

अथाब्रवीत्सत्यभामा कृष्णस्य महिषी प्रिया । सात्राजिती याज्ञसेनीं रहसीदं सुमध्यमा ॥

athābravītsatyabhāmā kṛṣṇasya mahiṣī priyā | sātrājitī yājñasenīṃ rahasīdaṃ sumadhyamā

Then slender-waisted Satyabhama, daughter of Satrajit and beloved queen of Krishna, said this to Yajnaseni in private:

Note on the text: Corrected कृष्णस् → कृष्णस्य (misprint in Wikisource; dropped akshara; the critical edition reads kṛṣṇasya).

Verse 5 (3.234.5)

केन द्रौपदि वृत्तेन पाण्डवानधितिष्ठसि । लोकपालोपमान्वीरान्नूनं परमसंमतान् ॥

kena draupadi vṛttena pāṇḍavānadhitiṣṭhasi | lokapālopamānvīrānnūnaṃ paramasaṃmatān

"By what conduct, Draupadi, do you hold sway over the Pandavas, heroes like the guardians of the worlds, men surely held in the highest esteem?

Note on the text: Speaker: Satyabhama's question, filling whole verses (no heading in Wikisource).

Verse 6 (3.234.6)

कथं च वशगास्तुभ्यं न कुप्यन्ति च ते शुभे । तव वश्या हि सततं पाण्डवाः प्रियदर्शने ॥

kathaṃ ca vaśagāstubhyaṃ na kupyanti ca te śubhe | tava vaśyā hi satataṃ pāṇḍavāḥ priyadarśane

How is it, lovely one, that they obey you and are never angry with you? The Pandavas are always under your sway, fair-faced one;

Note on the text: Corrected वशगस्तुभ्यं → वशगास्तुभ्यं (misprint in Wikisource; the plural is needed with कुप्यन्ति; the critical edition reads vaśagās) and सतत → सततं (misprint in Wikisource; dropped anusvara; the critical edition reads satataṃ). The first line is CE 3.222.4ef, the second 3.222.5ab.

Verse 7 (3.234.7)

न चान्योन्यमसूयन्ते कथं वा ते सुमध्यमे । मुखप्रेक्षाश्च ते सर्वे तत्त्वमेतद्ब्रवीहि मे ॥

na cānyonyamasūyante kathaṃ vā te sumadhyame | mukhaprekṣāśca te sarve tattvametadbravīhi me

and how is it, slender-waisted one, that they bear no envy towards one another? They all look to your face. Tell me the truth of this.

Note on the text: Removed the backtick and quote mark around the first line (Wikisource's marks for an added line). The first line is not in the critical edition's constituted text (found in the vulgate recension; its apparatus gives it as 3.222.5*1093); the second line is CE 3.222.5cd.

Verse 8 (3.234.8)

व्रतचर्या तपो वाऽपि स्नानमन्त्रौषधानि वा । विद्यावीर्यं मूलवीर्यंजपहोमागदास्तथा ॥

vratacaryā tapo vā'pi snānamantrauṣadhāni vā | vidyāvīryaṃ mūlavīryaṃjapahomāgadāstathā

Is it the keeping of vows, or austerity, or ritual bathing, spells and herbs? The power of lore, the power of roots, muttered prayer, fire offerings, or drugs?

Verse 9 (3.234.9)

ममाद्याचक्ष्वपाञ्चालि यशस्यं भगवेतनम् । येन कृष्णे भवेन्नित्यं मम कृष्णो वशानुगः ॥

mamādyācakṣvapāñcāli yaśasyaṃ bhagavetanam | yena kṛṣṇe bhavennityaṃ mama kṛṣṇo vaśānugaḥ

Tell me today, Panchali, that glorious means of good fortune by which, Krishnaa, my Krishna may always be obedient to my will."

Verse 10 (3.234.10)

एवमुक्त्वासत्यभामा विरराम यशस्विनी । पतिव्रता महाभागा द्रौपदी प्रत्युवाच ताम् ॥

evamuktvāsatyabhāmā virarāma yaśasvinī | pativratā mahābhāgā draupadī pratyuvāca tām

Having said this, the renowned Satyabhama fell silent, and the illustrious Draupadi, devoted to her husbands, answered her:

Verse 11 (3.234.11)

असत्स्त्रीणां समाचारं सत्ये मामनुपृच्छसि । असदाचरिते मार्गे कथं स्यादनुकीर्तनम् ॥

asatstrīṇāṃ samācāraṃ satye māmanupṛcchasi | asadācarite mārge kathaṃ syādanukīrtanam

"Satya, you are asking me about the practices of wicked women. How can one speak of a path that wicked women follow?

Note on the text: Corrected समाचरं → समाचारं (misprint in Wikisource; the critical edition reads samācāraṃ). Speaker: Draupadi's reply, filling whole verses (no heading in Wikisource).

Verse 12 (3.234.12)

अनुप्रश्नः संशयो वा नैष त्वय्युपपद्यते । कथं ह्युपेता बुद्ध्या त्वं कृष्णस्य महिषी प्रिया ॥

anupraśnaḥ saṃśayo vā naiṣa tvayyupapadyate | kathaṃ hyupetā buddhyā tvaṃ kṛṣṇasya mahiṣī priyā

Such a question, such a doubt, does not befit you. How could it, endowed with understanding as you are, the beloved queen of Krishna?

Note on the text: Corrected त्वंकृष्णस् → त्वं कृष्णस्य (misprint in Wikisource; dropped akshara, words run together; the critical edition reads tvaṃ kṛṣṇasya).

Verse 13 (3.234.13)

यदैव भर्ता जानीयान्मन्त्रमूलपरां स्त्रियम् । उद्विजेत तदैवास्याः सर्पाद्वेश्मगतादिव ॥

yadaiva bhartā jānīyānmantramūlaparāṃ striyam | udvijeta tadaivāsyāḥ sarpādveśmagatādiva

The moment a husband learns that his wife is given to spells and roots, he dreads her as he would a snake that has got into the house.

Note on the text: Corrected जानीयानमन्त्र → जानीयान्मन्त्र (misprint in Wikisource; broken conjunct; the critical edition reads jānīyān mantra-).

Verse 14 (3.234.14)

उद्विग्नस्य कुतः शान्तिरशान्तस्य कुतः सुखम् । न जातु वशगो भर्ता स्त्रियाः स्यान्मन्त्रकारणात् ॥

udvignasya kutaḥ śāntiraśāntasya kutaḥ sukham | na jātu vaśago bhartā striyāḥ syānmantrakāraṇāt

Where is peace for one who is anxious, and where is happiness for one without peace? A husband never comes under his wife's sway by means of spells.

Verse 15 (3.234.15)

किमत्रप्रहिताश्चापि गदाः परमदारुणाः । मूलप्रवादैर्हि विषं प्रयच्छन्ति जिघांसवः ॥

kimatraprahitāścāpi gadāḥ paramadāruṇāḥ | mūlapravādairhi viṣaṃ prayacchanti jighāṃsavaḥ

What more is there to say? Most dreadful diseases are sent this way too, for those who wish to kill give poison under the name of roots.

Note on the text: Removed the stray letters बब at the end of the verse (a typing slip in Wikisource, where the closing ॥ is also missing).

Verse 16 (3.234.16)

जिह्वया यानि पुरुषस्त्वचा वाप्युपसेवते । तत्र चूर्णानि दत्तानि हन्युः क्षिप्रमसंशयम् ॥

jihvayā yāni puruṣastvacā vāpyupasevate | tatra cūrṇāni dattāni hanyuḥ kṣipramasaṃśayam

Powders put into what a man takes with his tongue or touches with his skin can kill him swiftly, without a doubt.

Verse 17 (3.234.17)

जलोदरसमायुक्ताः श्वित्रिणः पलितास्तथा । अपुमांसः कृताः स्त्रीभिर्जडान्धवधिरास्तथा ॥

jalodarasamāyuktāḥ śvitriṇaḥ palitāstathā | apumāṃsaḥ kṛtāḥ strībhirjaḍāndhavadhirāstathā

Women have made men suffer dropsy, white leprosy and early grey hair; they have made them impotent, dull-witted, blind and deaf.

Verse 18 (3.234.18)

पापानुगास्तु पापास्ताः पतीनुपसृजन्त्युत । न जातु विप्रियं भर्तुः स्त्रिया कार्यं कथंचन ॥

pāpānugāstu pāpāstāḥ patīnupasṛjantyuta | na jātu vipriyaṃ bhartuḥ striyā kāryaṃ kathaṃcana

Those wicked women, followers of evil, bring harm upon their husbands. A wife should never in any way do what displeases her husband.

Verse 19 (3.234.19)

वर्ताम्यहं तु यां वृत्तिं पाण्डवेषु महात्मसु । तां सर्वां शृणु मे सत्यां सत्यभामे यशस्विनि ॥

vartāmyahaṃ tu yāṃ vṛttiṃ pāṇḍaveṣu mahātmasu | tāṃ sarvāṃ śṛṇu me satyāṃ satyabhāme yaśasvini

Now hear from me, glorious Satyabhama, the whole truth of how I conduct myself towards the great-souled Pandavas.

Verse 20 (3.234.20)

अहंकारं विहायाहं कामक्रोधौ च सर्वदा । सदारान्पाण्डवान्नित्यं प्रयतोपचराम्यहम् ॥

ahaṃkāraṃ vihāyāhaṃ kāmakrodhau ca sarvadā | sadārānpāṇḍavānnityaṃ prayatopacarāmyaham

Setting aside pride, and always setting aside desire and anger, I wait carefully at all times on the Pandavas and on their other wives.

Verse 21 (3.234.21)

प्रणयं प्रतिसंहृत्य निधायात्मानमात्मनि । शुश्रूषुर्निरभीमाना पतीनां चित्तरक्षिणी ॥

praṇayaṃ pratisaṃhṛtya nidhāyātmānamātmani | śuśrūṣurnirabhīmānā patīnāṃ cittarakṣiṇī

Restraining jealousy, keeping my mind within myself, eager to serve and free of pride, I guard my husbands' feelings.

Verse 22 (3.234.22)

दुर्व्याहृताच्छङ्कमाना दुस्थिताद्दुरवेक्षितात् । दुरासिताद्दुर्व्रजितादिङ्गिताध्यासितादपि ॥

durvyāhṛtācchaṅkamānā dusthitādduravekṣitāt | durāsitāddurvrajitādiṅgitādhyāsitādapi

I am wary of an ill-spoken word, of standing or looking improperly, of sitting or walking badly, and of betraying my mind with a glance.

Verse 23 (3.234.23)

सूर्यवैश्वानरसमान्सोमकल्पान्महारथान् । सेवे चक्षुर्हणः पार्थानुग्रवीर्यप्रतापिनः ॥

sūryavaiśvānarasamānsomakalpānmahārathān | seve cakṣurhaṇaḥ pārthānugravīryapratāpinaḥ

I serve the sons of Pritha, great chariot-warriors equal to the sun and to fire, gentle as the moon, men whose glance can slay, of fierce valour and might.

Verse 24 (3.234.24)

देवो मनुष्यो गन्धर्वो युवा चापि स्वलंकृतः । द्रव्यवानभिरूपो वा न मेऽन्यः पुरुषो मतः ॥

devo manuṣyo gandharvo yuvā cāpi svalaṃkṛtaḥ | dravyavānabhirūpo vā na me'nyaḥ puruṣo mataḥ

God, man or gandharva, young and finely adorned, wealthy or handsome, no other man is to my liking.

Verse 25 (3.234.25)

न भुक्तवति न स्नाते नासंविष्टे च भर्तरि । न संविशामि नाश्नामि न स्नाये कर्म कुर्वती ॥

na bhuktavati na snāte nāsaṃviṣṭe ca bhartari | na saṃviśāmi nāśnāmi na snāye karma kurvatī

Until my husband has eaten, bathed and lain down, I do not lie down, eat or bathe, but keep to my work.

Verse 26 (3.234.26)

क्षेत्राद्वनाद्वा ग्रामाद्वा भर्तारं गृहमागतम् । अभ्युत्थायाभिनन्दामि आसनेनोदकेन च ॥

kṣetrādvanādvā grāmādvā bhartāraṃ gṛhamāgatam | abhyutthāyābhinandāmi āsanenodakena ca

When my husband comes home from the field, the forest or the village, I rise to greet him and welcome him with a seat and water.

Note on the text: Corrected गुहमागतम् → गृहमागतम् (misprint in Wikisource; उ for ऋ; the critical edition reads gṛham āgatam).

Verse 27 (3.234.27)

प्रसन्नभाण्डा मृष्टान्ना काले भोजनदायिनी । संयता गुप्तधान्या च सुसंमृष्टनिवेशना ॥

prasannabhāṇḍā mṛṣṭānnā kāle bhojanadāyinī | saṃyatā guptadhānyā ca susaṃmṛṣṭaniveśanā

My vessels are clean, my food well prepared, and I serve meals on time; I am self-controlled, I keep the grain safely stored, and my house is well swept.

Verse 28 (3.234.28)

अतिरस्कृतसंभाषा दुःस्त्रियो नानुसेवती । अनुकूलवती नित्यं भवाम्यनलसा सदा ॥

atiraskṛtasaṃbhāṣā duḥstriyo nānusevatī | anukūlavatī nityaṃ bhavāmyanalasā sadā

I speak without contempt and keep no company with bad women; I am always agreeable and never idle.

Verse 29 (3.234.29)

अनर्म चापि हसितं द्वारि स्थानमभीक्ष्णशः । अवस्करे चिरस्थानं निष्कुटेषु च वर्जये ॥

anarma cāpi hasitaṃ dvāri sthānamabhīkṣṇaśaḥ | avaskare cirasthānaṃ niṣkuṭeṣu ca varjaye

I avoid laughing when there is nothing to laugh at, standing again and again at the door, and lingering long by the refuse heap or in the house gardens.

Verse 30 (3.234.30)

अत्यालापमसन्तोषं परव्यापारसंकथाः । अतिहासातिरोषौ च क्रोधस्थानं च वर्जये ॥

atyālāpamasantoṣaṃ paravyāpārasaṃkathāḥ | atihāsātiroṣau ca krodhasthānaṃ ca varjaye

I avoid too much talk, discontent and gossip about the affairs of others; I avoid excessive laughter and excessive anger, and every occasion for wrath.

Note on the text: Removed the backtick and quote mark around the first line (Wikisource's marks for an added line). The first line is not in the critical edition's constituted text (found in the vulgate recension; its apparatus gives it as 3.222.27*1095); the second line is CE 3.222.28ab.

Verse 31 (3.234.31)

निरताऽहं सदा सत्ये पापानां च विवर्जने । सर्वथा भर्तुरहितं न ममेष्टं कथंचन ॥

niratā'haṃ sadā satye pāpānāṃ ca vivarjane | sarvathā bharturahitaṃ na mameṣṭaṃ kathaṃcana

I am always devoted to truth and to shunning wrongdoing, Satya; whatever is not for my husband's good is in no way pleasing to me.

Note on the text: The first line is not in the critical edition's constituted text (found in the vulgate recension; its apparatus gives it as 3.222.27*1094, reading visarjane); the second line is CE 3.222.28ef, which reads bhartṛrahitaṃ.

Verse 32 (3.234.32)

यदा प्रवसते भर्ता कुटुम्बार्थेन केनचित् । सुमनोवर्णकापेता भवामि व्रतचारिणी ॥

yadā pravasate bhartā kuṭumbārthena kenacit | sumanovarṇakāpetā bhavāmi vratacāriṇī

When my husband goes away on some family business, I give up flowers and cosmetics and keep vows.

Verse 33 (3.234.33)

यच्च भर्ता न पिबति यच्च भर्ता न सेवते । यच्च नाश्नाति मे भर्ता सर्वं तद्वर्जयाम्यहम् ॥

yacca bhartā na pibati yacca bhartā na sevate | yacca nāśnāti me bhartā sarvaṃ tadvarjayāmyaham

What my husband does not drink, what he does not enjoy, what he does not eat, all that I give up.

Verse 34 (3.234.34)

यथोपदेशं नियता वर्तमाना वराङ्गने । स्वलंकृता सुप्रयता भर्तुः प्रियहिते रता ॥

yathopadeśaṃ niyatā vartamānā varāṅgane | svalaṃkṛtā suprayatā bhartuḥ priyahite ratā

Disciplined, living as I have been taught, lovely lady, well adorned and attentive, I am devoted to what pleases and benefits my husband.

Verse 35 (3.234.35)

ये च धर्माः कुटुम्बेषु श्वश्र्वामे कथिताः पुरा । अनुतिष्ठामि तान्सत्ये नित्यकालमतन्द्रिता ॥

ye ca dharmāḥ kuṭumbeṣu śvaśrvāme kathitāḥ purā | anutiṣṭhāmi tānsatye nityakālamatandritā

The household duties that my mother-in-law once taught me I carry out tirelessly at all times, Satya:

Note on the text: Removed the backtick and quote mark around the second line (Wikisource's marks for an added line). The first line is CE 3.222.32ab; the second is not in the critical edition's constituted text (found in the vulgate recension; its apparatus gives it as 3.222.32*1096).

Verse 36 (3.234.36)

भिक्षाबलिश्राद्धविधिस्थालीपाकाश्च पर्वसु । मान्यानां मानसत्कारा ये चान्ये विदिता मम ॥

bhikṣābaliśrāddhavidhisthālīpākāśca parvasu | mānyānāṃ mānasatkārā ye cānye viditā mama

alms, the bali offerings, the rites for the ancestors, the pot-cooked offerings on festival days, the honour and hospitality due to those worthy of respect, and whatever else I know of.

Note on the text: CE 3.222.32cd–ef, with variant readings.

Verse 37 (3.234.37)

तान्सर्वाननुवर्तामि दिवारात्रमतन्द्रिता । विनयान्नियमांश्चैव सदा सर्वात्मना श्रिता ॥

tānsarvānanuvartāmi divārātramatandritā | vinayānniyamāṃścaiva sadā sarvātmanā śritā

All these I follow day and night without tiring, and I hold to modesty and the rules of conduct always, with my whole being.

Note on the text: Corrected विनयाननियमांश्चैव → विनयान्नियमांश्चैव (misprint in Wikisource; broken conjunct; the critical edition reads vinayān niyamāṃś).

Verse 38 (3.234.38)

मृदून्सतः सत्यशीलान्सत्यधर्मानुपालिनः । आशीविषानिव क्रुद्धान्पतीन्परिचराम्यहम् ॥

mṛdūnsataḥ satyaśīlānsatyadharmānupālinaḥ | āśīviṣāniva kruddhānpatīnparicarāmyaham

My husbands are gentle, good, truthful by nature and keepers of the law of truth, yet I wait on them as carefully as if they were angry venomous snakes.

Note on the text: Restored from the critical edition (3.222.34cd): Wikisource prints the second line of the next verse (स देवः सा गतिर्नार्यास्तस्य का विप्रियं चरेत्) in place of this verse's own second line, which is lost; restored as āśīviṣān iva kruddhān patīn paricarāmy aham.

Verse 39 (3.234.39)

पत्याश्रयो हि मे धर्मो मतः स्त्रीणां सनातनः । स देवः सा गतिर्नार्यास्तस्य काविप्रियं चरेत् ॥

patyāśrayo hi me dharmo mataḥ strīṇāṃ sanātanaḥ | sa devaḥ sā gatirnāryāstasya kāvipriyaṃ caret

For I hold that dependence on the husband is the eternal dharma of women. He is a wife's god, he is her refuge; what woman would do him wrong?

Verse 40 (3.234.40)

अहं पतीन्नातिशये नात्यश्ने नातिभूषये । नापि श्वश्रूं परिवदे सर्वदा परियन्त्रिता ॥

ahaṃ patīnnātiśaye nātyaśne nātibhūṣaye | nāpi śvaśrūṃ parivade sarvadā pariyantritā

I do not outdo my husbands in sleep, in food or in ornament, nor do I speak ill of my mother-in-law; I keep myself always restrained.

Verse 41 (3.234.41)

अवधानेन सुभगे नित्योत्थिततयैव च । भर्तारो वशगा मह्यं गुरुशुश्रूषयैव च ॥

avadhānena subhage nityotthitatayaiva ca | bhartāro vaśagā mahyaṃ guruśuśrūṣayaiva ca

It is by attentiveness, fortunate lady, by always being up and ready, and by serving my elders that my husbands are under my sway.

Verse 42 (3.234.42)

नित्यमार्यामहं कुन्तीं वीरसूं सत्यवादिनीम् । स्वयं परिचराम्येतां पानाच्छादनभोजनैः ॥

nityamāryāmahaṃ kuntīṃ vīrasūṃ satyavādinīm | svayaṃ paricarāmyetāṃ pānācchādanabhojanaiḥ

Every day I myself wait on the noble Kunti, mother of heroes and speaker of truth, with drink, clothing and food.

Note on the text: Corrected परिचराम्यतां → परिचराम्येतां (misprint in Wikisource; dropped vowel sign; the pronoun एतां, "her", is needed).

Verse 43 (3.234.43)

नैतामतिशये जातु वस्त्रभूषणभोजनैः । न वदे चाप्यतिवाचा तां पृथां पृथिवीसमाम् ॥

naitāmatiśaye jātu vastrabhūṣaṇabhojanaiḥ | na vade cāpyativācā tāṃ pṛthāṃ pṛthivīsamām

I never set myself above her in clothes, ornaments or food, nor do I speak to Pritha overbearingly, she who is like the earth itself.

Verse 44 (3.234.44)

अष्टावग्रे ब्राह्मणानां सहस्राणि स्म नित्यदा । भुञ्जते रुक्मपात्रीषु युधिष्ठिरनिवेशने ॥

aṣṭāvagre brāhmaṇānāṃ sahasrāṇi sma nityadā | bhuñjate rukmapātrīṣu yudhiṣṭhiraniveśane

In Yudhishthira's palace eight thousand brahmins used to eat from golden plates every day.

Verse 45 (3.234.45)

अष्टाशीतिसहस्राणि स्नातका गृहमेधिनः । त्रिंशद्दासीक एकैको यान्विभर्ति युधिष्ठिरः ॥

aṣṭāśītisahasrāṇi snātakā gṛhamedhinaḥ | triṃśaddāsīka ekaiko yānvibharti yudhiṣṭhiraḥ

Yudhishthira supported eighty-eight thousand snataka householders, each with thirty serving maids.

Verse 46 (3.234.46)

दशान्यानि सहस्राणि येषामन्नं सुसंस्कृतम् । ह्रियते रुक्मपात्रीभिर्यतीनामूर्ध्वरेतसाम् ॥

daśānyāni sahasrāṇi yeṣāmannaṃ susaṃskṛtam | hriyate rukmapātrībhiryatīnāmūrdhvaretasām

For ten thousand more, celibate ascetics, well-prepared food was carried in golden dishes.

Verse 47 (3.234.47)

तान्सर्वानग्रहारेण ब्राह्मणान्वेदवादिनः । यथार्हं पूजयामि स्म पानाच्छादनभोजनैः ॥

tānsarvānagrahāreṇa brāhmaṇānvedavādinaḥ | yathārhaṃ pūjayāmi sma pānācchādanabhojanaiḥ

All those brahmins, expounders of the Veda, I used to honour as each deserved, with the first portion of food and with drink, clothing and meals.

Verse 48 (3.234.48)

शतं दासीसहस्राणि कौन्तेयस्य महात्मनः । कम्बुकेयूरधारिण्यो निष्ककण्ठ्यः स्वलंकृताः ॥

śataṃ dāsīsahasrāṇi kaunteyasya mahātmanaḥ | kambukeyūradhāriṇyo niṣkakaṇṭhyaḥ svalaṃkṛtāḥ

The great-souled son of Kunti had a hundred thousand serving women, wearing shell bracelets and armlets, gold necklaces at their throats, finely adorned,

Verse 49 (3.234.49)

महार्हमाल्याभरणाः सुवर्णाश्चन्दनोक्षिताः । मणीन्हेम च विभ्रत्यो नृत्तगीतविशारदाः ॥

mahārhamālyābharaṇāḥ suvarṇāścandanokṣitāḥ | maṇīnhema ca vibhratyo nṛttagītaviśāradāḥ

wearing costly garlands and jewels, fair as gold, anointed with sandal, bearing gems and gold, skilled in dance and song.

Verse 50 (3.234.50)

तासां नाम च रूपंच भोजनाच्छादनानि च । सर्वासामेव वेदाहं कर्म चैव कृताकृतम् ॥

tāsāṃ nāma ca rūpaṃca bhojanācchādanāni ca | sarvāsāmeva vedāhaṃ karma caiva kṛtākṛtam

I knew the names and looks of every one of them, their food and clothing, and what work each had done and left undone.

Verse 51 (3.234.51)

शतं दासीसहस्राणि कुन्तीपुत्रस्य धीमतः । पात्रीहस्ता दिवारात्रमतिथीन्भोजयन्त्युत ॥

śataṃ dāsīsahasrāṇi kuntīputrasya dhīmataḥ | pātrīhastā divārātramatithīnbhojayantyuta

A hundred thousand serving women of the wise son of Kunti fed guests day and night, plates in hand.

Note on the text: Corrected पात्रीपस्ता → पात्रीहस्ता (misprint in Wikisource; प for ह; the critical edition reads pātrīhastā).

Verse 52 (3.234.52)

शतमश्वसहस्राणि दशनागायुतानि च । युधिष्ठिरस्यानुयात्रमिन्द्रप्रस्थनिवासिनः ॥

śatamaśvasahasrāṇi daśanāgāyutāni ca | yudhiṣṭhirasyānuyātramindraprasthanivāsinaḥ

A hundred thousand horses and ten times ten thousand elephants followed Yudhishthira when he dwelt at Indraprastha.

Verse 53 (3.234.53)

एतदासीत्तदा राज्ञो यन्महीं पर्यपालयत् । येषां सङ्ख्याविधिं चैव प्रदिशामि शृणोमि च ॥

etadāsīttadā rājño yanmahīṃ paryapālayat | yeṣāṃ saṅkhyāvidhiṃ caiva pradiśāmi śṛṇomi ca

Such was the king's state while he ruled the earth; and it was I who laid down their numbers and arrangements, and I who heard the accounts of them.

Verse 54 (3.234.54)

अन्तःपुराणां सर्वेषां भृत्यानां चैव सर्वशः । आगोपालाविपालेभ्यः सर्वं वेद कृताकृतम् ॥

antaḥpurāṇāṃ sarveṣāṃ bhṛtyānāṃ caiva sarvaśaḥ | āgopālāvipālebhyaḥ sarvaṃ veda kṛtākṛtam

Of all the women's quarters and all the servants, down to the cowherds and shepherds, I knew everything that was done and left undone.

Note on the text: Corrected अन्तःपूराणां → अन्तःपुराणां (misprint in Wikisource; long ū for short u; the critical edition reads antaḥpurāṇāṃ).

Verse 55 (3.234.55)

सर्वं राज्ञः समुदयमायं च व्ययमेव च । एकाऽहंवेद्मि कल्याणि पाण्डवानां यशस्विनि ॥

sarvaṃ rājñaḥ samudayamāyaṃ ca vyayameva ca | ekā'haṃvedmi kalyāṇi pāṇḍavānāṃ yaśasvini

Of the king's whole revenue, his income and his expenditure, I alone among the Pandavas knew, fair and glorious lady.

Verse 56 (3.234.56)

मयि सर्वं समासज्यकुटुम्बं भरतर्षभाः । उपासनरताः सर्वे घटयन्ति वरानने ॥

mayi sarvaṃ samāsajyakuṭumbaṃ bharatarṣabhāḥ | upāsanaratāḥ sarve ghaṭayanti varānane

Laying the whole burden of the household on me, the bulls of the Bharatas were free to devote themselves to worship, lovely-faced one.

Verse 57 (3.234.57)

तमहं भारमासक्तमनाधृष्यं दुरात्मभिः । सुखं सर्वंपरित्यज्यरात्र्यहानि घटामि वै ॥

tamahaṃ bhāramāsaktamanādhṛṣyaṃ durātmabhiḥ | sukhaṃ sarvaṃparityajyarātryahāni ghaṭāmi vai

That burden laid upon me, which the wicked could never have carried, I bore night and day, giving up all my comfort.

Verse 58 (3.234.58)

अधृष्यं वरुणस्येव निधिपूर्णमिवोदधिम् । एकाहं वेद्मि कोशं वै पतीनां धर्मचारिणाम् ॥

adhṛṣyaṃ varuṇasyeva nidhipūrṇamivodadhim | ekāhaṃ vedmi kośaṃ vai patīnāṃ dharmacāriṇām

I alone knew the treasury of my righteous husbands, unassailable as Varuna's, like an ocean full of riches.

Verse 59 (3.234.59)

अनिशायां निशायां च विहाय क्षुत्पिपासयोः । आराधयन्त्याः कौरव्यांस्तुल्या रात्रिरहश्च मे ॥

aniśāyāṃ niśāyāṃ ca vihāya kṣutpipāsayoḥ | ārādhayantyāḥ kauravyāṃstulyā rātrirahaśca me

By day and by night, setting aside hunger and thirst, as I served the Kauravyas, night and day were the same to me.

Verse 60 (3.234.60)

प्रथमं प्रतिबुध्यामि चरमं संविशामि च । नित्यकालमहं सत्ये एतत्संवननं मम ॥

prathamaṃ pratibudhyāmi caramaṃ saṃviśāmi ca | nityakālamahaṃ satye etatsaṃvananaṃ mama

I wake first and lie down last, always, Satya. That is my charm for winning a husband.

Verse 61 (3.234.61)

एतज्जानाम्यहं कर्तुं भर्तृसंवननं महत् । असत्स्त्रीणां समाचारं नाहं कुर्यां न कामये ॥

etajjānāmyahaṃ kartuṃ bhartṛsaṃvananaṃ mahat | asatstrīṇāṃ samācāraṃ nāhaṃ kuryāṃ na kāmaye

This is the great charm for winning a husband that I know how to practise. The conduct of wicked women I would never follow, nor do I wish to."

Verse 62 (3.234.62)

तच्छ्रुत्वा धर्मसहितं व्याहृतं कृष्णया तदा । उवाच सत्या सत्कृत्य पाञ्चालीं धर्मचारिणीम् ॥

tacchrutvā dharmasahitaṃ vyāhṛtaṃ kṛṣṇayā tadā | uvāca satyā satkṛtya pāñcālīṃ dharmacāriṇīm

Hearing these words full of dharma spoken by Krishnaa, Satya honoured the righteous Panchali and said:

Note on the text: Corrected धर्मचारिणीं → धर्मचारिणीम् (misprint in Wikisource; anusvara for म् at the end of the verse; the critical edition reads dharmacāriṇīm).

Verse 63 (3.234.63)

अभिपन्नाऽस्मि पाञ्चालि याज्ञसेनि क्षमस्व मे । कामकारः सखीनां हि सोपहासं प्रभाषितम् ॥

abhipannā'smi pāñcāli yājñaseni kṣamasva me | kāmakāraḥ sakhīnāṃ hi sopahāsaṃ prabhāṣitam

"I ask your pardon, Panchali, Yajnaseni; forgive me. Among friends, words are spoken freely and in jest."

Note on the text: Corrected सखीनं → सखीनां (misprint in Wikisource; dropped vowel sign; the critical edition reads sakhīnāṃ). Speaker: Satyabhama's reply, filling the whole verse (no heading in Wikisource).