Dyumatsena Regains His Kingdom

Verse 1 (3.300.1)

तस्यां रात्र्यां व्यतीतायामुदिते सूर्यमण्डले । कृतपौर्वाह्णिकाः सर्वे समेयुस्ते तपोधनाः ॥

tasyāṃ rātryāṃ vyatītāyāmudite sūryamaṇḍale | kṛtapaurvāhṇikāḥ sarve sameyuste tapodhanāḥ

When that night had passed and the disc of the sun had risen, all those ascetics performed their morning rites and gathered together.

Verse 2 (3.300.2)

तदेव सर्वं सावित्र्या महाभाग्यं महर्षयः । द्युमत्सेनाय नातृप्यन्कथयन्तः पुनः पुनः ॥

tadeva sarvaṃ sāvitryā mahābhāgyaṃ maharṣayaḥ | dyumatsenāya nātṛpyankathayantaḥ punaḥ punaḥ

The great sages could not tire of telling Dyumatsena, again and again, of Savitri's great good fortune.

Note on the text: Corrected द्युम्सेनाय → द्युमत्सेनाय (misprint in Wikisource; dropped akshara त; the critical edition reads dyumatsenāya).

Verse 3 (3.300.3)

ततः प्रकृतयः सर्वाः साल्वेभ्योऽभ्यागता नृपम् । आचख्युर्निहतं चैव स्वेनामात्येन तं द्विषम् ॥

tataḥ prakṛtayaḥ sarvāḥ sālvebhyo'bhyāgatā nṛpam | ācakhyurnihataṃ caiva svenāmātyena taṃ dviṣam

Then all the subjects came from the Shalvas to the king and told him that his enemy had been slain by his own minister.

Note on the text: Corrected साल्वेभ्योऽभ्यागा → साल्वेभ्योऽभ्यागता (misprint in Wikisource; dropped akshara, leaving the quarter a syllable short; the critical edition reads abhyāgatā).

Verse 4 (3.300.4)

तं मन्त्रिणा हतं प्रोच्य ससहायं सबान्धवम् । न्यवेदयन्यथावृत्तं विद्रुतं च द्विषद्बलम् ॥

taṃ mantriṇā hataṃ procya sasahāyaṃ sabāndhavam | nyavedayanyathāvṛttaṃ vidrutaṃ ca dviṣadbalam

Announcing that the usurper had been killed by the minister together with his allies and kinsmen, they related all that had happened, and that the enemy's army had fled.

Verse 5 (3.300.5)

ऐकमत्यं च सर्वस्य जनस्य स्वं नृपं प्रति । सचक्षुर्वाऽप्यचक्षुर्वा स नो राजा भवत्विति ॥

aikamatyaṃ ca sarvasya janasya svaṃ nṛpaṃ prati | sacakṣurvā'pyacakṣurvā sa no rājā bhavatviti

They reported, too, that all the people were of one mind about their own king: "Sighted or blind, let him be our king."

Verse 6 (3.300.6)

अनेन निश्चयेनेह वयं प्रस्थापिता नृप । प्राप्तानीमानि यानानि चतुरङ्गं च ते बलम् ॥

anena niścayeneha vayaṃ prasthāpitā nṛpa | prāptānīmāni yānāni caturaṅgaṃ ca te balam

"With this resolve we have been sent here, O king. These carriages have come for you, and your army of four divisions.

Note on the text: Direct speech of the subjects (प्रकृतयः, verse 3) with no printed heading; given to them rather than to Markandeya. The printed heading मार्कण्डेय उवाच before verse 8 marks the return to narration.

Verse 7 (3.300.7)

प्रयाहि राजन्भद्रं ते घुष्टस्ते नगरे जयः । अध्यास्स्व चिररात्राय पितृपैतामहं पदम् ॥

prayāhi rājanbhadraṃ te ghuṣṭaste nagare jayaḥ | adhyāssva cirarātrāya pitṛpaitāmahaṃ padam

Set out, O king, and good fortune be with you! Your victory has been proclaimed in the city. Occupy for many long years the seat of your fathers and forefathers."

Verse 8 (3.300.8)

चक्षुष्मन्तं च तं दृष्ट्वा राजानं वपुषाऽन्वितम् । मूर्ध्ना निपतिताः सर्वेविस्मयोत्फुल्ललोचनाः ॥

cakṣuṣmantaṃ ca taṃ dṛṣṭvā rājānaṃ vapuṣā'nvitam | mūrdhnā nipatitāḥ sarvevismayotphullalocanāḥ

Seeing the king with his sight restored and his body fair to look upon, they all bowed their heads to the ground, their eyes wide with wonder.

Verse 9 (3.300.9)

ततोऽभिवाद्य तान्वृद्धान्द्विजानाश्रमवासिनः । तैश्चाभिपूजितः सर्वैः प्रययौ नगरं प्रति ॥

tato'bhivādya tānvṛddhāndvijānāśramavāsinaḥ | taiścābhipūjitaḥ sarvaiḥ prayayau nagaraṃ prati

Then, saluting the aged brahmins who lived in the hermitage, and honoured by them all, he set out for the city.

Note on the text: Corrected तोऽभिवाद्य → ततोऽभिवाद्य (misprint in Wikisource; dropped akshara at the start of the verse; the critical edition reads tato 'bhivādya).

Verse 10 (3.300.10)

शैव्या च सह सावित्र्या स्वास्तीर्णेन सुवर्चसा । नरयुक्तेन यानेन प्रययौ सेनया वृता ॥

śaivyā ca saha sāvitryā svāstīrṇena suvarcasā | narayuktena yānena prayayau senayā vṛtā

Shaibya, with Savitri, travelled in a splendid carriage, well spread with cushions and borne by men, surrounded by the army.

Verse 11 (3.300.11)

ततोऽभिषिषिचुः प्रीत्या द्युमत्सेनं पुरोहिताः । पुत्रं चास्य महात्मानं यौवराज्येऽभ्यषेचयन् ॥

tato'bhiṣiṣicuḥ prītyā dyumatsenaṃ purohitāḥ | putraṃ cāsya mahātmānaṃ yauvarājye'bhyaṣecayan

Then the priests joyfully anointed Dyumatsena as king, and they consecrated his great-souled son as crown prince.

Verse 12 (3.300.12)

ततः कालेन महता सावित्र्याः कीर्तिवर्धनम् । तद्वै पुत्रशतं जज्ञे शूराणामनिवर्तिनाम् ॥

tataḥ kālena mahatā sāvitryāḥ kīrtivardhanam | tadvai putraśataṃ jajñe śūrāṇāmanivartinām

After a long time a hundred sons were born to Savitri, brave warriors who never turned back, increasing her fame.

Verse 13 (3.300.13)

भ्रातृणां सोदराणां च तथैवास्याभवच्छतम् । मद्राधिपस्याश्वपतेर्मालव्यां सुमहाबलम् ॥

bhrātṛṇāṃ sodarāṇāṃ ca tathaivāsyābhavacchatam | madrādhipasyāśvapatermālavyāṃ sumahābalam

And likewise a hundred mighty brothers of the same womb were born to her, sons of Ashvapati, lord of the Madras, by Malavi.

Verse 14 (3.300.14)

एवमात्मा पिता माता श्वश्रूः श्वशुर एव च । भर्तुः कुलं च सावित्र्या सर्वं कृच्छ्रात्समुद्धृतं ॥

evamātmā pitā mātā śvaśrūḥ śvaśura eva ca | bhartuḥ kulaṃ ca sāvitryā sarvaṃ kṛcchrātsamuddhṛtaṃ

Thus Savitri rescued from hardship herself, her father and mother, her mother-in-law and father-in-law, and her husband's whole line.

Verse 15 (3.300.15)

तथैवैषा हि कल्याणी द्रौपदी शीलसंमता । तारयिष्यति वः सर्वान्सावित्रीव कुलाङ्गना ॥

tathaivaiṣā hi kalyāṇī draupadī śīlasaṃmatā | tārayiṣyati vaḥ sarvānsāvitrīva kulāṅganā

In the same way this auspicious Draupadi, esteemed for her character, will save all of you, like the noble Savitri.

Verse 16 (3.300.16)

एवं स पाण्डवस्तेन अनुनीतो महात्मना । विशोको विज्वरो राजन्काम्यके न्यवसत्तदा ॥

evaṃ sa pāṇḍavastena anunīto mahātmanā | viśoko vijvaro rājankāmyake nyavasattadā

Consoled in this way by that great-souled sage, the son of Pandu lived on in the Kamyaka forest, free of sorrow and anxiety, O king.

Verse 17 (3.300.17)

यश्चेदं शृणुयाद्भक्त्या सावित्र्याख्यानमुत्तमम् । स सुखी सर्वसिद्धार्थो न दुःखं प्राप्नुयान्नरः ॥

yaścedaṃ śṛṇuyādbhaktyā sāvitryākhyānamuttamam | sa sukhī sarvasiddhārtho na duḥkhaṃ prāpnuyānnaraḥ

Whoever listens with devotion to this excellent tale of Savitri will be happy, will succeed in all his aims, and will never meet with sorrow.

Note on the text: Not in the critical edition's constituted text (found in the vulgate recension); the critical edition has it only in its apparatus as star passage 1333, after 3.283.16.