The Pandavas Return and Give Chase

Verse 1 (3.270.1)

ततो दिशः संपरिवृत्य पार्था । मृगान्वराहान्महिषांश्च हत्वा । धनुर्धराः श्रेष्ठतमाः पृथिव्यां । पृथक्चरन्तः सहिता बभूवुः ॥

tato diśaḥ saṃparivṛtya pārthā | mṛgānvarāhānmahiṣāṃśca hatvā | dhanurdharāḥ śreṣṭhatamāḥ pṛthivyāṃ | pṛthakcarantaḥ sahitā babhūvuḥ

Then the Parthas, the finest archers on earth, after roaming in every direction on their separate ways and killing deer, boars and buffaloes, came together again.

Note on the text: Corrected महिपांस्च → महिषांश्च (misprint in Wikisource; प for ष and स् for श्; the critical edition reads mahiṣāṃś ca) and हन्वा → हत्वा (misprint; न for त; hatvā).

Verse 2 (3.270.2)

ततो मृगव्यालजनानुकीर्णं । महावनं तद्विहगोपघुष्टम् । भ्रातॄंश्च तानभ्यवदद्युधिष्ठिरः । श्रुत्वा गिरो व्याहरतां मृगाणाम् ॥

tato mṛgavyālajanānukīrṇaṃ | mahāvanaṃ tadvihagopaghuṣṭam | bhrātṝṃśca tānabhyavadadyudhiṣṭhiraḥ | śrutvā giro vyāharatāṃ mṛgāṇām

Then, hearing the cries of the creatures in that great forest, thronged with deer and beasts of prey and loud with birds, Yudhishthira said to his brothers:

Verse 3 (3.270.3)

आदित्यदीप्तां दिशमभ्युपेत्य । मृगा द्विजाः क्रूरमिमे वदन्ति । आयासमुग्रं प्रतिवेदयन्तो । महाभयं शत्रुभिर्वाऽवमानम् ॥

ādityadīptāṃ diśamabhyupetya | mṛgā dvijāḥ krūramime vadanti | āyāsamugraṃ prativedayanto | mahābhayaṃ śatrubhirvā'vamānam

"These beasts and birds, facing the quarter blazing with the sun, are crying harshly, foretelling fierce trouble, great danger, or an affront from our enemies."

Note on the text: Speaker: Yudhishthira's words to his brothers (announced in verse 2), with no printed heading; the input carried Vaishampayana over (also verses 4–5).

Verse 4 (3.270.4)

क्षिप्रं निवर्तध्वमलं मृगैर्नो । मनो हि मे दूयति दह्यते च । बुद्धिं समाच्छाद्य च मे समन्यु- । रुद्धूयते प्राणपतिः शरीरे ॥

kṣipraṃ nivartadhvamalaṃ mṛgairno | mano hi me dūyati dahyate ca | buddhiṃ samācchādya ca me samanyu- | ruddhūyate prāṇapatiḥ śarīre

"Turn back quickly; enough of the hunt! My heart aches and burns, and the lord of the life-breaths in my body, clouding my mind with grief, is shaken."

Verse 5 (3.270.5)

सरः सुपर्णेन हृतोरगेन्द्र- । मराजकं राष्ट्रमिवेह शान्तम् । एवंविधं मे प्रतिभाति काम्यकं । शौण्डैर्यथा पीतसुरश्च कुम्भः ॥

saraḥ suparṇena hṛtoragendra- | marājakaṃ rāṣṭramiveha śāntam | evaṃvidhaṃ me pratibhāti kāmyakaṃ | śauṇḍairyathā pītasuraśca kumbhaḥ

"Like a lake whose great serpent Suparna has carried off, like a kingless realm fallen still, so the Kamyaka looks to me — like a jar of liquor drained by drunkards."

Note on the text: Corrected सुपर्णन → सुपर्णेन (misprint in Wikisource; dropped vowel sign; the critical edition reads suparṇena).

Verse 6 (3.270.6)

ते सैन्धवैरग्न्यनिलोग्रवेगै- । र्महाजवैर्वाजिभिरुह्यमानाः । युक्तैर्बृहद्भिः सुरथैर्नृवीरा- । स्तदाश्रमायाभिमुखा बभूवुः ॥

te saindhavairagnyanilogravegai- | rmahājavairvājibhiruhyamānāḥ | yuktairbṛhadbhiḥ surathairnṛvīrā- | stadāśramāyābhimukhā babhūvuḥ

Those heroes among men, drawn by great Sindhu horses fierce and swift as fire and wind, yoked to large and splendid chariots, headed for the hermitage.

Verse 7 (3.270.7)

तेषां तु गोमायुरनल्पघोषो । निवर्ततां वाममुपेत्य पार्श्वम् । प्रव्याहरत्तत्प्रविमृश्य राजा । प्रोवाच भीमं च धनंजयं च ॥

teṣāṃ tu gomāyuranalpaghoṣo | nivartatāṃ vāmamupetya pārśvam | pravyāharattatpravimṛśya rājā | provāca bhīmaṃ ca dhanaṃjayaṃ ca

As they were returning, a jackal came up on their left side and howled loudly. Pondering it, the king spoke to Bhima and Dhananjaya:

Verse 8 (3.270.8)

यथा वदत्येष विहीनयोनिः । सालावृको वाममुपेत्य पार्श्वम् । सुव्यक्तमस्मानवमत्य पापैः । कृतोऽभिमर्दः कुरुभिः प्रसह्य ॥

yathā vadatyeṣa vihīnayoniḥ | sālāvṛko vāmamupetya pārśvam | suvyaktamasmānavamatya pāpaiḥ | kṛto'bhimardaḥ kurubhiḥ prasahya

"From the way this low-born jackal cries, coming up on our left, it is plain that the wicked Kurus, scorning us, have made some violent assault."

Note on the text: Corrected वदत्येप → वदत्येष (misprint in Wikisource; प for ष) and पार्स्वम् → पार्श्वम् (misprint; स् for श्), as in the critical edition; word spacing restored (सालावृकोवाम → सालावृको वाम). Speaker: Yudhishthira's words to Bhima and Arjuna (announced in verse 7), with no printed heading; the input carried Vaishampayana over.

Verse 9 (3.270.9)

एत्याथ ते तद्वनमाविशन्तो । महत्यरण्ये मृगयां चरित्वा । बालामपश्यन्त तदा रुदन्तीं । धात्रेयिकां प्रेष्यवधूं प्रियायाः ॥

etyātha te tadvanamāviśanto | mahatyaraṇye mṛgayāṃ caritvā | bālāmapaśyanta tadā rudantīṃ | dhātreyikāṃ preṣyavadhūṃ priyāyāḥ

Having hunted in the great forest, they arrived and entered the wood, and there they saw the young girl, their beloved's foster-sister and maidservant, weeping.

Verse 10 (3.270.10)

तामिन्द्रसेनस्त्वरितोऽभिसृत्य । रथादवप्लुत्य ततोऽभ्यधावत् । प्रोवाच चैनां वचनं नरेन्द्र । धात्रेयिकामार्ततरस्तदानीम् ॥

tāmindrasenastvarito'bhisṛtya | rathādavaplutya tato'bhyadhāvat | provāca caināṃ vacanaṃ narendra | dhātreyikāmārtatarastadānīm

Indrasena hurried towards her, leaping down from the chariot and running up, and in great distress, O king, he spoke these words to the maid:

Verse 11 (3.270.11)

किं रोदिषि त्वं पतिता धरण्यां । किं ते मुखं शुष्यति दीनवर्णम् । कच्चिन्न पापैः सुनृशंसकृद्भिः । प्रमाथिता द्रौपदी राजपुत्री । गतेष्वरण्यं हि सुतेषु पाण्डोः । कच्चित्परैर्नापकृतं वनेऽस्मिन् ॥

kiṃ rodiṣi tvaṃ patitā dharaṇyāṃ | kiṃ te mukhaṃ śuṣyati dīnavarṇam | kaccinna pāpaiḥ sunṛśaṃsakṛdbhiḥ | pramāthitā draupadī rājaputrī | gateṣvaraṇyaṃ hi suteṣu pāṇḍoḥ | kaccitparairnāpakṛtaṃ vane'smin

"Why are you weeping, fallen on the ground? Why is your face so dry and pale? Has the princess Draupadi been carried off by wicked men who do cruel deeds? With the sons of Pandu gone off into the forest, has some enemy done harm here in this wood?"

Note on the text: Restored from the critical edition (3.253.11a–d and the apparatus line 3.253.11b*1204, line 1): Wikisource prints only the last line of this verse, numbered 11f, so five lines are lost. The surviving line is *1204 line 2 of the apparatus (which reads kva cit for कच्चित्); the restored lines are CE 3.253.11ab and 11cd followed by *1204 line 1, which precedes the surviving line there. The order of the restored lines is the editor's arrangement; CE 3.253.11ef stands in Wikisource verse 13. Speaker: Indrasena's question to the maid (announced in verse 10), with no printed heading; the input carried Vaishampayana over.

Verse 12 (3.270.12)

पर्याकुला साधु समीक्ष्य सूत- । मभ्यापतन्तं द्रुतमिन्द्रसेनम् । उरो घ्नती कष्टतरं तदानी- । मुच्चैः प्रचुक्रोश हृतेति देवी ॥

paryākulā sādhu samīkṣya sūta- | mabhyāpatantaṃ drutamindrasenam | uro ghnatī kaṣṭataraṃ tadānī- | muccaiḥ pracukrośa hṛteti devī

Distraught, the maid looked hard at the charioteer Indrasena as he came running up, and beating her breast in deep distress she cried out loudly, "The queen has been carried off!"

Note on the text: Word spacing corrected (समीक्ष्यसूत- → समीक्ष्य सूत-). Not in the critical edition's constituted text (found in the vulgate recension); its apparatus has these lines, reading sā tu for साधु, as 3.253.11b*1204, lines 3–6.

Verse 13 (3.270.13)

अनिन्द्यरूपा तु विशालनेत्रा । शरीरतुल्या कुरुपुङ्गवानाम् । केनात्मनाशाय यदापनीता । छिद्रं समासाद्य नरेन्द्रपत्नी ॥

anindyarūpā tu viśālanetrā | śarīratulyā kurupuṅgavānām | kenātmanāśāya yadāpanītā | chidraṃ samāsādya narendrapatnī

"She of flawless beauty and large eyes, as dear to the bulls of the Kurus as their own bodies — who has seized his chance and carried off the king's wife, to his own destruction?"

Note on the text: Removed stray wiki marks (` and ') around the second line. The first line is CE 3.253.11ef; the second is not in the critical edition's constituted text (its apparatus has it, reading vadāpanītā, as 3.253.11b*1206).

Verse 14 (3.270.14)

यद्येव देवी पृथिवीं प्रविष्टा । दिवं प्रपन्नाऽप्यथवा समुद्रम् । तस्या गमिष्यन्ति पदे हि पार्था- । स्तथा हि संतप्यति धर्मराजः ॥

yadyeva devī pṛthivīṃ praviṣṭā | divaṃ prapannā'pyathavā samudram | tasyā gamiṣyanti pade hi pārthā- | stathā hi saṃtapyati dharmarājaḥ

"Even if the queen has entered the earth, or gone up to heaven, or into the ocean, the Parthas will follow in her footsteps, so deeply does the King of Dharma grieve."

Note on the text: Corrected देवीं → देवी (misprint in Wikisource; stray anusvara; the queen is the subject of प्रविष्टा; the critical edition reads devī).

Verse 15 (3.270.15)

को हीदृशानामरिमर्दनानां । क्लेशक्षमाणामपराजितानाम् । प्राणैः समामिष्टतमां जिहीर्षे- । दनुत्तमं रत्नमिव प्रमूढः ॥

ko hīdṛśānāmarimardanānāṃ | kleśakṣamāṇāmaparājitānām | prāṇaiḥ samāmiṣṭatamāṃ jihīrṣe- | danuttamaṃ ratnamiva pramūḍhaḥ

"Who in his folly would try to carry off, like a peerless jewel, the woman these men hold dear as their own lives — men such as these, crushers of their foes, patient in hardship, never defeated?"

Verse 16 (3.270.16)

न बुध्यते नाथवतीमिहाद्य । बहिश्चरं हृदयं पाण्डवानाम् । कस्याद्य कायं प्रतिभिद्य घोरा । महीं प्रवेक्ष्यन्ति शिताः शराग्र्याः ॥

na budhyate nāthavatīmihādya | bahiścaraṃ hṛdayaṃ pāṇḍavānām | kasyādya kāyaṃ pratibhidya ghorā | mahīṃ pravekṣyanti śitāḥ śarāgryāḥ

"He does not see that she has protectors here, that she is the heart of the Pandavas walking outside their bodies. Whose body will the terrible, sharp, choice arrows pierce today before they plunge into the earth?"

Note on the text: The first line is CE 3.253.13ef and the second CE 3.253.14ab; the critical edition divides these six-line verses differently.

Verse 17 (3.270.17)

मा त्वं शुचस्तां प्रति भीरु विद्धि । यथाऽद्य कृष्णा पुनरेष्यतीति । निहत्य सर्वान्द्विषतः समग्रा- । न्पार्थाः समेष्यन्त्यथ याज्ञसेन्या ॥

mā tvaṃ śucastāṃ prati bhīru viddhi | yathā'dya kṛṣṇā punareṣyatīti | nihatya sarvāndviṣataḥ samagrā- | npārthāḥ sameṣyantyatha yājñasenyā

"Do not grieve for her, timid one; know that Krishna will come back today. When they have killed every one of their enemies, the Parthas will be reunited with Yajnaseni."

Note on the text: Corrected समेष्यनत्यथ → समेष्यन्त्यथ (misprint in Wikisource; transposed letters; the critical edition reads sameṣyanty atha). The verse is CE 3.253.14cd–ef.

Verse 18 (3.270.18)

अथाब्रवीच्चारुमुखं प्रमृज्य । धात्रेयिका सारथिमिन्द्रसेनम् । जयद्रथेनापहृता प्रमथ्य । पञ्चेन्द्रकल्पान्परिभूय कृष्णा ॥

athābravīccārumukhaṃ pramṛjya | dhātreyikā sārathimindrasenam | jayadrathenāpahṛtā pramathya | pañcendrakalpānparibhūya kṛṣṇā

Then the maid, wiping her lovely face, said to the charioteer Indrasena, "Jayadratha has carried Krishna off by force, in defiance of the five who are like Indra.

Note on the text: Corrected प्रसृज्य → प्रमृज्य (misprint in Wikisource; स for म; "wiping", the critical edition's pramṛjya); word spacing restored (अपहृता प्रमथ्य). Speaker: narration (the input carried Indrasena over); the last two lines begin the maid's reply, which runs to verse 27.

Verse 19 (3.270.19)

तिष्ठन्ति वर्त्मानि नवान्यमूनि । वृक्षाश्च न म्लान्ति तथैव भग्नाः । आवर्तयध्वं ह्यनुयात शीघ्रं । न दूरयातैव हि राजपुत्री ॥

tiṣṭhanti vartmāni navānyamūni | vṛkṣāśca na mlānti tathaiva bhagnāḥ | āvartayadhvaṃ hyanuyāta śīghraṃ | na dūrayātaiva hi rājaputrī

"These tracks are fresh, and the broken branches have not yet withered. Turn your chariots and follow quickly; the princess cannot have gone far."

Note on the text: Speaker: the maid's speech, continuing the reply begun in verse 18, with no printed heading; the input carried Indrasena over.

Verse 20 (3.270.20)

सन्नह्यध्वं सर्व एवेन्द्रकल्पा । महान्ति चारूणि च दंशनानि । गृह्णीत चापानि महाधनानि । शरांश्च शीघ्रं पदवीं व्रजध्वम् ॥

sannahyadhvaṃ sarva evendrakalpā | mahānti cārūṇi ca daṃśanāni | gṛhṇīta cāpāni mahādhanāni | śarāṃśca śīghraṃ padavīṃ vrajadhvam

"Put on your great and handsome armour, all of you who are like Indra; take up your costly bows and your arrows and go quickly after her."

Note on the text: Speaker: the maid's speech, continuing the reply begun in verse 18, with no printed heading; the input carried Indrasena over.

Verse 21 (3.270.21)

पुरा हि निर्भर्त्सनदण्डमोहिता । प्रमूढचित्ता वदनेन शुष्यता । ददाति कस्मैचिदनर्हते तनुं । वराज्यपूर्णामिव भस्मनि स्रुचम् ॥

purā hi nirbhartsanadaṇḍamohitā | pramūḍhacittā vadanena śuṣyatā | dadāti kasmaicidanarhate tanuṃ | varājyapūrṇāmiva bhasmani srucam

"Hurry, before, stunned by threats and the rod, her mind bewildered and her mouth gone dry, she gives her body to some unworthy man, like a ladle full of the finest ghee emptied onto ashes;"

Note on the text: Speaker: the maid's speech, continuing the reply begun in verse 18, with no printed heading; the input carried Indrasena over.

Verse 22 (3.270.22)

पुरा तुषाग्नाविव हूयते हविः । पुरा श्मशाने स्रगिवापविध्यते । पुरा च सोमोऽध्वरगोऽवलिह्यते । शुना यथा विप्रजने प्रमोहिते ॥

purā tuṣāgnāviva hūyate haviḥ | purā śmaśāne sragivāpavidhyate | purā ca somo'dhvarago'valihyate | śunā yathā viprajane pramohite

"before the oblation is poured as if into a fire of chaff, before the garland is flung down in the cremation ground, before the soma at the sacrifice is licked up by a dog while the brahmins are off their guard;"

Note on the text: Corrected स्रगिवापविद्ध्यते → स्रगिवापविध्यते (misprint in Wikisource; doubled ध्; the critical edition reads apavidhyate). Speaker: the maid's speech, continuing the reply begun in verse 18, with no printed heading; the input carried Indrasena over.

Verse 23 (3.270.23)

पुरा हि पार्थाश्च दृतौ च कापिली । प्रसिच्यते क्षीरधारा यतध्वम् । महत्यरण्ये मृगयां चरित्वा । पुरा सृगालो नलिनीं विगाहते ॥

purā hi pārthāśca dṛtau ca kāpilī | prasicyate kṣīradhārā yatadhvam | mahatyaraṇye mṛgayāṃ caritvā | purā sṛgālo nalinīṃ vigāhate

"before — make haste, Parthas! — the stream of a tawny cow's milk is poured into a leather bag; before, while you roam the great forest hunting, a jackal plunges into the lotus pool;"

Note on the text: Removed stray wiki marks (` and ') around the first two lines. Corrected प्रसिच्छते → प्रसिच्यते (misprint in Wikisource; the passive of सिच्, "is poured"; the apparatus reads prasicyate). The first two lines are not in the critical edition's constituted text (found in the vulgate recension; its apparatus has them as 3.253.19d*1207); the last two are CE 3.253.19ef. Speaker: the maid's speech, continuing the reply begun in verse 18, with no printed heading; the input carried Indrasena over.

Verse 24 (3.270.24)

पुरा हि मन्त्राहुतिपूजितायां । हुताग्निवेद्यां बलिभुङ्निलीयते । श्रुतिं च सम्यक्प्रसृतां महाध्वरे । ग्राम्यो जनो यद्वदसौ न नाशयेत् ॥

purā hi mantrāhutipūjitāyāṃ | hutāgnivedyāṃ balibhuṅnilīyate | śrutiṃ ca samyakprasṛtāṃ mahādhvare | grāmyo jano yadvadasau na nāśayet

"before a crow settles on the altar where the fire has been honoured with mantras and offerings. And just as a boor must not be let spoil the Vedic chant rightly intoned at a great sacrifice,"

Note on the text: Removed stray wiki marks (` and '). Corrected बलिभुङ्गिलीयते → बलिभुङ्निलीयते (misprint in Wikisource; ङ्गि for ङ्नि in बलिभुक् + निलीयते; the apparatus reads balibhuṅ nilīyate). Not in the critical edition's constituted text (found in the vulgate recension); its apparatus has the first two lines as 3.253.19f*1209 and the last two, reading prakṛtiṃ, as 3.253.19f*1208. Speaker: the maid's speech, continuing the reply begun in verse 18, with no printed heading; the input carried Indrasena over.

Verse 25 (3.270.25)

मा वः प्रियायाः सुनसं सुलोचनं । चन्द्रप्रभाच्छं वदनं प्रसन्नम् । स्पृश्याच्छुभं कश्चिदकृत्यकारी । श्वा वै पुरोडाशमिवाध्वरस्थम् ॥

mā vaḥ priyāyāḥ sunasaṃ sulocanaṃ | candraprabhācchaṃ vadanaṃ prasannam | spṛśyācchubhaṃ kaścidakṛtyakārī | śvā vai puroḍāśamivādhvarastham

"so let no evildoer touch your beloved's fair face, with its fine nose and lovely eyes, clear as moonlight and serene, as a dog would touch the sacrificial cake on the altar."

Note on the text: Speaker: the maid's speech, continuing the reply begun in verse 18, with no printed heading; the input carried Indrasena over.

Verse 26 (3.270.26)

एतानि वर्त्मान्यनुयात शीघ्रं । मा वः कालः क्षिप्रमिहात्यगाद्वै ॥

etāni vartmānyanuyāta śīghraṃ | mā vaḥ kālaḥ kṣipramihātyagādvai

"Follow these tracks quickly; do not let the time slip by here."

Note on the text: Half-verse: CE 3.253.20ef, printed by Wikisource as its own verse 26. Speaker: the maid's speech, continuing the reply begun in verse 18, with no printed heading; the input carried Indrasena over.

Verse 27 (3.270.27)

शीघ्रं प्रधावध्वमितो नरेन्द्रा । यावन्न दूरं व्रजतीति पापः । प्रत्याहरध्वं द्विषतां सकाशा- । ल्लक्ष्मीमिव स्वां दयितां नृसिंहाः ॥

śīghraṃ pradhāvadhvamito narendrā | yāvanna dūraṃ vrajatīti pāpaḥ | pratyāharadhvaṃ dviṣatāṃ sakāśā- | llakṣmīmiva svāṃ dayitāṃ nṛsiṃhāḥ

"Run quickly from here, lords of men, before the villain gets far away. Take your beloved back from your enemies, lions among men, as you would your own Fortune."

Note on the text: Removed stray wiki marks (` and '). Not in the critical edition's constituted text (found in the vulgate recension); its apparatus has the first two lines, reading narendro, as 3.253.20f*1210 and the last two as 3.253.20f*1211. Speaker: the maid's speech, continuing the reply begun in verse 18, with no printed heading; the input carried Indrasena over.

Verse 28 (3.270.28)

भद्रे प्रतिक्राम नियच्छ वाचं । माऽस्मत्सकाशे परुषाण्यवोचः । राजानो वा यदि वा राजपुत्रा । बलेन मत्ताः पञ्चतां प्राप्नुवन्ति ॥

bhadre pratikrāma niyaccha vācaṃ | mā'smatsakāśe paruṣāṇyavocaḥ | rājāno vā yadi vā rājaputrā | balena mattāḥ pañcatāṃ prāpnuvanti

"Good woman, step back and hold your tongue; do not speak harsh words in our presence. Kings or princes who are drunk with power meet their death."

Verse 29 (3.270.29)

एतावदुक्त्वा प्रययुर्हि शीघ्रं । तान्येव वर्त्मान्यनुवर्तमानाः । मुहुर्मुहुर्व्यालवदुच्छ्वसन्तो । ज्यां विक्षिपन्तश्च महाधनुर्भ्यः ॥

etāvaduktvā prayayurhi śīghraṃ | tānyeva vartmānyanuvartamānāḥ | muhurmuhurvyālavaducchvasanto | jyāṃ vikṣipantaśca mahādhanurbhyaḥ

Saying this much, they set off quickly, following those same tracks, hissing again and again like snakes and twanging the strings of their great bows.

Verse 30 (3.270.30)

ततोऽपश्यंस्तस्य सैन्यस्य रेणु- । मुद्धूतं वै वाजिखुरप्रणुन्नम् । पदातीनां मध्यगतं च धौम्यं । विक्रोशन्तं भीम पार्थेत्यभीक्ष्णम् ॥

tato'paśyaṃstasya sainyasya reṇu- | muddhūtaṃ vai vājikhurapraṇunnam | padātīnāṃ madhyagataṃ ca dhaumyaṃ | vikrośantaṃ bhīma pārthetyabhīkṣṇam

Then they saw the dust of that army, thrown up by the horses' hooves, and Dhaumya in the midst of the foot-soldiers, crying out again and again, "Bhima! Partha!"

Note on the text: Corrected वाजिस्वुर → वाजिखुर (misprint in Wikisource; स्व for ख; "horses' hooves"; the critical edition reads vājikhura).

Verse 31 (3.270.31)

ते सान्त्व्य धौम्यं परिदीनसत्त्वाः । सुखं भवानेत्विति राजपुत्राः । श्येना यथैवामिषसंप्रयुक्ता । जवेन तत्सैन्यमथाभ्यधावन् ॥

te sāntvya dhaumyaṃ paridīnasattvāḥ | sukhaṃ bhavānetviti rājaputrāḥ | śyenā yathaivāmiṣasaṃprayuktā | javena tatsainyamathābhyadhāvan

The princes, deeply distressed, reassured Dhaumya — "Go on at your ease, sir" — and like hawks swooping on their prey they rushed at that army.

Note on the text: Corrected परिदीनसत्वाः → परिदीनसत्त्वाः (misspelling in Wikisource; the critical edition reads sattvāḥ).

Verse 32 (3.270.32)

तेषां महेन्द्रोपमविक्रमाणां । संरब्धानां धर्षणाद्याज्ञसेन्याः । क्रोधः प्रजज्वाल जयद्रथं च । दृष्ट्वा प्रियां तस्य रथे स्थितां च ॥

teṣāṃ mahendropamavikramāṇāṃ | saṃrabdhānāṃ dharṣaṇādyājñasenyāḥ | krodhaḥ prajajvāla jayadrathaṃ ca | dṛṣṭvā priyāṃ tasya rathe sthitāṃ ca

Those men, whose prowess was like great Indra's, were already enraged at the outrage done to Yajnaseni; when they saw Jayadratha, and their beloved standing in his chariot, their anger blazed up.

Verse 33 (3.270.33)

प्रचुक्रुशुश्चाप्यथ सिन्धुराजं । वृकोदरश्चैव धनंजयश्च । यमौ च राजा च महाधनुर्धरा- । स्ततो दिशः संमुमुहुः परेषाम् ॥

pracukruśuścāpyatha sindhurājaṃ | vṛkodaraścaiva dhanaṃjayaśca | yamau ca rājā ca mahādhanurdharā- | stato diśaḥ saṃmumuhuḥ pareṣām

Wolf-belly and Dhananjaya, the twins and the king, those great archers, shouted at the king of Sindhu, and at that the enemy lost all sense of direction.