Savitri Returns and Tells the Sages

Verse 1 (3.299.1)

एतस्मिन्नेव काले तु द्युमत्सेनो महाबलः । लब्धचक्षुः प्रसन्नायां दृष्ट्यां सर्वं ददर्श ह ॥

etasminneva kāle tu dyumatseno mahābalaḥ | labdhacakṣuḥ prasannāyāṃ dṛṣṭyāṃ sarvaṃ dadarśa ha

At that very time mighty Dyumatsena regained his sight; with his vision now clear, he saw everything.

Verse 2 (3.299.2)

स सर्वानाश्रमान्गत्वा शैब्यया सह भार्यया । पुत्रहेतोः परामार्तिं जगाम भरतर्षभ ॥

sa sarvānāśramāngatvā śaibyayā saha bhāryayā | putrahetoḥ parāmārtiṃ jagāma bharatarṣabha

Going round all the hermitages with his wife Shaibya, he fell into the deepest distress on account of his son, O bull among the Bharatas.

Verse 3 (3.299.3)

तावाश्रमान्नदीश्चैववनानि च सरांसि च । तस्यां निशि विचिन्वन्तौ दम्पती परिजग्मतुः ॥

tāvāśramānnadīścaivavanāni ca sarāṃsi ca | tasyāṃ niśi vicinvantau dampatī parijagmatuḥ

All that night the couple wandered about, searching the hermitages, the rivers, the woods and the lakes.

Verse 4 (3.299.4)

श्रुत्वा शब्दं तु यं कंचिदुन्मुखौ सुतशङ्कया । सावित्रीसहितोऽभ्येति सत्यवानित्यभाषताम् ॥

śrutvā śabdaṃ tu yaṃ kaṃcidunmukhau sutaśaṅkayā | sāvitrīsahito'bhyeti satyavānityabhāṣatām

Whenever they heard any sound, they looked up, thinking it was their son, and said, "Here comes Satyavan with Savitri!"

Verse 5 (3.299.5)

भिन्नैश्च परुषैः पादैः सव्रणैः शोणितोक्षितैः । कुशकण्टकविद्धाङ्गावुन्मत्ताविव धावतः ॥

bhinnaiśca paruṣaiḥ pādaiḥ savraṇaiḥ śoṇitokṣitaiḥ | kuśakaṇṭakaviddhāṅgāvunmattāviva dhāvataḥ

Their feet cracked, rough, sore and smeared with blood, their limbs pierced by kusha grass and thorns, they ran about like people out of their minds.

Note on the text: Corrected कुशकणअटकविद्धाङ्गावुनमत्ताविव → कुशकण्टकविद्धाङ्गावुन्मत्ताविव (misprint in Wikisource; broken conjuncts ण्ट and न्म; the critical edition reads kuśakaṇṭakaviddhāṅgāv unmattāv iva).

Verse 6 (3.299.6)

ततोऽभिसृत्य तैर्विप्रैः सर्वैराश्रमवासिभिः । परिवार्य समाश्वास्य तावानीतौ स्वमाश्रमम् ॥

tato'bhisṛtya tairvipraiḥ sarvairāśramavāsibhiḥ | parivārya samāśvāsya tāvānītau svamāśramam

Then all the brahmins who lived in the hermitages came up to them, gathered round, comforted them and brought them back to their own hermitage.

Verse 7 (3.299.7)

तत्रभार्यासहायः स वृतो वृद्धैस्तपोधनैः । आश्वासितोऽपि चित्रार्थैः पूर्वराजकथाश्रयैः ॥

tatrabhāryāsahāyaḥ sa vṛto vṛddhaistapodhanaiḥ | āśvāsito'pi citrārthaiḥ pūrvarājakathāśrayaiḥ

There, with his wife beside him and surrounded by aged ascetics, the king was consoled with wonderful tales drawn from the stories of kings of old.

Note on the text: Corrected आश्वासितोपि → आश्वासितोऽपि (missing avagraha).

Verse 8 (3.299.8)

ततस्तौ पुनराश्वस्तौ वृद्धौ पुत्रदिदृक्षया । बाल्यवृत्तानि पुत्रस्य सावित्र्या दर्शनानि च । शोकं जग्मतुरन्योन्यं स्मरन्तौ भृशदुःखितौ ॥

tatastau punarāśvastau vṛddhau putradidṛkṣayā | bālyavṛttāni putrasya sāvitryā darśanāni ca | śokaṃ jagmaturanyonyaṃ smarantau bhṛśaduḥkhitau

Yet, though comforted, the two old people, longing to see their son, recalled his childhood doings and the sight of Savitri, and remembering them sank together into grief, deeply distressed.

Note on the text: Wikisource has three lines here against two in the critical edition (3.282.8: tatas tau punar āśvastau vṛddhau putradidṛkṣayā / bālye vṛttāni putrasya smarantau bhṛśaduḥkhitau); the extra words सावित्र्या दर्शनानि च / शोकं जग्मतुरन्योन्यं appear in the critical edition only in its apparatus (star passage 1330, after 3.282.8c).

Verse 9 (3.299.9)

हापुत्र हासाध्वि वधु क्वासिक्वासीत्यरोदताम् । ब्राह्मणः सत्यवाक्तेषामुवाचेदं तयोर्वचः ॥

hāputra hāsādhvi vadhu kvāsikvāsītyarodatām | brāhmaṇaḥ satyavākteṣāmuvācedaṃ tayorvacaḥ

"Ah, son! Ah, virtuous daughter-in-law! Where are you, where are you?" they wept. Then a brahmin among them, truthful in speech, spoke these words to the two of them.

Note on the text: Corrected सत्यवाक्येषामुवाच → सत्यवाक्तेषामुवाच (misprint in Wikisource; य for त, the relative pronoun has no sense here; the critical edition apparatus reads satyavāk teṣām). Line 1 answers to the critical edition 3.282.9cd; the critical edition's 9ab (punar uktvā ca karuṇāṃ vācaṃ tau śokakarśitau) is absent here, and line 2 is found in the critical edition only in its apparatus (star passage 1331, after 3.282.9).

Verse 10 (3.299.10)

यथास्य भार्या सावित्री तपसा च दमेन च । आचारेण च संयुक्ता तथा जीवति सत्यवान् ॥

yathāsya bhāryā sāvitrī tapasā ca damena ca | ācāreṇa ca saṃyuktā tathā jīvati satyavān

"As his wife Savitri is endowed with austerity, self-restraint and good conduct, so surely Satyavan is alive."

Verse 11 (3.299.11)

वेदाः साङ्गा मयाऽधीतास्तपो मे संचितं महत् । कौमारब्रह्मचर्यं च गुरवोऽग्निश्च तोषिताः ॥

vedāḥ sāṅgā mayā'dhītāstapo me saṃcitaṃ mahat | kaumārabrahmacaryaṃ ca guravo'gniśca toṣitāḥ

"I have studied the Vedas with their limbs, I have gathered great austerity, I have kept celibacy from boyhood, and I have satisfied my teachers and the sacred fire.

Note on the text: The Gautama speaker heading before this verse carries the row id "3-83-299x" on the Wikisource page — a typo for 3-299-11x; the heading is genuine (the critical edition also has gautama uvāca at 3.282.11) and is kept.

Verse 12 (3.299.12)

समाहितेन चीर्णानि सर्वाण्येव व्रतानि मे । वायुभक्षोपवासश्च कृतोमे विधिवत्सदा ॥

samāhitena cīrṇāni sarvāṇyeva vratāni me | vāyubhakṣopavāsaśca kṛtome vidhivatsadā

With a collected mind I have kept every vow, and I have always duly observed fasts, living on air alone.

Verse 13 (3.299.13)

अनेन तपसा वेद्मि सर्वं परचिकीर्षितम् । सत्यमेतन्निबोधध्वं ध्रियते सत्यवानिति ॥

anena tapasā vedmi sarvaṃ paracikīrṣitam | satyametannibodhadhvaṃ dhriyate satyavāniti

By this austerity I know whatever others intend to do. Know this for the truth: Satyavan is alive."

Note on the text: Corrected परचीकीर्षितम् → परचिकीर्षितम् (misprint in Wikisource; long ī in the desiderative stem; the critical edition reads the variant paricikīrṣitam).

Verse 14 (3.299.14)

उपाध्यायस्य मे वक्त्राद्यथा वाक्यं विनिःसृतम् । नैव जातु भवेन्मिथ्या तथा जीवति सत्यवान् ॥

upādhyāyasya me vaktrādyathā vākyaṃ viniḥsṛtam | naiva jātu bhavenmithyā tathā jīvati satyavān

"As no word that has come from my teacher's mouth can ever prove false, so surely Satyavan is alive."

Note on the text: Corrected वक्राद् → वक्त्राद् (misprint in Wikisource; वक्र "crooked" for वक्त्र "mouth"; the critical edition reads vaktrād).

Verse 15 (3.299.15)

यथाऽस्य भार्या सावित्री सर्वैरेव सुलक्षणैः । अवैधव्यकरैर्युक्ता तथा जीवति सत्यवान् ॥

yathā'sya bhāryā sāvitrī sarvaireva sulakṣaṇaiḥ | avaidhavyakarairyuktā tathā jīvati satyavān

"As his wife Savitri bears all the auspicious marks that keep a woman from widowhood, so surely Satyavan is alive."

Verse 16 (3.299.16)

यथाऽस्य भार्या सावित्री तपसा च दमेन च । आचारेण च संयुक्ता तथा जीवति सत्यवान् ॥

yathā'sya bhāryā sāvitrī tapasā ca damena ca | ācāreṇa ca saṃyuktā tathā jīvati satyavān

"As his wife Savitri is endowed with austerity, self-restraint and good conduct, so surely Satyavan is alive."

Verse 17 (3.299.17)

यथा दृष्टिः प्रवृत्ता ते सावित्र्याश्च यथा व्रतम् । गताऽऽहारमकृत्वैव तथा जीवति सत्यवान् ॥

yathā dṛṣṭiḥ pravṛttā te sāvitryāśca yathā vratam | gatā''hāramakṛtvaiva tathā jīvati satyavān

"As your sight has returned to you, and as Savitri, keeping her vow, went with him without taking food, so surely Satyavan is alive."

Note on the text: The speaker heading "दाल्भ्या रउवाच" (a misprint of दाल्भ्य उवाच) had slipped into the text of this verse; removed and made the speaker (Dalbhya, as in the critical edition 3.282.17).

Verse 18 (3.299.18)

यथा वदन्ति शान्तायां दिशि वै मृगपक्षिणः । पार्थिवीं चैववृद्धिं ते तथा जीवति सत्यवान् ॥

yathā vadanti śāntāyāṃ diśi vai mṛgapakṣiṇaḥ | pārthivīṃ caivavṛddhiṃ te tathā jīvati satyavān

"As the beasts and birds cry out in a calm quarter of the sky, foretelling your royal fortune, so surely Satyavan is alive."

Note on the text: Wikisource gives this verse to Apastamba; the critical edition gives it to Mandavya (māṇḍavya uvāca). The Wikisource speaker is kept.

Verse 19 (3.299.19)

सर्वैर्गुणैरुपेतस्ते यथा पुत्रो जनप्रियः । दीर्घायुर्लक्षणोपेतस्तथा जीवति सत्यवान् ॥

sarvairguṇairupetaste yathā putro janapriyaḥ | dīrghāyurlakṣaṇopetastathā jīvati satyavān

"As your son is endowed with every virtue, beloved of the people and marked with the signs of long life, so surely Satyavan is alive."

Note on the text: Corrected स्यवान् → सत्यवान् (misprint in Wikisource; dropped akshara; the critical edition reads satyavān).

Verse 20 (3.299.20)

एवमाश्वासितस्तैस्तु सत्यवाग्भिस्तपस्विभिः । तांस्तान्विगणयन्सर्वांस्ततः स्थिर इवाभवत् ॥

evamāśvāsitastaistu satyavāgbhistapasvibhiḥ | tāṃstānvigaṇayansarvāṃstataḥ sthira ivābhavat

Comforted in this way by those truthful ascetics, and weighing what each of them had said, the king grew somewhat calm.

Verse 21 (3.299.21)

ततो मुहूर्तात्सावित्री भर्त्रा सत्यवता सह । आजगामाश्रमं रात्रौ प्रहृष्टा प्रविवेश ह ॥

tato muhūrtātsāvitrī bhartrā satyavatā saha | ājagāmāśramaṃ rātrau prahṛṣṭā praviveśa ha

Then, after a short while, Savitri came to the hermitage in the night together with her husband Satyavan, and entered it joyfully.

Note on the text: Corrected सत्वता → सत्यवता (misprint in Wikisource; dropped akshara; the critical edition reads satyavatā).

Verse 22 (3.299.22)

दृष्ट्वा चोत्पतिताः सर्वेहर्षं जग्मुश्च ते द्विजाः । कण्ठं माता पिता चास्य समालिङ्ग्याभ्यरोदतां ॥

dṛṣṭvā cotpatitāḥ sarveharṣaṃ jagmuśca te dvijāḥ | kaṇṭhaṃ mātā pitā cāsya samāliṅgyābhyarodatāṃ

Seeing them, all the twice-born sprang up and rejoiced, and his mother and father threw their arms round his neck and wept.

Note on the text: Not in the critical edition's constituted text (found in the vulgate recension); the critical edition has it only in its apparatus as star passage 1332, after 3.282.21. Removed the stray wiki marks (` and ') that set it off in Wikisource.

Verse 23 (3.299.23)

पुत्रेण संगतं त्वां तु चक्षुष्मन्तं निरीक्ष्य च । सर्वे वयं वै पृच्छामो वृद्धिं वै पृथिवीपते ॥

putreṇa saṃgataṃ tvāṃ tu cakṣuṣmantaṃ nirīkṣya ca | sarve vayaṃ vai pṛcchāmo vṛddhiṃ vai pṛthivīpate

"Seeing you reunited with your son and with your sight restored, all of us wish you joy and prosperity, O lord of the earth.

Verse 24 (3.299.24)

समागमेन पुत्रस्य सावित्र्या दर्शनेन च । चक्षुषश्चात्मनो लाभात्त्रिभिर्दिष्ट्या विवर्धसे ॥

samāgamena putrasya sāvitryā darśanena ca | cakṣuṣaścātmano lābhāttribhirdiṣṭyā vivardhase

By your reunion with your son, by seeing Savitri, and by regaining your own eyes — by these three, happily, you prosper.

Note on the text: Corrected लाभात्रिभिर्दिष्ठ्या → लाभात्त्रिभिर्दिष्ट्या (misprint in Wikisource; dropped त् of लाभात् before त्रिभिः, and ठ for ट in दिष्ट्या; the critical edition reads lābhāt tribhir diṣṭyā).

Verse 25 (3.299.25)

सर्वैरस्माभिरुक्तं यत्तथा तन्नात्रसंशयः । भूयोभूयः समृद्धिस्ते क्षिप्रमेव भविष्यति ॥

sarvairasmābhiruktaṃ yattathā tannātrasaṃśayaḥ | bhūyobhūyaḥ samṛddhiste kṣiprameva bhaviṣyati

What all of us said has come true; there is no doubt of it. Your prosperity will grow again and again, and soon."

Verse 26 (3.299.26)

ततोऽग्निं तत्र संज्वाल्य द्विजास्ते सर्व एव हि । उपासांचक्रिरे पार्थ द्युमत्सेनं महीपतिम् ॥

tato'gniṃ tatra saṃjvālya dvijāste sarva eva hi | upāsāṃcakrire pārtha dyumatsenaṃ mahīpatim

Then all those twice-born kindled a fire there and sat in attendance on King Dyumatsena, O Partha.

Verse 27 (3.299.27)

शैव्या च सत्यवांश्चैव सावित्री चैकतः स्थिताः । सर्वैस्तैरभ्यनुज्ञाता विशोकाः समुपाविशन् ॥

śaivyā ca satyavāṃścaiva sāvitrī caikataḥ sthitāḥ | sarvaistairabhyanujñātā viśokāḥ samupāviśan

Shaibya, Satyavan and Savitri stood together to one side; then, with the leave of them all, they sat down, free of sorrow.

Note on the text: Corrected विशोका → विशोकाः (misprint in Wikisource; dropped visarga of the nominative plural; the critical edition reads viśokāḥ).

Verse 28 (3.299.28)

ततो राज्ञा सहासीनाः सर्वे ते वनवासिनः । जातकौतूहलाः पार्थ पप्रच्छुर्नृपतेः सुतम् ॥

tato rājñā sahāsīnāḥ sarve te vanavāsinaḥ | jātakautūhalāḥ pārtha papracchurnṛpateḥ sutam

Then all those forest-dwellers, seated with the king and full of curiosity, questioned the king's son, O Partha.

Verse 29 (3.299.29)

प्रागेव नागतं कस्मात्सभार्येण त्वया विभो । विरात्रे चागतं कस्मात्कोनु बन्धस्तवाभवत् ॥

prāgeva nāgataṃ kasmātsabhāryeṇa tvayā vibho | virātre cāgataṃ kasmātkonu bandhastavābhavat

"Why did you not come back earlier with your wife, lord? Why have you returned so late in the night? What held you back?

Note on the text: Direct speech of the forest-dwellers (वनवासिनः, introduced in verse 28) with no printed heading; given to them rather than to Markandeya.

Verse 30 (3.299.30)

संतापितः पिता माता वयं चैव नृपात्मज । कस्मादिति न जानीमस्तत्सर्वं वक्तुमर्हसि ॥

saṃtāpitaḥ pitā mātā vayaṃ caiva nṛpātmaja | kasmāditi na jānīmastatsarvaṃ vaktumarhasi

Your father and mother were tormented with worry, and so were we, prince. We do not know the reason; you should tell us all of it."

Note on the text: Corrected वक्तुमर्हिसि → वक्तुमर्हसि (misprint in Wikisource; the critical edition reads vaktum arhasi). Speech of the forest-dwellers continued from verse 29.

Verse 31 (3.299.31)

पित्राऽहमभ्यनुज्ञातः सावित्रीसहितो गतः । अथ मेऽभूच्छिरोदुःखं वने काष्ठानि भिन्दतः ॥

pitrā'hamabhyanujñātaḥ sāvitrīsahito gataḥ | atha me'bhūcchiroduḥkhaṃ vane kāṣṭhāni bhindataḥ

"With my father's leave I went out with Savitri. Then, as I was splitting wood in the forest, a pain came into my head.

Verse 32 (3.299.32)

सुप्तश्चाहं वेदनया चिरमित्युपलक्षये । तावत्कालं न च मया सुप्तपूर्वं कदाचन ॥

suptaścāhaṃ vedanayā ciramityupalakṣaye | tāvatkālaṃ na ca mayā suptapūrvaṃ kadācana

Because of the pain I fell asleep, and I believe I slept a long while; never before have I slept for so long.

Verse 33 (3.299.33)

सर्वेषामेव भवतां संतापो मा भवेदिति । अतो विरात्रागमनं नान्यदस्तीह कारणम् ॥

sarveṣāmeva bhavatāṃ saṃtāpo mā bhavediti | ato virātrāgamanaṃ nānyadastīha kāraṇam

I would not have any of you distressed; this is why I came back so late, and there is no other reason."

Verse 34 (3.299.34)

अकस्माच्चक्षुः प्राप्तिर्द्युमत्सेनस्य ते पितुः । नास्य त्वं कारणं वेत्सि सावित्री वक्तुमर्हति ॥

akasmāccakṣuḥ prāptirdyumatsenasya te pituḥ | nāsya tvaṃ kāraṇaṃ vetsi sāvitrī vaktumarhati

"Your father Dyumatsena has suddenly regained his sight. You do not know the cause of it; Savitri should tell it.

Verse 35 (3.299.35)

श्रोतुमिच्छामि सावित्रि त्वं हि वेत्थ परावरम् । त्वां हि जानामि सावित्रि सावित्रीमिव तेजसा ॥

śrotumicchāmi sāvitri tvaṃ hi vettha parāvaram | tvāṃ hi jānāmi sāvitri sāvitrīmiva tejasā

I wish to hear it, Savitri, for you know both the higher and the lower truth. I know you, Savitri, to be like the goddess Savitri in radiance.

Verse 36 (3.299.36)

त्वमत्र हेतुं जानीषे तस्मात्सत्यं निरुच्यताम् । रहस्यं यदि ते नास्ति किंचिदत्र वदस्व नः ॥

tvamatra hetuṃ jānīṣe tasmātsatyaṃ nirucyatām | rahasyaṃ yadi te nāsti kiṃcidatra vadasva naḥ

You know the cause of this, so let the truth be told. If there is nothing secret in it, tell us."

Verse 37 (3.299.37)

एवमेतद्यथा वेत्थ संकल्पो नान्यथा हि वः । न हि किंचिद्रहस्यं मे श्रूयतां तथ्यमेव यत् ॥

evametadyathā vettha saṃkalpo nānyathā hi vaḥ | na hi kiṃcidrahasyaṃ me śrūyatāṃ tathyameva yat

"It is just as you suppose; your thought is not mistaken. I have no secret; hear the plain truth.

Verse 38 (3.299.38)

मृत्युर्मे पत्युराख्यातो नारदेन महात्मना । स चाद्य दिवसः प्राप्तस्ततो नैनं जहाम्यहम् ॥

mṛtyurme patyurākhyāto nāradena mahātmanā | sa cādya divasaḥ prāptastato nainaṃ jahāmyaham

The great-souled Narada had foretold my husband's death, and today that day had come; that is why I would not leave his side.

Verse 39 (3.299.39)

सुप्तं चैनं यमः साक्षादुपागच्छत्सकिंकरः । स एनमनयद्बद्ध्वा दिशं पितृनिषेविताम् ॥

suptaṃ cainaṃ yamaḥ sākṣādupāgacchatsakiṃkaraḥ | sa enamanayadbaddhvā diśaṃ pitṛniṣevitām

As he slept, Yama himself came with his attendants, bound him and led him away towards the region where the ancestors dwell.

Note on the text: Restored from the critical edition (3.282.38): Wikisource has lost the word यमः from the first quarter, leaving it two syllables short and the verb without its subject (critical edition: suptaṃ cainaṃ yamaḥ sākṣād upāgacchat sakiṃkaraḥ).

Verse 40 (3.299.40)

अस्तौषं तमहं देवं सत्येन वचसा विभुम् । पञ्च वै तेन मे दत्ता वराः शृणुत तान्मम ॥

astauṣaṃ tamahaṃ devaṃ satyena vacasā vibhum | pañca vai tena me dattā varāḥ śṛṇuta tānmama

I praised that mighty god with truthful words, and he granted me five boons. Hear them from me.

Verse 41 (3.299.41)

चक्षुषी च स्वराज्यंच द्वौ वरौ श्वशुरस्य मे । लब्धं पितुः पुत्रशतं पुत्राणां चात्मनः शतम् ॥

cakṣuṣī ca svarājyaṃca dvau varau śvaśurasya me | labdhaṃ pituḥ putraśataṃ putrāṇāṃ cātmanaḥ śatam

Two boons were for my father-in-law: his eyes and his own kingdom. For my father I won a hundred sons, and for myself a hundred sons.

Verse 42 (3.299.42)

चतुर्वर्षशतायुर्मे भर्ता लब्धश्च सत्यवान् । भर्तुर्हि जीवितार्थं तु मया चीर्णं त्विदं व्रतम् ॥

caturvarṣaśatāyurme bhartā labdhaśca satyavān | bharturhi jīvitārthaṃ tu mayā cīrṇaṃ tvidaṃ vratam

And I won back my husband Satyavan, with a life of four hundred years. It was for my husband's life that I kept this vow.

Verse 43 (3.299.43)

एतत्सर्वं मयाऽऽख्यातं कारणं विस्तरेण वः । यथावृत्तं सुखोदर्कमिदं दुःखं महन्मम ॥

etatsarvaṃ mayā''khyātaṃ kāraṇaṃ vistareṇa vaḥ | yathāvṛttaṃ sukhodarkamidaṃ duḥkhaṃ mahanmama

I have told you all of it, the whole cause, in detail: how this great sorrow of mine has come to a happy end."

Note on the text: Corrected विस्तरण → विस्तरेण (misprint in Wikisource; dropped vowel sign; the critical edition reads vistareṇa).

Verse 44 (3.299.44)

निमज्जमानं व्यसनैरभिद्रुतं । कुलं नरेन्द्रस्य तमोमये ह्रदे । त्वया सुशीलव्रतपुण्यया कुलं । समुद्धृतं साध्वि पुनः कुलीनया ॥

nimajjamānaṃ vyasanairabhidrutaṃ | kulaṃ narendrasya tamomaye hrade | tvayā suśīlavratapuṇyayā kulaṃ | samuddhṛtaṃ sādhvi punaḥ kulīnayā

"The king's house, assailed by misfortunes and sinking in a lake of darkness, has been lifted out again by you, virtuous lady of noble birth, through the merit of your good conduct and your vows."

Note on the text: Corrected निमज्ज्मानं → निमज्जमानं, नरन्द्रस्य → नरेन्द्रस्य and रसमुद्धृतं → समुद्धृतं (misprints in Wikisource; broken conjunct, dropped vowel sign and a stray र; the critical edition reads nimajjamānaṃ, narendrasya, samuddhṛtaṃ).

Verse 45 (3.299.45)

तथा प्रशस्य ह्यभिपूज्य चैव ते । वरस्त्रियं तामृषयः समागताः । नरेन्द्रमामन्त्र्य सपुत्रमञ्जसा । शिवेन जग्मुर्मुदिताः स्वमालयम् ॥

tathā praśasya hyabhipūjya caiva te | varastriyaṃ tāmṛṣayaḥ samāgatāḥ | narendramāmantrya saputramañjasā | śivena jagmurmuditāḥ svamālayam

Having thus praised and honoured that excellent woman, the assembled sages took leave of the king and his son and went home quickly, safely and in joy.

Note on the text: Restored ते at the end of the first quarter from the critical edition (3.282.44: tathā praśasya hy abhipūjya caiva te); Wikisource's quarter was one syllable short of the metre. Corrected सपुत्रभञ्जसा → सपुत्रमञ्जसा and रजग्मुर्मुदिताः → जग्मुर्मुदिताः (misprints in Wikisource; भ for म and a stray र; the critical edition reads saputram añjasā … jagmur).