Mudgala Turns Away from Heaven

Verse 1 (3.262.1)

महर्षेऽकार्यबुद्धिस्त्वं यः स्वर्गसुखमुत्तमम् । संप्राप्तं प्रतिपत्तव्यं विमृशस्यबुधो यथा ॥

maharṣe'kāryabuddhistvaṃ yaḥ svargasukhamuttamam | saṃprāptaṃ pratipattavyaṃ vimṛśasyabudho yathā

"Great seer, your judgement is unwise: like an ignorant man you hesitate over the supreme happiness of heaven, which has come to you and ought to be accepted.

Verse 2 (3.262.2)

उपरिष्टादयं लोको योऽयं स्वरिति संज्ञितः । ऊर्ध्वगः सत्पथः शश्वद्देवयानचरो मुने ॥

upariṣṭādayaṃ loko yo'yaṃ svariti saṃjñitaḥ | ūrdhvagaḥ satpathaḥ śaśvaddevayānacaro mune

Above us lies this world that is called Svar. It is on high, the path of the good, everlasting, travelled by the chariots of the gods, sage.

Verse 3 (3.262.3)

नातप्ततपसः पुंसो नामहायज्ञयाजिनः । नानृता नास्तिकाश्चैव तत्रगच्छन्ति मुद्गल ॥

nātaptatapasaḥ puṃso nāmahāyajñayājinaḥ | nānṛtā nāstikāścaiva tatragacchanti mudgala

Men who have not practised austerity, who have not offered great sacrifices, liars and unbelievers do not go there, Mudgala.

Verse 4 (3.262.4)

धर्मात्मानो जितात्मानः शान्ता दान्ता विमत्सराः । दानधर्मरताः पुंसः शूराश्चाहितलक्षणाः ॥

dharmātmāno jitātmānaḥ śāntā dāntā vimatsarāḥ | dānadharmaratāḥ puṃsaḥ śūrāścāhitalakṣaṇāḥ

Men who are righteous and self-mastered, calm, restrained and free of envy, devoted to the dharma of giving, and heroes who bear the marks of battle

Verse 5 (3.262.5)

तत्रगच्छन्ति धर्माग्र्यं कृत्वा शमदमात्मकम् । लोकान्पुण्यकृतां ब्रह्मन्सद्भिराचरितान्नृभिः ॥

tatragacchanti dharmāgryaṃ kṛtvā śamadamātmakam | lokānpuṇyakṛtāṃ brahmansadbhirācaritānnṛbhiḥ

go there, having practised the foremost dharma of calm and self-restraint: to the worlds of those who do good, brahmin, frequented by virtuous men.

Verse 6 (3.262.6)

देवाः साध्यास्तथा विश्वे तथैव च महर्षयः । यामा धामाश्च मौद्गल्य गन्धर्वाप्सरसस्तथा ॥

devāḥ sādhyāstathā viśve tathaiva ca maharṣayaḥ | yāmā dhāmāśca maudgalya gandharvāpsarasastathā

The gods, the Sadhyas, likewise the Vishvedevas and the great seers, the Yamas and the Dhamas, Maudgalya, and the gandharvas and apsarases:

Verse 7 (3.262.7)

एषां देवनिकायानां पृथक्‌पृथगनेकशः । भास्वन्तः कामसंपन्ना लोकास्तेजोमयाः शुभाः ॥

eṣāṃ devanikāyānāṃ pṛthakpṛthaganekaśaḥ | bhāsvantaḥ kāmasaṃpannā lokāstejomayāḥ śubhāḥ

each of these orders of gods has many worlds of its own, radiant, full of every desire, made of light and auspicious.

Verse 8 (3.262.8)

त्रयस्त्रिंशत्सहस्राणि योजनानि हिरण्मयः । मेरुः पर्वतराड्यत्रदेवोद्यानानि मुद्गल ॥

trayastriṃśatsahasrāṇi yojanāni hiraṇmayaḥ | meruḥ parvatarāḍyatradevodyānāni mudgala

There stands Meru, king of mountains, golden, thirty-three thousand yojanas in height, where the gardens of the gods lie, Mudgala.

Verse 9 (3.262.9)

नन्दनान्यतिरम्याणि तत्रोद्यानानि मुद्गल । सर्वकामफलैर्वृक्षैः शोभितानि समन्ततः ॥

nandanānyatiramyāṇi tatrodyānāni mudgala | sarvakāmaphalairvṛkṣaiḥ śobhitāni samantataḥ

There, Mudgala, are delightful gardens such as Nandana, adorned on every side with trees that bear the fruit of every desire.

Note on the text: Removed stray wiki marks (backtick and quote mark). Not in the critical text; it is the starred passage 3.247.1d*1190 of its apparatus (with नन्दनान्यतिरम्याणि for nandanādīni ramyāṇi).

Verse 10 (3.262.10)

नन्दनादीनि पुण्यानि विहाराः पुण्यकर्मणाम् । न क्षुत्पिपासे न ग्लानिर्न शीतोष्णे भयं तथा ॥

nandanādīni puṇyāni vihārāḥ puṇyakarmaṇām | na kṣutpipāse na glānirna śītoṣṇe bhayaṃ tathā

Nandana and the other holy pleasure-grounds belong to those whose deeds are holy. There is no hunger or thirst there, no weariness, no cold or heat, and no fear;

Verse 11 (3.262.11)

बीभत्समशुभं वाऽपि रोगो वा तत्र कश्चन । मनोज्ञाः सर्वतो गन्धाः सुखस्पर्शाश्च सर्वशः ॥

bībhatsamaśubhaṃ vā'pi rogo vā tatra kaścana | manojñāḥ sarvato gandhāḥ sukhasparśāśca sarvaśaḥ

nothing loathsome or inauspicious, and no disease of any kind. Everywhere there are pleasing scents and breezes pleasant to the touch,

Verse 12 (3.262.12)

शब्दाः श्रुतिमनोग्राह्याः सर्वतस्तत्रवै मुने । न शोको न जरा तत्र नायासपरिदेवने ॥

śabdāḥ śrutimanogrāhyāḥ sarvatastatravai mune | na śoko na jarā tatra nāyāsaparidevane

and everywhere, sage, there are sounds that please the ear and the mind. There is no grief there and no old age, no toil and no lament.

Verse 13 (3.262.13)

ईदृशः स मुने लोकः स्वकर्मफलहेतुकः । सुकृतैस्तत्रपुरुषाः संभवन्त्यात्मकर्मभिः ॥

īdṛśaḥ sa mune lokaḥ svakarmaphalahetukaḥ | sukṛtaistatrapuruṣāḥ saṃbhavantyātmakarmabhiḥ

Such is that world, sage, won as the fruit of one's own deeds. Men are born there through their own good deeds.

Verse 14 (3.262.14)

तैजसानि शरीराणि भवन्त्यत्रोपपद्यताम् । कर्मजान्येव मौद्गल्य न मातृपितृजान्युत ॥

taijasāni śarīrāṇi bhavantyatropapadyatām | karmajānyeva maudgalya na mātṛpitṛjānyuta

Those who reach it have bodies made of light, born of their deeds alone, Maudgalya, and not of mother and father.

Note on the text: Corrected भवन्त्य्रोपपद्यताम् → भवन्त्यत्रोपपद्यताम् (misprint in Wikisource; broken conjunct, dropped त; the critical edition reads bhavanty atropapadyatām).

Verse 15 (3.262.15)

न संस्वेदो न दौर्गन्ध्यं पुरीषं मूत्रमेव च । तेषां न च रजोवस्त्रं बाधते तत्रवै मुने ॥

na saṃsvedo na daurgandhyaṃ purīṣaṃ mūtrameva ca | teṣāṃ na ca rajovastraṃ bādhate tatravai mune

There is no sweat there, no foul smell, no excrement or urine, and dust does not soil their clothes, sage.

Note on the text: Corrected रन संस्वेदो → न संस्वेदो (misprint in Wikisource; stray akshara र; the critical edition begins na ca svedo).

Verse 16 (3.262.16)

न म्लायन्ति स्रजस्तेषां दिव्यगन्धा मनोरमाः । समूह्यन्ते विमानैश्च ब्रह्मन्नेवंविधा हि ते ॥

na mlāyanti srajasteṣāṃ divyagandhā manoramāḥ | samūhyante vimānaiśca brahmannevaṃvidhā hi te

Their garlands, heavenly in fragrance and lovely, never wither, and they are borne about in celestial chariots: such are they, brahmin.

Verse 17 (3.262.17)

ईर्ष्याशोकक्लमापेता मोहमात्सर्यवर्जिताः । सुखं स्वर्गजितस्तत्रवर्तयन्ते महामुने ॥

īrṣyāśokaklamāpetā mohamātsaryavarjitāḥ | sukhaṃ svargajitastatravartayante mahāmune

Free of envy, grief and weariness, free of delusion and jealousy, those who have won heaven live there in happiness, great sage.

Note on the text: Corrected संर्गजितस् → स्वर्गजितस् (misprint in Wikisource; the word is स्वर्गजितः; the critical edition reads svargajitas).

Verse 18 (3.262.18)

तेषां तथाविधानां तु लोकानां मुनिपुङ्गव । उपर्युपरि शक्रस्य लोका दिव्या गुणान्विताः ॥

teṣāṃ tathāvidhānāṃ tu lokānāṃ munipuṅgava | uparyupari śakrasya lokā divyā guṇānvitāḥ

Above such worlds as these, best of sages, rise one above another the worlds of Shakra, rich in heavenly qualities.

Note on the text: Corrected शक्रस् → शक्रस्य (misprint in Wikisource; dropped akshara; the critical edition reads śakrasya).

Verse 19 (3.262.19)

परतो ब्रह्मणस्तस्य लोकस्तेजोमयः शुभः । यत्र यान्त्यृषयो ब्रह्मन्पूताः स्वैः कर्मभिः शुभैः ॥

parato brahmaṇastasya lokastejomayaḥ śubhaḥ | yatra yāntyṛṣayo brahmanpūtāḥ svaiḥ karmabhiḥ śubhaiḥ

Beyond them is the radiant, auspicious world of Brahma, where seers go, brahmin, made pure by their own good deeds.

Verse 20 (3.262.20)

ऋभवो नाम तत्रान्ये देवानामपि देवताः । तेषां लोकाः परतरे यान्यजन्तीह देवताः ॥

ṛbhavo nāma tatrānye devānāmapi devatāḥ | teṣāṃ lokāḥ paratare yānyajantīha devatāḥ

There are others there called the Ribhus, gods even to the gods; their worlds lie higher still, and the gods here worship them.

Verse 21 (3.262.21)

स्वयंप्रभास्ते भास्वन्तो लोकाः कामदुघाः परे । न तेषां स्त्रीकृतस्तापो न भोगैश्वर्यमत्सरः ॥

svayaṃprabhāste bhāsvanto lokāḥ kāmadughāḥ pare | na teṣāṃ strīkṛtastāpo na bhogaiśvaryamatsaraḥ

Those highest worlds are self-luminous and radiant and yield every desire. Those beings know no torment caused by women, and no envy over pleasures and lordship.

Verse 22 (3.262.22)

न वर्तयन्त्याहुतिभिस्ते नाप्यमृतभोजनाः । तथा दिव्यशरीरास्ते न च विग्रहमूर्तयः ॥

na vartayantyāhutibhiste nāpyamṛtabhojanāḥ | tathā divyaśarīrāste na ca vigrahamūrtayaḥ

They do not live on oblations, nor do they feed on nectar; their bodies are divine, yet they have no embodied form.

Verse 23 (3.262.23)

नासुखाः सुखकामास्ते देवदेवाः सनातनाः । न कल्पपरिवर्तेषु परिवर्तन्ति ते तथा ॥

nāsukhāḥ sukhakāmāste devadevāḥ sanātanāḥ | na kalpaparivarteṣu parivartanti te tathā

Those eternal gods of the gods are never unhappy and do not crave happiness, nor do they change with the turning of the kalpas.

Verse 24 (3.262.24)

जरा मृत्युः कुतस्तेषां हर्षः प्रीतिः सुखं न च । न दुःखं न सुखं चापि रागद्वेषौ कुतो मुने ॥

jarā mṛtyuḥ kutasteṣāṃ harṣaḥ prītiḥ sukhaṃ na ca | na duḥkhaṃ na sukhaṃ cāpi rāgadveṣau kuto mune

How could old age or death touch them? They have no elation, no delight and no pleasure, no sorrow and no happiness; how then could they have love or hatred, sage?

Note on the text: Corrected रजरा → जरा (misprint in Wikisource; stray akshara र; the critical edition reads jarā mṛtyuḥ).

Verse 25 (3.262.25)

देवानामपि मौद्गल्यकाङ्क्षिता सा गतिः परा । दुष्प्रापा परमा सिद्धिरगम्या कामगोचरैः ॥

devānāmapi maudgalyakāṅkṣitā sā gatiḥ parā | duṣprāpā paramā siddhiragamyā kāmagocaraiḥ

That supreme state, Maudgalya, is longed for even by the gods. It is the highest perfection, hard to reach, beyond the reach of those who move in the realm of desire.

Verse 26 (3.262.26)

त्रयस्त्रिंशदिमे लोकाः शेषा लोका मनीषिभिः । गम्यन्ते नियमैः श्रेष्ठैर्दानैर्वा विधिपूर्वकैः ॥

trayastriṃśadime lokāḥ śeṣā lokā manīṣibhiḥ | gamyante niyamaiḥ śreṣṭhairdānairvā vidhipūrvakaiḥ

These are the thirty-three worlds. The other worlds are reached by the wise through excellent observances or through gifts given according to rule.

Verse 27 (3.262.27)

सेयं दानकृता व्युष्टिरनुप्राप्ता सुखं त्वया । तां भुङ्क्ष्व सुकृतैर्लब्धां तपसा द्योतितप्रभः ॥

seyaṃ dānakṛtā vyuṣṭiranuprāptā sukhaṃ tvayā | tāṃ bhuṅkṣva sukṛtairlabdhāṃ tapasā dyotitaprabhaḥ

This prosperity, won by giving, has now come to you for your happiness. Enjoy it, gained by your good deeds, you who shine with the light of austerity.

Note on the text: Corrected रभुङ्क्ष्व → भुङ्क्ष्व (misprint in Wikisource; stray akshara र; the critical edition reads tāṃ bhuṅkṣva).

Verse 28 (3.262.28)

एतत्स्वर्गसुखं विप्र लोका नानाविधास्तथा । गुणाः स्वर्गस्य प्रोक्तास्ते दोषानपि निबोध मे ॥

etatsvargasukhaṃ vipra lokā nānāvidhāstathā | guṇāḥ svargasya proktāste doṣānapi nibodha me

This is the happiness of heaven, brahmin, and these are its many kinds of worlds. I have told you the merits of heaven; now learn its faults from me.

Verse 29 (3.262.29)

कृतस्य कर्मणस्तत्रभुज्यते यत्फलं दिवि । न चान्यत्क्रियते कर्म मूलच्छेदेन भुज्यते ॥

kṛtasya karmaṇastatrabhujyate yatphalaṃ divi | na cānyatkriyate karma mūlacchedena bhujyate

In heaven one enjoys the fruit of deeds already done; no other deed is done there, and the enjoyment cuts away the root.

Note on the text: Corrected कृस्य → कृतस्य (misprint in Wikisource; dropped akshara त; the critical edition reads kṛtasya) and चान्त्क्रियते → चान्यत्क्रियते (misprint in Wikisource; dropped akshara य; the critical edition reads na cānyat kriyate).

Verse 30 (3.262.30)

सोऽत्रदोषो मम मतस्तस्यान्ते पतनं च यत् । सुखव्याप्तमनस्कानां पतनं यच्च मुद्गल ॥

so'tradoṣo mama matastasyānte patanaṃ ca yat | sukhavyāptamanaskānāṃ patanaṃ yacca mudgala

That, in my view, is its fault: that at the end there is a fall, the fall, Mudgala, of those whose minds were steeped in happiness.

Verse 31 (3.262.31)

असंतोषः परीतापो दृष्ट्वा दीप्ततराः श्रियः । यद्भवत्यवरे स्थाने स्थितानां तत्सुदुष्करम् ॥

asaṃtoṣaḥ parītāpo dṛṣṭvā dīptatarāḥ śriyaḥ | yadbhavatyavare sthāne sthitānāṃ tatsuduṣkaram

The discontent and torment that arise in those placed lower when they see the brighter splendour of others are very hard to bear.

Verse 32 (3.262.32)

संज्ञामोहश्चपततां रजसा च प्रधर्षणम् । प्रम्लानेषु च माल्येषु ततः पिपतिषोर्भयम् ॥

saṃjñāmohaścapatatāṃ rajasā ca pradharṣaṇam | pramlāneṣu ca mālyeṣu tataḥ pipatiṣorbhayam

Then, for those who fall, comes the clouding of their senses and the onslaught of passion; and as their garlands wither, the dread of one about to fall.

Verse 33 (3.262.33)

आब्रह्मभवनादेते दोषा मौद्गल्य दारुणाः । नाकलोकेसुकृतिनां गुणास्त्वयुतशो नृणाम् ॥

ābrahmabhavanādete doṣā maudgalya dāruṇāḥ | nākalokesukṛtināṃ guṇāstvayutaśo nṛṇām

These cruel faults, Maudgalya, reach as far as the world of Brahma. Yet in the heaven of the righteous the merits of men are tens of thousands.

Verse 34 (3.262.34)

अयं त्वन्यो गुणः श्रेष्ठश्च्युतानां स्वर्गतो मुने । शुभानुशययोगेन मनुष्येषूपजायते ॥

ayaṃ tvanyo guṇaḥ śreṣṭhaścyutānāṃ svargato mune | śubhānuśayayogena manuṣyeṣūpajāyate

And here is another, excellent merit, sage: those who fall from heaven are born among men through their leaning toward the good.

Verse 35 (3.262.35)

तत्रापि स महाभागः कुले महति जायते । न चेत्संबुध्यते तत्रगच्छत्यधमतां ततः ॥

tatrāpi sa mahābhāgaḥ kule mahati jāyate | na cetsaṃbudhyate tatragacchatyadhamatāṃ tataḥ

There too such a man is born, greatly fortunate, into a great family; but if he does not awaken there, he sinks lower from there.

Verse 36 (3.262.36)

इह यत्क्रियते कर्म तत्परत्रोपभुज्यते । कर्मभूमिरियं ब्रह्मन्फलभूमिरसौ मता ॥

iha yatkriyate karma tatparatropabhujyate | karmabhūmiriyaṃ brahmanphalabhūmirasau matā

Whatever deed is done here is enjoyed in the next world. This, brahmin, is held to be the land of action, and that the land of fruits."

Verse 37 (3.262.37)

महान्तस्तु अमी दोषास्त्वया स्वर्गस्य कीर्तिताः । निर्दोष एव यस्त्वन्यो लोकं तं प्रवदस्व मे ॥

mahāntastu amī doṣāstvayā svargasya kīrtitāḥ | nirdoṣa eva yastvanyo lokaṃ taṃ pravadasva me

"You have told me of great faults in heaven. Tell me now of that other world which is wholly without fault."

Note on the text: The speaker heading [मुद्गल उवाच] had slipped into the verse text; removed it and made Mudgala the speaker (also removed the opening bracket). Corrected दोपास्त्वया → दोषास्त्वया (misprint in Wikisource; प for ष; the critical apparatus reads doṣās tvayā) and यस्त्यन्यो → यस्त्वन्यो (misprint in Wikisource; त्य for त्व; the apparatus reads yas tv anyo). Verses 37–40 are bracketed in Wikisource and are not in the critical text; they are the starred passage 3.247.40d*1193 of its apparatus, placed there after Mudgala's resolve (3.247.40) rather than before the messenger's farewell.

Verse 38 (3.262.38)

ब्रह्मणः सदनादूर्ध्वं तद्विष्णोः परमं पदम् । शुद्धं सनातनं ज्योतिः परं ब्रह्मेति यद्विदुः ॥

brahmaṇaḥ sadanādūrdhvaṃ tadviṣṇoḥ paramaṃ padam | śuddhaṃ sanātanaṃ jyotiḥ paraṃ brahmeti yadviduḥ

"Above the abode of Brahma lies the supreme abode of Vishnu, the pure and eternal light that the wise know as the supreme Brahman.

Note on the text: Not in the critical text; part of the starred passage 3.247.40d*1193 of its apparatus.

Verse 39 (3.262.39)

न तत्रविप्र गच्छन्ति पुरुषा विषयात्मकाः । दम्भलोभमहाक्रोधमोहद्रोहैरभिद्रुताः ॥

na tatravipra gacchanti puruṣā viṣayātmakāḥ | dambhalobhamahākrodhamohadrohairabhidrutāḥ

Men attached to the objects of sense do not go there, brahmin, nor those beset by hypocrisy, greed, great anger, delusion and malice.

Note on the text: Not in the critical text; part of the starred passage 3.247.40d*1193 of its apparatus.

Verse 40 (3.262.40)

निर्ममा निरहंकारा निर्द्वन्द्वाः संयतेन्द्रियाः । ध्यानयोगपराश्चैव तत्रगच्छन्ति मानवाः ॥

nirmamā nirahaṃkārā nirdvandvāḥ saṃyatendriyāḥ | dhyānayogaparāścaiva tatragacchanti mānavāḥ

Men free of the sense of "mine" and of ego, free of the pairs of opposites, their senses restrained, devoted to meditation and yoga: these go there.

Note on the text: Removed a stray closing bracket and the doubled danda. Corrected निर्द्विन्द्वाः → निर्द्वन्द्वाः (misprint in Wikisource; stray vowel sign; the apparatus reads nirdvaṃdvāḥ). Not in the critical text; part of the starred passage 3.247.40d*1193 of its apparatus.

Verse 41 (3.262.41)

एतत्ते सर्वमाख्यातं यन्मां पृच्छसि मुद्गल । तवानुकम्पया साधो साधु गच्छाम माचिरम् ॥

etatte sarvamākhyātaṃ yanmāṃ pṛcchasi mudgala | tavānukampayā sādho sādhu gacchāma māciram

I have told you all that you asked me, Mudgala. Out of kindness to you, good man, let us go now, without delay."

Note on the text: Corrected आख्यतं → आख्यातं (misprint in Wikisource; dropped vowel sign; the critical edition reads ākhyātaṃ).

Verse 42 (3.262.42)

एतच्छ्रुत्वा तु मौद्गल्यो वाक्यं विममृशे धिया । विमृश्य च मुनिश्रेष्ठो देवदूतमुवाचह ॥

etacchrutvā tu maudgalyo vākyaṃ vimamṛśe dhiyā | vimṛśya ca muniśreṣṭho devadūtamuvācaha

Hearing these words, Maudgalya pondered them in his mind, and having pondered, that best of sages said to the messenger of the gods:

Verse 43 (3.262.43)

देवदूत नमस्तेऽस्तु गच्छ तात यथासुखम् । महादोषेण मे कार्यं न स्वर्गेण सुखेन वा ॥

devadūta namaste'stu gaccha tāta yathāsukham | mahādoṣeṇa me kāryaṃ na svargeṇa sukhena vā

"Messenger of the gods, I bow to you; go, friend, as you please. I have no use for heaven, with its great fault, nor for its happiness.

Note on the text: Speaker: Mudgala's reply (announced in verse 42) fills verses 43–45; Wikisource prints no heading. Corrected नमस्तेऽम्तु → नमस्तेऽस्तु (misprint in Wikisource; म for स; the critical edition reads namas te 'stu) and सुखेन चा → सुखेन वा (misprint in Wikisource; चा is no word here; the critical edition reads sukhena vā).

Verse 44 (3.262.44)

पतनान्ते महादुःखं परितापः सुदारुणः । स्वर्गभाजः पतन्तीह तस्मात्स्वर्गं न कामये ॥

patanānte mahāduḥkhaṃ paritāpaḥ sudāruṇaḥ | svargabhājaḥ patantīha tasmātsvargaṃ na kāmaye

At the end of the fall there is great sorrow and terrible torment; those who enjoy heaven fall back to this world. Therefore I do not desire heaven.

Verse 45 (3.262.45)

यत्रगत्वान शोचन्ति न व्यथन्तिचलन्ति वा । तदहं स्थानमत्यन्तं मार्गयिष्यामि केवलम् ॥

yatragatvāna śocanti na vyathanticalanti vā | tadahaṃ sthānamatyantaṃ mārgayiṣyāmi kevalam

I shall seek only that eternal place where those who go neither grieve nor suffer nor waver."

Verse 46 (3.262.46)

इत्युक्त्वा स मुनिर्वाक्यं देवदूतंविसृज्य तम् । शिलोञ्छवृत्तिमुत्सृज्य शममातिष्ठदुत्तमम् ॥

ityuktvā sa munirvākyaṃ devadūtaṃvisṛjya tam | śiloñchavṛttimutsṛjya śamamātiṣṭhaduttamam

Having said this, the sage dismissed the messenger of the gods, gave up his life of gleaning, and took to the highest calm.

Verse 47 (3.262.47)

तुल्यनिन्दास्तुतिर्भूत्वासमलोष्टाश्मकाञ्चनः । ज्ञानयोगेन शुद्धेन ध्याननित्यो बभूव ह ॥

tulyanindāstutirbhūtvāsamaloṣṭāśmakāñcanaḥ | jñānayogena śuddhena dhyānanityo babhūva ha

Treating blame and praise alike, and a clod, a stone and gold as the same, he became ever absorbed in meditation through the pure yoga of knowledge.

Verse 48 (3.262.48)

निगृहीतेन्द्रियग्रामः समयोजयदात्मनि । युक्तचित्तं यथाऽऽत्मानं युयोज परमेश्वरे ॥

nigṛhītendriyagrāmaḥ samayojayadātmani | yuktacittaṃ yathā''tmānaṃ yuyoja parameśvare

Having subdued the host of his senses, he gathered them into the self, and with his mind made steady he joined his self to the Supreme Lord.

Note on the text: Removed stray wiki marks (backtick and quote mark). Not in the critical text; it is the starred passage 3.247.42d*1194 of its apparatus.

Verse 49 (3.262.49)

ध्यानयोगाद्बलं लब्ध्वा प्राप्य बुद्धिमनुत्तमाम् । जगाम शाश्वतीं सिद्धिं परां निर्वाणलक्षणाम् ॥

dhyānayogādbalaṃ labdhvā prāpya buddhimanuttamām | jagāma śāśvatīṃ siddhiṃ parāṃ nirvāṇalakṣaṇām

Gaining strength from the yoga of meditation and reaching the highest understanding, he attained the eternal, supreme perfection whose mark is nirvana.

Verse 50 (3.262.50)

तस्मात्त्वमपिकौन्तेय न शोकं कर्तुमर्हसि । राज्यात्स्फीतात्परिभ्रष्टस्तपसा तदवाप्स्यसि ॥

tasmāttvamapikaunteya na śokaṃ kartumarhasi | rājyātsphītātparibhraṣṭastapasā tadavāpsyasi

Therefore you too, son of Kunti, should not grieve. Though you have fallen from a prosperous kingdom, you will win it back through austerity.

Verse 51 (3.262.51)

सुखस्यानन्तरं दुःखं दुःखस्यानन्तरं सुखम् । पर्यायेणोपसर्पन्ते नरं नेमिमरा इव ॥

sukhasyānantaraṃ duḥkhaṃ duḥkhasyānantaraṃ sukham | paryāyeṇopasarpante naraṃ nemimarā iva

After happiness comes sorrow, and after sorrow happiness; they come round to a man by turns, like the spokes to the rim of a wheel.

Verse 52 (3.262.52)

पितृपैतामहं राज्यंप्राप्स्यस्यमितविक्रम । वर्षात्रयोदशादूर्ध्वंव्येतु ते मानसो ज्वरः ॥

pitṛpaitāmahaṃ rājyaṃprāpsyasyamitavikrama | varṣātrayodaśādūrdhvaṃvyetu te mānaso jvaraḥ

You of boundless valour will regain the kingdom of your fathers and grandfathers after the thirteenth year. Let the fever of your mind pass.

Verse 53 (3.262.53)

स एवमुक्त्वाभगवान्व्यासः पाण्डवनन्दनम् । जगाम तपसे धीमान्पुनरेवाश्रमं प्रति ॥

sa evamuktvābhagavānvyāsaḥ pāṇḍavanandanam | jagāma tapase dhīmānpunarevāśramaṃ prati

Having spoken thus to the joy of the Pandavas, the wise and blessed Vyasa went back to his hermitage to practise austerity.

Note on the text: The automatic alignment found no match; this is 3.247.47 of the critical edition.